బ్యాంకులలో రుణాలు పొందడం అంత సులువు కాదు. హామీగా ఆస్తులు తాకట్టు పెట్టాలి.. సవాలక్ష డాక్యుమెంట్లు సమర్పించాలి. అయితే ఇవన్నీ లేకుండా కేవలం ఆధార్‌ కార్డు ఉంటే చాలు.. ప్రభుత్వ బ్యాంకుల నుంచి రూ.50 వేలు లోన్‌ పొందే అవకాశం ఉంది. అదే పీఎం స్వనిధి యోజన పథకం.కోవిడ్‌ (COVID-19) మహమ్మారి బారిన పడిన వ్యాపారాలకు మద్దతుగా ప్రభుత్వం ప్రధాన మంత్రి స్వనిధి యోజన (PM Svanidhi Yojana) పథకాన్ని కేంద్ర ప్రభుత్వం 2020లో ప్రవేశపెట్టింది. చిరు వ్యాపారులు, వీధి వ్యాపారుల స్వావలంబన కల్పించాలన్నది ఈ పథకం ఉద్దేశం. ఈ స్కీమ్‌ కింద లబ్ధిదారులు ఎటువంటి గ్యారెంటీ లేకుండా ఆధార్ కార్డుతో రుణాన్ని పొందవచ్చు.ఇది ఎలా పని చేస్తుందంటే..చిరు వ్యాపారులకు ప్రారంభంలో రూ.10,000 వరకు రుణం ఇస్తారు. వారు ఈ లోన్ మొత్తాన్ని సకాలంలో తిరిగి చెల్లిస్తే, తదుపరిసారి రూ.20,000 రుణం పొందవచ్చు. దీన్ని కూడా సకాలంలో తిరిగి చెల్లించిన తర్వాత రూ.50,000 లోన్‌ అందుకోవచ్చు.ఆధార్ కార్డు తప్పనిసరిపీఎం స్వనిధి పథకం కింద రుణం పొందాలంటే ఆధార్ కార్డు తప్పనిసరి. వ్యాపారులు తమ ఆధార్ కార్డును ఉపయోగించి ప్రభుత్వ బ్యాంకులో ఈ పథకం కోసం దరఖాస్తు చేసుకోవచ్చు. రుణాన్ని 12 నెలల్లో వాయిదాల పద్ధతిలో తిరిగి చెల్లించాలి.ఎలా దరఖాస్తు చేయాలి?పీఎం స్వనిధి వెబ్‌సైట్ ప్రకారం.. రుణగ్రహీతలు తప్పనిసరిగా లోన్ అప్లికేషన్ ఫారమ్ (LAF)ని పూరించడానికి అవసరమైన సమాచార పత్రాలను అర్థం చేసుకోవాలి.ఆన్‌లైన్ దరఖాస్తు ప్రక్రియలో ఈ-కేవైసీ/ఆధార్ ధ్రువీకరణ కోసం మొబైల్ నంబర్‌ను ఆధార్ నంబర్‌కు లింక్ చేయడం తప్పనిసరి. దీంతోపాటు రుణగ్రహీతలు ప్రభుత్వ సంక్షేమ పథకాల నుండి భవిష్యత్తు ప్రయోజనాల కోసం పట్టణ స్థానిక సంస్థల (ULB) నుండి సిఫార్సు లేఖను పొందవలసి ఉంటుంది.మొబైల్ నంబర్‌లను అప్‌డేట్ చేయడానికి ఫారమ్‌ను తప్పనిసరిగా పూరించాలి. ఇతర పత్రాలు అవసరం లేదు.ఈ పథకంలో రుణం పొందడానికి అర్హులైన నాలుగు రకాల విక్రేతలు ఉన్నారు. అర్హత ప్రమాణాలను సరిచూసుకుని తదనుగుణంగా దరఖాస్తు చేసుకోండి.ఈ మూడు దశలను అనుసరించిన తర్వాత పోర్టల్‌లో దరఖాస్తు ప్రక్రియను ప్రారంభించవచ్చు. రుణగ్రహీతలు నేరుగా పోర్టల్‌లో లేదా వారి ప్రాంతానికి సమీపంలో ఉన్న కామన్ సర్వీస్ సెంటర్ (CSC) ద్వారా దరఖాస్తు చేసుకోవచ్చు.మరి వడ్డీ రేటు ప్రధాన మంత్రి స్వనిధి యోజన పథకానికి షెడ్యూల్డ్ కమర్షియల్ బ్యాంకులు, ప్రాంతీయ గ్రామీణ బ్యాంకులు (RRB), చిన్న ఫైనాన్స్ బ్యాంకులు (SFB), సహకార బ్యాంకుల వడ్డీ రేట్లు ప్రస్తుతం ఉన్న రేట్ల ప్రకారం ఉంటాయి. ఎన్‌బీఎఫ్‌సీలకు (NBFC) వడ్డీ రేట్లు ఆర్బీఐ మార్గదర్శకాల ప్రకారం ఉంటాయి. ఎంఎంఫ్‌ఐలు (non NBFC) ఆర్బీఐ మార్గదర్శకాల పరిధిలోకి రాని ఇతర కేటగిరి సంస్థలకు ప్రస్తుతం ఉన్న ఆర్బీఐ మార్గదర్శకాల ప్రకారం పథకం కింద వడ్డీ రేట్లు వర్తిస్తాయి.

టోక్యో: అసలే విశ్వక్రీడలు అనుకున్న సమయంలో జరగకపోవడంతో నిరుత్సాహానికి గురైన క్రీడా లోకంపై టోక్యో ఒలింపిక్స్‌ ఆర్గనైజింగ్‌ కమిటీ ముఖ్య కార్యనిర్వహణాధికారి (సీఈఓ) తోషిరో ముటో మరో బాంబు పేల్చే వ్యాఖ్యనొకటి వదిలారు. వచ్చే ఏడాది జూలై 23కి వాయిదా పడిన ఒలింపిక్స్‌ అప్పుడైనా సరైన సమయంలో జరుగుతాయనే హామీ ఇవ్వలేమని చావుకబురు చల్లగా చెప్పారు. దీంతో 2021 ఒలింపిక్స్‌ క్రీడల నిర్వహణపై నీలినీడలు కమ్ముకున్నాయి. అసలు ఈ మెగా ఈవెంట్‌ జరుగుతుందా లేదా అనే అనుమానాలు వ్యక్తం అవుతున్నాయి. ‘వచ్చే ఏడాది జూలై నాటికి కరోనాతో ప్రపంచ వ్యాప్తంగా పరిస్థితి అదుపులోకి వస్తుందని నమ్మకంగా ఎవరూ చెప్పలేరు. ఈ పరిస్థితుల్లో క్రీడల నిర్వహణ అనుకున్న సమయానికే జరుగుతుందనే కచ్చితమైన హామీ ఇవ్వలేం. ప్రస్తుతం క్రీడలకు ప్రత్యామ్నాయాలు వెతకడం కన్నా మనముందున్న సవాలుపై సమష్టిగా పోరాటం చేయాలి. మానవజాతి అంతా ఏకమై తమ మేధస్సు, సాంకేతిక పరిజ్ఞానం ఉపయోగించి ఈ కరోనా మహమ్మారికి చికిత్స, వ్యాక్సిన్, మందులు కనిపెట్టేందుకు శ్రమించాలి’ అని ముటో పేర్కొన్నాడు.  


 = నాలుగు రాష్ట్రాల్లో కాంగ్రెస్ ఓటమిపై పరమేశ్వర
  = జాగ్రత్తగా ‘లోక్‌సభ’ అభ్యర్థుల ఎంపిక
  = ఉత్తములకే టికెట్లు.. సిట్టింగ్‌లకు నో గ్యారంటీ
  = ప్రభుత్వానికి గవర్నర్ సలహాలివ్వడం సాధారణమే
  = ఆయన్ను బదిలీ చేయించడానికి ఎలాంటి కుట్రలూ జరగడం లేదు
  = కొద్ది నెలల్లో ఆయన పదవీ కాలం ముగియనుంది
  = ఆయన్ను బదిలీ చేయించాల్సిన అవసరం లేదు
  
  సాక్షి ప్రతినిధి, బెంగళూరు : దేశంలోని నాలుగు రాష్ట్రాల్లో కాంగ్రెస్ ఘోర పరాజయాన్ని మూటగట్టుకోవడం పార్టీకి నిజంగా ప్రమాద సూచికేనని కేపీసీసీ అధ్యక్షుడు డాక్టర్ జీ. పరమేశ్వర అంగీకరించారు. పార్టీ కార్యాలయంలో సోమవారం ఆయన విలేకరుల సమావేశంలో మాట్లాడుతూ ఆ ఫలితాల కారణంగా వచ్చే లోక్‌సభ ఎన్నికలకు అభ్యర్థుల ఎంపికపై పలు జాగ్రత్తలు తీసుకోవాల్సిన అవసరం ఏర్పడిందన్నారు. ప్రస్తుత ఎంపీల నడవడికను గమనించి, ఎన్నికల్లో టికెట్లు ఇస్తామే తప్ప, సిట్టింగ్‌లకు
  
  
  గ్యారంటీ మాత్రం లేదని నర్మగర్భంగా చెప్పారు. కాగా మంత్రుల తీరుపై గవర్నర్ హెచ్‌ఆర్. భరదాజ్ అసంతృప్తి వ్యక్తం చేయడం, ప్రభుత్వానికి సలహాలు ఇవ్వడం లాంటి సమాచారం తనకు తెలియాల్సిన ఆగత్యం లేదన్నారు. ప్రభుత్వానికి గవర్నర్ సలహాలు ఇవ్వడం సాధారణమేనన్నారు. గతంలో బీజేపీ హయాంలో కూడా ఆయన పలు సార్లు ప్రభుత్వ వైఖరిపై అసంతృప్తి వ్యక్తం చేశారని గుర్తు చేశారు. గవర్నర్‌ను బదిలీ చేయించడానికి మంత్రులు, పార్టీ నాయకులు ప్రయత్నిస్తున్నారన్న వార్తల్లో నిజం లేదని చెప్పారు. మరో కొద్ది నెలల్లో ఆయన పదవీ కాలం ముగియనుందని, కనుక ఇప్పుడు బదిలీ చేయించాల్సిన అవసరం తమకు లేదని అన్నారు. ఈ నెల 14న పార్టీ ఎన్నికల కమిటీ సమావేశం జరుగనుందని, అందులో లోక్‌సభ ఎన్నికలకు ఆశావహుల జాబితాను సిద్ధం చేస్తామని ఆయన వెల్లడించారు.
  
 మేడంతో భేటీ రద్దు
 
  కాంగ్రెస్ అధ్యక్షురాలు సోనియా గాంధీకి జన్మ దిన శుభాకాంక్షలు తెలియజేయడానికి వెళ్లిన ముఖ్యమంత్రి సిద్ధరామయ్య రిక్త హస్తాలతో వెనుదిరగాల్సి వచ్చింది. నాలుగు రాష్ట్రాల్లో కాంగ్రెస్ ఘోర పరాజయాన్ని చవిచూసిన నేపథ్యంలో సోనియా గాంధీ పుట్టిన రోజు వేడుకలను రద్దు చేసుకున్నారు. దీనికి తోడు దక్షిణాఫ్రికా మాజీ అధ్యక్షుడు నెల్సన్ మండేలా మృతి వల్ల సంతాప దినాలు పాటిస్తున్నందుందున జన్మ దినాన్ని జరుపుకోకూడదని ఆమె నిర్ణయించినట్లు తెలిసింది. దీంతో తనను కలవడానికి ఎవరూ రావద్దని ఆమె సూచించినట్లు సమాచారం.