చిక్కుల్లో ‘పీకే’ చిత్ర నిర్మాతలు
 
 జబల్‌పూర్(మధ్యప్రదేశ్): వివాదాస్పద పోస్టర్‌లో నగ్నంగా కనిపించిన బాలీవుడ్ సూపర్‌స్టార్ ఆమిర్‌ఖాన్‌తోపాటు చిత్ర నిర్మాతలు చిక్కుల్లో పడ్డారు. ‘పీకే’ పేరుతో రూపొందుతున్న చిత్రం విషయంలో ఆమీర్‌ఖాన్, చిత్ర నిర్మాతలు రాజు హిరానీ, విధు వినోద్ చోప్రాలపై కేసు నమోదు చేయాలని మధ్యప్రదేశ్‌లోని జబల్‌పూర్ కోర్టు తాజాగా పోలీసులను ఆదేశించింది. న్యాయవాది అమిత్ సాహు ఫిర్యాదు మేరకు కేసు దాఖలైంది. ఫిలిం, టెలివిజన్ నిర్మాతల గిల్డ్ అధ్యక్షుడు ముఖేష్‌భట్‌తోపాటు వివాదాస్పద పోస్టర్‌ను ప్రచురించిన మూడు స్థానిక దినపత్రికల ఎడిటర్, ప్రచురణకర్తలపై కూడా కేసు నమోదుకు న్యాయమూర్తి ఆదేశించారు.


 సినీ పరిశ్రమలో స్టార్ హీరోల పిల్లల్లో ఎక్కువ మంది అబ్బాయిలే వారసులుగా కనిపిస్తారు. అమ్మాయిలను సినిరంగంలో ఎంకరేజ్ చేయడం చాలా అరుదుగా కనిపిస్తుంది. సిని పరిశ్రమలోని ట్రెండ్ కు విరుద్దంగా మిస్టర్ ఫర్ ఫెక్ట్ అమీర్ ఖాన్ అడుగులేస్తున్నాడు. తన కూతురు బాలీవుడ్ ను కెరీర్ గా ఎంచుకుంటే తాను ఎక్కువ సంతోషపడుతాను అని అమీర్ అన్నారు. తన పిల్లలపై తన ప్రభావం ఉండేలా ఆంక్షలు ఉండవు అని అమీర్ స్పష్టం చేశారు. సినిమాలను కెరీర్ గా ఎంచుకోవడానికి తనకు ఇష్టం ఉందో లేదో తనకు తెలియదని, అయితే తననే అడిగి తెలుసుకోవాలని అమీర్ సూచించారు. 
  
 ప్రస్తుతం కుమారుడు జునైద్ దర్శకత్వ శాఖలో ప్రవేశించాడు. రాజు హిరాణీ దర్శకత్వంలో అమీర్ నటిస్తున్న 'పీకే' చిత్రానికి సహాయ దర్శకుడిగా పనిచేస్తున్నాడు. అందరు డైరెక్టర్ల మాదిరిగానే తనను ఇంప్రెస్ చేస్తే తాను జునైద్ దర్శకత్వంలో పనిచేయడానికి సిద్దం అని అన్నారు. 
  
 వాళ్లకు నచ్చిన పనిని చేయడం వాళ్ల ఇష్టం. పిల్లలపై తన నుంచి ఎలాంటి ఒత్తిడి ఉండదు అని అన్నారు. ఒకవేళ వాళ్లు సినిమాల్లోకి రావాలని కోరుకుంటే.. తాను, కిరణ్ కలిసి పనిచేస్తాం అని అమీర్ అన్నారు.  అమీర్ మొదటి భార్య రీనా రాయ్ కి ఇద్దరు పిల్లలు.  కుమారుడు జునైద్,  కుమార్తే ఇరా. రెండవ భార్య కిరణ్ రావుకు ఆజాద్ అనే కుమారుడు ఉన్నారు. 


 ముంబై: తాను నటించిన ధూమ్ 3 సినిమా ఎప్పుడెప్పుడు విడుదలవుతుందా? అని బాలీవుడ్ నటుడు ఆమిర్ ఖాన్ ఆసక్తితో ఎదురుచూస్తున్నాడు. అయితే ఈ సినిమా విడుదల చేయాలని ముహూర్తంగా నిర్ణయించిన డిసెంబర్ 25 (క్రిస్మస్) తనకు చాలా దూరంగా ఉన్నట్టుగా అనిపిస్తోందన్నాడు.
  
 క్రిస్మస్‌దాకా ప్రేక్షకులను వేచి ఉంచేందుకు మనస్సు ఒప్పుకోవడం లేదని ఫేస్‌బుక్‌లో ఆమిర్ పోస్ట్ చేశాడు. ‘అన్ని కూర్పులు, మార్పులు చేసిన ధూమ్ 3 సినిమా చూశాను. అయితే ఈ సినిమా విడుదలకు నిర్ణయించిన ముహూర్తం క్రిస్మస్ చాలా దూరంలో ఉన్నట్టుగా అనిపిస్తోంద’ని అందులో పేర్కొన్నాడు. ఈ సినిమా బాగా చేసేందుకు అందరి నుంచి సంపూర్ణ సహకారం అందించారన్నాడు. ధూమ్ సీక్వెల్‌లో భాగంగా తీసిన ధూమ్ 3లో బాలీవుడ్ నటి కత్రినా కైఫ్‌తో కలిసి విలన్ పాత్రను పోషించడం తన కెరీర్‌లో మరిచిపోలేనని తెలిపాడు. 
  
 అయితే ధూమ్, ధూమ్ 2లో పోలీసు అధికారులుగా నటించిన అభిషేక్ బచ్చన్, ఉదయ్ చోప్రా యధావిధిగా అవే పాత్రలను పోషిస్తున్నారు. ఆదిత్య చోప్రా నిర్మాతగా, విజయ్ కృష్ణ ఆచార్య దర్శకత్వం వహించిన ఈ  సినిమాను డిసెంబర్ 25న విడుదల చేయాలని నిర్ణయించిన సంగతి తెలిసిందే.