కబాలి ఫేమ్ సాయి ధన్షిక ప్రధానపాత్రలో వస్తోన్న చిత్రం దక్షిణ. మంత్ర, మంగళ సినిమాలతో మెప్పించిన ఓషో తులసి రామ్ ఈ చిత్రానికి దర్శకత్వం వహిస్తున్నారు. కల్ట్ కాన్సెప్ట్స్ మూవీ బ్యానర్‌పై అశోక్ షిండే నిర్మిస్తున్నారు. ఈ సినిమాలో రిషవ్ బసు కీలక పాత్ర పోషిస్తున్నారు. ఇప్పటికే ఈ మూవీకి సంబంధించి గ్లింప్స్ రిలీజ్ చేయగా.. ఆడియన్స్‌ నుంచి విశేష స్పందన వచ్చింది. తాజాగా ఈ సినిమా ట్రైలర్‌ను డైరెక్టర్‌ బుచ్చిబాబు సనా రిలీజ్‌ చేశారు.ఈ సందర్భంగా డైరెక్టర్ బుచ్చిబాబు మాట్లాడుతూ... 'ఈ మధ్య కాలంలో నన్ను బయపెట్టిన ట్రైలర్ ఇదే. తులసి రామ్ టాలీవుడ్‌కి మరో ట్రెండ్ సెట్టర్. దక్షిణ సినిమాతో సైకో థ్రిల్లర్‌ను ఇవ్వబోతున్నారు' అంటూ అభినందించారు. కాగా.. ఈ కార్యక్రమంలో దర్శక నిర్మాతలతో పాటు చిత్రబృందం కూడా పాల్గొన్నారు. ఈ సినిమా సైకో థ్రిల్లర్‌గా ప్రేక్షకుల ముందుకు రాబోతోంది. ఈ సినిమా చూసేటప్పుడు ఏం జరుగుతోందన్న సస్పెన్స్ ప్రేక్షకుల్లో ఉత్కంఠ కలిగిస్తుందని నిర్మాత అశోక్‌ షింజే అన్నారు. త్వరలోనే విడుదల తేదీని ప్రకటిస్తామని ఆయన తెలిపారు.

Jani Master: ప్రముఖ నృత్యదర్శకుడు జానీ మాస్టర్‌ హీరోగా పరిచయమవుతున్న సంగతి తెలిసిందే. మురళీరాజ్‌ తియ్యాన దర్శకత్వం వహిస్తున్న ఈ సినిమా గత ఏడాది డిసెంబరులో ప్రారంభమైంది. తాజాగా హీరోగా ఇంకో ఆఫర్‌ అందుకున్నారు జానీ. ‘మంత్ర, మంగళ’ చిత్రాల ఫేమ్‌ ఓషో తులసీరామ్‌ దర్శకత్వం వహించనున్న ఈ చిత్రానికి ‘దక్షిణ’ అనే టైటిల్‌ని ఖరారు చేశారు. నేడు (జులై 2) జానీ మాస్టర్‌ బర్త్‌డే సందర్భంగా ఈ చిత్రాన్ని ప్రకటించారు. ‘‘ఇదొక సూపర్‌ నేచురల్‌ థ్రిల్లర్‌. అరకు, గోవా ఫారెస్ట్, బెంగళూరు ప్రాంతాల్లో చిత్రీకరణ జరుపుతాం’’ అన్నారు తులసీరామ్‌.


  నిషా కొఠారి ప్రధాన పాత్రలో రూపొందుతోన్న చిత్రం ‘క్రిమినల్స్’. మంత్ర, మంగళ ఫేం ఓషో తులసీరామ్ దర్శకత్వంలో... సీహెచ్‌వీ శర్మ నిర్మిస్తోన్న ఈ చిత్రం శుక్రవారం హైదరాబాద్‌లో మొదలైంది. ముహూర్తపు దృశ్యానికి విజయకుమార్ కొండ కెమెరా స్విచాన్ చేసి, గౌరవ దర్శకత్వం వహించగా, చార్మి క్లాప్ ఇచ్చారు. 
  
  ‘‘సౌమ్యంగా ఉండే ఓ అమ్మాయి అపరకాళిగా మారితే ఎలా ఉంటుంది? అనే ప్రశ్నకు సమాధానంగా ఇందులో నిషా కొఠారి పాత్ర ఉంటుంది. సైబర్ క్రైమ్ నేపథ్యంలో సాగే సినిమా ఇది. ఈ నెలాఖరున రెగ్యులర్ షూటింగ్ ప్రారంభించి, డిసెంబర్‌లో సినిమా పూర్తి చేస్తాం’’ అని దర్శకుడు చెప్పారు. ఓ వైపు సాఫ్ట్‌గా అనిపిస్తూ, మరో వైపు విభిన్న గెటప్పుల్లో కనిపిస్తానని నిషా కొఠారి తెలిపారు.
  
  మంత్ర, మంగళ చిత్రాల్లా ఇది కూడా సంచలనం సృష్టిస్తుందని సుద్దాల అశోక్‌తేజ తెలిపారు. శక్తిమేర మంచి పాటలు ఇవ్వడానికి ప్రయత్నిస్తానని మంత్ర ఆనంద్ చెప్పారు. రాంజగన్, విజయసాయి, సతీష్, పూర్ణిమ తదితరులు నటిస్తున్న ఈ చిత్రానికి కెమెరా: టి.జస్వంత్, కూర్పు: వినయ్‌రామ్, కళ: నాగేంద్రబాబు, నిర్మాణం: మంత్ర ఎంటర్‌టైన్‌మెంట్స్.


 చార్మి కథానాయికగా మంత్ర, మంగళ వంటి వినూత్న తరహా చిత్రాలు అందించిన ఓషో తులసీరామ్ ప్రస్తుతం ‘క్రిమినల్స్’ పేరుతో ఓ సినిమాకి దర్శకత్వం వహిస్తున్నారు. మంత్ర ఎంటర్‌టైన్‌మెంట్ పతాకంపై సీహెచ్‌వీ శర్మ నిర్మిస్తున్న ఈ చిత్రంలో నిషా కొఠారి ప్రధాన పాత్ర చేస్తున్నారు. 
  
  చిత్రవిశేషాలను తులసీరామ్ తెలియజేస్తూ -‘‘సైబర్ క్రైమ్ నేపథ్యంలో సాగే కథాంశంతో ఈ చిత్రాన్ని రూపొందిస్తున్నాం. ఆద్యంతం ఆసక్తికరంగా సాగే సినిమా ఇది. 
  
  హైదరాబాద్, తలకోన, బ్యాంకాక్ తదితర ప్రాంతాల్లో షూటింగ్ చేస్తాం’’ అన్నారు. డిఫరెంట్ కాన్సెప్ట్‌తో రూపొందిస్తున్న చిత్రం ఇదని, ఈ కథ విని ఎగ్జయిట్ అయ్యానని నిషా తెలిపారు. ఈ చిత్రానికి సంగీతం: ‘మంత్ర’ ఆనంద్.