మిర్యాలగూడ టౌన్‌: బాబా సాహెబ్‌ డాక్టర్‌ బీఆర్‌ అంబేద్కర్‌ నేషనల్‌ ఫేలోషిఫ్‌–2016 అవార్డుకు రాష్ట్రం నుంచి మిర్యాలగూడ పట్టణానికి చెందిన మున్సిపల్‌ ఎస్సీ ఎంప్లాయిస్‌ అసోసియేషన్‌ జిల్లా అధ్యక్షులు కత్తుల సూర్యనారాయణను ఎంపిక చేసినట్లు భారతీయ దళిత సాహిత్య అకాడమి జాతీయ అధ్యక్షుడు డాక్టర్‌ ఎస్‌పీ సుమనాక్షార్‌ ఉత్తర్వులను జారీ చేశారు. ఈ జారీ చేసిన పత్రాన్ని కత్తుల సూర్యనారాయణ హైదరాబాద్‌లోని రాష్ట్ర భారతీయ దళిత సాహిత్య ఆకాడమి కార్యాలయంలో  సోమవారం అందుకున్నారు. ఈ అవార్డును ఢీల్లీలో డిసెంబరు 11, 12వతేదిల్లో జరిగే భారతీయ దళిత సాహిత్య ఆకాడమిలో కత్తుల అందుకొనున్నారు. ఇయన 1983 నుంచి ఇప్పటి వరకు సామాజిక ఉద్యమంతోపాటు అంబేద్కర్‌ యువజన సంఘాన్ని బలోపేతం చేయడంలో ప్రధాన భూమికను పోషించారు. కత్తుల జాతీయ ఫేలోషిప్‌అవార్డుకు ఎంపిక కావడం పట్ల మున్సిపల్‌ సిబ్బంది హర్షం వ్యక్తం చేశారు.
  


 వరంగల్‌ లీగల్‌ :  జాతీయ న్యాయసేవా అధికార సంస్థ ఆదేశాల మేరకు శనివారం జిల్లా వ్యాప్తంగా జాతీయ లోక్‌ అదాలత్‌ నిర్వహిస్తున్నట్లు జిల్లా న్యాయసేవా అధికార సంస్థ చైర్మన్, జిల్లా ప్రిన్స్‌పల్‌ అండ్‌ సెషన్స్‌ జడ్జి ఎం.లక్ష్మణ్‌ ఒక ప్రకటనలో తెలిపారు. ప్రతినెల రెండో శనివారం నిర్వహించే లోక్‌ అదాలత్‌ ఈసారి రాజీకి అవకాశం ఉన్న క్రిమినల్‌ కేసుల పరిష్కారమే లక్ష్యంగా నిర్వహిస్తున్నట్లు పేర్కొన్నారు. 


 
 – నడిగూడెం కోటలో పింగళి రూపకల్పన
  నడిగూడెం: జాతీయ త్రివర్ణ పతాకాన్ని నడిగూడెంలోని జమీందారు రాజా బహుద్దూరు నాయిని వెంకటరంగారావు కోటలోనే పింగళి వెంకయ్య రూపొందించారు. పింగళి వెంకయ్య స్వగ్రామం మచిలీపట్నం వద్ద ఓ కుగ్రామం. 1910లో అమెరికాలోని
 బావిస్టన్‌లో పింగళి వెంకయ్య, రాజా నాయిని వెంకటరంగారావు కలిసి చదువుకున్నారు. పింగళి వెంకయ్య వ్యవసాయం, వెంకటరంగారావు ఎల్‌ఎల్‌బీలో అక్కడే పట్టభద్రులయ్యారు. నాడు రాజా నాయిని వెంకటరంగారావు అప్పటి క్రిష్ణా జిల్లా నందిగామ తాలూకా మునగాల పరగణాను పాలిస్తున్నారు. పింగళి వెంకయ్యకు వ్యవసాయంలో ప్రావీణ్యం ఉండడంతో ఈ పరగణాలో పత్తి సాగు కోసం, ఆ పంట విస్తరణ కోసం రాజావారు పింగళి వెంకయ్యను తన ఆస్థానంలో వ్యవసాయాధికారిగా నియమించుకున్నారు. 1910లో స్వాతంత్ర పోరాట ఉద్యమం ఉదృతంగా జరుతున్నది. జాతిపిత మహాత్మా గాంధీ అంటే పింగళి వెంకయ్య బాగా ఇష్టం. పింగళి వెంకయ్య రాజావారి వద్ద విధులు నిర్వహిస్తూనే నాడు స్వాతంత్ర ఉద్యమంలో పాల్గొనేవాడు. నాడు అనేకసార్లు గాంధీజీని కలిసేవారు. పలుసార్లు గాంధీ మన జాతికి జాతీయ జెండా కావాలని అడగడంతో 1926లో పింగళి వెంకయ్య మూడు రంగుల్లో ఒక జాతీయ జెండాను రూపొందించారు. కశాయం రంగు ఉద్యమ స్పూర్తి కోసమని, తెలుపు శాంతి కోసమని, ఆకుపచ్చని రంగు దేశం నిత్యం పచ్చని పైరులతో ఉండాలనేది దృష్టిలో పెట్టుకొని తయారు చేశారు. ఈ మూడు రంగులో మధ్యలో గాంధీజీ నూలు వడికంచు రాట్నం పటంతో ఈ జాతీయ జెండాను రూపొందించారు. 1926లోనే తూర్పు గోదావరి జిల్లా కాకినాడలో జరిగిన జాతీయ కాంగ్రెస్‌ సమావేశంలో గాంధీ పాల్గొన్నారు. ఈ సమావేశంలో పింగళి వెంకయ్య రూపొందించిన త్రివర్ణ పతాకాన్ని గాంధీజికి ప్రదర్శించారు. అప్పటికే దేశ నలుమూలల నుంచి 16 నమూనాలు గాంధీజీకి అందాయి. పింగళి వెంకయ్య రూపొందించిన జెండాలో 1930లో రాట్నంను తొలగించి ఆశోక చక్రంతో రూపొందించి పింగళి వెంకయ్య రూపొందించిన జెండానే గాంధీజీ ఖరారు చేశారు.  తర్వాత ఈ స్వాతంత్ర పోరాట ఉద్యమంలో ఈ జాతీయ జెండాను పట్టుకొని ఉద్యమకారులు ఉద్యమాన్ని నిర్వహించారు. నాడు నడిగూడెంలోనే పింగళి వెంకయ్య దేశం గర్వించపడేలా జాతీయ జెండాను రూపొందించడం పట్ల నడిగూడెం మండల ప్రజలు హర్షం వ్యక్తం చేస్తున్నారు.