హైదరాబాద్:
 మహిళల ఆరోగ్యం- బ్రెస్ట్‌ క్యాన్సర్‌పై అవగాహన కోసం నగరంలోని నక్లెస్‌ రోడ్‌ పీపుల్స్‌ ప్లాజా వాద్ద ఆదివారం ఉదయం పింక్‌థాన్‌ రన్‌ కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా హాజరైన బాలీవుడ్‌ నటుడు మిలింద్‌ సోమన్‌ జండా ఊపి రన్‌ ప్రారంభించారు.
 
 హాఫ్‌ మారథాన్‌(21కే), 10కే, 5కే, 3కే, 2కే రన్‌లు నిర్వహించారు. దీంతో ట్యాంక్‌బండ్‌ పరిసర ప్రాంతాల్లో ట్రాఫిక్‌ పోలీసులు ఆంక్షలు విధించారు. ఈ కార్యక్రమంలో మహిళలు, విద్యార్థినులు, ఔత్సాహికులు పెద్ద ఎత్తున పాల్గొన్నారు.


 ఆడవారికి అమ్మదనం కన్నా కమ్మదనం ఏముంటుంది..! బుజ్జాయిలకు అమ్మ కన్నా ఆత్మీయ నేస్తం ఎవరుంటారు !! ఈ రెండు అనుభూతులూ.. ఒకే ఫ్రేములో ఇదిగో ఇలా అందంగా ఒదిగిపోయాయి. విమెన్స్ డే సందర్భంగా పింక్‌థాన్ ఆధ్వర్యంలో ఆదివారం కేబీఆర్ పార్క్‌లో బేబీ వేర్ వాకింగ్ నిర్వహించారు. ఈ ఈవెంట్‌లో చంటి పిల్లలను ఎత్తుకుని తల్లులు నడక సాగించారు. ఈ సందర్భంగా ఓ బుడతడు తన తల్లికి రోజా ఇస్తూ విమెన్స్ డే విషెస్ తెలియజేశాడు.
  - బంజారాహిల్స్