సాక్షి నెట్‌వర్క్‌: అవ్వాతాతలు, వృద్ధులు, వితంతువులు తదితరుల ఇళ్లకే వెళ్లి ప్రతీనెలా ఠంఛనుగా ఒకటో తేదీ పొద్దున్నే వలంటీర్ల ద్వారా పింఛన్లను అందజేస్తున్న రాష్ట్ర ప్రభుత్వ విధానంపై టీడీపీ–బీజేపీ–జనసేన కూటమి అక్కసుకు వారు బలవుతున్నారు. రానున్న ఎన్నికల్లో వైఎస్సార్‌ కాంగ్రెస్‌ పార్టీకి ఎక్కడ మైలేజీ వస్తుందేమోనన్న దుగ్థతో కూటమి పార్టీలు ఎన్నికల సంఘానికి పదేపదే ఇ చ్చిన ఫిర్యాదుల నేపథ్యంలో ఎన్నికల సంఘం ఆంక్షలు విధించిన విషయం తెలిసిందే. దీంతో గత నెలలో సచివాలయాల వద్ద ఇవ్వగా దీనిపైనా కూటమి అభ్యంతరాలు చెప్పడంతో ఈనెల బ్యాంకుల్లో పింఛన్‌ మొత్తం జమచేయమని ఈసీ ఆదేశించింది. దీంతో రాష్ట్ర ప్రభుత్వం బ్యాంకు ఖాతాలున్న వారికి బ్యాంకుల్లో పింఛన్లను జమచేసింది. ఈ నేపథ్యంలో గురువారం రాష్ట్రవ్యాప్తంగా బ్యాంకులకు తరలివెళ్లిన అవ్వాతాతలు, వికలాంగులు, వితంతువులు భగభగలాడుతున్న మండుటెండల్లో నానా అవస్థలు పడ్డారు. ఇలా ఎండలకు తాళలేక వడదెబ్బతో ముగ్గురు మృత్యువాత పడగా మరొకరు పెన్షన్‌ ఎలా తెచ్చుకోవాలో తెలీక చింతిస్తూ మరణించారు. వివరాలివీ.. చిత్తూరులో జిల్లాలో స్పృహతప్పి.. చిత్తూరు జిల్లా కార్వేటినగరం పరిధిలోని పద్మసరస్సు ఎస్టీ కాలనీకి చెందిన చిన్నముత్తయ్య (గోపాలయ్య) మామిడి తోటలో కాపలాదారు. పింఛన్‌ కోసం బ్యాంకుకు వెళ్లి తిరిగి వస్తుండగా జీలగల్లు ప్రాంతంలో ఎండ వేడికి తాళలేక స్పృహతప్పి పడిపోయాడు. స్థానికులు ప్రభుత్వ ఆస్పత్రికి తరలించగా అప్పటికే మృతిచెందినట్లు వైద్యులు ధ్రువీకరించారు. పెన్షన్‌ కోసం చింతిస్తూ.. ఇన్నాళ్లూ ఇంటికే వచ్చిన పింఛన్‌ సొమ్ము బ్యాంకులో జమకావడంతో ఎలా తెచ్చు­కోవాలో తెలీక శ్రీపొట్టి శ్రీరాములు నెల్లూరు జిల్లా నెమళ్లదిన్నె ఎస్టీ కాలనీకి చెందిన రాగి తిరుపాలమ్మ (75) చింతిస్తూ గురువారం మృతిచెందింది. తిరుపాలమ్మ బుధవారం పింఛను డబ్బుల కోసం సచివాలయం వద్దకు వెళ్లగా బ్యాంకు ఖాతాలో జమ అయినట్లు సమాచారం ఇచ్చారు. కానీ, డబ్బులు చేతికి అందలేదనే దిగులుకు తోడు ఆ డబ్బుల్ని ఎలా తెచ్చుకోవాలో తెలీక చింతిస్తూ తెల్లవారుజామున ప్రాణాలు విడిచింది. పింఛను తీసుకున్న పది నిమిషాలకే వడదెబ్బ.. అన్నమయ్య జిల్లా పెనగలూరుకు చెందిన బుజ్జమ్మ (60) బ్యాంకులో పింఛన్‌ తీసుకుని ఇంటికి బయల్దేరుతుండగా ఎండవేడిమి తాళలేక దారిలోనే కుప్పకూలింది. ఆస్పత్రికి తీసుకెళ్లేలోపే మరణించింది. బ్యాంకు బయటే కుప్పకూలి.. తిరుపతి జిల్లా చంద్రగిరి మండలం కొటాలకు చెందిన వెంకట నాగులు (72) తన ఖాతాలో పింఛను డబ్బులు జమకావడంతో ఏ.రంగంపేటలోని బ్యాంకుకు వెళ్లాడు. ఎండ వేడిమికి తట్టుకోలేక బ్యాంకు వెలుపలగుండెపోటుతో కుప్పకూలిపడిపోయాడు. తిరుపతి రుయాలో చికిత్స పొందుతూ మృతిచెందాడు.

శ్రీకాకుళం (పీఎన్‌కాలనీ): ప్రతి ఎన్నికల్లో చంద్రబాబు చేసే టక్కు టమారాలు, దొంగవిధానాలు, అబద్ధపు హామీలు, బూటకపు కూటములు ఈ ఎన్నికల్లో పనిచేయబోవని రాష్ట్ర రెవెన్యూ శాఖ మంత్రి ధర్మాన ప్రసాదరావు స్పష్టం చేశారు. శ్రీకాకుళం జిల్లా కేంద్రంలోని 50వ డివిజన్‌ ఆదివారం పేట పరిసర ప్రాంతంలో సోమవారం ఎన్నికల ప్రచారం ప్రారంభించారు. మంత్రి మాట్లాడుతూ.. వలంటీర్లపై టీడీపీ నేతలు  ఎన్నికల కమిషన్‌కి ఫిర్యాదు చేసి, కుట్రలు కుతంత్రాలు పన్నిన కారణంగా పంపిణీలో జాప్యం చోటుచేసుకుందని మండిపడ్డారు. లబ్ధిదారులంతా  ఇప్పుడు సచివాలయాల వద్దకు వెళ్లాల్సిన పరిస్థితి ఏర్పడిందని దుయ్యబట్టారు.    జాతీయ సంస్థల సర్వేల్లో ఏపీ బెస్ట్‌  2019 నుంచి 2024 వరకు జరిగిన అభివృద్ధిపై జాతీయ సంస్థలు అనేక సర్వేలు చేశాయని, జీఎస్‌డీపీ టీడీపీ హయాంలో 22వ స్థానంలో ఉంటే ఈ ఐదేళ్లలో 5వ స్థానానికి వచి్చందన్నారు. తలసరి ఆదాయం 17 నుంచి 9వ స్థానానికి, ఈజ్‌ ఆఫ్‌ డూయింగ్‌ బిజినెస్‌లో దేశంలోనే 3వ స్థానంలో నిలిచిందన్నారు. ఇవన్నీ అభివృద్ధి సూచికలు కాదా అని ప్రశ్నించారు. ఎన్నికల్లో ఎమ్మెల్యేగా తనను, ఎంపీగా పేరాడ తిలక్‌ను గెలిపించాలని కోరారు.  ఫ్యాన్‌ గుర్తుకే ఓటు  మంత్రి ధర్మాన ప్రసంగిస్తున్న సమయంలో 70 ఏళ్ల వృద్ధురాలు కూర్మాపు లకు‡్ష్మమమ్మ మధ్యలో లేచి మైక్‌ దగ్గరికి వెళ్లి మాట్లాడారు. ‘మీ అందరికీ దండంబాబు.. ఏ దిక్కు మొక్కులేని నాకు జగన్‌బాబు దయవల్ల వలంటీర్‌ ఇంటికొచ్చి పెన్షన్, బియ్యం ఇస్తున్నారు. నాకు భర్తలేడు. కోడలు చనిపోయింది. నా కొడుక్కి, ఇద్దరు మనవళ్లకు నేనే గంజి పోస్తున్నాను. తప్పనిసరిగా ఫ్యాన్‌ గుర్తుకే ఓటేసి జగన్‌బాబును, పెసాదుబాబును గెలిపిస్తా’ అంటూ తన యాసలో చెప్పి అందరినీ  ఆకట్టుకుంది.

సాక్షి నెట్‌వర్క్‌ : పేదవారంటే చంద్రబాబుకు మొదటి నుంచీ చులకన భావమేనని.. ప్రతీనెల ఒకటో తేదీనే వలంటీర్లు ఇంటింటికీ వెళ్లి అవ్వాతాతలకు పింఛన్లు ఇవ్వడాన్ని ఆయన తట్టుకోలేకపోతున్నాడని, అందుకే వారిపై ఆయన కక్ష కట్టాడని పలువురు మంత్రులు మండిపడ్డారు. దీంతో చంద్రబాబు తన జేబు సంస్థ అయిన ‘సిటిజన్స్‌ ఫర్‌ డెమోక్రసీ’ముసుగులో తన నమ్మినబంటు నిమ్మగడ్డ రమేష్కుమార్‌తో ఈసీకి ఫిర్యాదు చేయించి.. దాన్ని వైఎస్సార్‌సీపీపై నెట్టే ప్రయత్నం చేస్తున్నారని ఆగ్రహం వ్యక్తంచేశారు. నీచ రాజకీయాలు చేస్తూ వలంటీర్లపై ఫిర్యాదు చేయడమంటే.. ప్రజలకు జరుగుతున్న మేలు అడ్డుకోవడమేనన్నారు. వచ్చే ఎన్నికల్లో అవ్వాతాతలే చంద్రబాబుకు బుద్ధిచెబుతారన్నారు. ఎవరెవరు ఏమేన్నారంటే..   ఈసీ ఆదేశాలను పునఃసమీక్షించాలి..  ప్రతీనెలా ఒకటో తేదీన ప్రభుత్వమిచ్చే పెన్షన్లపై ఎన్నో ఆశలు పెట్టుకుని అవ్వాతాతలు జీవిస్తున్నారు. అలాంటి వారికి వలంటీర్ల ద్వారా పెన్షన్లు పంపిణీ చేయరాదని ఈసీ ఇచ్చిన ఆదేశాలను పునఃసమీక్షించాలి. పేదోడు బాగా ఉంటే చంద్రబాబుకు తిన్నది అరగదు. పెన్షన్లు ఇవ్వనీయకుండా.. నిరుద్యోగుల డీఎస్సీని అడ్డుకున్న దుషు్టడు చంద్రబాబు. పెన్షన్‌ పంపిణీకి ఎటువంటి ప్రత్యామ్నాయం చేసినా ఇబ్బందులు తప్పవు. అది ఒక నెలతో పోయేది కాదు.. మూడునెలల పాటు అవ్వాతాతలకు పెన్షన్లు ఇవ్వకుండా అడ్డుకుంటే ఆ పాపం శాపమై చంద్రబాబుకు చుట్టుకుంటుంది.  – బొత్స సత్యనారాయణ, మంత్రి    వలంటీర్లపై విషం కక్కుతున్నారు  పది మంది జీవితాల బాగు కోసం పాటుపడుతూ.. పారదర్శకంగా ప్రజాసేవకు అంకితమైన వలంటీర్లపై చంద్రబాబు, పచ్చబ్యాచ్‌ విషం కక్కుతున్నారు. ప్రజల కోసం అహరి్నశలు పాటుపడుతున్న వలంటీర్లంటే ఎందుకంత భయం? చంద్రబాబు ఓటమి భయంతోనే వలంటీర్లపై తప్పుడు ఫిర్యాదులు చేయించి కక్ష సాధిస్తున్నారు. టీడీపీ అధికారంలోకి వస్తే.. మొత్తం వలంటీరు వ్యవస్థనే తీసేసే హెచ్చరికగానే దీన్ని భావించాలి. అవ్వాతాతలు పింఛన్ల కోసం ఇబ్బందులు పడాల్సి వస్తుందని తెలిసినా అమానవీయంగా ఎన్నికల కమిషనర్‌కు టీడీపీ ఫిర్యాదు చేసింది. చంద్రబాబుకు వారి ఉసురు తగులుతుంది. – విడదల రజిని, మంత్రి   బాబుకు అవ్వాతాతల శాపనార్థాలు  అవ్వాతాతలు, వితంతువులు, దివ్యాంగులు, కిడ్నీ బాధితులు 1వ తేదీ ఉ.5 గంటల నుంచి ఇంటిగుమ్మంలో పింఛను కోసం ఎదురుచూస్తారు. పెత్తందార్లకు వెన్నుదన్నుగా నిలబడి ప్యాకేజీలు గుంజుకునే చంద్రబాబు పేదలను ఎప్పుడూ ఇబ్బందులు పెడుతూనే ఉన్నాడు. ముందునుంచీ వలంటీరు వ్యవస్థపై పడి ఏడుస్తున్నాడు. ఇప్పుడు తన నమ్మినబంటు నిమ్మగడ్డ రమేష్తో ఎన్నికల అధికారికి పిటిషన్‌ ఇచ్చి వలంటీర్లను విధుల నుంచి తప్పించి పాపం మూటగట్టుకున్నాడు. అవ్వాతాతల శాపనార్థాలు ఆయనకు తగులుతాయి. వారు పడే బాధ నువ్వు కూడా అనుభవించే రోజు వస్తుంది. – కారుమూరి నాగేశ్వరరావు, మంత్రి  చంద్రబాబుది రాక్షసానందం అవ్వాతాతలు, వికలాంగులు, వ్యాధిగ్రస్తుల ఇంటికి వలంటీర్లు రాకుండా అడ్డుకున్న పాపం చంద్రబాబుదే. గ్రామ వలంటీర్‌ వ్యవస్థను అడ్డుకుని ఆయన రాక్షసానందం పొందుతున్నారు. ఆయన కుట్రతో అవ్వాతాతలు పింఛన్ల కోసం ఇకపై మండుటెండల్లో ఎన్ని కష్టాలు పడాల్సి ఉంటుందో? వలంటీర్లను అడ్డుకుని ఇప్పుడు పింఛన్లు పంపిణీ చేయాలంటూ చంద్రబాబు మొసలికన్నీరు కారుస్తున్నారు. చంద్రబాబు అధికారంలోకి వస్తే తమ బతుకులు ఏవిధంగా ఉంటాయోనని పేదలు బెంబేలెత్తిపోతున్నారు. టీడీపీ కూటమికి వారు బుద్ధిచెప్పడం ఖాయం.  – ఆదిమూలపు సురేష్, మంత్రి  చంద్రబాబు నరరూప రాక్షసుడు అవ్వాతాతలపై ఎటువంటి కనికరం లేకుండా టీడీపీ అధ్యక్షుడు చంద్రబాబు నరరూప రాక్షసుడిలా వ్యవహరించాడు. సీఎం జగన్‌ ప్రవేశపెట్టిన వలంటీర్‌ వ్యవస్థపై చంద్రబాబు మొదటి నుంచీ కడుపు మంటతోనే ఉన్నాడు. ప్రతినెలా ఒకటో తేదీన అవ్వాతాతలకు, దివ్యాంగులకు, దీర్ఘకాల రోగుల ఇళ్లకు వలంటీర్లు వెళ్లి, ఆప్యాయంగా పలకరిస్తూ రూ.3 వేల పెన్షన్‌ ఇస్తుంటే చంద్రబాబు చూడలేకపోయారు. దీంతో వలంటీర్ల విధులపై కేంద్ర ఎన్నికల సంఘం ఆంక్షలు విధించేలా చేశారు. దీనివల్ల తీవ్రంగా నష్టపోయేది, ఇబ్బందులు పడేది పెన్షన్‌దారులే. – మార్గాని భరత్‌రామ్, ఎంపీ పెన్షనర్లే టీడీపీ కూటమికి బుద్ధిచెబుతారు  పింఛన్‌దారులను ఇబ్బంది పెట్టడం దారుణం. చంద్రబాబునాయుడు, రాష్ట్ర ఎన్నికల మాజీ కమిషనర్‌ నిమ్మగడ్డ రమేష్‌ ద్వారా వలంటీర్లతో పింఛన్లను పంపిణీ చేయవద్దని ఎన్నికల కమిషనర్‌కు ఫిర్యాదు చేయడం సరికాదు. వచ్చే ఎన్నికల్లో పెన్షనర్లే తెలుగుదేశం కూటమికి బుద్ధిచెబుతారు. చంద్రబాబు ఎన్ని కుట్రలు, కుతంత్రాలు పన్నినా వైఎస్సార్‌సీపీ గెలుపు ఖాయం.  – ఏకుల రాజేశ్వరిరెడ్డి, వైఎస్‌ఆర్‌సీపీ రాష్ట్ర మహిళా కార్యదర్శి   

సాక్షి,నల్లగొండ: పింఛన్‌ కోసం వృద్ధులు పోస్టాఫీస్‌ వద్ద ఉదయం 7 గంటల నుంచే పడిగాపులు కాస్తూ మధ్యాహ్నం 12 గంటల వరకు ఎండలో క్యూ లైన్లో నిల్చుని తాగడానికి నీరు కూడా లేకుండా గోస తీశారు. రెండు నెలలుగా పింఛన్‌ పెండింగ్‌లో ఉన్నా జనవరి మాసం పింఛన్‌ మాత్రమే ఇస్తున్నారని, కనీసం తాగునీటి సౌకర్యం కూడా ఏర్పాటు చేయకపోవడంతో నానా ఇబ్బందలు పడుతున్నామని వృద్ధులు బుధవారం సాక్షితో ఆవేదన వ్యక్తం చేశారు.  ఎండవేడిమి తట్టుకోలేక.. క్యూ లైన్‌లో నిల్చున్న పింఛన్‌దారులు 


 ఉద్యోగ పింఛన్లే అంతంత మాత్రంగా ఉన్న రోజుల్లో, వృద్ధాప్య పింఛన్లు ఎన్నికల వాగ్దానాల జాబితాకెక్కింది. దాదాపు నాలుగు దశాబ్దాల క్రితమే పింఛన్ల మీద బాపు వేసిన పై సంగతి ఇది. ఇది నిత్యనూతనం, సమకాలీనం మాత్రమే కాదు భవిష్యత్ దర్శనం!
  
  బాపు కార్టూన్ చూపులో రాముణ్ణి, కృష్ణుణ్ణి కూడా వదల్లేదు. ‘‘కుప్పించి ఎగసిన కుండ లంబుల కాంతి’’ భారతం యుద్ధకాండలో ప్రసిద్ధ పద్యం. ‘‘కుప్పించి ఎగిసే సరికి నడుం పట్టిందోయ్ బావా’’ అంటూ కృష్ణుడు ఆపసోపాలు పడే దృశ్యం బాపు కొంటె చూపు.
  
  వంశవృక్షం ప్రివ్యూ చూసి బయ టకు వస్తూ, ‘‘బాపూగారూ మీరె ప్పుడూ ట్రాజెడీలు తీసినట్టు లేదు’’ అన్నాడు చిత్ర నిర్మాత మాటవరుసగా. ‘‘తీశాక కొన్ని ట్రాజెడీలే అయినాయ్ లెండి’’ అన్నది బాపు జవాబు.
  ‘‘మీ సీతాకల్యాణం సెల్యు లాయిడ్ దృశ్యకావ్యం!’’
  ‘‘అఫ్‌కోర్స్... ఎక్స్‌పోర్ట్ క్వాలిటీ’’ - పొగడ్తకి బాపు జవాబు.
  ఉత్ప్రేక్షలు, రిపార్టీలు బాపు నాలుక చివర ఉం టాయి.
  ‘‘మాకో మిత్రుడున్నాడు... రాజమండ్రిలో... శ్రీపాద పట్టాభి అని చాలా ఉత్తముడు. కాకపోతే కొంచెం అతి శయోక్తులు ఎక్కువ. బాపు, అక్కినేని సెట్లో జుట్టు జుట్టు పట్టుకోవడం చూశానంటాడు. అసాధ్యం కదా. ఇద్దరి జుట్టూ కలిపి కూడినా పిడికెడు అవదు’’- బాపు ఇలాంటి కబుర్లు సరదాగా ఎన్నైనా చెబుతారు.
  సింహం ఏమీ అనడం లేదులే అని కొంచెం చొరవకి ప్రయత్నిస్తే ఇంతే సంగతులు. దానికో లెక్కుంది. దానికో తిక్కుంది.
  ‘‘మీరు తీస్తున్న సీరియల్‌లో స్వర్గంలో డ్యాన్సులు చేస్తున్న అప్సరసలను చూస్తుంటే - నరకమే బెటరని పిస్తోంది’’.
  ‘‘... అయితే అలాక్కానివ్వండి’’ అని జవాబు రాశా రు. అంటే నరకానికే పొమ్మని దీవెన.
  ‘‘బాపుగారూ! మీ సాక్షి సినిమా నిజంగా స్ఫూర్తి దాయకం’’ అన్నాడొక పాత్రికేయుడు అభినందన పూర్వకంగా.
  ‘‘నిజంగానేనండీ. పులిదిండి గ్రామంలో పాట మీద హీరో హీరోయిన్‌ల పెళ్లి తీశాం. దరిమిలా అదే ఊరు అదే గుడిలో నిజంగానే ఆ హీరో హీరోయిన్‌లు కృష్ణ విజయ నిర్మల గార్లు పెళ్లాడి, సాక్షి సినిమాకి ప్రతిష్ట కల్పించారు’’ అన్నారు బాపు. అలాగ కల్యాణ ప్రదంగా బాపు సినీ జీవితం ఆరంభ మైంది. మూడు హిట్లు ఆరు ఏవరేజీలతో నలభై అయిదేళ్ల ప్రస్థానం సాగింది. బుద్ధిమంతుడు, ముత్యాలముగ్గు, మనవూరి పాండవులు, భక్త కన్నప్ప, సంపూర్ణ రామాయ ణం వగైరా సినిమాలు పెట్టుబడిని, పేరుని పెంచాయి. సీతాకల్యాణం, వంశవృక్షం లాంటి సినిమాలు పేరుని మాత్రం పెంచాయి. శ్రీరామరాజ్యం బాపు తీసిన చివరి సినిమా. ఎవరి టాక్ వారిదే అయి, ప్రేక్షకుల్లో ఏకాభిప్రా యం రానందున రామరాజ్యం డబ్బు చెయ్యలేదు. లవకు శకి శ్రీరామరాజ్యానికి ఎంత తేడా ఉంది అనే మీమాంసను ఒక సినీ పండితుడు పరిష్కరించాడు. ‘‘ఎన్‌టిఆర్‌కి బాల కృష్ణకి ఉన్నంత తేడా.. నేచురల్లీ’’ అన్నాడా పండితుడు.
  
  బాపుది కార్టూన్ చూపు. ఆ చూపులో రాముణ్ణి, కృష్ణు ణ్ణి కూడా స్పేర్ చెయ్యలేదు. ‘‘కుప్పించి ఎగసిన కుం డలంబుల కాంతి గగన భాగంబెల్ల గప్పి గొనగ...’’ భార తం యుద్ధకాండలో ప్రసిద్ధ పద్యం. ‘‘కుప్పించి ఎగిసేసరికి నడుం పట్టిందోయ్ బావా’’ అంటూ కృష్ణుడు ఆపసోపా లు పడే సన్నివేశం బాపు కొంటె చూపు. ‘‘మీరింకా అప్ప డాల కర్ర కార్టూన్స్‌ని దాటలేదు’’ - ఒక స్త్రీవాది ఆరోపిస్తే ‘‘గమనించండి. కిందటి వారం నుంచి సైకిల్ చెయిన్ వాడుతున్నా’’నని సవినయంగా జవాబిచ్చారు. ‘‘మన వాళ్లు...’’ శీర్షికతో ఆంధ్రపత్రికలో పాకెట్ కార్టూన్లు చాలా రోజులు వేశారు.
  
 1966-67లో మరో ప్రముఖ డైలీ ఎడిట్ పేజీలో గిరీశం స్ట్రిప్ కార్టూన్ నడిపించారు. ఆ రోజుల్లో నీలం సంజీవరెడ్డి విగ్రహం చుట్టూ, బెజవాడ నేపథ్యంలో వ్యంగ్యాస్త్రాలు కురిసేవి. ఆంధ్రుల ‘‘ఉక్కురోషం’’ కార ణంగా ఒకరోజు ఆ విగ్రహం కుప్పకూలింది. మర్నాడు, ‘‘ఏంసార్! ఈ మధ్య బొత్తిగా కనిపించడం లేదు’’ అం టూ కార్టూన్ వ్యంగ్య వ్యాఖ్య.. ‘...ఆ బాపు కళ్లు ఇప్ప టికైనా చల్లబడ్డాయా’’ అని స్వయంగా నీలం వారే ఉక్రోష పడ్డారు. సత్సాంగత్యం బాపు ఆలోచనలకు, అయిడియా లకు సానలు దిద్దింది. నలుగురు కూర్చుని నవ్వుకునే వేళ బాపు రమణలు వస్తారు. వాళ్లు మాటలుగా అనుక్షణం గుర్తొ స్తారు. ఇది నిజంగా నిజం.
  (డిసెంబర్ 15 హాస్యర్షి బాపు జయంతి)
  (వ్యాసకర్త ప్రముఖ కథా రచయిత)
  శ్రీరమణ