ఇటీవల మన తెలుగు వాడుక భాషలో ఆంగ్ల పదాలు అలవొకగా చేరిపోయాయి. మనం కూడా వాటికే అలవాటు పడిపోయాం. తెలుగు, ఆంగ్లం మిక్స్‌ కొట్టినట్లుగా మాట్లాడుతున్నాం. ఆ క్రమంలో కొన్ని అర్థరహితమైన పదబంధాలను వినియోగిస్తున్నాం. వాటినే గుర్తు చేసి అవి ఎంత అర్థ రహితమో వివరిస్తున్నారు భారత సంతతి అమెరికన్‌, రచయిత్రి టీవీ నటి పద్మాలక్ష్మి. తప్పుగా ఉపయోగిస్తున్న గమ్మత్తైన పదబంధాలేంటో చూద్దామా..!చాలామంది 'చాయ్‌ టీ'కి పోదామా అంటుంటారని పద్మాలక్ష్మి చెబుతున్నారు. అస్సలు ఇది ఎంత చెత్త పదబంధమో ఒక్కసారి చూడండంటూ వాటి అర్థం గురించి వివరించారు. నిజానికి చాయ్‌ అంటే టీ మళ్లీ దానికి టీ అనే పదాన్ని కూడా జోడిస్తున్నాం. అంటే టీ టీ అని అర్థం వస్తుంది. అందుకే చాయ్‌ టీ వద్దు. ఆ పదం లేదు. అని సవివరంగా చెప్పారు. అలాగే ఘుమఘమలాడే 'అల్లం టీ' కావాలంటే మసాలా టీ అనండి చాలు అంటున్నారు. అలాగే చాలామంది 'గీ బట్టర్‌' అని అంటారు ఇది కూడా తప్పే ఎందుకంటే.. వెన్న, నెయ్యి వేరువేరు అది గుర్తించుకోండి అని చెబుతున్నారు పద్మాలక్ష్మి. అందుకు సంబంధించిన వీడియో నెట్టింట తెగ వైరల్‌ అవుతోంది. దీంతో నెటిజన్లు తాము కూడా విన్న అలాంటి పదబంధాల గురించి చెప్పుకొచ్చారు. ఓ నెటిజన్‌ చాలామంది ఏటీఎం మిషన్‌ అని పిలుస్తుంటారు. ఇది కూడా చాలా తప్పు పదబంధం. ఏటీఎం అంటేనే(ఆటోమేటెడ్‌ టెల్లర్ ‌మిషన్‌). అలాంటప్పుడు మళ్లా మిషన్‌ ఎందుకు వ్యాఖ్యానించడం అని కామెంట్‌ చేస్తూ పోస్ట్‌ పెట్టారు. మరో నెటిజన్‌ ఇలాంటి తప్పు పదబంధాలు భారత్‌లోని స్టార్‌బక్స్‌ మెనూలో కూడా ఉందని చెప్పుకొచ్చాడు. అక్కడ ఆహార మెనులో ఇలానే 'చాయ్‌ టీ' ఉండటం విచారకరం అంటూ పోస్ట్‌ పెట్టాడు. (చదవండి: బ్లింకిట్‌ సీఈవోను కదిలించిన సామాన్యుడి తల్లి సూచన.. అదేంటంటే!)

వాషింగ్టన్‌ : ‘నేను నా పదాహారో యేట అత్యాచారానికి గురయ్యాను.. నా పై ఈ అఘాయిత్యం చేసింది ఎవరో బయటి వారు కాదు. నాకు బాగా తెలిసిన వ్యక్తి.. నేను బాగా నమ్మిన వ్యక్తే ఈ దారుణానికి ఒడిగట్టాడు. కానీ ఇంత వరకూ ఈ విషయాన్ని కనీసం మా అమ్మతో కూడా చెప్పుకోలేదు.. అంటూ తనకు ఎదురైన చేదు అనుభవాల్ని వెల్లడించారు ప్రముఖ భారతీయ - అమెరికా టీవీ యాంకర్‌ పద్మాలక్ష్మి. బాల్యం నుంచి తన జీవితంలో ఎదురైన చేదు అనుభవాలు.. వాటి పర్యవాసనాలు.. ఇన్నేళ్లు వాటి గురించి మాట్లాడకపోవడానికి గల కారణాలను న్యూయార్క్‌ టైమ్స్‌ పత్రికలో చెప్పుకొచ్చారు. ‘నాకు 16 ఏళ్లు ఉన్నప్పుడు.. ఓ 23 ఏళ్ల యువకుడితో డేటింగ్‌ చేసాను. మా బంధం ప్రారంభమయ్యి కొన్ని నెలలు కూడా గడవకముందే అతడు నా మీద అత్యాచారం చేశాడు. అంటే ఒక పురుషుడు.. కేవలం తన లైంగిక అవసరాలు తీర్చుకోవడం కోసమే స్త్రీతో బంధాన్ని కోరుకుంటాడా.. తనను నమ్మి వచ్చిన స్త్రీని ఓ బానిసగా చూస్తాడా.. ఆమె ఇష్టాఇష్టాలతో పని లేదా అనిపించింది. ఆ సమయంలో నాకు నేనే చాలా బలహీనురాలిగా తోచాను. నాపై అత్యాచారం జరిగిందనే విషయం గురించి కనీసం మా అమ్మతో కూడా చెప్పుకోలేక పోయాను’ అంటూ అందుకు గల కారణాన్ని వివరించారు. ఈ విషయం గురించి పద్మాలక్ష్మి మాట్లాడుతూ..‘ఒక వేళ ఈ విషయం మా అమ్మతో చెప్తే ఏం జరిగేదో నాకు తెలుసు. అప్పుడు నాకు ఏడేళ్లు.. నా సవతి తండ్రి బంధువు నాతో తప్పుగా ప్రవర్తించాడు. ఈ విషయం గురించి నేను మా అమ్మతో చెప్పాను. కానీ ఆమె వెంటనే నన్ను ఓ ఏడాది పాటు భారతదేశంలో ఉన్న మా అమ్మమ్మ వాళ్ల ఇంటికి పంపించింది. అంటే ఎవరో తప్పు చేస్తే.. దాని ఫలితం నేను అనుభవించాను. అదేంటో మగవాడు చేసిన తప్పుకు సమాజం ఆడవారిని నిందిస్తుంది.. వారినే శిక్షిస్తుంది’ అంటూ విచారం వ్యక్తం చేశారు. ‘కానీ ఇన్నేళ్ల తర్వాత ఇప్పుడు ఈ విషయం గురించి ఎందుకు చెప్తున్నానంటే.. నేను పడిన బాధ నా కూతురు పడకూడదు. తను ఏ సమస్య గురించైనా ధైర్యంగా నాతో చెప్పుకోవాలి. నేను తనకు తోడుగా ఉన్నాననే నమ్మకం తనకు కల్పించాలి. ప్రతి తల్లి కూడా ఇలానే చేయాలి. ఎందుకంటే పిల్లలకు, తల్లిదండ్రులకంటే ఆప్తులు వేరే ఎవరూ ఉండరు కదా..!’ అంటూ చెప్పుకొచ్చారు.


 థింపూ: అమెరికా అధ్యక్షుడు డొనాల్డ్‌ ట్రంప్‌ ‘సమాజా నికి ప్రమాదకారి’ అని భారతసంతతికి చెందిన టీవీ హోస్ట్, రచయిత పద్మా లక్ష్మి మండిపడ్డారు. ఈ మేరకు ఇక్కడ ఆదివారం నిర్వహించిన ‘మిస్ట్రెస్‌ ఆప్‌ స్పైసెస్‌’ అనే సదస్సుకు ఆమె హాజరయ్యి మాట్లాడారు. ‘ట్రంప్‌ సమా జానికి ప్రమాదకారిగా నేను భావిస్తున్నాను.
 మన దేశంలో అత్యంత పవిత్రమైన అధ్యక్ష పీఠం ట్రంప్‌నకు దక్కకూడదని ఎంతో ప్రయత్నిం చాను. అది జరుగనందుకు క్షమించండి’ అని ఆమె అన్నారు.  అమెరికా అధ్యక్ష ఎన్నికల సమయంలో ట్రంప్‌నకు వ్యతిరేకంగా హిల్లరీ క్లింటన్‌ తరఫున పద్మా లక్ష్మి ప్రచారం నిర్వహించారు.


 న్యూఢిల్లీ: తాను ఒకే సమయంలో ఇద్దరు మగాళ్లతో డేటింగ్ చేశానని భారత సంతతికి చెందిన మోడల్, సెలబ్రిటీ టీవీ హోస్ట్ పద్మాలక్ష్మి వెల్లడించింది. దీనికి తానేమీ చింతించడం లేదని పేర్కొంది. ఎన్డీటీవీకి ఇచ్చిన ఇంటర్య్వ్యూలో ఆమె తన వ్యక్తిగత జీవితానికి సంబంధించిన పలు విషయాలు వెల్లడించింది. ఒకే టైమ్ లో ఇద్దరు మగాళ్లతో డేటింగ్ తప్పుకాదని, దీనికి క్షమాపణ చెప్పాల్సిన అవసరం లేదని స్పష్టం చేసింది. వ్యక్తిగత జీవితంపై ఎటువంటి విచారం లేదని, తాను ఎవరికీ క్షమాపణ చెప్పాలనుకోవడం లేదని తెలిపింది.
 
 'లవ్, లాస్, అండ్ వాట్ వుయ్ యేట్: ఏ మెమొయిర్' పేరుతో రాసిన పుస్తకంలో తన వ్యక్తిగత జీవితానికి సంబంధించిన అంశాలు పొందుపరిచినట్టు వెల్లడించింది. ఇప్పటివరకు తనలో  గ్లామరస్ కోణం మాత్రమే చూశారని, ఈ పుస్తకంతో రియల్ పద్మాలక్ష్మిని చూస్తారని పేర్కొంది. సంక్లిష్టమైన సంబంధాలు ఎక్కువకాలం నిలబడవని అభిప్రాయపడింది.
 
 తనపై సల్మాన్ రష్దీకి ప్రేమ ఉందనడంలో ఎటువంటి సందేహం లేదని, తాము ఏ కారణంగా విడిపోయామే తెలియడం లేదని ఆశ్చర్యం వ్యక్తం చేసింది. ప్రముఖ రచయిత సల్మాన్ రష్దీని పెళ్లాడిన పద్మాలక్ష్మి తర్వాత ఆయనతో తెగతెంపులు చేసుకున్న సంగతి తెలిసిందే. తన కూతురు కృష్ణ తియా లక్ష్మి-డెల్ తో కలిసి పద్మాలక్ష్మి అమెరికాలో నివసిస్తోంది.


 ప్రముఖ హాలీవుడ్ నటుడు, సామాజిక కార్యకర్త రిచర్డ్ గేర్, భారతీయ సంతతి మోడల్ - నటి అయిన పద్మా లక్ష్మితో చెట్టాపట్టాలేసుకు తిరుగుతున్నారట. వారిద్దరూ రహస్యంగా డేటింగ్ జరుపుతున్నట్లు అమెరికన్ పత్రికల కథనం. భార్య కేరీ లోవెల్ నుంచి రిచర్డ్ గేర్ విడిపోయినట్లుగా ఆ మధ్య వార్తలు వచ్చాయి. భార్యతో విడాకులకు సిద్ధమైన ఈ అరవై నాలుగేళ్ళ హాలీవుడ్ స్టార్, ‘టాప్ చెఫ్’ కార్యక్రమానికి హోస్ట్‌గా వ్యవహరిస్తున్న పద్మా లక్ష్మితో ప్రేమ కార్యకలాపాలు సాగిస్తున్నట్లు ‘న్యూయార్క్ పోస్ట్’ పత్రిక పేర్కొంది. ‘‘గుట్టుచప్పుడు కాకుండా వారిద్దరూ కలసి కాలక్షేపం చేస్తున్నారు. తాజాగా న్యూయార్క్‌లో ‘టైమ్ అవుట్ ఆఫ్ మైండ్’ చిత్ర షూటింగ్‌లో రిచర్డ్ గేర్ ఉండగా ఈ వ్యవహారం నడిచింది’’ అని సన్నిహిత వర్గాలు, ‘న్యూయార్క్ పోస్ట్’కు తెలిపాయి.
  
  దీంతో, రిచర్డ్ గేర్‌కూ, యాభై రెండేళ్ళ లోవెల్‌కూ మధ్య నెలకొన్న పదకొండేళ్ళ వైవాహిక బంధం విచ్ఛిన్నమైనట్లే. ఆ దంపతులకు హోమెర్ అనే కుమారుడు కూడా ఉన్నాడు. నిజానికి, వివాహాలు, విడాకులు ఇటు రిచర్డ్ గేర్‌కు కానీ, అటు ఆయన తాజా ప్రేయసి పద్మా లక్ష్మికి కానీ కొత్త కాదు. లోవెల్ కన్నా ముందు నటి సిండీ క్రాఫర్డ్‌తో రిచర్డ్ గేర్ వైవాహిక జీవితం గడిపారు. నలభై మూడేళ్ళ లక్ష్మి విషయానికి వస్తే ప్రముఖ రచయిత సల్మాన్ రష్దీని ఆమె గతంలో పెళ్ళి చేసుకున్నారు. మూడేళ్ళ ముచ్చటగా ఆ బంధం 2007లో ముగిసింది. అటుపైన లక్ష్మి, కోటీశ్వరుడైన టెడ్డీ ఫార్స్ట్‌మన్‌తో డేటింగ్ జరిపారు. 2011లో ఆయన బ్రెయిన్ క్యాన్సర్‌తో మరణించారు. కంప్యూటర్ రంగ దిగ్గజం మైకేల్ డెల్ సోదరుడైన ఆడమ్ డెల్‌తో అనుబంధం కారణంగా ఆమెకు కృష్ణా థీ లక్ష్మి - డెల్ అనే మూడేళ్ళ కుమార్తె కూడా ఉంది. ఎయిడ్స్ పట్ల చైతన్యం పెంచే కార్యక్రమంలో పాల్గొనేందుకు 2007లో భారత పర్యటనకు వచ్చిన రిచర్డ్ గేర్, బాల్ రూమ్ డ్యాన్స్ చేస్తూ, నటి శిల్పాశెట్టిని పదే పదే గాఢంగా ముద్దుపెట్టుకున్న వ్యవహారం అప్పట్లో పెద్ద సంచలనమైన సంగతి తెలిసిందే. తాజాగా పద్మా లక్ష్మి వ్యవహారంతో మరో మారు ఆయన భారతీయ పత్రికల్లో వార్తల్లో నిలిచారు.