న్యూఢిల్లీ: వరుసగా మూడో ఒలింపిక్స్‌లోనూ పతకంపై గురి పెట్టిన భారత బ్యాడ్మింటన్‌ స్టార్‌ పీవీ సింధుకు గొప్ప గౌరవం లభించింది. పారిస్‌ ఒలింపిక్స్‌ ప్రారంభోత్సవంలో పాల్గొనే భారత క్రీడాకారుల బృందానికి ఆంధ్రప్రదేశ్‌కు చెందిన సింధు నేతృత్వం వహించనుంది. విశ్వ క్రీడల్లో పతాకధారిగా వ్యవహరించనున్న సింధు భారత బృందాన్ని ముందుండి నడిపించనుంది. మరో ఫ్లాగ్‌ బేరర్‌గా తమిళనాడుకు చెందిన దిగ్గజ టేబుల్‌ టెన్నిస్‌ (టీటీ) ప్లేయర్‌ ఆచంట శరత్‌ కమల్‌ వ్యవహరిస్తాడు. ఐదోసారి ఒలింపిక్స్‌లో పోటీపడుతున్న 41 ఏళ్ల శరత్‌ను పతాకధారిగా గత మార్చి నెలలోనే భారత ఒలింపిక్‌ సంఘం (ఐఓఏ) ప్రకటించింది. పారిస్‌ ఒలింపిక్స్‌ జూలై 26 నుంచి ఆగస్టు 11 వరకు జరుగుతాయి. విశ్వ క్రీడా వేదికపై లింగ సమానత్వం ఉండాలనే ఉద్దేశంతో అంతర్జాతీయ ఒలింపిక్‌ కమిటీ 2020 టోక్యో ఒలింపిక్స్‌ నుంచి ప్రారం¿ోత్సవ వేడుకల్లో ఆయా దేశాలు పురుష ఫ్లాగ్‌ బేరర్‌తోపాటు ఒక మహిళా ఫ్లాగ్‌ బేరర్‌కు కూడా అవకాశం ఇవ్వాలనే నిబంధనను అమల్లోకి తెచి్చంది. టోక్యో ఒలింపిక్స్‌లో భారత్‌ నుంచి హాకీ ప్లేయర్‌ మన్‌ప్రీత్‌ సింగ్, మహిళా బాక్సర్‌ మేరీకోమ్‌ పతాకధారులుగా వ్యవహరించారు. వరుసగా రెండు ఒలింపిక్స్‌లో పతకాలు నెగ్గిన ఏకైక భారత మహిళా క్రీడాకారిణిగా గుర్తింపు పొందిన 29 ఏళ్ల సింధు 2022 కామన్వెల్త్‌ గేమ్స్‌లో ఫ్లాగ్‌ బేరర్‌గా గౌరవం పొందింది. 2016 రియో ఒలింపిక్స్‌లో రజతం నెగ్గిన సింధు, 2020 టోక్యో ఒలింపిక్స్‌లో కాంస్య పతకం కైవసం చేసుకుంది. పారిస్‌ క్రీడల్లోనూ సింధు పతకం సాధిస్తే ఒలింపిక్స్‌ చరిత్రలో మూడు వ్యక్తిగత పతకాలు నెగ్గిన ఏకైక భారతీయ ప్లేయర్‌గా సింధు రికార్డు సృష్టిస్తుంది. సింధు కంటే ముందు రెజ్లర్‌ సుశీల్‌ కుమార్‌ మాత్రమే ఒలింపిక్స్‌లో రెండు వ్యక్తిగత పతకాలుసాధించాడు. చెఫ్‌ డి మిషన్‌గా గగన్‌ నారంగ్‌ మరోవైపు పారిస్‌ ఒలింపిక్స్‌లో పాల్గొనే భారత క్రీడాకారుల బృందానికి చెఫ్‌ డి మిషన్‌గా తెలంగాణ షూటర్‌ గగన్‌ నారంగ్‌ వ్యవహరిస్తాడు. ముందుగా మేరీకోమ్‌ను చెఫ్‌ డి మిషన్‌గా ప్రకటించినా వ్యక్తిగత కారణాలరీత్యా ఈ బాధ్యతలు తీసుకోలేనని ఆమె ప్రకటించింది. దాంతో గగన్‌ నారంగ్‌కు చెఫ్‌ డి మిషన్‌ బాధ్యతలు అప్పగిస్తున్నామని ఐఓఏ అధ్యక్షురాలు పీటీ ఉష తెలిపింది. చెఫ్‌ డి మిషన్‌ హోదాలో గగన్‌ ఒలింపిక్స్‌లో పాల్గొనే మొత్తం భారత క్రీడాకారుల వ్యవహారాలను పర్యవేక్షించాల్సి ఉంటుంది. 41 ఏళ్ల గగన్‌ నారంగ్‌ 2012 లండన్‌ ఒలింపిక్స్‌లో పురుషుల షూటింగ్‌ 10 మీటర్ల ఎయిర్‌ రైఫిల్‌ ఈవెంట్‌లో కాంస్య పతకం సాధించాడు. 4: భారత్‌ తరఫున ఒలింపిక్స్‌ క్రీడల్లో ఫ్లాగ్‌ బేరర్‌గా వ్యవహరించనున్న నాలుగో మహిళా క్రీడాకారిణిగా పీవీ సింధు గుర్తింపు పొందనుంది. గతంలో ఈ ఘనత షైనీ విల్సన్, అంజూ బాబీ జార్జి, మేరీకోమ్‌లకు మాత్రమే దక్కింది. అథ్లెట్‌ షైనీ విల్సన్‌ 1992 బార్సిలోనా ఒలింపిక్స్‌లో... లాంగ్‌జంపర్‌ అంజూ బాబీ జార్జి 2004 ఏథెన్స్‌ ఒలింపిక్స్‌లో... బాక్సర్‌ మేరీకోమ్‌ 2020 టోక్యో ఒలింపిక్స్‌లో ఫ్లాగ్‌ బేరర్స్‌గా ఉన్నారు.

సియోల్: పిటా టఫాటోఫౌ.. ఆ పేరు వినగానే రియో ఒలింపిక్స్ గుర్తురాక మానదు. ఎందుకంటే బ్రెజిల్‌లోని రియోడీజనీరోలో జరిగిన ఆ ఒలింపిక్స్‌లో ‘షర్ట్‌లెస్’గా ఒంటినిండా నూనెతో కనిపించిన తైక్వాండో ఆటగాడే ఈ టఫాటోఫౌ. ప్రస్తుతం వింటర్ ఒలింపిక్స్ ప్రారంభమవుతున్న నేపథ్యంలో టోంగకు చెందిన ఈ ఆటగాడు మరోసారి సోషల్ మీడియాలో హాట్‌ టాపిక్‌గా మారాడు. ఒలింపిక్స్‌లో మెడల్‌ సంగతేమోకానీ అంతకుముందే..  అప్పుడే అమ్మాయిల హృదయాలు కొల్లగొడుతున్నాడు తైక్వాండో ఆటగాడు. దక్షిణ కొరియాలో జరుగుతున్న శీతాకాల ఒలింపిక్స్‌లో పాల్గొనేందుకు రావడంతో అందరి దృష్టి అతడిపై నెలకొంది. రియో ఒలింపిక్స్‌ ప్రారంభోత్సవ వేడుకలో టోంగన్ సంప్రదాయ వేషధారణలో కనిపించి.. తమ జాతీయ పతాకాన్ని ప్రదర్శించి సెంటరాఫ్‌ అట్రాక్షన్‌గా పిటా నిలిచిన విషయం తెలిసిందే. షర్ట్‌ లేకుండా ఒంటినిండా నూనెతో, కండలు తిరిగిన దేహంతో అతిపెద్ద స్డేడియంలో అతడు ఎంతోమంది మహిళా అభిమానులను సంపాదించుకున్నాడు. ప్రస్తుతం వింటర్ ఒలింపిక్స్‌లో పాల్గొనేందుకు వచ్చిన పిటా.. సమ్మర్ (రియో)తో పాటు నేటి వింటర్ ఒలింపిక్స్‌లోనూ ప్రాతినిథ్యం వహించిన తొలి టోంగన్ క్రీడాకారుడిగా రికార్డు సృష్టించనున్నాడు. ‘రియో తర్వాత ఎంతో ఆలోచించాను. కొత్త చాలెంజ్‌ను ఏర్పాటు చేసుకున్నా. కొత్త గేమ్ ద్వారా మళ్లీ ఒలింపిక్స్‌లో టోంగన్ తరపున బరిలోకి దిగాలని భావించా. దానికోసం ఐస్‌లాండ్‌కు వెళ్లి తీవ్రంగా శ్రమించి ప్రాక్టీస్ చేశాను. క్రాస్ కంట్రీ స్కైయింగ్‌కు అర్హత సాధించాను. పతకం సాధించేందుకు తీవ్రంగా కృషి చేస్తానని’  టఫాటోఫౌ తెలిపాడు.            


 తైక్వాండో  ఆటగాడు పిటా నికోలస్‌ టఫాటోఫౌ ఈసారి ఒలింపిక్స్‌లో గోల్డ్‌ మెడల్‌ గెలిచినా.. గెలువకపోయినా.. అప్పుడే అమ్మాయిల హృదయాలు కొల్లగొట్టాడు. అట్టహాసంగా వైభవోపేతంగా జరిగిన రియో ఒలింపిక్స్‌ ప్రారంభోత్సవ వేడుకలో సెంటరాఫ్‌ అట్రాక్షన్‌గా పిటా నిలిచాడు.
 
 నిన్నమొన్నటివరకు టోంగా దేశం ఉందనే విషయం చాలామందికి తెలిసే అవకాశం లేకపోవచ్చుగానీ.. చొక్కా విప్పేసి.. కండలకు మాంఛిగా నూనె పట్టి.. టోంగా ఆటగాళ్ల బృందం తరఫున జెండా పట్టుకొని కవాతు చేసిన పిటా అందరి దృష్టి ఆకర్షించాడు. టోంగా సంప్రదాయ వేషధారణలో అతను చేసిన కవాతుపై ట్విట్టర్‌లో ఛలోక్తులు వెల్లువెత్తుతున్నాయి.
 
 నిన్నటివరకు టోంగా ఎక్కడుందో ఎవరికీ తెలియకపోయినా.. ఇక అమ్మాయిలంతా టోంగాకు క్యూ కడతారని, రానున్న రెండువారాలూ అమ్మాయిల గుండెల్లో పిటా చైర్‌ వేసుకొని కూర్చుంటాడని ట్వీట్లు వెల్లువెత్తుతున్నాయి.
 
 రిక్షా తొక్కిన సౌదీ చిన్నది!
 ఇక సంప్రదాయ దేశమైన సౌదీ క్రీడాకారుల బృందం ఒలింపిక్స్‌ కవాతు సందర్భంగా కొంత వినూత్నంగా కొంత విచిత్రంగా వీక్షకుల దృష్టిని ఆకర్షించింది. సౌదీ అరేబియా బోర్డు, చెట్లు, మొక్కలు ఉన్న రిక్షాను తొక్కుతూ క్రీడాకారిణి మారకానా తమ బృందాన్ని ముందుకు నడిపింది. మహిళలు పార్కుల్లో సైకిల్‌ తొక్కేందుకు సౌదీ మతగురువులు 2013లో అనుమతి ఇచ్చారు. ఆ ప్రకారమే మొక్కలతో ఉన్న రిక్షాను క్రీడాకారిణి తొక్కుతూ ముందుకు సాగింది.
 
 2012 లండన్‌ ఒలింపిక్స్‌లో తొలిసారి తమ దేశం తరఫున మహిళలు ఒలింపిక్స్‌లో పాల్గొనేందుకు సౌదీ అనుమతిచ్చింది. అప్పట్లో ఇద్దరు క్రీడాకారుణులు పాల్గొనగా.. ఇప్పుడు 12మంది మగువలు సత్తా చాటేందుకు సిద్ధమవుతున్నారు.