న్యూఢిల్లీలోని బ్రాడ్‌కాస్ట్‌ ఇంజనీరింగ్‌ కన్సల్టెంట్స్‌ ఇండియా లిమిటెడ్‌(బీఈసీఐఎల్‌).. ఆల్‌ ఇండియా ఇన్‌స్టిట్యూట్‌ ఆఫ్‌ ఆయుర్వేద (ఏఐఐఏ) లో ఒప్పంద ప్రాతిపదికన ఉద్యోగాల భర్తీకి దరఖాస్తులు కోరుతోంది. ► మొత్తం పోస్టుల సంఖ్య: 162 ► పోస్టుల వివరాలు: సీనియర్‌ రీసెర్చ్‌ ఫెలో, రీసెర్చ్‌ అసోసియేట్, రీసెర్చ్‌ కోఆర్డినేటర్, సైంటిస్ట్, బయో మెడికల్‌ ఇంజనీర్, మెడికల్‌ ల్యాబ్‌ టెక్నాలజిస్ట్, అసిస్టెంట్‌ ప్రొఫెసర్, పబ్లిక్‌ రిలేషన్‌ ఆఫీసర్‌(పీఆర్‌ఓ) తదితరాలు. ► అర్హత: పోస్టుల్ని అనుసరించి పదో తరగతి, ఇంటర్మీడియట్, డిప్లొమా, బీఎస్సీ, బీఈ/బీటెక్, ఎమ్మెస్సీ, పీజీ డిగ్రీ/పీజీ డిప్లొమా, ఎండీ ఉత్తీర్ణులవ్వాలి. సంబంధిత పనిలో అనుభవం ఉండాలి. ► వయసు: 45 ఏళ్లు మించకుండా ఉండాలి. ► వేతనం: పోస్టుల్ని అనుసరించి నెలకు రూ.15,492 నుంచి రూ.1,23,100 వరకు చెల్లిస్తారు. ► ఎంపిక విధానం: టెస్ట్‌/రాతపరీక్ష/ఇంటర్వ్యూ ఆధారంగా ఎంపికచేస్తారు. ► దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి. ► ఆన్‌లైన్‌ దరఖాస్తులకు చివరి తేది: 22.08.2021 ► వెబ్‌సైట్‌: www.becil.com

సాక్షి, కొత్తగూడ(వరంగల్‌) :  ప్రభుత్వ పాఠశాలల్లో చదువుకోవడమే నామోషీగా భావించే రోజులివి. అలాంటిది మొదటి నుంచి ప్రభుత్వ పాఠశాలల్లోనే చదువుకోవడమే కాదు.. తండ్రి కన్నుమూయడం.. తల్లి కూలీ పనులు చేస్తుండడాన్ని చూస్తూ పెరిగిన ఆ విద్యార్థి నేడు అంతర్జాతీయ స్థాయి శాస్త్రవేత్తగా ఎదిగాడు. స్కాలర్‌షిప్‌ ద్వారా వస్తున్న డబ్బును పొదుపుగా వాడుకుంటూ పలువురికి ఆదర్శంగా నిలుస్తున్న కొత్తగూడ మండల కేంద్రానికి వెలుసోజు విజయ్‌.. గెలుపు నేపథ్యంపై ప్రత్యేక కథనం.  చిన్నతనంలోనే తండ్రి మృతి కొత్తగూడ మండల కేంద్రానికి చెందిన వెలుసోజు రాములు – సుజాత దంపతులకు ఇద్దరు కుమారులు అనిల్, విజయ్‌తో పాటు ఓ కుమార్తె సంధ్యారాణి ఉన్నారు. వీరి చిన్నతనంలోనే తండ్రి రాములు మద్యానికి బానిపై మృత్యువాత పడ్డారు. రాములు ఉన్నంత వరకు కుల వృత్తి అయిన వడ్రంగి పని చేసేవాడు. ఆయన మృతి చెందాక ఇతర ఉపాధి మార్గాలేమీ లేక కుటుంబం మొత్తం దిక్కుతోచని స్థితి ఎదుర్కొంది. ఇక ముగ్గురు పిల్లలను పోషించాల్సిన తల్లి సుజాతకు వ్యవసాయ పనులు రాకపోగా సెంట్‌ భూమి కూడా లేదు. దీంతో పిల్లలకు చదువు చెప్పించడం ఏమో కానీ పిల్లలకు కడుపు నిండా తిండి పెట్టడం కూడా భారమైంది. ఏం చేయాలో తెలియని స్థితిలో ఆమె ఆశ్రమ పాఠశాల వసతి గృహంలో కూరగాయలు కోసేందుకు సాధారణ రోజువారీ కూలీ(కాంటింజెంట్‌ వర్కర్‌)గా చేరింది. డబ్బు ఎంతొచ్చినా పర్వాలేదు.. అక్కడి నుంచే అన్నం తీసుకెళ్లి పిల్లల కడుపు నింపేది. పిల్లల భవిష్యత్‌ కోసం తల్లి పడే తపన, రాత్రుళ్లు కార్చే కన్నీరు చిన్న కుమారుడు విజయ్‌లో పట్టుదలను పెంచాయి. ఎలాగైనా ఉన్నత స్థాయికి చేరాలని అప్పట్లో భావించాడు. ప్రభుత్వ పాఠశాలల్లో టాపర్‌గా... ప్రైవేట్, కార్పొరేట్‌ విద్యాసంస్థల్లో చదువుకునే స్థోమత లేదని గుర్తించి విజయ్‌.. ప్రభుత్వ పాఠశాలల్లో చదువుతూనే కార్పొరేట్‌ వ్యవస్థతో పోటీ పడాలనుకున్నాడు. 1వ తరగతి నుంచి 7వ తరగతి వరకు కొత్తగూడ ప్రాథమికోన్నత పాఠశాలలో పాఠశాల టాపర్‌గా నిలిచాడు. 8వ తరగతి నుంచి 10వ తరగతి వరకు స్థానిక గిరిజన సంక్షేమ ఆశ్రమ పాఠశాలలో చదువుకుని మండల టాపర్‌గా నిలిచాడు. ఇంటర్‌ ప్రభుత్వ జూనియర్‌ కళాశాల కొత్తగూడలో కళాశాల టాపర్‌గా నిలిచాడు. ఇక హైదరాబాద్‌లోని ప్రభుత్వ కళాశాలలో డిగ్రీ, ఐఐటీ మద్రాస్‌లో మాస్టర్స్‌ కెమిస్ట్రీ పూర్తి చేసి అక్కడా టాపర్‌గా నిలిచి తాను అనుకున్నది సాధించాడు. ఇవన్ని మొత్తం స్కాలర్‌షిప్‌లపై ఆధారపడి పూర్తిచేయడం విశేషం. ఈ మేరకు విజయ్‌లోని ప్రతిభను గుర్తించిన ఆస్ట్రేలియాలోని రాయల్‌ మెల్‌బోర్న్‌ యూనివర్సిటీ వారు పీహెచ్‌డీలో సీటు ఇచ్చి డాక్టరేట్‌ ప్రదానం చేశారు.  మొక్కల నుంచి పెట్రోల్, డీజిల్‌ తయారీ ఆస్ట్రేలియాలో పీహెచ్‌డీ పట్టా అందుకున్న సందర్భంలో..  పీహెచ్‌డీ పూర్తయ్యాక విజయ్‌ హైదరాబాద్‌లోని ఇండియన్‌ ఇన్‌స్టిట్యూట్‌ ఆఫ్‌ కెమికల్‌ టెక్నాలజీలో రెండేళ్ల పాటు రీసెర్చ్‌ చేశారు. ఈ సమయంలో అంతర్జాతీయ సదస్సుల్లో డెమో ఇచ్చి మెప్పించారు. విజయ్‌ ప్రతిభను గుర్తించిన జర్మనీలోని లుయాబిన్జ్‌ – డాడ్‌ రీసెర్చ్‌ ఫెలో ఇన్‌స్టిట్యూట్‌ ఫర్‌ డ్యాటనిసిస్‌ రోస్టక్‌ వారు జూనియర్‌ సైంటిస్ట్‌గా చేర్చుకున్నారు. ఈ ఇన్‌స్టిట్యూట్‌లో కార్బన్‌డైఆక్సెడ్‌ నుంచి ఇంధనం తయారీపై ప్రస్తుతం జరుగుతున్న పరిశోధనల్లో విజయ్‌ పాల్గొంటున్నారు. ఇక ఇటీవల మలేషియాలో జరిగిన 8వ ఆసియా పసిఫిక్‌ కాంగ్రెస్‌ ఆన్‌ డ్యాటనసిస్‌(ఎపీసీఏటీ–8) లో తన గళం వినిపించారు. దీంతో పాటు మరో 20 అంతర్జాతీయ సదస్సుల్లో తాను చేస్తున్న రీసెర్చ్‌ వివరాలు వినిపించారు. 


 బొకారో స్టీల్ ప్లాంట్‌లో నర్స్ పోస్టులు
 సెయిల్‌కు చెందిన బొకారో స్టీల్‌ప్లాంట్.. కాంట్రాక్ట్ ప్రాతిపదికన క్వాలిఫికేషన్ వర్క్ ఎక్స్‌పీరియన్స్ ట్రైనింగ్ ప్రోగ్రామ్ కోసం ఇంటర్వ్యూలు నిర్వహించనుంది. మొత్తం ఖాళీలు 30. ఇంటర్వ్యూ తేది డిసెంబర్ 7. వివరాలకు  www.sailcareers.com చూడొచ్చు.
 
  
 సాయ్‌లో రీసెర్చ్ ఫెలో
 న్యూఢిల్లీలోని స్పోర్ట్స్ అథారిటీ ఆఫ్ ఇండియా (సాయ్).. కాంట్రాక్ట్ ప్రాతిపదికన వివిధ విభాగాల్లో రీసెర్చ్ ఫెలో పోస్టుల భర్తీకి దరఖాస్తులు ఆహ్వానిస్తోంది. మొత్తం ఖాళీలు 89. దరఖాస్తుకు చివరి తేది డిసెంబర్ 21. వివరాలకు www.sportsauthorityofindia.nic.in చూడొచ్చు.     
 
 ఎయిర్ ఇండియాలో మహిళా సిబ్బంది
 ఎయిర్ ఇండియా ఎయిర్ ట్రాన్స్ పోర్ట్ సర్వీసెస్ లిమిటెడ్ (ఏఐఏటీఎస్‌ఎల్ ).. కాంట్రాక్టు ప్రాతిపదికన ఈస్టర్న్ రీజియన్ పరిధిలోని వివిధ ప్రాంతాల్లో  మహిళా భద్రతా సిబ్బంది (ఫీమేల్ సెక్యూరిటీ ఏజెంట్) పోస్టుల భర్తీకి ఇంటర్వ్యూలు నిర్వహించనుంది. మొత్తం ఖాళీలు 26. ఇంటర్వ్యూ తేది డిసెంబర్ 13. వివరాలకు  www.airindia.in/careers.htm చూడొచ్చు.
  
  ఐఐడ బ్ల్యూబీఆర్‌లో ఎస్‌ఆర్‌ఎఫ్/జేఆర్‌ఎఫ్
 ఇండియన్ ఇన్‌స్టిట్యూట్ ఆఫ్ వీట్ అండ్ బార్లీ రీసెర్చ్ (ఐఐడబ్ల్యూబీఆర్).. వివిధ ప్రాజెక్ట్‌లలో జూనియర్ రీసెర్చ్ ఫెలో, టెక్నికల్ అసిస్టెంట్, సీనియర్ రీసెర్చ్ ఫెలో, టెక్నికల్ హెల్పర్ పోస్టుల భర్తీకి డిసెంబర్ 7, 8న ఇంటర్వ్యూలు నిర్వహించ నుంది. మొత్తం ఖాళీలు-9. వివరాలకు www.dwr.res.in చూడొచ్చు.
  
 సీఎస్‌ఐఆర్ అనుబంధ సంస్థలో సైంటిస్ట్ పోస్టులు
 సీఎస్‌ఐఆర్ పరిధిలోని ఇన్‌స్టిట్యూట్ ఆఫ్ జినోమిక్స్ అండ్ ఇంటిగ్రేటివ్ బయాలజీ.. సైంటిస్ట్, సీనియర్ సైంటిస్ట్ విభాగాల్లో పోస్టుల భర్తీకి దరఖాస్తులు ఆహ్వానిస్తోంది. మొత్తం ఖాళీలు 8. ఆన్‌లైన్ దరఖాస్తుకు చివరి తేది డిసెంబర్ 21. వివరాలకు www.igib.res.in చూడొచ్చు.
  
 ఐఐటీ-మండిలో నాన్ టీచింగ్ పోస్టులు
 మండి (హిమాచల్‌ప్రదేశ్)లోని ఇండియన్ ఇన్ స్టిట్యూట్ ఆఫ్ టెక్నాలజీ (ఐఐటీ).. కాంట్రాక్టు ప్రాతిపదికన జూనియర్ సూపరింటెండెంట్, సీనియర్ లైబ్రరీ ఇన్ఫర్మేషన్ అసిస్టెంట్, జూనియర్ అసిస్టెంట్, జూనియర్ ల్యాబ్ అసిస్టెంట్ పోస్టుల భర్తీకి దరఖాస్తులు ఆహ్వానిస్తోంది. మొత్తం ఖాళీలు 10. దరఖాస్తుకు చివరి తేది డిసెంబర్ 14. వివరాలకు www.iitmandi.ac.in చూడొచ్చు.
  
 ఎన్‌ఎస్‌ఐసీలో స్పెషల్ రిక్రూట్‌మెంట్
 ది నేషనల్ స్మాల్ ఇండస్ట్రీస్ కార్పొరేషన్ లిమిటెడ్ (ఎన్‌ఎస్‌ఐసీ).. వికలాంగుల కోటాలో వివిధ విభాగాల్లో సిస్టం ఆపరేటర్, అకౌంట్స్ ఆఫీసర్, అసిస్టెంట్ మేనేజర్, డిప్యూటీ మేనేజర్ పోస్టుల భర్తీకి దరఖాస్తులు ఆహ్వానిస్తోంది. మొత్తం ఖాళీలు 14. దరఖాస్తుకు చివరి తేది డిసెంబర్ 5. వివరాలకు www.nsic.co.in/careers.asp  చూడొచ్చు.