బాలీవుడ్‌ యంగ్‌ హీరో కార్తీక్‌ ఆర్యన్‌ అభిమానులకు షాకిచ్చాడు. షారుఖ్ ఖాన్ ప్రొడక్షన్ హౌస్ “రెడ్ చిల్లీస్” తెరకెక్కిస్తున్న ఓ మూవీ నుంచి ఆయన సడెన్‌గా తప్పుకున్నారు. అజయ్ బెహల్ దర్శకత్వంలో తెరకెక్కతున్న ఈ సినిమాలో కార్తీక్‌ ఆర్యన్‌ సరసన కత్రినా కైఫ్‌ నటించనుంది. ఈ సినిమా కోసం దాదాపు రెండేళ్ల క్రితమే కార్తీక్‌ సైన్‌ చేశాడు. అయితే ఇటీవలి కాలంలో దర్శకుడు అజయ్‌తో  క్రియేటివ్ డిఫరెన్సెస్ కారణంగా ఈ ప్రాజెక్టుకు గుడ్‌ బై చెప్పేశాడు. దర్శకుడు ఇది వరకు చెప్పిన స్టోరీ లైన్‌కు, ఇప్పటి  స్క్రిప్ట్ కు సంబంధం లేకపోవడంతో కార్తీక్‌ ఈ ప్రాజెక్టు నుంచి తప్పుకోవాలని నిర్ణయించుకున్నాడట. ఇందుకు గాను అడ్వాన్స్‌గా ఇచ్చిన 2 కోట్ల రూపాయలను తిరిగి ఇచ్చేసినట్లు టాక్‌ వినిపిస్తోంది. లవ్‌ స్టోరీ ప్రధానంగా తెరెకెక్కనున్న ఈ సినిమా షూటింగ్‌ ఈ ఏడాది చివర్లో ప్రారంభం కావాల్సి ఉంది. అయితే ఆలోపే కార్తీక్‌ ఆర్యన్‌ ఈ ప్రాజెక్టు నుంచి తప్పుకున్నాడు. గతంలో కార్తీక్‌ ఆర్యన్‌ ప్రధాన పాత్రలో నటిస్తున్న 'దోస్తానా 2' సినిమా నుంచి అతడిని తప్పిస్తున్నట్లు కరణ్‌ నిర్మాణ సంస్థ ధర్మ ప్రొడక్షన్స్‌ పేర్కొన్న  సంగతి తెలిసిందే.  జాన్వీ కపూర్‌ హీరోయిన్‌గా నటిస్తున్న ఈ సినిమా షూటింగ్‌ సగం పూర్తైంది. అయితే కార్తీక్‌ పద్దతేమీ బాగోలేదని, అతడి ప్రవర్తన అనైతికంగా ఉండటంతో కరణ్‌ జోహార్‌ ఆ హీరోను అర్ధాంతరంగా తొలగించినట్లు బీ టౌన్‌ టాక్‌. రెండు వారాలు షూటింగ్‌ జరుపుకుంటున్నప్పటికీ సడన్‌గా హీరోను సైడ్‌ చేయడం బాలీవుడ్‌లో చర్చకు తెరదీసిన సంగతి తెలిసిందే. ఇప్పుడు మరోసారి తాను చేస్తున్న చిత్రం నుంచి అనూహ్యంగా వైదొలిగాడు.  చదవండి : సగం షూటింగ్‌ అయ్యాక యంగ్‌ హీరోను సైడ్‌ చేశారు కొరియోగ్రాఫర్ బర్త్‌డే.. అక్షయ్‌కుమార్‌ ఏం గిఫ్ట్‌ ఇచ్చారో తెలుసా?


 పొరుగింటివాళ్లు బాగా ఘాటైన మసాలా సరుకులతో వంట చేస్తున్నారని, దానివల్ల విషపూరిత వాయువులు వచ్చి.. తనకు శ్వాసపరమైన ఇబ్బందులు ఎదురయ్యాయని యూకేలో ఓ మహిళ తన పొరుగింటి వాళ్ల మీద కోర్టు కేసు పెట్టింది. జంతుహక్కుల కోసం పోరాడే జోనా లూసీ క్రిడ్లిన్ అనే ఈ మహిళ తన పొరుగింటిలో ఉండే వారిని లండన్ హైకోర్టుకు లాగింది. ఆమె వాడుతున్న మిరపకాయల వల్ల బాగా ఘాటైన పొగ వస్తోందని, దానివల్ల తన శ్వాసనాళంలో కూడా మంట పుడుతోందని క్రిడ్లిన్ తన ఫిర్యాదులో పేర్కొంది.
 
 ఆ ఘాటైన వాసన తన ఇంట్లోకి చొచ్చుకుని వస్తోందని, పక్కింటివాళ్ల వంట పూర్తయిన 8 గంటల వరకు కూడా అది అలాగే ఉంటోందని, దానివల్ల తాను టార్చర్ అనుభవిస్తున్నానని తెలిపింది. అర్ధరాత్రి నిద్రలో లేచి, మంచి గాలి కోసం బాల్కనీలోకి వెళ్లాల్సి వస్తోందని.. ఇంట్లో అంతలా ఆ మిరపకాయల పొగ అలముకుంటోందని క్రిడ్లిన్ చెప్పింది. ఈ పొగను ‘సంఘ వ్యతిరేక ప్రవర్తన’గా భావించాలని క్రిడ్లిన్ కోరింది. తాను ఎన్నిసార్లు చెప్పినా పక్కింటివాళ్లు వినిపించుకోలేదని, తమ మిరపకాయల పొగతో తనను బాగా ఇబ్బంది పెట్టేశారని చెప్పింది.