న్యూఢిల్లీ: ఐఎన్‌ఎల్‌డీ అధినేత, హర్యానా మాజీ సీఎం ఓంప్రకాశ్ చౌతాలా శనివారం తీహార్ జైలు అధికారుల ముందు లొంగిపోయారు. ఢిల్లీ హైకోర్టు ఆదేశాల నేపథ్యంలో ఆయన ఈరోజు జైల్లో లొంగిపోయారు. అనారోగ్య కారణాలతో  బెయిల్‌ను పొందిన ఆయన దాన్ని దుర్వినియోగం చేస్తున్నారని ఆరోపణలు వెల్లువెత్తాయి. బెయిల్ పొందిన అనంతరం అసెంబ్లీ ఎన్నికల ప్రచారంలో పాల్గొంటున్నారని చౌతులాపై ఆరోపణలు రావడంతో శుక్రవారం ఢిల్లీ హైకోర్టు ఆదేశాలు జారీ చేసిన సంగతి తెలిసిందే.