దాదాపు పదేళ్ల కిత్రం బాలీవుడ్‌ బాద్షా షారుక్‌ ఖాన్‌ హాకీ టీమ్‌ కోచ్‌గా నటించిన చిత్రం ‘చక్‌ దే ఇండియా’. ఆ టీమ్‌లో సెంటర్‌ ఫార్వార్డ్‌ ప్లేయర్‌ ప్రీతీ సబర్వాల్‌ గా నటించారు సాగరిక ఘాట్జే. ఇంతకీ ఈమె ఎవరో తెలుసు కదా. ఫేమస్‌ క్రికెట్‌ ప్లేయర్‌ జహీర్‌ ఖాన్‌ సతీమణి. ఇప్పుడు సాగరిక గురించి ఎందుకంటే.. అప్పుడు హాకీ ప్లేయర్‌గా నటించిన ఆమె ఇప్పుడు ‘మాన్‌సూన్‌ ఫుట్‌బాల్‌’ చిత్రంలో ఫుట్‌బాల్‌ ప్లేయర్‌గా నటించనున్నారు. మిలింద్‌ ఉకే దర్శకత్వం వహించనున్నారు. జూన్‌లో సెట్స్‌పైకి వెళ్లనుంది. కొందరు హౌస్‌వైఫ్‌లు కలిసి ఓ ఫుట్‌బాల్‌ టీమ్‌గా ఏర్పడే కాన్సెప్ట్‌ ఆధారంగా ఈ సినిమా రూపొందనుంది. 


 ఖమ్మం: పదేళ్లుగా చర్మవ్యాధితో బాధపడుతున్న ఓ యువతి తనను ఎవరూ వివాహం చేసుకోరేమోననే బాధతో రైలు కింద పడి ఆత్మహత్య చేసుకుంది. ఖమ్మంలో జిల్లాలోని గార్ల మండలం మద్దివంచకు చెందిన మాచర్ల వెంకన్న పిల్లల చదువుల కోసమని కొంతకాలం కిందట కుటుంబంతో కలిసి పట్టణానికి వచ్చి గట్టయ్య సెంటర్లో నివాసం ఉంటున్నారు. వెంకన్న ఓ అపార్ట్మెంట్లో వాచ్మెన్గా పని  చేస్తున్నాడు. భార్య పద్మ చిన్న చిన్న పనులు చేస్తుండగా శిరీష(18) స్థానిక ప్రయివేట్ కళాశాలలో డిగ్రీ మూడో సంవత్సరం చదువుతుండగా, కుమారుడు శ్రీకాంత్ ఉద్యోగ అన్వేషణలో ఉన్నాడు.
 
 శిరీష  పదేళ్లుగా చర్మవ్యాధితో బాధపడుతోంది. ఎన్ని ఆస్పత్రులు తిరిగినా నయం కాకపోవడంతో తీవ్ర ఆవేదనకు లోనైంది. దీంతో ఆమె మనస్తాపానికి గురైంది. మంగళవారం సాయంత్రం ఎవరికీ చెప్పకుండా బయకటు వచ్చింది. రాత్రి అయినా శిరీష  తిరిగి రాకపోయేసరికి కంగారుపడిన ఆమె సోదరుడు ఫోన్ చేయగా ఆమె ఫోన్ ఎత్తలేదు.  'అన్నయ్యా.. అమ్మను బాగా చూసుకో.. నాన్న జాగ్రత్త.. ఇక నేను ఎప్పటికీ మీకు కనపడను. మళ్లీ జన్మంటూ ఉంటే మీ కుటుంబంలోనే పుట్టాలని ఆ దేవున్ని కోరుకుంటా' అని సోదరుడికి మెసేజ్ పెట్టింది.
 
 దాంతో శిరీష సోదరుడు తిరిగి రమ్మని ఎక్కడ ఉన్నావని మెసేజ్లు పంపినా రిప్లయ్ లేదు. ఆ తర్వాత సెల్ఫోన్ స్విచ్ ఆఫ్ చేసిన ఆమె.. రైలు కింద పడి ఆత్మహత్య చేసుకుంది. పోలీసులు శిరీష మృతదేహాన్ని మార్చరికీ తరలించారు. అంతలో ఆమె కుటుంబ సభ్యులు వెతుక్కొంటూ రైల్వే ప్లాట్ఫాంపై తిరుగుతుండగా పోలీసులు ప్రశ్నించగా వారు విషయం తెలిపారు. దాంతో వారికి శిరీష మృతదేహాన్ని చూపించగా గుర్తించారు. రైల్వే పోలీసులు కేసు నమోదు చేసి దర్యాప్తు చేస్తున్నారు.