భువనేశ్వర్: నవరత్న ప్రభుత్వ రంగ సంస్థ- నేషనల్ అల్యూమినియం కంపెనీ (నాల్కో)- ఐఐఐఈ ప్రతిష్టాత్మక ‘ఫెర్ఫార్మెన్స్ ఎక్సలెన్స్ అవార్డు 2014’కు ఎంపికయ్యింది. చక్కటి పనితీరు ప్రదర్శించిన కంపెనీలకు గుర్తింపుగా  ఇండియన్ ఇన్‌స్టిట్యూషన్ ఆఫ్ ఇండస్ట్రియల్ ఇంజనీరింగ్ ఈ అవార్డును నెలకొల్పింది. దుబాయ్‌లో అక్టోబర్ 8న జరిగే 19వ సీఈఓల సదస్సులో ఈ అవార్డు ప్రదానం జరుగుతుందని నాల్కో ఒక ప్రకటనలో తెలిపింది.