సాక్షి ప్రతినిధి, కర్నూలు: ‘గత ప్రభుత్వానికి, మనందరి ప్రభుత్వానికి మధ్య ఉన్న తేడా ఏమిటో ఊరూరా స్పష్టంగా కనిపిస్తోంది. విప్లవాత్మక మార్పులు చోటుచేసుకున్నాయి. ఈ మార్పులు కొనసాగడం చాలా అవసరం. ఈ ఎన్నికల్లో ఓటు వేసేది కేవలం ఎంపీ, ఎమ్మెల్యేను ఎన్నుకునేందుకు మాత్రమే కాదు. జరుగుతున్న మార్పును కొనసాగించేందుకే అన్నది ప్రధానం. ఈ మార్పులు కొనసాగితేనే పేదవాడి బతుకులు మారతాయి. ఈ విషయాన్ని ప్రతి ఒక్కరూ ఆలోచించాలి. నేను చెప్పిన మాటల్లో వాస్తవం ఉందనుకుంటేనే మీ బిడ్డకు అండగా నిలిచి ఓటు వేయాలని కోరుతున్నా. జరిగిన మేలును ఇంటింటా చెప్పాలి’ అని ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి అన్నారు. ఎన్నికల ప్రచారంలో భాగంగా ‘మేమంతా సిద్ధం’ పేరుతో నిర్వహిస్తున్న బస్సు యాత్ర నాలుగో రోజు శనివారం కర్నూలు జిల్లాలోని పత్తికొండ నియోజకవర్గంతో పాటు అనంతపురం జిల్లాలోనూ కొనసాగింది. తుగ్గలిలో తుగ్గలి, రాతన గ్రామస్తులతో ముఖాముఖి నిర్వహించారు. ప్రజల సమస్యలు అడిగి తెలుసుకున్నారు. ప్రభుత్వం అందించిన సంక్షేమాభివృద్ధిపై రెండు గ్రామాల ప్రజలు సంతోషం వ్యక్తం చేసి ఆశీస్సులు తెలిపారు. ‘మళ్లీ ముఖ్యమంత్రిగా నువ్వే రావాలన్నా.. మళ్లీ సీఎంగా ఇక్కడికి రావాలి’ అంటూ మహిళలు, రైతులు, విద్యార్థులు హర్షధ్వానాల మధ్య మూకుమ్మడిగా నినదించారు. ‘రెండు గ్రామాల పరిధిలో 10 వేల జనాభా ఉన్నారు. గ్రామస్తులంతా కలిసికట్టుగా ఏకమయ్యారు. అందరినీ ఒకటే కోరుతున్నా. ఇంతకు ముందు ప్రభుత్వాలను చూశారు. ఇవాళ మన ప్రభుత్వాన్నీ చూస్తున్నారు. మీరు ఇంతకు ముందు చూడని విధంగా మన ప్రభుత్వ హయాంలోని 58 నెలల్లో ప్రస్ఫుటమైన మార్పులు కన్పింస్తున్నాయి. ఇలాంటి విప్లవాత్మక మార్పులు గత ప్రభుత్వాల్లో ఎందుకు కన్పింంచలేదు? తుగ్గలి, రాతన సచివాలయ పరిధిలోని గ్రామాల్లో కూడా గొప్ప మార్పు కన్పింస్తుండటం పట్ల ప్రతి ఒక్కరూ ఆలోచించాలి’ అని సీఎం కోరారు. ఈ ముఖాముఖిలో సీఎం జగన్‌ ఇంకా ఏమన్నారంటే..   రెండు గ్రామాల అక్క చెల్లెమ్మలకు రూ.56.24 కోట్లు    ► తుగ్గలి సచివాలయ పరిధిలో 1,748, రాతన సచివాలయ పరిధిలో 1,569 ఇళ్లు ఉన్నాయి. తుగ్గలిలో 1,666 ఇళ్లకు, రాతనలో 1,486 ఇళ్లకు అంటే 95 శాతం ఇళ్లకు మీ బిడ్డ బటన్‌ నొక్కి అక్క చెల్లెమ్మల ఖాతాల్లోకి నేరుగా డబ్బులు పంపారు. ఎక్కడా లంచాలు, వివక్ష, కులం, రాజకీయం, చివరకు గత ఎన్నికల్లో మనకు ఓటు వేయకపోయినా ఫర్వాలేదనుకుని.. అర్హత ఉన్న వారందరికీ మేలు చేశాం. రెండు గ్రామాల అక్క చెల్లెమ్మలకు రూ.56.24 కోట్లు లబ్ధి కలిగించాం.  ► గత ప్రభుత్వంలో జన్మభూమి కమిటీలు రాజ్యమేలుతున్న పరిస్థితుల్లో చివరకు మరుగుదొడ్లు కావాలన్నా లంచాలు అడిగే పరిస్థితి. చివరకు పింఛన్, సబ్సిడీ రుణాలు కావాలన్నా లంచాలే. ఆ రోజుల్లో ప్రభుత్వం ఇచ్చే ప్రతి రూపాయి లంచాలు లేకుండా మీకు అందిందని ఎవరైనా చెబుతారా? (లేదు...లేదు అని జనాలు చేతులు అడ్డంగా ఊపారు) తుగ్గలిలో 5,200 జనాభా ఉన్న సచివాలయ పరిధిలో ఈ 58 నెలల్లో రూ.29.65 కోట్లు ఇచ్చాం. ఈ సంఖ్యలు చెబుతుంటే ఆశ్చర్యంగా లేదా.. అని అడుగుతున్నా. రాతనలో 4,888 జనాభా ఉంటే రూ. 26.59 కోట్లు ఇచ్చాం. ఎక్కడా లంచాలు, వివక్ష లేకుండా నా ఆడబిడ్డల ఖాతాల్లో నగదు జమ చేశాం.    ► అమ్మఒడి పథకం ద్వారా తుగ్గలిలో రూ.2.91 కోట్లు, రాతనలో రూ.2.50 కోట్లు.. రెండింటికీ కలిపి రూ.5.41 కోట్లు ఇచ్చాం. చేయూత ద్వారా తుగ్గలిలో రూ.2.30 కోట్లు, రాతనలో రూ.2.19 కోట్లు.. రెండు గ్రామాల్లో కలిపి రూ.4.49 కోట్లు అక్క చెల్లెమ్మల ఖాతాల్లోకి వెళ్లాయి. విద్యాదీవెన ద్వారా తుగ్గలిలో రూ.1.16 కోట్లు, రాతనలో రూ.1.26 కోట్లు.. మొత్తంగా రూ.2.42 కోట్లు జమ చేసి, పిల్లలు మంచి చదువులు చదవాలని, తల్లిదండ్రులపై భారం పడకుండా చూశాం.   ► జగనన్న వసతి దీవెన ద్వారా తుగ్గలిలో రూ.51 లక్షలు, రాతనలో రూ.54 లక్షలు.. ఆసరా ద్వారా తుగ్గలిలో రూ.1.95 కోట్లు, రాతనలో రూ.65 లక్షలు ఇచ్చాం. మన ప్రభుత్వం రాక ముందు పొదుపు సంఘాల అక్క చెల్లెమ్మల పరిస్థితి దారుణం. అప్పట్లో 18 శాతం నాన్‌ పర్ఫార్మెన్స్‌ అసెట్స్, అవుట్‌ స్టాండింగ్‌ లోన్లు ఉండి అక్క చెల్లెమ్మల బతుకులు కుదేలైన పరిస్థితుల్లో ఆసరా ద్వారా అదుకున్నాం. ఈ ఒక్క పథకం ద్వారానే ఈ గ్రామాలకు రూ.2.60 కోట్లు ఇచ్చాం. సున్నా వడ్డీ ద్వారా రాతనలో రూ.15 లక్షలు, తుగ్గలిలో రూ.60 లక్షలు ఇచ్చి మంచి చేశాం. ఇళ్ల విషయానికొస్తే తుగ్గలిలో 66, రాతనలో 122 ఇళ్లు ఇచ్చాం. వైఎస్సార్‌ కళ్యాణమస్తు, షాదీతోఫా ద్వారా తుగ్గలిలో రూ.3 లక్షలు, రాతనలో రూ.4.8 లక్షలు ఇచ్చాం.  ► అవ్వాతాతలకు రాతనలో రూ.7.54 కోట్లు, తుగ్గలిలో రూ.7.58 కోట్లు పింఛన్ల ద్వారా అందించాం. రైతులకు వైఎస్సార్‌ రైతు భరోసా ద్వారా తుగ్గలిలో రూ.6.15 కోట్లు, రాతనలో రూ.5.49 కోట్లు ఇచ్చాం. ఇలా అన్ని పథకాల ద్వారా మేలు చేశాం. గాంధీ కలలుకన్న గ్రామ స్వరాజ్యం ప్రతీ గ్రామంలో చూపిస్తామని, ప్రతి 60–70 ఇళ్లకు వలంటీర్‌ను పెట్టాం.  వారు ప్రతి పథకాన్ని నేరుగా మీ చేతుల్లో పెట్టి వెళుతున్నారు. వైఎస్సార్‌ ఆరోగ్యశ్రీలో గతానికి భిన్నంగా మార్పు జరుగుతోంది. తుగ్గలిలో ఆరోగ్యశ్రీ, ఆరోగ్య ఆసరా ద్వారా రూ.98 లక్షలు ఇచ్చాం. ఉచితంగా వైద్యం అందించాం. రాతనలో రూ.84 లక్షలు ఇచ్చాం. ఈ మార్పులను అందరూ గమనించాలి.   మన వద్దే రూ.3 వేల పింఛన్‌ మన ప్రభుత్వం రాక ముందు చంద్రబాబు పాలనలో పింఛన్‌ రూ.వెయ్యి మాత్రమే ఇచ్చాడు. మీ బిడ్డ హయాంలో పింఛన్‌ రూ.3 వేలు. ఇంత పింఛన్‌ ఇచ్చే రాష్ట్రం దేశంలో మరొకటి లేదు. పింఛన్ల కు ఏడాదికి రూ.24 వేల కోట్లు ఖర్చు చేస్తున్నాం. మన తర్వాత తెలంగాణ రూ.12 వేల కోట్లు ఇస్తోంది. ఆపై 3, 4 స్థానాల్లో ఉన్న రాష్ట్రాల్లో ఏడాదికి పింఛన్‌ కోసం రూ.8 వేల కోట్లు, రూ.6 వేల కోట్లు ఇస్తున్నారు. ఒడిశా, యూపీలో రూ.500 పింఛన్‌ ఇస్తున్నారు. మీ బిడ్డ ప్రభుత్వానికి అవ్వాతాతలు, వితంతువులపై ఎంత ప్రేమ ఉందో చెప్పేందుకు ఇది ఉదాహరణ మాత్రమే. మనం రాకముందు రాష్ట్రంలో పింఛన్‌లు 39 లక్షలు ఉంటే మీ బిడ్డ ప్రభుత్వం వచ్చాక 66 లక్షలకు తీసుకెళ్లాం. ఇందులో ఏకంగా 45 లక్షల పింఛన్లు నా అక్కచెల్లెమ్మలు, అవ్వలకే ఇస్తున్నాం. ఇంకా లోటుపాట్లు సవరించుకుని మంచి పాలన అందించేందుకు సలహాల కోసం మీ వద్దకు వచ్చాను.  ఆరోగ్యశ్రీతో పేదవాడికి పెద్ద వైద్యం రెండేళ్ల కిందట మా నాన్న రెండు కిడ్నీలు ఫెయిల్‌ అయ్యాయి. డయాలసిస్‌ చేయాలని చెప్పారు. కర్నూలులోని గౌరీగోపాల్‌ హాస్పిటల్‌కు వెళ్లండని చెప్పారు. ఎంతో డబ్బు ఉంటేనే అక్కడ వైద్యం చేయించుకోగలరు. అలాంటి ఆస్పత్రిలో మా నాన్నకు ఉచితంగా డయాలసిస్‌ జరిగింది. అది ఆరోగ్యశ్రీ వల్లే సాధ్యమైంది. ఆ తర్వాత మా నాన్నకు కిడ్నీ మార్పిడి చికిత్సను కూడా ఆరోగ్యశ్రీ ద్వారా ఒక్క రూపాయి ఖర్చు లేకుండా చేయించుకోగలిగాం. ఆరోగ్యశ్రీ తర­ఫున అధికారులు మాకు వెన్నంటి ఉండి ఎంతో సాయం చేశారు. మీరు మా ఇంటి పెద్దగా మాకు అన్నీ చేశారు. అందుకే మిమ్మల్ని మా పెద్దన్నగా భావిస్తున్నాం.   – జనార్ధన్‌రెడ్డి, చెన్నంపల్లి, అవుకు, నంద్యాల జిల్లా  పాలనలో తేడాను గుర్తించాలి మా నాన్నకు రెండు లంగ్స్‌ దెబ్బతిన్నాయి. పెద్ద ఆస్పత్రికి వెళ్తే రూ.4 లక్షలు ఖర్చు అవుతాయి అన్నారు. కానీ ఆరోగ్యశ్రీ ద్వారా మా నాన్నకు ట్రీట్‌మెంట్‌ జరిగింది. ఇప్పుడు మా నాన్న ఆరోగ్యంగా ఉన్నాడు. మీ పాలనలో అందరికీ అన్ని పథకాలూ అందుతున్నాయి. బాబు పాలనకు, జగనన్న పాలనకు తేడా గమనించాలని రాష్ట్ర ప్రజలందరికీ విజ్ఞప్తి చేస్తున్నా.                    – నరేష్, రాతన గ్రామం   రెండు గ్రామాల అభివృద్ధి ఇలా..  ► గ్రామంలో అడుగు పెడుతూనే సచివాలయం కన్పింంచింది. గతంలో ఇది లేదు. ఈ 58  నెలల కాలంలోనే వచ్చింది. వలంటీర్లు సేవలు అందిస్తున్నారు. మరో నాలుగు అడుగులు ముందుకేస్తే ఆర్బీకే ఉంది. ఓ అగ్రికల్చర్‌ గ్రాడ్యుయేట్‌ అక్కడే ఉంటున్నారు. విత్తనం నుంచి పంట కొనుగోలు దాకా ప్రతి దశలో రైతన్నకు అండగా నిలుస్తున్నారు. ఇంతకు ముందు రైతన్నలు బ్యాంకుకు వెళ్లి క్రాప్‌లోన్‌ తీసుకుంటేనే పంటలకు ఇన్సూ్యరెన్స్‌ చేసేవారు. లోన్లో రూ.లక్షకు రూ.5వేలు కట్‌ చేసి ఇచ్చేవారు.   ► ఇవాళ ప్రతి ఎకరా ఈ క్రాప్‌ చేశాం. ఉచితంగా పంటల బీమా అమలు చేస్తున్నాం. పెట్టుబడి సాయంగా రైతు భరోసా ఇస్తూ రైతన్నకు సాయంగా ఉంటున్నాం. ఇక్కడే ప్రభుత్వ బడి కన్పింస్తోంది. తొలిసారి నాడు–నేడుతో రూపురేఖలు మారాయి. ఇంగ్లిష్‌ మీడియం వచ్చింది. 8వ తరగతి పిల్లలకు ట్యాబ్‌లు ఇచ్చాం. 6వ తరగతి నుంచి ఐఎఫ్‌బీ ప్యానల్‌ ద్వారా డిజిటల్‌ బోధన కల్పించాం. కార్పొరేట్‌ స్కూళ్లు కూడా ప్రభుత్వంతో పోటీ పడాల్సిన పరిస్థితులు గ్రామంలో కన్పింస్తున్నాయి.   ► ప్రజలు ఏ ఒక్కరూ వైద్యం కోసం అప్పులపాలు కాకూడదని మార్పులు తెచ్చాం. విలేజ్‌ క్లినిక్, ఫ్యామిలీ డాక్టర్‌ కాన్సెప్‌్టతో అనుసంధానం చేశాం. 15 రోజులకు ఒకసారి వచ్చి చికిత్స అందిస్తున్నారు. ఆరోగ్య సురక్ష ప్రతి ఆర్నెళ్లకు ఓసారి జరుగుతోంది. ప్రతి ఇంటిని జల్లెడ పట్టి వైద్య పరీక్షలు చేస్తున్నారు. ఉచితంగా మందులు ఇస్తున్నారు. ఆరోగ్యశ్రీ పరిధిని వెయ్యి రోగాల నుంచి 3,330 దాకా పెంచాం. ఆరోగ్యశ్రీ కార్డు ద్వారా రూ.25 లక్షల వరకు ఉచితంగా వైద్యం అందిస్తున్నాం. ఈ మార్పులన్నింటికీ మనందరి ప్రభుత్వమే కారణం అని గమనించాలి.   పింఛన్‌ కోసం పడిగాపులు లేవు  పింఛన్‌ కోసం రెండు, మూడు రోజులు బయట ఉండేవాళ్లం. గతంలో మా వికలాంగుల్లోనే వైకల్యానికి పర్సెంటేజీ ప్రకారం తేడా చూపించేవాళ్లు. జగనన్న వచ్చాక ఆ తేడా లేకుండా రూ.3 వేల పింఛన్‌ ఇస్తున్నారు. ఇప్పుడు నేరుగా ఇంటికే పింఛన్‌ అందిస్తున్నారు. పడిగాపులు అసలే లేవు. అందుకు జగనన్నకు ధన్యవాదాలు. జై జగన్‌.  – రంగమ్మ, రాతన, తుగ్గలి మండలం, కర్నూలు జిల్లా   మీ సాయం మరువలేం   అన్నా.. నేను ట్రాన్స్‌కో­లో పనిచేసేవాడిని. ప్రమాదంలో పైనుంచి పడి నడుం విరిగింది. డోన్‌ సభలో నన్ను పిలిచి మీరు రూ.5 లక్షలు సాయం చేశారు. మా నాన్నకు రూ.3 వేలు పింఛన్‌ అందిస్తున్నారు. మీ మేలు మరచిపోలేను. మిమ్మల్ని చూసేందుకే నా కుటుంబం అంతా ఉదయం 6 గంటలకే ఇక్కడకు వచ్చి ఎదురు చూస్తున్నాం. మీతో ఒక్క ఫొటో తీసుకుని మా ఇంట్లో పెట్టుకోవాలన్నా.      – బలరాం నాయక్, దివ్యాంగుడు, తుగ్గలి  మా స్కూల్‌ భలే బావుంది  జగన్‌ మామా.. నాడు–నేడు ద్వారా మా స్కూల్‌ను మీరు ఎంతో బాగా తయారు చేయించారు. మధ్యాహ్నం భోజనంలో కోడిగుడ్డు, చిక్కీ బాగా పెడుతున్నారు.  (బాబు తండ్రి లాల్‌బాషా మాట్లాడుతూ..) ‘నాకు హార్ట్‌స్ట్రోక్‌ వచ్చిందన్నా.. మా ఎమ్మెల్యే శ్రీదేవమ్మ సాయంతో ఆరోగ్యశ్రీ ద్వారా ఆపరేషన్‌ చేయించుకుని బయటపడ్డాను.  – జుబేర్, 7వ తరగతి విద్యార్థి, హోసూరు, పత్తికొండ మండలం  మా ఊళ్లో జెండా ఎగరేస్తాం  అన్నా.. నీ ఓదార్పు యాత్ర మొదలు నేటి ‘మేమంతా సిద్ధం’ యాత్ర వరకు 100 కార్యక్రమాల్లో నేను పాల్గొన్నా. పోలీసులు అడ్డుపడినా ఆగలేదు. నాకు కళ్లు లేవు. ఒక్కసారి నీ చేయి తాకాలని ఆశ పడుతున్నా. మా శింగనమల ఎమ్మెల్యే అభ్యర్థిగా వీరాంజనేయులు అనే ఓ టిప్పర్‌ డ్రైవర్‌ను పెట్టారని చంద్రబాబు అంటున్నాడు. టిప్పర్‌ వచ్చి గుద్దితే సైకిల్‌ ఉంటుందా.. చంద్రబాబూ!  శింగనమలలో జూన్‌ 4వ తేదీన గెలిచి,మా జెండా ఎగరేస్తాం. – వినోద్‌ కుమార్, అమ్మవారి పేట, అనంతపురం జిల్లా   మీరు నా సోదరుడు  అన్నా.. నా భర్త ఆరోగ్యమిత్రలో ఉద్యో­గిగా చేస్తూ మరణించాడు. నాకు మీ పాలనలో అన్ని పథకాలు వచ్చాయి. అమ్మ ఒడి, విద్యా దీవెన, రైతు భరోసా పథకాలు అన్నీ అందాయి. డిగ్రీ చదివిన నాకు ఓ చిన్న ఉద్యోగం ఇప్పిస్తే మీ కెంతో రుణ పడి ఉంటానన్నా. మిమ్మల్ని నా అన్నగా అనుకొని ఈ సాయం అర్థిస్తున్నాను.    – సరస్వతి, తుగ్గలి   ఎప్పటికీ మీరే సీఎం   జగన్‌ సార్‌.. నేను పేదరాలిని. నాకు రైతు భరోసా, చేయూత, ఆసరా, ఇంటి పట్టా అన్ని పథకాలు వచ్చాయి. జగనన్న తోడు కూడా వచ్చింది. మా కలలన్నీ నిజమయ్యాయి. మాకు ఎవరూ వద్దు.. మీరే మళ్లీ సీఎంగా రావాలి. అందరికీ ఎంతో మేలు చేసిన మీరే సీఎంగా ఉండాలి.  – శ్యామల, రాతన, కర్నూలు జిల్లా   

సాక్షి, కర్నూలు:  గతంలో లంచాల పాలన ఉండేదని.. గత 58 నెలలుగా వివక్ష లేకుండా పాలన కొనసాగుతోందని ముఖ్యమంత్రి వైఎస్‌ జగన్‌మోహన్‌రెడ్డి చెప్పారు. ఎన్నిలక ప్రచారంలో భాగంగా మేమంతా సిద్ధం సీఎం జగన్‌ బస్సు యాత్ర శనివారం ఉదయం తుగ్గలికి చేరుకుంది. అక్కడి ప్రజలతో సీఎం జగన్‌ ముఖాముఖి నిర్వహించారాయన.  ఈ 58 నెలల పాలనలో గ్రామాల్లో అభివృద్ధి జరిగింది.  తుగ్గలి, రాతన పరిధిలో 10 వేల జనాభా ఉంది.  ఈ రెండు గ్రామాల సచివాలయాల పరిధిలో అక్కచెల్లెమ్మల ఖాతాల్లోకి నగదు జమ చేశాం. గతంలో ఏ పథకం కావాలన్నా లంచాలు అడిగే పాలన చూశారు. కానీ, వైఎస్సార్‌సీపీ పాలనలో కులం, మతం, ప్రాంతం చూడకుండా సాయం చేశాం. బటన్‌ నొక్కడం ద్వారా.. నేరుగా తుగ్గలి, రతన గ్రామాల్లో 95 శాతం ఇళ్లకు లబ్ధి చేకూరింది. తుగ్గలిలో గ్రామంలో అనేక కార్యక్రమాలు చేపట్టాం. జగన్నన్న విద్యాదీవెన ద్వారా రెండు గ్రామాలకు రూ.2 కోట్లకు పైగా నిధులు అందించాం. ఒక్క తుగ్గలి పరిధిలో వివిధ పథకాల రూపంలో రూ. 29 కోట్ల 65 లక్షల నిధులు మంజూరు చేశాం. రాతన గ్రామానికి పథకాల రూపంలో రూ. 26 కోట్లు 59 లక్షలు అందజేశామని సీఎం జగన్‌ చెప్పారు. మనకు(YSRCP) ఓటు వేయని వారికి కూడా సంక్షేమ పథకాలు అందించామని గుర్తు చేశారాయన.  ఈ సందర్భంగా ముఖ్యమంత్రి వైఎస్‌ జగన్‌ ఏమన్నారంటే.. ఇక్కడ తుగ్గలి, రాతన  గ్రామాల్లోని రెండు సచివాలయాల పరిధిలో దాదాపుగా 10 వేల మంది జనాభా ఉన్నారు. ఈ రెండు గ్రామాల్లో గత ప్రభుత్వంలో ఏమి జరిగిందో చూసాం.  ఈరోజు మన ప్రభుత్వంలో  ప్రస్ఫుటమైన మార్పులు ఈ గ్రామాల్లో కనిపిస్తున్నాయి. ఇటువంటి విప్లవాత్మక మార్పులు గత ప్రభుత్వాల్లో ఎందుకు కనిపించలేదు, మీ బిడ్డ ప్రభుత్వంలో  ఎందుకు ఇంత గొప్పగా మార్పు కనిపిస్తోందో.. ప్రతీ ఒక్కరూ ఆలోచించాలి. ఈ రోజు సమాజంలో ఆశ్చర్యం కలిగించే వాస్తవాలు కనిపిస్తున్నాయి.  ఇదే తుగ్గలి గ్రామానికి సంబంధించి గమనిస్తే 1748 ఇళ్లు ఉండగా, మన పాలనలో నేరుగా అక్కచెల్లమ్మల ఖాతాల్లోకి డబ్బలు వచ్చాయి. ఎక్కడ లంచాలు  అడిగే వారు లేరు. వివక్షకు చోటు లేదు. కులం, మతం, ప్రాంతం చూడకుండా, రాజకీయ పార్టీ ఏది అనేది కూడా చూడకుండా, ఎన్నికల్లో మనకు ఓటు వేయకపోయినా పర్లేదు వారికి కూడా లబ్ది చేకూరాలని మంచి చేసిన ప్రభుత్వం మన ప్రభుత్వం. 1,748 ఇల్లులుంటే 1,666 గృహాలకు అంటే 95 శాతం ఇళ్లకు లబ్ది చేకూర్చాం. ఇలా లబ్ది చేకూర్చగలమని, ఇలా చేసే పరిస్థితి ఉందని గతంలో ఎవరైనా చెప్పగలిగారా?గత ప్రభుత్వంలో ఏ పని కావాలన్నా, మరుగుదొడ్లు కావాలన్నా, పెన్షన్ కావాలన్నా, సబ్సిడీలోన్లు కావాలన్నా లంచాలు ఇస్తే కానీ పని  జరిగేది కాదు. తుగ్గలి గ్రామంలో 5200 జనాభా, 1748 ఇల్లులున్న సచివాలయ పరిధిలో  బటన్ నొక్కడం ద్వారా  95 శాతం మందికి  నేరుగా ఖాతాల్లో లబ్ది సమకూరింది. 58 నెలల కాలంలో రూ. 29. 65 కోట్లు ఈ ఒక్క తుగ్గలి గ్రామ ప్రజలకు బటన్ నొక్కి అక్క చెల్లమ్మల కుటుంబాలకు లబ్ధి  చేకూర్చాం.  ఈ నెంబర్ల గమనిస్తే ఆశ్చర్యం కలగకమానదు. రాతన గ్రామానికి సంబంధించి  సచివాలయంలో 4888 మంది జనాభా, 1,569 ఇళ్లులుండగా 95 శాతం ఇల్లులకు లబ్ది చేకూర్చాం. రూ. 26కోట్ల 59 లక్షలను రాతన సచివాలయ పరధిలో అక్క చెల్లమ్మలకు లబ్ది చేకూర్చాం.  అమ్మఒడి పథకం ద్వారా తుగ్గలి గ్రామంలో రూ. 2.91 కోట్లు, రూ. 2.50 కోట్ల రాతన గ్రామంలో అక్కచెల్లమ్మలకు మంచి మేన మామగా  అందజేశాం. వైఎస్సార్ చేయూత ద్వారా తుగ్గలి రూ. 2.30కోట్లు, రాతనలో రూ. 2.19 కోట్లు అక్క చెల్లెమ్మల కుటుంబాలకు అందజేసాం.   జగనన్న విద్యా దీవెన ద్వారా  తుగ్గలికి రూ. 1.16 కోట్లు, రాతన గ్రామంలో రూ. 1.26 కోట్లు  పెద్ద చదువులకు వెచ్చించి తల్లదండ్రులుఅప్పులు చేయరాదని ఫీజు రీయింబర్స్ మెంట్ ఇచ్చి   ఆ పిల్లల మేనమామగా అందజేశాం.  జగనన్న వసతి దీవెన లో తుగ్గలి రూ. 51 లక్ష, రాతన గ్రామంలో రూ. 54లక్షలు ఇచ్చాం.  ఆసరా ద్వారా తుగ్గలి రూ. 1.95 లక్షలు, రాతన  గ్రామానికి రూ. 65 లక్షలు ఇచ్చాం. సున్నా వడ్డీ కింద రాతన గ్రామానికి రూ. 15 లక్షలు, తుగ్గలి గ్రామానికి రూ. 60 లక్షలు అక్క చెల్లమ్మలకు సాయం అందజేశాం. తుగ్గలికి 66 ఇళ్లు,  122 ఇళ్లు రాతన  గ్రామానికి ఇచ్చాం. వైఎస్సార్ కల్యాణమస్తు ద్వారా తుగ్గలి రూ. 3 లక్షలు, రాతన గ్రామానికి రూ. 4.8 లక్షలు లబ్ది సమకూర్చాం. రాతన గ్రామంలో పెన్షన్లకు సంబంధించి రూ. 7 కోట్ల 54 లక్షలు ఇచ్చాం. తుగ్గలిలో రూ. 7 కోట్ల 58 లక్షలు ఇచ్చాం. రైతులకు వైఎస్సార్ రైతు భరోసా ద్వారా ఈ తుగ్గలి గ్రామానికి రూ. 6. 15 కోట్లు, రాతన గ్రామానికి రూ. 5. 49 కోట్లు ఇచ్చాము. ఇలా లంచం లేకుండా, వివక్ష లేకుండా ఇవ్వడం సాధ్యం కాదు అనేది దానిని లేకుండా చేసాం.  గాంధీజి గారు కలలు గన్న స్వరాజ్యంను ప్రతీ గ్రామాలకు చూపగలుగుతామని చెప్పాం. ప్రతీ 60 నుంచి 70 ఇళ్లకు వాలంటీర్లు పెట్టాము. వారు చిక్కటి చిరునవ్వుతో పథకాలను నేరుగా అందచేస్తున్నారు.  వైెఎస్సార్ ఆరోగ్య శ్రీని సరికొత్త మార్పులు  తీసుకువచ్చి వైఎస్సార్ ఆరోగ్య శ్రీ,, ఆరోగ్య ఆసరా రెండు  పథకాల ద్వారా తుగ్గలి గ్రామంలో కోటి రూపాయల వరకు ఖర్చు చేసి ఉచితంగా వైద్యం అందించాం. రాతన గ్రామానికి రూ. 84 లక్షలు  కేటాయించాం. వ్యవస్థలో ఎటువంటి మార్పులు వచ్చాయో ప్రజలు ఆలోచించాలి. 58 నెలల్లో ప్రతి గ్రామంలో ఓ సచివాలయం నిర్మించి, వాలంటీర్లనుఏర్పాటు చేసాం. రైతన్నను చేయి పట్టుకుని నడిపించే గొప్ప వ్యవస్థ ఆర్బీకే. మొట్టమొదటి సారిగా వ్యవసాయం మారింది. రైతన్నలు గతంలో ఇన్సూరెన్స్ కావాలంటే క్రాప్ లోన్ తీసుకోవాల్సి ఉండేది. ఇప్పుడు ప్రతీ ఎకరాకు ఇ - క్రాప్ చేసి ఉచితంగా పంట భీమా కల్పించి  ప్రతి దశలోనూ రైతన్నకు తోడుగా ఉంటున్నాం.  మొట్టమొదటి సారిగా  ప్రభుత్వ బడుల రూపు రేఖలను మార్చాం.  నాడు - నేడు తెచ్చాం. తెలుగు మీడియం పోయి ఇంగ్లీషు మీడియం తీసుకువచ్చాం. ఎనిమిదో తరగతి విద్యార్థి కి ట్యాబ్ లు ఇచ్చాం. ఆరో తరగతి ఆపై తరగతులకు చెందిన క్లాస్ రూమ్ లో డిజిటల్ బోధన పేద విద్యార్థులకు చేస్తున్నాం. కార్పొరేట్లు కూడా ప్రభుత్వ స్కూల్స్ తో పోటీ పడాల్సిన పరిస్థితి వచ్చింది.  మార్పును గమనించాలని కోరుతున్నాను. గ్రామాల్లో విలేజ్ క్లీనిక్ లు ఏర్పాటు చేసి ఫ్యామిలీ డాక్టర్ కాన్సెఫ్ట్ ను తీసుకువచ్చిఅనుసంధానం చేసాం. ఆరోగ్య సురక్ష ప్రతీ ఆరు నెలలకో చేపట్టడంతో ప్రతీ ఇంటిని జల్లెడ పట్టి వైద్య పరీక్షలు చేసి ఉచితంగా మందులు ఇస్తున్నాం. ఆరోగ్య శ్రీ పరిధిని వెయ్యి ప్రొసీజర్  నుంచి  3,300 వరకు పెంచాం. ఆరోగ్య శ్రీ పరిధిని రూ. 25 లక్షలకు పెంచాం. వ్యవసాయం, స్కూల్స్, వైద్యం అన్నీ గ్రామ పరిధిలో లంచాలు, వివక్ష లేకుండా  సరికొత్తగా అందిస్తున్నాం. గతానికి భిన్నంగా ఇలాంటి మార్పులు, పరిస్థితులను తీసుకువచ్చాం. ఈ మార్పులు కొనసాగడం చాలా అవసరం. ఈ ఎన్నికల్లో మనం ఓటు వేసేది కేవలం ఓ ఎమ్మెల్యేనో, ఎంపీనో ఎన్నుకునేదాని కోసం కాదు. జరుగుతున్న ఈ  మార్పులు కొనసాగడం కోసం ఓటు వేయాలి, మార్పులు కొనసాగితేేనే పేదల తలరాతులు మారుతాయి. పేద వాడి బ్రతుకులు కూడా మారుతాయని ప్రజలు ఆలోచన చేయాలి. నేను చెప్పిన ఈ మాటల్లో వాస్తవం ఉందని నమ్మితే.. ఓటు వేసినప్పుడు మీ బిడ్డకు తోడుగా ఉండాల్సిన అవసరం ఉంది. మీరిచ్చే సూచనలు, సలహాలు ఇస్తే మరింత మెరుగ్గా అమలు చేయడానికి సిద్ధంగా ఉన్నాను అని సీఎం జగన్‌ స్పష్టం చేశారు.  అనంతరం పెన్షన్‌ లబ్ధిదారులతో మాట్లాడుతూ సీఎం జగన్‌ ఇంకా ఏమన్నారంటే. దేశంలో రూ. 3వేల పెన్షన్ ఇస్తున్నది మనమే.. మన ప్రభుత్వం రాక ముందు చంద్రబాబు పాలనలో నాలుగు సంవత్సరాల పది నెలల కాలంలో పెన్షన్ ఎంత అని ప్రతి అవ్వని, తాతను అడగాలి. ఆయన హయాంలో పెన్షన్ ఎంత.. మీ బిడ్డ హయాంలో ఇవాళ పెన్షన్  ఎంత అని అడగాలి. దేశంలోనే రూ. 3 వేల పెన్షన్  ఇస్తున్న రాష్ట్రం మరొకటి లేదు. పెన్షన్ల కోసం ఏటా రూ. 24 వేల కోట్లు ఖర్చు చేస్తున్నాం. మిగతా రాష్ట్రాల్లోను పోల్చుకుంటే రెండో స్థానంలో తెలంగాణ  కేవలం రూ. 12 వేల కోట్లు ఉంది. ఎక్కడ చూసినా పెన్షన్ రూ. 500 మాత్రమే ఉంది. మీ బిడ్డ ప్రభుత్వంలో మాత్రం అవ్వ, తాతా, వితంతుల మీద ప్రేమ, అభిమానంతో 66 లక్షల మందికి ఇస్తున్నాం. గత ప్రభుత్వంలో రూ. 39 లక్షలు మందికి మాత్రమే ఇచ్చేవారు. 66 లక్షల్లో 45 లక్షలు మంది అక్క చెల్లెమ్మలు, అవ్వలే ఉన్నారు అని సీఎం తన ప్రసంగం ముగించారు.

సాక్షి, నంద్యాల: అక్కాచెల్లెమ్మల ముఖాల్లో సంతోషం నింపేందుకు, పేదల జీవితాల్లో మార్పు తెచ్చేందుకు గత 58 నెలల కాలంలో తాను బటన్‌లు నొక్కి.. నేరుగా అకౌంట్‌లలో నగదు జమ చేస్తున్నానని ముఖ్యమంత్రి వైఎస్‌ జగన్‌మోహన్‌రెడ్డి అన్నారు. ఎన్నికల ప్రచారంలో భాగంగా మేమంతా సిద్ధం బస్సు యాత్ర చేపట్టిన ఆయన రెండో రోజైన గురువారం ఉదయం ఎర్రగుంట్లలో ప్రజలు, మేధావులతో ఆయన ముఖాముఖి నిర్వహించారు.  సీఎం జగన్‌ మాట్లాడుతూ.. ‘‘ఎక్కడా లంచాలు, ఎక్కడా వివక్ష లేవు. ఏ పార్టీ అని చూడకుండా.. అర్హత ఉంటే చాలూ సంక్షేమ పథకాలు అందిస్తున్నాం. ప్రభుత్వ పథకాలతో కేవలం ఒక్క ఎర్రగుంట్లలోనే 93 శాతం మంది లబ్ధి పొందారు అని సీఎం జగన్‌ వివరించారు. ఈ సందర్భంగా.. వివిధ పథకాల ద్వారా చేకూరిన లబ్ధిని స్వయంగా ఆయన గణాంకాలతో వివరించారు. ఎర్రగుంట్లకు సంబంధించి.. అమ్మ ఒడి కింద ఒక్క ఎర్రగుంట్లలో 1,043 మంది తల్లులకు లబ్ధి చేకూరింది.. రూ. 4.69 కోట్లు అందించారు వైఎస్సార్‌ ఆసరా ద్వారా రూ. 3 కోట్లకు పైగా అందించారు ఎర్రగుంట్లలో ఆరోగ్యశ్రీ కింద రూ. 2 కోట్లకుపైగా అందించారు ఎర్రగుంట్లలో 1,496 ఇళ్లకుగానూ 1391 ఇళ్లకు లబ్ధి చేకూరింది ఎర్రగుంట్లలో చేదోడు కింద రూ. 31.20 లక్షలు అందించారు మొత్తంగా ఎర్రగుంట్లకు ఈ 58 నెలల కాలంలో రూ. 48.74 కోట్లు అందించారు ఎర్రగుంట్లలో 93.06 శాతం మందికి సంక్షేమం అందింది నా కంటే ముందు చాలామంది సీఎంలుగా చేశారు. నా కన్నా వయసు, అనుభవం ఉన్న వ్యక్తులు ముఖ్యమంత్రులుగా చేశారు. నా కంటే ముందు 75 ఏళ్ల వయసున్న ఓ ముసలాయన కూడా పరిపాలన చేశాడు. వయసులో నేను చాలా చిన్నోడిని. ఈ చిన్నోడిగా అడుగుతున్నా.. 14 ఏళ్లు ముఖ్యమంత్రిగా చేసిన ఆ వ్యక్తి అనుభవం మీ జీవితాలు మార్చిందా?.  ఆలోచన చేయండి.. ఈ మార్పు కొనసాగడం ఎంత అవసరమో ఆలోచన చేయండి అని సీఎం జగన్‌ ఎర్రగుంట్ల ప్రజలను కోరారు.  గతంలో ఎన్నడూ జరగని విధంగా గ్రామాలు బాగుపడ్డాయి. ప్రభుత్వ స్కూళ్ల రూపురేఖలు నాడు-నేడుతో మారిపోయాయి. మీ బిడ్డ పాలనలో మార్పు ఏ స్థాయిలో జరిగిందో ఆలోచించండి. ఇవి మన తలరాతలు మార్చే ఎన్నికలు. మన భవిష్యత్తు కోసం ఓటేయాలి. జరిగిన మంచిని చూసి ఓటేయండి’’ అని సీఎం జగన్‌ ఎర్రగుంట్ల ప్రజల్ని కోరారు. 👉: ‘మేమంతా సిద్ధం’ రెండో రోజు బస్సు యాత్రలో సీఎం వైఎస్‌ జగన్‌ (ఫొటోలు)


 న్యూఢిల్లీ: ఢిల్లీలో ఆమ్ ఆద్మీ పార్టీ కొలువు దీరి ఏడాది పూర్తయిన సందర్భంగా ఆ రాష్ట్ర ముఖ్యమంత్రి అరవింద్ కేజ్రీవాల్, ఆయన మంత్రి వర్గ సహచరులు ప్రజలతో మాట్లాడనున్నారు. ఆదివారం ఉదయం 11 గంటల నుంచి మధ్యాహ్నం ఒంటి గంట వరకు అంటే రెండు గంటల పాటు అందుబాటులో ఉంటారు. ఫోన్ ద్వారా ప్రజలు అడిగే ప్రశ్నలకు సమాధానమిస్తారు.
 
 'ఢిల్లీ ప్రభుత్వాన్ని ఏదైనా ప్రశ్న అడగాలనుకుంటున్నారా? మీరడిగే ప్రశ్నలకు నాతో పాటు మంత్రులు సమాధాలిస్తారు. ఈ రోజు ఉదయం 11 గంటల నుంచి ఒంటి గంట వరకు 011-41501367, 41501383, 23346658 నెంబర్లకు ఫోన్ చేయండి' అంటూ కేజ్రీవాల్ ట్వీట్ చేశారు. ఏడాది పాలనలో చేపట్టిన పనుల గురించి కేజ్రీవాల్ సర్కార్ ప్రజలకు వివరించనుంది. ప్రజల సమస్యలు తెలుసుకోవడంతో పాటు సూచనలు, సలహాలు తీసుకోనున్నారు. ఈ రోజు పలు అభివృద్ధి పథకాలు ప్రారంభించనున్నారు. గతేడాది జరిగిన ఢిల్లీ అసెంబ్లీ ఎన్నికల్లో ఆప్ ఘనవిజయం సాధించిన సంగతి తెలిసిందే.