TV
‘క్రిమినల్స్’తో నిషా
చార్మి కథానాయికగా మంత్ర, మంగళ వంటి వినూత్న తరహా చిత్రాలు అందించిన ఓషో తులసీరామ్ ప్రస్తుతం ‘క్రిమినల్స్’ పేరుతో ఓ సినిమాకి దర్శకత్వం వహిస్తున్నారు. మంత్ర ఎంటర్‌టైన్‌మెంట్ పతాకంపై సీహెచ్‌వీ శర్మ నిర్మిస్తున్న ఈ చిత్రంలో నిషా కొఠారి ప్రధాన పాత్ర చేస్తున్నారు.
చిత్రవిశేషాలను తులసీరామ్ తెలియజేస్తూ -‘‘సైబర్ క్రైమ్ నేపథ్యంలో సాగే కథాంశంతో ఈ చిత్రాన్ని రూపొందిస్తున్నాం. ఆద్యంతం ఆసక్తికరంగా సాగే సినిమా ఇది.
హైదరాబాద్, తలకోన, బ్యాంకాక్ తదితర ప్రాంతాల్లో షూటింగ్ చేస్తాం’’ అన్నారు. డిఫరెంట్ కాన్సెప్ట్‌తో రూపొందిస్తున్న చిత్రం ఇదని, ఈ కథ విని ఎగ్జయిట్ అయ్యానని నిషా తెలిపారు. ఈ చిత్రానికి సంగీతం: ‘మంత్ర’ ఆనంద్.
