‘నరుడా డోనరుడా’ సినిమా తర్వాత కొంచెం విరామం తీసుకున్న తరువాత స్పీడు పెంచాడు. ఇప్పటికే మళ్లీ రావా షూటింగ్‌ పూర్తి చేసిన సుమంత్‌ కొత్త సినిమాకి కొబ్బరికాయ కొట్టారు. అనీల్‌ శ్రీకంఠంని దర్శకుడిగా పరిచయం చేస్తూ ఆలూరు సాంబ శివారెడ్డి, గంగపట్నం శ్రీధర్‌ నిర్మిస్తున్న ఈ చిత్రం ఫిల్మ్‌నగర్‌ దైవసన్నిధానంలో శుక్రవారం ప్రారంభమైంది. మలయాళ నటి అంజు కురియన్‌ నాయికగా నటిస్తున్నారు. నిర్మాతలు మాట్లాడుతూ– ‘‘డ్రామా థిల్లర్‌గా రూపొందనున్న చిత్రమిది. సుమంత్‌ పాత్ర హైలైట్‌గా నిలుస్తుంది. ఆయన కెరీర్‌లో వైవిధ్యంగా నిలిచిపోతుందనే నమ్మకం ఉంది. ప్రతి సన్నివేశం అందర్నీ అలరించేలా ఉంటుంది. నవంబర్‌లో చిత్రీకరణ ప్రారంభిస్తాం’’ అన్నారు. మురళీ శర్మ, ‘సత్యం’ రాజేష్‌ తదితరులు నటిస్తున్న ఈ చిత్రానికి కెమెరా: బాల్‌రెడ్డి, మాటలు: చంద్రశేఖర్, సంగీతం: శ్రీచరణ్‌. Moving onto my next, a drama/thriller directed by Anil Srikantam, co starring Anju Kurian, and produced by G. Sridhar & AS Reddy. Godspeed! pic.twitter.com/3dEsJZP8xH — Sumanth (@iSumanth) 27 October 2017


 అక్కినేని నటవారసుడిగా ఎంట్రీ ఇచ్చిన యంగ్ హీరో సుమంత్ రెండేళ్ల విరామం తరువాత ఓ డిఫరెంట్ సినిమాతో ఆడియన్స్ ముందుకు వచ్చేందుకు రెడీ అవుతున్నాడు. బాలీవుడ్లో ఘనవిజయం సాదించిన విక్కీ డోనర్ సినిమాను తెలుగులో నరుడా డోనరుడా పేరుతో రీమేక్ చేస్తున్నాడు. ఈ సినిమాతో  ఎలాగైనా సక్సెస్ ట్రాక్ లోకి రావాలని భావిస్తున్నాడు.
 
 ప్రస్తుతం నరుడా డోనరుడా రిలీజ్ కోసం వెయిట్ చేస్తున్న సుమంత్, నటుడిగానూ తానేంటో నిరూపించుకోవాలని భావిస్తున్నాడు. అందుకే అవకాశం వస్తే విలన్ రోల్స్లో కూడా నటించడానికి రెడీ అంటూ ప్రకటించాడు. తనకు రామాయణంలో రావణుడు, మహాభారతంలో దుర్యోధుడు లాంటి పాత్రలంటే ఇష్టమని ఆ తరహా పాత్రకోసం ఎదురుచూస్తున్నానని తెలిపాడు.


 అక్కినేని వారసుడిగా ఎంట్రీ ఇచ్చి ఆశించిన స్థాయిలో ఆకట్టుకోలేకపోయిన హీరో సుమంత్. సత్యం, గౌరీ లాంటి హిట్ సినిమాలు చేసినా.. స్టార్ ఇమేజ్ సాధించే స్థాయి భారీ సక్సెస్లు సాధించటంలో మాత్రం వెనకపడ్డాడు. దీంతో లాంగ్ గ్యాప్ తీసుకున్న సుమంత్ తాజాగా ఓ బాలీవుడ్ సినిమా రీమేక్తో ఆడియన్స్ ముందుకు వస్తున్నాడు.
 
 హిందీలో మంచి సక్సెస్ సాధించిన విక్కీ డోనర్ సినిమాను నరుడా డోనరుడా పేరుతో తెలుగులో రీమేక్ చేశాడు సుమంత్. ఇప్పటికే అన్ని కార్యక్రమాలు పూర్తి చేసుకున్న ఈ సినిమా రిలీజ్కు రెడీ అవుతోంది. దాదాపుగా సుమంత్కు రీఎంట్రీ లాంటి సినిమా కావటంతో అక్కినేని కుటుంబం భారీ హైప్ క్రియేట్ చేసేందుకు ప్రయత్నిస్తుంది. అందుకే నవంబర్ 4న ఏర్పాటు చేసిన ఆడియో రిలీజ్ వేడుకకు అక్కినేని బ్రదర్స్ నాగచైతన్య, అఖిల్లు హాజరవుతున్నారు. ఈ సపోర్ట్ సుమంత్ సినిమాకు ఎంతవరకు హెల్ప్ అవుతుందో చూడాలి.


 సుమంత్, పల్లవీ సుభాష్ జంటగా అన్నపూర్ణ స్టూడియోస్ సమర్పణలో వై.సుప్రియ, సుధీర్ పూదోట నిర్మిస్తున్న చిత్రం ‘నరుడా..! డోనరుడా..!’. మల్లిక్‌రామ్ దర్శకత్వం వహించిన ఈ చిత్రం సెన్సార్ కార్యక్రమాలు పూర్తయ్యాయి. నవంబర్‌లో చిత్రాన్ని విడుదల చేయాలనుకుంటున్నారు. నిర్మాతలు మాట్లాడుతూ - ‘‘ఏ ఉద్యోగం లేని హైదరాబాదీ కుర్రాడు పరిస్థితుల దృష్ట్యా డబ్బు కోసం స్పెర్మ్ డోనర్‌గా మారతాడు.
 
 ఆ తర్వాత ఓ అమ్మాయితో ప్రేమలో పడతాడు. ఏ ఉద్యోగం చేస్తున్నావని అమ్మాయి అడిగితే చెప్పుకోలేడు. ఈ వీర్యదాత ప్రేమకథ ఎటువంటి మలుపులు తీసుకుందనేది ఆసక్తికరం’’ అన్నారు. తనికెళ్ల భరణి, సుమన్ శెట్టి కీలక పాత్రలు చేసిన ఈ చిత్రానికి మాటలు: కిట్టూ విస్సాప్రగడ, సాగర్ రాచకొండ, కెమేరా: షానియల్ డియో, సంగీతం: శ్రీచరణ్ పాకాల.
  


 ‘గోల్కొండ హైస్కూల్’, ‘ఊహలు గుసగుసలాడే’ చిత్రాలకు అసోసియేట్ దర్శకునిగా పనిచేసిన మల్లిక్ రామ్ తొలిసారి దర్శకత్వం వహించిన చిత్రం ‘నరుడా.. డోనరుడా’. హిందీ హిట్ ‘విక్కీ డోనార్’కు రీమేకైన ఈ చిత్రంలో సుమంత్ హీరో కాగా హిందీ సీరియల్స్ ఫేమ్ పల్లవీ సుభాష్‌ను తెలుగులో హీరోయిన్‌గా పరిచయం చేస్తున్నారు. రమా రీల్స్, ఎస్‌ఎస్ క్రియేషన్స్ పతాకాలపై వై.సుప్రియ, సుధీర్ పూదోట నిర్మించారు. 
  
  ఈ చిత్రం ట్రైలర్‌ను హీరో మహేశ్‌బాబు విడుదల చేసి, చిత్రబృందానికి అభినందనలు తెలిపారు. దర్శకుడు మాట్లాడుతూ- ‘‘వీర్యదానం అనే వైవిధ్యమైన కథాంశంతో ఈ చిత్రం తెరకెక్కింది. ఇలాంటి కథ ఎంచుకున్నందుకు సోషల్ మీడియాలో అభినందనలు తెలుపుతున్నారు. వీర్యదాతగా సుమంత్, ఇన్‌ఫెర్టిలిటీ స్పెషలిస్టు డాక్టర్ పాత్రలో తనికెళ్ల భరణి కనిపిస్తారు. ఇటీవల హీరో నాగార్జున విడుదల చేసిన ఫస్ట్‌లుక్‌కు మంచి స్పందన వచ్చింది. 
  
  మా చిత్రం ప్రేక్షకులను కడుపుబ్బ నవ్విస్తుంది’’ అని పేర్కొన్నారు. శ్రీలక్ష్మి, సుమన్ శెట్టి, ‘జబర్దస్త్’ శేషు తదితరులు నటించిన ఈ చిత్రానికి కెమెరా: షానియల్ డియో, సంగీతం: శ్రీచరణ్ పాకాల, లైన్ ప్రొడ్యూసర్: డా.అనిల్ విశ్వనాథ్, సమర్పణ: అన్నపూర్ణా స్టూడియోస్.
  


 లాంగ్ గ్యాప్ తరువాత అక్కినేని వారసుడు సుమంత్ హీరోగా తెరకెక్కిన సినిమా నరుడా డోనరుడా. బాలీవుడ్లో సూపర్ హిట్ అయిన విక్కీ డోనర్ సినిమాకు రీమేక్గా ఈ సినిమాను తెరకెక్కించారు. మల్లిక్ను దర్శకుడిగా పరిచయం చేస్తూ తెరకెక్కించిన ఈ సినిమాకు క్షణం సినిమాకు పనిచేసిన సంగీత దర్శకుడు శ్రీ చరణ్, సినిమాటోగ్రాఫర్ షానియల్ డియోలు వర్క్ చేశారు.
 
 సుమంత్ సరసన పల్లవి సుభాష్ హీరోయిన్గా నటించగా సీనియర్ యాక్టర్ తనికెళ్ల భరణి మరో ప్రధాన పాత్రలో కనిపిస్తున్నాడు. టాలీవుడ్లో ఏ హీరో చేయని సాహసం చేస్తున్న సుమంత్ ఈ సినిమాలో వీర్యదాతగా కనిపిస్తున్నాడు.
 
 తెలుగు ప్రేక్షకులు ఈ సినిమాను ఎలా రిసీవ్ చేసుకుంటారన్న విషయంపై కూడా ఆసక్తి  నెలకొంది. ఈ నేపథ్యంలో ఈ సినిమా ట్రైలర్ను సూపర్ స్టార్ మహేష్ బాబు తన ట్విట్టర్ పేజ్లో రిలీజ్  చేశారు. ఇప్పటికే మంచి హైప్ క్రియేట్ చేస్తున్న నరుడా డోనరుడాపై మహేష్ ట్రైలర్ రిలీజ్ చేయటంతో మరింత క్రేజ్ ఏర్పడింది.
  Wishing my dear friend @isumanth & entire team all the very best. Here's the theatrical trailer of #NarudaDONORuda.https://t.co/QnEmISfDp9— Mahesh Babu (@urstrulyMahesh) 27 September 2016


 చెన్నై: బాలీవుడ్ సూపర్ హిట్ మూవీ విక్కీ డోనర్ రీమేక్ గా సుమంత్ హీరోగా రూపొందుతున్న కొత్త చిత్రం నరుడా.. డోనరుడా. ఈ సినిమా ఫుల్ లెన్త్ ట్రైలర్ ను టాలీవుడ్ ప్రిన్స్ మహేష్ బాబు రిలీజ్ చేయనున్నాడు. ఈ విషయాన్ని సుమంత్ తన ట్విట్టర్ ద్వారా తెలియజేశాడు. ' నా ఫ్రెండ్ మహేష్ బాబు చేతుల మీదుగా నరుడా.. డోనరుడా ఎక్స్క్లూజివ్ ఫుల్ లెన్త్ ట్రైలర్ మంగళవారం రిలీజ్ కాబోతోంది..' అంటూ సుమంత్ సోమవారం ట్వీట్ చేశాడు. 
  
 ఇంతకముందే ఈ సినిమా ఫస్ట్ లుక్ పోస్టర్స్ ను అక్కినేని నాగార్జున విడుదల చేశారు. ఈ పోస్టర్స్ సూపర్ ఫన్నీగా కనిపిస్తుండటంతో మంచి రెస్పాన్స్ కూడా వచ్చింది. ఇందులో సుమంత్ స్పెర్మ్ డోనర్ పాత్రలో నటించనున్నాడు. రేపు విడుదల కాబోయే కొత్త ట్రైలర్ ఎలా ఉంటుందనే ఆసక్తి నెలకొంది. 
  
 కాగా మల్లిక్ రామ్ దర్శకత్వం వహించిన ఈ చిత్రాన్ని అన్నపూర్ణ స్టూడియోస్ సమర్పణలో రీమా రీల్స్, ఎస్.ఎస్.క్రియేషన్స్ పతాకాలపై వై. సుప్రియ, జాన్ సుధీర్ పూదోట నిర్మించారు. హీరోయిన్‌గా పల్లవి సుభాశ్, కీలక పాత్రలో తనికెళ్ల భరణి నటించారు.
 
  


 సుమంత్ ఏం డొనేట్ చేయాలనుకుంటున్నాడో తెలిసి ఆశ్చర్యపోయానంటూ సరదాగా వ్యాఖ్యానించారు అక్కినేని నాగార్జున. హీరో సుమంత్ తాజా చిత్రం 'నరుడా డోనరుడా'  ఫస్ట్ లుక్ను సోమవారం సాయంత్రం ఆయన ట్విట్టర్ ద్వారా రిలీజ్ చేశారు.
 
 గత కొంతకాలంగా సైలెంట్గా ఉన్న హీరో సుమంత్ ఓ కొత్త కాన్సెప్ట్తో ప్రేక్షకుల ముందుకు వచ్చేందుకు సిద్ధమయ్యాడు. బాలీవుడ్లో బాక్సాఫీస్ విజయంతోపాటు విమర్శకుల ప్రశంసలందుకున్న 'విక్కీ డోనార్' సినిమాను 'నరుడా డోనరుడా' పేరుతో తెలుగులో రీమేక్ చేస్తున్నారు. వీర్య దానం చుట్టూ ఈ కథ తిరుగుతుందనే విషయం తెలిసిందే. సరికొత్త పాత్రలో సుమంత్ కనిపించనున్నాడు.
 
 మల్లిక్ రామ్ దర్శకత్వంలో తెరకెక్కుతోన్న 'నరుడా డోనరుడా' షూటింగ్ దాదాపు పూర్తి చేసుకొని పోస్ట్ ప్రొడక్షన్ కార్యక్రమాలు జరుపుకుంటోంది. ఈ సినిమాలో సుమంత్ సరసన పల్లవి సుభాష్ హీరోయిన్గా నటిస్తోంది. రొటీన్ కథలకు భిన్నంగా ఉండాలనే ఉద్దేశ్యంతోనే సుమంత్ గ్యాప్ తీసుకున్నట్లు సమాచారం. ఈ సినిమా విజయం సుమంత్ కెరీర్కు కీలకం కానుంది. వచ్చే నెలలో సినిమాను రిలీజ్ చేసేందుకు ప్లాన్ చేస్తున్నారు.
 
  
 
 Looks interesting!!I I wonder what @isumanth wants to donate.


 అక్కినేని వారసుడిగా ఎంట్రీ ఇచ్చి, స్టార్ ఇమేజ్ కోసం ఎన్నో ఏళ్లుగా ఎదురుచూస్తున్న నటుడు సుమంత్. వరుస ఫ్లాప్లతో కొంత కాలంగా వెండితెరకు దూరమైన సుమంత్, ఇప్పుడో వెరైటీ సినిమాతో ఆడియన్స్ ముందుకు వస్తున్నాడు. హిందీలో మంచి సక్సెస్ సాధించిన విక్కీడోనర్ సినిమాను తెలుగులో రీమేక్ చేస్తున్నాడు. ఒరిజినల్ వర్షన్పై ఉన్న నమ్మకంతో ఈ సినిమా తనకు తెలుగులో బ్రేక్ ఇస్తుందన్న ఆశతో ఉన్నాడు సుమంత్.
 
 కొత్త దర్శకుడు మల్లిక్  రామ్ దర్శకత్వంలో తెరకెక్కుతున్న ఈ సినిమాలో పల్లవి సుభాష్ హీరోయిన్గా నటిస్తోంది. ఇప్పటికే షూటింగ్ పూర్తి కావచ్చిన ఈ సినిమాకు 'నరుడా డోనరుడా' అనే టైటిల్ను పరిశీలిస్తున్నారట. త్వరలోనే అఫీషియల్గా టైటిల్తో పాటు సినిమా రిలీజ్ డేట్ను కూడా ఎనౌన్స్ చేసేందుకు రెడీ అవుతున్నారు చిత్రయూనిట్.