సాక్షి, హైదరాబాద్‌: రైతు సంక్షేమానికి ముఖ్యమంత్రి కేసీఆర్‌ అందిస్తున్న చే యూత, సాగునీటి ప్రాజెక్టులు, వనరుల కారణంగా రాష్ట్రంలో రైతుల ఆత్మహత్యలు గతంతో పోలిస్తే 300 శాతం తగ్గాయని రైతుబంధు సమితి చైర్మన్, ఎమ్మెల్సీ పల్లా రాజేశ్వర్‌రెడ్డి తెలిపారు. రాష్ట్రంలో గతంలో ఎన్నడూ లేని విధంగా రైతాంగం ఆనందంగా ఉన్నారని పేర్కొన్నారు. ఎమ్మెల్సీలు బసవరాజు సారయ్య, వి.గంగాధర్‌ గౌడ్, తాత మధులతో కలిసి ఆయన బీఆర్‌ఎస్‌ఎల్‌పీ కార్యాలయంలో శనివారం మీడియాతో మాట్లాడారు. 2014లో 1,300 రైతులు ఆత్మహత్యలు చేసుకుంటే అది ఇప్పుడు 352గా ఉందని, నీతి ఆయోగ్‌ వంటి సంస్థ తెలంగాణలో వ్యవసాయ స్థితిగతులు బాగున్నాయని కితాబిచి్చందని గుర్తు చేశారు. కొన్ని పెద్ద రాష్ట్రాల్లో ఆత్మహత్యలు పది శాతంలోపు తగ్గితే తెలంగాణలో 300 శాతం తగ్గాయని, వివిధ కారణాలతో భూ మి లేనివారు ఆత్మహత్యలు చేసుకుంటే కూ డా రైతుల ఖాతాలో వేస్తున్నారని అన్నారు. ఎవరు ఆత్మహత్య చేసుకున్నా అది బాధాకరమే అని, తప్పుడు లెక్కలతో ఓ పత్రిక రైతుల ఆత్మహత్యలు పెరిగాయని అసత్యా లు ప్రచారం చేస్తుందని విమర్శించారు. చదవండి: సర్పంచ్‌లూ అర్థం చేసుకోండి!.. కేంద్రం రూ.1,100 కోట్ల నిధులు ఆపేసింది


 ఎమ్మెల్సీ పల్లా రాజేశ్వర్‌రెడ్డి
  
 నల్లగొండ టూటౌన్ : ఏపీ సీఎం నారా చంద్రబాబునాయుడు ఎన్ని కుప్పిగంతులు వేసినా చట్టం నుంచి తప్పించుకోలేరని టీఆర్‌ఎస్ ఎమ్మెల్సీ పల్లా రాజేశ్వర్‌రెడ్డి అన్నారు. శనివారం పట్టణంలోని 16వ వార్డులో సీసీ రోడ్డు. డ్రెయినేజీ పనులకు ఆయన శంకుస్థాపన చేశారు. ఈ సందర్భంగా ఆయన మాట్లాడుతూ బాబు చేసిన తప్పు నుంచి తప్పించుకునేందుకు రోజుకో విధంగా మాట్లాడుతున్నారని, తప్పు చేయలేదని ఆయన ఇప్పటివరకు ఒక్కమాట చెప్పకుండా టీఆర్‌ఎస్ ప్రభుత్వంపై ఎదురుదాడికి దిగడం నీచమైన సంస్కృతి పేర్కొన్నారు.
 
 ఓటుకు నోటు కేసులో అడ్డంగా దొరికిన బాబు బుకాయింపు మాటలకు ఆయన దిగజారుడు రాజకీయాలకు నిదర్శనమన్నారు. చంద్రబాబు తాటాకు చప్పుళ్లకు తమ ప్రభుత్వం భయపడదన్నారు. పదేళ్ల పాటు సీఎంగా పని చేసిన బాబు కనీస అవగాహన లేకుండా టీ న్యూస్ చానల్‌కు నోటీసు ఇవ్వడం అవివేకమన్నారు. నల్లగొండను స్మార్ట్ సిటీగా ఎంపిక చేసేందుకు సీఎం దృష్టి పెట్టినట్లు చెప్పారు. ఈ కార్యక్రమంలో టీఆర్‌ఎస్ పార్టీ నియోజకవర్గ ఇంచార్జి దుబ్బాక నర్సింహారెడ్డి, మున్సిపల్ వైస్ చైర్మన్ బుర్రి శ్రీనివాస్‌రెడ్డి, స్థానిక కౌన్సిలర్ అబ్బగోని కవిత, నాయకులు అబ్బగోని రమేష్, శ్రీకాంత్ పాల్గొన్నారు.