శౌర్య, ఎటాక్ సినిమాలతో నిరాశపరిచిన యంగ్ హీరో మంచు మనోజ్, వరుస సినిమాలతో అభిమానులను అలరించడానికి రెడీ అవుతున్నాడు. గత సినిమాల అనుభవంతో రాబోయే సినిమాల విషయంలో జాగ్రత్తలు తీసుకుంటున్నాడు. యంగ్ హీరోలందరూ కమర్షియల్ ఫార్మాట్ లో సినిమాలో చేస్తుంటే మనోజ్ మాత్రం కొత్తగా ట్రై చేస్తున్నాడు.
 
 ఇప్పటికే సన్నాఫ్ పెదరాయుడు, రాంబో సినిమాల్లో నటిస్తున్న మనోజ్ ఈ రెండు సినిమాలతో పాటు మరో సినిమాను కూడా సెట్స్ మీదకు తీసుకు వచ్చాడు. తమిళ సినిమా రావణదేశం కు దర్శకత్వం వహించిన అజయ్ డైరెక్షన్ లో సినిమాను ప్రారంభించాడు. ఈ మూడు సినిమాల షూటింగ్ లలో పాల్గొంటున్న మనోజ్, వెంట వెంటనే రిలీజ్ చేసేలా ప్లాన్ చేస్తున్నాడు. మరి ఈ సినిమాలైన మనోజ్ ను సక్సెస్ ట్రాక్ ఎక్కిస్తాయేమో చూడాలి.


 శ్రీలంకలో జరిగిన అంతర్యుద్దంలో తప్పిపోయిన శరణార్థుల కథాంశంతో 'రావణ దేశం' తెరకెక్కించినట్లు ఆ చిత్ర దర్శకుడు అజయ్ నూతక్కి వెల్లడించారు. తెలుగు, తమిళ భాషల్లో రూపొందుతున్న ఆ చిత్రంలో ఎటువంటి వివాదస్పద అంశాలు లేవని ఆయన స్పష్టం చేశారు. మంగళవారం చెన్నైలో అజయ్ విలేకర్లతో మాట్లాడుతూ... తెలుగు, తమిళలకు అనుకూలంగా కానీ వ్యతిరేకంగా కానీ ఆ చిత్రం రూపొందించలేదన్నారు.
  
 2009లో శ్రీలంకలో జరిగిన అంతర్యుద్దంలోని కొన్ని వాస్తవ సంఘటనల స్పూర్తిగా తీసుకుని  ఆ చిత్రాన్ని నిర్మించినట్లు చెప్పారు. శుక్రవారం విడుదల కానున్న ఆ చిత్రం చూసిన ప్రేక్షకుడు మాత్రం ఆనాటి సంఘటనలకు ఎవరో ఒకరు బాధ్యులని భావిస్తాడని ఆయన అభిప్రాపయపడ్డారు. ఆ చిత్రం తెరకెక్కించే క్రమంలో ఆచూకీ తెలియకుండా పోయిన శరణార్థుల అంశంపై ప్రధానంగా దృష్టి కేంద్రీకరించినట్లు చెప్పారు.
  
 అయితే ఆ అంతర్యుద్ధం ముందు ఆ తర్వాత ప్రజల జీవన స్థితిగతులను వాస్తవ పరిస్థితులకు అనుగుణంగా ఆ చిత్రంలోని దృశ్యాలను చిత్రీకరించినట్లు తెలిపారు. రావణ దేశం చిత్రంలో జన్నీఫర్, రమేష్లు  నాయికనాయుకులుగా నటించారు. న్యూ అంఫైర్ సెల్యూలాయిడ్ సంస్థ ఆ చిత్రాన్ని నిర్మించింది.