‘నీ దూకుడు.. సాటెవ్వడూ..’ అంటూ ‘దూకుడు’ టైటిల్‌ సాంగ్‌లో కనిపించిన హీరోయిన్‌ గుర్తుండే ఉంటారు. తన పేరు మీనాక్షి దీక్షిత్‌. ‘లైఫ్‌ స్టైల్‌’ అనే సినిమా ద్వారా ఇండస్ట్రీకు పరిచయం అయ్యారు. ‘బాడీగార్డ్, బాద్‌షా’ వంటి సినిమాల్లో టైటిల్‌ సాంగ్‌లో స్పెషల్‌ అప్పియరెన్స్‌ ఇచ్చారీ బ్యూటీ. లేటెస్ట్‌గా ‘మహర్షి’ సినిమాలో మహేశ్‌బాబు గాళ్‌ఫ్రెండ్‌గా కనిపిస్తారట. వంశీ పైడిపల్లి దర్శకత్వంలో మహేశ్‌బాబు హీరోగా తెరకెక్కుతున్న చిత్రం ‘మహర్షి’. అశ్వనీదత్, ‘దిల్‌’ రాజు, పీవీపీ సంయుక్తంగా నిర్మిస్తున్నారు. ఇందులో న్యూయార్క్‌లో పుట్టి పెరిగిన అమ్మాయి పాత్రలో మీనాక్షి కనిపిస్తారట. ఈ పాత్ర ఫుల్‌ గ్లామరస్‌గా ఉంటుందట. దాని కోసం మీనాక్షి తన లుక్‌ని టోటల్‌గా మార్చుకున్నారు. ‘‘వంశీగారు నాకోసం ఓ ఆసక్తికరమైన పాత్రను రాశారు. మహేశ్‌బాబుగారికి, నాకు ఉండే కెమిస్ట్రీ సినిమాలో హైలైట్‌గా ఉంటుంది’’ అని తన పాత్ర గురించి పేర్కొన్నారు మీనాక్షి. ‘మహర్షి’ చిత్రం మే 9న  విడుదల కానుంది. ఈ చిత్రానికి దేవిశ్రీ ప్రసాద్‌ స్వరకర్త. తొలి పాటను ఈ 29న విడుదల చేయనున్నారు.


 మాదాపూర్ : నగర యువతను ఆకట్టుకునేలా స్టాల్స్‌ను ఏర్పాటు చేసినట్లు నటిమీనాక్షి దీక్షిత్ చెప్పారు. మాదాపూర్‌లోని హెచ్‌ఐసీసీలో హైలైఫ్ ఎగ్జిబిషన్‌ను గురువారం ప్రారంభించారు. ఈ సందర్భంగా ఆమె మాట్లాడుతూ.. ఈ ఎగ్జిబిషన్‌లో మగువలను విశేషంగా ఆకట్టుకునే కలెక్షన్స్ ఉన్నాయన్నారు. మగువలకు నచ్చే నగలు, డ్రెస్ మెటిరీయల్, చుడీదార్లు, చీరెలు అందుబాటులో ఉన్నాయన్నారు.
 
 
 హై లైఫ్ నిర్వాహకులు డోమినిక్ మాట్లాడుతూ..బెంగుళూరు, అహ్మదాబాద్, కొచ్చిన్, చెన్నై, పూణే, ముంబై, జైపూర్‌లతో పాటు శ్రీలంక తదితర ప్రాంతాలకు చెందిన 250 డిజైనర్స్‌తో కూడిన స్టాల్స్‌ను ఏర్పాటు చేసినట్లు తెలిపారు. ఎగ్జిబిషన్ ఈ నెల 9 వరకు ఉంటుందన్నారు.
  
  


 హాస్యనటుడు వడి వేలుతో తెనాలి రామన్ చిత్రంలో డ్యూయట్స్ పాడిన నటి మీనాక్షి దీక్షిత్, ఇప్పుడు కోలీవుడ్‌లో అవకాశాలు పెంచుకునే ప్రయత్నం చేస్తోంది. తాజాగా ప్రముఖ నిర్మాణ సంస్థ సూపర్ గుడ్ ఫిల్మ్స్‌లో నటించే లక్కీచాన్స్ కొట్టేసింది. ఆర్‌బీ చౌదరి నిర్మిస్తున్న, ఇంకా పేరు పెట్టని చిత్రంలో ఆయన తనయుడు జిత్తన్ రమేష్ హీరోగా నటిస్తున్నారు. రమేష్‌కు జంటగా మీనాక్షి దీక్షిత్ నటించనుంది. పూర్తి వినోద భరింతగా, తెరకెక్కనున్న ఈ చిత్రం ఇప్పటికే తొలి షెడ్యూల్ పూర్తి చేసుకుందని యూనిట్ వర్గాలు పేర్కొంటున్నాయి.
 
 ఈ చిత్రంతో కోలీవుడ్‌లో తనకు మంచి గుర్తింపు వస్తుందన్న ఆశాభావాన్ని మీనాక్షి దీక్షిత్ వ్యక్తం చే స్తోంది. ఈ అమ్మడు ఇప్పటికే మరో హాస్యనటుడు ప్రేమ్‌జీతో కలసి టక్కర్ అనే చిత్రంలో నటిస్తున్నారు. ఈ చిత్ర నిర్మాణం పూర్తి కావచ్చింది. ఈ రెండు చిత్రాలు విడుదల అనంతరం నటిగా తన స్థాయి పెరుగుతుందన్న ఆశాభావాన్ని వ్యక్తం చేస్తున్నారు. జిత్తన్ రమేష్ జిత్తన్ -2 అనే చిత్రంలో నటించారు. ఈ చిత్రం కూడా త్వరలో తెరపైకి రానుంది. కొంత కాలంగా నటనకు దూరంగా ఉన్న జిత్తన్ రమేష్‌కు ఈ చిత్రం విజయం చాలా అవసరం.
  


 ధగధగలాడే నగలతో నిగనిగలాడే భామలు బంజారాహిల్స్ హోటల్ తాజ్ కృష్ణాలో సందడి చేశారు. జ్యువెల్స్ ఆఫ్ ఏషియా ప్రదర్శన శుక్రవారం ఇక్కడ ప్రారంభమైంది. ఈ సందర్భంగా సినీ తారలు మీనాక్షి దీక్షిత్, నేహాలుల్లా, మిసెస్ ప్లానెట్ మెహక్ మూర్తి  ప్రత్యేకంగా రూపొందించిన నగలు ధరించి వేదికపై కనువిందు చేశారు. ఆభరణాల ప్రదర్శనలో దేశంలోనే అగ్రగామి సంస్థగా గుర్తింపు పొందిన ‘క్రివిష్ విజన్’ ఈ కార్యక్రమాన్ని నిర్వహించింది. ఆదివారం వరకు ప్రదర్శన ఉంటుంది. అలాగే ఆర్టీసీ క్రాస్‌రోడ్‌‌సలో నూతనంగా ఏర్పాటు చేసిన తబలా రెస్టారెంట్ ప్రారంభోత్సవంలో కూడా మీనాక్షిదీక్షిత్ తళుక్కుమంది. డిప్యూటీ సీఎం మహమూద్ అలీ, నటుడు వెంకట్ తదితరులు పాల్గొన్నారు.
  - ఫొటోలు: ఎస్.ఎస్.ఠాకూర్


 అరవింద్ కృష్ణ, మీనాక్షి దీక్షిత్, పూజా రామచంద్రన్ ముఖ్య తారలుగా మూన్‌లైట్ డ్రీమ్స్ పతాకంపై స్వీయదర్శకత్వంలో అక్కి విశ్వనాథరెడ్డి రూపొందించిన చిత్రం ‘అడవి కాచిన వెన్నెల’. వచ్చే నెల 1న ఈ చిత్రాన్ని విడుదల చేయనున్నారు. ఈ సందర్భంగా విశ్వనాథరెడ్డి మాట్లాడుతూ -‘‘ఓ భిన్నమైన కథాంశంతో ఈ చిత్రాన్ని రూపొందించాం. ఊహకందని కోణాలు ఈ కథలో ఉంటాయి. సిరివెన్నెల సాహిత్యం ఈ చిత్రానికి ప్రధాన బలం. ఆద్యంతం ప్రేక్షకులను ఉత్కంఠకు గురి చేయాలనే లక్ష్యంతో చేశాం. అచ్చ తెలుగు టైటిల్‌తో రూపొందిన ఈ చిత్రం టేకింగ్ మాత్రం హాలీవుడ్ స్టయిల్‌లో ఉంటుంది. దర్శక, నిర్మాతగా నాకు మాత్రమే కాదు... నటీనటులకు, సాంకేతిక నిపుణులందరికీ మంచి పేరు తెచ్చిపెట్టే చిత్రం అవుతుంది’’ అని చెప్పారు.
  


 అరవింద్ కృష్ణ, మీనాక్షి దీక్షిత్, పూజా రామచంద్రన్ ప్రధాన పాత్రధారులుగా రూపొందిన చిత్రం ‘అడవి కాచిన వెన్నెల’. అక్కి విశ్వనాథరెడ్డి స్వీయ దర్శకత్వంలో నిర్మించిన ఈ చిత్రం విడుదలకు సిద్ధమైంది. ఈ సందర్బంగా ఆదివారం హైదరాబాద్‌లో ఏర్పాటు చేసిన విలేకరుల సమావేశంలో విశ్వనాథ్‌రెడ్డి మాట్లాడుతూ-‘‘భిన్నమైన కథాంశంతో ఈ చిత్రాన్ని రూపొందించాం. ఊహకందని కోణాలు ఈ కథలో ఉంటాయి. సిరివెన్నెల సాహిత్యం ఈ చిత్రానికి ప్రధాన బలం. ఆర్.కార్తీక్, జోస్యభట్ల కలిసి స్వరాలందించిన ఈ చిత్రం పాటలను ఇటీవలే విడుదల చేశాం.
  
   మంచి స్పందన లభిస్తోంది. సెన్సార్ కార్యక్రమాలు పూర్తి చేసుకున్న ఈ చిత్రాన్ని త్వరలోనే విడుదల చేస్తాం’’ అన్నారు. ‘‘ఇందులో శక్తిమంతమైన పాత్ర చేశాను. ఆర్టిస్టులు ఎలివేట్ అవ్వాలంటే మంచి నేపథ్య సంగీతం ముఖ్యం. ఇందులో అద్భుతమైన రీ-రికార్డింగ్ కుదిరింది. దర్శకుడు అన్ని శాఖల నుంచి మంచి అవుట్‌పుట్‌ని రాబట్టుకున్నారు’’ అని అరవింద్ కృష్ణ చెప్పారు. ఆడియోకి మంచి స్పందన రావడం ఆనందంగా ఉందని సంగీత దర్శకులు చెప్పారు. ఇంకా ఈ కార్యక్రమంలో కోటేశ్వరరావు, కళ్లు కృష్ణారావు తదితరులు కూడా మాట్లాడారు.
  


 అరవింద్‌కృష్ణ, మీనాక్షి దీక్షిత్, పూజా రామచంద్రన్, బేబి అక్కి ముఖ్య తారలుగా మూన్‌లైట్ డ్రీమ్స్ పతాకంపై స్వీయదర్శకత్వంలో అక్కి విశ్వనాథరెడ్డి రూపొందించిన చిత్రం ‘అడవి కాచిన వెన్నెల’. అచ్చ తెలుగు టైటిల్‌తో రూపొందించిన ఈ చిత్రం కొత్త జానర్‌లో ఉంటుందని విశ్వనాథరెడ్డి తెలిపారు. వచ్చే నెల ఈ చిత్రాన్ని విడుదల చేయాలనుకుంటున్నారు. ఈ సందర్భంగా దర్శక, నిర్మాత మాట్లాడుతూ- ‘‘కొత్త కథ, కథనంతో రూపొందించిన సినిమా ఇది. ఈ సినిమా టైటిల్ వినగానే అదో తరహా సినిమా అనుకునే అవకాశం ఉంది. కానీ, ఇది పాజిటివ్ సినిమా. క్లయిమాక్స్ కూడా పాజిటివ్‌గానే ఉంటుంది. ఆద్యంతం ప్రేక్షకులను ఉత్కంఠకు గురి చేయాలనే లక్ష్యంతో చేశాం. కథ, కథనం, మాటలు, పాటలు ప్రత్యేక ఆకర్షణగా నిలుస్తాయి. అరవింద్‌కృష్ణ అద్భుతంగా నటించారు. ఈ చిత్రం గురించి క్లుప్తంగా చెప్పాలంటే హాలీవుడ్ సినిమాల తరహాలో సాగే అచ్చ తెలుగు సినిమా’’ అన్నారు.
  


 నగరి, న్యూస్‌లైన్: సినీనటి మీనాక్షీదీక్షిత్ బుధవారం నగరికి వచ్చారు. నగరికి చెందిన ఆమె మేనేజర్ చలపతితో పాటు విచ్చేసిన మీనాక్షీ దీక్షిత్ సామాలమ్మ దేవతను, కరియ మాణిక్యస్వామిని దర్శించుకున్నారు. మాజీ సర్పంచ్ ఆనం శ్రీహరి నాయుడు స్వగృహానికి విచ్చేసిన ఆమెకు పట్టణ ప్రముఖులు శాలువాలు, పూలదండలతో ఆహ్వానించారు.
 
 ఈ సందర్భం గా మీనాక్షీ దీక్షిత్ మాట్లాడుతూ ఈ మార్గంలో చెన్నై వెళుతుండగా ముక్కుకొండ ఆకర్షించేదన్నారు. ముక్కుకొండ ఉన్న నగరి పట్టణానికి విచ్చేయడం ఆనందంగా ఉందన్నారు. 2009లో ‘లైఫ్ స్టైల్’ చిత్రం ద్వారా సినీ రంగంలో ప్రవేశించానన్నారు. దూకుడు, బాడీగార్డ్, బాద్‌షా చిత్రాలు మంచి గుర్తింపు ఇచ్చాయన్నారు.
  
 తెలుగు, తమిళం, మళయాలం, హిందీ చిత్రాల్లో నటిం చానన్నారు. ప్రస్తుతం తెలుగులో ‘అడవికాచిన వెన్నెల’, తమిళంలో ‘జగజాల భుజబల తెనాలిరామన్’ చిత్రంలో నటిస్తున్నానని, హిందీలో ‘పీ సే పీఎం తక్’ చిత్రంలో ముఖ్యమైన పాత్రను పోషిస్తున్నానని తెలిపారు.