సాయికిరణ్, రామ్‌సందీప్, శ్రీనివాస్, హరీష్, ముంతాజ్, నాన్సి ప్రధాన పాత్రధారులుగా రూపొందుతోన్న చిత్రం ‘ఎక్కడి దొంగలు అక్కడే గప్‌చుప్’. శ్రీనివాస్ తోకల దర్శకుడు. బి.శ్రీనివాస్ నిర్మాత.  చిత్రీకరణ జరుపుకుంటోన్న ఈ చిత్రం గురించి నిర్మాత మాట్లాడుతూ- ‘‘హాస్య ప్రధానంగా సాగే సస్పెన్స్ చిత్రం ఇది.
 
 హైదరాబాద్ పరిసరాల్లో సాయికిరణ్, జీవా, తాగుబోతు రమేశ్, విజయ్ భాస్కర్‌లపై కీలక సన్నివేశాలు తీస్తున్నాం. దీంతో రెండో షెడ్యూల్ పూర్తవుతుంది. ఏప్రిల్‌లో మూడో షెడ్యూల్ మొదలవుతుంది’’ అని చెప్పారు. ఈ చిత్రానికి మాటలు: నండూరి వీరేశ్, సంగీతం: షాయిక్ పర్వేజ్, కెమెరా: మహి శేర్ల.
  


 రామ్‌సందీప్, హరీష్, శిల్పా, రజితలు హీరో హీరోయిన్లుగా పరిచయం చేస్తూ శ్రీ లక్ష్మీగణపతి మూవీస్ నిర్మిస్తోన్న చిత్రం ‘ఎక్కడి దొంగలు అక్కడే గప్‌చుప్’. శ్రీనివాస్ తోకల దర్శకత్వంలో బి. శ్రీనివాస్ నిర్మిస్తున్న ఈ చిత్రం మలి షెడ్యూల్ జరుగుతోంది. 
  
  ఈ సందర్భంగా దర్శక, నిర్మాతలు మాట్లాడుతూ -‘‘ఈ షెడ్యూల్‌లో కృష్ణభగవాన్, తాగుబోతు రమేష్, పింగ్ పాంగ్, రామ్‌సందీప్, శిరీషలు పాల్గొనగా హాస్య సన్నివేశాలు తీస్తున్నాం. సస్పెన్స్, కామెడీ నేపథ్యంలో సాగే చిత్రం.
  
  చేసిన తప్పులు తెలియనంతవరకు అందరూ దొరలే.. తెలిసిన తర్వాత దొంగలే అనే విషయం అందరికీ తెలుసు. ఈ పాయింట్ మీదే ఈ చిత్రం ఉంటుంది’’ అని చెప్పారు. ఈ చిత్రానికి మాటలు: నండూరి వీరేష్, కెమెరా: మహిశర్ల.