సాక్షి, విశాఖపట్నం: చెప్పులు తినే కుక్క నోటికి చెరకు రుచిస్తుందా? ప్రభుత్వ భూములు కనిపిస్తే కాజేయడమే ఆనవాయితీగా మార్చుకున్న టీడీపీ నేతల తీరు అలాగే ఉంది. వైఎస్సార్‌ సీపీ అధికారంలోకి వచ్చాక విశాఖ జిల్లాలో దాదాపు 430 ఎకరాలకుపైగా ప్రభుత్వ భూములను కబ్జాకోరుల చెర నుంచి విడిపించింది. వీటిలో అగ్రభాగం టీడీపీ నేతలే కబ్జా చేయడం గమనార్హం. ఇన్నాళ్లూ విశాఖలో భూకబ్జాలతో వందల ఎకరాలను ఆక్రమించిన టీడీపీ నేతల దందాకు తెరపడటంతో ప్రభుత్వంపై బురద చల్లేందుకు ప్రయత్నిస్తున్నారు.   గీత దాటి కబ్జాలు  టీడీపీ సీనియర్‌ నేత, మాజీ ఎంపీ ఎంవీవీఎస్‌ మూర్తి రుషికొండ ప్రాంతంలో 42.51 ఎకరాల ప్రభుత్వ భూమిని కబ్జా చేశారు. గీతం యూనివర్సిటీకి సమీపంలో ఉన్న ఈ స్థలాన్ని ఆక్రమించుకొని రెండెకరాల్లో కళాశాల భవన నిర్మాణాలు చేపట్టారు. మిగిలిన స్థలానికి కాంపౌండ్‌ వాల్‌ నిర్మించారు. సుమారు రూ.500 కోట్ల విలువ చేసే ప్రభుత్వ భూమిని దశాబ్దాల పాటు కబ్జా చేసినా టీడీపీ సర్కారు పట్టించుకోలేదు. వైఎస్సార్‌ సీపీ అధికారంలోకి వచ్చాక గీతం వర్సిటీ కాంపౌండ్‌ వాల్‌ను తొలగించి కబ్జాలో ఉన్న 40.51 ఎకరాలను స్వాధీనం చేసుకుంది. విశాఖలో ఇలా మూడేళ్లలో మార్కెట్‌ ధర ప్రకారం రూ.5,000 కోట్ల విలువైన 430.81 ఎకరాల భూమిని ప్రభుత్వం తిరిగి స్వాధీనం చేసుకుంది.   బినామీ పేర్లతో..  టీడీపీ అధికారంలో ఉండగా ఆ పార్టీ నేతలు బినామీ పేర్లతో విశాఖ భూములపై రాబందుల్లా వాలిపోయారు. ఆర్థిక రాజధానిగా వెలుగొందుతున్న విశాఖ చుట్టుపక్కల ప్రాంతాల్లో రూ.వేల కోట్ల విలువైన భూముల్ని చెరపట్టారు. వైఎస్సార్‌ సీపీ అధికారంలోకి వచ్చిన వెంటనే టీడీపీ పెంచి పోషించిన భూబకాసురులపై ఉక్కుపాదం మోపింది.   ప్రత్యేక దర్యాప్తు బృందాలతో..  విశాఖతో పాటు చుట్టుపక్కల మండలాల్లో ఆక్రమణలకు గురైన విలువైన ప్రభుత్వ భూములను కాపాడేందుకు రెవెన్యూ యంత్రాంగం మూడేళ్లుగా చర్యలకు ఉపక్రమించింది. రాష్ట్ర ప్రభుత్వ ఆదేశాల మేరకు ప్రత్యేక దర్యాప్తు బృందాల్ని నియమించి క్షేత్రస్థాయి పరిశీలనతో భూముల పరిరక్షణకు చర్యలు చేపట్టారు. మొత్తం 270 ప్రాంతాల్లో ఆక్రమణలకు గురైన 430.81 ఎకరాల ప్రభుత్వ భూములను స్వాధీనం చేసుకున్నారు. ప్రభుత్వ ధరల ప్రకారం వీటి రిజిస్ట్రేషన్‌ విలువ రూ.2,638 కోట్లు కాగా మార్కెట్‌ విలువ రూ.5 వేల కోట్లకుపైగా ఉంటుందని అంచనా. ప్రభుత్వ భూముల ఆక్రమణలకు పాల్పడిన వారిపై క్రిమినల్‌ కేసులు నమోదు చేస్తున్నారు.   పల్లా సోదరుడి భూ ఫలహారం..  అధికారులు స్వాధీనం చేసుకున్న భూముల్లో సింహభాగం టీడీపీ నేతల కబంధ హస్తాల్లో ఉన్నవే కావడం గమనార్హం. గయాలు, పోరంబోకు, గోర్జి, కొండ పోరంబోకు, వాగులు, కాలువలు, గెడ్డలు, రాస్తాలు, గుట్టలు, ఇనాం, జిరాయితీ, గ్రామకంఠాలు, చెరువులు.. ఇలా కాదేదీ కబ్జాకు అనర్హం అన్నట్లుగా కాజేశారు. కొద్దిరోజుల క్రితం గాజువాక నియోజకవర్గం తుంగ్లాం గ్రామ సర్వే నంబరు 33–2లో గుడితో పాటు ప్రభుత్వ భూమిని కూడా ఆక్రమించేందుకు టీడీపీ నేత, మాజీ ఎమ్మెల్యే పల్లా శ్రీనివాసరావు సోదరుడు పల్లా శంకర్రావు ప్రయత్నించాడు. అడ్డువచ్చిన స్థానిక యువతపై దాడికి యత్నించాడు.  


 మంత్రి గంటాకు చెక్‌పెడుతున్న ప్రత్యర్థులు
 చేతులు కలిపిన అయ్యన్న, ఎంవీవీఎస్ మూర్తి
  జారుకుంటున గంటా వర్గీయులు
  అనకాపల్లి, పెందుర్తి పరిణామాలతో సంకట స్థితి
  రాసకందాయంలో జిల్లా టీడీపీ వర్గపోరు
  
 జిల్లాలో మంత్రి గంటా శ్రీనివాసరావు రాజకీయ ప్రాభవానికి చెక్ పడుతోందా! సొంతింటి ప్రత్యర్థులు వ్యూహాత్మకంగా ఆయనను బలహీనపరుస్తున్నారా?  అందుకోసం ఆయన వ్యతిరేకులంతా ఏకమవుతున్నారా! జిల్లా టీడీపీలో ప్రస్తుత పరిణామాలు చూస్తుంటే అవుననే అనిపిస్తోంది.  ఓ వైపు గంటా వ్యతిరేకులు అంతా ఏకమవుతూ... మరోవైపు ఆయన వర్గీయులను ఒక్కొక్కరిగా దూరం చేస్తూ ద్విముఖ వ్యూహంతో రాజకీయం సాగిస్తున్నారు. సీఎం చంద్రబాబుకు తెలిసే ఈ వ్యవహారం సాగుతుండటంతో మంత్రి గంటా చేష్టలుడిగి చూస్తుండిపోవాల్సి వస్తోంది.
  
 విశాఖపట్నం : మంత్రి గంటాను రాజకీయంగా నిర్వీర్యం చేసేందుకు ఆయన ప్రత్యర్థులంతా ఏకమవుతున్నారు. మంత్రి నారాయణ సహకారంతో చక్రం తిప్పొచ్చన్న ధీమాతో గంటా దూకుడుగా వ్యవహరిస్తున్నారు. కానీ జిల్లా రాజకీయ సమీకరణలు తమకు అనుకూలంగా మలచుకుంటూ అయ్యన్నవర్గం వ్యూహాత్మకంగా వ్యవహరిస్తోంది. ఇంతకాలం మంత్రి అయ్యన్న, ఆయన వెంట ఉన్న ఎమ్మెల్యే వెలగపూడి రామకృష్ణ మాత్రమే గంటాను బహిరంగంగా వ్యతిరేకిస్తూ వచ్చారు.
  
 కానీ తాజాగా ఆ జాబితాలో ఎమ్మెల్సీ ఎంవీవీఎస్ మూర్తి వచ్చి చేరారు. మంత్రి పదవిపై కన్నేసిన ఆయన జీవీఎంసీ పరిధిలో పట్టు పెంచుకునే ప్రయత్నాల్లో ఉన్నారు. అందుకోసం నగరంలోని పార్టీ ఎమ్మెల్యేలను తనవైపు తిప్పుకునేందుకు రంగంలోకి దిగారు. ఇప్పటికే దక్షిణ నియోజకవర్గ ఎమ్మెల్యే వాసుపల్లి గణేష్ ఎమ్మెల్సీ మూర్తితో సన్నిహితంగా ఉంటున్నారు. మరోవైపు అనకాపల్లి, పెందుర్తి నియోజకవర్గాల రాజకీయ సమీకరణలు కూడా గంటాను బలహీనపరిచేవిగానే ఉన్నాయి.
  
 మంత్రి అయ్యన్న, ఎమ్మెల్సీ మూర్తి చాపకింద నీరులా అనకాపల్లి, పెందుర్తిలలో రాజ కీయ సమీకరణలను ప్రభావితం చేస్తున్నారు. తనకు కనీస సమాచారం కూడా లేకుండా జరుగుతున్న ఈ పరిణామాలతో గంటా వర్గం ఆత్మరక్షణలో పడిపోయింది.  మంత్రి గంటాగానీ ఆయన వర్గీయుల సమ్మతితో నిమిత్తం లేకుండానే తాను నిర్ణయాలు తీసుకుంటానని సీఎం చంద్రబాబు స్పష్టమైన సంకేతాలు ఇచ్చారు. దాంతో ఎదురుదాడి చేసేందుకు కూడా గంటా వర్గీయులకు అవకాశం లేకుండాపోయింది.
  
 జారుకుంటున్న నేతలు
 తాజా పరిణామాలతో మంత్రి గంటా వర్గంలోని కీలక నేతలు పునరాలోచనలో పడ్డారు. ఆయన నీడలో ఉండేకంటే తాము స్వతంత్రంగానో ఎమ్మెల్సీ మూర్తికి సన్నిహితంగానో వ్యవహరిస్తేనే ప్రయోజనం ఉంటుందని భావిస్తున్నారు. ఇప్పటికే పశ్చిమ నియోజకవర్గ ఎమ్మెల్యే గణబాబు స్వతంత్ర వైఖరి అవలంబిస్తున్నారు. సీనియర్ అయిన ఆయన కూడా మంత్రి పదవిపై ఆశలు పెట్టుకున్నారు.
  
 గంటాను తప్పిస్తే  ఎమ్మెల్సీ మూర్తికిగాని, తనకుగాని మంత్రియోగం పడుతుందని... అన్నీ కలసివస్తే ఇద్దరం కూడా  కేబినెట్ బెర్త్‌లు  దక్కవచ్చన్నది ఆయన యోచన. కాబట్టి గంటా వర్గీయుడిగా ముద్రపడి అమాత్య యోగం అవకాశాలను ఎందుకు జారవిడుచుకోవాలని ఆయన భావిస్తున్నారు. పెందుర్తి నియోజకవర్గంలో తన ప్రయోజనాలు కాపాడలేని మంత్రి గంటా వర్గీయుడిగా కొనసాగడం శుద్ధ దండగన్నది ఎమ్మెల్యే బంగారు సత్యనారాయణమూర్తి ఉద్దేశంగా ఉన్నట్లు తెలిసింది.
  
 అదే కోణంలో  అనకాపల్లి ఎమ్మెల్యే పీలా గోవింద సత్యనారాయణ కూడా గంటా పట్ల కినుక వహించారు. ఈ పరిణామాల నేపథ్యంలో జిల్లా టీడీపీలో మంత్రి గంటా రాజకీయ ప్రాభవానికి క్రమంగా గ్రహణం పడుతోందని. మరీ పట్టు నిలుపుకునేందుకు మంత్రి గంటా  ఏ రీతిలో ఎదురుదాడి చేస్తారన్నది ప్రస్తుతం టీడీపీలో చర్చనీయాంశంగా మారింది. గంటా అంత సులువుగా ప్రత్యర్థులకు రాజకీయ మైదానాన్ని విడిచిపెట్టరని... రాజకీయ ఆట కొనసాగిస్తారని ఆయన సన్నిహితులు చెబతున్నారు. అదే జరిగితే జిల్లా టీడీపీలో పరిణామాలు మునుముందు మరింత రసకందాయంలో పడనుండటం ఖాయంగా కనిపిస్తోంది.


 పెరవలి, న్యూస్‌లైన్ :  ఇరువర్గాల కొట్లాటలో ఐదుగురు తీవ్ర గాయూలపాలవ్వగా, గ్రామస్తుల దాడిలో పెరవలి ఎస్సై గాయపడ్డాడు. వివరాల్లోకి వెళితే.. తీపర్రు వేబ్రిడ్జి వద్ద ఆదివారం రాత్రి ట్రాఫిక్ నిలిచిపోవడంతో గ్రామ ఉప సర్పంచ్ కుందుల భూపతి సంఘటనా స్థలానికి వెళ్లి వాహనాల రాకపోకలకు మార్గం సుగమం చేస్తుండగా ఆర్టీసీ బస్సు వెళ్లే సమయంలో కానూరు వైపు వెళ్తున్న ఆటోలో ఉన్న ప్రయాణికులు ఆర్టీసీ బస్సు డ్రైవర్‌పై ఆగ్రహం వ్యక్తం చేశారు.
 
 ఒక దశలో ఆర్టీసీ డ్రైవర్‌ను కొట్టడానికి వెళ్తుండగా భూపతి అడ్డుకోవడంతో అతనిపై తిరగబడి చేయి చేసుకోవడంతో గొడవ ప్రారంభమైంది. ఆ సమయంలో వేబ్రిడ్జి వద్ద ఉన్న వ్యక్తులు పరుగున వచ్చి ఆటో ప్రయూణికులతో కలబడ్డారు. విషయం తీపర్రు గ్రామస్తులకు తెలియడంతో అధిక సంఖ్యలో వచ్చి ఆటోలో ఉన్న వ్యక్తులను బంధించి తీవ్రంగా గాయపరిచారు. అదే సమయంలో కానూరు గ్రామం నుంచి పెద్ద ఎత్తున జనం వచ్చి రోడ్డుపై బైఠాయించడంతో 10 కిలోమీటర్ల మేర వాహనాలు నిలిచిపోయూరుు. సంఘటనా స్థలానికి చేరుకున్న పెరవలి ఎస్సై, సిబ్బంది గాయపడిన యలగన రాజు, దుర్గయ్యలను 108లో తణుకు ప్రభుత్వాసుపత్రికి తరలించారు. రోడ్డుపై కూర్చున్న కానూరు గ్రామస్తులు న్యాయం జరిగే వరకు కదిలేదిలేదని ఎస్సైకు చెప్పడంతో గాయపడిన వారికి వైద్యం అందించి, కారకులైన వారిపై కేసు నమోదు చేస్తానని చెప్పి ఇరువర్గాలను అక్కడ నుంచి పంపేశారు.
 
 ఈ విషయం రుచించని కానూరు గ్రామస్తులు సోమవారం ఉదయం 11 గంటలకు తీపర్రు వేబ్రిడ్జి వద్దకు ట్రాక్టర్లు, మోటార్ సైకిళ్లపై పెద్ద సంఖ్యలో చేరుకుని దొరికిన వారిని దొరికినట్లు కర్రలు, రాడ్డులతో కొట్టారు. సమాచారం అందుకున్న ఎస్సై సంఘటనా స్థలానికి చేరుకున్నారు. అప్పటికే వేబ్రిడ్జి వద్ద ఉన్న ఫర్నీచర్ ధ్వంసం చేయడంతో పాటు వేబ్రిడ్జికి సంబంధించిన కంప్యూటర్ రూమ్‌ను పూర్తిగా ధ్వంసం అయ్యూరుు. వీటితో పాటు 3 మోటార్ సైకిళ్లు, 2 సైకిళ్లు ధ్వంసం చేశారు. తీవ్ర ఆగ్రహంతో ఉన్న కానూరు గ్రామస్తులు పొక్లెయిన్ డ్రైవర్ ఆకుల వెంకటేశ్వర్లును తీవ్రంగా కొట్టి ట్రాక్టర్‌లో వేసుకుని గ్రామానికి తీసుకుని వె ళ్లిపోయారు.  
  ఎస్సైపై దాడి
  తీపర్రు వేబ్రిడ్జి వద్ద సోమవారం తీపర్రు, కానూరు గ్రామస్తులు కర్రలు, రాడ్డులతో కొట్టుకుంటున్నారని సమాచారం అందడంతో సంఘటనా స్థలానికి చేరుకున్న ఎస్సై ఇరువర్గాలను చెదరగొడుతుండగా కానూరు గ్రామస్తులు తీవ్ర ఆగ్ర హంతో ఎస్సైపై దాడికి దిగారు. కేసు కట్టమంటే రాజీ చేయడానికి చూస్తావా అంటూ కొందరు ఎస్సై కాలర్ పట్టుకుని గిరగిరా తిప్పారు. ఎవరు ఎవరిని కొడుతున్నారో తె లియని గందరగోళ పరిస్థితి నెలకొనడంతో పోలీ సులు లాఠీఛార్జీ చేశారు. పొక్లెయిన్ డ్రైవర్‌ను తీసుకుపోయారని స్థానికులు చెప్పడంతో ఎస్సై సిబ్బం దితో కలిసి కానూరు వెళ్లారు.
 
 ఎస్సైపై దాడి జరిగి నట్లు తణుకు సీఐకు సమాచారం ఇవ్వడంతో తణు కు రూరల్ ఎస్సై, ఉండ్రాజవరం ఎస్సై సిబ్బందితో సంఘటనా స్థలానికి వచ్చారు. కానూరు పంచాయతీ కార్యాలయం వద్ద దాడికి కారణమైన వ్యక్తులను పిలిచి తనపై దాడి చేసిన వ్యక్తిని అప్పగించాలని ఎస్సై కోరడంతో దాడిలో పాల్గొన్న వ్యక్తులు ఎవరు ఎవరిని కొట్టారో తెలియదని, మమ్మలందర్ని తీసుకువెళ్లండని తెలపడంతో ఎస్సై అక్కడి నుంచి తిరిగి వచ్చారు. పెరవలి స్టేషన్‌లో ఇరువర్గాలు ఇచ్చిన ఫిర్యాదు మేరకు కేసులు నమోదు చేశారు. ఎస్సైపై దాడి చేసిన  వారిపై కూడా కేసు నమోదు చేశామని ఎస్సై ఎంవీఎస్ మూర్తి తెలిపారు.