ఓ పెద్దింటి కుర్రాడు, ఓ పేదింటి అమ్మాయి ప్రేమించుకుంటారు. వీరి పెళ్లికి పెద్దలు సమ్మతించకపోవడంతో ఇంటి నుంచి వెళ్లిపోయి, పెళ్లి చేసుకుంటారు. ఆ తర్వాత ఏం జరిగింది? అనే కథాంశంతో రూపొందిన ఓ తమిళ చిత్రం తెలుగులో ‘నిర్ణయం’ పేరుతో విడుదల కానుంది. రాణా విక్రమ్, రెజీనా జంటగా నటించిన ఈ చిత్రాన్ని ఎ.వై.ఎస్. చౌదరి సమర్పణలో కె. జ్యోత్స్నరాణి, యం. లక్ష్మీ, సురేఖ తెలుగులోకి అనువదించారు. సెల్వగణేశ్ స్వరపరచిన ఈ చిత్రం పాటలను నిర్మాత అశోక్‌కుమార్ ఆవిష్కరించి,  దర్శకుడు సాగర్‌కి ఇచ్చారు. నిర్మాతలు మాట్లాడుతూ - ‘‘మంచి కథాంశంతో రూపొందించిన సస్పెన్స్ థ్రిల్లర్ ఇది. రెజీనా అందచందాలు, అభినయం ఓ హైలైట్. బేబి వేదిక పోషించిన పాత్ర కీలకంగా నిలుస్తుంది. మంచి పాటలు కుదిరాయి. త్వరలో ఈ చిత్రాన్ని విడుదల చేయాలనుకుంటున్నాం’’ అని చెప్పారు.
  


 ఓ గొప్పింటి అబ్బాయి, ఓ పేదింటి అమ్మాయి ప్రేమలో పడతారు. పెద్దలు వీరి పెళ్లికి అంగీకరించరు. దాంతో ఇద్దరూ ఇల్లు వదిలి, ఊరు వదిలి పెళ్లి చేసుకుంటారు. ఆ తర్వాత వీరి జీవితాలు ఓ కీలకమైన మలుపు తిరుగుతుంది. అదేంటో తెరపై చూడాలంటున్నారు దర్శకుడు శరవణన్. రాణా విక్రమ్, రెజీనా జంటగా తమిళంలో రూపొందిన చిత్రాన్ని ‘నిర్ణయం’ పేరుతో తెలుగులో అనువదిస్తున్నారు. ఎ.వై.ఎస్. చౌదరి సమర్పణలో కె.జోత్న్సారాణి, ఎం.లక్ష్మీ సురేఖ ఈ చిత్రాన్ని తెలుగు ప్రేక్షకులకు అందిస్తున్నారు. చక్కటి సస్పెన్స్ థ్రిల్లర్ ఇదని, సెల్వ గణేశ్ చక్కటి మెలోడీ పాటలిచ్చారని, బేబి వేదిక కీలకపాత్ర పోషించిందని, త్వరలో పాటలను, వచ్చే నెలలో చిత్రాన్ని విడుదల చేస్తామని నిర్మాతలు తెలిపారు. ఈ చిత్రానికి మాటలు-పాటలు: మహేశ్ అల్లు.