పుట్టపర్తి అర్బన్‌ : మండల పరిధిలోని పెడపల్లి ఉన్నత పాఠశాలకు చెందిన ఇద్దరు విద్యార్థులు జాతీయ స్థాయి అండర్‌–17 హాకీ పోటీలకు ఎంపికైనట్లు పీడీ నాగరాజు, హెచ్‌ఎం రామచంద్రారెడ్డి తెలిపారు. పాఠశాలకు చెందిన చరణ్‌కుమార్, శివానాయక్‌ అనంతపురం ఆర్డీటీ అకాడమీలో శిక్షణ పొందినట్లు చెప్పారు. ఈ నెల 12, 13 తేదీల్లో నెల్లూరులో జరిగిన స్టేట్‌మీట్‌లో ప్రతిభ కనబరిచి డిసెంబర్‌లో భూపాల్‌లో జరిగే జాతీయ స్థాయి పోటీలకు ఎంపికయ్యారు.