సాక్షి, హిమాయత్‌నగర్‌(హైదరాబాద్‌): బాడీ మసాజ్‌ కోసం ‘లొకాంటో’ స్పాసైట్‌లో సెర్చ్‌ చేసి యువకుడికి భారీ టోకరా వేశారు లొకాంటో ప్రతినిధులు. మసాజ్‌ చేసేందుకు అందమైన అమ్మాయిలను ఇంటికి పంపిస్తానంటూ మోసం చేశారు. గంటకు రూ. 2 వేల నుంచి రూ. 10 వేల వరకు చార్జ్‌ చేస్తారన్నారు. అందమైన అమ్మాయిని బట్టి రేటు ఉంటుందన్నారు. అందమైన అమ్మాయిల ఫొటోలు పంపి ఎర వేశారు. ఇలా పలు దఫాలుగా అమాయకుడి నుంచి రూ. 1.90 లక్షలు కాజేశారు. అంత పంపినా మసాజ్‌కు అమ్మాయిని పంపకుండా కాలయాపన చేస్తుండటంతో మోసపోయినట్లు గుర్తించి సిటీ సైబర్‌ క్రైం పోలీసులకు ఫిర్యాదు చేశాడు. కేసు నమోదు చేసిన పోలీసులు దర్యాప్తు చేస్తున్నట్లు ఎస్‌ఐ శ్రీనివాస్‌ తెలిపారు.  ఇన్వెస్ట్‌మెంట్‌ పేరుతో...  ఇన్వెస్ట్‌మెంట్‌ పేరుతో తనని మోసం చేశారంటూ నగర వాసి మంగళవారం సిటీ సైబర్‌ క్రైం పోలీసుల్ని ఆశ్రయించాడు. ఇన్వెస్ట్‌ చేస్తే అధిక లాభాలు వస్తాయంటూ నమ్మించి రూ. 2.20 లక్షలు పెట్టుబడి పెట్టింగా.. ఒక్క రూపాయి కూడా లాభం రాలేదని ఫిర్యాదు చేశాడు.  క్రెడిట్‌ కార్డు అప్‌డేట్‌ పేరుతో...  క్రెడిట్‌ కార్డ్‌ అప్‌డేట్‌ పేరుతో తనని మోసం చేశారంటూ బాధితుడు పోలీసులకు ఫిర్యాదు చేశాడు. సీవీవీ తెలుసుకుని ఓటీపీ చెప్పడంతో అకౌంట్‌లో నుంచి రూ. 1.02 లక్షలు కాజేశాడు. కేసు నమోదు చేసిన పోలీసులు దర్యాప్తు చేస్తున్నారు.   

హిమాయత్‌నగర్‌: మసాజ్‌ సెంటర్‌ పేరుతో గుట్టుచప్పుడు కాకుండా వ్యభిచారం నిర్వహిస్తున్న స్థావరంపై టాస్క్‌ఫోర్స్, నారాయణగూడ పోలీసులు సంయుక్తంగా దాడి చేసి, నిర్వాహకుడు పజ్జూరి వెంకటేష్‌ పాటు ముగ్గురు యువతులు, ఇద్దరు యువకులను అదుపులోకి తీసుకున్నారు. ఎస్‌ఐ కరుణాకర్‌రెడ్డి కథనం మేరకు వివరాలిలా ఉన్నాయి. విఠల్‌వాడీ ఎక్స్‌రోడ్డులో రాజశేకర్‌ అనే వ్యక్తి ‘ థ్యాంక్యూ రిఫ్రెష్‌బ్యూటీ అండ్‌ హెల్త్‌ కేర్‌’ పేరుతో బ్యూటీపార్లర్, మసాజ్‌ నిర్వహిస్తున్నాడు. ఇందులో క్రాస్‌ మసాజ్‌తో పాటు, వ్యభిచారాన్ని నిర్వహిస్తున్నట్లు సమాచారం అందడంతో  టాస్క్‌ఫోర్స్‌ పోలీసులు, స్థానిక పోలీసులతో కలిసి మంగళవారం దాడులు నిర్వహించారు. ఈ సందర్భంగా  ముగ్గురు యువతులు, ఇద్దరు యువకులను అదుపు లోకి తీసుకున్నారు. యువతులను రెస్యూ్య హోంకు తరలించినట్లు ఎస్‌ఐ తెలిపారు.

కృష్ణాజిల్లా, గుణదల (విజయవాడ తూర్పు) : మసాజ్‌ సెంటర్‌ల ముసుగులో గుట్టు చప్పుడు కాకుండా వ్యభిచారం నిర్వహిస్తున్న యువతులను, విటులను మాచవరం పోలీసులు ఆదివారం అరెస్ట్‌ చేశారు. పోలీసులు తెలిపిన వివరాల ప్రకారం, బందరు రోడ్డు పీవీపీ మాల్‌లోని ఓ మసాజ్‌ సెంటర్‌లో వ్యభిచారం జరుగుతుందన్న సమాచారం అందడంతో టాస్క్‌ఫోర్స్‌ పోలీసులు శనివారం రాత్రి దాడి చేశారు. ఈ ఘటనలో మసాజ్‌ చేస్తున్న థాయ్‌లాండ్‌కు చెందిన నలుగురు యువతులు, ముగ్గురు విటులను పోలీసులు అదుపులోకి తీసుకుని మాచవరం స్టేషన్‌కు తరలించారు. లాల్‌ పంతులంగి (మిజోరాం), అకుసరథా (థాయ్‌లాండ్‌), సుత్వింగ్‌ నుజారి (థాయ్‌లాండ్‌), ఎల్‌మోన్టీపికున్‌కౌ (థాయ్‌లాండ్‌) యువతులతో పాటు బలేశ్వర పటేల్‌ (బీహార్‌), జి చక్రధర్‌ (విజయవాడ), ఎ శివప్రసాద్‌ (తుళ్లూరు) అనే విటులపై పోలీసులు కేసు నమోదు చేసి అరెస్ట్‌ చేశారు. వీరి వద్ద నుంచి రూ.98 వేల నగదు, 9 సెల్‌ ఫోన్స్‌ స్వాధీనం చేసుకున్నారు. కాగా మసాజ్‌ సెంటర్‌ నిర్వాహకుడు అరుణ్‌కుమార్‌ పరారీలో ఉన్నట్లు పోలీసులు తెలిపారు. 

కర్ణాటక, కృష్ణరాజపురం: మసాజ్‌ పార్లర్‌ ముసుగులో వేశ్యావాటికి నిర్వహిస్తు న్న ఇద్దరు మహిళలను సో మవారం కోరమంగళ పోలీసులు అరెస్ట్‌ చేశా రు. మంగళూరు నగరా నికి చెందిన స్వాతిశెట్టి, అనుశెట్టిలు కోరమంగళలోని బీఏఈఏ కాంప్లెక్స్‌ సమీపంలో మసాజ్‌పార్లర్‌ ముసుగులో ఇతర ప్రాంతాలకు చెందిన యువతులతో వేశ్యావాటిక నిర్వహించేవారు. దీనిపై సమాచారం అందుకున్న కోరమంగళ పోలీసులు సోమవారం పార్లర్‌పై దాడి చేసి ఇద్దరు మహిళలను అరెస్ట్‌ చేసి ఇద్దరు నేపాలీ యువతులను రక్షించారు.

మల్లాపూర్‌: మసాజ్‌ సెంటర్‌లో అసాంఘిక కార్యకలాపాలు నిర్వహిస్తున్నట్లు సమాచారం అందడంతో ఆదివారం మల్కాజిగిరి ఎస్‌వోటీ పోలీసులు దాడి చేశారు. పలువురిని అదుపులోకి తీసుకొని నాచారం పోలీసులకు అప్పగించారు. మల్కాజిగిరి ఎస్‌ఓటీ ఇన్‌స్పెక్టర్‌ నవీన్‌ కథనం మేరకు వివరాలిలా ఉన్నాయి. నాచారం పోస్టాఫీస్‌ సమీపంలో శ్రీరామ్‌ అనే వ్యక్తి ఎస్సెన్జ్‌ స్పా ఎన్‌ సెలూన్‌ నిర్వహిస్తున్నాడు. కొందరు యువతలను రప్పించి క్రాస్‌ మసాజ్, ఇతర అసాంఘిక కార్యకలాపాలు నిర్వహిస్తున్నట్లు స్థానికులు పోలీసులకు సమాచారం అందించారు. ఆదివారం ఎస్‌ఓటీ పోలీసులు దాడి చేసి నిర్వాహకులు శ్రీరామ్,  మణికంఠ, రాజేష్‌తో పాటు నాగేశ్వర్‌రావు, సంతోష్, మరో ముగ్గురు మహిళలను అదుపులోకి తీసుకున్నారు. వారి నుంచి రూ.7570 నగదు, బిల్‌ బుక్స్, ఆరు సెల్‌ఫోన్లు స్వాధీనం చేసుకొని  నాచారం పోలీసులకు అప్పగించారు.


 మసాజ్ కేంద్రానికి వెళ్లిన యువకులను రెచ్చగొట్టి.. యువతులతో వ్యభిచారం చేయిస్తున్నారని, అలా వెళ్లిన తనకు హెచ్‌ఐవీ సోకిందని బాధితుడు నగర పోలీస్ కమిషనర్‌కు ఈ-మెయిల్ ద్వారా ఫిర్యాదు చేశారు.  స్పందించిన పోలీసులు ఆ కేంద్రాన్ని సీజ్ చేసి.. ముగ్గురిని అరెస్ట్ చేశారు. పోలీసులు మంగళవారం తెలిపిన వివరాలు మేరకు.. పాత ఎయిర్ పోర్టు రోడ్డులోని దొమ్మలూరులో ఉస్మాన్ అనే వ్యక్తి ఓ మసాజ్ కేంద్రాన్ని నిర్వహిస్తున్నాడు. హైదరాబాద్, ముంబాయి, ఢిల్లీకి చెందిన యువతులతో ఈ కేంద్రాన్ని నిర్వహిస్తున్నాడు.  
  
  యువతుల అర్ధనగ్న ఫొటోలతో ఇంటర్నెట్‌లో ప్రచారం చేశాడు. మసాజ్ కేంద్రానికి వెళ్లిన యువకులను రెచ్చగొట్టి యువతులతో వ్యభిచారం చేయించసాగాడు. విటులను ఆకర్షించడానికి ముగ్గురు పింప్‌లను పెట్టాడు. ప్రముఖ కంపెనీలో ఉద్యోగం చేస్తున్న ఓ వ్యక్తి (29) కొద్ది రోజుల క్రితం ఆ మసాజ్ కేంద్రానికి వెళ్లాడు. అక్కడ ఒక యువతికి రూ. 25 వేలు చెల్లించి లైంగిక కోర్కెలు తీర్చుకున్నాడు. ఇటీవల పదేపదే జ్వరం వస్తుండటంతో ఈనెల 11న ఆస్పత్రికి వెళ్లిన అతనికి హెచ్‌ఐవీ సోకినట్లు వైద్యులు ధ్రువీకరించారు. దీంతో ఆ బాధితుడు బెంగళూరు నగర పోలీసు కమిషనర్ రాఘవేంద్ర ఔరాద్కర్‌కు ఈ-మెయిల్ ద్వారా ఫిర్యాదు చేశాడు. మసాజ్ కేంద్రం ముసుగులో వ్యభిచారం చేయిస్తూ యువకుల జీవితాలతో చెలగాటం ఆడుతున్న ఆ కేంద్ర నిర్వాహకులపై చర్యలు తీసుకోవాలని కోరాడు.
  
  దీంతో కమిషనర్ ఆదేశాల మేరకు సీసీబీ పోలీసులు సోమవారం రాత్రి ఆ కేంద్రంపై దాడి చేశారు. ముగ్గురు పింప్‌లను అరెస్టు చేశారు.  హైదరాబాద్, ఢిల్లీ, ముంబాయికి చెందిన నలుగురు యువతులను రక్షించారు. పరారీలో ఉన్న ఉస్మాన్ కోసం గాలిస్తున్నట్లు  సీసీబీ పోలీసులు మంగళవారం తెలిపారు.