rohit sharma

న్యూ చండీగ‌ఢ్ వేదిక‌గా వెస్టిండీస్‌తో జ‌రిగిన మూడో వ‌న్డేలో రోహిత్ శ‌ర్మ సెంచ‌రీకి 8 ప‌రుగుల దూరంలో ఔటైన సంగ‌తి తెలిసిందే. ఆరంభం నుంచి మంచి ఈజ్‌తో క‌నిపించిన రోహిత్ 92 ప‌రుగుల వ్య‌క్తిగ‌త స్కోరు వ‌ద్ద వెనుదిరిగాడు. ఇప్ప‌టివ‌ర‌కు వ‌న్డేల్లో 35 సెంచ‌రీలు చేసిన రోహిత్ నిన్న‌టి మ్యాచ్‌లో సెంచ‌రీ చేసి ఉంటే ఆ సంఖ్య 36కు చేరుకునేది.ఈ నేప‌థ్యంలోనే రోహిత్ శ‌ర్మ 92 ప‌రుగుల వ‌ద్ద ఔట‌వ్వ‌డంపై భార‌త క్రికెట్ దిగ్గజం సునీల్ గవాస్కర్ మాత్రం అసంతృప్తి వ్యక్తం చేశాడు. సెంచరీకి కేవలం 8 పరుగుల దూరంలో రోహిత్ ఔట్ కావడం తనను చాలా నిరాశపరిచిందని పేర్కొన్నాడు. రోహిత్ శర్మ తన కెరీర్‌ను ఓ ప్రత్యేకమైన మైలురాయితో ముగించాలని తాను కోరుకుంటున్నట్లు గవాస్కర్ త‌న మ‌న‌సులోని మాట‌ను వెల్ల‌డించాడు‘హయర్ క్రికెట్ లైవ్’ కార్యక్రమంలో గవాస్కర్ మాట్లాడుతూ.. "2027 వన్డే ప్రపంచకప్ తర్వాత సుమారు 40 ఏళ్ల వయసులో రోహిత్ అంతర్జాతీయ క్రికెట్‌కు వీడ్కోలు పలికే అవకాశం ఉంది. నా వ్యక్తిగత కోరిక ఏంటంటే.. అతను రిటైర్ అయ్యే నాటికి అతని వయసు కన్నా ఎక్కువ వన్డే సెంచరీలు చేయాలి. ప్రస్తుతం రోహిత్ ఖాతాలో 35 సెంచరీలు ఉన్నాయి. ఈ మ్యాచ్‌లో శతకం పూర్తి చేసి ఉంటే, ఆ సంఖ్య 36కు చేరేది. తద్వారా 40 సెంచరీల మార్క్‌కు మరింత దగ్గరయ్యేవాడు" అని అభిప్రాయపడ్డాడు.ఈ సందర్భంగా తన కెరీర్‌లోని చివరి దశను గవాస్కర్ గుర్తుచేసుకున్నాడు. "నాకు 38 ఏళ్ల వయసులో, టెస్టుల్లో 38 సెంచరీలు చేయాలని లక్ష్యంగా పెట్టుకున్నాను. కానీ దురదృష్టవశాత్తు మూడుసార్లు 90ల్లో ఔటయ్యాను. అందుకే రోహిత్ సెంచరీ మిస్ కావడం చూసి నిరాశ చెందాను. నేను సాధించలేకపోయాను.. రోహిత్ అయినా ఆ ఘనత అందుకోవాలి" అని అభిలాషించాడు.అదే సమయంలో 2023 ప్రపంచకప్ తర్వాత రోహిత్ బ్యాటింగ్ శైలిలో మార్పు వచ్చిందని గవాస్కర్ విశ్లేషించాడు. "ప్రపంచకప్‌లో మొదటి బంతి నుంచే దూకుడుగా ఆడేవాడు. ఇప్పుడు తన వికెట్‌కు ఎక్కువ విలువ ఇస్తున్నాడు. ఇది మంచి పరిణామమే. అయినా, రోహిత్‌ను నేను 30-40 పరుగులు చేసే ఆటగాడిగా కాకుండా, 'సెంచరీల వీరుడి'గానే చూస్తాను" అని స్పష్టం చేశాడు.ఇదీ చదవండి: సెంచ‌రీతో ఫామ్‌లోకి ఆసీస్ బ్యాట‌ర్‌.. సౌతాఫ్రికాకు చుక్క‌లే!

టీమిండియా స్టార్ ఓపెనర్ రోహిత్ శ‌ర్మ మ‌రో అరుదైన ఘ‌న‌త‌ను త‌న పేరిట లిఖించుకున్నాడు. వ‌న్డేల్లో అత్యంత వేగంగా 10వేల ప‌రుగుల మైలు రాయిని అందుకున్న ఓపెన‌ర్‌గా రోహిత్ వ‌ర‌ల్డ్ రికార్డు సృష్టించాడు. న్యూ చండీగఢ్ వేదికగా వెస్టిండీస్‌తో జ‌రుగుతున్న మూడో వ‌న్డేలో 2 ప‌రుగులు వ్య‌క్తిగ‌త స్కోర్ వ‌ద్ద హిట్ మ్యాన్ ఈ ఫీట్ సాధించాడు. కేవ‌లం 202 ఇన్నింగ్స్‌ల‌లోనే అత‌డు ఈ ఘ‌న‌త అందుకున్నాడు.స‌చిన్ రికార్డ్ బ్రేక్‌ఇంత‌కుముందు ఈ రికార్డు భార‌త క్రికెట్ దిగ్గ‌జం స‌చిన్ టెండూల్క‌ర్ పేరిట ఉండేది. వన్డేల్లో ఓపెనర్‌గా 10,000 పరుగులు పూర్తి చేసుకునేందుకు సచిన్ 214 ఇన్నింగ్స్‌లు తీసుకోన్నాడు. తాజా నాక్‌తో మాస్ట‌ర్ బ్లాస్ట‌ర్ ఆల్‌టైమ్ రికార్డును రోహిత్ బ్రేక్ చేశాడు. ఓవ‌రాల్‌గా వ‌న్డేల్లో ప‌ది వేలు ప‌రుగులు చేసిన నాలుగో ఓపెన‌ర్‌గా ఈ ముంబైక‌ర్ నిలిచాడు.కాగా రోహిత్ శర్మ తన వన్డే కెరీర్‌లో ఇప్పటికే మొత్తం 12,000కి పైగా పరుగులు సాధించాడు. అందులో 2,000 పరుగులు మిడిల్ ఆర్డర్‌లో బ్యాటింగ్ చేసినప్పుడు సాధించినవి. ఓపెన‌ర్‌గా అత్య‌ధిక ప‌రుగులు చేసిన జాబితాలో రోహిత్ నాలుగో స్దానంలో ఉన్నాడు. మ‌రో 179 పరుగుల చేస్తే క్రిస్ గేల్‌(10,179)ను రోహిత్ అధిగ‌మిస్తాడు.వన్డేల్లో ఓపెనర్‌గా వేగంగా 10,000 పరుగులు చేసిన బ్యాటర్లురోహిత్ శర్మ (భారత్) – 202 ఇన్నింగ్స్‌లుసచిన్ టెండూల్కర్ (భారత్) – 214 ఇన్నింగ్స్‌లుక్రిస్ గేల్ (వెస్టిండీస్) – 268 ఇన్నింగ్స్‌లుసనత్ జయసూర్య (శ్రీలంక) – 303 ఇన్నింగ్స్‌లువన్డేల్లో ఓపెనర్లుగా అత్యధిక పరుగులు చేసిన టాప్-4 బ్యాటర్లు:సచిన్ టెండూల్కర్ (భారత్): 15,310 పరుగులుసనత్ జయసూర్య (శ్రీలంక): 12,740 పరుగులుక్రిస్ గేల్ (వెస్టిండీస్): 10,179 పరుగులురోహిత్ శర్మ (భారత్): 10,000* పరుగులుచదవండి: IND vs WI: విండీస్‌ బౌలర్‌ సూపర్‌ డెలివరీ.. విరాట్‌ కోహ్లి ఫ్యూజ్‌లు అవుట్‌

టీమిండియా- వెస్టిండీస్‌ మధ్య బుధవారం నాటి రెండో వన్డే సందర్భంగా పరుగుల వరద పారింది. గువాహటిలోని బర్సపరా స్టేడియం శతకాల మోతతో హోరెత్తిపోయింది. ఇరుజట్లలో కలిపి మొత్తం ఐదుగురు బ్యాటర్లు మెరుపు సెంచరీలతో చెలరేగారు.శతకాల మోతవిండీస్‌ బ్యాటర్లలో ఓపెనర్‌ జాన్‌ కాంప్‌బెల్‌ (68 బంతుల్లో 101), కెప్టెన్‌ షాయీ హోప్‌ (94 బంతుల్లో 104), ఆమిర్‌ జాంగో (77 బంతుల్లో 114) మెరుపులు మెరిపించగా.. టీమిండియా ఓపెనర్లలో రోహిత్‌ శర్మ (75 బంతుల్లో 101) శతక్కొట్టగా.. కెప్టెన్‌ శుబ్‌మన్‌ గిల్‌ ఏకంగా అజేయ డబుల్‌ సెంచరీ (133 బంతుల్లో 223)తో ఆకాశమే హద్దుగా చెలరేగాడు.𝗗𝗢𝗨𝗕𝗟𝗘 𝗖𝗘𝗡𝗧𝗨𝗥𝗬 🤩🔥#ShubmanGill brings up his 2nd ODI double ton, becoming the fastest to do so in the history of the format! 💯Records tonight, and a whole lot more to look forward to when the #CWC27 schedule launches TOMORROW! 🏆#INDvWI | 2nd ODI 👉… pic.twitter.com/E4tvOzYVqP— Star Sports (@StarSportsIndia) September 30, 2026ఫలితంగా కరేబియన్‌ జట్టు విధించిన 406 పరుగుల భారీ లక్ష్యాన్ని టీమిండియా కేవలం 43.3 ఓవర్లలోనే ఊదేసింది. ఈ నేపథ్యంలో టీమిండియా హెడ్‌కోచ్‌ గౌతం గంభీర్‌ తమ జట్టు విజయం సాధించినప్పటికీ.. బర్సపరా పిచ్‌ తీరుపై తీవ్ర స్థాయిలో అసహనం వ్యక్తం చేశాడు.Fifty up, and Hitman brings up 200 ODI sixes on home soil in the same over! 🔥When Rohit bats, it's class in action and this is just a preview of the excitement heading into the big #CWC27 schedule launch, TOMORROW at 8:30 PM! 🏆Watch #INDvWI 2nd ODI, LIVE NOW! 👉… pic.twitter.com/uilpDSphHO— Star Sports (@StarSportsIndia) September 30, 2026ఇది అసలు క్రికెట్‌ కాదుస్టార్‌ స్పోర్ట్స్‌తో మాట్లాడుతూ.. ‘‘నిజాయితీగా చెప్పాలంటే.. క్రికెట్‌ అంటే బంతికి, బ్యాట్‌కి మధ్య కాస్త పోటీ ఉండాలి. కానీ ఇది అసలు క్రికెట్‌ కాదు. ఈరోజు ఇక్కడ కేవలం బ్యాటింగ్‌ మాత్రమే సాగింది.ఓ యువ బౌలర్‌ ఇలాంటి వికెట్‌ మీద బౌలింగ్‌ చేస్తున్నపుడు ప్రత్యర్థి 400 పరుగులు చేయడం.. మేము ఈ లక్ష్యాన్ని సునాయాసంగా ఛేదించడం చూసినపుడు.. సదరు బౌలర్‌ మానసిక పరిస్థితి ఎలా ఉంటుందో ఊహించుకోండి. ఈ మ్యాచ్‌లో అద్భుతమైన రికార్డులు నెలకొల్పబడ్డాయి.బౌలర్లను చూస్తే జాలేసిందిప్రేక్షకులు కూడా సంతోషంతో కేరింతలు కొట్టారు. మీరు (ప్రసారకర్తలు) కూడా ఆనందంలో తేలిపోతున్నారు. కానీ ఒక నిజమైన క్రికెట్‌ అభిమానిగా నాకు మాత్రం ఇది అంతగా నచ్చలేదు. బౌలర్లను చూస్తే జాలేసింది. ఇలాంటి వికెట్ల మీద బౌలింగ్‌ చేయాల్సిరావడం అన్యాయమే అవుతుంది’’ అని గంభీర్‌ అసహనం, ఒకింత ఆగ్రహం వ్యక్తం చేశాడు. కాగా ఈ మ్యాచ్‌లో తొలుత బ్యాటింగ్‌ చేసిన వెస్టిండీస్‌ నిర్ణీత 50 ఓవర్లలో ఏడు వికెట్ల నష్టానికి 405 పరుగులు చేసింది.ధారాళంగా పరుగులుభారత బౌలర్లలో గుర్నూర్‌ బ్రార్‌ ఏకంగా 96 పరుగులు సమర్పించుకుని రెండు వికెట్లు తీయగా.. అరంగేట్ర పేసర్ ఆకిబ్‌ నబీ 84 పరుగులు ఇచ్చుకున్నాడు. ఇక విండీస్‌ విధించిన లక్ష్యాన్ని టీమిండియా రెండు వికెట్లు నష్టపోయి పని పూర్తి చేసి.. ఎనిమిది వికెట్ల తేడాతో గెలిచి.. సిరీస్‌ను 2-0తో సొంతం చేసుకుంది. కరేబియన్‌ బౌలర్లలో అల్జారీ జోసెఫ్‌ అత్యధికంగా 89 పరుగులు ఇచ్చుకున్నాడు.చదవండి: Asian Games Men's Cricket: ఫైనల్‌కు చేరిన పాకిస్తాన్‌

హైదరాబాద్‌: రెసిడెన్షియల్‌ రూఫ్‌టాప్‌ సోలార్‌ కంపెనీ ఫ్రెయర్‌ ఎనర్జీ ప్రచారకర్తగా ప్రముఖ క్రికెటర్‌ రోహిత్‌ శర్మ నియమితులయ్యారు. ఈ సందర్భంగా ’సోలార్‌ హో, తో ఫ్రెయర్‌ హో’ పేరిట జాతీయ స్థాయిలో ప్రచార కార్యక్రమాన్ని కంపెనీ ఆవిష్కరించింది.సౌరభ్‌ మర్దా, రాధికా చౌదరీ ప్రారంభించిన హైదరాబాద్‌ సంస్థ ఫ్రెయర్‌ ఎనర్జీ గత పదేళ్లలో 40 పైచిలుకు నగరాల్లో 20,000కు పైగా సోలార్‌ సిస్టమ్‌లను ఇన్‌స్టాల్‌ చేసింది. పీఎం సూర్య ఘర్‌ ముఫ్త్‌ బిజిలీ యోజన కింద దేశీయంగా రెండో అతి పెద్ద రెసిడెన్షియల్‌ రూఫ్‌టాప్‌ సోలార్‌ సంస్థగా కార్యకలాపాలు సాగిస్తోంది.

గువాహటిలో భారత జట్టు పరుగుల వరద పారిస్తూ... శతకాల మోత మోగించింది. శుబ్‌మన్‌ గిల్‌ ‘డబుల్‌ సెంచరీ’తో కదం తొక్కగా... రోహిత్‌ శర్మ తనదైన శైలిలో ‘శత’క్కొట్టాడు. ఈ ఇద్దరి బాదుడుకు కరీబియన్‌ బౌలర్లు బెంబేలెత్తిపోగా... వన్డే క్రికెట్‌ చరిత్రలో టీమిండియా తమ అత్యధిక లక్ష్యాన్ని అవలీలగా ఛేదించింది. అంతకుముందు ముగ్గురు బ్యాటర్లు సెంచరీలు బాదడంతో వెస్టిండీస్‌ తొలిసారి వన్డేల్లో 400 పరుగుల స్కోరు నమోదు చేసింది. అయినా... మనోళ్ల వీరవిహారం ముందు విండీస్‌ 405 స్కోరు కూడా చిన్నబోయింది. ఫలితంగా మరో మ్యాచ్‌ మిగిలుండగానే భారత జట్టు వన్డే సిరీస్‌ కైవసం చేసుకుంది. గువాహటి: భారత జట్టు అద్భుతం చేసింది. తమ వన్డే చరిత్రలోనే అత్యధిక పరుగుల లక్ష్యాన్ని 39 బంతులు మిగిలుండగానే ఛేదించింది. మూడు మ్యాచ్‌ల సిరీస్‌లో భాగంగా బుధవారం జరిగిన రెండో వన్డేలో శుబ్‌మన్‌ గిల్‌ సారథ్యంలోని భారత జట్టు 8 వికెట్ల తేడాతో వెస్టిండీస్‌ను చిత్తు చేసి 2–0తో సిరీస్‌ పట్టేసింది. టాస్‌ ఓడి మొదట బ్యాటింగ్‌కు దిగిన వెస్టిండీస్‌ జట్టు నిర్ణీత 50 ఓవర్లలో 7 వికెట్ల నష్టానికి 405 పరుగులు చేసింది. వన్డేల్లో విండీస్‌కిదే అత్యధిక స్కోరు.జాన్‌ క్యాంప్‌బెల్‌ (68 బంతుల్లో 101; 9 ఫోర్లు, 5 సిక్స్‌లు), కెప్టెన్‌ షై హోప్‌ (94 బంతుల్లో 104; 8 ఫోర్లు, 3 సిక్స్‌లు), అమిర్‌ జంగూ (77 బంతుల్లో 114; 13 ఫోర్లు, 3 సిక్స్‌లు) సెంచరీలు చేశారు. ఒకే వన్డేలో ముగ్గురు వెస్టిండీస్‌ ప్లేయర్లు సెంచరీలు చేయడం ఇదే తొలిసారి. భారత బౌలర్లలో కుల్దీప్‌ యాదవ్, రవీంద్ర జడేజా, గుర్‌నూర్‌ బ్రార్‌ తలా రెండు వికెట్లు పడగొట్టారు. అనంతరం లక్ష్యఛేదనలో భారత్‌ 43.3 ఓవర్లలో 2 వికెట్లకు 406 పరుగులు చేసింది. వన్డే క్రికెట్‌లో భారత్‌కు ఇదే అతిపెద్ద లక్ష్యఛేదన. ‘ప్లేయర్‌ ఆఫ్‌ ద మ్యాచ్‌’ శుబ్‌మన్‌ గిల్‌ (133 బంతుల్లో 223 నాటౌట్‌; 26 ఫోర్లు, 8 సిక్స్‌లు) డబుల్‌ సెంచరీతో... ‘హిట్‌ మ్యాన్‌’ రోహిత్‌ శర్మ (75 బంతుల్లో 101; 10 ఫోర్లు, 6 సిక్స్‌లు) సెంచరీతో దంచికొట్టారు. వన్డేల్లో గిల్‌కు రెండో ద్విశతకంకాగా... రోహిత్‌కు 35వ సెంచరీ. ముందుగా గిల్‌ 62 బంతుల్లో సెంచరీ పూర్తి చేసుకోగా... రోహిత్‌ 72 బంతుల్లో మూడంకెల మార్క్‌ అందుకున్నాడు. వీరిద్దరూ తొలి వికెట్‌కు 26.2 ఓవర్లలోనే 255 పరుగులు జోడించడంతో ఛేదన సులువైంది. కోహ్లి (29; 3 ఫోర్లు, 1 సిక్స్‌), రుతురాజ్‌ గైక్వాడ్‌ (31 నాటౌట్‌; 2 ఫోర్లు) ఫర్వాలేదనిపించారు. సెంచరీ తర్వాత మరింత దూకుడు పెంచిన శుబ్‌మన్‌ 117 బంతుల్లోనే డబుల్‌ సెంచరీ చేసి వన్డేల్లో వేగవంతమైన ద్విశతకం బాదిన ప్లేయర్‌గా రికార్డుల్లోకెక్కాడు. ఇషాన్‌ కిషన్‌ (126 బంతుల్లో) పేరిట ఉన్న రికార్డును గిల్‌ బద్దలు కొట్టాడు. భారత బ్యాటర్ల దూకుడు ముందు కరీబియన్‌ బౌలర్లు తేలిపోయారు. ఇరు జట్ల మధ్య నామమాత్రమైన మూడో వన్డే శనివారం న్యూచండీగఢ్‌లో జరగనుంది. 1 లక్ష్య ఛేదనలో అత్యధిక పరుగులు (223 నాటౌట్‌) చేసిన ప్లేయర్‌గా గిల్‌ నిలిచాడు. మ్యాక్స్‌వెల్‌ (201 నాటౌట్‌; అఫ్గానిస్తాన్‌పై) రెండో స్థానంలో ఉన్నాడు. 2 వన్డేల్లో రెండు డబుల్‌ సెంచరీలు చేసిన రెండో ప్లేయర్‌ గిల్‌ (223 నాటౌట్‌; 208–న్యూజిలాండ్‌పై 2023లో). రోహిత్‌ శర్మ మూడు డబుల్‌ సెంచరీలు చేశాడు. మార్టిన్‌ గప్టిల్, వీరేంద్ర సెహ్వాగ్, క్రిస్‌ గేల్, ఫఖర్‌ జమాన్, మ్యాక్స్‌వెల్, ఇషాన్‌ కిషన్, నిసాంక, సచిన్‌ టెండూల్కర్‌ ఒక్కోసారి డబుల్‌ సెంచరీ కొట్టారు.406 వన్డేల్లో భారత్‌కు ఇదే అత్యధిక పరుగుల లక్ష్యఛేదన. 2013లో ఆ్రస్టేలియాపై టీమిండియా 360 పరుగుల లక్ష్యాన్ని ఛేదించింది. ఓవరాల్‌గా వన్డే క్రికెట్‌లో ఇది రెండో అతిపెద్ద లక్ష్యఛేదన. 2006లో ఆ్రస్టేలియాపై దక్షిణాఫ్రికా 435 పరుగుల లక్ష్యాన్ని అధిగమించింది.‘పంచ’శతకాలు అంతర్జాతీయ వన్డేల్లో ఒకే మ్యాచ్‌లో ఐదు సెంచరీలు నమోదు కావడం ఇదే తొలిసారి. ఈ పోరులో మొదట విండీస్‌ బ్యాటర్లు క్యాంప్‌బెల్, షై హోప్, అమీర్‌ జంగూ శతకాలు సాధించగా... భారీ లక్ష్యఛేదనలో భారత సారథి శుబ్‌మన్‌ గిల్‌ డబుల్‌ సెంచరీతో అదరగొట్టగా... రోహిత్‌ శర్మ సెంచరీ చేశాడు. గతంలో ఒకే వన్డే మ్యాచ్‌లో 4 సెంచరీలు మూడుసార్లు నమోదయ్యాయి. ‘హిట్‌ మ్యాన్‌’రోహిత్‌ ఈ మ్యాచ్‌ ద్వారా అంతర్జాతీయ వన్డేల్లో 12 వేల పరుగులు పూర్తి చేసుకున్నాడు. భారత్‌ నుంచి సచిన్, కోహ్లి అతడికంటే ముందున్నారు. ఓవరాల్‌గా ఈ మార్క్‌ అందుకున్న ఏడో బ్యాటర్‌ రోహిత్‌. స్కోరు వివరాలు వెస్టిండీస్‌ ఇన్నింగ్స్‌: క్యాంప్‌బెల్‌ (సి) నమన్‌ ధీర్‌ (బి) బ్రార్‌ 101; కార్టీ (సి) నమన్‌ (బి) ప్రసిధ్‌ 9; హోప్‌ (సి) ఆఖిబ్‌ (బి) కుల్దీప్‌ 104; జంగూ (సి) గైక్వాడ్‌ (బి) జడేజా 114; రూథర్‌ఫోర్డ్‌ (సి) (సబ్‌) (జైస్వాల్‌) (బి) బ్రార్‌ 0; చేజ్‌ (నాటౌట్‌) 29; కీమో పాల్‌ (సి) కోహ్లి (బి)కుల్దీప్‌ 3; అల్జారీ (సి) రోహిత్‌ (బి) జడేజా 8; షమార్‌ (నాటౌట్‌) 14; ఎక్స్‌ట్రాలు 23; మొత్తం (50 ఓవర్లలో 7 వికెట్లకు) 405. వికెట్ల పతనం: 1–37, 2–147, 3–329, 4–330, 5–348, 6–369, 7–385. బౌలింగ్‌: ప్రసిధ్‌ కృష్ణ 5–0–45–1; ఆఖిబ్‌ నబీ 8.5–0–84–0; గుర్‌నూర్‌ బ్రార్‌ 10–0–96–2; నమన్‌ ధీర్‌ 6.1–0–38–0; జడేజా 10–0–75–2; కుల్దీప్‌ 10–0–65–2. భారత్‌ ఇన్నింగ్స్‌: రోహిత్‌ (ఎల్బీ) (బి) సీల్స్‌ 101; గిల్‌ (నాటౌట్‌) 223; కోహ్లి (సి) రూథర్‌ఫోర్డ్‌ (బి) షమార్‌ 29; గైక్వాడ్‌ (నాటౌట్‌) 31; ఎక్స్‌ట్రాలు 22; మొత్తం (43.3 ఓవర్లలో 2 వికెట్లకు) 406. వికెట్ల పతనం: 1–255, 2–320. బౌలింగ్‌: సీల్స్‌ 8–0–78–1; అల్జారీ జోసెఫ్‌ 8–0–89–0; షమార్‌ జోసెఫ్‌ 6–0–52–1; పాల్‌ 3–0–49–0; రోస్టన్‌ చేజ్‌ 8.3–0–63–0; విటెల్‌ 10–0–73–0.

గౌహ‌తి వేదిక‌గా భార‌త్‌, వెస్టిండీస్ మ‌ధ్య జ‌రిగిన రెండో వ‌న్డేలో ఇరుజ‌ట్ల బ్యాట‌ర్లు రికార్డులను ఊచ‌కోత కోశారు. కేవ‌లం రికార్డుల కోస‌మే ఆడుతున్నారా అనేంత‌లా బ్యాట‌ర్లు విధ్వంసం సృష్టించారు. తొలుత భార‌త బౌల‌ర్లను విండీస్ చిత‌క్కొట్టింది. ఆకాశ‌మే హ‌ద్దుగా చెల‌రేగి ఫోర్లు, సిక్స‌ర్ల వ‌ర్షం కురిపించారు. ఈ క్ర‌మంలో ఆ జ‌ట్టు నుంచి ముగ్గురు బ్యాట‌ర్లు.. క్యాంప్‌బెల్‌, షెయ్ హోప్‌, అమీర్ జంగాలు శ‌త‌కాల‌తో చెల‌రేగారు. అస‌లే సొంత‌గ‌డ్డ‌పై ఆడుతున్న టీమిండియా.. భారీ ల‌క్ష్య ఛేద‌న క‌ళ్ల ముందు క‌నిపిస్తున్నప్ప‌టికీ, విండీస్ బౌల‌ర్ల‌ను ఊచ‌కోత కోశారు. ఈ క్ర‌మంలో ఓపెన‌ర్లు శుబ్‌మ‌న్ గిల్, రోహిత్ శ‌ర్మ‌లు విధ్వంస‌కర సెంచ‌రీల‌తో చెల‌రేగారు. అయితే గిల్ ఒక అడుగు ముందుకేసి త‌న సెంచ‌రీని కాస్త డ‌బుల్ సెంచ‌రీగా మ‌లిచాడు. ఈ నేప‌థ్యంలోనే వ‌న్డే క్రికెట్ చ‌రిత్ర‌లోనే ఒక అద్భుతం చోటుచేసుకుంది. ఒకే వ‌న్డే మ్యాచ్‌లో ఐదుగురు బ్యాట‌ర్లు సెంచ‌రీలు చేయ‌డం ఇదే తొలిసారి. టెస్టుల్లో ఇలాంటి ఫీట్లు స‌ర్వ సాధార‌ణం. అయితే అంతర్జాతీయంగా వన్డేల్లో మాత్రం ఇలా ఒకే మ్యాచ్‌లో ఐదుగురు బ్యాటర్లు సెంచరీలు చేయడం మాత్రం ఇదే తొలిసారి. ఓవరాల్‌గా లిస్ట్-ఎ క్రికెట్‌లో మాత్రం రెండోసారి. తొలిసారి 2025లో రాజ్‌కోట్ వేదికగా బరోడా, హైదరాబాద్ మధ్య జరిగిన మ్యాచ్‌లో ఐదుగురు బ్యాటర్లు శతకాలతో మెరిశారు.ఇదీ చదవండి: గిల్ డబుల్ సెంచరీ, రోహిత్ సెంచరీ.. టీమిండియా రికార్డు ఛేదన

గౌహతి వేదికగా వెస్టిండీస్‌తో జరిగిన రెండో వన్డేలో టీమిండియా 8 వికెట్ల తేడాతో ఘన విజయాన్ని అందుకుంది. కెప్టెన్ శుబ్‌మన్ గిల్ (133 బంతుల్లో 223 నాటౌట్‌, 26 ఫోర్లు, 8 సిక్సర్లు) అజేయ డబుల్ సెంచరీకి తోడు రోహిత్ శర్మ (101) సెంచరీ చేయడంతో విండీస్ విధించిన 406 పరుగుల భారీ టార్గెట్‌ను 43.3 ఓవర్లలోనే ఛేదించడం విశేషం. కోహ్లి (29), రుతురాజ్ గైక్వాడ్ (31 నాటౌట్‌) తమ వంతు పాత్ర పోషించారు. వెస్టిండీస్ బౌలర్లలో జైడన్ సీల్స్‌, షమర్ జోసెఫ్ చెరొక వికెట్ తీశారు.అంతకముందు తొలుత బ్యాటింగ్ చేసిన వెస్టిండీస్ ముగ్గురు బ్యాట‌ర్లు సెంచ‌రీల‌తో విరుచుకుప‌డ‌డంతో నిర్ణీత 50 ఓవ‌ర్ల‌లో 7 వికెట్ల న‌ష్టానికి 405 ప‌రుగులు చేసింది. అమిర్ జాంగో (77 బంతుల్లో 114; 13 ఫోర్లు, 3 సిక్స‌ర్లు), జాన్ క్యాంప్‌బెల్ (68 బంతుల్లో 101; 9 ఫోర్లు, 5 సిక్స‌ర్లు), కెప్టెన్ షెయ్ హోప్ (94 బంతుల్లో 104; 8 ఫోర్లు, 3 సిక్స‌ర్లు) వీరోచిత శ‌త‌కాలు సాధించి భారీ స్కోరుకు బాట‌లు వేశారు.చివ‌ర్లో రోస్ట‌న్ చేజ్ (25 బంతుల్లో 29 నాటౌట్‌) ధాటిగా ఆడ‌డంతో వెస్టిండీస్ 400 ప‌రుగుల మార్క్‌ను దాటింది. భార‌త బౌల‌ర్ల‌లో అంద‌రూ దారాళంగా ప‌రుగులు స‌మ‌ర్పించుకున్నారు. కుల్దీప్ యాద‌వ్‌, గుర్నూర్ బ్రార్‌, ర‌వీంద్ర జ‌డేజాలు త‌లా రెండు వికెట్లు ప‌డ‌గొట్టారు.ఇక టీమిండియా వరుసగా రెండో వన్డేలోనూ విజయం సాధించి మూడు మ్యాచ్‌ల వన్డే సిరీస్‌ను మరో మ్యాచ్ మిగిలి ఉండగానే 2-0తో సొంతం చేసుకుంది. అజేయ డబుల్‌సెంచరీతో జట్టును గెలిపించిన కెప్టెన్ గిల్‌కు ‘ప్లేయర్ ఆఫ్ ది మ్యాచ్‌’ అవార్డు లభించింది. ఇరుజట్ల మధ్య చివరి వన్డే శనివారం ఛండీగర్ వేదికగా జరగనుంది.A night for the 𝗵𝗶𝘀𝘁𝗼𝗿𝘆 𝗯𝗼𝗼𝗸𝘀 📚✨#TeamIndia register their highest successful ODI run chase to take an unassailable 2️⃣-0️⃣ lead in the series 👏👏Scorecard ▶️ https://t.co/6XCYRtZLAi#INDvWI | @mflone_ pic.twitter.com/wiEGxX2pCt— BCCI (@BCCI) September 30, 2026ఇదీ చదవండి: గిల్ ప్ర‌పంచ రికార్డు.. వ‌న్డే చ‌రిత్ర‌లోనే ఫాస్టెస్ట్ డబుల్ సెంచ‌రీ

టీమిండియా స్టార్ ఓపెన‌ర్ రోహిత్ శ‌ర్మ వ‌న్డే క్రికెట్‌లో మ‌రో అరుదైన ఫీట్ సాధించాడు. స్వ‌దేశంలో వ‌న్డే క్రికెట్‌లో 200 సిక్స‌ర్లు పూర్తి చేసుకున్న తొలి బ్యాట‌ర్‌గా రోహిత్ శ‌ర్మ రికార్డుల‌కెక్కాడు. రెండో స్థానంలో క్రిస్ గేల్ (147 సిక్స‌ర్లు) కొన‌సాగుతున్నాడు. మూడో స్థానంలో మార్టిన్ గుప్టిల్ (132 సిక్స‌ర్లు), బ్రెండ‌న్ మెక్‌క‌ల్ల‌మ్ (126 సిక్స‌ర్లు), ఎంఎస్ ధోని (123 సిక్స‌ర్లు) వ‌రుస‌గా నాలుగు, ఐదు, ఆరు స్థానాల్లో ఉన్నారు. పైన చెప్పుకున్న క్రికెట‌ర్ల‌లో రోహిత్ మిన‌హా మిగ‌తావారంతా ఎప్పుడో రిటైర్ అయ్యారు. దీంతో రోహిత్ 200 సిక్సర్ల రికార్డుతో ఎవ‌రికీ అంద‌నంత ఎత్తులో ఉన్నాడు. ఓవ‌రాల్‌గా చూసుకున్నా రోహిత్ శ‌ర్మ వ‌న్డేల్లో 376 సిక్స‌ర్లతో తొలి స్థానంలో కొన‌సాగుతున్నాడు. ఇక మ్యాచ్‌ విషయానికొస్తే.. ముగ్గురు బ్యాట‌ర్లు సెంచ‌రీల‌తో విరుచుకుప‌డ‌డంతో వెస్టిండీస్ నిర్ణీత 50 ఓవ‌ర్ల‌లో 7 వికెట్ల న‌ష్టానికి 405 ప‌రుగులు చేసింది. అమిర్ జాంగో (77 బంతుల్లో 114; 13 ఫోర్లు, 3 సిక్స‌ర్లు), జాన్ క్యాంప్‌బెల్ (68 బంతుల్లో 101; 9 ఫోర్లు, 5 సిక్స‌ర్లు), కెప్టెన్ షెయ్ హోప్ (94 బంతుల్లో 104; 8 ఫోర్లు, 3 సిక్స‌ర్లు) వీరోచిత శ‌త‌కాలు సాధించి భారీ స్కోరుకు బాట‌లు వేశారు. ప్ర‌తిగా భార‌త్ కూడా ధీటుగా స్పందిస్తోంది. ప్ర‌స్తుతం 28 ఓవ‌ర్ల‌లో వికెట్ న‌ష్టానికి 282 ప‌రుగులు చేసింది. గిల్ (164), కోహ్లి (2) క్రీజులో ఉన్నారు. అంత‌క‌ముందు రోహిత్ శ‌ర్మ (101) సెంచ‌రీ చేసి ఔట‌య్యాడు.ఇదీ చదవండి: విండీస్‌తో రెండో వన్డే.. చరిత్ర సృష్టించిన రోహిత్ శ‌ర్మ

గువాహటి వేదికగా వెస్టిండీస్‌తో జరుగుతున్న రెండో వన్డేలో టీమిండియా స్టార్ ఓపెన‌ర్ రోహిత్ శ‌ర్మ అద్భుత సెంచ‌రీతో చెల‌రేగాడు. తొలి వ‌న్డేలో విఫ‌ల‌మైన‌ప్ప‌టికి.. ఈ మ్యాచ్‌లో మాత్రం క‌రేబియ‌న్ బౌల‌ర్ల‌ను హిట్‌మ్యాన్ ఉతికారేశాడు. 406 పరుగుల భారీ లక్ష్యం చేధనలో రోహిత్‌ తన విశ్వరూపించాడు.ఈ క్రమంలో రోహిత్‌ కేవలం 72 బంతుల్లోనే తన 35వ వన్డే సెంచరీ మార్క్‌ను అందుకున్నాడు. ఓవరాల్‌గా 75 బంతులు ఎదుర్కొన్న ముంబైకర్‌.. 10 ఫోర్లు, 6 సిక్స్‌లతో 101 పరుగులు చేసి ఔటయ్యాడు. లక్ష్య చేధనలో ఓపెనింగ్‌ వికెట్‌కు శుబ్‌మన్‌ గిల్‌తో కలిసి 255 పరుగుల భాగస్వామ్యాన్ని నెలకొల్పాడు. కాగా ఇదే మ్యాచ్‌లో 12,000 పరుగుల మైలు రాయిని కూడా రోహిత్‌ అందుకున్నాడు. ఈ ఫీట్‌ సాధించిన భారత క్రికెటర్‌గా హిట్‌మ్యాన్‌ నిలిచాడు.చదవండి: Shubman Gill: ఫాస్టెస్ట్‌ సెంచరీ.. సెహ్వాగ్ ఆల్‌టైమ్ రికార్డ్ బ్రేక్‌

గౌహ‌తి వేదిక‌గా వెస్టిండీస్‌తో జ‌రుగుతున్న రెండో వ‌న్డేలో టీమిండియా స్టార్ ఓపెన‌ర్ రోహిత్ శ‌ర్మ రికార్డుల మీద రికార్డులు కొల్ల‌గొడుతున్నాడు. 73 ప‌రుగుల వ్య‌క్తిగ‌త స్కోరు వ‌ద్ద రోహిత్ వ‌న్డేల్లో 12వేల ప‌రుగుల మార్క్‌ను అందుకున్నాడు. ఈ మార్క్ చేరుకునేందుకు రోహిత్‌కు 282 ఇన్నింగ్స్‌లు అవ‌స‌ర‌మ‌య్యాయి.తద్వారా 12వేల పరుగులు పూర్తి చేసేందుకు తక్కువ ఇన్నింగ్స్‌లు తీసుకున్న రెండో బ్యాటర్‌గా రోహిత్ శర్మ నిలిచాడు. రోహిత్ కంటే కోహ్లి (242 ఇన్నింగ్స్‌లు) ముందున్నాడు. ఇక సచిన్ టెండూల్కర్ (300 ఇన్నింగ్స్‌లు), పాంటింగ్ (314 ఇన్నింగ్స్‌లు), సంగ్కకర (336 ఇన్నింగ్స్‌లు) తర్వాతి స్థానాల్లో ఉన్నారు.ఇక వన్డే క్రికెట్‌లో 12వేల పరుగులు పూర్తి చేసుకున్న మూడో భారత బ్యాటర్‌గా రికార్డు సృష్టించాడు. ఇప్పటివరకు సచిన్ టెండూల్కర్, విరాట్ కోహ్లీ మాత్రమే భారత్ తరఫున ఈ మైలురాయిని చేరుకున్నారు. 2007లో వన్డే అరంగేట్రం చేసిన రోహిత్ శర్మ ఇప్పటివరకు 289 మ్యాచ్‌లు ఆడాడు. 1️⃣2️⃣,0️⃣0️⃣0️⃣ and he keeps going strong 💪🙌#TeamIndia great Rohit Sharma becomes the 3️⃣rd Indian to get to this 𝗠𝗔𝗝𝗢𝗥 𝗠𝗜𝗟𝗘𝗦𝗧𝗢𝗡𝗘 🫡Updates ▶️ https://t.co/6XCYRtZLAi#INDvWI | @mflone_ | @ImRo45 pic.twitter.com/Ov3O2Y34Jz— BCCI (@BCCI) September 30, 2026

భారత బ్యాటింగ్‌ దిగ్గజాలు విరాట్‌ కోహ్లి- రోహిత్‌ శర్మ వన్డే వరల్డ్‌కప్‌-2027 టోర్నీలో ఆడటం దాదాపు ఖాయమైపోయింది. విమర్శకులకు సమాధానం ఇస్తూ ఇద్దరూ ఇటీవలే పూర్తి ఫామ్‌లోకి వచ్చేశారు. మరోవైపు.. వీరికి అడ్డుపడుతున్నాడని భావించిన చీఫ్‌ సెలక్టర్‌ అజిత్‌ అగార్కర్‌ పదవీకాలం ముగిసిపోయింది.అగార్కర్‌ స్థానంలో ఓజాఅగార్కర్‌ స్థానంలో మరో మాజీ భారత క్రికెటర్‌ ప్రజ్ఞాన్‌ ఓజా టీమిండియా తాత్కాలిక చీఫ్‌ సెలక్టర్‌గా పగ్గాలు చేపట్టాడు. ఈ నేపథ్యంలో భారత మాజీ ఓపెనర్‌ సదోగపన్‌ రమేశ్‌.. హెడ్‌కోచ్‌ గౌతం గంభీర్‌ను ఉద్దేశించి సంచలన వ్యాఖ్యలు చేశాడు. రో-కో విషయంలో అగార్కర్‌తో పాటు కుట్రలు పన్నిన గౌతీ.. ఇప్పుడు మాత్రం స్వలాభం కోసం వారికి భజన చేస్తున్నాడంటూ ఘాటుగా విమర్శించాడు.గంభీర్‌ మాటలు నమ్మలేకపోతున్నాఇటీవల గంభీర్‌ జియోస్టార్‌తో మాట్లాడుతూ.. ‘‘వన్డే క్రికెట్‌లో.. కెప్టెన్‌ శుబ్‌మన్‌ గిల్‌.. తన జట్టులో విరాట్‌, రోహిత్‌లను కలిగి ఉండటం నిజంగా అతడి అదృష్టం. వాళ్లిద్దరు అతడికి మైదానం లోపల, వెలుపల చక్కటి సలహాలు ఇస్తూ సాయం చేస్తారు’’ అని పేర్కొన్నాడు. ఈ విషయంపై సదగోపన్‌ రమేశ్‌ తాజాగా ఇన్‌స్టా వేదికగా స్పందించాడు.‘‘గౌతం గంభీర్‌ ఈ వ్యాఖ్యలు చేశాడంటే అస్సలు నమ్మలేకపోతున్నా. కోహ్లి, రోహిత్‌ తన సారథ్యంలో ఆడటం గిల్‌ అదృష్టమట. గంభీర్‌ అకస్మాత్తుగా కోహ్లి, రోహిత్‌లను ఇంతలా ప్రశంసించడాన్ని నిజంగా నమ్మలేకున్నా.నన్ను ఇరికించి.. నువ్వు ఇపుడు భజన చేస్తున్నావా!పక్క నుంచి అజిత్‌ అగార్కర్‌ గంభీర్‌ను చూస్తూ ఇలా అనుకుని ఉంటాడు. ‘నిన్నటి దాకా వీళ్లిద్దరిని జట్టులో ఉంచవద్దని పట్టుబట్టావు. నన్ను కూడా ఈ ఆటలో భాగం చేశావు. నా పదవీ కాలం పొడిగించుకునే దారులు మూసివేశావు.ఇప్పుడేమో నీ పదవీ కాలం పొడిగించుకునే ప్రణాళికతో ఇలా మాట్లాడుతున్నావా? నన్ను ఇరికించి.. నువ్వు ఇపుడు భజన చేస్తున్నావా!’ అని అని అగార్కర్‌ మైండ్‌ వాయిస్‌ వేసుకుని ఉంటాడు’’ అని సదగోపన్‌ రమేశ్‌ ఘాటు విమర్శలు చేశాడు.సంజూకు సెల్యూట్‌ కొట్టాల్సిందేఅదే విధంగా.. ఇంగ్లండ్‌ పర్యటనలో భాగంగా టీ20 సిరీస్‌లో సంజూ శాంసన్‌ను తప్పించడం గురించి గంభీర్‌ ఇటీవల చేసిన వ్యాఖ్యలపైనా రమేశ్‌ వ్యంగ్యాస్త్రాలు సంధించాడు. ‘‘ఇంగ్లండ్‌ సిరీస్‌ సందర్భంగా సంజూ శాంసన్‌ను తప్పించడం తన కెరీర్‌లోనే అత్యంత కఠినమైన నిర్ణయమని గంభీర్‌ చెప్పాడు.ఆ రాత్రి తాను నిద్రపోలేదని చెప్పాడు. నిజంగా నమ్మవచ్చు అంటారా? సరే.. ఈ ఒక్కసారికి నమ్ముదాం. ఒకవేళ అదే నిజమేతే సంజూకు సెల్యూట్‌ కొట్టాల్సిందే. ఎంతో మంది ఆటగాళ్ల నిద్రను నాశనం చేసి (గంభీర్‌ను ఉద్దేశించి)న వ్యక్తికి సంజూ నిద్ర లేకుండా చేశాడంటే అది గొప్ప విషయం’’ అని సదగోపన్‌ రమేశ్‌ సెటైర్లు వేశాడు.చదవండి: కోహ్లి తప్పక పశ్చాత్తాప పడతాడు: భారత దిగ్గజ కెప్టెన్‌

భారత బ్యాటింగ్‌ దిగ్గజం విరాట్‌ కోహ్లి గురించి టీమిండియా లెజెండరీ కెప్టెన్‌ కపిల్‌ దేవ్‌ ఆసక్తికర వ్యాఖ్యలు చేశాడు. టెస్టులకు రిటైర్మెంట్‌ ప్రకటించి కోహ్లి తప్పు చేశాడన్నాడు. అతడి అభిమానిగా, మాజీ క్రికెటర్‌గా ఈ విషయంలో తాను తీవ్ర నిరాశకు గురయ్యానని తెలిపాడు.టీ20, టెస్టులకు గుడ్‌బైకాగా 2024 టీ20 ప్రపంచకప్‌లో భారత్‌ చాంపియన్‌గా నిలిచిన తర్వాత నాటి కెప్టెన్‌ రోహిత్‌ శర్మతో కలిసి కోహ్లి అంతర్జాతీయ పొట్టి ఫార్మాట్‌కు వీడ్కోలు పలికిన సంగతి తెలిసిందే. ఇక గతేడాది రోహిత్‌ టెస్టులకు రిటైర్మెంట్‌ ప్రకటించిన సుమారు వారం రోజుల వ్యవధిలోపే కోహ్లి కూడా సంప్రదాయ ఫార్మాట్‌కు గుడ్‌బై చెప్పేశాడు.అన్ని రికార్డులను బద్దలు కొట్టేవాడుఅప్పటి చీఫ్‌ సెలక్టర్‌ అజిత్‌ అగార్కర్‌ వైఖరి కారణంగానే రో-కో ఈ నిర్ణయం తీసుకున్నారనే విమర్శలు వచ్చాయి. ఇక ప్రస్తుతం వీరిద్దరు వన్డేల్లో మాత్రమే కొనసాగుతున్నారు. ఈ నేపథ్యంలో 1983లో భారత్‌కు తొలి వరల్డ్‌కప్‌ అందించిన కపిల్‌ దేవ్‌ కోహ్లి టెస్టు కెరీర్‌ గురించి తాజాగా స్పందించాడు.‘‘అతడు గొప్పగా ఆడుతున్నాడు. ఇప్పటికీ తనలో ఇంకా టెస్టు క్రికెట్‌ మిగిలే ఉంది. 37 ఏళ్ల వయసులోనూ అతడు ఎంతో ఫిట్‌గా ఉన్నాడు. ఆటకు ఫిట్‌నెస్‌ ముఖ్యం. ఇంకో రెండు- మూడేళ్లు ఆడగల సత్తా అతడికి ఉంది. అన్ని రికార్డులను అతడు బద్దలు కొట్టేవాడు. అతడి విషయంలో నాకు బాధగా ఉంది. అసలు కోహ్లి ఎందుకిలా చేశాడో నాకైతే అర్థం కాలేదు.కోహ్లి కచ్చితంగా పశ్చాత్తాపపడతాడుప్రేక్షకుడిగా, అభిమానిగా, మాజీ క్రికెటర్‌గా నేను ఈ విషయాన్ని జీర్ణించుకోలేకపోయాను. అతడు రిటైర్మెంట్‌ ప్రకటించకుండా ఉండాల్సింది. తన నిర్ణయం విషయంలో కోహ్లి ఎప్పుడు ఎలా ఫీలవుతున్నాడో నాకైతే తెలియదు.ఇప్పటికైతే టెస్టు క్రికెట్‌ ఆపేశాడు. అయితే, కొన్నాళ్ల తర్వాత కచ్చితంగా కోహ్లి పశ్చాత్తాపపడతాడు. తాను ఇంకొన్నాళ్లు టెస్టు క్రికెట్‌ ఆడితే బాగుండేదని చింతిస్తాడు. అతడికి క్రికెట్‌ అంటే ప్రాణం. టెస్టు క్రికెట్‌ అతడికి ఎంతో ఇష్టమైనది.అయితే, ఆటగాడిగా ఎప్పుడు ఆట నుంచి తప్పుకోవాలన్నది అతడి సొంత నిర్ణయం. కానీ మనం మాత్రం అతడి ఆటను ఇంకా చూడాలని కోరుకుంటున్నాం. అంత మాత్రాన కోహ్లి టెస్టు క్రికెట్‌ రిటైర్మెంట్‌ను వెనక్కి తీసుకోవాలని చెప్పడం సరికాదు. అది పూర్తిగా అతడి వ్యక్తిగత నిర్ణయం’’ అని కపిల్‌ దేవ్‌ PTIతో పేర్కొన్నాడు.సారథిగానూ బెస్ట్‌కాగా టీమిండియా తరఫున 123 టెస్టు మ్యాచ్‌లు ఆడి కోహ్లి.. 9230 పరుగులు సాధించాడు. ఈ కుడిచేతి వాటం బ్యాటర్‌ ఖాతాలో 30 టెస్టు శతకాలు ఉన్నాయి. కెప్టెన్‌గా భారత్‌ను టెస్టుల్లో నంబర్‌ వన్‌ జట్టుగా నిలిపిన ఘనత అతడిదే. విదేశాల్లోనూ సారథిగా టెస్టు ఫార్మాట్లో కోహ్లికి మంచి రికార్డు ఉంది.చదవండి: అగార్కర్‌ స్థానంలో టీమిండియా చీఫ్‌ సెలక్టర్‌గా ఓజా నియామకం

వెస్టిండీస్‌తో వ‌న్డే సిరీస్‌లో భాగంగా రేపు గౌహ‌తిలోని బ‌ర్సాప‌రా వేదిక‌గా టీమిండియా రెండో వ‌న్డే మ్యాచ్ ఆడ‌నుంది. తిరువ‌నంత‌పురం వేదిక‌గా జ‌రిగిన తొలి వ‌న్డేలో విండీస్‌ను ఉతికారేసిన భార‌త్ మూడు మ్యాచ్‌ల సిరీస్‌లో 1-0తో ఆధిక్యంలో నిలిచింది. రెండో వ‌న్డేలోను గెలిచి మ‌రో మ్యాచ్ మిగిలి ఉండ‌గానే సిరీస్‌ను సొంతం చేసుకోవాల‌ని టీమిండియా భావిస్తోంది. మ‌రోవైపు రోహిత్ శ‌ర్మ‌, విరాట్ కోహ్లిలు త‌మ చివ‌రి అంకంలో మంచి ఫామ్‌ను ప్ర‌ద‌ర్శిస్తూ బ్యాటింగ్ కొన‌సాగిస్తున్నారు. తొలి వ‌న్డేలో రోహిత్ త‌క్కువ ప‌రుగులే చేసిన‌ప్ప‌టికీ, ఉన్నంత‌సేపు షాట్ల‌తో అల‌రించాడు. ఇక కోహ్లి మాత్రం మ‌రోసారి త‌నలోని చేజింగ్ మాస్ట‌ర్‌ను బ‌య‌టికి తీస్తూ అజేయ సెంచ‌రీతో జ‌ట్టును గెలిపించ‌డంలో కీల‌క‌పాత్ర పోషించాడు. మునుపెన్న‌డూ లేని విధంగా కోహ్లి త‌న బ్యాటింగ్‌లో వేగం పెంచ‌డం విశేషం.వీరోచిత శ‌త‌కాలు..ఇక బ‌ర్సాప‌రా స్టేడియంలోనూ ఈ ఇద్ద‌రు సీనియ‌ర్ల‌కు మంచి ట్రాక్‌ రికార్డు ఉంది. రోహిత్ శ‌ర్మ‌, విరాట్ కోహ్లిలు ఈ స్టేడియంలో చెరో రెండు వ‌న్డే మ్యాచ్‌లు ఆడారు. కోహ్లి ఆడిన రెండు వ‌న్డేల్లోనూ సెంచ‌రీలు బాద‌గా, రోహిత్ శ‌ర్మ ఒక మ్యాచ్‌లో అజేయ సెంచ‌రీ చేయడంతో పాటు మరో మ్యాచ్‌లో అర్థ‌శ‌త‌కం బాదాడు. Photo Credit: BCCI Twitterతొలుత 2018లో వెస్టిండీస్‌తో జ‌రిగిన వ‌న్డే మ్యాచ్‌లో రోహిత్ శ‌ర్మ ఓపెనర్‌గా వ‌చ్చి 117 బంతుల్లోనే 152 ప‌రుగులు అజేయ ఇన్నింగ్స్‌తో మెరవ‌గా, కోహ్లి 140 ప‌రుగులు సాధించాడు. వీరిద్ద‌రి మెరుపుల‌తో విండీస్ విధించిన 323 ప‌రుగుల ల‌క్ష్యాన్ని టీమిండియా 42.1 ఓవ‌ర్ల‌లోనే ఛేదించింది. అలా తొలిసారి గౌహ‌తి వేదికగా టీమిండియా ఆడిన మ్యాచ్‌లో రో-కోలిద్ద‌రు సెంచ‌రీలతో చెల‌రేగడం విశేషం.కోహ్లి సెంచ‌రీ.. రోహిత్ అర్థ‌సెంచ‌రీఇక రెండోసారి టీమిండియా బ‌ర్సాప‌రా స్టేడియంలో 2023లో శ్రీలంక‌తో వ‌న్డే మ్యాచ్ ఆడింది. తొలుత బ్యాటింగ్ చేసిన టీమిండియా 50 ఓవ‌ర్ల‌లో 7 వికెట్ల న‌ష్టానికి 373 ప‌రుగుల భారీ స్కోరు చేసింది. కోహ్లి (87 బంతుల్లో 113) సెంచ‌రీ బాదగా, రోహిత్ శ‌ర్మ (67 బంతుల్లో 83) మెరుపు అర్థ‌సెంచ‌రీ సాధించాడు. గిల్ (70) రాణించాడు. Photo Credit: BCCI Twitterఅనంత‌రం శ్రీలంక 8 వికెట్ల న‌ష్టానికి 306 ప‌రుగుల‌కే ప‌రిమితం కావ‌డంతో భార‌త్ 67 ప‌రుగుల తేడాతో విజ‌యాన్ని అందుకుంది. కెప్టెన్ దాసున్ ష‌న‌క (88 బంతుల్లో 108 నాటౌట్‌) అజేయ సెంచ‌రీ, పాతుమ్‌ నిసాంక (72) పరుగులు చేసిన‌ప్ప‌టికీ జ‌ట్టును ఓటమి నుంచి ర‌క్షించ‌లేక‌పోయారు. అలా రెండోసారి కూడా రో-కో ద్వయం అదుర్స్‌ అనిపించింది.ఇలా గౌహ‌తిలోని బ‌ర్సాప‌రా స్టేడియంలో టీమిండియా ఆడిన రెండు మ్యాచ్‌ల్లోనూ భారీ ఇన్నింగ్స్‌లు ఆడిన రో-కో ద్వ‌యం రేప‌టి వ‌న్డేలో మ‌రోసారి చెల‌రేగితే మాత్రం విండీస్‌కు చుక్కలే అని చెప్పొచ్చు. కోహ్లి ఇప్ప‌టికే సెంచరీతో త‌న ఉద్దేశాన్ని చాటి చెప్ప‌గా, రోహిత్ భారీ ఇన్నింగ్స్‌తో అల‌రించాల‌నే ప‌ట్టుద‌ల‌తో ఉన్నాడు. ఈ స్టేడియంలో విండీస్ ఒకే ఒక్క మ్యాచ్ ఆడిన‌ప్ప‌టికీ, టీమిండియానే విజ‌యం సాధించింది.ఇదీ చదవండి: ఆసీస్‌ను చితకొట్టిన భారత బ్యాటర్లు.. తొలిరోజు ముగిసిన ఆట

విరాట్‌ కోహ్లి- రోహిత్‌ శర్మ.. దశాబ్దకాలానికి పైగా టీమిండియాకు సేవలు అందిస్తున్న ఈ దిగ్గజాలు ఒకరి సారథ్యంలో మరొకరు ఆడారు. తొలుత కోహ్లి టీమిండియా కెప్టెన్‌గా వ్యవహరించగా.. ఆ తర్వాత రోహిత్‌ నాయకుడిగా కోహ్లి స్థానాన్ని భర్తీ చేశాడు. ప్రస్తుతం ఈ ఇద్దరు లెజెండరీ బ్యాటర్లు యువ కెప్టెన్‌ శుబ్‌మన్‌ గిల్‌ సారథ్యంలో ఆడుతున్నారు.ఇప్పటికే అంతర్జాతీయ టీ20, టెస్టులకు వీడ్కోలు పలికిన రో-కో.. వన్డేల్లో మాత్రమే కొనసాగుతున్న సంగతి తెలిసిందే. అయితే, వీరిద్దరు వన్డే వరల్డ్‌కప్‌-2027లో ఆడతారా? లేదా? అన్న సందేహాల నడుమ ఇటీవలే ఇద్దరూ పూర్తి ఫామ్‌లోకి వచ్చేశారు.అప్పుడు హిట్‌మ్యాన్‌.. ఇప్పుడు కింగ్‌ఇంగ్లండ్‌లో లార్డ్స్‌ వన్డేలో రోహిత్‌ శతక్కొట్టగా.. తాజాగా వెస్టిండీస్‌తో తొలి వన్డే సందర్భంగా తిరువనంతపురంలో కోహ్లి రికార్డు స్థాయిలో 55వ సెంచరీ నమోదు చేశాడు. ఇక భారత్‌- విండీస్‌ మధ్య బుధవారం రెండో వన్డే జరుగనున్న తరుణంలో రోహిత్‌ శర్మ జియోస్టార్‌తో మాట్లాడుతూ.. మైదానంలో తాను, కోహ్లి ఏం మాట్లాడుకుంటామో వివరించాడు.ఎవరి బౌలింగ్‌లో దూకుడుగా ఆడాలి?‘‘వన్డే వరల్డ్‌కప్‌.. కోహ్లి ఇప్పటికే 2011, 15, 109, 23లో ఈ టోర్నీ ఆడాడు. ఇప్పటికి నాలుగు వన్డే ప్రపంచకప్‌ ఈవెంట్లు పూర్తి చేసుకున్నాడు. 2027 టోర్నీ అతడికి ఐదో వరల్డ్‌కప్‌. కాబట్టి అతడికి కొత్తగా చెప్పాల్సింది ఏమీ లేదు. కాబట్టి మేము దీని గురించి ఎక్కువగా చర్చించుకోము.అయితే, వరల్డ్‌కప్‌ టోర్నీ కోసం మేము చేయగలము అని మాత్రం చర్చించుకుంటాము. ముఖ్యంగా మైదానంలో బ్యాటింగ్‌ చేస్తున్న సమయంలో ఎవరి బౌలింగ్‌లో దూకుడుగా ఆడాలి.. ఎవరి బౌలింగ్‌లో సింగిల్స్‌ మాత్రమే తీయాలి అని మాట్లాడుకుంటాము.సోదరా.. కాస్త జాగ్రత్తగా పరిగెత్తుఎప్పుడైనా నాకు కాలు నొప్పిగా అనిపిస్తే వెంటనే కోహ్లితో.. ‘సోదరా.. కాస్త జాగ్రత్తగా పరిగెత్తు.. నా పరిస్థితి కాస్త బాలేదు’ అని ముందుగానే చెప్పేస్తా. దాంతో అందుకు తగినట్లుగానే సింగిల్స్‌ విషయంలో కోహ్లి నిర్ణయం తీసుకుంటాడు. మేము కలిసి ఆడటం మొదలుపెట్టిన నాటి నుంచి దాదాపుగా ఇలాంటి విషయాలే మాట్లాడుకుంటున్నాము.అప్పటికి, ఇప్పటికి ఏమీ మారలేదు. మైదానంలో మేమిద్దరం భిన్నమైన ఆటగాళ్లము. అయితే, మా లక్ష్యం మాత్రం జట్టును గెలిపించడమే. ఇప్పుడూ అంతే. వరల్డ్‌కప్‌ ఆడాలి, గెలవాలి.. జట్టు కోసం సర్వశక్తులు ధారబోయాలి.. కేవలం ఇది మాత్రమే మా మనసులో ఉంటుంది’’ అని రోహిత్‌ శర్మ చెప్పుకొచ్చాడు.చదవండి: ఆసీస్‌తో తొలి టెస్టు.. భారత ఓపెనర్‌ ప్రపంచ రికార్డు

వెస్టిండీస్‌తో జరుగుతున్న మూడు వన్డేల సిరీస్‌లో టీమిండియా శుభారంభం చేసింది. తిరువనంతపురం వేదికగా జరిగిన తొలి వన్డేలో కరేబియన్ జట్టుపై 8 వికెట్ల తేడాతో భారత్ ఘన విజయం సాధించింది. విండీస్ నిర్దేశించిన 296 పరుగుల లక్ష్యాన్ని భారత్ కేవలం 2 వికెట్లు మాత్రమే కోల్పోయి, 41.4 ఓవర్లలోనే సునాయాసంగా ఛేదించింది.కెప్టెన్ శుబ్‌మన్ గిల్ (110), విరాట్ కోహ్లి (139) భారీ సెంచరీలతో విరుచుకుపడగా.. రోహిత్ శర్మ (32) పరుగులతో రాణించాడు. రోహిత్ శర్మకు మంచి ఆరంభం లభించినప్పటికీ దానిని భారీ స్కోరుగా మలచలేకపోయాడు. అయినప్పటికీ ఈ ఇన్నింగ్స్‌తో హిట్ మ్యాన్ ఒక ప్రపంచ రికార్డును తన పేరిట లిఖించుకున్నాడు.సచిన్ టెండూల్కర్ రికార్డు బ్రేక్వన్డేల్లో ఓపెనర్‌గా తొలి 200 ఇన్నింగ్స్‌ల తర్వాత అత్యధిక పరుగులు చేసిన బ్యాటర్‌గా రోహిత్ శర్మ చరిత్ర సృష్టించాడు. ఇంతకుముందు ఈ రికార్డు 'క్రికెట్ దేవుడు' సచిన్ టెండూల్కర్ పేరిట ఉండేది. తాజా మ్యాచ్‌తో సచిన్ ఆల్-టైమ్ రికార్డును రోహిత్ తిరగరాశాడు. రోహిత్ శర్మ 200 ఇన్నింగ్స్‌ల్లో 9,897 పరుగులు చేయగా.. సచిన్ 9,217 రన్స్ చేశాడు. ఓవరాల్‌గా వన్డేల్లో అత్యధిక పరుగులు చేసిన బ్యాటర్ల జాబితాలో రోహిత్ శర్మ (11,927 పరుగులు) ప్రస్తుతం ఏడో స్థానంలో కొనసాగుతున్నాడు.వన్డేల్లో ఓపెనర్‌గా తొలి 200 ఇన్నింగ్స్‌ల తర్వాత అత్యధిక పరుగులు చేసిన ఆటగాళ్లు వీరేరోహిత్ శర్మ – 9,897 పరుగులు*సచిన్ టెండూల్కర్ – 9,217 పరుగులుసౌరవ్ గంగూలీ – 7,870 పరుగులుక్రిస్ గేల్ – 7,669 పరుగులుసయీద్ అన్వర్ – 7,564 పరుగులుడెస్మండ్ హేన్స్ – 7,454 పరుగులుఆడమ్ గిల్‌క్రిస్ట్ – 7,147 పరుగులువీరేంద్ర సెహ్వాగ్ – 7,051 పరుగులుతమీమ్ ఇక్బాల్ – 6,871 పరుగులుసనత్ జయసూర్య – 6,727 పరుగులు

స్వదేశంలో వెస్టిండీస్‌తో వన్డే సిరీస్‌లో టీమిండియా శుభారంభం అందుకుంది. తిరువనంతపురంలో ఆదివారం జరిగిన తొలి వన్డేలో విండీస్‌ జట్టును ఎనిమిది వికెట్ల తేడాతో ఓడించింది. ఫలితంగా మూడు మ్యాచ్‌ల సిరీస్‌లో శుబ్‌మన్‌ గిల్‌ సేన 1-0తో ముందంజ వేసింది.ఈ క్రమంలో సంబరాల్లో మునిగిపోయిన టీమిండియా.. బస్సులో హోటల్‌కు తిరిగి వచ్చే క్రమంలో ఓ అపశ్రుతి చోటుచేసుకుంది. భారత దిగ్గజ ఓపెనర్‌ రోహిత్‌ శర్మ బస్సు దిగుతున్నపుడు అదుపు తప్పి కిందపడిపోయాడు. ఇందుకు సంబంధించిన దృశ్యాలు వైరల్‌గా మారాయి.32 పరుగులు చేసి అవుట్‌కాగా వెస్టిండీస్‌ విధించిన 296 పరుగుల లక్ష్యాన్ని ఛేదించే క్రమంలో రోహిత్‌ శర్మ.. 35 బంతుల్లో రెండు ఫోర్లు, మూడు సిక్సర్లు బాది 32 పరుగులు మాత్రమే చేయగలిగాడు. అల్జారీ జోసెఫ్‌ బౌలింగ్‌లో జువెల్‌ ఆండ్రూకు క్యాచ్‌ ఇవ్వడంతో హిట్‌మ్యాన్‌ పెవిలియన్‌ చేరాల్సి వచ్చింది.ఇక మరో ఓపెనర్‌, కెప్టెన్‌ శుబ్‌మన్‌ గిల్‌ (108 బంతుల్లో 110), వన్‌డౌన్‌ బ్యాటర్‌ విరాట్‌ కోహ్లి (88 బంతుల్లో 139 నాటౌట్‌) శతకాల మోత మోగించి టీమిండియాను గెలిపించారు. ఇదిలా ఉంటే.. విజయం తర్వాత భారత జట్టు టీమ్‌ బస్సులో హోటల్‌కు వెళ్లింది.Moment for the history books 📖The magical feeling of scaling Mt. 1⃣5⃣0⃣0⃣0⃣ ODI runs, ft. Virat Kohli 🏔️Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/sbqA6KtBsr— BCCI (@BCCI) September 27, 2026బస్సు నుంచి పడిపోయిన రోహిత్‌బస్సు నుంచి దిగుతున్నపుడు రోహిత్‌ పట్టు తప్పి మెట్ల మీది నుంచి కిందపడిపోయాడు. పక్కన ఉన్న వాళ్లు వచ్చి అతడికి సాయం చేసి పక్కకు తీసుకువెళ్లారు. అప్పటికే సహచర ఆటగాళ్లు ముందుకు వెళ్లగా.. కోహ్లి వెనక్కి తిరిగి రోహిత్‌ పరిస్థితి చూసి షాకయ్యాడు. అంతా బాగానే ఉంది కదా అన్నట్లుగా ఎక్స్‌ప్రెషన్‌ ఇచ్చాడు. ఈ దృశ్యాలు వైరల్‌ కాగా.. ‘రో-కో.. మైదానం లోపల, వెలుపలా.. వారి స్నేహ బంధం గొప్పది’ అంటూ అభిమానులు కామెంట్లు చేస్తున్నారు.చదవండి: IND vs WI: అతడొక అద్భుతం.. మ్యాచ్‌ నేనే ముగించాల్సిందిRohit Sharma 𝗦𝗹𝗶𝗽𝗽𝗲𝗱 from the Bus 😱While returning to the hotel after winning the first ODI against the West Indies, Rohit Sharma slipped badly on the stairs of the team bus. 😥- Everyone was celebrating India's win, but Virat Kohli was 𝘀𝘁𝘂𝗻𝗻𝗲𝗱 to see Rohit. 😭 pic.twitter.com/T01Lf4tJsb— Mukku (@Cric_Mukku) September 28, 2026

వెస్టిండీస్‌తో తొలి వ‌న్డే నేప‌థ్యంలో టీమిండియా స్టార్ బ్యాట‌ర్ రోహిత్ శ‌ర్మ త‌న భవిత‌వ్యంపై మ‌రోసారి ఆస‌క్తిక‌ర వ్యాఖ్య‌లు చేశాడు. 2027 వ‌న్డే ప్ర‌పంచ‌క‌ప్ త‌న చివ‌రి టోర్నీ అని కోహ్లి సంకేతాలు ఇచ్చిన నేప‌థ్యంలో హిట్‌మ్యాన్ రిటైర్మెంట్‌పై కూడా ఊహాగానాలు వ్య‌క్త‌మ‌య్యాయి. త‌న రిటైర్మెంట్‌పై వ‌స్తున్న ఊహాగానాల‌కు చెక్ పెడుతూ త‌న‌దైన శైలిలో బ‌దులిచ్చాడు. త‌న ఆట ఇంకా పూర్తి కాలేద‌ని, ఆడుతున్నంత కాలం త‌న ముందు ఏదో ఒక ల‌క్ష్యం ఉంటుంద‌ని రోహిత్ చెప్పుకొచ్చాడు. కోహ్లిది వ్య‌క్తిగ‌త నిర్ణ‌య‌మ‌ని, అత‌డితో త‌న‌కు ప‌ని లేద‌ని రోహిత్ పేర్కొన్న‌ట్లు తెలుస్తోంది. ఇంకా రోహిత్ మాట్లాడుతూ.. "నేను చేయాల్సిన పని పూర్తి అయిందనే ఆలోచన ఎప్పుడూ నా మనసులోకి రాదు. క్రికెట్ ఆడుతున్నంత కాలం నేను సాధించేందుకు ఏదో ఒకటి ఉంటుంది. ప్రస్తుతం నేను ప్రపంచ కప్ కోసం ఎదురుచూస్తున్నా. ప్రపంచ కప్‌ అయినా.. ఏదైనా ఐసీసీ టోర్నీ అయినా దానికి ప్రత్యేకమైన సవాలు ఉంటుంది. వేర్వేరు ప్రత్యర్థులతో, వివిధ మైదానాల్లో ఆడాల్సి ఉంటుంది. అందుకు తగ్గట్టుగా మనం సిద్ధం కావాలి. భిన్నంగా ఆలోచించాలి. అదే ఈ టోర్నీల్లోని అసలైన సవాలు" అని రోహిత్‌ వివరించాడు.2027 వ‌న్డే ప్ర‌పంచ‌క‌ప్‌ను భార‌త్‌కు అందించ‌డ‌మే ల‌క్ష్యంగా రోహిత్ కొన‌సాగుతున్నాడు. అందుకే టెస్టులు, టీ20ల‌కు వీడ్కోలు ప‌లికిన రోహిత్ అప్ప‌టినుంచి వ‌న్డే ఫార్మాట్‌లోనే కొన‌సాగుతూ వ‌స్తున్నాడు. 2023 వ‌న్డే ప్ర‌పంచ‌క‌ప్‌లో త‌న కెప్టెన్సీలో సొంత‌గ‌డ్డ‌పై టీమిండియాను ఫైన‌ల్ చేర్చిన‌ప్పటికీ, తుదిమెట్టుపై బోల్తా కొట్టాడు. అయితే రెండు టీ20 ప్ర‌పంచ‌క‌ప్‌లు (2007, 2024) గెలిచిన టీమిండియా జ‌ట్టులో స‌భ్యుడైన రోహిత్‌.. వ‌న్డే ప్ర‌పంచ‌క‌ప్ గెల‌వాల‌న్న త‌న చిర‌కాల క‌ల‌ను నెర‌వేర్చుకునే పనిలో ఉన్నాడు. త‌న ఫామ్‌పై సందేహాలు వ‌చ్చిన ప్ర‌తీసారి రోహిత్ బ్యాట్‌తోనే స‌మాధానం చెప్పాడు. ఆఖ‌రిసారి ఇంగ్లండ్‌తో వ‌న్డే సిరీస్‌లో ఆడిన రోహిత్ శ‌ర్మ మూడో వ‌న్డేలో శ‌త‌కంతో మెరిశాడు. తాజాగా వెస్టిండీస్‌తో వ‌న్డే సిరీస్‌లో ఆ జ‌ట్టు బౌలర్ల భ‌ర‌తం ప‌ట్టేందుకు సిద్ధ‌మ‌వుతున్నాడు.ఇదీ చదవండి: గ‌మ్మత్తుగా ఒమ‌న్ క్రికెట్ టీం.. తొమ్మిది మందికి ఒకే ఇంటిపేరు

వెస్టిండీస్‌తో తొలి వ‌న్డే సంద‌ర్భంగా టీమిండియా సీనియ‌ర్ బ్యాట‌ర్ రోహిత్ శ‌ర్మను ప్ర‌పంచ రికార్డు ఊరిస్తోంది. రేపు తిరువ‌నం త‌పురంలోని గ్రీన్‌ఫీల్డ్ స్టేడియం వేదిక‌గా ఇరుజ‌ట్ల మ‌ధ్య తొలి వ‌న్డే మ్యాచ్‌ జ‌ర‌గ‌నుంది. శుక్ర‌వారం జ‌రిగిన టీమిండియా ఇంట్రాస్వ్కాడ్ మ్యాచ్‌లో సూప‌ర్ ఫామ్ క‌న‌బ‌రిచిన రోహిత్ అదే ఆట‌ను విండీస్‌తో తొలి వ‌న్డేలోనూ ప్ర‌ద‌ర్శించాల‌ని ప‌ట్టుద‌ల‌తో ఉన్నాడు. రోహిత్ శ‌ర్మ ప్ర‌స్తుతం వ‌న్డే క్రికెట్‌లో భారత్‌ తరఫున అత్య‌ధిక ప‌రుగులు చేసిన జాబితాలో మూడో స్థానంలో కొన‌సాగుతున్నాడు. ఇప్ప‌టివ‌ర‌కు రోహిత్ 288 వ‌న్డే మ్యాచ్‌లాడి 11,895 ప‌రుగులు సాధించాడు. ఇందులో 34 సెంచ‌రీలు, 62 హాఫ్ సెంచ‌రీలున్నాయి. వ‌న్డేల్లో 12వేల ప‌రుగుల మైలురాయిని అందుకునేందుకు రోహిత్‌కు మ‌రో 105 ప‌రుగులు అవ‌స‌రం. ఇంగ్లండ్‌తో వ‌న్డే సిరీస్ సంద‌ర్భంగా ఆఖ‌రి వ‌న్డేలో సూప‌ర్‌సెంచ‌రీతో మెరిసిన హిట్‌మ్యాన్‌.. బ్యాటింగ్‌కు అనుకూలంగా ఉండే తిరువ‌నంత‌పురంలోనూ శ‌త‌కం సాధించాల‌ని భావిస్తున్నాడు. రోహిత్ ఫామ్‌లో ఉంటే ఇదేమీ పెద్ద విష‌యం కాదు. తొలి వ‌న్డేలో ఈ మైలురాయిని అందుకోలేన‌ప్ప‌టికీ, వ‌న్డే సిరీస్ ముగిసేలోపే 12వేల మార్కును చేరుకోవ‌డం ఖాయం.దీంతో పాటు రోహిత్ శ‌ర్మ‌ను మ‌రో రికార్డు కూడా ఊరిస్తోంది. అదేంటంటే, మ‌రో 135 ప‌రుగులు చేస్తే వ‌న్డేల్లో ఓపెన‌ర్‌గా 10వేల ప‌రుగుల మార్క్‌ను అందుకుంటాడు. త‌ద్వారా వన్డేల్లో ఓపెన‌ర్‌గా ప‌దివేల ప‌రుగుల మార్క్ అందుకున్న నాలుగో బ్యాట‌ర్‌గా, భార‌త్ త‌ర‌ఫున రెండో బ్యాట‌ర్‌గా నిల‌వ‌నున్నాడు. స‌చిన్ టెండూల్క‌ర్ ఈ ఫీట్ సాధించిన తొలి భార‌త ప్లేయ‌ర్‌గా కొన‌సాగుతున్నాడు.ఇక వెస్టిండీస్‌పై కూడా వ‌న్డేల్లో రోహిత్ శ‌ర్మ‌కు మంచి రికార్డే ఉంది. ఇప్ప‌టివ‌ర‌కు విండీస్‌తో 37 వ‌న్డేలు ఆడిన రోహిత్ 1,613 ప‌రుగులు చేశాడు. ఇందులో మూడు సెంచ‌రీలు, 12 హాఫ్ సెంచ‌రీలున్నాయి.ఇదీ చదవండి: ఓట‌మి బాధ‌లో ఉన్న ఆసీస్‌కు షాక్‌.. స్వ‌దేశానికి స్టార్ ఆట‌గాడు!

భారత వన్డే జట్టు స్వదేశంలో వెస్టిండీస్‌తో సిరీస్‌కు సిద్ధమైంది. ఇరుజట్ల మధ్య ఆదివారం (సెప్టెంబరు 27) నుంచి మూడు మ్యాచ్‌ల సిరీస్‌ ఆరంభం కానుంది. ఈ క్రమంలో తొలి వన్డే కోసం ఇప్పటికే టీమిండియా తిరువనంతపురం చేరుకుని ప్రాక్టీస్‌ కూడా చేసింది.ఈ నేపథ్యంలో విండీస్‌తో మొదటి వన్డేకు భారత తుదిజట్టు ఎలా ఉండబోతున్న అంశంపై టీమిండియా మాజీ బ్యాటర్‌ మహ్మద్‌ కైఫ్‌ తన అభిప్రాయాలు పంచుకున్నాడు. టెస్టుల్లో ఓపెనర్‌గా పాతుకుపోయిన యశస్వి జైస్వాల్‌ను నాలుగో స్థానంలో బరిలోకి దించాలని యాజమాన్యానికి సూచించాడు.టాపార్డర్‌లో వీరేఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘రోహిత్‌ శర్మ- శుబ్‌మన్‌ గిల్‌ ఓపెనింగ్‌ జోడీగా కొనసాగడం ఖాయం. విరాట్‌ కోహ్లి యథావిధిగా మూడో స్థానంలోనే వస్తాడు. అయితే, ఈ సిరీస్‌లో యశస్వి జైస్వాల్‌ను మిడిలార్డర్‌లో కీలకమైన నాలుగో స్థానంలో ఆడించాలి.శ్రేయస్‌ లేడు కాబట్టిఎలాగో శ్రేయస్‌ అయ్యర్‌ జట్టుతో లేడు కాబట్టి ఇది సరైన నిర్ణయమే అవుతుంది. రుతురాజ్‌ గైక్వాడ్‌ ఐదో స్థానంలో బ్యాటింగ్‌ చేయగలడు. ఇక కేఎల్‌ రాహుల్‌ ఆరు, రవీంద్ర జడేజా ఏడో స్థానంలో రాగా.. నితీశ్‌ కుమార్‌ రెడ్డి, కుల్దీప్‌ యాదవ్‌ మిగిలిన స్థానాల్లో బ్యాటింగ్‌ చేస్తారు.ఇద్దరినీ ఆడించవచ్చుఈ సిరీస్‌లో జైస్వాల్‌, గైక్వాడ్‌.. ఇద్దరినీ ఆడించే ఆస్కారం ఉంది. పరిమిత ఓవర్ల క్రికెట్లో ఇలాంటి సర్దుబాట్లు చేసుకోవచ్చు. జైస్వాల్‌ నాలుగో స్థానంలోనూ బ్యాటింగ్‌ చేయగలడు’’ అని కైఫ్‌ అభిప్రాయపడ్డాడు. ఫాస్ట్‌ బౌలర్ల కోటాలో ప్రసిద్‌ కృష్ణ, గుర్నూర్‌ బ్రార్‌ ఆడతారని అంచనా వేశాడు.కాగా భారత టీ20 జట్టు కెప్టెన్‌ శ్రేయస్‌ అయ్యర్‌ ప్రస్తుతం జపాన్‌లో ఆసియా క్రీడలు-2026 టోర్నీతో బిజీగా ఉన్న సంగతి తెలిసిందే. ఈ నేపథ్యంలో జైస్వాల్‌ను నాలుగో స్థానంలో బ్యాటింగ్‌ పంపి ప్రయోగం చేయవచ్చని కైఫ్‌ చెప్పుకొచ్చాడు. కాగా యశస్వి జైస్వాల్‌ ఇప్పటి వరకు ఆరు వన్డేలు ఆడి 285 పరుగులు చేశాడు. చివరగా స్వదేశంలో అఫ్గానిస్తాన్‌తో జూన్‌లో మ్యాచ్‌ ఆడి అజేయ సెంచరీ (110) చేశాడు. మరోవైపు.. రుతురాజ్‌ గైక్వాడ్‌ ఇప్పటికి తొమ్మిది వన్డేల్లో 228 పరుగులు చేశాడు. చివరగా గతేడాది డిసెంబరులో సౌతాఫ్రికాతో వన్డే ఆడాడు.వెస్టిండీస్‌తో వన్డే కోసం కైఫ్‌ ఎంచుకున్న భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, యశస్వి జైస్వాల్‌, రుతురాజ్‌ గైక్వాడ్‌, కేఎల్‌ రాహుల్‌, రవీంద్ర జడేజా, నితీశ్‌ కుమార్‌ రెడ్డి, కుల్దీప్‌ యాదవ్‌, ప్రసిద్‌ కృష్ణ, గుర్నూర్‌ బ్రార్‌.చదవండి: సచిన్‌తో అర్జున్‌కు పోలికేంటి?: సెహ్వాగ్‌

వెస్టిండీస్‌తో వ‌న్డే సిరీస్ నేప‌థ్యంలో ఆదివారం తిరువ‌నంత‌పురం వేదిక‌గా టీమిండియా తొలి వ‌న్డే ఆడ‌నుంది. ఈ నేప‌థ్యంలో ఇప్ప‌టికే ప్రాక్టీస్ ఆరంభించిన భార‌త జ‌ట్టు శుక్ర‌వారం రెండు జ‌ట్లుగా విడిపోయి ఇంట్రా స్వ్కాడ్ మ్యాచ్ ఆడాయి. ఇండియా-ఏ జ‌ట్టులో గిల్‌, కోహ్లి, జ‌డేజా, రుతురాజ్‌, కేఎల్ రాహుల్ బ్యాటింగ్ చేయ‌గా, ఇండియా-బి జ‌ట్టులో రోహిత్ శ‌ర్మ‌, జైస్వాల్‌, ధ్రువ్ జురెల్‌, నితీశ్‌కుమార్ రెడ్డి, న‌మ‌న్ ధిర్‌లు బ్యాటింగ్ చేశారు. ఇరుజ‌ట్లు 50 ఓవ‌ర్ల మ్యాచ్ ఆడాయి. ఈ మ్యాచ్‌లో ఇండియా-ఏ జ‌ట్టు విజ‌యం సాధించింది. సీనియ‌ర్లు కోహ్లి, రోహిత్‌లు బ్యాటింగ్‌లో అద‌ర‌గొట్ట‌గా, కెప్టెన్ గిల్ ప్లాఫ్ అయ్యాడు. మ్యాచ్‌లో తొలుత బ్యాటింగ్ చేసిన ఇండియా-ఎ 50 ఓవర్లలో 4 వికెట్ల నష్టానికి 319 పరుగులు చేసింది. టీమిండియా మాజీ కెప్టెన్ విరాట్ కోహ్లి 88 బంతుల్లో 91 పరుగులతో నాటౌట్‌గా నిలిచాడు. రవీంద్ర జడేజా 39 బంతుల్లో 45 పరుగులతో అజేయంగా నిలిచాడు. రుతురాజ్ గైక్వాడ్ 38 బంతుల్లో 42 పరుగులు చేయగా.. కేఎల్ రాహుల్ 29 బంతుల్లో 36 పరుగులతో రాణించాడు. కానీ కెప్టెన్ శుబ్‌మ‌న్ గిల్ మాత్రం 8 బంతుల్లో 7 పరుగులే చేసి పెవిలియన్ చేరాడు.అనంతరం 320 పరుగుల లక్ష్యంతో బరిలోకి దిగిన ఇండియా-బి 50 ఓవర్లలో 7 వికెట్లకు 309 పరుగులు చేసింది. ఓపెనర్ యశస్వి జైస్వాల్ 68 బంతుల్లో 72 పరుగులతో ఆకట్టుకోగా.. రోహిత్ శర్మ 59 బంతుల్లో 64 పరుగులు చేశాడు. వీరిద్దరూ జట్టుకు మంచి ఆరంభాన్ని అందించారు. మిడిలార్డర్‌లో నితీష్ కుమార్ రెడ్డి కీలక ఇన్నింగ్స్ ఆడాడు. 57 బంతుల్లో 61 పరుగులు చేసి జట్టు స్కోరును ముందుకు తీసుకెళ్లాడు. నమన్ ధిర్ 28 బంతుల్లో 31 పరుగులు చేశాడు. అలా చివ‌రికి ఇండియా-బి 309 పరుగులకే పరిమితమై ఓట‌మి చ‌విచూసింది. మొత్తం మీద ఇంట్రా స్క్వాడ్ మ్యాచ్ ద్వారా కోహ్లి, రోహిత్ త‌మ బ్యాటింగ్‌తో అల‌రించారు.తొలి వన్డే తిరువ‌నంతపురం వేదికగా జరుగనుండగా, రెండో మ్యాచ్ గౌహతి వేదికగా సెప్టెంబర్ 30న ఉంటుంది. అక్టోబర్ 3వ తేదీన న్యూ ఛండీఘర్ వేదికగా చివరి మ్యాచ్ జర‌గుంది. ఈ వన్డే సిరీస్‌లో రోహిత్ శర్మ, విరాట్ కోహ్లి ఇద్దరూ బరిలోకి దిగనున్నారు. అక్టోబర్ 6వ తేదీ నుంచి ఇరుజ‌ట్ల మ‌ధ్య ఐదు మ్యాచ్‌ల టీ20 సిరీస్ షురూ కానుంది.ఇదీ చదవండి: విండీస్‌తో తొలి వన్డే.. భారత తుదిజట్టు అంచనా!

తిరువ‌నంత‌పురం వేదిక‌గా ఆదివారం భార‌త్‌, వెస్టిండీస్ మ‌ధ్య తొలి వ‌న్డే జ‌ర‌గ‌నుంది. ఈ నేప‌థ్యంలో భార‌త తుది జ‌ట్టులో ఎవ‌రు ఉంటారు, ఎవ‌రు ఉండ‌ర‌నే దానిపై ఆస‌క్తిక‌ర చ‌ర్చ న‌డుస్తోంది. ఆసియా గేమ్స్‌లో పాల్గొనేందుకు శ్రేయ‌స్ అయ్య‌ర్ నేతృత్వంలోని భార‌త జ‌ట్టు జ‌పాన్‌కు రాగా, విండీస్‌తో వ‌న్డే సిరీస్‌కు రోహిత్‌, కోహ్లి, జ‌డేజా సిద్ధ‌మ‌య్యారు. వీరితో పాటు కెప్టెన్ గిల్‌, వైస్‌కెప్టెన్‌ కేఎల్ రాహుల్ ఆడ‌నున్నారు. ఈ నేప‌థ్యంలో విండీస్‌తో తొలి వ‌న్డేకు తుదిజ‌ట్టు ఎలా ఉండ‌బోతుంద‌నేది ఒక‌సారి ప‌రిశీలిద్దాం.తుదిజ‌ట్టులో యశస్వి జైస్వాల్, నమన్ ధీర్, ధ్రువ్ జురెల్‌ల‌కు అవ‌కాశం ద‌క్క‌డం క‌ష్ట‌మే. శ్రేయస్ అయ్యర్ స్థానంలో భారత జట్టులోకి వచ్చిన రుతురాజ్ గైక్వాడ్ మాత్రం ఆడే అవకాశాలు మెండుగా ఉన్నాయి. ఇక ఓపెన‌ర్లుగా రోహిత్ శర్మ, గిల్ రానున్నారు. వ‌న్‌డౌన్‌లో కోహ్లి, ఆ త‌ర్వాత రుతురాజ్ గైక్వాడ్ వ‌చ్చే అవ‌కాశ‌ముంది. ఇక ఐదో స్థానంలో వికెట్ కీప‌ర్ కేఎల్ రాహుల్ రానున్నాడు. ఆల్‌రౌండ‌ర్లుగా జ‌డేజా, నితీశ్‌కుమార్ రెడ్డి ఆడే అవ‌కాశ‌ముంది. జ‌ట్టులో ప్రధాన స్పిన్నర్‌గా కుల్దీప్ యాదవ్ ఉండ‌వ‌చ్చు. ఫాస్ట్ బౌలింగ్ విభాగంలో ప్రసిద్ధ కృష్ణ మహమ్మద్ సిరాజ్, గుర్నూర్ బ్రార్‌లు ఆడే అవ‌కాశ‌ముంది. ఈ సిరీస్ కోసం ఎంపిక చేసిన ఫాస్ట్ బౌలర్ ఆకిబ్ నబీ, నమన్ ధిర్ బెంచ్‌కు ప‌రిమితం కానున్నారు.భార‌త తుది జ‌ట్టు అంచ‌నా:రోహిత్ శర్మ, శుబ్‌మ‌న్ గిల్‌, విరాట్ కోహ్లి, రుతురాజ్ గైక్వాడ్, కేఎల్ రాహుల్, నితీష్ కుమార్ రెడ్డి, రవీంద్ర జడేజా, కుల్దీప్ యాదవ్, ప్రసిధ్‌ కృష్ణ, మహ్మద్ సిరాజ్, గుర్నూర్ బ్రార్.ఇదీ చదవండి: భారత్‌తో తొలి వన్డే.. విండీస్ హెడ్‌కోచ్ సంచలన వ్యాఖ్యలు

ఇంగ్లండ్ స్టార్ పేసర్ రీస్ టోప్లీ తాజాగా 'క్రిక్‌ట్రాకర్'కు ఇచ్చిన ఇంటర్వ్యూలో తన ఆల్‌టైమ్ టీ20 ఎలెవన్‌ను ప్రకటించాడు. ఈ జట్టులో భారత స్టార్ ఓపెనర్ రోహిత్ శర్మకు చోటు దక్కకపోవడం గమనార్హం. ఐపీఎల్‌లో ముంబై ఇండియన్స్ తరఫున ఆడినప్పుడు రోహిత్‌తో కలిసి డ్రెస్సింగ్ రూమ్ పంచుకున్నప్పటికీ, టోప్లీ తన ఆల్‌టైమ్ టీ20 తుది జట్టులో అతడికి అవకాశం ఇవ్వలేదు. ఈ జట్టులో భారత్ నుంచి ముగ్గురు ఆటగాళ్లకు చోటు లభించింది. రన్ మెషీన్ విరాట్ కోహ్లి, మిస్టర్ 360 సూర్యకుమార్ యాదవ్, యార్కర్ల కింగ్ జస్ప్రీత్ బుమ్రాలు టోప్లీ జట్టులో స్థానం సంపాదించుకున్నారు. టోప్లీ త‌న జ‌ట్టులో ఓపెన‌ర్లుగా వెస్టిండీస్ లెజెండ్ క్రిస్ గేల్‌, ఇంగ్లండ్ స్టార్ వికెట్ కీప‌ర్ బ్యాట‌ర్ జోస్ బ‌ట్ల‌ర్‌కు అవ‌కాశ‌మిచ్చాడు. మిడిలార్డర్‌లో విరాట్‌, సూర్యకుమార్‌, ఎబీ డివిలియర్స్‌లకు చోటు దక్కింది. ఆల్‌రౌండర్ల కోటాలో కీరన్ పొలార్డ్ (వెస్టిండీస్), షాహిద్ అఫ్రిది (పాకిస్తాన్)లను టోప్లీ ఎంపిక చేశాడు. ఫాస్ట్ బౌలర్ల విభాగంలో లసిత్ మలింగ (శ్రీలంక), జస్ప్రీత్ బుమ్రా (భారత్), బ్రెట్ లీ (ఆస్ట్రేలియా)లకు చోటు దక్కింది. స్పెషలిస్ట్‌ స్పిన్నర్‌గా ముత్తయ్య మురళీధరన్‌కు టోప్లీ చోటిచ్చాడు.ఐపీఎల్‌లో ముంబై ఇండియన్స్ తరపున రోహిత్ (7329) లీడింగ్ రన్ స్కోరర్‌గా కొనసాగుతున్నప్పటికి ఆల్‌టైమ్ జట్టులో చోటు దక్కకపోవడం అందరిని ఆశ్చర్యపరుస్తోంది. రీస్ టోప్లీ ఎంపిక చేసిన ఆల్-టైమ్ T20 జట్టు: క్రిస్ గేల్, జోస్ బట్లర్ (వికెట్ కీపర్), విరాట్ కోహ్లి, సూర్యకుమార్ యాదవ్, ఏబీ డివిలియర్స్, కీరన్ పొలార్డ్, షాహిద్ అఫ్రిది, లసిత్ మలింగ, బ్రెట్ లీ, జస్ప్రీత్ బుమ్రా, ముత్తయ్య మురళీధరన్.

టీమిండియా సీనియ‌ర్లు రోహిత్ శ‌ర్మ‌, విరాట్ కోహ్లి ఇవాళ కేర‌ళంలో అడుగుపెట్ట‌నున్నారు. వెస్టిండీస్‌తో వ‌న్డే సిరీస్‌లో భాగంగా తొలి వ‌న్డే సెప్టెంబ‌ర్ 27న తిరువ‌నంత‌పురం వేదికగా జ‌ర‌గ‌నుంది. ఈ నేప‌థ్యంలో గిల్ సార‌థ్యంలోని టీమిండియా బృందం ఇప్పటికే కేర‌ళ‌కు చేరుకోగా.. ఇవాళ కోహ్లి, రోహిత్‌లు జట్టుతో జాయిన్‌ అవనున్నారు. టెస్టులు, టీ20లకు రిటైర్మెంట్ ప్ర‌క‌టించిన రో-కో ద్వ‌యం 2027 వ‌న్డే ప్ర‌పంచ‌క‌ప్ నేప‌థ్యంలో కేవ‌లం వ‌న్డే ఫార్మాట్‌లో మాత్ర‌మే కొన‌సాగుతున్నారు. ఇటీవ‌లే ఇంగ్లండ్‌కు వ‌న్డే సిరీస్ కోల్పోయిన‌ప్ప‌టికీ రో-కో మాత్రం త‌మ ప్ర‌ద‌ర్శ‌నతో ఆక‌ట్టుకున్నారు. ముఖ్యంగా హిట్‌మ్యాన్ ఇంగ్లండ్‌తో మూడో వ‌న్డేలో చారిత్ర‌క సెంచ‌రీతో మెరిశాడు. ఇక వ‌న్డే ప్ర‌పంచ‌క‌ప్‌కు స‌రిగ్గా ఏడాది స‌మ‌యం మాత్ర‌మే ఉండ‌డంతో రో-కో ద్వ‌యంపై అంద‌రి దృష్టి నెల‌కొని ఉంది. ఆసియా క్రీడ‌ల కోసం శ్రేయ‌స్ అయ్య‌ర్ నేతృత్వంలో ఒక బృందం ఇప్ప‌టికే జ‌పాన్‌కు చేరుకోవ‌డంతో జ‌ట్టులో మార్పులు అనివార్య‌మ‌య్యాయి. అకిబ్ న‌బీ, న‌మ‌న్ ధిర్‌ల‌ను విండీస్‌తో వ‌న్డే సిరీస్‌కు ఎంపిక చేశారు. ఇక మరో సీనియ‌ర్ ఆల్‌రౌండ‌ర్ ర‌వీంద్ర జ‌డేజా కూడా ఆరు నెల‌ల త‌ర్వాత మ‌ళ్లీ వ‌న్డే మ్యాచ్ ఆడ‌నుండ‌డం విశేషం.మ‌రోవైపు ఆసియా క్రీడ‌ల్లో ఆడేందుకు ఇప్ప‌టికే శ్రేయ‌స్ అయ్య‌ర్ టీం జ‌పాన్‌లో అడుగుపెట్టింది. జ‌పాన్‌తో ఏకైక టీ20 మ్యాచ్ ఆడి అతిక‌ష్టం మీద గెలిచిన టీమిండియా ఇప్పుడు ఆసియా క్రీడ‌ల్లో వ‌రుస‌గా రెండో స్వ‌ర్ణం గెల‌వాల‌ని ఆశిస్తోంది. కానీ జ‌పాన్‌తో ఆడిన మ్యాచ్‌లో 5 ఓవ‌ర్ల ఆట మాత్ర‌మే సాధ్య‌మైన‌ప్ప‌టికీ, పిచ్ మాత్రం భార‌త్‌కు అనుకూలంగా లేద‌న్న విష‌యం స్ప‌ష్ట‌మైంది. దీంతో ఈసారి భార‌త్‌కు స్వ‌ర్ణం సాధిస్తుందా లేదా అనేది చూడాలి.ఇదీ చదవండి: ‘అంతా తొండి.. అందుకే కరచాలనం చేయలేదు’

అఫ్గానిస్తాన్‌తో టీ20 సిరీస్‌ తర్వాత టీమిండియా స్వదేశంలో వెస్టిండీస్‌తో పరిమిత ఓవర్ల సిరీస్‌లలో తలపడనుంది. ఇరుజట్ల మధ్య సెప్టెంబరు 27 నుంచి అక్టోబరు 17 మధ్య మూడు వన్డేలు, ఐదు టీ20 మ్యాచ్‌లు ఆడనుంది. ఈ నేపథ్యంలో భారత క్రికెట్‌ నియంత్రణ మండలి (బీసీసీఐ) ఇందుకు సంబంధించి తమ వన్డే, టీ20 జట్లను బుధవారం ప్రకటించింది.హార్దిక్‌, పంత్‌లకు దక్కని చోటువెస్టిండీస్‌తో జరగనున్న మూడు మ్యాచ్‌ల వన్డే సిరీస్‌ కోసం శుబ్‌మన్‌ గిల్‌ సారథ్యంలో 15 మందితో కూడిన జట్టును ఎంపిక చేసింది. గాయం నుంచి కోలుకుంటున్న పేస్‌ ఆల్‌రౌండర్‌ హార్దిక్‌ పాండ్యాతో పాటు వికెట్‌ కీపర్‌ రిషబ్‌ పంత్‌లకు ఈ జట్టులో చోటు దక్కలేదు. వారికి తొలి పిలుపుఅయితే, పంజాబ్‌ ఆల్‌రౌండర్‌ నమన్‌ ధీర్, జమ్మూ కశ్మీర్‌ పేసర్‌ ఆకిబ్‌ నబీ తొలిసారి భారత వన్డే జట్టులో చోటు దక్కించుకున్నారు. దేశవాళీల్లో పంజాబ్‌ తరఫున నిలకడగా రాణిస్తున్న నమన్‌ ధీర్‌... ఐపీఎల్‌లో ముంబై ఇండియన్స్‌ తరఫున మెరుపులు మెరిపించాడు. ఇక కౌంటీ క్రికెట్‌లో మెరుగైన ప్రదర్శన కనబర్చిన ఆఖిబ్‌ నబీకి వన్డే జట్టు నుంచి పిలుపు వచ్చింది.దిగ్గజాలతో పాటు జడ్డూ కూడాఇక టెస్టు, టీ20 ఫార్మాట్‌లకు వీడ్కోలు పలికి కేవలం వన్డేల్లో మాత్రమే కొనసాగుతున్న స్టార్‌ ప్లేయర్లు రోహిత్‌ శర్మ, విరాట్‌ కోహ్లి వన్డే జట్టులో చోటు నిలబెట్టుకోగా... స్పిన్‌ ఆల్‌రౌండర్‌ రవీంద్ర జడేజా తిరిగి జట్టులోకి వచ్చాడు. వచ్చే ఏడాది వన్డే ప్రపంచకప్‌ జరగనున్న నేపథ్యంలో సెలక్టర్లు సీనియర్‌ ప్లేయర్లపై విశ్వాసం ఉంచినట్లు కనిపిస్తోంది.ఇదిలా ఉంటే.. ఈ నెల 20 వరకు పాండ్యా పూర్తి ఫిట్‌నెస్‌ సాధించనుండగా... భారత్‌ ‘ఎ’ తరఫున ఆడిన తర్వాతే అతడిని జాతీయ జట్టుకు ఎంపిక చేసే అంశాన్ని పరిశీలించే అవకాశాలున్నాయి. నితీశ్‌ రెడ్డి రాకఇక పాండ్యా అందుబాటులో లేకపోవడంతో ఆసియా క్రీడలకు ఎంపికైన జట్టులో ఉన్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డిని వెస్టిండీస్‌తో వన్డే జట్టులో చేర్చారు. హైదరాబాదీ మొహమ్మద్‌ సిరాజ్, ప్రసిధ్‌ కృష్ణ, గుర్‌నూర్‌ బ్రార్‌ రూపంలో ముగ్గురు పేసర్లు ఉండగా... అదనంగా నబీని ఎంపిక చేశారు.గతంలోనే నబీ శ్రీలంకతో సిరీస్‌కు భారత టెస్టు జట్టులోకి ఎంపికైనా... ఇప్పటి వరకు అంతర్జాతీయ అరంగేట్రం చేసే అవకాశం దక్కలేదు. బుమ్రా లేడుఇక వెస్టిండీస్‌తో తలపడే టీ20 జట్టు విషయానికి వస్తే ఆసియా క్రీడల్లో పాల్గొనే జట్టులో స్వల్ప మార్పులతో విండీస్‌తో సిరీస్‌కు జట్టును ఎంపిక చేశారు. ఆసియా క్రీడల్లో ఆడనున్న జట్టులోని యశ్‌ ఠాకూర్, విప్రాజ్‌ నిగమ్‌ల స్థానాల్లో ప్రిన్స్‌ యాదవ్, మయాంక్‌ యాదవ్‌ను ఎంపిక చేశారు.అయితే ప్రస్తుతం అఫ్గానిస్తాన్‌తో టీ20 సిరీస్‌ ఆడుతున్న స్టార్‌ పేసర్‌ జస్‌ప్రీత్‌ బుమ్రా ఆ తర్వాత ఆసియా క్రీడల్లో పాల్గొననున్నాడు. విండీస్‌తో వన్డే, టి20 సిరీస్‌ల కోసం ప్రకటించిన జట్లలో మాత్రం అతడి పేరు లేదు. దీనిపై సెలెక్టర్లు కూడా ఎలాంటి స్పష్టతనివ్వలేదు.విండీస్‌తో సిరీస్‌కు భారత వన్డే జట్టు: శుబ్‌మన్‌ గిల్‌ (కెప్టెన్‌), కేఎల్‌ రాహుల్‌ (వైస్‌ కెప్టెన్‌), రోహిత్‌ శర్మ, విరాట్‌ కోహ్లి, రుతురాజ్‌ గైక్వాడ్, ధ్రువ్‌ జురేల్, నితీశ్‌ కుమార్‌ రెడ్డి, రవీంద్ర జడేజా, కుల్దీప్‌ యాదవ్, ప్రసిధ్‌ కృష్ణ, గుర్‌నూర్‌ బ్రార్, మెహమ్మద్‌ సిరాజ్, ఆఖిబ్‌ నబీ, యశస్వి జైస్వాల్, నమన్‌ ధీర్‌.విండీస్‌తో సిరీస్‌కు భారత టీ20 జట్టు: శ్రేయస్‌ అయ్యర్‌ (కెప్టెన్‌), తిలక్‌ వర్మ (వైస్‌ కెప్టెన్‌), అభిషేక్‌ శర్మ, వైభవ్‌ సూర్యవంశీ, ఇషాన్‌ కిషన్, సంజూ సామ్సన్, శివమ్‌ దూబే, కుల్దీప్‌ యాదవ్, అక్షర్‌ పటేల్, వాషింగ్టన్‌ సుందర్, రవి బిష్ణోయ్, నితీశ్‌ కుమార్‌ రెడ్డి, అర్‌‡్షదీప్‌ సింగ్, ప్రిన్స్‌ యాదవ్, మయాంక్‌ యాదవ్‌. భారత్‌ వర్సెస్‌ వెస్టిండీస్‌ షెడ్యూల్‌, మ్యాచ్‌ ఆరంభ సమయాలు వన్డే సిరీస్‌👉సెప్టెంబరు 27- తొలి వన్డే- త్రివేండ్రం- మధ్యాహ్నం రెండు గంటల నుంచి 👉సెప్టెంబరు 30- రెండో వన్డే- గువాహటి- మధ్యాహ్నం రెండు గంటల నుంచి 👉అక్టోబర్‌ 3- మూడో వన్డే- న్యూచండీగఢ్‌- మధ్యాహ్నం రెండు గంటల నుంచిటీ20 సిరీస్‌👉అక్టోబర్‌ 6- తొలి టీ20- లక్నో- రాత్రి ఏడు గంటల నుంచి 👉అక్టోబర్‌ 9- రెండో టీ20- రాంచీ- రాత్రి ఏడు గంటల నుంచి👉అక్టోబర్‌ 11- మూడో టీ20- ఇండోర్‌- రాత్రి ఏడు గంటల నుంచి👉అక్టోబర్‌ 14- నాలుగో టీ20- హైదరాబాద్‌- రాత్రి ఏడు గంటల నుంచి👉అక్టోబర్‌ 17- ఐదో టీ20- బెంగళూరు- రాత్రి ఏడు గంటల నుంచిప్రత్యక్ష ప్రసారం ఎక్కడంటే..స్టార్‌ స్పోర్ట్స్‌ నెట్‌వర్క్‌ (టీవీ), జియో హాట్‌స్టార్‌ (డిజిటల్‌).

టీమిండియా చీఫ్‌ సెలక్టర్‌ అజిత్‌ అగార్కర్‌ పదవీకాలం ఈ నెల (సెప్టెంబరు)తో ముగియనుంది. ఈ నేపథ్యంలో భారత క్రికెట్‌ నియంత్రణ మండలి (BCCI) అతడి కాంట్రాక్టును పొడిగించేందుకు సుముఖంగానే ఉన్నట్లు వార్తలు వచ్చాయి. వన్డే ప్రపంచకప్‌-2027 వరకు అగార్కర్‌నే సెలక్షన్‌ కమిటీ చైర్మన్‌గా కొనసాగించాలని బోర్డు భావించినట్లు తెలిసింది.అయితే, అగార్కర్‌ మాత్రం చీఫ్‌ సెలక్టర్‌గా కొనసాగేందుకు విముఖత వ్యక్తం చేసినట్లు తాజా సమాచారం. ఇదిలా ఉంటే.. వెస్టిండీస్‌తో పరిమిత ఓవర్ల సిరీస్‌లకు బుధవారం భారత వన్డే, టీ20 జట్లను బీసీసీఐ ప్రకటించిన సంగతి తెలిసిందే. సెలక్షన్‌ కమిటీ చైర్మన్‌గా అగార్కర్‌కు ఇదే ఆఖరి సమావేశం అని సమాచారం.రేసులో వారేఈ నేపథ్యంలో ఎన్డీటీవీ కథనం ఆసక్తికర విషయం వెల్లడించింది. చీఫ్‌ సెలక్టర్‌గా అగార్కర్‌ స్థానాన్ని భారత మాజీ వికెట్‌ కీపర్‌​ బ్యాటర్‌ పార్థివ్‌ పటేల్‌ లేదంటే.. మాజీ స్పిన్నర్‌ ప్రజ్ఞాన్‌ ఓజా భర్తీ చేయనున్నట్లు బీసీసీఐ సన్నిహిత వర్గాలు పేర్కొనట్లు తెలిపింది. కాగా పార్థివ్‌ పటేల్‌ (గుజరాత్‌), ప్రజ్ఞాన్‌ ఓజా ఇద్దరూ టీమిండియా తరఫున సత్తా చాటడంతో పాటు మూడుసార్లు టైటిళ్లు గెలిచిన ఐపీఎల్‌ జట్లలో సభ్యులు కావడం విశేషం. ఇక ఒడిశాకు చెందిన ఓజా ఇప్పటికే సెలక్షన్‌ కమిటీలో సభ్యుడిగా ఉన్నాడు.ఘనమైన విజయాలుకాగా 2023 జూలైలో అగార్కర్‌ టీమిండియా చీఫ్‌ సెలక్టర్‌గా నియమితుడయ్యాడు. అతడి హయాంలో భారత జట్టు 2023 వన్డే వరల్డ్‌కప్‌లో ఫైనల్‌కు చేరింది. ఇక 2024, 2026 టీ20 ప్రపంచకప్‌ టోర్నీల్లో చాంపియన్‌గా నిలిచింది. అదే విధంగా 2025లో ఐసీసీ చాంపియన్స్‌ ట్రోఫీ గెలిచింది. అంతేకాదు గతేడాది ఆసియా కప్‌ టైటిల్‌ను కూడా సొంతం చేసుకుంది.ఈ నేపథ్యంలోనే ఈ ఏడాది జూన్‌లోనే అగార్కర్‌ పదవీకాలం ముగిసినప్పటికీ బీసీసీఐ అతడిపై నమ్మకంతో అక్టోబరు 4 దాకా గడువు పొడిగించింది. అయితే, దిగ్గజ బ్యాటర్లు రోహిత్‌ శర్మ, విరాట్‌ కోహ్లిలను వన్డే ప్రపంచకప్‌-2027 దాకా కొనసాగించే విషయంలో అగార్కర్‌- బీసీసీఐ పెద్దల మధ్య విభేదాలు తలెత్తినట్లు తెలుస్తోంది.అందుకే విభేదాలు!రో-కో ప్రపంచకప్‌ ఆడే విషయంపై స్పష్టత ఇవ్వలేదంటూ అగార్కర్‌ ఇప్పటికే బహిరంగంగా ప్రకటించిన సంగతి తెలిసిందే. అదే సమయంలో రో- కో మాత్రం తాము కచ్చితంగా వన్డే వరల్డ్‌కప్‌ ఆడతామనే సంకేతాలు ఇచ్చారు. ఇక రోహిత్‌- కోహ్లి అర్దంతరంగా టెస్టులకు రిటైర్మెంట్‌ ప్రకటించడానికి కారణం కూడా అగార్కర్‌ వైఖరేనని గతంలో వార్తలు వచ్చాయి.ఈ నేపథ్యంలో తలెత్తిన విభేదాల కారణంగా బీసీసీఐ పెద్దలు, అగార్కర్‌ మధ్య దూరం పెరిగిందని.. అందుకే అగార్కర్‌ ఇక తన పదవి నుంచి దిగిపోకతప్పలేదనే ఊహాగానాలు వినిపిస్తున్నాయి.చదవండి: ఆసియా క్రీడలకు నితీశ్‌ కుమార్‌ రెడ్డి దూరం

ఇంగ్లండ్ స్టార్ బ్యాటర్ జోస్ బట్లర్ మరో అరుదైన ఘనత సాధించాడు. శ్రీలంకతో నిన్న (సెప్టెంబర్ 15) జరిగిన తొలి టీ20లో విధ్వంసకర ఇన్నింగ్స్‌ (44 బంతుల్లో 80; 8 ఫోర్లు, 3 సిక్సర్లు) ఆడిన అతడు.. అంతర్జాతీయ టీ20ల్లో అత్యధిక పరుగులు చేసిన ఆటగాళ్ల జాబితాలో హిట్‌మ్యాన్‌ రోహిత్‌ శర్మను అధిగమించి రెండో స్థానానికి చేరాడు. ఈ జాబితాలో పాక్‌ ప్లేయర్‌ బాబర్‌ ఆజం టాప్‌ ప్లేస్‌లో ఉండగా.. విరాట్‌ కోహ్లి, పాల్‌ స్టిర్లింగ్‌ నాలుగు, ఐదు స్థానాల్లో నిలిచారు.అంతర్జాతీయ టీ20ల్లో అత్యధిక పరుగులు చేసిన బ్యాటర్లుబాబర్‌ ఆజం- 4596జోస్‌ బట్లర్‌- 4292రోహిత్‌ శర్మ- 4231విరాట్‌ కోహ్లి- 4188పాల్‌ స్టిర్లింగ్‌- 3895ఈ ఇన్నింగ్స్‌తో బట్లర్‌ యావత్‌ టీ20 ఫార్మాట్‌లో తన పరుగుల సంఖ్యను 14970 పరుగులకు పెంచుకొని, అత్యధిక పరుగులు చేసిన ఆటగాళ్ల జాబితాలో అగ్రపీఠం దిశగా మరో అడుగు ముందుకేశాడు. ప్రస్తుతం టాప్‌ ప్లేస్‌లో ఉన్న కీరన్‌ పోలార్డ్‌ (14999)కు బట్లర్‌కు ఇక మిగిలింది కేవలం 29 పరుగుల వ్యత్యాసమే. బట్లర్‌ మరో 30 పరుగులు చేస్తే, పోలార్డ్‌ రికార్డును బద్దలు కొట్టి పొట్టి క్రికెట్‌లో అత్యధిక పరుగులు చేసిన బ్యాటర్‌గా అవతరిస్తాడు. ఈ జాబితాలో పోలార్డ్‌, బట్లర్‌ తర్వాతి స్థానాల్లో అలెక్స్‌ హేల్స్‌ (14581), క్రిస్‌ గేల్‌ (14562), డేవిడ్‌ వార్నర్‌ (14284) ఉన్నారు.ఈ ఇన్నింగ్స్‌తో బట్లర్‌ మరో రికార్డు కూడా సాధించాడు. అంతర్జాతీయ టీ20ల్లో అత్యధిక 50 ప్లస్‌ స్కోర్లు చేసిన వికెట్‌కీపర్ల జాబితాలో పాక్‌ ప్లేయర్‌ మహ్మద్‌ రిజ్వాన్‌తో కలిసి సంయుక్తంగా అగ్రస్థానంలో నిలిచాడు. వీరిద్దరు తలో 28 సార్లు 50 ప్లస్‌ స్కోర్లు చేశారు. ఈ జాబితాలో బట్లర్‌, రిజ్వాన్‌ తర్వాతి స్థానంలో క్వింటన్‌ డికాక్‌ ఉన్నాడు.మ్యాచ్‌ విషయానికొస్తే.. బట్లర్‌తో పాటు బ్రూక్‌ శతక్కొట్టుడుతో శ్రీలంకపై ఇంగ్లండ్‌ 119 పరుగుల తేడాతో భారీ విజయం సాధించింది. తొలుత బ్యాటింగ్‌ చేసిన ఇంగ్లండ్‌ నిర్ణీత 20 ఓవర్లలో 4 వికెట్ల నష్టానికి 254 పరుగులు చేయగా.. శ్రీలంక 19 ఓవర్లలో 135 పరుగులకే కుప్పకూలి ఘోర పరాజయాన్ని ఎదుర్కొంది. సోనీ బేకర్‌ (4-1-12-3), లియామ్‌ డాసన్‌ (2-23), ఓవర్టన్‌ (2-20) అద్భుతంగ బౌలింగ్‌ చేసి లంక పతనాన్ని శాశించారు. ఇదీ చదవండి: శ‌తకంతో చెల‌రేగిన బ్రూక్‌.. లంక‌పై ఇంగ్లండ్ విజ‌యం

టీమిండియా టెస్టు అత్యుత్తమ కెప్టెన్లలో విరాట్‌ కోహ్లి ముందు వరుసలో ఉంటాడు. ఈ బ్యాటింగ్‌ దిగ్గజం సారథ్యంలో సంప్రదాయ క్రికెట్‌లో భారత జట్టు ఉన్నత శిఖరాలకు చేరింది. కోహ్లి కెప్టెన్‌గా ఉన్న ఏడేళ్ల కాలంలో విదేశాల్లో చిరస్మరణీయ విజయాలు నమోదు చేయడంతో పాటు.. ర్యాంకింగ్స్‌లో అగ్రస్థానానికి చేరింది.అయితే, టెస్టు సారథిగా కోహ్లి పగ్గాలు చేపట్టిన తర్వాత డ్రెసింగ్‌రూమ్‌లో చాలా మంది అతడి ఆలోచనా విధానాన్ని వ్యతిరేకించినట్లు గతంలో వార్తలు వచ్చాయి. టీమిండియా వెటరన్‌ పేస్‌ బౌలర్‌, కోహ్లి సహచర ఆటగాడు భువనేశ్వర్‌ కుమార్‌ తాజాగా ఈ విషయాన్ని ధ్రువీకరించాడు.జతిన్‌ సప్రూనకు ఇచ్చిన ఇంటర్వ్యూలో మాట్లాడుతూ.. ‘‘టీమిండియా టెస్టు సారథిగా విరాట్‌ కోహ్లిగా పగ్గాలు చేపట్టిన తర్వాత.. అతడి ఆలోచనా విధానం, ఉద్దేశాలు అర్థం చేసుకోవడానికి మాకు చాలా సమయం పట్టింది. కొన్ని సిరీస్‌లు ఆడిన తర్వాత అతడి గురించి మాకు అవగాహన వచ్చింది.కొందరు కోహ్లిని వ్యతిరేకించారుఆస్ట్రేలియా పర్యటనలో భాగంగా కెప్టెన్‌గా వచ్చిన కోహ్లి తన తొలి ప్రసంగంలోనే ఫిట్‌నెస్‌, డైట్‌ సంస్కృతి గురించి మాట్లాడాడు. అప్పుడు కొంతమంది వీటి అవసరం ఏముంది? అంటూ కోహ్లిని వ్యతిరేకించారు. కోహ్లి ఆలోచనలను ప్రశ్నించారు.అయితే, ఆ తర్వాత కొంతకాలానికే ప్రతి ఒక్కరు కోహ్లి దారిలోకి వచ్చేశారు. ఫిట్‌నెస్‌, డైట్‌ ప్రాముఖ్యాన్ని తెలుసుకుని అతడితో కలిసి ముందుకు నడిచారు’’ అని భువీ చెప్పుకొచ్చాడు. కాగా కోహ్లి వైఖరి కారణంగా తాము వ్యక్తిగతంగా, వృత్తిపరంగా ఎంతగానో విజయవంతమయ్యామని పలువురు టీమిండియా ఫాస్ట్‌ బౌలర్లు సంతోషం వ్యక్తం చేశారు.రోహిత్‌ శర్మపైనే ఆ ఎఫెక్ట్‌!ఇదిలా ఉంటే.. భువీ ఎవరి పేర్లను ప్రస్తావించనప్పటికీ కోహ్లిని వ్యతిరేకించిన వాళ్లలో రోహిత్‌ శర్మ ముందున్నాడనే ప్రచారం గతంలో జరిగింది. కోహ్లి డిప్యూటీగా వ్యవహరించిన హిట్‌మ్యాన్‌.. యో-యో టెస్టు (ఫిట్‌నెస్‌)లో విఫలం కావడంతో 2017 ఇంగ్లండ్‌ పర్యటనలో అతడిని కేవలం వైట్‌బాల్‌ సిరీస్‌లకే ఎంపిక చేశారు.ఆ తర్వాత 2020-21లో ఆస్ట్రేలియాతో బోర్డర్‌-గావస్కర్‌ ట్రోఫీ సమయంలోనూ రోహిత్‌ శర్మ తొలి రెండు టెస్టులకు దూరమయ్యాడు. దీంతో రోహిత్‌- కోహ్లి మధ్య విభేదాలు తారస్థాయికి చేరాయనే విమర్శలు వచ్చాయి. అయితే, ఇవన్నీ వట్టి వదంతులేనని.. కేవలం జట్టు ప్రయోజనాలకు అనుగుణంగానే తాము వ్యవహరిస్తామని రో-కో పలు సందర్భాల్లో చెప్పకనే చెప్పారు.విజయవంతమైన కెప్టెన్‌కాగా ఆస్ట్రేలియా పర్యటన సందర్భంగా 2014లో టెస్టు పగ్గాలు చేపట్టిన కోహ్లి.. ర్యాంకింగ్స్‌లో ఏడో స్థానం నుంచి టీమిండియాను నంబర్‌ వన్‌ స్థానానికి చేర్చాడు. ఇంగ్లండ్‌, సౌతాఫ్రికా గడ్డ మీద విజయాలు అందించాడు. 2018-19లో తొలిసారి ఆస్ట్రేలియాలో టెస్టు సిరీస్‌లో భారత్‌ను గెలిపించాడు.భువీకి మద్దతుగా కోహ్లికోహ్లి కెప్టెన్సీలో టీమిండియా 68 టెస్టు మ్యాచ్‌లు ఆడి.. 40 గెలిచింది. ఇదిలా ఉంటే.. భువీకి మద్దతుగా నిలిచిన కోహ్లి.. అతడికి వరుస అవకాశాలు ఇచ్చాడు. అయితే, రోహిత్‌ శర్మ సారథిగా వ​చ్చిన తర్వాత భువీ కనుమరుగైపోయాడు. ప్రస్తుతం కోహ్లితో కలిసి ఐపీఎల్‌లో ఆర్సీబీకి ఆడుతున్న భువీ.. 2025,2026 సీజన్లలో జట్టు చాంపియన్‌గా నిలవడంలో కీలక పాత్ర పోషించాడు.ఇదిలా ఉంటే.. టీమిండియా సారథులుగా పనిచేసిన రో-కో.. ఇప్పటికే అంతర్జాతీయ టీ20, టెస్టులకు రిటైర్మెంట్‌ ప్రకటించారు. ఇద్దరూ వన్డే ప్రపంచకప్‌-2027 ఆడటమే లక్ష్యంగా కొనసాగుతున్నారు. ఇక నాడు కోహ్లి ఫిట్‌నెస్‌ మంత్రాకు అనుకూలంగా లేడన్న అపవాదు ఎదుర్కొన్న రోహిత్‌.. ఇటీవల పది కిలోలకు పైగా బరువు తగ్గి ఫిట్‌గా మారడం కొసమెరుపు.చదవండి: బాబర్‌ ఆజం సంచలన నిర్ణయం!

టీమిండియా దిగ్గజం సచిన్‌ టెండుల్కర్‌ ఇటీవల దాదాపు నాలుగు ఎకరాల భూమి కొన్నట్లు వార్తలు వచ్చాయి. మహారాష్ట్రలోని ప్రముఖ హిల్‌ స్టేషన్‌ లోనావాలాలో ఈ ముంబైకర్‌ 3.86 ఎకరాల భూమిని కొనుగోలు చేసినట్లు జాతీయ మీడియా వెల్లడించింది. దీని విలువ సుమారు రూ. 70 కోట్లకు పైగా ఉంటుందని అంచనా వేసింది.ఈ నేపథ్యంలో సచిన్‌తో సహా మిగతా టీమిండియా దిగ్గజాల విలాసవంతమైన జీవనశైలి, ఖరీదైన బంగ్లాలు, నివాస స్థలాలు, వాటి విలువ గురించి మరోసారి చర్చ మొదలైంది. మరి ఆ వివరాలు ఏమిటో మనమూ తెలుసుకుందామా?!PC: Instagramబాంద్రాలో సచిన్‌ లగ్జరీ హౌజ్‌ముంబైలోని ఖరీదైన ప్రాంతం బాంద్రాలో సచిన్‌ టెండుల్కర్‌కు అద్భుతమైన బంగ్లా ఉంది. ఆర్కిటెక్చరల్‌ డైజెస్ట్‌ ప్రకారం.. 2007లో రూ. 39 కోట్లకు ప్లాట్‌ కొన్న సచిన్‌.. అందులో తన కలల భవనాన్ని నిర్మించుకున్నాడు. దీని విలువ ప్రస్తుతం రూ. 100- 150 కోట్ల వరకు ఉంటుందని అంచనా.PC:Instagramరోహిత్‌ విలాసవంతమమైన ఇల్లురోహిత్‌ శర్మ 2015లో వర్లీలో సుమారు 6000 వేల చదరపు అడుగుల విస్తీర్ణం ఉన్న అపార్ట్‌మెంట్‌ కొనుగోలు చేశాడు. నాలుగు బెడ్‌రూమ్‌లు ఉన్న ఈ నివాసం.. అరేబియా సముద్ర తీరముఖం దిశగా ఉంటుంది. దీని విలువ రూ. 30 కోట్ల వరకు ఉంటుందని సమాచారం.యువరాజ్‌ సింగ్‌ ఖరీదైన బంగ్లాచండీగఢ్‌కు చెందిన యువరాజ్‌ సింగ్‌ కుటుంబంతో కలిసి ముంబైలోనే ఎక్కువగా నివాసం ఉంటాడు. వర్లీలో 2013లో అతడు ఓ నివాస సముదాయాన్ని కొనుగోలు చేశాడు. దీనిని విలువ రూ. 64 కోట్లు అని తెలుస్తోంది.PC:Instagramగురుగ్రామ్‌లో కోహ్లి విలాసవంతమైన నివాసంవిరాట్‌ కోహ్లికి గురుగ్రామ్‌లో ఖరీదైన ఆస్తి ఉంది. బిజినెస్‌ టుడే అందించిన వివరాల ప్రకారం.. దీనిని విలువ రూ. 80 కోట్లు ఉంటుందని అంచనా.PC: Sakshi Dhoni Instagramధోని ఏడెకరాల ఫామ్‌హౌజ్‌టైమ్స్‌ ఆఫ్‌ ఇండియా నివేదిక ప్రకారం.. స్వస్థలం రాంచిలో ధోనికి ఏడెకరాల ఫామ్‌హౌజ్‌ ఉంది. దీని పేరు కైలాష్‌పతి. ప్రకృతి రమణీయతతో కూడిన ఈ ప్రశాంతమైన స్థలంలో ధోని, అతడి భార్య సాక్షి, కుమార్తె జీవా ఎక్కువ సమయం గడుపుతూ ఉంటారు.PC: Sakshi Dhoni Instagramసేంద్రీయ వ్యవసాయంరాంచి రింగ్‌రోడ్‌కు సమీపంలో ఏడెకరాల స్థలంలో నిర్మించిన ఫామ్‌హౌజ్‌లో ధోని గ్యారేజీ ప్రత్యేకం. స్విమ్మింగ్‌పూల్‌, జిమ్‌, క్రికెట్‌ నెట్స్‌ కూడా ఉన్నాయి. ఇక ధోనికి ఇష్టమైన పెంపుడు కుక్కలు చాలానే ఉన్నాయి. ధోని ఇక్కడ సేంద్రీయ వ్యవసాయం చేస్తున్నట్లు సమాచారం. PC: Sakshi Dhoni Instagramస్ట్రాబెర్రీస్‌, జామ, పుచ్చకాయలతో పాటు కూరగాయలు, గోధుమ పండిస్తున్నట్లు తెలుస్తోంది. విశాలమైన స్థలంలో పాత, కొత్త మేళవింపుల శైలితో నిర్మితమైన ఈ ఫామ్‌హౌజ్‌ ధోని ఆస్తుల్లో విలువైనదిగా తెలుస్తోంది. ప్రస్తుత మార్కెట్‌ లెక్కల ప్రకారం రాంచి స్థలం, ఫామ్‌హౌజ్‌ విలువ కలిపి దాదాపు రూ. 100 కోట్లు ఉంటుందని అంచనా. PC: Sakshi Dhoni Instagram

వన్డే ప్రపంచకప్‌-2027 టోర్నీలో టీమిండియా దిగ్గజ కెప్టెన్‌ రోహిత్‌ శర్మ ఆడతాడా? లేదా?... ఇప్పటికీ ఈ విషయంపై స్పష్టత రాలేదు. భారత జట్టును 2023లో వన్డే వరల్డ్‌కప్‌ ఫైనల్‌కు చేర్చిన ఈ లెజెండరీ బ్యాటర్‌.. 2025లో చాంపియన్స్‌ ట్రోఫీ గెలిచాడు.అయితే, అనూహ్య రీతిలో చాంపియన్స్‌ ట్రోఫీలో జట్టును విజేతగా నిలిపిన తర్వాత భారత క్రికెట్‌ నియంత్రణ మండలి (BCCI) రోహిత్‌ శర్మను కెప్టెన్సీ నుంచి తప్పించింది. అతడి స్థానంలో శుబ్‌మన్‌ గిల్‌కు వన్డే పగ్గాలు అప్పగించింది. ఇక ఇప్పటికే అంతర్జాతీయ టీ20, టెస్టు ఫార్మాట్‌కు వీడ్కోలు పలికిన రోహిత్‌.. వన్డే జట్టులో ఆటగాడిగా కొనసాగుతున్నాడు.కానీ గత కొంతకాలంగా రోహిత్‌ వన్డే రిటైర్మెంట్‌పై కూడా ఊహాగానాలు వస్తూనే ఉన్నాయి. హిట్‌మ్యాన్‌ను కెప్టెన్సీ నుంచి తొలగించినప్పుడు.. అతడు 2027 వరల్డ్‌కప్‌ ఆడతాడని తమకు కచ్చితంగా చెప్పలేదంటూ చీఫ్‌ సెలక్టర్‌ అజిత్‌ అగార్కర్‌ చేసిన వ్యాఖ్యలే ఇందుకు కారణం.ఈ నేపథ్యంలో తాజాగా ఓ షోలో రోహిత్‌ శర్మ.. ‘non-committal?’ (నిబద్ధత లేదా అన్న అర్థంలో) అనే అక్షరాలు రాసి ఉన్న టీ-షర్టు ధరించడం వైరల్‌గా మారింది. జట్టు తరఫున ఆడేందుకు తాను పూర్తి నిబద్ధతో ఉన్నానని హిట్‌మ్యాన్‌ ఇప్పటికే స్పష్టం చేసిన సంగతి తెలిసిందే.ఇటీవల ఇంగ్లండ్‌లో జరిగిన లార్డ్స్‌ వన్డే రోహిత్‌ శర్మ అంతర్జాతీయ క్రికెట్‌లో చివరి మ్యాచ్‌ అనే ప్రచారం జరుగగా.. బ్యాట్‌తోనే హిట్‌మ్యాన్‌ ఇందుకు సమాధానం ఇచ్చాడు. ప్రఖ్యాత లార్డ్స్‌లో శతక్కొట్టి మరీ.. విమర్శకుల నోళ్లు మూయించాడు. అయితే, సెలక్టర్లే లీకులు ఇచ్చి మరీ ఈ వదంతులు వ్యాప్తి చేయించారన్న వార్తలు వచ్చాయి.ఇలాంటి తరుణంలో రోహిత్‌ ఇలాంటి టీ షర్టు ధరించడం విశేషం. ఇదిలా ఉంటే.. గురువారం నాటి ఈవెంట్లో ఓ ప్రేక్షకుడు.. ‘మీరు వన్డే వరల్డ్‌కప్‌-2027 ఆడతారా?’ అన్న ప్రశ్న అడుగగా.. ‘‘అక్టోబరు 2027కు ఇంకా చాలా సమయం ఉంది. అప్పుడు దాని గురించి ఆలోచిద్దాం’’ అని 39 ఏళ్ల రోహిత్‌ శర్మ బదులిచ్చాడు. కాగా సౌతాఫ్రికా-జింబాబ్వే- నమీబియా వన్డే వరల్డ్‌కప్‌ తాజా ఎడిషన్‌కు ఆతిథ్యం ఇచ్చేందుకు సిద్ధమయ్యాయి. Aa raha hai Hitman! 🤩Family Full House With Rohit Sharma!Shuru ho raha hai 19th September se raat 9:30 baje, sirf #SonyEntertainmentTelevision aur Sony LIV par.@ImRo45 #RohitSharma #FamilyFullHouse #ComingSoon #SonyTV pic.twitter.com/HIaw43il3d— sonytv (@SonyTV) September 8, 2026

టీమిండియా మాజీ కెప్టెన్ రోహిత్ శ‌ర్మ కొత్త అవ‌తారం ఎత్తాడు. సెప్టెంబ‌ర్ 19 నుంచి సోనీ ఎంట‌ర్‌టైన్‌మెంట్‌, సోనీ లివ్‌లో ప్ర‌త్య‌క్ష ప్ర‌సారం కానున్న కార్య‌క్ర‌మానికి వ్యాఖ్యాత‌గా వ్య‌వ‌హ‌రించనున్నాడు. రోహిత్ శ‌ర్మ హోస్ట్‌గా వ్య‌వ‌హ‌రించ‌నున్న షో పేరు "ఫ్యామిలీ ఫుల్‌హౌస్ విత్‌ రోహిత్ శ‌ర్మ‌". ఈ షోలో మ‌ల్టీ జ‌న‌రేష‌న్ టీమ్స్ పాల్గొన‌నున్నాయి. ఇప్ప‌టిదాకా మైదానంలో బ్యాట్ ప‌ట్టి అభిమానుల‌ను అల‌రించిన హిట్‌మ్యాన్ ఇక‌పై గ్రీన్ మ్యాట్‌పై షోకు విచ్చేసే కుటుంబాలు చెప్పే క‌థ‌ల‌ను కెమెరా, లైటింగ్‌ మధ్య విననున్నాడు. స్వ‌త‌హాగా మంచి మాట‌కారి అయిన రోహిత్‌ను షోకు హోస్ట్‌గా ఎంపిక చేయ‌డంతోనే సోనీ ఎంటర్‌టైన్‌మెంట్ స‌గం విజ‌యం సాధించేసింది. ఇక రోహిత్ త‌న కామెడీ టైమింగ్‌తో షోను ఎంత మేర నడిపిస్తాడ‌నేది చూడాలి. ఇప్ప‌టికే ప్రోగ్రామ్‌కు సంబంధించిన ప్రోమో క‌ట్స్‌, అందులో రోహిత్ చేస్తున్న అల్ల‌రి అభిమానుల‌ను పూర్తిగా ఆక‌ట్టుకుంది. ఈ నేప‌థ్యంలో రోహిత్ శ‌ర్మ ఆట‌కు పూర్తిగా రిటైర్మెంట్ ప్ర‌క‌టించిన త‌ర్వాత చేయ‌బోయే ప‌ని కూడా ఇదేన‌ని అభిమానులు స‌ర‌దాగా కామెంట్లు పెడుతున్నారు.ఇప్ప‌టికే టెస్టుల‌కు, టీ20ల‌కు వీడ్కోలు ప‌లికిన రోహిత్ శ‌ర్మ ప్ర‌స్తుతం వ‌న్డే ఫార్మాట్‌లో మాత్ర‌మే కొన‌సాగుతున్నాడు. 2027 వ‌న్డే వర‌ల్డ్‌క‌ప్ రోహిత్ శ‌ర్మ‌కు చివ‌రి టోర్నీ అయ్యే అవ‌కాశం లేక‌పోలేదు. కాగా రోహిత్ రిటైర్మెంట్‌పై ఊహాగానాలు వ‌స్తున్న నేప‌థ్యంలో బీసీసీఐ కార్య‌ద‌ర్శి దేవ‌జిత్ సైకియా రోహిత్ జ‌ట్టులో ఉంటాడ‌ని, అత‌డి గురించి అన‌వ‌స‌ర ఊహాగానాలు చేయ‌డం ఆపేయాల‌ని హిత‌వు ప‌లికాడు. ఇక రోహిత్ శ‌ర్మ టీమిండియా త‌ర‌ఫున త‌న చివ‌రి వ‌న్డే మ్యాచ్‌ను ఇంగ్లండ్‌తో ఆడాడు. లార్డ్స్ వేదికగా జ‌రిగిన చివ‌రి వ‌న్డేలో రోహిత్ సెంచ‌రీతో మెరిశాడు. ఓవ‌రాల్‌గా ఇంగ్లండ్‌తో సిరీస్‌లో మూడు వ‌న్డేలు క‌లిపి 175 ప‌రుగులు చేశాడు.Garden Se Reporting Live, Jersey No. 45 😉Family Full House With Rohit Sharma!Shuru ho raha hai 19th September se, sirf #SonyEntertainmentTelevision aur Sony LIV par.#RohitSharma#FamilyFullHouse#ComingSoon #SonyTV@ImRo45 pic.twitter.com/DGWRp6Epzv— sonytv (@SonyTV) September 5, 2026చదవండి: భారత్‌తో మ్యాచ్‌.. విజయం మాదే! పాక్‌ ప్లేయర్‌ సంచలన కామెంట్స్‌

భారత క్రికెట్‌ నియంత్రణ మండలి (బీసీసీఐ) సమీక్షా సమావేశం గురువారం ముంబైలో జరిగింది. టీమిండియా హెడ్‌కోచ్‌ గౌతం గంభీర్‌, బీసీసీఐ సెంటర్‌ ఆఫ్‌ ఎక్సలెన్స్‌ చీఫ్‌ వీవీఎస్‌ లక్ష్మణ్‌, వన్డే, టెస్టు జట్ల కెప్టెన్‌ శుబ్‌మన్‌ గిల్‌, టీ20 కెప్టెన్‌ శ్రేయస్‌ అయ్యర్‌ ఈ సమావేశానికి హాజరయ్యారు.అయితే, చీఫ్‌ సెలక్టర్‌ అజిత్‌ అగార్కర్‌ మాత్రం మీటింగ్‌కు రాలేదు. కాగా యూకే పర్యటనలో టీమిండియా ఘోర పరాభవాలు చవిచూసిన సంగతి తెలిసిందే. టీ20 సిరీస్‌లలో ఐర్లాండ్‌ చేతిలో 2-0, ఇంగ్లండ్‌ చేతిలో 4-0తో వైట్‌వాష్‌ అయిన భారత జట్టు.. ఇంగ్లండ్‌తో వన్డేల్లోనూ 1-2తో ఓటమిపాలైంది.రోహిత్‌ విషయంలో మరోసారి వదంతులుఈ నేపథ్యంలో జూలైలోనే సమీక్షా సమావేశం నిర్వహించాల్సి ఉండగా.. శ్రీలంక పర్యటన కారణంగా వాయిదా పడింది. అయితే, గురువారం జరిగిన ఈ రివ్యూ మీటింగ్‌లోనే టీమిండియా దిగ్గజం రోహిత్‌ శర్మ భవితవ్యంపై కూడా చర్చ జరుగనుందనే వార్తలు వచ్చాయి. వన్డే వరల్డ్‌కప్‌-2027 టోర్నీకి సెలక్టర్లు అతడి పేరును పరిగణనలోకి తీసుకోవడం లేదనే ఊహాగానాలు వినిపించాయి. రిటై ర్మెంట్‌ తీసుకునేలా అతడిపై ఒత్తిడి పెరిగిందనే రూమర్లు వినిపించాయి.ఆజ్యం పోయాలనుకోవడం లేదుఈ విషయంపై బీసీసీఐ కార్యదర్శి దేవజిత్‌ సైకియా స్పందించారు. సమావేశం అనంతరం మాట్లాడుతూ.. ‘‘రోహిత్‌ శర్మ బాగా ఆడుతున్నాడు. వదంతులకు నేను ఆజ్యం పోయాలనుకోవడం లేదు. అతడు అన్ని మ్యాచ్‌లలోనూ మంచి ప్రదర్శనలు ఇస్తున్నాడు.ఇంతకంటే ఇంకేం కావాలి? చివరగా లార్డ్స్‌లో ఆడిన వన్డేలో అతడు 130-140 పరుగులు సాధించాడు. అయినా ఇంకా ఎందుకీ ప్రచారం? వదంతులు వ్యాప్తి చేసే వారికి నేను ఊతం ఇవ్వాలని అనుకోవడం లేదు’’ అని సైకియా పేర్కొన్నారు. అయితే, వన్డే వరల్డ్‌కప్‌ టోర్నీలో రోహిత్‌ను కచ్చితంగా ఆడిస్తామని మాత్రం సైకియా చెప్పలేకపోయారు. దీంతో యాజమాన్యం తీరుపై అభిమానులలో మరోసారి సందేహాలు రేకెత్తాయి. ఇదిలా ఉంటే.. అజిత్‌ అగార్కర్‌ సమావేశానికి హాజరుకాకపోవడంపై కూడా సైకియా స్పందించారు. మీటింగ్‌ గురించి ముందుగా సమాచారం ఇవ్వలేకపోయామని.. అందుకే అగార్కర్‌ రాలేదని పేర్కొన్నారు. చదవండి: టీమిండియా హెడ్‌కోచ్‌గా వీవీఎస్‌ లక్ష్మణ్‌

రాయ‌ల్ ఛాలెంజ‌ర్స్ బెంగ‌ళూరు కెప్టెన్ రజత్ పాటిదార్ తన ఆల్ టైమ్ ఐపీఎల్ ప్లేయింగ్ ఎలెవన్‌ను ఎంచుకున్నాడు. తను ఎంపిక చేసిన జట్టులో ఓపెనర్లుగా ఆర్సీబీ దిగ్గజాలు క్రిస్ గేల్, విరాట్ కోహ్లికి పాటిదార్ అవకాశమిచ్చాడు. కాగా ఈ లెజెండరీ క్రికెటర్లకు ఐపీఎల్‌లో అద్భుతమైన రికార్డు ఉంది.గేల్ ఐపీఎల్‌లో ఓపెనర్‌గా 122 ఇన్నింగ్స్‌లలో 6 సెంచరీలు, 28 అర్ధసెంచరీలతో 4,489 పరుగులు సాధించాడు. విరాట్ 144 ఇన్నింగ్స్‌లలో ఏకంగా 5,684 పరుగులు నమోదు చేశాడు. ఇందులో 9 సెంచరీలు, 44 హాఫ్ సెంచరీలు ఉన్నాయి. ఇక మూడో స్ధానంలో ముంబై ఇండియ‌న్స్ స్టార్ బ్యాట‌ర్ సూర్య‌కుమార్ యాద‌వ్‌కు పాటిదార్ ఛాన్స్ ఇచ్చాడు. నాలుగు, ఐదు స్దానాల్లో ఐపీఎల్ లెజెండ్స్ సురేష్ రైనా, ఏబీ డివిలియర్స్‌కు చోటు ద‌క్కింది. ఆల్‌రౌండ‌ర్ల కోటాలో హార్దిక్ పాండ్యాను ర‌జ‌త్ ఎంపిక చేశాడు. అదేవిధంగా సీఎస్‌కే దిగ్గ‌జం ఎంఎస్ ధోనిని వికెట్ కీప‌ర్‌గా అవ‌కాశ‌మిచ్చాడు. ఈ ఆల్‌టైమ్ జ‌ట్టులో డేల్ స్టెయిన్, జ‌స్ప్రీత్ బుమ్రా పేస్ బౌలర్ల‌గా ఉండ‌గా.. చాహ‌ల్‌, సునీల్ న‌రైన్ స్పెష‌లిస్ట్ స్పిన్న‌ర్లగా చోటు సంపాదించుకున్నారు.అయితే ఈ ఆల్‌టైమ్ ప్లేయింగ్ ఎలెవ‌న్‌లో ముంబై ఇండియ‌న్స్‌ను ఐదు సార్లు ఛాంపియ‌న్‌గా నిలిపిన రోహిత్ శ‌ర్మ‌కు చోటు ద‌క్క‌క‌పోవడం ఫ్యాన్స్‌ను ఆశ్చ‌ర్య‌ప‌రిచింది. కాగా ఆర్సీబీ పాటిదార్ నాయ‌క‌త్వంలో బ్యాక్ టూ బ్యాక్ టైటిల్స్‌ను గెలిచిన సంగ‌తి తెలిసిందే.రజత్ పాటిదార్ ఆల్ టైమ్ IPL XI: క్రిస్ గేల్, విరాట్ కోహ్లి, సూర్యకుమార్ యాదవ్, సురేష్ రైనా, ఏబీ డివిలియర్స్, హార్దిక్ పాండ్యా, ఎంఎస్ ధోనీ, డేల్ స్టెయిన్, జస్ప్రీత్ బుమ్రా, యుజ్వేంద్ర చాహల్, సునీల్ నరైన్.

శ్రీలంకపై తొలి టెస్టులో భారత్‌కు 165 పరుగుల భారీ విజయాన్నందించిన కెప్టెన్ శుభ్‌మన్ గిల్ తన ఖాతాలో మరో అరుదైన రికార్డును వేసుకున్నాడు. తొలి 10 టెస్టుల్లో అత్యధిక విజయాలు (6) సాధించిన భారత కెప్టెన్ల జాబితాలో విరాట్ కోహ్లి (5), రోహిత్ శర్మ (5)ను వెనక్కు నెట్టి రెండో స్థానానికి ఎగబాకాడు. ఈ జాబితాలో ఎంఎస్‌ ధోని 7 విజయాలతో అగ్రస్థానంలో ఉండగా.. గిల్‌, సౌరవ్‌ గంగూలీ (6)తో కలిసి సంయుక్తంగా రెండో స్థానంలో నిలిచాడు.గిల్ కెప్టెన్సీ ప్రయాణంశుభ్‌మన్ గిల్ 2025లో ఇంగ్లండ్ టెస్టు సిరీస్‌తో భారత టెస్టు కెప్టెన్‌గా బాధ్యతలు చేపట్టాడు. ఆ సిరీస్‌లో భారత్ రెండు టెస్టులు గెలిచింది. అనంతరం వెస్టిండీస్‌పై 2-0 సిరీస్ విజయం, ఆతర్వాత ఆఫ్ఘనిస్తాన్‌పై ఏకైక టెస్టులో విజయం సాధించాడు. తాజాగా శ్రీలంకపై గాలే టెస్టులో విజయం సాధించడంతో అతని ఖాతాలో ఆరో విజయం చేరింది.గిల్‌ తాజా విజయానికి మరో ప్రత్యేకత కూడా ఉంది. భారత్‌కు ఇది 600వ టెస్ట్‌ మ్యాచ్‌. ఈ మ్యాచ్‌లో గెలవడం ద్వారా గిల్‌ చరిత్రలో తన పేరును ప్రత్యేకంగా లిఖించుకున్నాడు.ఈ గెలుపుతో భారత్‌ డబ్ల్యూటీసీ ఫైనల్‌ అవకాశాలను కూడా మెరుగుపర్చుకుంది. తొలి టెస్టుకు ముందు భారత్ PCT 48.15%గా ఉండగా, శ్రీలంకపై విజయం తర్వాత అది 53.55%కి పెరిగింది. PCT శాతం పెరిగినప్పటికీ భారత్ ఐదో స్థానంలోనే కొనసాగుతోంది. నాలుగో స్థానంలో ఉన్న బంగ్లాదేశ్‌తో భారత్‌కు ఇంకా గణనీయమైన తేడా ఉంది.ఈ సైకిల్‌లో భారత్ ఫైనల్ రేసులో నిలవాలంటే మిగిలిన 8 మ్యాచ్‌ల్లో భారీగా విజయాలు సాధించాల్సి ఉంటుంది. భారత్‌ తదుపరి శ్రీలంకతో మరో టెస్టు, న్యూజిలాండ్‌తో రెండు టెస్టులు, ఆస్ట్రేలియాతో స్వదేశంలో ఐదు టెస్టులు ఆడాల్సి ఉంది. ఇందులో కనీసం 6 టెస్టులు గెలిస్తే భారత్‌కు ఫైనల్ చేరే అవకాశాలు బలపడతాయి.ఆధిక్యంలోకి వెళ్లిన భారత్‌రెండు మ్యాచ్‌ల సిరీస్‌ కోసం​ శ్రీలంకలో పర్యటిస్తున్న భారత్‌ తొలి టెస్ట్‌ విజయంతో సిరీస్‌లో 1-0 ఆధిక్యంలోకి వెళ్లింది. రెండో టెస్ట్‌ ఆగస్టు 23న కొలంబోలో ప్రారంభం కానుంది.చెలరేగిన పడిక్కల్‌, సుతార్‌లంకపై తొలి టెస్ట్‌ విజయంలో దేవదత్‌ పడిక్కల్‌, మానవ్‌ సుతార్‌ కీలకపాత్రలు పోషించారు. బ్యాటింగ్‌లో పడిక్కల్‌ (167, 44), బౌలింగ్‌లో సుతార్‌ (10 వికెట్లు) చెలరేగిపోయారు. సుతార్‌ రెండో ఇన్నింగ్స్‌లో (6-55) అద్భుతంగా బౌలింగ్‌ చేసి, 372 పరుగుల లక్ష్య ఛేదనకు దిగిన శ్రీలంకను 206 పరుగులకే ఆలౌట్‌ అయ్యేలా చేశాడు.

అజింక్యా రహానే ఇటీవలే అంతర్జాతీయ క్రికెట్‌కు రిటైర్మెంట్ ప్రకటించిన సంగతి తెలిసిందే. టెస్టుల్లో ‍స్వదేశంలో కంటే విదేశీ టూర్లలో ఎక్కువగా రాణించిన రహానే సంతృప్తిగానే వీడ్కోలు పలికినట్లు పేర్కొన్నాడు. అయితే తాను రిటైర్మెంట్ నిర్ణయాన్ని వెల్లడించిన సమయంలో సచిన్‌, కోహ్లి, రోహిత్‌లు తనకు ఫోన్‌కాల్ చేసి నిర్ణయంపై పునరాలోచన చేయాలని తెలిపారు. కానీ ఆ ముగ్గురికి తాను ఒకటే సమాధానం చెప్పానని, ఇష్టపూర్వకంగానే తాను ఆటకు వీడ్కోలు పలుకుతున్నట్లు వాళ్లకు చెప్పానని రహానే చెప్పుకొచ్చాడు. వీళ్లతో పాటు ఇర్ఫాన్ పఠాన్‌, బుమ్రా నుంచి కూడా తనకు సందేశాలు వచ్చాయని తెలిపాడు. రిటైర్మెంట్ వీడియోనూ పోస్టు చేసిన తర్వాత తనకు మొదటి కాల్ సచిన్ టెండూల్కర్ నుంచి వచ్చిందని రహానే వెల్లడించాడు.'రహానే.. నువ్ ఇంకా ఎక్కువ కాలం అంతర్జాతీయ క్రికెట్ ఆడతావు అనుకున్నా' అని సచిన్ చెప్పినట్లు తెలిపాడు. ఇకపై క్రికెట్‌ను సాగదీయకుండా, ఎలాంటి అసంతృప్తి లేకుండా కెరీర్‌ ముగించాలనే నిర్ణయం తీసుకున్నానని సచిన్‌కు చెప్పినట్లు రహానే పేర్కొన్నాడు. ఇక మాజీ క్రికెటర్ ఇర్ఫాన్ పఠాన్ కూడా రహానేకి ఫోన్ చేసి మాట్లాడాడు. మరోవైపు విరాట్ కోహ్లి, రోహిత్ శర్మ, జస్‌ప్రీత్ బుమ్రా, చతేశ్వర్ పుజారా వంటి ఆటగాళ్లు రహానేకి మెసేజెస్ అండ్ కాల్స్ చేశారు. అయితే వీరందరికీ రహానే ఒకటే సమాధానం ఇచ్చినట్లు తెలిపాడు. క్రికెట్‌కు తాను పూర్తిగా న్యాయం చేశాననే సంతృప్తితో ఉన్నానని, తన నిర్ణయంపై ఎలాంటి పశ్చాత్తాపం లేదని స్పష్టం చేసినట్లు రహానే వెల్లడించాడు.కోహ్లి, పుజరాలతో ఉన్న బంధం గురించి రహానే స్పందించాడు. ‘దేశీయ క్రికెట్‌లో నేను, పుజారా చాలా కాలం కలిసి ఆడాము. అయితే, భారత్ తరఫున ఆడుతున్నప్పుడు నేను, విరాట్ ఎక్కువ సమయం కలిసి గడిపాము. కానీ మా మధ్య బంధం చాలా బలంగా ఉండేది. భారత టెస్ట్ జట్టును అగ్రస్థానానికి తీసుకెళ్లడమే మా ఉమ్మడి లక్ష్యం. 2015లో ఆరో, ఏడో ర్యాంకులో ఉన్న మేము, క్రమంగా నంబర్ 1 టెస్ట్ జట్టుగా ఎదిగాము. మేము నిరంతరం ఆట గురించి చర్చించుకుంటూ, విశ్లేషించుకుంటూ, ఒకరి నుంచి ఒకరు నేర్చుకుంటూ బలమైన బంధాన్ని ఏర్పరచుకున్నాము. చాంపియన్లుగా మారకముందు, టెస్టుల్లో మేమిద్దరం కలిసి క్లిష్ట పరిస్థితులను ఎదుర్కొన్నాము. అది ఎంతో ఆనందాన్నిచ్చింది.’ అని చెప్పుకొచ్చాడు.రహానే తన 15 ఏళ్ల కెరీర్‌లో భారత్ తరపున 85 టెస్టులు, 90 వన్డేలు, 20 టీ20లు ఆడాడు. అంతర్జాతీయ క్రికెట్‌లో అన్ని ఫార్మాట్లలో కలిపి 8414 పరుగులు చేశాడు. అందులో 5077 రన్స్ టెస్ట్ క్రికెట్‌లో సాధించినవే కావడం గమనార్హం. అతడి పేరిట 12 టెస్టు సెంచరీలు ఉన్నాయి.చదవండి: విండీస్ ఆశ‌ల‌పై నీళ్లు చ‌ల్లిన అఫ్గానిస్తాన్‌

వన్డే ప్రపంచకప్‌-2027 టోర్నీలో ఆడబోయే భారత ఓపెనింగ్‌ జోడీ ఎవరన్న అంశంపై చర్చ కొనసాగుతోంది. చాలా ఏళ్లుగా దిగ్గజ బ్యాటర్‌ రోహిత్‌ శర్మ- శుబ్‌మన్‌ గిల్‌ వన్డే ఓపెనర్లుగా కొనసాగుతున్నారు. కెప్టెన్‌గా రోహిత్‌ శర్మ స్థానాన్ని భర్తీ చేసిన తర్వాత గిల్‌.. ఇటీవల అఫ్గానిస్తాన్‌తో సిరీస్‌లో మాత్రం వన్‌డౌన్‌లో వచ్చాడు.గిల్‌కు బదులుగిల్‌కు బదులు యశస్వి జైస్వాల్‌ అఫ్గాన్‌తో మ్యాచ్‌లో రోహిత్‌తో పాటు ఓపెనింగ్‌ చేశాడు. రెగ్యులర్‌ వన్‌డౌన్‌ బ్యాటర్‌ విరాట్‌ కోహ్లి వ్యక్తిగత కారణాలతో జట్టుకు దూరం కావడం వల్ల జైసూకు జట్టులో చోటు దక్కగా.. గిల్‌ అతడిని ఓపెనర్‌గా ప్రమోట్‌ చేసి.. తాను వన్‌డౌన్‌లో వచ్చాడు.మరోవైపు.. లార్డ్స్‌లో ఇటీవల ఇంగ్లండ్‌తో జరిగిన మూడో వన్డేనే రోహిత్‌ కెరీర్‌లో ఆఖరి అంతర్జాతీయ మ్యాచ్‌ అనే ప్రచారం జరిగింది. అయితే, బీసీసీఐతో పాటు రోహిత్‌ ఈ వదంతుల్ని కొట్టిపారేశాడు. లార్డ్స్‌లో సెంచరీతో కదం తొక్కి తన విలువేంటో చాటుకున్నాడు హిట్‌మ్యాన్‌. అయినప్పటికీ వన్డే వరల్డ్‌కప్‌లో ఆడించే విషయంలో యాజమాన్యం ఇప్పటికైతే స్పష్టమైన సమాచారం ఇవ్వలేదని తెలుస్తోంది.ఈ పరిణామాల నేపథ్యంలో యశస్వి జైస్వాల్‌తో పాటు రుతురాజ్‌ గైక్వాడ్‌ పేరు తెరమీదకు వచ్చింది. వీరిద్దరిలో ఒకరు బ్యాకప్‌ ఓపెనర్‌గా వరల్డ్‌కప్‌ జట్టులో చోటు దక్కించుకోవచ్చనే అభిప్రాయాలు వ్యక్తమవుతున్నాయి. ఈ నేపథ్యంలో టీమిండియా మాజీ ఓపెనర్‌, కామెంటేటర్‌ ఆకాశ్‌ చోప్రా మాత్రం భిన్నంగా స్పందించాడు. ఆ ఇద్దరికి చోటు దక్కదు‘‘నిజానికి రుతురాజ్‌ గైక్వాడ్‌ రెండు పనులు చేయగలడు. ఓపెనర్‌గా, మిడిలార్డర్‌లోనూ రాణించగలడు. అతడు పక్కా ఓపెనింగ్‌ బ్యాటర్‌. కానీ టీమిండియాకు అవసరమైనపుడు మిడిలార్డర్‌లోనూ ఆడాడు.ఆ స్థానంలో ఫిఫ్టీ, సెంచరీ బాదాడు. మరోవైపు.. యశస్వి జైస్వాల్‌ ఇందుకు విరుద్ధం. అతడు కేవలం బ్యాకప్‌ ఓపెనర్‌గా మాత్రమే ఉండగలడు. ఏదేమైనా ప్రపంచకప్‌ జట్టులో వీరిద్దరికి స్థానం దక్కదని నేను నమ్ముతున్నాను’’ అని ఆకాశ్‌ చోప్రా పేర్కొన్నాడు.ఇక ప్రపంచకప్‌ జట్టులో ఇద్దరు సీమ్‌ బౌలింగ్‌ ఆల్‌రౌండర్లతో పాటు.. ఇద్దరు స్పిన్‌ బౌలింగ్‌ ఆల్‌రౌండర్లకు చోటు ఇవ్వాలని ఆకాశ్‌ చోప్రా అభిప్రాయపడ్డాడు. ‘‘పేస్‌ బౌలింగ్‌ ఆల్‌రౌండర్ల కోటాలో హార్దిక్‌ పాండ్యా, నితీశ్‌ కుమార్‌ రెడ్డి.. స్పిన్‌ బౌలింగ్‌ ఆల్‌రౌండర్ల కోటాలో రవీంద్ర జడేజా, అక్షర్‌ పటేల్‌ ఉంటారు.ఇక ఇద్దరు వికెట్‌ కీపర్‌ బ్యాటర్లుగా కేఎల్‌ రాహుల్‌, ఇషాన్‌ కిషన్‌ లేదంటే రిషభ్‌ పంత్‌ స్థానం దక్కించుకుంటారు. టాపార్డర్‌ ఎలాగో మారదు. కాబట్టి రుతురాజ్‌ గైక్వాడ్‌ లేదంటే యశస్వి జైస్వాల్‌కు జట్టులో చోటు దక్కే అవకాశాలు తక్కువ’’ అని ఆకాశ్‌ చోప్రా చెప్పుకొచ్చాడు. అయితే, మిడిలార్డర్‌లో మాత్రం రుతుకు బ్యాకప్‌ బ్యాటర్‌గా చోటు దక్కే అవకాశం లేకపోలేదని పేర్కొన్నాడు.చదవండి: భారత జట్టు దక్షిణాఫ్రికా పర్యటనలో మార్పు!

చాయ్‌వాలాజ్ (Chaiwalaz) వ్యవస్థాపకుడు రోహిత్ శర్మ (Rohit Sharma) మృతి చెందారు. రాజస్థాన్‌లోని దౌసాలో ఉన్న తన నివాసంలో ఆయన ఆత్మహత్య చేసుకున్నట్లు పోలీసులు వెల్లడించారు. కేవలం 30 ఏళ్ల వయస్సులోనే ఆయన మృతి చెందడం పలువురిని దిగ్భ్రాంతికి గురిచేసింది.సాకేత్ కాలనీలో నివసించే రోహిత్ శర్మ శనివారం మధ్యాహ్నం ఇంట్లో ఉరివేసుకున్నట్లు పోలీసులు వెల్లడించారు. కుటుంబ సభ్యులు తలుపులు పగలగొట్టి లోపలికి వెళ్లి ఆయనను కిందకు దించి వెంటనే ఆసుపత్రికి తరలించారు. కానీ అప్పటికే ఆయన మరణించినట్లు వైద్యులు ప్రకటించారు.రోహిత్ శర్మ తండ్రి హితేంద్ర మోహన్ శర్మ మెడికల్ షాప్ నిర్వహిస్తున్నారు. ఆయన భార్య ఓ ప్రైవేట్ స్కూల్‌లో ఉపాధ్యాయురాలిగా పనిచేస్తున్నారు. ఈ దంపతులకు ఏడేళ్ల కుమారుడు ఉన్నాడు.శర్మ సుమారు ఆరు నెలల క్రితం తన ఏడు 'చాయ్‌వాలాజ్' అవుట్‌లెట్‌లన్నింటినీ మూసివేసి, ఆధ్యాత్మికత వైపు మళ్లారు. ఆ కాలంలో ఆయన పలు పుణ్యక్షేత్రాలను సందర్శిస్తూ కనిపించారు. వ్యాపారాన్ని నడపడంతో పాటు, శర్మ దౌసాలో సామాజిక సేవా కార్యక్రమాలలో కూడా పాలుపంచుకునేవారు.చిన్న వయస్సులోనే పెద్ద కలలు కన్న రోహిత్ శర్మ, కేవలం 17 ఏళ్లకే తన వ్యాపార ప్రయాణాన్ని ప్రారంభించారు. నర్సింగ్ చదువుతూనే జైపూర్‌లో ‘చాయ్‌వాలాజ్’ అనే టీ స్టార్టప్‌ను ప్రారంభించారు. మొదట మానసరోవర్‌లోని షిప్రా పాత్ ప్రాంతంలో తన తొలి టీ కేఫ్‌ను ఏర్పాటు చేశారు. అక్కడ లభించిన ఆదరణతో వ్యాపారాన్ని క్రమంగా విస్తరించారు.

టీమిండియా స్టార్‌ ఆల్‌రౌండర్‌ హార్దిక్‌ పాండ్యా ప్రస్తుతం ఆటకు దూరంగా ఉన్నాడు. గాయం నుంచి కోలుకుంటున్న అతడు ప్రస్తుతం జాతీయ అకాడమీలో పునరావాసం పొందుతున్నాడు. ఫిట్‌నెస్‌ సాధించే క్రమంలో ఈ ముంబైకర్‌ మకాంను పూర్తిగా బెంగళూరుకు మార్చేశాడు.హోదా, పేరు కోసం ఆడనుఈ నేపథ్యంలో తాజాగా ఎస్జీటీవీతో మాట్లాడిన హార్దిక్‌ పాండ్యా టీమిండియా కెప్టెన్సీ గురించి ఆసక్తికర వ్యాఖ్యలు చేశాడు. ‘‘జట్టుకు నాయకుడిగా ఉండాలని చెప్పినపుడు నేను ఏమాత్రం సంకోచించలేదు. నాపై నాకు పూర్తి నమ్మకం ఉంది. సారథిగా హోదా, పేరు కోసం నేను ఆడను.జట్టు కోసం మాత్రమే ఆడతాను. ఒక నాయకుడిగా నేనెంత శక్తిమంతుడనో నాకు తెలుసు. కాబట్టి కెప్టెన్సీ అనేది పెద్ద విషయం కాదు. నాయకుడిని కాకపోయినా జట్టులోని మిగిలిన సభ్యులు నా మాట వినేందుకు ఎల్లప్పుడూ సిద్ధంగానే ఉంటారు.కాబట్టి ప్రతీసారి మనకి కెప్టెన్‌ హోదా అనేది అవసరం లేదు. ఏదేమైనా జాతీయ జట్టుకు సారథ్యం వహించడం అదృష్టం. గొప్ప గౌరవం. ప్రతీ ఆటగాడు టీమిండియాకు ఆడటం మొదలుపెట్టిన నాటి నుంచే ఏదో ఒకరోజు కెప్టెన్‌ కావాలనే కల కంటాడు.ఆ అనుభూతి ఐదు నిమిషాలు మాత్రమేనిజంగానే టీమిండియా సారథిగా వ్యవహరించడం గొప్ప విషయం. అయితే, ఆ అనుభూతి ఐదు నిమిషాలు మాత్రమే. ఆతర్వాత జట్టు కోసం ఆటగాడిగానూ మనం చేయగలమన్న విషయంపైనే మనసు కేంద్రీకృతమై ఉంటుంది.అయితే, ఆ ఐదు నిమిషాల ఫీలింగ్‌ను వర్ణించడానికి మాటలు సరిపోవు. కానీ ఎప్పుడు పదవి మన చేజారిపోతుందో తెలియదు. కాబట్టి దానిపై పెద్దగా ఆశలు పెట్టుకోకూడదు’’ అని హార్దిక్‌ పాండ్యా పేర్కొన్నాడు.కాగా 2022లో హార్దిక్‌ పాండ్యా ఐర్లాండ్‌లో తొలిసారి టీమిండియా కెప్టెన్‌గా వ్యవహరించాడు. మొత్తంగా 19 మ్యాచ్‌లలకు అతడు సారథ్యం వహించాడు. హార్దిక్‌ కెప్టెన్సీలో 16 టీ20 మ్యాచ్‌లలో పది గెలిచిన భారత్‌.. ఐదింట ఓడిపోయింది. ఒక మ్యాచ్‌ ఫలితం తేలకుండా ముగిసిపోయింది.హార్దిక్‌కు బదులు సూర్యకు..తద్వారా హార్దిక్‌ టీ20లలో 62 శాతం విజయాలు సాధించిన టీమిండియా సారథిగా నిలిచాడు. ఇక హార్దిక్‌ పాండ్యా నేతృత్వంలో మూడు వన్డేలు ఆడిన టీమిండియా రెండు గెలిచింది. ఇదిలా ఉంటే.. టీ20 ప్రపంచకప్‌-2024లో టీమిండియాను చాంపియన్‌గా నిలిపిన తర్వాత రోహిత్‌ శర్మ అంతర్జాతీయ పొట్టి ఫార్మాట్‌కు గుడ్‌బై చెప్పాడు.ఈ క్రమంలో హార్దిక్‌కే పగ్గాలు అప్పగిస్తారని అంతా భావించారు. కానీ అనూహ్యంగా రోహిత్‌ స్థానంలో సూర్యకుమార్‌ యాదవ్‌ను టీ20 కెప్టెన్‌గా నియమించింది యాజమాన్యం. అరుదైన పేస్‌ బౌలింగ్‌ నైపుణ్యాలున్న హార్దిక్‌ పాండ్యాపై అదనంగా కెప్టెన్సీ భారం పడకుండా ఉండేందుకే ఈ నిర్ణయం తీసుకున్నట్లు చీఫ్‌ సెలక్టర్‌ అజిత్‌ అగార్కర్‌ అప్పట్లో తెలిపాడు.జట్టులో స్థానమే లేదుఇక 2026లో భారత్‌ను టీ20 ప్రపంచకప్‌ విజేతగా నిలిపాడు సూర్యకుమార్‌ యాదవ్‌. అయితే, ఆ వెంటనే అతడిని కెప్టెన్సీ నుంచి తప్పించడంతో పాటు.. జట్టులోనే చోటు లేకుండా చేశారు సెలక్టర్లు. ఈ పరిణామాల నేపథ్యంలో హార్దిక్‌ పాండ్యా తాజా వ్యాఖ్యలు వైరల్‌గా మారాయి.చదవండి: ఇంగ్లండ్‌ గడ్డ మీద ఇరగదీస్తున్న కుల్దీప్‌ యాదవ్‌

టీమిండియా సీనియ‌ర్ క్రికెట‌ర్ రోహిత్ శ‌ర్మ కొత్త లుక్ సోష‌ల్ మీడియాలో ట్రెండింగ్‌లో నిలిచింది. శుక్ర‌వారం భారత మాజీ క్రికెట‌ర్ ర‌విశాస్త్రితో క‌లిసి దిగిన ఫొటోలో రోహిత్ శ‌ర్మ క్లీన్ షేవ్‌తో క‌నిపించి ఆశ్చ‌ర్య‌ప‌రిచాడు. దీంతో వ‌యసులో రోహిత్ శ‌ర్మ‌ ఒక ప‌దేళ్లు వెన‌క్కి మ‌ళ్లిన‌ట్లుగా అనిపించింది. ఇక ర‌విశాస్త్రి కూడా రోహిత్ కొత్త లుక్‌పై ఆస‌క్తిక‌ర పోస్టును పెట్టాడు. రోహిత్‌ను ఇలా చూస్తుంటే చాలా రిలాక్స్‌గా అనిపిస్తోంది అని కామెంట్ చేశాడు.ఇటీవ‌లే ఇంగ్లండ్‌తో జ‌రిగిన వ‌న్డే సిరీస్‌లో రోహిత్ శ‌ర్మ సూప‌ర్ సెంచ‌రీతో మెరిశాడు. ఇంగ్లండ్‌తో జ‌రిగిన చివ‌రి వ‌న్డేలో 39 ఏళ్ల రోహిత్ 110 బంతుల్లో 138 ప‌రుగులతో రాణించాడు. అయితే ఇంగ్లండ్‌తో వ‌న్డే సిరీస్ స‌మ‌యంలోనే అత‌డి రిటైర్మెంట్‌పై ఊహాగానాలు వ‌చ్చాయి. రోహిత్ శ‌ర్మ త‌న‌పై వ‌చ్చిన వార్త‌ల‌ను కొట్టిపారేయ‌గా, బీసీసీఐ కూడా 2027 వ‌న్డే ప్ర‌పంచ‌క‌ప్ ప్రణాళిక‌ల్లో రోహిత్ టీమిండియా జ‌ట్టులో స‌భ్యుడిగా ఉంటాడ‌ని కుండ‌బ‌ద్ద‌లు కొట్ట‌డంతో రిటైర్మెంట్ వార్త‌ల‌న్నీ పుకార్లేన‌ని తేలిపోయింది. ఇక కోహ్లితో పాటు రోహిత్ 2027 వ‌న్డే ప్ర‌పంచ‌క‌ప్ ఆడ‌నున్నాడు. ద‌క్షిణాఫ్రికా, జింబాబ్వే, న‌మీబియా సంయుక్తంగా ఆతిథ్య‌మిస్తున్న వ‌న్డే ప్ర‌పంచ‌క‌ప్ వ‌చ్చే ఏడాది అక్టోబ‌ర్-న‌వంబ‌ర్‌లో జ‌ర‌గ‌నుంది. ఇక రోహిత్ శ‌ర్మ సెప్టెంబ‌ర్‌లో వెస్టిండీస్‌తో జ‌ర‌గ‌నున్న మూడు మ్యాచ్‌ల వ‌న్డే సిరీస్‌లో ద‌ర్శ‌న‌మివ్వ‌నున్నాడు. Great bumping into a relaxed Shaaaarma on a stroll in London @ImRo45 pic.twitter.com/g3NSLef3n5— Ravi Shastri (@RaviShastriOfc) July 31, 2026His transformation is WOW. He is definitely aiming- The unfinished man is more dangerous than a new potential man.— Vinod Joshi (@Vinod_Joshii) July 31, 2026Rohit looks young, just like before pic.twitter.com/sqxZLQpwOv— GB (@GB80000) July 31, 2026చదవండి: ఇటలీ దిగ్గజ ఫుట్‌బాలర్ కన్నుమూత

అజింక్య రహానే రిటైర్మెంట్‌పై భార‌త సీనియ‌ర్ క్రికెట‌ర్ రోహిత్ శ‌ర్మ ఆల‌స్యంగా స్పందించాడు. రోహిత్‌తో పాటు సూర్య‌కుమార్ యాద‌వ్ కూడా ర‌హానేకు బెస్ట్ విషెస్ చెప్పాడు. మాజీ కెప్టెన్‌ రోహిత్ శర్మ‌.. రహానేతో కలిసి గడిపిన రోజులను గుర్తు చేసుకుంటూ భావోద్వేగంతో స్పందించాడు. 'మేమిద్దరం చాలా ఏళ్ల పాటు డ్రెస్సింగ్ రూమ్‌ను పంచుకున్నాం. రహానే ఎంత కష్టపడతాడో నాకు బాగా తెలుసు. నువ్వు సాధించిన విజయాలు అద్భుతం. నీ నిబద్ధత, వృత్తిపట్ల అంకితభావం నిజంగా ప్రత్యేకమైనవి. అద్భుతమైన కెరీర్‌కు అభినందనలు. నీ భవిష్యత్తు మరింత విజయవంతంగా ఉండాలని కోరుకుంటున్నా. ఆల్ ది బెస్ట్' అని రోహిత్ వెల్ల‌డించాడు.ఇక టీమిండియా టీ20 స్పెష‌లిస్ట్ సూర్యకుమార్ యాదవ్ కూడా రహానేకు భావోద్వేగ సందేశం పంపాడు. 'అజ్జూ భాయ్.. నీతో కలిసి మైదానంలోనూ, డ్రెస్సింగ్ రూమ్‌లోనూ గడపడం నాకు గౌరవంగా భావిస్తున్నా. నీ ప్రశాంత స్వభావం, ఆటపట్ల అంకితభావం అద్భుతం. నువ్వు ఎప్పుడూ మాకు స్ఫూర్తిగా నిలిచావు. నీ జీవితంలోని రెండో ఇన్నింగ్స్ కూడా అంతే విజయవంతంగా, సంతోషంగా సాగాలని నీకు, నీ కుటుంబ సభ్యులకు ఇదే నా ప్ర‌త్యేక శుభాకాంక్ష‌లు' అని సూర్య చెప్పుకొచ్చాడు. ప్ర‌స్తుతం ర‌హానే హండ్రెడ్ కాంపిటీష‌న్‌లో కామెంటేట‌ర్‌గా వ్య‌వ‌హ‌రిస్తున్నాడు. అక్క‌డి నుంచే త‌న సోష‌ల్ మీడియా అకౌంట్ ద్వారా రిటైర్మెంట్ వార్త‌ను పంచుకున్నాడు. జెర్సీ నెంబ‌ర్ 278కి వీడ్కోలు అంటే ర‌హానే ఒక వీడియోను సోష‌ల్‌మీడియాలో షేర్ చేసుకున్నాడు. ఆ త‌ర్వాత త‌న రిటైర్మెంట్‌పై భావోద్వేగ సందేశాన్ని వినిపించాడు. ఈ సందర్భంగా అతడి సహచరులు, దిగ్గజ క్రికెటర్లు ర‌హానే కెరీర్‌ను కొనియాడుతూ ప్ర‌త్యేక శుభాకాంక్షలు తెలిపారు.ఫస్ట్ క్లాస్‌లో నిలకడగా రాణించిన రహానే 2013లో ఆస్ట్రేలియాపై మ్యాచ్‌తో టెస్టులో అరంగేట్రం చేశాడు. తన డిఫెన్స్, నిబద్ధతో ర‌హానే అనతికాలంలోనే జట్టులో కీలక ఆటగాడిగా ఎదిగాడు. 15 ఏళ్ల అంత‌ర్జాతీయ కెరీర్‌లో ర‌హానే 85 టెస్టుల్లో 5,077 ప‌రుగులు చేశాడు. ఇందులో 12 సెంచ‌రీలు, 26 అర్ధ‌సెంచ‌రీలున్నాయి. ఇక 90 వ‌న్డే మ్యాచ్‌ల్లో 2,962 ప‌రుగులు సాధించిన ర‌హానే ఖాతాలో మూడు సెంచ‌రీలు, 24 అర్ధ‌శ‌తకాలు ఉన్నాయి. టీ20 క్రికెట్‌లో 20 మ్యాచ్‌లాడిన ర‌హానే 375 ప‌రుగులు సాధించాడు. ఇందులో ఒక ఫిఫ్టీ ఉంది. We've shared the dressing room for so many years and I know how much hard work has gone into everything you've achieved. Your commitment and professionalism have always set you apart. Congratulations on a wonderful career. Best wishes! @ajinkyarahane88 pic.twitter.com/r7eXb1yrUz— Rohit Sharma (@ImRo45) July 30, 2026Read: పక్కలో బల్లెంలా తయారయ్యాడు.. పంత్ కెరీర్‌కు ఎండ్‌కార్డ్‌!

వచ్చే ఏడాది మరో ఐసీసీ మెగా టోర్నమెంట్‌ క్రికెట్‌ ప్రేమికులను అలరించనుంది. సౌతాఫ్రికా, జింబాబ్వే, నమీబియా వేదికలుగా అక్టోబరు- నవంబరు మధ్య వన్డే ప్రపంచకప్‌-2027 నిర్వహణకు షెడ్యూల్‌ ఖరారైంది. ఈ నేపథ్యంలో టీమిండియా బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మపైనే కళ్లన్నీ నిలిచాయి.రో-కో ఆడతారా?వీరిద్దరు ఈ మెగా టోర్నీ ఆడతారా? లేదా అన్న సందేహాలు అభిమానుల్లో నెలకొన్నాయి. అయితే, ఇటీవల మంచి ఫామ్‌తో అలరిస్తున్న రో-కో తాము మాత్రం ప్రపంచకప్‌ టోర్నీకి సిద్ధంగా ఉన్నామని బలమైన సంకేతాలు ఇచ్చారు. యాజమాన్యం కూడా అనుభవానికి పెద్దపీట వేసి రోహిత్‌- కోహ్లిని ఆడించే అవకాశాలు ఎక్కువగానే ఉన్నాయి.ఊహించని పేరు!ఈ నేపథ్యంలో భారత స్పిన్‌ దిగ్గజం రవిచంద్రన్‌ అశ్విన్‌ కీలక వ్యాఖ్యలు చేశాడు. వెటరన్‌ ఫాస్ట్‌ బౌలర్‌ భువనేశ్వర్‌ కుమార్‌ను వన్డే ప్రపంచకప్‌ టోర్నీలో పాల్గొనే భారత జట్టుకు ఎంపిక చేయాలని సెలక్టర్లకు విజ్ఞప్తి చేశాడు. సౌతాఫ్రికాలో భువీ సేవలు జట్టుకు అవసరమని అభిప్రాయపడ్డాడు.ఈఎస్‌పీఎన్‌క్రిక్‌ఇన్ఫోతో మాట్లాడుతూ.. ‘‘అవును భువనేశ్వర్‌ కుమార్‌ ప్రపంచకప్‌ జట్టులో ఉండాలి. నేను అతడితో ఈ విషయం గురించి మాట్లాడతాను. దేశీ​ క్రికెట్‌లో భువీ అన్ని టోర్నీలు ఆడాలి. ఫస్ట్‌క్లాస్‌ క్రికెట్‌, వన్డే టోర్నీ విజయ్‌ హజారే ట్రోఫీ.. ఇలా అన్నీ ఆడాలి.అక్కడ సత్తా చాటితే సౌతాఫ్రికాకు తప్పక వెళ్లగలడు. అక్కడ జట్టుకు అతడి అవసరం ఎంతగానో ఉంటుంది’’ అని అశూ పేర్కొన్నాడు. కాగా 36 ఏళ్ల భువనేశ్వర్‌ కుమార్‌ 2022లో చివరగా టీమిండియాకు ప్రాతినిథ్యం వహించాడు. ఆ తర్వాత దేశీ క్రికెట్‌, ఐపీఎల్‌పై దృష్టి పెట్టిన భువీ.. ఆయా టోర్నీల్లో సత్తా చాటుతున్నాడు.నిలకడగా రాణిస్తున్న భువీముఖ్యంగా ఐపీఎల్‌లో రాయల్‌ చాలెంజర్స్‌ బెంగళూరు వరుసగా రెండు ట్రోఫీలు గెలవడంలో స్వింగ్‌ సుల్తాన్‌ భువీది కీలక పాత్ర. ఆర్సీబీ తరఫున 2025, 2026 సీజన్లలో కలిపి ఈ రైటార్మ్‌ పేసర్‌ 45 వికెట్లు కూల్చాడు. ఇక సౌతాఫ్రికాలో బౌన్సీ పిచ్‌లు ఉంటాయన్న సంగతి తెలిసిందే. ఈ నేపథ్యంలోనే అశ్విన్‌ భువీని వరల్డ్‌కప్‌లో ఆడిస్తే బాగుంటుందని అభిప్రాయపడ్డాడు.వన్డే వరల్డ్‌కప్‌-2027 టోర్నీకి అశూ ఎంచుకున్న భారత జట్టుశుబ్‌మన్‌ గిల్‌ (కెప్టెన్‌), రోహిత్‌ శర్మ, విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌ (వికెట్‌ కీపర్‌), ఇషాన్‌ కిషన్‌ (వికెట్‌ కీపర్‌), అక్షర్‌ పటేల్‌, హార్దిక్‌ పాండ్యా, కుల్దీప్‌ యాదవ్‌, హర్షిత్‌ రాణా, మహ్మద్‌ సిరాజ్‌, జస్‌ప్రీత్‌ బుమ్రా, భువనేశ్వర్‌ కుమార్‌రిజర్వు ప్లేయర్లు: యశస్వి జైస్వాల్‌, ప్రసిద్ కృష్ణ, వరుణ్‌ చక్రవర్తి, రవీంద్ర జడేజా, అర్ష్‌దీప్‌ సింగ్‌.చదవండి: వైభవ్‌ను వైస్‌ కెప్టెన్‌గా ఎలా ఎంపిక చేస్తారు?

వ‌న్డే ప్ర‌పంచ‌క‌ప్ 2027 దృష్ట్యా టీమిండియా యువ సంచ‌ల‌నం వైభ‌వ్ సూర్య‌వంశీని వ‌న్డేల్లో కూడా ఆడిస్తే బాగుంటుంద‌ని మాజీ క్రికెట‌ర్ ఫ‌రూఖ్ ఇంజినీర్ అభిప్రాయప‌డ్డాడు. ఓపెనింగ్‌లో రోహిత్‌కు జ‌త‌గా వైభ‌వ్‌ను పంపించి కెప్టెన్ శుబ్‌మ‌న్ గిల్ నాలుగో స్థానంలో బ్యాటింగ్‌కు వ‌స్తే ఎంతో ఉప‌యోగ‌క‌రంగా ఉంటుంద‌ని చీఫ్‌ సెలెక్టర్‌ అజిత్‌ అగార్కర్‌కు ట్యాగ్‌ చేస్తూ తన సందేశాన్ని వెల్లడించాడు. దీనివ‌ల్ల మిడిలార్డ‌ర్ కూడా బ‌లంగా మారుతుంద‌ని ఫ‌రూఖ్ వెల్ల‌డించాడు. పీటీఐకి ఇచ్చిన ఇంట‌ర్వ్యూలో ఫ‌రూఖ్ ఇంజినీర్ మాట్లాడుతూ.. 'గిల్ క్లాస్ ప్లేయ‌ర్‌. ఏ స్థానంలోనైనా బ్యాటింగ్ చేయ‌గ‌ల స‌త్తా అత‌డికి ఉంది. అయితే ఆరంభంలోనే దూకుడుగా ఆడే స్వ‌భావం గిల్‌కు లేదు. అయితే వైభ‌వ్ సూర్య‌వంశీ లెఫ్ట్ హ్యాండర్ కావ‌డంతో పాటు రోహిత్‌తో క‌లిసి ఇన్నింగ్స్‌ను ధాటిగా ఆరంభించ‌గ‌ల‌డు. వైభ‌వ్ ధాటిగా ఆడుతున్నాడంటే ఒక ఎండ్‌లో రోహిత్ క్రీజులో నిల‌బ‌డేందుకు ఎక్కువ‌గా ప్రాధాన్య‌త ఇస్తాడు. వైభ‌వ్ ఉన్నంత‌సేపు రోహిత్ త‌న బ్యాట్‌కు ప‌ని చెప్పాల్సిన అవ‌స‌రం త‌క్కువ‌గా ఉంటుంది. ఇక క్లాస్ బ్యాట‌ర్ అయిన గిల్‌కు నాలుగో స్థానం స‌రైన‌ది. కోహ్లి ఎలాగూ మూడో స్థానంలో వ‌స్తాడు. ఐదు, ఆరు స్థానాల్లో శ్రేయ‌స్, రాహుల్ వ‌స్తారు. అయితే వైభ‌వ్‌ను వ‌య‌సుతో ముడిపెడుతూ వ‌న్డేల్లో అవ‌కాశాలు ఇవ్వ‌డం లేదు. నా వ‌ర‌కు 15 ఏళ్ల వ‌య‌సు అనేది వ‌న్డే క్రికెట్‌లో ఎంట్రీకి అర్హ‌తే. అయితే కొంద‌రు మాత్రం వైభ‌వ్‌ను టీ20ల్లోనే ఆడించాల‌ని, వ‌న్డేల్లో ఇప్పుడే అవ‌స‌రం లేద‌ని అంటున్నారు. కానీ ఒక బ్యాట‌ర్‌కు ఏ ఫార్మాట్ అయినా ప‌రుగులు చేయ‌డ‌మే ప్ర‌ధానం. ఆరంభంలో ఒక‌టి రెండు మ్యాచ్‌లు విఫ‌ల‌మైన‌ప్ప‌టికీ, కుదురుకుంటే ఎంత ప్ర‌మాద‌కారో ఇప్ప‌టికే వైభ‌వ్ రుచి చూపించాడు. అత‌డు ఆడితే ఓడిన‌వాటి కంటే గెలిచే మ్యాచ్‌లే ఎక్కువ‌గా ఉంటాయి. నా దృష్టిలో స‌ర్ వీవీ రిచ‌ర్డ్స్ గొప్ప బ్యాట‌ర్‌. అత‌డంత గొప్ప బ్యాట‌ర్‌ను నేను చూడ‌లేదు. ఇప్పుడు సూర్య‌వంశీ కూడా అలానే క‌నిపిస్తున్నాడు. రాబోయే కాలంలో వైభ‌వ్ క‌చ్చితంగా భార‌త‌దేశ భ‌విష్య‌త్తు ఆశాకిర‌ణంగా మార‌నున్నాడు.'అని ఫ‌రూఖ్ ఇంజినీర్ చెప్పుకొచ్చాడు.ఐర్లాండ్‌, ఇంగ్లండ్‌తో సిరీస్‌ల్లో అంత‌గా ఆక‌ట్టుకోని వైభ‌వ్ సూర్యవంశీ జింబాబ్వేతో టీ20 సిరీస్‌లో మాత్రం అద‌ర‌గొట్టాడు. మూడు మ్యాచ్‌లు క‌లిపి 151 ప‌రుగులు సాధించిన వైభ‌వ్ ఖాతాలో రెండు అర్ధ‌సెంచ‌రీలున్నాయి. త‌న ప్ర‌ద‌ర్శ‌న‌తో ప్లేయర్ ఆఫ్ ది మ్యాచ్‌తో పాటు ప్లేయ‌ర్ ఆఫ్ ది సిరీస్ కూడా సొంతం చేసుకున్నాడు.Read: క‌సి మీదున్న సూర్య‌కుమార్‌.. 3 గంట‌ల్లో వెయ్యి బంతులా!

జింబాబ్వే కెప్టెన్ సికందర్ రజా ఓ అవాంఛిత విషయంలో టీమిండియా డాషింగ్‌ బ్యాటర్‌ రోహిత్, పాకిస్తాన్‌ కెప్టెన్‌ బాబర్ ఆజం​ రికార్డును సమం చేశాడు. నిన్న (జులై 25) భారత్‌తో జరిగిన రెండో టీ20లో డకౌట్‌ కావడంతో టీ20 అంతర్జాతీయ క్రికెట్‌లో కెప్టెన్‌గా అత్యధిక డక్స్ నమోదు చేసిన ఆటగాళ్ల జాబితాలో రోహిత్‌, బాబర్‌ సరసన చేరాడు.కెప్టెన్‌గా రజాకు ఇది ఆరో డక్. రోహిత్‌, బాబర్‌ కూడా కెప్టెన్లుగా ఇన్నే డక్స్‌ నమోదు చేశారు. దీంతో వీరు ముగ్గురు అత్యధిక డక్స్ నమోదు చేసిన ఐసీసీ ఫుల్‌టైమ్‌ సభ్య దేశాల కెప్టెన్ల జాబితాలో సంయుక్తంగా రెండో స్థానంలో నిలిచారు. ఈ జాబితాలో ఆస్ట్రేలియా మాజీ కెప్టెన్ ఆరోన్ ఫించ్ ఎనిమిది డక్స్‌తో అగ్రస్థానంలో ఉన్నాడు.టీ20ల్లో కెప్టెన్‌గా అత్యధిక డక్స్ (పూర్తి సభ్య దేశాలు):* 8 – ఆరోన్ ఫించ్ (ఆస్ట్రేలియా)* 6 – రోహిత్ శర్మ (భారత్)* 6 – బాబర్ ఆజం (పాకిస్థాన్)* 6 – సికందర్ రజా (జింబాబ్వే)అంతేకాకుండా, ఈ డక్‌తో రజా టీ20ల్లో జింబాబ్వే తరఫున 10 డక్స్ నమోదు చేసి, ఆ జట్టు తరఫున అత్యధిక డక్స్ సాధించిన ఆటగాళ్ల జాబితాలో రెండో స్థానానికి చేరాడు. రెజిస్ చకాబ్వా 11 డక్స్‌తో అగ్రస్థానంలో కొనసాగుతున్నాడు.భారత్‌తో రెండో టీ20 విషయానికొస్తే.. జింబాబ్వేపై భారత్‌ 90 పరుగుల తేడాతో ఘన విజయం సాధించి, మూడు మ్యాచ్‌ల సిరీస్‌ను 2-0తో కైవసం చేసుకుంది. దీనికి ముందు తొలి టీ20లోనూ టీమిండియా విజయం సాధించింది. భారత టీ20 కెప్టెన్‌గా శ్రేయస్‌ అ‍య్యర్‌కు ఇది తొలి సిరీస్‌ విజయం. మిగిలిన నామమాత్రపు మూడో టీ20 ఇవాళ (జులై 26) అదే వేదికగా జరుగనుంది.

టీమిండియా దిగ్గజ బ్యాటర్‌ రోహిత్‌ శర్మను ఉద్దేశించి భారత క్రికెట్‌ నియంత్రణ మండలి (బీసీసీఐ) ఉపాధ్యక్షుడు రాజీవ్‌ శుక్లా కీలక వ్యాఖ్యలు చేశాడు. ఇప్పట్లో రోహిత్‌ రిటైర్‌ అయ్యే ప్రసక్తే లేదని స్పష్టం చేశాడు. కాగా ఇప్పటికే అంతర్జాతీయ టీ20, టెస్టులకు వీడ్కోలు పలికిన హిట్‌మ్యాన్‌ వన్డేల్లో కొనసాగుతున్నాడు.బ్యాట్‌తోనే సమాధానంవన్డే ప్రపంచకప్‌-2027 ఆడటమే లక్ష్యంగా రోహిత్‌ శర్మ ఫిట్‌నెస్‌ను కూడా మెరుగుపరచుకుని ముందుకు సాగుతున్నాడు. అయితే, ఇటీవల ఇంగ్లండ్‌తో లార్డ్స్‌లో జరిగిన వన్డేనే హిట్‌మ్యాన్‌ కెరీర్‌లో చివరి అంతర్జాతీయ మ్యాచ్‌ అనే ప్రచారం జరిగింది.అయితే, ఇవన్నీ వట్టి ఊహాగానాలే అని తేలింది. ప్రఖ్యాత లార్డ్స్ మైదానంలో మెరుపు శతకం (138)తో చెలరేగి విమర్శకులకు రోహిత్‌ బ్యాట్‌తోనే సమాధానం ఇచ్చాడు. అంతేకాదు.. మ్యాచ్‌ అనంతరం మాట్లాడుతూ తాను ఇప్పట్లో రిటైర్‌ కానని.. తాను ఆడినంత కాలం ఇలాంటి వదంతులు వస్తూనే ఉంటాయని పేర్కొన్నాడు.నిప్పు లేనిదే పొగ రాదుబీసీసీఐ కార్యదర్శి దేవజిత్‌ సైకియా సైతం రోహిత్‌ రిటైర్మెంట్‌ వార్తల్ని కొట్టిపారేశాడు. కానీ.. భారత స్పిన్‌ దిగ్గజం రవిచంద్రన్‌ అశ్విన్‌ మాత్రం.. ‘‘నిప్పు లేనిదే పొగ రాదు.. ఏదో జరిగే ఉంటుంది’’ అని అభిమానుల్లో సందేహాలు రేకెత్తించాడు. ఈ నేపథ్యంలో బీసీసీఐ ఉపాధ్యక్షుడు రాజీవ్‌ శుక్లా తాజాగా చేసిన వ్యాఖ్యలు వైరల్‌ అవుతున్నాయి.సెలక్టర్లదే అంతిమ నిర్ణయంయూపీ టీ20 లీగ్‌ మినీ వేలం కార్యక్రమానికి హాజరైన రాజీవ్‌ శుక్లా విలేకరులతో మాట్లాడుతూ.. ‘‘మా జట్టులో రోహిత్‌ అంతర్భాగం. అతడి ఆట కొనసాగుతుంది. మీడియా, సోషల్‌ మీడియాలో రోహిత్‌ గురించి వస్తున్న వార్తలకు అసలు అర్థమే లేదు.ఇప్పట్లో అతడు రిటైర్‌ అయ్యే ప్రసక్తే లేదు. ప్రతి ఒక్కరికి తమ సొంత అభిప్రాయాలు ఉంటాయి. అయితే, జట్టులో ఎవరు ఉండాలి.. ఎవరిని తప్పించాలి అనే విషయంలో సెలక్టర్లదే అంతిమ నిర్ణయం’’ అని పేర్కొన్నాడు.ఇక ఐర్లాండ్‌, ఇంగ్లండ్‌లలో టీమిండియా వరుసగా మూడు సిరీస్‌లు కోల్పోయిన నేపథ్యంలో రాజీవ్‌ శుక్లా స్పందిస్తూ.. ‘‘టీమిండియా ప్రస్తుతం బాగానే ఆడుతోంది. మ్యాచ్‌లు గెలుస్తోంది. కాబట్టి ఇప్పట్లో నాయకత్వ బృందంలో మార్పులు చేయాల్సిన అవసరం అయితే లేదు’’ అని కుండబద్దలు కొట్టాడు.వరుస పరాజయాల తర్వాత..కాగా టీ20 సిరీస్‌లలో పసికూన ఐర్లాండ్‌ చేతిలో 2-0, ఇంగ్లండ్‌ చేతిలో 4-0తో టీమిండియా క్లీన్‌స్వీప్‌ అయిన సంగతి తెలిసిందే. అదే విధంగా ఇంగ్లండ్‌తో మూడు మ్యాచ్‌ల వన్డే సిరీస్‌లోనూ 1-2తో ఓటమిపాలైంది. దీంతో టీ20 కెప్టెన్‌ శ్రేయస్‌ అయ్యర్‌, హెడ్‌కోచ్‌ గౌతం గంభీర్‌, వన్డే కెప్టెన్‌ శుబ్‌మన్‌ గిల్‌పై విమర్శలు రాగా.. రాజీవ్‌ శుక్లా మాత్రం తమ నాయకత్వ బృందానికి మద్దతుగా నిలవడం విశేషం. ఇదిలా ఉంటే.. ప్రస్తుతం జింబాబ్వే పర్యటనలో ఉన్న భారత టీ20 జట్టు.. తొలి మ్యాచ్‌లో విజయం సాధించి.. మూడు టీ20ల సిరీస్‌లో 1-0తో ఆధిక్యంలో నిలిచింది.చదవండి: బంగ్లాదేశ్‌ అడ్డుపుల్ల.. అఫ్గాన్‌కు షాక్‌!

టీమిండియా చీఫ్ సెలెక్ట‌ర్ ప‌ద‌విలో కొన‌సాగుతున్న మాజీ క్రికెట‌ర్‌ అజిత్ అగార్క‌ర్ ప‌ద‌వీకాలం ఈ సెప్టెంబ‌ర్‌తో ముగియ‌నున్న‌ట్లు తెలుస్తోంది. కాగా వ‌న్డే ప్ర‌పంచ‌క‌ప్ వ‌ర‌కు త‌న‌ను సెలెక్ట‌ర్‌గా కొన‌సాగేందుకు అవ‌కాశ‌మివ్వాల‌ని అగార్క‌ర్ చేసిన అభ్య‌ర్థ‌న‌ను బీసీసీఐ ప‌ట్టించుకోనట్లుగా అనిపిస్తోంది. సెలెక్ట‌ర్‌గా ఎంపికైన త‌ర్వాత టీమిండియా ఐసీసీ టైటిల్స్‌ సాధించినప్పటికీ అగార్క‌ర్ విష‌యంలో మాత్రం విమ‌ర్శ‌లే వ్యక్తమయ్యాయి. అందుకే అగార్క‌ర్‌ను సెలెక్ట‌ర్‌గా కొన‌సాగించేందుకు బీసీసీఐ ఇష్ట‌ప‌డ‌డం లేద‌ని తెలుస్తోంది. దీంతో అత‌డి స్థానంలో కొత్త సెలెక్ట‌ర్ కోసం వెతుకులాట‌ను ప్రారంభించిన‌ట్లు స‌మాచారం. ఇక అగార్క‌ర్ సెలెక్ట‌ర్ ప‌ద‌వి నుంచి దిగిపోతే మాత్రం రోహిత్ శ‌ర్మ‌, విరాట్ కోహ్లిల‌కు వ‌న్డే వ‌ర‌ల్డ్‌క‌ప్ 2027 ఆడేందుకు మార్గం సుగ‌మం అవుతుంద‌ని కొంద‌రు త‌మ అభిప్రాయం వ్య‌క్తం చేయ‌డం ప్రాధాన్య‌త సంత‌రించుకుంది. అన్నీ అనుకున్న‌ట్లుగా జ‌రిగితే మాత్రం సెప్టెంబ‌ర్ త‌ర్వాత టీమిండియాకు కొత్త సెలెక్ట‌ర్‌ను చూసే అవ‌కాశాలున్నాయి. సెప్టెంబ‌ర్ త‌ర్వాత నుంచి జ‌ర‌గ‌నున్న సిరీస్‌ల‌కు కొత్త సెలెక్ట‌ర్ నేతృత్వంలోనే జ‌ట్టు ఎంపిక జ‌ర‌గ‌నుంది. ఇక అజిత్ అగార్కర్ 2023లో టీమిండియా చీఫ్ సెలక్టర్‌గా బాధ్యతలు చేపట్టాడు. అప్పటి నుంచి ఇప్పటి వరకు జట్టులో పలు కీలక మార్పులు చేస్తూ వస్తున్నాడు. Photo Credit: BCCI Twitterఅగార్కర్ పదవీకాలంలో టీమిండియా నాలుగు ఐసీసీ టోర్నీలు ఆడింది. 2023 వన్డే ప్రపంచ కప్, టీ20 ప్రపంచ కప్ 2024, చాంపియన్స్ ట్రోఫీ 2025, టీ20 ప్రపంచ కప్ 2026.. వీటిల్లో మూడు టైటిళ్లు భారత జట్టు సొంతం చేసుకోవడం విశేషం. అయిన‌ప్ప‌టికీ సెలెక్ట‌ర్‌గా అగార్క‌ర్‌పై మాత్రం విమ‌ర్శ‌లే రావ‌డం గ‌మ‌నార్హం. జట్టు సెలక్షన్ విషయంలో అగార్కర్ తీసుకున్న పలు నిర్ణయాలు తీవ్ర వివాదాస్పదమైన సంగతి తెలిసిందే. సూర్యకుమార్ యాదవ్‌ను టీ20 జట్టుకు కెప్టెన్ చేయడం, హార్దిక్ పాండ్యకు ప్రాధాన్యత ఇవ్వడం వంటివి అప్పట్లో తీవ్ర విమర్శలకు తావిచ్చాయి. వన్డే కెప్టెన్సీ నుంచి రోహిత్ శర్మను తప్పించడంపై అభిమానులు బ‌హిరంగంగానే ఆగ్రహం వ్యక్తం చేశారు. ఎవరు ఎన్ని మాటలు అన్నా.. తన నిర్ణయాలను మాత్రం అగార్కర్ బహిరంగంగానే సమర్థించుకుంటూ వచ్చాడు. సెలక్షన్ అనేది కేవలం ప్లేయర్ల గణాంకాలపై ఆధారపడదని, జట్టుకు సరిపోయే కాంబినేషన్, ఆటగాళ్ల పాత్రలు, వ్యూహాలు కీలకమని అగార్కర్ ప్యానెల్ నిరూపించింది. టీ20 ప్ర‌పంచ‌క‌ప్‌తో పాటు ఐసీసీ చాంపియ‌న్స్ ట్రోఫీ గెలిచిన కార‌ణంగా 2025లోనే అగార్క‌ర్ సెలెక్ట‌ర్ ప‌ద‌వీకాల‌న్ని మ‌రో ఏడాది పొడిగించిన బీసీసీఐ మ‌రోసారి అత‌డి ప‌ద‌వీకాలాన్న పొడిగించేందుకు స‌ముఖ‌త వ్య‌క్తం చేయ‌డం లేదు.చదవండి: Asian Games: క్రికెట్ ‘డ్రా’ విడుదల.. భార‌త్‌, పాక్ మ్యాచ్ ఎప్పుడంటే?

వన్డే వరల్డ్‌కప్‌ విజేత, భారత మాజీ క్రికెటర్‌ మదన్‌ లాల్‌ టీమిండి​యా దిగ్గజ బ్యాటర్‌ రోహిత్‌ శర్మకు అండగా నిలిచాడు. దమ్ముంటే అతడిని జట్టు నుంచి తప్పించాలంటూ సెలక్టర్లకు సవాల్‌ విసిరాడు. కాగా రోహిత్‌ శర్మ భవితవ్యం గురించి గత కొంతకాలంగా చర్చ జరుగుతున్న సంగతి తెలిసిందే.ఇదే చివరి మ్యాచ్‌ అంటూ..వన్డే వరల్డ్‌కప్‌-2027 నాటికి రోహిత్‌ 40వ వసంతంలో అడుగుపెడతాడు. వయసు రీత్యా ఫిట్‌నెస్‌ సమస్యల వల్ల అతడు జట్టుకు భారం అవుతాడనే అభిప్రాయాలు వ్యక్తంగా.. పది కిలోలకు పైగా బరువు తగ్గి స్లిమ్‌, ఫిట్‌గా మారాడు హిట్‌మ్యాన్‌. అయినప్పటికీ అతడి రిటైర్మెంట్‌పై ఊహాగానాలు ఆగలేదు.తాజాగా ఇంగ్లండ్‌తో వన్డే సిరీస్‌లో ఆదివారం లార్డ్స్‌ మ్యాచ్‌ రోహిత్‌ కెరీర్‌లో ఆఖరి అంతర్జాతీయ మ్యాచ్‌ అనే ప్రచారం జోరుగా సాగింది. అయితే, ఈ మ్యాచ్‌లో శతక్కొట్టి (138) మరీ విమర్శకులకు బ్యాట్‌తోనే సమాధానం చెప్పాడు రోహిత్‌. అంతేకాదు.. ఆ తర్వాత రిటైర్మెంట్‌ వార్తలపై స్వయంగా స్పందించాడు.ఆడినంత కాలం ఇలాగే..‘నేను అరంగేట్రం చేసినప్పటి నుంచీ ఇలాంటి చర్చలు, విమర్శలు వస్తూనే ఉన్నాయి. నేను ఆడినంత కాలం ఇవి కొనసాగుతూనే ఉంటాయి. అందుకే వాటి గురించి పట్టించుకోవాల్సిన అవసరం లేదు. గ్రౌండ్‌లో నేను ఏం చేస్తున్నాననేదే నాకు ముఖ్యం. జట్టు విజయానికి నా వంతు కృషి చేయడంపైనే నా దృష్టి. ఈ చర్చలు సాగనివ్వండి లేకపోతే మజా ఏముంటుంది.నా పని మైదానం లోపల... వారి పని బయట’ అని రోహిత్‌ తనదైన శైలిలో స్పందించాడు. ఈ క్రమంలో మదన్‌ లాల్‌ సైతం హిట్‌మ్యాన్‌కు మద్దతుగా నిలిచాడు. ‘‘నేడో.. రేపో.. ప్రతీ ఒక్క ఆటగాడు ఏదో ఒకరోజు రిటైర్‌ అవ్వాల్సిందే. అయితే, రోహిత్‌ శర్మ ఇప్పుడు అద్భుతంగా ఆడుతున్నాడు. అతడు ఇంకా ఆడాలనుకుంటే ఆడనివ్వండి.ఒకవేళ దమ్ము, ధైర్యం ఉంటేసెలక్టర్లకు ఒకవేళ దమ్ము, ధైర్యం ఉంటే అతడిని తప్పించి ముందుకు సాగండి చూద్దాం. ప్రస్తుతం అతడు మంచి ఫామ్‌లో ఉన్నాడు. ఇలాంటపుడు అతడి విషయంలో జోక్యం చేసుకోకపోవడమే మంచిది. అంతేగానీ.. అతడి దగ్గరకు వెళ్లి.. ‘నువ్వు మా దీర్ఘకాలిక, వన్డే వరల్డ్‌కప్‌ ప్రణాళికల్లో గానీ లేవు’ అని అన్నారనుకోండి.అప్పుడు అతడు.. ‘ఏం.. ఎందుకు మీ ప్లాన్‌లో నేను లేను. నేను పరుగులు రాబడుతున్నా కదా!.. మరి నన్నెలా పక్కనపెడతారు’ అని అడుగుతాడు. అలా అడిగే హక్కు అతడికి ఉంది’’ అని మదన్‌ లాల్‌ సెలక్టర్లకు సవాల్‌ విసిరాడు. కాగా ఇప్పటికే అంతర్జాతీయ టీ20, టెస్టులకు గుడ్‌బై చెప్పిన రోహిత్‌ వన్డేల్లో మాత్రమే కొనసాగుతున్నాడు. టీమిండియాకు కెప్టెన్‌గా రెండు ఐసీసీ టైటిళ్లు అందించిన ఘనత అతడిది. టీ20 ప్రపంచకప్‌- 2024, చాంపియన్స్‌ ట్రోఫీ-2025లో టీమిండియాను విజేతగా నిలిపాడు.చదవండి: డెబ్బై పరుగులు చేయగానే గిల్‌కు కండరాలు పట్టేస్తాయి!

టీమిండియా కెప్టెన్ శుబ్‌మన్ గిల్ వన్డేల్లో వరల్డ్‌నంబర్ వన్ బ్యాటర్‌గా నిలిచేందుకు అడుగు దూరంలో ఉన్నాడు. అంతర్జాతీయ క్రికెట్ మండలి (ICC) ప్రకటించిన తాజా వన్డే బ్యాటర్ల ర్యాంకింగ్స్‌లో అగ్రస్ధానానికి గిల్ మరింత చేరవయ్యాడు. ప్రస్తుతం అగ్రస్ధానంలో న్యూజిలాండ్ స్టార్ ఆటగాడు డారిల్ మిచెల్ 802 రేటింగ్ పాయింట్లతో నంబర్ 1 స్థానంలో ఉండగా.. గిల్ (801) కేవలం ఒక్క పాయింట్ తేడాతో రెండో స్థానంలో నిలిచాడు. తదుపరి ఐసీసీ ర్యాంకింగ్స్ అప్‌డేట్‌లో గిల్ అగ్రస్థానానికి చేరుకుంటే.. వన్డే బ్యాటింగ్ ర్యాంకింగ్స్‌లో అగ్రపీఠాన్ని అదరోహించిన అత్యంత పిన్న వయస్కుడైన భారత కెప్టెన్‌గా చరిత్ర సృష్టిస్తాడు. గతంలో భారత్ తరపున వన్డేల్లో సచిన్ టెండూల్కర్, ఎంఎస్ ధోని, విరాట్ కోహ్లి, రోహిత్ శర్మ వంటి దిగ్గజ క్రికెటర్లు టాప్ ర్యాంక్‌ను సొంతం చేసుకున్నారు. కాగా ఇంగ్లండ్‌తో జరిగిన మూడు మ్యాచ్‌ల సిరీస్‌లో గిల్ అదరగొట్టాడు. మూడు మ్యాచ్‌లలో 94.00 అద్భుత సగటుతో 188 పరుగులు సాధించి, భారత్ తరపున టాప్ స్కోరర్‌గా నిలిచాడు. ఈ ప్రదర్శ కారణంగానే అతడిని నంబర్-1 ర్యాంక్ రేసులో ఉన్నాడు.కాగా ఐసీసీ ర్యాంకింగ్స్‌లో భారత బ్యాటర్ల హవా కొనసాగుతోంది. గిల్‌తో పాటు విరాట్ కోహ్లి 767 పాయింట్లతో మూడో స్థానంలో, మాజీ కెప్టెన్ రోహిత్ శర్మ 758 పాయింట్లతో నాలుగో స్థానంలో కొనసాగుతున్నారు. ఇటీవల ముగిసిన ఇంగ్లండ్ సిరీస్‌లో రోహిత్‌, కోహ్లి కూడా మెరుగైన ప్రదర్శన చేశారు. ఇక ఇదే సిరీస్‌లో దుమ్ములేపిన ఇంగ్లండ్ వెటరన్ జో రూట్ నాలుగు స్ధానాలు ఎగబాకి ఎనిమిదో ర్యాంక్‌కు చేరుకున్నాడు.

ఇంగ్లండ్‌తో వన్డే సిరీస్‌లోనూ టీమిండియాకు భంగపాటే ఎదురైంది. తొలుత టీ20 సిరీస్‌లో ఆతిథ్య జట్టు చేతిలో 4-0 క్లీన్‌స్వీప్‌ అయిన భారత జట్టు.. ఆ తర్వాత వన్డే సిరీస్‌లో 2-1తో ఓడిపోయింది. తొలి వన్డేలో గెలిచిన గిల్‌ సేన.. ఆ తర్వాత రెండు వన్డేల్లోనూ ఓడిపోయింది.ఫిట్‌నెస్‌లేని ఆటగాళ్లకు గిల్‌ వార్నింగ్‌ముఖ్యంగా లార్డ్స్‌లో భారత బౌలర్ల వైఫల్యం కొట్టొచ్చినట్లు కనబడింది. ఇక జస్‌ప్రీత్‌ బుమ్రా గాయం వల్ల ఈ మ్యాచ్‌కు అందుబాటులో లేకుండా పోయాడు. అంతకుముందే ఆల్‌రౌండర్‌ వాషింగ్టన్‌ సుందర్‌ కూడా గాయపడి జట్టుకు దూరమయ్యాడు.ఇక ఈ సిరీస్‌ కంటే ముందే ఆల్‌రౌండర్లు హార్దిక్‌ పాండ్యా, నితీశ్‌ కుమార్‌ రెడ్డి కూడా గాయపడ్డారు. ఈ నేపథ్యంలో తరచూ గాయపడే ఆటగాళ్ల వల్ల తుదిజట్టు కూర్పు దెబ్బతింటోందని కెప్టెన్‌ శుబ్‌మన్‌ గిల్‌ అన్నాడు. వన్డే వరల్డ్‌కప్‌-2027లో వరుసగా ఏడు మ్యాచ్‌ల దాకా ఆడాల్సి ఉంటుందని.. అలాంటి కీలక సమయంలో వీరితో కష్టమేనంటూ అసంతృప్తి వ్యక్తం చేశాడు.తమ ఫిట్‌నెస్‌ ప్రమాణాలు మెరుగుపడితేనే అనుకున్న ఫలితాలు రాబట్టగలమని గిల్‌ గట్టిగానే వార్నింగ్‌ ఇచ్చాడు. ఇలాంటి తరుణంలో రాయల్‌ చాలెంజర్స్‌ బెంగళూరు మాజీ బ్యాటర్‌ అభినవ్‌ ముకుంద్‌ వరల్డ్‌కప్‌ జట్టును ఎంచుకున్నాడు.వారికే పెద్దపీటటాపార్డర్‌లో ఎలాంటి మార్పులు చేయని అభినవ్‌.. ఓపెనర్లుగా రోహిత్‌ శర్మ- కెప్టెన్‌ శుబ్‌మన్‌ గిల్‌ జోడీని వన్‌డౌన్‌లో విరాట్‌ కోహ్లిని కొనసాగించాడు. అయితే బ్యాకప్‌ ఓపెనర్‌గా యశస్వి జైస్వాల్‌కు మాత్రం చోటివ్వలేదు. ఇక వికెట్‌ కీపర్లుగా కేఎల్‌ రాహుల్‌, ఇషాన్‌ కిషన్‌లను ఎంచుకున్న అభినవ్‌.. మిడిలార్డర్‌లో వీరితో పాటు శ్రేయస్‌ అయ్యర్‌కు చోటిచ్చాడు.ఆల్‌రౌండర్ల కోటాలో హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌లను ఎంచుకున్న అభినవ్‌ ముకుంద్‌.. రవీంద్ర జడేజాను పక్కనపెట్టాడు. స్పెషలిస్టు స్పిన్నర్‌గా కుల్దీప్‌ యాదవ్‌కు స్థానమిచ్చిన అతడు.. వరుణ్‌ చక్రవర్తికి చోటివ్వలేదు.ఇక పేస్‌ విభాగంలో ప్రధాన పేసర్‌ జస్‌ప్రీత్‌ బుమ్రాతో పాటు మహ్మద్‌ సిరాజ్‌, ప్రసిద్‌ కృష్ణ, హర్షిత్‌ రాణా, గుర్నూర్‌ బ్రార్‌లకు చోటు ఇచ్చాడు. ప్రిన్స్‌ యాదవ్‌, మహ్మద్‌ షమీ, అర్ష్‌దీప్‌ సింగ్‌ పేర్లను అభినవ్‌ ముకుంద్‌ పరిగణనలోకి తీసుకోలేదు. వీళ్లు కూడా ఉండవచ్చుఅయితే, వరల్డ్‌కప్‌ టోర్నీకి ఇంకా సమయం ఉంది కాబట్టి.. నితీశ్‌ కుమార్‌ రెడ్డి, శివం దూబే, రుతురాజ్‌ గైక్వాడ్‌, యశ​స్వి జైస్వాల్‌, అర్ష్‌దీప్‌ సింగ్‌ ఆఖరి నిమిషంలో జట్టులోకి వచ్చినా అభినవ్‌ ఆశ్చర్యం లేదన్నాడు. కాగా వచ్చే ఏడాది సౌతాఫ్రికా- జింబాబ్వే- నమీబియా వేదికలుగా అక్టోబరు- నవంబరు మధ్య వన్డే వరల్డ్‌కప్‌ జరుగనుంది.వన్డే వరల్డ్‌కప్‌-2027 టోర్నీకి అభినవ్‌ ముకుంద్‌ ఎంచుకున్న భారత జట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌, ఇషాన్‌ కిషన్‌, హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌, కుల్దీప్‌ యాదవ్‌, హర్షిత్‌ రాణా, ప్రసిద్‌ కృష్ణ, జస్‌ప్రీత్‌ బుమ్రా, మహ్మద్‌ సిరాజ్‌, గుర్నూర్‌ బ్రార్‌.చదవండి: ఐపీఎల్‌ టూ ఇంగ్లండ్‌.. ఢిల్లీ ఆటగాడికి లక్కీ ఛాన్స్‌!

టీమిండియాతో వన్డే సిరీస్‌లో ఇంగ్లండ్‌ స్టార్‌ జో రూట్‌ అదరగొట్టాడు. ఎడ్జ్‌బాస్టన్‌ వేదికగా తొలి వన్డేలో 76 పరుగులతో అజేయంగా నిలిచిన ఈ వన్‌డౌన్‌ బ్యాటర్‌.. కార్డిఫ్‌లో జరిగిన రెండో వన్డేలో 99 పరుగులతో నాటౌట్‌గా నిలిచాడు. సెంచరీ చేసే అవకాశం ఉన్నా.. సహచరుడికి మ్యాచ్‌ ముగించే అవకాశం ఇచ్చి.. హుందాగా వ్యవహరించాడు.ఈ మ్యాచ్‌లో రూట్‌ ఇన్నింగ్స్‌ కారణంగా ఇంగ్లండ్‌ జయభేరి మోగించి సిరీస్‌ను 1-1తో సమం చేసింది. ఇక లార్డ్స్‌ వేదికగా నిర్ణయాత్మక మూడో వన్డేలోనూ రూట్‌ మరోసారి తన అనుభవాన్ని చూపించాడు. కేవలం 39 బంతుల్లోనే అర్ధ శతకం పూర్తి చేసుకున్న ఈ కుడిచేతి వాటం బ్యాటర్‌.. మొత్తంగా 48 బంతుల్లో తొమ్మిది ఫోర్లు బాది 74 పరుగులతో అజేయంగా నిలిచాడు.ఇంగ్లండ్‌ తొలి క్రికెటర్‌గా రికార్డుఇక మూడో వన్డేలో గెలిచి ఇంగ్లండ్‌ సిరీస్‌ 2-1తో కైవసం చేసుకోగా.. టీమిండియా ఓటమితో నిరాశగా వెనుదిరిగింది. రూట్‌కు ప్లేయర్‌ ఆఫ్‌ ది సిరీస్‌ అవార్డు లభించింది.నిజానికి గత కొంతకాలంగా రూట్‌ వన్డేల్లోనూ సూపర్‌ ఫామ్‌ కొనసాగిస్తున్నాడు. ఈ ముప్పై ఐదేళ్ల బ్యాటర్‌ గత ఆరు వన్డే ఇన్నింగ్స్‌లో చేసిన పరుగులు వరుసగా.. 61, 75, 111*, 76*, 99*, 74*. తద్వారా ఇంగ్లండ్‌ తరఫున వన్డేల్లో వరుసగా ఆరు ఫిఫ్టీ ప్లస్‌ స్కోర్లు సాధించిన తొలి క్రికెటర్‌గా రూట్‌ చరిత్రకెక్కాడు.ఇంగ్లండ్‌ అతడికి పూర్తి స్వేచ్ఛనిచ్చింది.. మీరేం చేస్తున్నారు?ఈ నేపథ్యంలో భారత మాజీ ఓపెనర్‌ సదగోపన్‌ రమేశ్‌ టీమిండియా యాజమాన్యం వైఖరిని విమర్శించాడు. ఇంగ్లండ్‌ మేనేజ్‌మెంట్‌ జో రూట్‌కు పూర్తి స్వేచ్ఛనిచ్చి.. మంచి ఫలితాలు రాబడుతోందన్నాడు. అదే సమయంలో భారత జట్టు యాజమాన్యం మాత్రం దిగ్గజ బ్యాటర్లు రోహిత్‌ శర్మ- విరాట్‌ కోహ్లి విషయంలో తప్పు చేస్తోందని మండిపడ్డాడు.కాగా ఇప్పటికే రోహిత్‌- కోహ్లి అంతర్జాతీయ టీ20, టెస్టులకు రిటైర్మెంట్‌ ప్రకటించారు. వన్డే వరల్డ్‌కప్‌-2027 ఆడటమే లక్ష్యంగా ముందుకు సాగుతున్నారు. అయితే, అనూహ్య రీతిలో రోహిత్‌ను కెప్టెన్సీ తప్పించిన యాజమాన్యం.. రో-కో ప్రపంచకప్‌ ఆడతారో లేదోనన్న అంశంపై తమకు స్పష్టత లేదన్నారు.రోహిత్‌ భారీ శతకంఈ క్రమంలోనే లార్డ్స్‌లో ఇంగ్లండ్‌తో మూడో వన్డే సందర్భంగా రోహిత్‌ శర్మ తన చివరి అంతర్జాతీయ మ్యాచ్‌ ఆడబోడుతన్నాడంటూ ప్రచారం ఊపందుకుంది. అయితే, ఈ మ్యాచ్‌లో రోహిత్‌ భారీ శతకం (138)తో రాణించి ఊహాగానాలకు చెక్‌ పెట్టాడు. తాను రిటైర్‌ కాబోవడం లేదని స్పష్టం చేశాడు.మీరు తప్పు చేస్తున్నారుఈ పరిణామాల నేపథ్యంలో నేపథ్యంలో రమేశ్‌ స్పందిస్తూ.. ‘‘విరాట్‌ కోహ్లి, రోహిత్‌ శర్మలకు యాజమాన్యం మద్దతుగా ఉండాల్సిన సమయం ఇది. వాళ్లిద్దరు ఇప్పటికీ వన్డే ర్యాంకింగ్స్‌లో టాప్‌-5లో ఉన్న సత్తా కలవారు. ఓసారి ఇంగ్లండ్‌ మేనేజ్‌మెంట్‌ను చూడండి. జో రూట్‌కు వాళ్లు పూర్తి స్వేచ్ఛను ఇస్తున్నారు. అతడి నుంచి అత్యుత్తమ ప్రదర్శన రాబట్టుకునేందుకు చేయాల్సిందంతా చేస్తున్నారు.అతడిపై ఏమాత్రం ఒత్తిడి పెట్టడం లేదు. ఇంగ్లండ్‌ రూట్‌ను తమ బలంగా భావిస్తోంది. కానీ భారత జట్టు యాజమాన్యం మాత్రం రోహిత్‌- విరాట్‌లనే తమ వెన్నెముకగా భావించాల్సింది పోయి వారి విషయంలోనే స్పష్టత లేకుండా చేస్తోంది’’ అని ఆగ్రహం వ్యక్తం చేశాడు. కాగా ఇంగ్లండ్‌తో వన్డే సిరీస్‌లో రోహిత్‌ వరుసగా 11, 26, 138 పరుగులు చేయగా.. కోహ్లి 5, 74, 65 పరుగులు సాధించాడు.చదవండి: లార్డ్స్‌ వన్డేలో అదే హైలైట్‌: పాక్‌ మాజీ క్రికెటర్‌

టీమిండియా దిగ్గజ బ్యాటర్‌ రోహిత్‌ శర్మ కెరీర్‌ చరమాంకానికి చేరిందంటూ గత కొంతకాలంగా వస్తున్న వార్తలకు.. ‘హిట్‌మ్యాన్‌’ లార్డ్స్‌లో శతకంతో చెక్‌ పెట్టాడు. ఇంగ్లండ్‌తో మూడో వన్డే సందర్భంగా క్రికెట్‌ ‘మక్కా’లో సెంచరీ బాది తన బ్యాట్‌ పదును ఏమాత్రం తగ్గలేదని నిరూపించాడు. కాగా ఇంగ్లండ్‌తో లార్డ్స్‌ వన్డేనే రోహిత్‌ కెరీర్‌లో చివరి అంతర్జాతీయ మ్యాచ్‌ అని ప్రచారం జరిగిన సంగతి తెలిసిందే. అయితే, ఈ మ్యాచ్‌లో హిట్‌మ్యాన్‌ 110 బంతుల్లోనే పదిహేడు ఫోర్లు, ఐదు సిక్సర్లు బాది 138 పరుగులతో అదరగొట్టాడు.లార్డ్స్‌ మ్యాచ్‌లో అదే హైలైట్‌అనంతరం తన రిటైర్మెంట్‌ వార్తలపై స్పందిస్తూ.. తాను క్రికెట్‌ ఆడుతున్నంత కాలం... రిటైర్మెంట్‌ ఊహాగానాలు వస్తూ ఉంటాయని రోహిత్‌ శర్మ అభిప్రాయపడ్డాడు. ఇలాంటి వార్తలతో పోరాడటం కంటే... మైదానంలో పరుగులు సాధించడంపైనే దృష్టి పెడతానని స్పష్టం చేశాడు. ఈ నేపథ్యంలో భారత మాజీ క్రికెటర్లతో పాటు పాకిస్తాన్‌ మాజీ వికెట్‌ కీపర్‌ బ్యాటర్‌ కమ్రాన్‌ అక్మల్‌ సైతం రోహిత్‌ శర్మకు మద్దతుగా నిలిచాడు. గేమ్‌ ప్లాన్‌ పాడ్‌కాస్ట్‌లో మాట్లాడుతూ.. ‘‘ఈ సిరీస్‌లో గెలిచేందుకు ఇంగ్లండ్‌కు అర్హత ఉంది. అయితే, ఆ విషయం కంటే కూడా రోహిత్‌ శర్మ సెంచరీ చేయడమే లార్డ్స్‌ మ్యాచ్‌కు హైలైట్‌. ప్రపంచంలోని అత్యుత్తమ వన్డే బ్యాటర్లలో తానూ ఒకడినని.. ఇప్పటికీ తన ఆటలో పదును తగ్గలేని రోహిత్‌ తన ఇన్నింగ్స్‌ ద్వారా స్టేట్‌మెంట్‌ ఇచ్చాడు. అతడి భవిష్యత్తు గురించి చాలా వదంతులు వస్తున్నాయి. వన్డే వరల్డ్‌కప్‌-2027 ప్రణాళికల్లో అతడు లేడని చాలా మంది అంటున్నారు. వాళ్లు తలచుకుంటేనే..అయితే, తనను విమర్శించే వాళ్లందరికీ రోహిత్‌ బ్యాట్‌తోనే సమాధానం చెప్పాడు. రోహిత్‌, విరాట్‌ కోహ్లి వంటి ఆటగాళ్లను ఎవరూ జట్టు నుంచి బయటకు పంపలేరు. ఆటకు వీడ్కోలు పలకడానికి సరైన సమయం వచ్చిందని భావిస్తే వాళ్లే స్వయంగా తప్పుకొంటారు. రిటైర్మెంట్‌ అనేది కేవలం వారి నిర్ణయంపైనే ఆధారపడి ఉంటుంది. భారత క్రికెట్‌కు వీరిద్దరు చేసిన సేవలు వెలకట్టలేనివి. యువ ఆటగాళ్లకు అవకాశాలు ఇచ్చే క్రమంలో మిగతా ఫార్మాట్ల నుంచి వారే తప్పుకొన్నారు. అందుకే వాళ్లు నేటికీ సూపర్‌స్టార్లుగానే కొనసాగుతున్నారు’’ అని కమ్రాన్‌ అక్మల్‌ రో-కోలపై ప్రశంసలు కురిపించాడు. కాగా ఇంగ్లండ్‌ పర్యటనలో టీ20 సిరీస్‌లో 4-0తో వైట్‌వాష్‌ అయిన టీమిండియా.. వన్డే సిరీస్‌ను 1-2తో కోల్పోయింది.ఇదిలా ఉంటే.. 2024 టీ20 ప్రపంచకప్‌ టోర్నీలో టీమిండియాను చాంపియన్‌గా నిలిపిన తర్వాత.. రోహిత్‌- కోహ్లి అంతర్జాతీయ టీ20 ఫార్మాట్‌కు వీడ్కోలు పలికారు. గతేడాది వారం రోజుల వ్యవధిలో ఇద్దరూ టెస్టులకూ గుడ్‌బై చెప్పారు. వరల్డ్‌కప్‌-2027 ఆడటమే లక్ష్యంగా వన్డేల్లో కొనసాగుతున్నారు.చదవండి: ఆటకు గుడ్‌బై చెప్పు... భారత మాజీ క్రికెటర్‌ ఫైర్‌

టీమిండియా సీనియ‌ర్లు రోహిత్ శ‌ర్మ‌, విరాట్ కోహ్లి భ‌విత‌వ్యంపై మాజీ స్పిన్న‌ర్ ర‌విచంద్ర‌న్ అశ్విన్ ఆస‌క్తిక‌ర వ్యాఖ్య‌లు చేశాడు. రోహిత్‌, కోహ్లిల‌ను జ‌ట్టులో నుంచి తొల‌గించ‌డం చాలా క‌ష్ట‌త‌ర‌మ‌ని, బ‌ల‌వంతంగా పంపించాల‌ని చూస్తే మాత్రం అభిమానులు చూస్తూ ఊరుకోర‌ని హెచ్చ‌రించాడు. ఇటీవ‌లే రోహిత్ రిటైర్మెంట్‌పై ఊహాగానాలు వ‌చ్చిన వేళ అశ్విన్ వ్యాఖ్య‌లు ప్రాధాన్య‌త‌ను సంత‌రించుకున్నాయి.తన యూట్యూబ్ షో 'ఆష్ కి బాత్‌’లో అశ్విన్‌ మాట్లాడుతూ... 'రోహిత్ శర్మ, విరాట్ కోహ్లి ఆడాలని అనుకుంటే వారిని జట్టు నుంచి తప్పించడం చాలా చాలా కష్టం. దీనికి రెండు ప్రధాన కారణాలు ఉన్నాయి. మొదటిది.. వారి అద్భుతమైన కెరీర్ రికార్డులు. రోహిత్ ఇప్పటికే 12 వేల అంతర్జాతీయ పరుగులు చేశాడు. అలాంటి ఆటగాడిని సులభంగా పక్కన పెట్టడం సాధ్యం కాదు. కోహ్లి గురించి ప్ర‌త్యేకంగా చెప్ప‌డానికి ఏం లేదు. త‌న ఆట‌తో ఇప్ప‌టికే తానేంటో నిరూపించుకున్నాడు. Photo Credit: BCCI Twitterఇక‌ రెండో కార‌ణం ఏంటంటే.. అది రోహిత్‌, కోహ్లికి భారీ అభిమాన బ‌లం ఉంది. వీరిద్ద‌రు మ్యాచ్‌లు ఆడుతున్నారంటే.. వారిని చూసేందుకే లక్షలాది మంది అభిమానులు స్టేడియాలకు త‌ర‌లివస్తారు. అలాంటి స్టార్ ఆటగాళ్లను జట్టు నుంచి తప్పిస్తే భారీ స్థాయిలో వ్యతిరేకత వస్తుంది. వారిని తప్పించాల‌ని చూస్తే అభిమానులు ఊరుకుంటారా? ఒక‌వేళ తొలగిస్తే మాత్రం స్టేడియం పైకప్పు లేచిపోవ‌డం గ్యారంటీ' అంటూ తనదైన శైలిలో అశ్విన్ చ‌మ‌క్కులు పంచాడు.Photo Credit: BCCI Twitterఇంగ్లండ్‌తో వన్డే సిరీస్‌లో తొలి రెండు వన్డేల్లో రోహిత్‌ విపలం కావడంతో మూడో వన్డే అతడికి చివరిది కానుందని, ఇంగ్లండ్‌తో సిరీస్‌ తర్వాత రోహిత్‌ అంతర్జాతీయ కెరీర్‌కు వీడ్కోలు పలకనున్నాడని వార్తలు వచ్చాయి. అవన్నీ తప్పుడు వార్తలంటూ బీసీసీఐ కొట్టిపారేయడంతో ఊహాగానాలకు తెరపడింది. ఇక రోహిత్‌ కూడా తన రిటైర్మెంట్‌పై వస్తున్న వార్తలకు బ్యాట్‌తోనే సమాధానం చెప్పాడు. ఇంగ్లండ్‌తో మూడోవన్డేలో రోహిత్‌ శర్మ సెంచరీతో మెరిశాడు. 110 బంతుల్లో 138 పరుగులు సాధించాడు. మరోవైపు కోహ్లి కూడా అర్ధసెంచరీతో రాణించి తమకు తిరుగులేదని చాటిచెప్పాడు. ఇక బౌల‌ర్ల‌ పరిస్థితి గురించి అశ్విన్ కాస్త భిన్నంగా స్పందించాడు. 'మహ్మద్ షమీ, మహ్మద్ సిరాజ్ లేదా భువనేశ్వర్ కుమార్ వంటి బౌలర్లు జట్టులో లేకపోతే కొంతమంది మాత్రమే ప్రశ్నిస్తారు. కానీ స్టార్ బ్యాటర్ల జరిగినంత స్థాయిలో చర్చ జరగదు. భవిష్యత్తులో బౌలర్ల కోసం కూడా అభిమానులు అదే స్థాయిలో గళమెత్తితే వారిని కూడా జట్టు నుంచి తప్పించడం కష్టమవుతుంది. ఇది జరగాలని నేను కోరుకుంటున్నా' అని అశ్విన్ తెలిపాడు. Read: స్పెయిన్‌ నంబర్‌వన్‌.. ర్యాంకింగ్స్‌లో మొరాకో, నార్వే సంచ‌ల‌నం

రిటైర్మెంట్‌ వార్తల నడుమ లార్డ్స్‌ మైదానంలో టీమిండియా దిగ్గజం రోహిత్‌ శర్మ అద్భుత శతకంతో మెరిశాడు. ఇంగ్లండ్‌తో ఆదివారం నాటి మూడో వన్డే సందర్భంగా 138 పరుగులు సాధించాడు. తొలుత నెమ్మదిగా ఆడిన హిట్‌మ్యాన్‌ ఆ తర్వాత గేరు మార్చి.. ఇంగ్లండ్‌ బౌలర్లపై విరుచుకుపడ్డాడు.ఈ క్రమంలో 110 బంతుల్లో 17 ఫోర్లు, ఐదు సిక్సర్ల సాయంతో 138 పరుగులు చేశాడు. అయితే, జేకబ్‌ బెతెల్‌ అనూహ్య రీతిలో రోహిత్‌ను బౌల్డ్‌ చేశాడు. ఇక ఈ మ్యాచ్‌లో మరో ఓపెనర్‌, కెప్టెన్‌ శుబ్‌మన్‌ గిల్‌ (77), వన్‌డౌన్‌ బ్యాటర్‌ విరాట్‌ కోహ్లి (74) అర్ధ శతకాలు సాధించినా ఫలితం లేకుండా పోయింది. నిర్ణయాత్మక​ మ్యాచ్‌లో 27 పరుగుల తేడాతో ఓడి టీమిండియా సిరీస్‌ను 1-2తో ఇంగ్లండ్‌కు కోల్పోయింది.The name is Rohit Gurunath Sharma. 🫡The occasion? A Lord's century. 💯Watch #ENGvIND 3rd ODI LIVE NOW on Sony Sports Network TV channels. #SonySportsNetwork #MamlaPersonalHai #ExtraaaInnings pic.twitter.com/G5HoYMO0BV— Sony Sports Network (@SonySportsNetwk) July 19, 2026రూమర్లు కొత్తేం కాదుఇదిలా ఉంటే.. తాజాగా బీసీసీఐ టీవీతో మాట్లాడిన రోహిత్‌ శర్మ తన రిటైర్మెంట్‌ గురించి వస్తున్న వార్తలపై స్పందించాడు. ‘‘మైదానంలోకి వచ్చి బ్యాటింగ్‌ చేయడం నా ముఖ్య విధి. దేశానికి ప్రాతినిథ్యం వహించడం గొప్ప విషయం. నా అరంగేట్రం రోజు నుంచి నేటి దాకా అదే నిబద్ధత, అంకితభావంతో ముందుకు సాగుతున్నాను.అంతేకాదు నేను అంతర్జాతీయ క్రికెట్‌లో అడుగుపెట్టిన నాటి నుంచే ఇలాంటి వార్తలు వింటూ ఉన్నాను. నేను మళ్లీ గ్రౌండ్‌లోకి వెళ్లే దాకా ఈ వదంతులు ఆగవు. అయినా.. ఇలాంటి రూమర్లు నాపై ఎలాంటి ప్రభావం చూపలేవు. మైదానంలో నా ఆట తీరు ఎలా ఉందన్నదే ముఖ్యం.జట్టు విజయం కోసం నా వంతు కృషి చేస్తాను. కేవలం ఆ ఒక్క విషయంపైనే నా దృష్టి కేంద్రీకృతమై ఉంటుంది. అయినా ఇలాంటి వదంతులు ఉంటేనే కదా.. మనకూ కాస్త సరదాగా అనిపిస్తుంది. నా పని నాదే. బయట ఎవరి పని వాళ్లదే. వాళ్లు ఇలాంటి రూమర్లతో ప్రాచుర్యం పొందాలనుకుంటారు’’ అని రోహిత్‌ శర్మ గాసిప్‌రాయుళ్లకు కౌంటర్‌ వేశాడు.కాగా ఇప్పటికే అంతర్జాతీయ టీ20, టెస్టు ఫార్మాట్‌ నుంచి తప్పుకొన్న రోహిత్‌ శర్మ.. వన్డే వరల్డ్‌కప్‌-2027 ఆడటమే లక్ష్యంగా ముందుకు సాగుతున్నాడు. అయితే, లార్డ్స్‌లో రోహిత్‌ చివరి మ్యాచ్‌ ఆడబోతున్నాడనే ప్రచారం జరుగగా.. బీసీసీఐ కార్యదర్శి దేవజిత్‌ సైకియా కొట్టిపారేశాడు. కెప్టెన్‌ గిల్‌ సైతం ఇవన్నీ కేవలం ఊహాగానాలే అన్నాడు.మా మధ్య అవగాహన ఉందిఇదిలా ఉంటే.. రోహిత్‌- కోహ్లి కలిసి అంతర్జాతీయ క్రికెట్‌లో అత్యధికంగా 400 మ్యాచ్‌లలో కలిసి ఆడిన తొలి భారత జోడీగా చరిత్రకెక్కారు. ఈ నేపథ్యంలో రోహిత్‌ స్పందిస్తూ.. ‘‘మా కెరీర్‌ తొలి నాళ్ల నుంచి మేము కలిసి ఆడుతున్నాం. ఇప్పటికే మేమిద్దరం కలిసి ఎన్నోసార్లు మంచి భాగస్వామ్యాలు నెలకొల్పాము.మధ్య ఓవర్లలో కోహ్లి వస్తే అతడితో కలిసి ఆడటం నాకెంతో సంతోషంగా ఉంటుంది. ఈరోజు కూడా ఇద్దరం కలిసే ఆడాము. మా ఇద్దరి మధ్య మంచి అవగాహన ఉంది. ఆట మధ్యలో మేము ఎక్కువగా చర్చించుకుంటాము. ఒకరి ఆలోచనలు ఒకరం పంచుకుంటూ.. ఒకరినొకరం అర్థం చేసుకుంటూ బ్యాటింగ్‌ చేస్తూ ఉంటాము’’ అని కోహ్లితో ఉన్న అనుబంధం, సమన్వయం గురించి చెప్పుకొచ్చాడు.చదవండి: మెరుగుపడాల్సిందే: శుబ్‌మన్‌ గిల్‌ వార్నింగ్‌

లార్డ్స్ వేదికగా ఇంగ్లండ్‌తో జరిగిన నిర్ణయాత్మక మూడో వన్డేలో టీమిండియా 27 పరుగుల తేడాతో ఓటమి పాలైంది. దీంతో మూడు వన్డేల సిరీస్‌ను 2-1 తేడాతో భారత్‌ కోల్పోయింది. ఈ మ్యాచ్‌లో టాస్ గెలిచి మొదట బ్యాటింగ్‌కు దిగిన ఇంగ్లండ్ నిర్ణీత 50 ఓవర్లలో 3 వికెట్ల నష్టానికి 387 పరుగుల భారీ స్కోరు సాధించింది. ఓపెనర్ బెన్ డక్కెట్ (141 పరుగులు, 135 బంతుల్లో, 18 ఫోర్లు, 1 సిక్స్) భారీ సెంచరీతో చెలరేగాడు. అతడితో పాటు జాకబ్ బెథెల్ (91), జో రూట్ (74 నాటౌట్, 48 బంతుల్లో) మెరుపు ఇన్నింగ్స్‌లు ఆడారు. భారత బౌలర్లు ఘోరంగా విఫలమయ్యారు.రో-కో హిట్‌.. మిడిలార్డ‌ర్ ఫ‌ట్‌అనంతరం 388 పరుగుల భారీ లక్ష్యంతో బరిలోకి దిగిన భారత్‌కు ఓపెనర్లు రోహిత్ శర్మ, శుభ్‌మన్ గిల్ అద్భుతమైన ఆరంభాన్ని అందించారు. తొలి వికెట్‌కు వీరిద్దరూ 147 పరుగుల భాగస్వామ్యాన్ని నెలకొల్పారు. ఆ తర్వాత 77 పరుగులు చేసిన గిల్.. రషీద్ బౌలింగ్‌లో వికెట్ల ముందు దొరికిపోయాడు.అనంతరం క్రీజులోకి వచ్చిన విరాట్ కోహ్లి, రోహిత్‌తో జతకట్టాడు. వీరిద్దరూ దూకుడుగా ఆడుతూ స్కోర్ బోర్డును ముందుకు నడిపించారు. ఈ క్రమంలో రోహిత్ 34 బంతుల్లో తన 34వ వన్డే సెంచరీ మార్క్‌ను పూర్తి చేసుకున్నాడు. వరుస బౌండరీలు బాది మంచి జోరు మీద ఉన్న రోహిత్(110 బంతుల్లో 17 ఫోర్లు, 5 సిక్స్‌లతో 138) జాకబ్ బెథల్ బౌలింగ్‌లో క్లీన్ బౌల్డయ్యాడు. రోహిత్ ఔటైన తర్వాత భారత వికెట్ల పతనం మొదలైంది. మిడిలార్డర్ బ్యాటర్లు ఒక్కరు కూడా రాణించలేకపోయారు. ఇషాన్ కిషన్‌(14), శ్రేయస్ అయ్యర్‌(0) వరుస ఓవర్లలో ఔటయ్యారు. దీంతో కావాల్సిన రన్‌రేట్ భారీగా పెరిగిపోయింది. ఈ క్రమంలో కోహ్లి(74) కూడా ఓ భారీ షాట్‌కు ప్రయత్నించి పెవిలియన్‌కు చేరాడు.దీంతో మ్యాచ్ భారత్ చేతులనుంచి చేజారిపోయింది. కేఎల్ రాహుల్‌(12), అక్షర్ పటేల్‌(2) నిరాపరిచారు. ఫలితంగా టీమిండియా నిర్ణీత 50 ఓవర్లలో 7 వికెట్లు కోల్పోయి 360 పరుగుల వద్ద ఆగిపోయింది. ఇం‍గ్లండ్ బౌలర్లలో సామ్ కుర్రాన్ 4 వికెట్లతో భారత్‌ను దెబ్బ తీశాడు. కాగా ఇంగ్లండ్ టూర్‌లో భారత్ టీ20 సిరీస్‌తో పాటు వన్డే సిరీస్‌ను కూడా కోల్పోయి ఘోర పరాభవాన్ని మూట కట్టుకుంది.

టీమిండియా స్టార్ ఓపెనర్ రోహిత్ శర్మ తన ఫామ్‌ను తిరిగి అందుకున్నాడు. లార్డ్స్ వేదికగా ఇంగ్లండ్‌తో మూడో వన్డేలో రోహిత్ సూపర్ సెంచరీతో మెరిశాడు. 388 పరుగుల భారీ లక్ష్య చేధనలో అతడు చెలరేగి ఆడాడు. ఈ క్రమంలో హిట్‌మ్యాన్ కేవలం కేవలం 84 బంతుల్లో 11 ఫోర్లు, 4 సిక్స్‌లతో తన 34వ వన్డే శతకాన్ని అందుకున్నాడు.మొత్తంగా ఈ మ్యాచ్‌లో 110 బంతులు ఎదుర్కొన్న రోహిత్‌.. 17 ఫోర్లు, 5 సిక్స్‌లతో 138 పరుగులు చేసి ఔటయ్యాడు. ఈ అద్భుత సెంచరీతో రోహిత్ పలు అరుదైన రికార్డులను తన ఖాతాలో వేసుకున్నాడు.రోహిత్‌ సాధించిన రికార్డులు ఇవే👉ప్రతిష్టాత్మక లార్డ్స్ మైదానంలో వన్డేల్లో సెంచరీ సాధించిన తొలి భారత బ్యాటర్‌గా రోహిత్ సరికొత్త చరిత్ర సృష్టించాడు. అంతకుముందు ఈ గ్రౌండ్‌లో అత్యధిక వన్డే స్కోరు చేసిన భారత్ ఆటగాడిగా రికార్డు సౌరవ్ గంగూలీ పేరిట ఉండేది. తాజా మ్యాచ్‌తో గంగూలీని హిట్‌మ్యాన్(138) అధిగమించాడు. ఈ రికార్డు సచిన్‌, కోహ్లి వంటి దిగ్గజాలకు కూడా సాధ్యం కాలేదు.👉విదేశీ గడ్డపై ఒకే దేశంలో అత్యధిక అత్యధిక వన్డే సెంచరీలు చేసిన ఆటగాడిగా రోహిత్ శర్మ వరల్డ్‌ సృష్టించాడు ఇంగ్లండ్‌లో రోహిత్‌కు ఇది ఎనిమిదవ వన్డే సెంచరీ. ఇంతకుముందు ఈ రికార్డు సచిన్ టెండూల్కర్, సయీద్ అన్వర్, డివిలియర్స్‌, క్వింటన్ డికాక్ సంయుక్తంగా ఉండేది. వీరంతా ఒకే దేశంలో 7 వన్డే సెంచరీలు నమోదు చేశారు. అయితే ఈ మ్యాచ్‌లో అద్భుత సెంచరీ సాధించడంతో రోహిత్ ఈ దిగ్గజ క్రికెటర్లను దాటేశాడు.👉వన్డే చరిత్రలోనే ఎక్కువ వయసులో (39 సంవత్సరాల 80 రోజులు) సెంచరీ సాధించిన భారత ఆటగాడిగానూ రోహిత్ నిలిచాడు. గతంలో ఈ రికార్డు మాస్టర్ బ్లాస్టర్ సచిన్ టెండూల్కర్ (38 ఏళ్ల 327 రోజులు) పేరిట ఉండేది.👉అంతర్జాతీయ క్రికెట్‌లో సేనా (సౌతాఫ్రికా, ఇంగ్లాండ్, న్యూజిలాండ్, ఆస్ట్రేలియా) దేశాలపై అత్యధిక సిక్సర్లు బాదిన ఆటగాడిగా రోహిత్ నిలిచాడు. సేనా దేశాల జట్లపై రోహిత్ ఇప్పటివరకు 343 సిక్సర్లు కొట్టాడు. ఇంతకుముందు ఈ రికార్డు వెస్టిండీస్ క్రికెట్ దిగ్గజం క్రిస్ గేల్(342) పేరిట ఉండేది. రోహిత్, గేల్ తర్వాత స్ధానాల్లో విరాట్ కోహ్లి(179), ఎంఎస్ ధోని(177), షాహిద్ అఫ్రిది

లార్డ్స్ వేదికగా ఇంగ్లండ్‌తో జరుగుతున్న మూడో వన్డేలో టీమిండియా స్టార్ ఓపెనర్ రోహిత్ శర్మ అద్భుతమైన సెంచరీతో చెలరేగాడు. 388 పరుగుల భారీ లక్ష్య చేధనలో ఇంగ్లండ్‌ బౌలర్లకు రోహిత్ చుక్కలు చూపించాడు.ఈ క్రమంలో హిట్‌మ్యాన్‌ కేవలం 84 బంతుల్లో 11 ఫోర్లు, 4 సిక్స్‌లతో తన 34వ వన్డే శతకాన్ని అందుకున్నాడు.త‌న ఫామ్‌పై విమ‌ర్శ‌లు చేస్తున్న వారికి రోహిత్ బ్యాట్‌తోనే సమాధనమిచ్చాడు. లార్డ్స్‌లో వన్డేల్లో సెంచరీ చేసిన తొలి భారత బ్యాటర్‌గా రోహిత్‌ చరిత్ర సృష్టించాడు. ఓవరాల్‌గా 110 బంతులు ఎదుర్కొన్న రోహిత్‌.. 17 ఫోర్లు, 5 సిక్స్‌లతో 138 పరుగులు చేసి ఔటయ్యాడు.కాగా లార్డ్స్‌ వన్డే అనంతరం రోహిత్‌ అంతర్జాతీయ క్రికెట్‌కు వీడ్కోలు పలకనున్నాడని ప్రచారం జరిగిన సంగతి తెలిసిందే. కానీ ఈ ముంబై ఆటగాడు తన సూపర్‌ సెంచరీ ఈ రూమర్స్‌కు చెక్‌పెట్టాడు. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవర్లలో 387 పరుగుల భారీ స్కోర్‌ సాధించింది.

టీమిండియా బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ సరికొత్త చరిత్ర సృష్టించారు. అంతర్జాతీయ క్రికెట్‌లో అత్యధికంగా సంయుక్తంగా 400 మ్యాచ్‌లు ఆడిన భారత జోడీగా రికార్డు సాధించారు. ఇంగ్లండ్‌తో లార్డ్స్‌ వేదికగా ఆదివారం నాటి మూడో వన్డే సందర్భంగా రో-కో ఈ ఫీట్‌ నమోదు చేశారు.అగ్రస్థానంలో ఎవరంటే?ఇక మొత్తంగా అంతర్జాతీయ క్రికెట్‌లో అత్యధిక మ్యాచ్‌లు ఆడిన జోడీగా శ్రీలంక దిగ్గజాలు కుమార్‌ సంగక్కర- మహేళ జయవర్ధనె కొనసాగుతున్నారు. వీరిద్దరు కలిసి శ్రీలంక తరఫున 550 మ్యాచ్‌లలో భాగమయ్యారు. ఆ తర్వాత మూడు స్థానాల్లోనూ లంక దిగ్గజాలే ఉండటం విశేషం. ఇక రోహిత్‌- కోహ్లి జోడీ ఈ జాబితాలో ఆరో స్థానంలో కొనసాగుతోంది.కాగా 2007లో అంతర్జాతీయ క్రికెట్‌లో అడుగుపెట్టిన రోహిత్‌ శర్మ 67 టెస్టులు, 159 టీ20 మ్యాచ్‌లు ఆడాడు. ఇప్పటికి 287 వన్డేలు పూర్తి చేసుకున్నాడు. ఇక 2008లో అరంగేట్రం చేసిన విరాట్‌ కోహ్లి 123 టెస్టులు, 125 టీ20 మ్యాచ్‌లు ఆడాడు. ఇప్పటికి 313 వన్డేలు పూర్తి చేసుకున్నాడు.వన్డే వరల్డ్‌కప్‌-2027 ఆడటమే లక్ష్యంగాటీ20 ప్రపంచకప్‌-2024లో భారత్‌ చాంపియన్‌గా నిలిచిన తర్వాత రోహిత్‌- కోహ్లి సంయుక్తంగా అంతర్జాతీయ టీ20 ఫార్మాట్‌కు వీడ్కోలు పలికిన సంగతి తెలిసిందే. అదే విధంగా గతేడాది రోహిత్‌ టెస్టు ఫార్మాట్‌కు గుడ్‌బై చెప్పగా.. వారం రోజుల వ్యవధిలోనే కోహ్లి సైతం రిటైర్మెంట్‌ ప్రకటించాడు. ఇద్దరూ ప్రస్తుతం వన్డే వరల్డ్‌కప్‌-2027లో ఆడటమే లక్ష్యంగా ముందుకు సాగుతున్నారు.ఇదిలా ఉంటే.. ఇంగ్లండ్‌ చేతిలో 4-0తో టీ20 సిరీస్‌లో క్లీన్‌స్వీప్‌నకు గురైంది టీమిండియా. ఈ క్రమంలో వన్డే సిరీస్‌ను విజయంతో ఆరంభించిన భారత జట్టు.. రెండో వన్డేలో తడబడింది. ఫలితంగా సిరీస్‌ 1-1తో సమం కాగా.. లార్డ్స్‌ వేదికగా ఆదివారం నాటి నిర్ణయాత్మక మూడో వన్డేతో విజేత ఎవరో తేలుతుంది.ఇంగ్లండ్‌తో తొలి వన్డేలో రోహిత్‌ 11 పరుగులు చేయగా.. కోహ్లి 5 పరుగులకే అవుటయ్యాడు. ఇక రెండో వన్డేలో రోహిత్‌ 28 పరుగులు చేయగా.. కోహ్లి అర్ధ శతకం (65)తో అలరించాడు.అంతర్జాతీయ క్రికెట్‌లో అత్యధిక మ్యాచ్‌లు ఆడిన జోడీలు👉కుమార్‌ సంగక్కర- మహేళ జయవర్ధనె (శ్రీలంక): 550 మ్యాచ్‌లు👉తిలకరత్నె దిల్షాన్‌- మహేళ జయవర్ధనె (శ్రీలంక): 426 మ్యాచ్‌లు👉కుమార్‌ సంగక్కర- తిలకరత్నె దిల్షాన్‌ (శ్రీలంక): 418 మ్యాచ్‌లు👉సనత్‌ జయసూర్య- ముత్తయ్య మురళీధరన్‌ (శ్రీలంక): 408 మ్యాచ్‌లు👉జాక్వెస్‌ కలిస్‌- మార్క్‌ బుచర్‌ (సౌతాఫ్రికా): 407 మ్యాచ్‌లు👉రోహిత్‌ శర్మ- విరాట్‌ కోహ్లి (ఇండియా): 400* మ్యాచ్‌లు.చదవండి: టీమిండియాకు భారీ షాక్‌!

టీమిండియా స్టార్ ఓపెన‌ర్‌, మాజీ కెప్టెన్ రోహిత్ శ‌ర్మ అంత‌ర్జాతీయ క్రికెట్ రిటైర్మెంట్‌కు సంబంధించి జోరుగా ప్ర‌చారం జరిగిన సంగతి తెలిసిందే. లార్డ్స్ వేదిక‌గా ఆదివారం ఇంగ్లండ్‌తో జ‌ర‌గ‌నున్న మూడో వ‌న్డేనే రోహిత్‌కు భార‌త్ త‌ర‌పున ఆఖ‌రి మ్యాచ్ అని జాతీయ మీడియాలో సైతం కథనాలు వెలువడ్డాయి.అయితే 'హిట్‌మ్యాన్' భవిష్యత్తు ప్రణాళికల్లో కొనసాగుతాడని, లార్డ్స్ వన్డే అతడి చివరి మ్యాచ్ కాదని బీసీసీఐ కార్యదర్శి దేవజిత్ సైకియా స్పష్టం చేయడంతో అభిమానులు ఊపిరి పీల్చుకున్నారు. కానీ రోహిత్ కంటే ముందే మరో ముగ్గురు భారత స్టార్ ఆటగాళ్లు వన్డే ఫార్మాట్‌కు గుడ్-బై చెప్పే అవకాశం కనిపిస్తోంది. ఆ ముగ్గురు స్టార్ ఆటగాళ్లు ఎవరో ఓ లుక్కేద్దాం.మహ్మద్ షమీఈ జాబితాలో వెటరన్ పేసర్ మహ్మద్ షమీ ఉంటాడు. షమీ గతేడాదిగా జాతీయ జట్టుకు దూరంగా ఉన్నాడు. వన్డే ప్రపంచకప్‌- 2023లో భారత్ తరఫున అత్యుత్తమ బౌలర్‌గా నిలిచిన షమీ.. ఆ తర్వాత గాయాల కారణంగా రెండేళ్లపాటు ఆటకు దూరమయ్యాడు. తిరిగి ఛాంపియన్స్ ట్రోఫీ-2025కి ముందు అతడు భారత జట్టులోకి వచ్చాడు. ఛాంపియన్స్ ట్రోఫీలో అద్భుతమైన ప్రదర్శన కనబరిచినప్పటికి.. అతడు మళ్లీ జట్టులో చోటు కోల్పోయాడు. ఫిట్‌నెస్ స‌మ‌స్య‌ల ప‌రంగా అత‌డిని ప‌క్కన పెట్ట‌నట్లు అజిత్ అగార్కర్ నేతృత్వంలోని సెలెక్షన్ కమిటీ స్ప‌ష్టం చేసింది. ఆ త‌ర్వాత అత‌డు దేశవాళీ క్రికెట్‌లో రాణించిన‌ప్ప‌టికి సెల‌క్ట‌ర్లు మాత్రం జ‌ట్టు ఎంపికకు ప‌రిగ‌ణ‌లోకి తీసుకోలేదు. అతడి స్దానంలో యువ బౌలర్లను సెలెక్షన్ కమిటీ సిద్ధం చేస్తోంది. ఇప్పటికే ప్రిన్స్ యాదవ్‌, గుర్నూర్ బ్రార్ యువ పేసర్లు సత్తాచాటుతున్నారు. దీంతో షమీకి తిరిగి భారత జట్టులో చోటు దక్కే సూచనలు కనిపించం లేదు. ఈ క్రమంలో 35 ఏళ్ల షమీ త్వరలోనే అంతర్జాతీయ క్రికెట్‌కు వీడ్కోలు పలికిన ఆశ్చర్యపోనక్కర్లేదు. ష‌మీ త‌న కెరీర్‌లో మూడు ఫార్మాట్లు క‌లిపి 405 వికెట్లు ప‌డ‌గొట్టాడు.యుజ్వేంద్ర చహ‌ల్‌ఇక ఈ జాబితాలో రెండో పేరు యుజ్వేంద్ర చహల్. చాహ‌ల్ 2023 నుంచి ఇప్ప‌టివ‌ర‌కు భార‌త్ త‌ర‌పున ఒక్క వ‌న్డే మ్యాచ్ కూడా ఆడలేదు. ప్ర‌స్తుతం జ‌ట్టులో కుల్దీప్ యాద‌వ్‌, వరుణ్ చక్రవర్తి ఫ్రంట్‌లైన్ స్పిన్న‌ర్లుగా ఉన్నారు. అంతేకాకుండా హ‌ర్ష్ దూబే, మానవ్ సుతార్ వంటి యువ ఆటగాళ్లను సెలెక్టర్లు ప‌రిశీలిస్తున్నారు. వీరికి తోడు అక్ష‌ర్ ప‌టేల్, వాషింగ్ట‌న్ సుంద‌ర్ వంటి స్పిన్ బౌలింగ్ ఆల్‌రౌండ‌ర్లు కూడా జ‌ట్టులో ఉన్నారు. ఈ నేప‌థ్యంలో చాహల్ కూడా అంతర్జాతీయ క్రికెట్‌కు రిటైర్మెంట్ ప్రకటించింది.రవీంద్ర జడేజాఇక స్టార్ ఆల్‌రౌండర్ రవీంద్ర జడేజా కూడా త్వరలోనే వన్డేల నుంచి తప్పుకోనున్నట్లు పలు రిపోర్ట్‌లు పేర్కొంటున్నాయి. రెండేళ్ల కిందట టీ20లకు వీడ్కోలు పలికిన జడ్డూ.. ప్రస్తుతం కేవలం వన్డే, టెస్ట్ ఫార్మాట్లలో మాత్రమే కొనసాగుతున్నాడు. వన్డేల్లో కూడా అతడికి అవకాశం రావడం లేదు. అఫ్గాన్ సిరీస్‌తో పాటు ఇంగ్లండ్‌తో వన్డేలకు అతడిని పక్కన పెట్టారు. 2023 ప్రపంచకప్ ఫైనల్ తర్వాత జడేజా కేవలం 13 వన్డేలు మాత్రమే ఆడాడు. ముఖ్యంగా 2026లో ఆడిన 3 వన్డేల్లో కేవలం 43 పరుగులు మాత్రమే చేసి, ఒక్క వికెట్ కూడా తీయలేదు. దీంతో అతడికి ప్రత్యామ్నాయంగా అక్షర్ పటేల్‌కు ఎక్కువ అవకాశాలు ఇవ్వాలని సెలెక్షన్ కమిటీ భావిస్తోంది. దీంతో జడేజా వన్డేలకు వీడ్కోలు పలికి కేవలం టెస్టుల్లోనే కొనసాగే ఛాన్స్ ఉంది.

లండన్‌: భారత ఓపెనర్‌ రోహిత్‌ శర్మ వన్డే కెరీర్‌పై గత మూడు రోజులుగా సాగుతున్న చర్చకు నేడు తెరపడనుంది. మూడు మ్యాచ్‌ల సిరీస్‌లో భాగంగా ఆదివారం ప్రఖ్యాత లార్డ్స్‌ మైదానంలో ఇంగ్లండ్‌తో టీమిండియా మూడో వన్డే ఆడనుంది. ఈ మ్యాచ్‌తోనే రోహిత్‌ అంతర్జాతీయ కెరీర్‌ ముగియనుందనే వార్తలు వెలువడటంతో... అభిమానులందరి దృష్టి ‘హిట్‌ మ్యాన్‌’పైనే ఉండనుంది. వచ్చే ఏడాది జరగనున్న వన్డే ప్రపంచకప్‌ వరకు కొనసాగాలని రోహిత్‌ భావిస్తున్నా... సెలక్టర్లు అందుకు సుముఖంగా లేరని రోహిత్‌ సన్నిహిత వర్గాలు అంటుండగా... లార్డ్స్‌ మ్యాచ్‌ రోహిత్‌ శర్మకు చివరిది కాదని బీసీసీఐ కార్యదర్శి దేవజిత్‌ సైకియా వెల్లడించారు. రోహిత్‌ కుటుంబ సభ్యులు లండన్‌ చేరుకోవడంతో అతని అంతర్జాతీయ కెరీర్‌ ముగియనుందనే వాదనకు బలం చేకూరుతోంది. అదే జరిగితే వన్డే క్రికెట్‌లో మూడు డబుల్‌ సెంచరీలు చేసిన ఏకైక బ్యాటర్‌ను భారత జెర్సీలో చూడటం ఇదే చివరిసారి కానుంది. తొలి వన్డేలో భారత్‌ విజయం సాధించగా... రెండో మ్యాచ్‌లో గెలిచి ఇంగ్లండ్‌ లెక్క సరిచేసింది. దీంతో ఈ పోరులో గెలిచిన జట్టు సిరీస్‌ చేజిక్కించుకోనుంది. రో‘హిట్‌’ కొట్టేనా! గత రెండు మ్యాచ్‌ల్లో స్థాయికి తగ్గ ప్రదర్శన కనబర్చలేకపోయిన రోహిత్‌ బ్యాట్‌ నుంచి మెరుపు ఆరంభం ఆశిస్తుండగా... కెపె్టన్‌ శుబ్‌మన్‌ గిల్, విరాట్‌ కోహ్లి, శ్రేయస్‌ అయ్యర్‌ నిలకడ కొనసాగించాల్సిన అవసరముంది. అస్వస్థతతో గత మ్యాచ్‌కు దూరమైన కేఎల్‌ రాహుల్‌ తిరిగి రావడం ఖాయం కావడంతో ఇషాన్‌ కిషన్‌ బెంచ్‌కే పరిమితం కానున్నాడు. గాయం కారణంగా ఆల్‌రౌండర్‌ వాషింగ్టన్‌ సుందర్‌ జట్టుకు దూరం కాగా... అతడి స్థానంలో ఎంపికైన లెఫ్టార్మ్‌ స్పిన్నర్‌ హర్ష్ దూబేకు తుది జట్టులో చోటు దక్కుతుందా చూడాలి. బౌలింగ్‌లో జస్‌ప్రీత్‌ బుమ్రా మునపటి వాడి ప్రదర్శిస్తుండగా... ప్రసిధ్‌ కృష్ణ, గుర్‌నూర్‌ బ్రార్‌ అతడికి అండగా నిలుస్తున్నారు. మరోవైపు గత మ్యాచ్‌లో టాపార్డర్‌ నుంచి ఆశించిన స్థాయిలో సహకారం లభించకపోయినా... ఒంటరి పోరాటంతో జట్టును గెలిపించిన రూట్‌పై ఇంగ్లండ్‌ భారీ ఆశలు పెట్టుకుంది. గత మూడు వన్డేల్లోనూ నాటౌట్‌గా నిలచిన రూట్‌... భారత్‌పై తొలి వన్డేలో 76, రెండో వన్డేలో 99 పరుగులు చేశాడు. రూట్‌ నిలకడకు ఇతర బ్యాటర్ల దూకుడు తోడైతే ఇంగ్లండ్‌ను ఆపడం కష్టతరమే! బౌలింగ్‌లో జోఫ్రా ఆర్చర్‌పైనే ఆ జట్టు ప్రధానంగా ఆధారపడుతోంది. పిచ్‌ ఎలా ఉందంటే... లార్డ్స్‌లో టీమిండియాకు గొప్ప రికార్డేమీ లేదు. ఈ మైదానంలో భారత జట్టు వన్డే మ్యాచ్‌ గెలిచి రెండు దశాబ్దాలు దాటింది. చివరగా 2004లో దినేశ్‌ కార్తీక్‌ అరంగేట్రం చేసిన మ్యాచ్‌లో భారత్‌ గెలిచింది. ఓవరాల్‌గా ఈ మైదానంలో తొమ్మిది వన్డేలు ఆడిన టీమిండియా నాలుగు మ్యాచ్‌ల్లో నెగ్గింది. అందులో 1983 వన్డే ప్రపంచకప్‌ ఫైనల్‌ కూడా ఉంది. పిచ్‌ బౌలింగ్‌కు అనుకూలం. ఇటీవల న్యూజిలాండ్‌తో టెస్టు సందర్భంగా పిచ్‌ అనూహ్యంగా స్పందించింది. గత రికార్డు చూసుకుంటే లక్ష్యఛేదన కన్నా... మొదట బ్యాటింగ్‌ చేసిన జట్టుకే విజయావకాశాలు ఎక్కువ. మ్యాచ్‌కు వర్ష సూచన లేదు. తుది జట్లు (అంచనా) భారత్‌: గిల్‌ (కెప్టెన్‌), రోహిత్, కోహ్లి, శ్రేయస్, రాహుల్, అక్షర్, శివమ్‌ దూబే, కుల్దీప్‌/హర్ష్ దూబే, బుమ్రా, గుర్‌నూర్, ప్రసిధ్‌. ఇంగ్లండ్‌: హ్యారీ బ్రూక్‌ (కెప్టెన్‌), డకెట్, బెథెల్, రూట్, బట్లర్, సామ్‌ కరన్, విల్‌ జాక్స్, అట్కిన్సన్, ఆర్చర్, సాఖిబ్‌/టంగ్, ఆదిల్‌ రషీద్‌.

టీమిండియా సీనియ‌ర్ క్రికెట‌ర్ రోహిత్ శ‌ర్మ త‌న రిటైర్మెంట్‌పై వ‌స్తున్న ఊహాగానాల‌పై తొలిసారి స్పందించాడు. రోహిత్ రిటైర్మెంట్‌కు సంబంధించి వ‌స్తున్న వార్త‌ల‌న్నీ అవాస్త‌వ‌మని బీసీసీఐ కార్య‌ద‌ర్శి దేవ‌జిత్ సైకియా పేర్కొన్నారు. టీమిండియా భ‌విష్య‌త్తు ప్ర‌ణాళిక‌ల్లో జ‌ట్టులో రోహిత్ శ‌ర్మ ఉంటాడ‌ని సైకియా అభిప్రాయ‌ప‌డ్డారు. ఈ నేప‌థ్యంలో లార్డ్స్ వేదిక‌గా రేపు జ‌ర‌గ‌నున్న చివ‌రి వ‌న్డే కోసం భార‌త ఆట‌గాళ్లు ప్రాక్టీస్‌కు వ‌చ్చారు. ఈ స‌మ‌యంలో రోహిత్ శ‌ర్మ భారత బ్యాటింగ్‌ కోచ్‌ సితాన్షు కోట‌క్‌తో సుదీర్ఘంగా చ‌ర్చించిన ఫొటోలు బ‌య‌టికి వ‌చ్చాయి. వీరిద్ద‌రి మ‌ధ్య జ‌రిగిన సంభాష‌ణ‌ను ఒక వ్య‌క్తి వీడియో తీసి సోష‌ల్ మీడియాలో షేర్ చేశాడు. ఆ వీడియోలో సితాన్షు కోట‌క్‌తో రోహిత్ మాట్లాడుతూ..'బ‌య‌ట జ‌రుగుతున్న విష‌యాల‌తో మన‌కు సంబంధం లేదు. అవ‌న్నీ పట్టించుకోవ‌ద్దు' అని పేర్కొన‌డం వినిపించింది. దీంతో అస‌లు టీమిండియాలో రోహిత్ శ‌ర్మ రిటైర్మెంట్‌కు సంబంధించి ఇంట‌ర్న‌ల్ చ‌ర్చ‌లు కూడా జ‌ర‌గ‌లేద‌ని దీన్నిబ‌ట్టి స్ప‌ష్టంగా తెలుస్తోంది.ఇక శుక్రవారం రోహిత్‌ వన్డే కెరీర్‌పై సైకియా కీలక వ్యాఖ్యలు చేశాడు. ‘రోహిత్‌ కెరీర్‌కు సంబంధించి ఏవేవో వార్తలు వస్తున్నాయి. ఆదివారం లార్డ్స్‌లో రోహిత్‌ చివరి వన్డే మ్యాచ్‌ ఆడబోతున్నాడనే విషయంపై ఎలాంటి చర్చ జరగలేదు. భారత వన్డే జట్టులో రోహిత్‌ కీలక సభ్యుడు. జట్టు భవిష్యత్తు ప్రణాళికల్లో అతడు భాగం. లార్డ్స్‌ వన్డే అతడికి చివరి మ్యాచ్‌ కాదు’ అని సైకియా వెల్లడించాడు. సెలక్షన్‌ కమిటీ చైర్మన్‌ అజిత్‌ అగార్కర్, ప్రధాన కోచ్‌ గౌతమ్‌ గంభీర్‌ తీరుపై బీసీసీఐ పెద్దలు ఆగ్రహం వ్యక్తం చేసినట్లు సమాచారం. దీంతో రోహిత్‌ వన్డే కెరీర్‌కు రిటైర్మెంట్‌ వార్తలకు ఫుల్‌స్టాప్‌ పడ్డట్లు అయింది. ఇంగ్లండ్‌తో వ‌న్డే సిరీస్‌లో రోహిత్ ఆడిన రెండు వ‌న్డేలు క‌లిపి కేవ‌లం 37 ప‌రుగులు మాత్ర‌మే చేశాడు. అంత‌క‌ముందు అఫ్గానిస్తాన్‌తో జ‌రిగిన వ‌న్డే సిరీస్‌లో రోహిత్ వ‌రుస‌గా 16, 48, 79 ప‌రుగులు చేశాడు. తాజాగా ఇంగ్లండ్ ప‌ర్య‌ట‌న‌లో వ‌రుస వైఫ‌ల్యాలతో రోహిత్ రిటైర్మెంట్ వార్త‌లు తెర‌మీదకు వ‌చ్చాయి. Rohit Sharma 🗣️ Dekho yeh sb yhha khada hai "bahar kya chal raha hai ussya hamara kya lena dena" 🔥ROHIT FOR 2027 WC 🙌🏻#RohitSharma #odiworldcup2027 pic.twitter.com/cR4p52AS3Q— THE LLORD (@BlueBloodcric) July 18, 2026చదవండి: సిరీస్ విజ‌యంపై గురి.. లార్డ్స్‌లో టీమిండియాకు ఘన చరిత్ర!

ఇంగ్లండ్‌తో ఆదివారం జ‌ర‌గ‌నున్న వ‌న్డే మ్యాచ్ రోహిత్ శ‌ర్మ‌కు ఆఖ‌రిద‌ని, ఆ త‌ర్వాత అత‌డు రిటైర్మెంట్ ఇవ్వ‌నున్న‌ట్లు ఊహాగానాలు వ‌చ్చిన సంగ‌తి తెలిసిందే. ఈ నేప‌థ్యంలో బీసీసీఐ సెక్ర‌ట‌రీ దేవ‌జిత్ సైకియా రోహిత్ రిటైర్మెంట్ వార్త‌ల‌పై స్పందించారు. అవ‌న్నీ త‌ప్పుడు వార్త‌ల‌ని, జ‌ట్టులో కొన‌సాగినంత‌కాలం రోహిత్ శ‌ర్మ టీమిండియాకు ఆడుతాడ‌ని, అత‌డి రిటైర్మెంట్ ఇప్పుడే ఉండ‌ద‌ని పేర్కొంటూ ఊహాగానాల‌కు తెర‌దించాడు. అయితే రోహిత్ శ‌ర్మ రిటైర్మెంట్‌ వార్తలపై భార‌త దిగ్గ‌జం క‌పిల్ దేవ్ ఆస‌క్తిక‌ర వ్యాఖ్య‌లు చేశాడు. రోహిత్ ఎప్పుడు ఆట‌కు వీడ్కోలు పలికినా అత‌డి రిటైర్మెంట్‌ను ఒక వేడుక‌లా సెల‌బ్రేట్ చేయాల‌ని బీసీసీఐకి సూచించారు. 19 ఏళ్ల కెరీర్‌లో కెప్టెన్‌గా, ప్లేయ‌ర్‌గా ఎన్నో అరుదైన మైలురాళ్ల‌ను అందుకున్న రోహిత్ శ‌ర్మకు గౌర‌వంగా వీడ్కోలు ప‌ల‌కాల్సిన అవ‌స‌ర‌ముందన్నారు. రిటైర్మెంట్ అనేది క్రికెట‌ర్ల‌కు కామ‌న్ అని, దాని గురించి బాధ‌ప‌డొద్ద‌ని, ఆ ప్ర‌క్రియ‌ను ఒక వేడుక‌లా జ‌రుపుకోవాల‌ని క‌పిల్ హిత‌వు పలికారు. పీటీఐకి ఇచ్చిన ఇంట‌ర్వ్యూలో క‌పిల్ దేవ్ మాట్లాడుతూ.. ‘రిటైర్మెంట్ అనే ప‌దం విన‌గానే ఎందుకు బాధ‌ప‌డాలి. స‌మ‌యం వ‌చ్చింది కాబ‌ట్టే అంతా రోహిత్ వీడ్కోలు గురించి మాట్లాడుకుంటున్నారు. 19 ఏళ్లుగా రోహిత్ త‌న ఆట‌తో ఎంతో సంతోషాన్ని పంచాడు. ఏదోఒక రోజు అంద‌రూ రిటైర్ అవ్వాల్సిందే. నాతో పాటు సునీల్ గావ‌స్క‌ర్‌, స‌చిన్ టెండూల్క‌ర్‌, రాహుల్ ద్ర‌విడ్ ఇలా అంద‌రం ఆట‌కు వీడ్కోలు ప‌లికిన‌వాళ్ల‌మే. ఒక‌వేళ రోహిత్ రిటైర్మెంట్‌కు స‌మ‌యం వ‌చ్చిన‌ప్పుడు మ‌న‌మంతా దానిని ఒక వేడుక‌గా జ‌రుపుకోవాలి. రోహిత్ వీడ్కోలు ఎప్పుడు ప‌లికినా ఆ మ్యాచ్‌లో మాత్రం సెంచ‌రీ సాధించాల‌ని బ‌లంగా కోరుకుంటున్నా.’ అని క‌పిల్ దేవ్ తెలిపారు.ఇంగ్లండ్‌తో వ‌న్డే సిరీస్‌లో రోహిత్ ఆడిన రెండు వ‌న్డేలు క‌లిపి కేవ‌లం 37 ప‌రుగులు మాత్ర‌మే చేశాడు. అంత‌క‌ముందు అఫ్గానిస్తాన్‌తో జ‌రిగిన వ‌న్డే సిరీస్‌లో రోహిత్ వ‌రుస‌గా 16, 48, 79 ప‌రుగులు చేశాడు. తాజాగా ఇంగ్లండ్ ప‌ర్య‌ట‌న‌లో వ‌రుస వైఫ‌ల్యాలతో రోహిత్ రిటైర్మెంట్ వార్త‌లు తెర‌మీదకు వ‌చ్చాయి. Greater Noida, Uttar Pradesh: When asked about speculation that this match at Lord's could be Rohit Sharma's last ODI, Former Indian cricket team captain and President of PGTI, Kapil Dev says, "... He has entertained the nation immensely, something very few players have… pic.twitter.com/ytrOdnUipk— IANS (@ians_india) July 18, 2026Read: వ‌రుస ఓట‌ములు.. విండీస్ జ‌ట్టులో భారీ మార్పులు!

టీమిండియా దిగ్గజ కెప్టెన్‌ రోహిత్‌ శర్మ రిటైర్మెంట్‌ గురించి ఊహాగానాలు ఊపందుకున్నాయి. ఇంగ్లండ్‌తో లార్డ్స్‌ వేదికగా ఆదివారం జరిగే మూడో వన్డే హిట్‌మ్యాన్‌ కెరీర్‌లో ఆఖరి అంతర్జాతీయ మ్యాచ్‌ అంటూ వార్తలు వస్తున్నాయి. ఈ నేపథ్యంలో భారత క్రికెట్‌ నియంత్రణ మండలి (BCCI) కార్యదర్శి దేవజిత్‌ సైకియా ఈ వార్తల్ని కొట్టిపారేశాడు. లార్డ్స్‌ వన్డే రోహిత్‌కు చివరి మ్యాచ్‌ కాదని స్పష్టం చేశాడు.సెలక్టర్లపై బీసీసీఐ ఆగ్రహం!అదే విధంగా ఈ విషయంలో లీకులు ఇచ్చారని సెలక్టర్లపై బీసీసీఐ ఆగ్రహం చేసినట్లు సమాచారం. ఇలాంటి తరుణంలో మరో ఆసక్తికర వార్త తెరమీదకు వచ్చింది. నిజానికి అఫ్గానిస్తాన్‌తో ఇటీవల స్వదేశంలో జరిగిన వన్డే సిరీస్‌ నుంచే రోహిత్‌ శర్మను పక్కనపెట్టాలని అజిత్‌ అగార్కర్‌ నేతృత్వంలోని సెలక్షన్‌ కమిటీ నిర్ణయించినట్లు సమాచారం.అప్పుడే డిసైడ్‌ అయ్యారువిశ్రాంతి పేరిట రోహిత్‌ను పక్కనపెట్టి.. యువ ఓపెనర్‌ యశస్వి జైస్వాల్‌ను అఫ్గాన్‌తో సిరీస్‌లో ఆడించాలనే యోచనలో ఉన్నారట. అయితే, ఇందుకు రోహిత్‌ ససేమిరా అనడంతో.. కెప్టెన్‌ శుబ్‌మన్‌ గిల్‌ స్వయంగా తన బ్యాటింగ్‌ స్థానాన్ని మార్చుకున్నట్లు తెలుస్తోంది.ఈ విషయం గురించి బీసీసీఐ సన్నిహిత వర్గాలు టైమ్స్‌ ఆఫ్‌ ఇండియాతో మాట్లాడుతూ.. ‘‘గత నెలలో స్వదేశంలో అఫ్గానిస్తాన్‌తో జరిగిన వన్డే సిరీస్‌ నుంచి రోహిత్‌ శర్మను తప్పించాలని సెలక్టర్లు నిర్ణయించుకున్నారు. కానీ అతడు ఆడేందుకు సిద్ధమయ్యాడు. ఆఖరిదైన మూడో వన్డేలోనైనా విశ్రాంతి తీసుకోవాలని కోరారు.విశ్రాంతి వద్దన్న రోహిత్‌.. గిల్‌ అనూహ్య నిర్ణయం!అతడి స్థానంలో జైస్వాల్‌ను ఆడించాలనుకున్నారు. కానీ రోహిత్‌ రెస్ట్‌ తీసుకునేందుకు నిరాకరించాడు. దీంతో జైస్వాల్‌ను ఎలాగైనా ఆడించాలనే ఉద్దేశంతోనే కెప్టెన్‌ శుబ్‌మన్‌ గిల్‌ మూడో స్థానంలో బ్యాటింగ్‌కు దిగాడు’’ అని పేర్కొన్నాయి. అదే విధంగా.. ‘‘అంతర్జాతీయ టీ20, టెస్టు ఫార్మాట్ల నుంచి రిటైర్‌ అయిన తర్వాత రోహిత్‌కు అసలైన సవాలు ఎదురైంది.అతడు దేశవాళీ క్రికెట్‌లోనూ కేవలం రెండు మ్యాచ్‌లే ఆడాడు. కానీ ఆశించిన స్థాయిలో లయను అందుకోలేకపోయాడు. ఇటీవల కూడా పెద్దగా ఆకట్టుకోలేకపోతున్నాడు. ఫామ్‌ కోల్పోయిన రోహిత్‌ విషయంలో సెలక్టర్లు అయితే ఇప్పటికే తమ నిర్ణయం గురించి చెప్పేశారు. రోహిత్‌ శర్మ, బోర్డు తీసుకునే నిర్ణయం ఆధారంగానే అతడు వన్డే వరల్డ్‌కప్‌ టోర్నీ-2027 ఆడతాడా? లేదా? అన్నది తేలుతుంది’’ అని బీసీసీఐ వర్గాలు పేర్కొన్నాయి.తొలుత విఫలమైనా..కాగా అఫ్గాన్‌తో వన్డే సిరీస్‌లో రోహిత్‌ శర్మ 16, 48, 79 పరుగులు సాధించాడు. ఇక రెండో వన్డేతో తుదిజట్టులోకి వచ్చిన జైస్వాల్‌ నిరాశపరిచినా (4).. మూడో వన్డేలో అజేయ శతకం (110*)తో ఆకట్టుకున్నాడు. మరోవైపు.. తొలి వన్డేలో ఓపెనర్‌గా దిగి 84 పరుగులతో అజేయంగా నిలిచిన గిల్‌.. తర్వాత రెండు వన్డేలో మూడో నంబర్‌ బ్యాటర్‌గా వచ్చి భారీ శతకం (154)తో దుమ్ములేపాడు.ఇదిలా ఉంటే.. రెగ్యులర్‌ వన్‌డౌన్‌ బ్యాటర్‌ విరాట్‌ కోహ్లి వ్యక్తిగత కారణాల వల్ల ఈ సిరీస్‌కు దూరం కావడంతో.. అతడి స్థానంలో యశస్వి జైస్వాల్‌కు జట్టులో చోటు దక్కింది. ఈ వన్డే సిరీస్‌లో భారత్‌ అఫ్గాన్‌ను 3-0తో క్లీన్‌స్వీప్‌ చేసింది. ఇక తాజాగా ఇ​ంగ్లండ్‌ పర్యటనలో రోహిత్‌ శర్మ ఇప్పటికి రెండు వన్డేలలో వరుసగా 11, 26 పరుగులు మాత్రమే చేశాడు. ఈ నేపథ్యంలో రిటైర్మెంట్‌ వార్తలు తెరమీదకు రావడం గమనార్హం.చదవండి: అదే మా కొంప ముంచింది: శుబ్‌మన్‌ గిల్‌

భారత క్రికెట్ దిగ్గజం రోహిత్ శర్మ అంతర్జాతీయ కెరీర్ ముగింపు దశకు చేరుకున్నట్లు ప్రచారం జరుగుతోంది. ఇంగ్లండ్‌తో లార్డ్స్ వేదికగా జరిగే మూడో వన్డే అతని చివరి అంతర్జాతీయ మ్యాచ్ కావచ్చనే వార్తలు వినిపిస్తున్నాయి. ఒకవేళ అదే జరిగితే, భారత క్రికెట్ చరిత్రలో అత్యుత్తమ వన్డే బ్యాటర్‌ శకం ముగిసినట్లే. ఈ సందర్భంగా చాలా కాలం పాటు చెక్కుచెదరకుండా నిలిచే అతని అరుదైన రికార్డులపై ఓ లుక్కేద్దాం.అంతర్జాతీయ క్రికెట్‌లో అత్యధిక సిక్సర్లురోహిత్ శర్మ టెస్టులు, వన్డేలు, టీ20లు కలిపి 513 మ్యాచ్‌ల్లో 657 సిక్సర్లు బాదాడు. అంతర్జాతీయ క్రికెట్ చరిత్రలో మరే బ్యాటర్ ఇప్పటివరకు ఇన్ని సిక్సర్లు కొట్టలేదు. వెస్టిండీస్ దిగ్గజం క్రిస్ గేల్ 553 సిక్సర్లతో రెండో స్థానంలో ఉన్నాడు.వన్డేల్లో మూడు డబుల్ సెంచరీలువన్డేల్లో ఒక డబుల్ సెంచరీ చేయడమే గొప్ప ఘనతగా భావిస్తారు. అలాంటిది రోహిత్ ఏకంగా మూడు డబుల్ సెంచరీలు నమోదు చేసి చరిత్ర సృష్టించాడు. 2013లో ఆస్ట్రేలియాపై 209, 2014లో శ్రీలంకపై 264, 2017లో శ్రీలంకపైనే అజేయంగా 208 పరుగులు చేశాడు. ఇప్పటివరకు మరే బ్యాటర్ రెండు డబుల్ సెంచరీలు కూడా నమోదు చేయలేదు.వన్డేల్లో అత్యధిక వ్యక్తిగత స్కోరు2014లో కోల్‌కతాలో శ్రీలంకపై రోహిత్ ఆడిన 264 పరుగుల అద్భుత ఇన్నింగ్స్ ఇప్పటికీ వన్డే చరిత్రలో అత్యధిక వ్యక్తిగత స్కోరుగా కొనసాగుతోంది. 173 బంతుల్లో 33 ఫోర్లు, 9 సిక్సర్లతో ఈ అసాధారణ ఇన్నింగ్స్ ఆడాడు.ఒకే ప్రపంచకప్‌లో అత్యధిక సెంచరీలు2019 ప్రపంచకప్‌లో రోహిత్ శర్మ ఏకంగా ఐదు సెంచరీలు బాదాడు. దక్షిణాఫ్రికా, పాకిస్థాన్, ఇంగ్లండ్, బంగ్లాదేశ్, శ్రీలంకపై శతకాలు నమోదు చేసి ఒకే ప్రపంచకప్ ఎడిషన్‌లో అత్యధిక సెంచరీలు చేసిన ఆటగాడిగా నిలిచాడు. ఆ టోర్నీలో మొత్తం 648 పరుగులతో టాప్ స్కోరర్‌గా కూడా నిలిచాడు.ప్రపంచకప్ చరిత్రలో అత్యధిక సెంచరీలుప్రపంచకప్‌ల్లో రోహిత్ ఇప్పటివరకు ఏడు సెంచరీలు సాధించాడు. డేవిడ్ వార్నర్, సచిన్ టెండూల్కర్ తలో ఆరు సెంచరీలతో అతని తర్వాతి స్థానాల్లో ఉన్నారు.వన్డేల్లో అత్యధిక 150+ స్కోర్లువన్డేల్లో 150కు పైగా ఎనిమిది ఇన్నింగ్స్‌లు ఆడిన ఏకైక బ్యాటర్ రోహిత్ శర్మ. వీటిలో మూడు డబుల్ సెంచరీలు కూడా ఉన్నాయి. డేవిడ్ వార్నర్ ఏడు 150+ స్కోర్లతో రెండో స్థానంలో ఉండగా.. సచిన్ టెండూల్కర్, విరాట్ కోహ్లీ, క్రిస్ గేల్ తలో ఐదు సార్లు ఈ ఘనత సాధించారు.ఈ గణాంకాలు చూస్తే రోహిత్ శర్మ పేరు మీద ఉన్న కొన్ని రికార్డులను సమీప భవిష్యత్తులో బద్దలు కొట్టడం అత్యంత కష్టమనే విషయం స్పష్టమవుతోంది. రోహిత్‌ పేరిట లిఖించిబడిన ఈ రికార్డులు భారత క్రికెట్ చరిత్రలో చిరస్థాయిగా నిలిచిపోవాలని అతడి అభిమానులు కోరుకుంటున్నారు.

న్యూఢిల్లీ: ‘హిట్‌మ్యాన్‌’ రోహిత్‌ శర్మ వన్డే రిటైర్మెంట్‌పై వాదోపవాదాలు నడుస్తున్న తరుణంలో భారత క్రికెట్‌ నియంత్రణ మండలి (బీసీసీఐ) స్పష్టతనిచ్చింది. ఇంగ్లండ్‌తో లండన్‌లోని లార్డ్స్‌ మైదానం వేదికగా ఆదివారం జరగనున్న మూడో వన్డే రోహిత్‌ శర్మ కెరీర్‌కు చివరిదనే వాదనను బోర్డు కార్యదర్శి దేవజిత్‌ సైకియా తోసిపుచ్చాడు. వచ్చే ఏడాది దక్షిణాఫ్రికా వేదికగా వన్డే ప్రపంచకప్‌ జరగనుండగా... అందులో ఆడాలని రోహిత్‌ భావిస్తుండగా... అతడి స్థానంలో యశస్వి జైస్వాల్‌కు అవకాశం ఇవ్వాలని సెలక్టర్లు యోచిస్తున్నట్లు వార్తలు వచ్చాయి. ఈ నేపథ్యంలో రోహిత్‌ వన్డే కెరీర్‌పై శుక్రవారం సైకియా కీలక వ్యాఖ్యలు చేశాడు. ‘రోహిత్‌ కెరీర్‌కు సంబంధించి ఏవేవో వార్తలు వస్తున్నాయి. ఆదివారం లార్డ్స్‌లో రోహిత్‌ చివరి వన్డే మ్యాచ్‌ ఆడబోతున్నాడనే విషయంపై ఎలాంటి చర్చ జరగలేదు. భారత వన్డే జట్టులో రోహిత్‌ కీలక సభ్యుడు. జట్టు భవిష్యత్తు ప్రణాళికల్లో అతడు భాగం. లార్డ్స్‌ వన్డే అతడికి చివరి మ్యాచ్‌ కాదు’ అని సైకియా వెల్లడించాడు. సెలక్షన్‌ కమిటీ చైర్మన్‌ అజిత్‌ అగార్కర్, ప్రధాన కోచ్‌ గౌతమ్‌ గంభీర్‌ తీరుపై బీసీసీఐ పెద్దలు ఆగ్రహం వ్యక్తం చేసినట్లు సమాచారం. దీంతో రోహిత్‌ వన్డే కెరీర్‌కు రిటైర్మెంట్‌ వార్తలకు ఫుల్‌స్టాప్‌ పడ్డట్లు అయింది. కెప్టెన్ గా భారత జట్టుకు టి20 ప్రపంచకప్, చాంపియన్స్‌ ట్రోఫీ అందించిన రోహిత్‌... వన్డే వరల్డ్‌ కప్‌ గెలవడమే తన లక్ష్యమని ఇప్పటికే పలుమార్లు ప్రకటించాడు. 2023లో స్వదేశంలో జరిగిన ప్రపంచకప్‌లో రోహిత్‌ సారథ్యంలోని భారత జట్టు ఫైనల్లో ఆ్రస్టేలియా చేతిలో ఓడి రన్నరప్‌గా నిలవగా... ఈసారి చిరకాల కల నెరవేర్చుకునేందుకు రోహిత్‌ మరో ఏడాది పాటు కెరీర్‌ కొనసాగించేందుకు పెద్ద ఎత్తున కసరత్తు చేస్తున్నాడు.

టీమిండియా స్టార్ క్రికెటర్‌ రోహిత్ శర్మ రిటైర్మెంట్‌పై ఊహాగానాలు వ్యక్తమవుతున్న వేళ అతడి భవితవ్యంపై టీమిండియా మేనేజ్‌మెంట్ తొలిసారి స్పందించింది. 2027 వన్డే ప్రపంచకప్‌కు సంబంధించి ప్రణాళికల్లో భాగంగా జట్టు నుంచి రోహిత్‌ను తప్పించినట్లు బీసీసీఐ ఇప్పటికే హిట్‌మ్యాన్‌కు సమాచారం ఇచ్చినట్లు తెలుస్తోంది. లార్డ్స్ వన్డే రోహిత్ కెరీర్‌లో చివరిదని ప్రచారం నడుస్తోన్న వేళ టీమిండియా బ్యాటింగ్ కోచ్ సితాన్షు కోటక్ కీలక వ్యాఖ్యలు చేశాడు. రోహిత్ రిటైర్మెంట్‌పై సమాధానాన్ని దాటవేసిన సితాన్షు అతడి పేలవ బ్యాటింగ్ ప్రదర్శనపై మాత్రం స్పందించాడు. రోహిత్ శర్మపై ఎలాంటి ఒత్తిడి లేదని స్పష్టం చేశారు.అతడు పెద్ద ప్లేయర్ అని... అలాంటోడు భారత జట్టుకు అవసరమని పేర్కొన్నారు. రోహిత్ శర్మ స్థానంలో ఇషాన్ కిషన్, యశస్వి జైష్వాల్ లకు ఓపెనర్ గా అవకాశాలు ఇస్తారా ? అని మీడియా అడిగిన ప్రశ్నలకు బ్యాటింగ్ కోచ్ సితాన్షు కోటక్ సమాధానం ఇచ్చారు. వరుసగా రెండు వన్డేల్లో విఫలమైనంత మాత్రానా రోహిత్ ఆటను జడ్జ్ చేయలేమని కుండబద్దలు కొట్టారు. నిజానికి రోహిత్ శర్మ ఒక టాప్ క్లాస్ ఆటగాడని కితాబిచ్చాడు. హిట్‌మ్యాన్ ఒకసారి టచ్ లోకి వచ్చాడంటే అతడిని ఆపడం ఎవరి తరం కాదన్నాడు. ఇది ఇలా ఉండగా లార్డ్స్ వేదికగా జరిగే మూడో వన్డే రోహిత్ శర్మకు చివరిది అంటూ సోషల్ మీడియాలో వార్తలు వైరల్ అవుతున్నాయి. 2027 వరల్డ్ కప్ ప్లాన్స్ భాగంగా జట్టులో కూడా రోహిత్ శర్మ లేడని తెలుస్తోంది. ఈ నేపథ్యంలో రోహిత్ రిటైర్మెంట్‌పై ప్రశ్న వేయగా.. దీనికి మాత్రం సితాన్షు కోటక్ నుంచి ఎలాంటి సమాధానం రాకపోవడం ఆసక్తి కలిగించింది.పేల‌వ ప్ర‌ద‌ర్శ‌న‌39 ఏళ్ల రోహిత్ శ‌ర్మ వ‌న్డే ప్ర‌పంచ‌క‌ప్ 2027 ఆడాల‌ని నిర్ణ‌యించుకున్నాడు. అందుకోసం తాను ఫిట్‌గా ఉండేదుకు 10 కిలోల బ‌రువు కూడా త‌గ్గాడు. ఫిట్‌నెస్ నిరూపించుకున్న‌ప్ప‌టికీ బ్యాటింగ్‌లో మాత్రం వ‌రుస‌గా విఫ‌ల‌మ‌వుతూనే వ‌స్తున్నాడు. స్వ‌దేశంలో అఫ్గానిస్తాన్‌తో జ‌రిగిన వ‌న్డే సిరీస్‌లో మూడు వ‌న్డేలు క‌లిపి 143 ప‌రుగులు సాధించాడు. ఇందులో ఒక అర్ధ‌సెంచ‌రీ ఉంది. తొలి వ‌న్డేలో 69 బంతుల్లో 79 ప‌రుగులు చేసిన రోహిత్ రెండు, మూడు వ‌న్డేల్లో వ‌రుస‌గా 48, 16 ప‌రుగులు సాధించాడు. ఇక ఇంగ్లండ్‌తో సిరీస్‌లో వ‌రుసగా రెండు వ‌న్డేల్లో 11, 26 ప‌రుగులు మాత్ర‌మే చేసి నిరాశ‌ప‌రిచాడు.Batting coach Sitanshu Kotak has thrown his weight behind Rohit Sharma despite a slow start to the series for the former skipper 🗣️#ENGvIND pic.twitter.com/VuNEOojFDP— Cricbuzz (@cricbuzz) July 17, 2026Read: ‘రోహిత్ రిటైర్మెంట్‌ వార్తలపై కోహ్లి రియాక్ష‌న్!’

టీమిండియా సీనియ‌ర్ క్రికెట‌ర్ రోహిత్ శ‌ర్మ రిటైర్మెంట్‌పై ఊహాగానాలు వ్య‌క్త‌మ‌వుతున్న వేళ మ‌రో సీనియ‌ర్ విరాట్ కోహ్లి రియాక్ష‌న్ ఆస‌క్తిగా మారింది. లార్డ్స్ వేదిక‌గా జ‌ర‌గ‌నున్న మూడో వ‌న్డే రోహిత్‌కు ఆఖ‌రిద‌నే వార్త‌లు వినిపిస్తున్నాయి. ఇప్ప‌టికే 2027 వ‌న్డే ప్ర‌పంచ‌క‌ప్ ప్ర‌ణాళిక‌ల్లో భాగంగా జ‌ట్టు నుంచి రోహిత్‌ను తొల‌గిస్తున్నట్లు బీసీసీఐ ముందే హిట్‌మాన్‌కు స‌మాచారం ఇచ్చిన‌ట్లు తెలుస్తోంది. మ‌రి రోహిత్ నిజంగానే అంత‌ర్జాతీయ క్రికెట్‌కు ఈడ్కోలు ప‌లుకుతాడా? లేదా అన్న‌ది ఇంగ్లండ్‌తో జ‌రిగే మూడో వ‌న్డే ద్వారా తేలిపోనుంది. ఇదిలా ఉంటే రోహిత్ శ‌ర్మ రిటైర్ అవ్వ‌నున్నాడ‌నే వార్త‌లు వ‌చ్చిన‌ప్ప‌టి నుంచి సోష‌ల్ మీడియాలో ట్రోల్స్‌తో ఊగిపోతుంది. ఈ నేప‌థ్యంలోనే ఇంగ్లండ్‌తో రెండో వ‌న్డే సంద‌ర్భంగా రోహిత్‌, కోహ్లి, బుమ్రాలు ప‌క్క‌ప‌క్క‌నే కూర్చొని మ్యాచ్‌ను సీరియ‌స్‌గా వీక్షించిన వీడియో ఒక‌టి బ‌య‌టికొచ్చింది. అయితే కోహ్లి, రోహిత్ ప‌క్క‌ప‌క్క‌నే కూర్చోవ‌డం చాలా అరుదు. దీంతో వీడియోను లింక్ చేస్తూ ఒక అభిమాని ఆస‌క్తిక‌ర వ్యాఖ్య‌లు చేశాడు. 'డ్రెసింగ్ రూమ్‌లో కోహ్లి, రోహిత్‌లు ఇలా ప‌క్క‌ప‌క్క‌న కూర్చోవ‌డం ఎప్పుడూ చూడ‌లేదు. రోహిత్ రిటైర్ అవ్వ‌బోతున్నాడ‌నే వార్త తెలిసిన‌ప్ప‌టి నుంచి కోహ్లి దిగాలుగా కనిపిస్తున్నాడ‌ని, అత‌డి ప‌క్క‌నే కూర్చొని ధైర్యం చెబుతున్న‌ట్లుగా అనిపిస్తోంద‌ని, నిజ‌మైన స్నేహం అంటే ఇదేనంటూ' కామెంట్ చేశాడు.ఇక రోహిత్ శ‌ర్మ రిటైర్మెంట్‌పై అటు హిట్‌మ్యాచ్ కానీ, ఇటు బీసీసీఐ ఇప్ప‌టివ‌ర‌కు స్పందించ‌లేదు. బ్యాటింగ్ కోచ్ సీతాన్షు కొట‌క్ కూడా రోహిత్ ఫామ్‌పై స్పందించాడే త‌ప్ప అత‌డి రిటైర్మెంట్‌పై ఎలాంటి ప్ర‌క‌ట‌న చేయ‌లేదు. దీంతో కొంత‌మంది అభిమానులు వ‌చ్చే వ‌న్డే ప్ర‌పంచ‌క‌ప్ వ‌ర‌కు రోహిత్ ఆడుతాడ‌ని, త‌న ఫిట్‌నెస్‌ను మెరుగుప‌రుచుకునేందుకు రోహిత్ 10 కిలోల బ‌రువు కూడా త‌గ్గాడ‌ని, మూడో వన్డేలో భారీ ఇన్నింగ్స్‌తో మెరుస్తాడ‌ని జోస్యం చెబుతున్నారు. ఇక శుక్ర‌వారం జ‌రిగిన రెండో వ‌న్డేలో ఇంగ్లండ్ నాలుగు వికెట్ల తేడాతో విజ‌యాన్ని అందుకుంది.మ్యాచ్ విష‌యానికొస్తే.. టాస్‌ ఓడి మొదట బ్యాటింగ్‌కు దిగిన భారత్‌ 44 ఓవర్లలో 233 పరుగులకు ఆలౌటైంది. స్టార్‌ బ్యాటర్‌ విరాట్‌ కోహ్లి (66 బంతుల్లో 65; 8 ఫోర్లు), శ్రేయస్‌ అయ్యర్‌ (71 బంతుల్లో 66; 5 ఫోర్లు, 2 సిక్స్‌లు) అర్ధశతకాలతో ఆకట్టుకున్నారు. అనంతరం లక్ష్యఛేదనలో ఇంగ్లండ్‌ 44.1 ఓవర్లలో 6 వికెట్లకు 235 పరుగులు చేసింది. మాజీ కెప్టెన్‌ జో రూట్‌ (133 బంతుల్లో 99 నాటౌట్‌; 9 ఫోర్లు) సెంచరీకి ఒక్క పరుగు దూరంలో అజేయంగా నిలిచాడు. Never seen Kohli and Rohit sit together in the dressing room like this. Kohli's looking concerned seems like that Rohit retirement news is actually true and he knows. pic.twitter.com/7vcOZejDMq— Dhillon (@sehajdhillon_) July 16, 2026Read: అపశకునం ముద్ర.. ఫైనల్‌కు దూరంగా అర్జెంటీనా అధ్యక్షుడు!

టీమిండియా స్టార్ ఓపెనర్‌, మాజీ కెప్టెన్ రోహిత్ శ‌ర్మ అంతర్జాతీయ క్రికెట్‌కు వీడ్కోలు పలకనున్నాడా? అంటే అవునానే అంటున్నాయి క్రికెట్ వర్గాలు. ఆదివారం(జూలై 19) ఇంగ్లండ్‌తో జ‌ర‌గ‌నున్న మూడో వ‌న్డే అతడి చివరి ఇంటర్ననేషనల్ మ్యాచ్ కానున్నట్లు జోరుగా ప్రచారం జరుగుతోంది. అయితే ఇది రోహిత్ త‌నంతంట తాను తీసుకున్న నిర్ణ‌యం కాద‌ని, సెల‌క్ట‌ర్ల ఒత్తిడి మేర‌కే అత‌డు త‌ప్పుకొంటున్నాడ‌ని జాతీయ మీడియాలో క‌థ‌నాలు వెలువ‌డుతున్నాయి. ఇప్పటికే అజిత్ అగార్కర్ నేతృత్వంలోని బీసీసీఐ సెలెక్షన్ కమిటీ హిట్‌మ్యాన్‌తో మాట్లాడి భవిష్యత్తు ప్రణాళికలపై పూర్తి స్పష్టత ఇచ్చినట్లు తెలుస్తోంది. 2027 వన్డే వరల్డ్ కప్ ప్రణాళికల్లో రోహిత్ శర్మకు చోటు లేదని అగార్క‌ర్ చెప్పిన‌ట్లు స‌మాచారం.అత‌డి స్థానంలో యువ ఓపెన‌ర్ య‌శ‌స్వి జైశ్వాల్‌కు అవ‌కాశ‌మివ్వ‌నున్న‌ట్లు ‘ఇండియన్ ఎక్స్‌ప్రెస్’ తమ కథనంలో రాసుకొచ్చింది. జైశ్వాల్ తాను ఆడిన ప్రతీ మ్యాచ్‌లో నూ అద్భుతంగా రాణిస్తున్నప్పటికి, జట్టులో ఓపెనింగ్ స్లాట్స్ ఖాళీ లేకపోవడంతో అతడికి చోటు దక్కడం లేదు.ఈ క్రమంలోనే 2027 వన్డే ప్రపంచకప్ నాటికి యశస్విని పూర్తి స్ధాయి ఓపెన‌ర్‌గా సిద్దం చేయాల‌ని మేనెజ్‌మెంట్ భావిస్తోంది. ముఖ్యంగా రోహిత్ శ‌ర్మ వ‌య‌స్సును కూడా సెల‌క్ట‌ర్లు ప‌రిగ‌ణ‌లోకి తీసుకున్న‌ట్లు తెలుస్తోంది. వచ్చే వరల్డ్‌ కప్‌ నాటికి 40 ఏళ్ల 6 నెలలకు పైగా వయసు ఉండే రోహిత్‌ ఫిట్‌నెస్‌పై కూడా బీసీసీఐకి సందేహాలు ఉండటంతో ఈ నిర్ణయానికి వచ్చిన‌ట్లు సమాచారం. అసంతృప్తిలో రోహిత్!అయితే ఈ నిర్ణయంపై రోహిత్ శర్మ అసంతృప్తి వ్య‌క్తం చేసిన‌ట్లు స‌మాచారం. ఇప్ప‌టికే అత‌డు బీసీసీఐ పెద్దలతో మాట్లాడిన‌ట్లు వార్త‌లు వ‌స్తున్నాయి. రోహిత్ ఇప్ప‌టికే టీ20ఐలు, టెస్టుల నుంచి తప్పుకోగా.. వన్డే క్రికెట్ మాత్రమే ఆడుతున్నారు. అత‌డు టెస్టుల నుంచి తప్పుకున్నప్పటి నుంచి, రోహిత్ భవిష్యత్తుపై సెలెక్షన్ కమిటీ టీమ్ మేనేజ్‌మెంట్‌తో నిరంతరం చర్చిస్తూనే ఉంది. కాగా రోహిత్‌ ఇటీవల ఆశించిన విధంగా రోహిత్‌ ఆడలేకపోతున్నాడు. సిడ్నీలో 121 నాటౌట్‌ ఇన్నింగ్స్‌ తర్వాత 11 మ్యాచ్‌లు ఆడిన 35.18 సగటుతో 387 పరుగులు చేశాడు. వీటిలో 3 అర్ధ సెంచరీలు ఉన్నా... అతని స్థాయిలో బ్యాటింగ్‌లో దూకుడు కనిపించలేదు. ముఖ్యంగా ఇంగ్లండ్‌తో రెండు వన్డేల్లో కలిపి 68 బంతుల్లో 37 పరుగులే చేయగలిగాడు. ఇక వన్డేల్లో 3 డబుల్‌ సెంచరీలు చేసిన ఏకైక బ్యాటర్‌గా గుర్తింపు ఉన్న రోహిత్‌ 19 ఏళ్ల కెరీర్‌లో 287 వన్డేల్లో 48.58 సగటుతో 11,757 పరుగులు చేశాడు. వీటిలో 33 సెంచరీలు, 62 అర్ధసెంచరీలు ఉన్నాయి.చదవండి: అదే మా కొంపముంచింది.. చాలా బాధగా ఉంది: శుబ్‌మన్‌ గిల్‌

టీమిండియా స్టార్ బ్యాటర్లు రోహిత్‌ శర్మ, విరాట్‌ కోహ్లి కలిసికట్టుగా మరో ఘనత సాధించారు. అంతర్జాతీయ క్రికెట్‌లో ఈ ఇ‍ద్దరు 8000 పరుగుల భాగస్వామ్యాన్ని పూర్తి చేశారు. తద్వారా ఈ ఘనత సాధించిన మూడో భారత జోడీగా, ఓవరాల్‌గా తొమ్మిదో జోడీగా రికార్డుల్లోకెక్కారు.వీరికి ముందు భారత్‌ తరఫున గంగూలీ-టెండూల్కర్‌ (12400), ద్రవిడ్‌-టెండూల్కర్‌(11037) ఉన్నారు. ప్రపంచవ్యాప్తంగా ఈ రికార్డు శ్రీలంక స్టార్‌ ద్వయం మహేళ జయవర్దనే-కుమార సంగక్కర (13368) పేరిట ఉంది.కార్డిఫ్‌ వేదికగా ఇంగ్లండ్‌తో జరుగుతున్న రెండో వన్డేలో రో-కో జోడీ ఈ ఘనత సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేస్తున్న భారత్‌ 30 ఓవర్లలో 3 వికెట్ల నష్టానికి 168 పరుగులు చేసి ఇన్నింగ్స్‌ను కొనసాగిస్తుంది. గిల్‌ (31), రోహిత్‌ (26), ఇషాన్‌ కిషన్‌ (1) ఔట్‌ కాగా.. విరాట్‌ (65), శ్రేయస్‌ (33) క్రీజ్‌లో ఉన్నారు. ఇంగ్లండ్‌ బౌలర్లలో సామ్‌ కర్రన్‌, అట్కిన్సన్‌, జాక్స్‌ తలో వికెట్‌ తీశారు. కాగా, 3 మ్యాచ్‌ల ఈ సిరీస్‌లో భారత్‌ తొలి వన్డే గెలిచి 1-0 ఆధిక్యంలో కొనసాగుతున్న విషయం తెలిసిందే.

ఇంగ్లండ్‌తో వన్డే సిరీస్‌లో టీమిండియా శుభారంభం అందుకుంది. ఎడ్జ్‌బాస్టన్‌ వేదికగా మంగళవారం జరిగిన తొలి వన్డేలో ఆతిథ్య జట్టును ఆరు వికెట్ల తేడాతో ఓడించింది. తద్వారా మూడు మ్యాచ్‌ల సిరీస్‌లో 1-0తో ముందంజ వేసింది.రో- కో విఫలంఅయితే, ఈ మ్యాచ్‌లో టీమిండియా బ్యాటింగ్‌ దిగ్గజాలు రోహిత్‌ శర్మ, విరాట్‌ కోహ్లి తీవ్రంగా నిరాశపరిచారు. ఓపెనింగ్‌ బ్యాటర్‌ రోహిత్‌ 21 బంతులు ఎదుర్కొని కేవలం 11 పరుగులు చేసి.. సామ్‌ కరన్‌ బౌలింగ్‌లో హ్యారీ బ్రూక్‌కు క్యాచ్‌ ఇచ్చి వెనుదిరిగాడు.ఇక వన్‌డౌన్‌ బ్యాటర్‌ కోహ్లి.. ఆరు బంతుల్లో ఒక ఫోర్‌ బాది.. ఐదు పరుగుల వ్యక్తిగత స్కోరు వద్ద నిష్క్రమించాడు. జోఫ్రా ఆర్చర్‌ బౌలింగ్‌లో లెగ్‌ బిఫోర్‌ వికెట్‌గా వెనుదిరిగాడు. ఈ నేపథ్యంలో వన్డే వరల్డ్‌కప్‌-2027 టోర్నీలో రో-కో ఆడటంపై మరోసారి చర్చమొదలైంది.ప్రయోగాలు చేస్తాంఇప్పటికే ప్రయోగాలు చేస్తామంటూ కెప్టెన్‌ శుబ్‌మన్‌ గిల్‌ స్పష్టం చేసిన తరుణంలో.. రోహిత్‌- కోహ్లిని పక్కనపెట్టే సాహసం చేస్తారా? అన్న సందేహాలు వ్యక్తవుతున్నాయి. ఈ నేపథ్యంలో బీసీసీఐ వర్గాలు స్పోర్ట్స్‌ టాక్‌తో మాట్లాడుతూ రోహిత్‌ విషయంలో మేనేజ్‌మెంట్‌ వైఖరి గురించి కీలక విషయాలు వెల్లడించాయి.ట్విస్ట్‌ ఇచ్చిన గంభీర్‌!‘‘పరిమిత ఓవర్ల క్రికెట్‌లో రోహిత్‌ ఇప్పటికే ఎంతో గొప్పగా సేవ చేశాడు. కాబట్టి కోచ్‌ (గంభీర్‌) అతడికి స్వేచ్ఛనిచ్చాడు. ఇన్నాళ్లుగా ఎలా ఆడాడో.. ఇప్పుడు కూడా అలాగే ఆడేమని స్వేచ్ఛగా వదిలేశాడు.అయితే, భవిష్యత్తులో ఏం జరుగుతుందో తెలియదు. కానీ ఇప్పుడు మాత్రం కోచ్‌ అతడి పట్ల సానుకూలంగా ఉన్నాడు. ముఖ్యంగా రోహిత్‌ ఒత్తిడి లేకుండా.. ప్రశాంతమైన మనసుతో మ్యాచ్‌ ఆడేలా చూస్తున్నారు. అలా అయితేనే రోహిత్‌ తన అత్యుత్తమ ప్రదర్శన ఇవ్వగలడని యాజమాన్యం నమ్ముతోంది.మేనేజ్‌మెంట్‌కు ఆ విషయం తెలుసునిజానికి రోహిత్‌ ఒత్తిడిలో ఉంటే ఏం జరిగిందో చూశాం కదా!.. కాబట్టి ఇప్పుడు మేనేజ్‌మెంట్‌ అతడి ప్రతి ఇన్నింగ్స్‌ను భూతద్దంలో పెట్టి చూడాలనుకోవడం లేదు. అతడి స్థాయి ఏమిటో యాజమాన్యానికీ తెలుసు. రోహిత్‌ ప్రశాంతంగా.. ఒత్తిడి లేకుండా ఆడితే ఫలితాలు ఎలా ఉంటాయో అందరికీ తెలిసిందే. కాబట్టి ప్రస్తుతానికి మేనేజ్‌మెంట్‌ అతడిపై నమ్మకం ఉంచింది. టెక్నిక్‌లో ఉన్న చిన్నపాటి లోపాలు సరిచేసుకుంటే హిట్‌మ్యాన్‌కు తిరుగు ఉండదు’’ అని సదరు వర్గాలు పేర్కొన్నాయి. కాగా హెడ్‌కోచ్‌ గౌతం గంభీర్‌ రోహిత్‌ శర్మ పట్ల సానుకూలంగానే ఉన్నట్లు దీనిని బట్టి తెలుస్తోంది. అతడి అనుభవం, దూకుడైన ఆట జట్టుకు ఉపయోగపడుతుందని భావిస్తున్న గంభీర్‌.. వరల్డ్‌కప్‌లో హిట్‌మ్యాన్‌ను ఆడించేందుకు సుముఖంగానే ఉన్నట్లు వార్తలు వినిపిస్తున్నాయి.చదవండి: IND vs ENG: అతడిని ఆరో స్థానంలో ఆడిస్తారా?

మూడు మ్యాచ్‌ల సిరీస్‌లో భాగంగా ఇంగ్లండ్‌తో జరిగిన తొలి వన్డేలో భారత్‌ 6 వికెట్ల తేడాతో ఘన విజయం సాధించింది. తద్వారా సిరీస్‌లో 1-0 ఆధిక్యంలోకి వెళ్లింది. ఈ సిరీస్‌లో రెండో వన్డే కార్డిప్‌ వేదికగా 16వ తేదీ జరుగనుంది.ఈ మ్యాచ్‌కు ముందు భారత జట్టు రోటేషన్ విధానంపై ఆసక్తికర చర్చ జరుగుతోంది. 2027 వన్డే ప్రపంచకప్‌ను దృష్టిలో పెట్టుకుని జట్టులో పలు కాంబినేషన్లను పరీక్షిస్తున్నట్లు కెప్టెన్ శుభ్‌మన్ గిల్ వెల్లడించాడు.తొలి వన్డే అనంతరం మాట్లాడిన అతడు.. బ్యాటింగ్, బౌలింగ్ విభాగాల్లో సరైన సమతుల్యత కలిగిన జట్టును ఎంపిక చేసేందుకు విభిన్న కాంబినేషన్లను పరిశీలిస్తున్నామని తెలిపాడు.ప్రపంచకప్‌ దక్షిణాఫ్రికాలో జరుగనుండగా, అక్కడి పరిస్థితులకు ఇంగ్లండ్ పిచ్‌లు కొంతవరకు సమానంగా ఉంటాయని.. అందుకే ఈ సిరీస్‌ను ప్రయోగాలకు ఉపయోగించుకుంటున్నామని వివరించాడు.ఈ వ్యాఖ్యలతో రోహిత్ శర్మ, విరాట్ కోహ్లిలకు విశ్రాంతి ఇవ్వొచ్చనే ఊహాగానాలు తెరపైకి వచ్చాయి. దీనిపై అధికారిక ప్రకటన అయితే లేదు.ఒకవేళ వీరిలో ఎవరికైనా విశ్రాంతినిస్తే, వికెట్‌కీపర్-బ్యాటర్ ఇషాన్ కిషన్‌కు తుది జట్టులో చోటు దక్కే అవకాశముంది. అవసరానికి అనుగుణంగా బ్యాటింగ్ క్రమంలో మార్పులు చేసి జట్టు సమతుల్యతను కొనసాగించే అవకాశం ఉంది. కాగా, తొలి వన్డేలో రోహిత్ శర్మ 11, విరాట్ కోహ్లి 5 పరుగులకు ఔటై నిరాశపరిచారు.

ఇండియన్‌ ప్రీమియర్‌ లీగ్‌ (ఐపీఎల్‌)లో అత్యధికంగా ఐదుసార్లు చాంపియన్‌గా నిలిచిన తొలి జట్టు ముంబై ఇండియన్స్‌. రోహిత్‌ శర్మ కెప్టెన్సీలో ముంబై 2013, 2015, 2017, 2019, 2020 సీజన్లలో ట్రోఫీని ముద్దాడింది.అయితే, అనూహ్య రీతిలో 2024 సీజన్‌కు ముందు రోహిత్‌ను సారథ్య బాధ్యతల నుంచి తప్పించింది యాజమాన్యం. హిట్‌మ్యాన్‌ స్థానంలో గుజరాత్‌ టైటాన్స్‌ నుంచి ట్రేడ్‌ చేసుకున్న తమ మాజీ ఆల్‌రౌండర్‌ హార్దిక్‌ పాండ్యాకు పగ్గాలు అప్పగించింది. అయితే, రోహిత్‌పై వేటు వేసి.. పాండ్యాను కెప్టెన్‌ చేయడాన్ని సొంతజట్టు అభిమానులే జీర్ణించుకోలేకపోయారు.ఘోర పరాజయాలుహార్దిక్‌తో పాటు ముంబై యాజమాన్యాన్నీ భారీ ఎత్తున ట్రోల్‌ చేశారు. అందుకు తగ్గట్లుగానే 2024లో ముంబై ఘోర పరాజయాలు చవిచూసింది. పద్నాలుగింట కేవలం నాలుగు గెలిచి అట్టడుగున పదోస్థానంలో నిలిచింది. అయితే, గతేడాది మాత్రం ప్లే ఆఫ్స్‌ చేరి పరువు నిలబెట్టుకుంది.కానీ తాజా సీజన్‌లో మాత్రం మళ్లీ పాత కథే పునరావృతమైంది. ఐపీఎల్‌-2026లో ముంబై పద్నాలుగింట కేవలం నాలుగు మాత్రమే గెలిచి తొమ్మిదో స్థానంలో నిలిచింది. ఈ నేపథ్యంలో హార్దిక్‌ పాండ్యా కెప్టెన్సీపై తీవ్ర స్థాయిలో విమర్శలు వచ్చాయి. అతడిని తొలగించాలనే డిమాండ్లు పెరిగాయి.జట్టును వీడుతున్న హార్దిక్‌ఈ క్రమంలో హార్దిక్‌ సైతం ముంబై జట్టును వీడేందుకు సిద్ధమయ్యాడు. అతడిని ట్రేడ్‌ చేసుకునేందుకు చెన్నై సూపర్‌ కింగ్స్‌, కోల్‌కతా నైట్‌ రైడర్స్‌ ఆసక్తి చూపుతున్నట్లు సమాచారం. చెన్నై జట్టుతో చేరేందుకు హార్దిక్‌ కూడా ఇంట్రస్ట్‌గానే ఉన్నట్లు తెలుస్తోంది.ఈ నేపథ్యంలో ముంబై ఇండియన్స్‌ కొత్త కెప్టెన్‌ ఎవరా అన్న చర్చ మొదలైంది. ఈ విషయం గురించి వచ్చే వారానికల్లా స్పష్టత వచ్చే అవకాశం ఉంది. టైమ్స్‌ ఆఫ్‌ ఇండియా అందించిన కథనం ప్రకారం.. 2026లో జట్టు ప్రదర్శన గురించి హెడ్‌కోచ్‌ మహేళ జయవర్దనెతో వచ్చేవారం ముంబై యాజమాన్యం సమీక్ష నిర్వహించనుంది.కెప్టెన్‌గా తిలక్‌ వర్మ!హార్దిక్‌ పాండ్యా ట్రేడింగ్‌ అంశంతో పాటు.. కొత్త కెప్టెన్‌గా ఎవరిని నియమించాలన్న విషయం గురించి కూడా మేనేజ్‌మెంట్‌ చర్చించనుంది. కెప్టెన్సీ రేసులో టీమిండియా పేస్‌ దళ నాయకుడు జస్‌ప్రీత్‌ బుమ్రాతో పాటు.. టీమిండియా టీ20 వైస్‌ కెప్టెన్‌ తిలక్‌ వర్మ పేర్లు ప్రధానంగా వినిపిస్తున్నాయి.అనుభవం, ప్రతిభ పరంగా బుమ్రావైపే యాజమాన్యం మొగ్గుచూపుతున్నట్లు సమాచారం. అయితే, ఈ పేస్‌బౌలర్‌ తరచూ గాయాల బారిన పడటం ఆందోళనకరంగా పరిణమించింది. ఇక యువ ఆటగాడికి పగ్గాలు అప్పగించాలనుకుంటే మాత్రం తిలక్‌ వర్మనే కెప్టెన్‌గా ఫైనల్‌ చేయనున్నట్లు తెలుస్తోంది.బుమ్రాను కాదని తిలక్‌కు ఇస్తారా?తిలక్‌ చుట్టూ కొత్త జట్టును నిర్మించాలని యాజమాన్యం యోచిస్తున్నట్లు సమాచారం. కాగా 2022లో ముంబై జట్టుతో చేరిన ఈ హైదరాబాదీ స్టార్‌.. ప్రతి సీజన్‌లోనూ ఇప్పటికి 300కు పైగా పరుగులు చేశాడు. అయితే, ఇటీవల.. ముఖ్యంగా టీమిండియా టీ20 వైస్‌ కెప్టెన్‌గా నియమితుడైన తర్వాత తిలక్‌ పెద్దగా ఆకట్టుకోలేకపోయాడు. ఫామ్‌లేమితో ఇబ్బంది పడుతున్న అతడిని జట్టు నుంచే తొలగించాలంటూ క్రిష్ణమాచారి శ్రీకాంత్‌ వంటి మాజీ క్రికెటర్లు డిమాండ్‌ చేశారు. అయితే, ఇంగ్లండ్‌తో ఐదో టీ20 సందర్భంగా తిలక్‌ మెరుపు అర్ధ శతకం (25 బంతుల్లో 53)తో రాణించాడు. కానీ ఈ మ్యాచ్‌లో ఓడిపోయిన టీమిండియా.. ఇంగ్లండ్‌ చేతిలో 4-0తో క్లీన్‌స్వీప్‌ అయింది.చదవండి: IND vs ENG: అతడిని ఆరో స్థానంలో ఆడిస్తారా?

భారత్‌ ఘన విజయంఎడ్జ్‌బాస్టన్‌ వన్డేలో 6 వికెట్ల తేడాతో భారత్‌ ఘన విజయం సాధించింది. ఇంగ్లండ్‌ నిర్ధేశించిన 259 పరుగుల లక్ష్యాన్ని భారత్‌ 45.2 ఓవర్లలో 4 వికెట్లు కోల్పోయి చేధించింది. కెప్టెన్ శుభ్‌మన్ గిల్‌(85) టాప్ స్కోరర్‌గా నిలిచాడు. నిలకడగా ఆడిన గిల్ గాయం కారణంగా రిటైర్డ్ హార్ట్‌గా వెనుదిరిగాడు. గిల్‌తో పాటు అక్షర్‌ పటేల్‌(55 నాటౌట్‌), వాషింగ్టన్‌ సుందర్‌(52 నాటౌట్‌), శ్రేయస్‌ అయ్యర్‌(35) కీలక ఇన్నింగ్స్‌లు ఆడారు.విజయం దిశగా భారత్‌ఎడ్జ్‌బాస్టన్ వేదికగా ఇంగ్లండ్‌తో జరుగుతున్న తొలి వన్డేలో భారత్‌ విజయం దిశగా అడుగులు వేస్తోంది. 66 బంతుల్లో 43 పరుగులు కావాలి. క్రీజులో అక్షర్‌ పటేల్‌(35), వాషింగ్టన్‌ సుందర్‌(29) ఉన్నారు.గిల్‌ రిటైర్డ్‌ హర్ట్‌80 పరుగుల వద్ద గిల్‌ రిటైర్డ్‌ హర్ట్‌గా పెవిలియన్‌కు చేరాడు. అతడి స్థానంలో వాషింగ్టన్‌ సుందర్‌ క్రీజ్‌లోకి వచ్చాడు. 34 పరుగులతో శ్రేయస్‌ అప్పటిక క్రీజ్‌లో ఉన్నాడు. 26.1 ఓవర్ల తర్వాత భారత్‌ స్కోర్‌ 151-2గా ఉంది. ఈ మ్యాచ్‌లో గెలవాలంటే భారత్‌ మరో 108 పరుగులు చేయాలి. నిలకడగా ఆడుతున్న గిల్‌, శ్రేయస్‌గిల్‌ (74), శ్రేయస్‌ అయ్యర్‌ (32) నిలకడగా ఆడుతున్నారు. 24 ఓవర్ల తర్వాత భారత స్కోర్‌ 141-2గా ఉంది. ఈ మ్యాచ్‌లో భారత్‌ గెలవాలంటే మరో 118 పరుగులు చేయాలి. రోహిత్‌, కోహ్లి ఔట్‌ఇంగ్లండ్‌తో జరుగుతున్న తొలి వన్డేలో టీమిండియా స్టార్‌ బ్యాటర్లు రోహిత్‌ శర్మ (11), విరాట్‌ కోహ్లి (5) ఘోరంగా విఫలమయ్యారు. సామ్‌ కర్రన్‌ బౌలింగ్‌లో రోహిత్‌ ఔట్‌ కాగా.. ఆర్చర్‌ బౌలింగ్‌లో విరాట్‌ ఎల్బీడబ్ల్యూ అయ్యాడు. 8.3 ఓవర్ల తర్వాత భారత స్కోర్‌ 48-2గా ఉంది. రోహిత్‌ ఔట్‌.. తొలి వికెట్‌ కోల్పోయిన భారత్‌7.3వ ఓవర్‌- 259 పరుగుల ఛేదనలో టీమిండియా 43 పరుగుల వద్ద తొలి వికెట్‌ కోల్పోయింది. 21 బంతుల్లో ఫోర్‌ సాయంతో 11 పరుగులు చేసిన రోహిత్‌ సామ్‌ కర్రన్‌ బౌలింగ్‌లో హ్యారీ బ్రూక్‌కు క్యాచ్‌ ఇచ్చి పెవిలియన్‌కు చేరాడు. గిల్‌కు (26) జతగా విరాట్‌ కోహ్లి క్రీజ్‌లోకి వచ్చాడు. బర్మింగ్‌హామ్‌ వేదికగా టీమిండియాతో తొలి వన్డేలో ఇంగ్లండ్‌ టాస్‌ గెలిచి.. తొలుత బ్యాటింగ్‌ ఎంచుకుంది. ఎడ్జ్‌బాస్టన్‌లో 47.5 ఓవర్లలో 258 పరుగులు చేసి ఆలౌట్‌ అయింది. ఓపెనర్‌ బెన్‌ డకెట్‌ (43) రాణించగా.. జో రూట్‌ (76 నాటౌట్‌), లియామ్‌ డాసన్‌ (68) అర్ధ శతకాలతో అదరగొట్టారు. మిగిలిన వారిలో విల్‌ జాక్స్‌ (20) చెప్పుకోదగ్గ స్కోరు చేశాడు.భారత బౌలర్లలో అక్షర్‌ పటేల్‌ నాలుగు వికెట్లతో సత్తా చాటగా.. గుర్నూర్‌ బ్రార్‌, ప్రసిద్‌ కృష్ణ తలా రెండు.. బుమ్రా, శివం దూబే చెరో వికెట్‌ దక్కించుకున్నారు. 259 పరుగుల లక్ష్యంతో టీమిండియా బ్యాటింగ్‌కు దిగింది. అప్‌డేట్స్‌..ఇంగ్లండ్‌ ఆలౌట్‌47.5: అక్షర్‌ బౌలింగ్‌లో జోష్‌ టంగ్‌ బౌల్డ్‌ (0)తొమ్మిదో వికెట్‌ కోల్పోయిన ఇంగ్లండ్‌47.3:అక్షర్‌ బౌలింగ్‌లో ఆదిల్‌ రషీద్‌ స్టంపౌట్‌ (1)ఎనిమిదో వికెట్‌ కోల్పోయిన ఇంగ్లండ్‌45.6: అక్షర్‌ పటేల్‌ బౌలింగ్‌లో వాషింగ్టన్‌ సుందర్‌కు క్యాచ్‌ ఇచ్చి ఎనిమిదో వికెట్‌గా వెనుదిరిగిన జోఫ్రా ఆర్చర్‌ (12). స్కోరు 250-8 (46). క్రీజులోకి ఆదిల్‌ రషీద్‌ రాగా.. రూట్‌ 69 పరుగులతో ఉన్నాడు.ఏడో వికెట్‌ డౌన్‌43.6: అక్షర్‌ పటేల్‌లో రోహిత్‌ శర్మకు క్యాచ్‌ ఇచ్చిన డాసన్‌. 68 పరుగుల వ్యక్తిగత స్కోరు వద్ద అవుట్‌. క్రీజులోకి జోఫ్రా ఆర్చర్‌. రూట్‌ 59 పరుగులతో ఉన్నాడు. స్కోరు: 228-7 (44).డాసన్‌, రూట్‌ హాఫ్‌ సెంచరీలు42 ఓవర్లలో ఇంగ్లండ్‌ స్కోరు: 214-6రూట్‌ 51, డాసన్‌ 63 పరుగులతో ఉన్నారు.కుదురుగా ఆడుతున్న రూట్‌, డాసన్‌జో రూట్‌ (30), లియామ్‌ డాసన్‌ (34) కుదురుగా ఆడుతున్నారు. 32 ఓవర్ల తర్వాత ఇంగ్లండ్‌ స్కోర్‌ 160-6గా ఉంది. 27 ఓవర్ల తర్వాత ఇంగ్లండ్‌ స్కోర్‌ 128-627 ఓవర్ల తర్వాత ఇంగ్లండ్‌ స్కోర్‌ 128-6గా ఉంది. రూట్‌ 21, లియామ్‌ డాసన్‌ 11 పరుగులతో క్రీజ్‌లో ఉన్నారు.ఆరో వికెట్‌ కోల్పోయిన ఇంగ్లండ్‌21.4వ ఓవర్‌- 107 పరుగుల వద్ద ఇంగ్లండ్‌ ఆరో వికెట్‌ కోల్పోయింది. శివమ్‌ దూబే బౌలింగ్‌లో రాహుల్‌ అద్భుతమైన క్యాచ్‌ పట్టడంతో విల్‌ జాక్స్‌ (20) ఔటయ్యాడు. 100 దాటిన ఇంగ్లండ్‌ స్కోర్‌21 ఓవర్లు ముగిసే సరికి ఇంగ్లండ్‌ స్కోర్‌ 104-5గా ఉంది. జో రూట్‌ (9), విల్‌ జాక్స్‌ (19) క్రీజ్‌లో ఉన్నారు. ఐదో వికెట్‌ కోల్పోయిన ఇంగ్లండ్‌16.4: ప్రసిద్‌ బౌలింగ్‌లో సామ్‌ రాహుల్‌కు క్యాచ్‌ ఇచ్చి డకౌట్‌గా వెనుదిరిగాడు.నాలుగో వికెట్‌ కోల్పోయిన ఇంగ్లండ్‌16.1: ప్రసిద్‌ కృష్ణ బౌలింగ్‌లో బ్రార్‌కు క్యాచ్‌ ఇచ్చి బట్లర్‌ అవుట్‌ (5). కేవలం 19 పరుగుల వ్యవధిలోనే నాలుగు వికెట్లు కోల్పోయిన ఇంగ్లండ్‌. సామ్‌ కర్రాన్‌ క్రీజులోకి రాగా.. రూట్‌ 6 పరుగులతో ఉన్నాడు. స్కోరు: 80-4.మూడో వికెట్‌ డౌన్‌13.1: బుమ్రా బౌలింగ్‌లో మూడో వికెట్‌గా వెనుదిరిగిన ఇంగ్లండ్‌ కెప్టెన్‌ హ్యారీ బ్రూక్‌ (1). క్రీజులోకి జోస్‌ బట్లర్‌. రూట్‌ సున్నా పరుగులతో ఉన్నాడు. స్కోరు: 64-3.రెండో వికెట్‌ కోల్పోయిన ఇంగ్లండ్‌12.4: గుర్నూర్‌ బ్రార్‌ బౌలింగ్‌లో బుమ్రాకు క్యాచ్‌ ఇచ్చిన డకెట్‌. హాఫ్‌ సెంచరీకి ఏడు పరుగులదూరంలో నిలిచిన డకెట్‌ (43).తొలి వికెట్‌ కోల్పోయిన ఇంగ్లండ్‌12.2: గుర్నూర్‌‌ బ్రార్‌ బౌలింగ్‌ వాషింగ్టన్‌ సుందర్‌కు క్యాచ్‌ ఇచ్చి తొలి వికెట్‌గా వెనుదిరిగిన జేకబ్‌ బెతెల్‌ (14).పవర్‌ ప్లేలో ఇంగ్లండ్‌ స్కోరు: 51-0 (10)ఓపెనర్లు బెన్‌ డకెట్‌ 41, జేకబ్‌ బెతెల్‌ ఆరు పరుగులతో క్రీజులో ఉన్నారు.రో-కో రాకఇక ఈ సిరీస్‌ సందర్భంగా భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ చాలాకాలం తర్వాత తిరిగి మైదానంలో అడుగుపెడుతున్నారు. ఏడు మ్యాచ్‌లలో ఇంగ్లండ్‌దే గెలుపు! 👉ఈ ఇద్దరు చివరగా సొంతగడ్డపై న్యూజిలాండ్‌తో జనవరిలో జరిగిన వన్డే సిరీస్‌లో పాల్గొన్నారు.​ ఇక ఎడ్జ్‌బాస్టన్‌లో జరిగిన గత ఏడు వన్డేల్లోనూ ఇంగ్లండ్‌ గెలుపొందడం విశేషం. అయితే, చివరగా 2014లో టీమిండియా చేతిలో ఇంగ్లండ్‌ ఓడింది. బట్లర్‌ @ 200👉మరోవైపు.. ఇంగ్లండ్‌ మాజీ కెప్టెన్‌ జోస్‌ బట్లర్‌ కెరీర్‌లో ఇది 200వ వన్డే. తద్వారా ఇంగ్లండ్‌ తరఫున అత్యధిక వన్డేలు ఆడిన ఆటగాళ్ల జాబితాలో ఇయాన్‌ మోర్గాన్‌ (225 వన్డేలు) తర్వాతి స్థానాన్ని బట్లర్‌ ఆక్రమించాడు. ఇదిలా ఉంటే.. ముందుగా టీ20 సిరీస్‌ జరగగా ఆతిథ్య ఇంగ్లండ్‌ టీమిండియాను 4-0తో వైట్‌వాష్‌ చేసింది. తుదిజట్లుఇంగ్లండ్‌జాకబ్ బెథెల్, బెన్ డకెట్, జో రూట్, హ్యారీ బ్రూక్(కెప్టెన్), జోస్ బట్లర్(వికెట్ కీపర్), సామ్ కర్రన్, విల్ జాక్స్, జోఫ్రా ఆర్చర్, లియామ్ డాసన్, జోష్ టంగ్, ఆదిల్ రషీద్ఇండియారోహిత్ శర్మ, శుబ్‌మన్ గిల్ (కెప్టెన్‌), విరాట్ కోహ్లి, శ్రేయస్‌ అయ్యర్, కెఎల్ రాహుల్ (వికెట్‌ కీపర్‌), వాషింగ్టన్ సుందర్, శివమ్ దూబే, అక్షర్ పటేల్, గుర్నూర్ బ్రార్, జస్ప్రీత్ బుమ్రా, ప్రసిద్ధ్ కృష్ణ.

ఇంగ్లండ్‌తో టీ20 సిరీస్‌లో క్లీన్‌స్వీప్‌నకు గురైన టీమిండియా వన్డే సిరీస్‌కు సన్నద్ధమైంది. ఇరుజట్ల మధ్య బర్మింగ్‌హామ్‌ వేదికగా తొలి వన్డేకు రంగం సిద్ధమైంది. ఈ సిరీస్‌తో భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ తిరిగి మైదానంలో అడుగుపెడుతున్నారు.ప్రత్యేకంగా చెప్పాల్సిందేమీ లేదుఈ నేపథ్యంలో టీమిండియా కెప్టెన్‌ శుబ్‌మన్‌ గిల్‌ ఆసక్తికర వ్యాఖ్యలు చేశాడు. మ్యాచ్‌కు ముందు మీడియాతో మాట్లాడుతూ.. శిక్షణ సందర్భంగా కోహ్లితో జరిగిన సంభాషణ గురించి వివరించాడు. ‘‘అత్యుత్తమ కాంబినేషన్‌తో ముందుకు వెళ్లడమే మా ప్రధాన ప్రణాళిక. దీని గురించే మేము మాట్లాడుకున్నాము.కొంతమంది ప్రస్తుతం జట్టులో లేకపోవచ్చు. వీరిలో పేస్‌ బౌలర్లు, ఆల్‌రౌండర్లు, స్పిన్నర్లు.. ఇలా ఎవరైనా సరే ఆయా విభాగం నుంచి భవిష్యత్తులో సేవలు అందించేందుకు జట్టులోకి రావొచ్చు. ఇక విరాట్‌ భాయ్‌, రోహిత్‌ భాయ్‌ గురించి ప్రత్యేకంగా చెప్పాల్సిందేమీ లేదు.గత దశాబ్ద కాలంగా వారిద్దరు టీమిండియా బ్యాటింగ్‌ లైనప్‌ వెన్నెముకగా ఉన్నారు. వారు జట్టులో అంతర్భాగం. వారి అనుభవం, నైపుణ్యం మా జట్టు విలువను పెంచుతాయి. అయితే, వన్డే ప్రపంచకప్‌ ప్రణాళికలు కాస్త భిన్నంగా ఉంటాయి.ఇక్కడి వికెట్ల మాదిరే వీలైనన్ని వైవిధ్యమైన కాంబినేషన్లు ప్రయత్నించడానికి మేము సిద్ధంగా ఉన్నాము. వరల్డ్‌కప్‌ వేదికైన సౌతాఫ్రికాలోని పిచ్‌లు.. ఇక్కడి (ఇంగ్లండ్‌) వికెట్ల మాదిరే ఉంటాయి. కాబట్టి మా బలాన్ని పరీక్షించుకునే క్రమంలో ఇది అత్యంత కీలకమైన సిరీస్‌గా మారింది. కొత్త వాళ్లకు అవకాశం నిజానికి మా తుదిజట్టులో ఎప్పుడూ పెద్దగా మార్పులు జరగలేదు. అయితే, కొత్త వాళ్లకు అవకాశం ఇచ్చే క్రమంలో స్వల్ప మార్పులు చోటుచేసుకోవచ్చు. యువ ఆటగాళ్లకు అవకాశం ఇవ్వడం ద్వారా.. ఒత్తిడిలో వారు ఏమేరకు రాణించగలరో తెలుసుకోవచ్చు. తద్వారా ప్రపంచకప్‌ టోర్నీకి ముందే జట్టు కూర్పు గురించి మాకు ఒక అవగాహన వస్తుంది’’ అని శుబ్‌మన్‌ గిల్‌ తెలిపాడు.ఇక టీ20 సిరీస్‌లో ఇంగ్లండ్‌ చేతిలో 4-0తో వైట్‌వాష్‌ కావడం తమపై ఎలాంటి ప్రభావం చూపబోదని గిల్‌ ఈ సందర్భంగా పేర్కొన్నాడు. ‘‘ఈ రెండూ వేర్వేరు ఫార్మాట్లు. వేర్వేరు జట్లు. వేర్వేరు లక్ష్యాలు. కాబట్టి ఈ సిరీస్‌పై గత టీ20 సిరీస్‌ ప్రభావం ఉంటుందని నేను అనుకోవడం లేదు’’ అని గిల్‌ అన్నాడు.చదవండి: టీమిండియాలోకి సూర్యకుమార్‌ యాదవ్‌!

బర్మింగ్‌హామ్‌: ‘టి20 సిరీస్‌ ప్రభావం మాపై ఉండదు. ఫార్మాట్‌ వేరు, జట్టు వేరు, లక్ష్యం వేరు. పూర్తిగా భిన్నమైన, కొత్త తరహా వాతావరణం ఇక్కడ కనిపించనుంది’... ఇంగ్లండ్‌తో భారత్‌ వన్డే సిరీస్‌ ఆరంభానికి ముందు కెప్టెన్‌ శుబ్‌మన్‌ గిల్‌ చేసిన వ్యాఖ్య ఇది. ఐర్లాండ్‌–ఇంగ్లండ్‌ పర్యటనలో కలిపి ఒక్క మ్యాచ్‌ కూడా గెలవకుండా ఆరు పరాజయాలు మూటగట్టుకున్న టీమిండియా ఇప్పుడు వన్డే ఫార్మాట్‌లో పోరుకు సిద్ధమైంది. ఇక్కడైనా తమ స్థాయికి తగ్గ ప్రదర్శనతో సత్తా చాటి సిరీస్‌లో పైచేయి సాధించాలని భారత్‌ పట్టుదలగా ఉంది. వచ్చే ఏడాది జరిగే వన్డే వరల్డ్‌ కప్‌ కోసం జరుగుతున్న సన్నాహాలను దృష్టిలో ఉంచుకొని చూస్తే టి20లకంటే ఈ ఫార్మాట్‌లో టీమిండియా ప్రదర్శన కీలకం కానుంది. భారత జట్టు తాము ఆడిన గత 6 వన్డే సిరీస్‌లలో 3 సిరీస్‌లు కోల్పోయింది. అయితే ఇంగ్లండ్‌తో జరిగిన గత 5 వన్డేల్లోనూ భారత్‌ గెలవడం విశేషం. బుమ్రా 2 ఏళ్ల 8 నెలల తర్వాత... మాజీ కెప్టెన్లు, స్టార్‌ బ్యాటర్లు విరాట్‌ కోహ్లి, రోహిత్‌ రాకతో జట్టు బ్యాటింగ్‌ పటిష్టంగా కనిపిస్తోంది. వీరికి తోడు నిలకడగా రాణించే కెప్టెన్‌ గిల్‌ ఆట జట్టుకు అదనపు బలం. ఎలాగైనా వరల్డ్‌ కప్‌ ఆడాలనే లక్ష్యంతో ఉన్న కోహ్లి, రోహిత్‌ ఈ క్రమంలో తమకు లభించే ప్రతీ అవకాశాన్ని సమర్థంగా వాడుకునేందుకు ప్రయత్నిస్తున్నారు. కాబట్టి వారిద్దరి నుంచి అత్యుత్తమ ప్రదర్శనను ఆశించవచ్చు. ఈ టాప్‌–3 తర్వాత శ్రేయస్‌ అయ్యర్, కేఎల్‌ రాహుల్‌ మిడిలార్డర్‌ బాధ్యతలు తీసుకుంటారు. వన్డేల్లో రెగ్యులర్‌ బ్యాటర్‌గా రాహుల్‌ ఇప్పటికే పలు మార్లు తన విలువను చూపించాడు. ఇప్పుడు శ్రేయస్‌పై మాత్రం అదనపు భారం ఉంది. పేస్‌ బౌలింగ్‌లో అన్నింటికంటే పెద్ద బలం జస్‌ప్రీత్‌ బుమ్రా పునరాగమనంగా చెప్పవచ్చు. 2023 వన్డే వరల్డ్‌ కప్‌ ఫైనల్‌ తర్వాత బుమ్రా వన్డేలే ఆడలేదు! మరో ఇద్దరు యువ పేసర్లు గుర్నూర్, ప్రిన్స్‌లకు చోటు కల్పిస్తారా... ఒకరిని పక్కన పెట్టిన అర్ష్ దీప్‌ను ఆడిస్తారా చూడాలి.ఆల్‌రౌండర్లే బలం... టి20 సిరీస్‌లో అద్భుత ప్రదర్శనతో చెలరేగిన ఇంగ్లండ్‌ అదే ఊపులో వన్డే సిరీస్‌పై కన్నేసింది. టి20 టీమ్‌లో ఉన్న కెప్టెన్‌ బ్రూక్, ఆర్చర్, బెతెల్, బట్లర్, కరన్, టంగ్, రషీద్, జాక్స్‌లు వన్డేల్లో కూడా జట్టును గెలిపించగల సమర్థులు. వీరందరితో పాటు సీనియర్‌ బ్యాటర్‌ జో రూట్‌ వన్డే జట్టులో ఉండటం ఇంగ్లండ్‌కు పెద్ద సానుకూలాశం. అయితే జనవరిలో శ్రీలంకతో తలపడిన తర్వాత టీమ్‌ ఒక్క వన్డే కూడా ఆడలేదు. దాంతో ఈ ఫార్మాట్‌లో సన్నద్ధత విషయంలో కొంత తడబాటు కనిపించింది. అయితే సొంతగడ్డపై సిరీస్‌ కాబట్టి ఇంగ్లండ్‌ ఈ సవాల్‌ను అధిగమించగలదు. 2024 నుంచి ఆడిన 7 వన్డే సిరీస్‌లలో 5 ఓడిపోయిన ఇంగ్లండ్‌... చాంపియన్స్‌ ట్రోఫీలో ఒక్క మ్యాచ్‌ కూడా గెలవలేకపోయింది.

ఇంగ్లండ్ గ‌డ్డ‌పై టీ20 సిరీస్‌లో దారుణ ప‌రాజ‌యం త‌ర్వాత శుబ్‌మ‌న్ గిల్ నేతృత్వంలోని టీమిండియా వ‌న్డే సిరీస్ ఆడేందుకు స‌మాయ‌త్త‌మ‌వుతోంది. ఎడ్జ్‌బాస్ట‌న్ వేదిక‌గా మంగ‌ళ‌వారం (జూలై 14న) ఇరుజ‌ట్లు తొలి వ‌న్డే మ్యాచ్ ఆడ‌నున్నాయి. ఈ నేప‌థ్యంలో ఇప్ప‌టికే టెస్టులు, టీ20 ఫార్మాట్‌కు వీడ్కోలు ప‌లికిన సీనియర్ ఆట‌గాళ్లు విరాట్ కోహ్లి, రోహిత్ శ‌ర్మ వ‌న్డే జ‌ట్టుతో క‌లిశారు. ఇక తొలి వన్డేకు తుది జట్టు అంచనా ఒకసారి పరిశీలించి చూద్దాం.వీరితో పాటు సీనియ‌ర్ పేస‌ర్ జ‌స్‌ప్రీత్ బుమ్రా కూడా జాయిన్ కావ‌డంతో టీమిండియా బ‌లం పెరిగింది. 20 ఓవ‌ర్ల ఫార్మాట్ నుంచి 50 ఓవ‌ర్ల ఫార్మాట్‌కు ఆట మార‌డానికి తోడు, సీనియ‌ర్లు అంతా జ‌ట్టులోకి రావ‌డంతో టీమిండియా ఇప్పుడు పేప‌ర్‌పై దుర్భేద్యంగా క‌నిపిస్తోంది. 39 ఏళ్ల రోహిత్‌, 38 ఏళ్ల కోహ్లికి 2027 వ‌న్డే ప్ర‌పంచ‌కప్ ఆఖ‌రిది కానుండ‌డంతో వీరిద్ద‌రు రాణించాల‌ని ఉవ్విళ్లూరుతున్నారు. టీ20 సిరీస్‌లో జోఫ్రా ఆర్చ‌ర్‌, జోష్ టంగ్‌లు త‌మ బౌలింగ్‌తో టీమిండియా బ్యాట‌ర్ల‌ను బెంబెలెత్తించారు. కానీ వ‌న్డే ఫార్మాట్‌లో కోహ్లి, రోహిత్ వంటి అనుభ‌వ‌జ్ఞులు రావ‌డంతో ఈ ఇద్ద‌రు బౌల‌ర్ల ఆట‌లు సాగ‌క‌పోవ‌చ్చ‌ని అభిమానులు అభిప్రాయం వ్య‌క్తం చేస్తున్నారు. బ్యాటింగ్‌లో గిల్‌, రోహిత్ శ‌ర్మ‌, విరాట్ కోహ్లి, శ్రేయ‌స్ అయ్య‌ర్‌తో పాటు కేఎల్ రాహుల్ కీల‌కంగా మార‌నున్నారు.ఆల్‌రౌండ్ విభాగంలో అక్ష‌ర్‌ప‌టేల్‌, శివ‌మ్ దూబే, వాషింగ్ట‌న్ సుంద‌ర్‌లు ఉన్న‌ప్ప‌టికీ వీరిలో ఇద్ద‌రికి మాత్రమే అవ‌కాశం రానుంది. ఇక బౌలింగ్ విభాగాన్ని జ‌స్‌ప్రీత్ బుమ్రా న‌డిపించ‌నుండ‌గా.. టీ20 సిరీస్‌లో విఫ‌ల‌మైన‌ప్ప‌టికీ అర్ష్‌దీప్‌కు మ‌రో చాన్స్ ఇవ్వ‌నున్న‌ట్లు తెలుస్తోంది. మ‌రో స్పిన్న‌ర్ అవ‌స‌ర‌మ‌నుకుంటే కుల్దీప్ యాద‌వ్ తుదిజ‌ట్టులో చోటు ద‌క్కించుకుంటాడు. లేదంటే ప్రసిధ్ క్రిష్ణ, గుర్నూర్ బ్రార్‌ల‌లో ఒక‌రికి అవ‌కాశం క‌ల్పించ‌వ‌చ్చు. మొత్తానికి టీ20 సిరీస్‌లో ఓట‌మి పాలైనప్ప‌టికీ వ‌న్డే సిరీస్‌కు మాత్రం సీనియ‌ర్ల రాక‌తో టీమిండియా కొత్త‌గా కనిపిస్తోంది. మ్యాచ్‌ సమయం: భారత కాలమాన ప్రకారం మధ్యాహ్నం 3.30 గంటలకు ఎడ్జ్‌బాస్టన్‌ వేదికగా ప్రారంభం కానుంది.తుదిజ‌ట్టు అంచ‌నా: శుబ్‌మ‌న్ గిల్ (కెప్టెన్‌), రోహిత్ శ‌ర్మ‌, విరాట్ కోహ్లి, శ్రేయ‌స్ అయ్య‌ర్, కేఎల్ రాహుల్ (వికెట్ కీప‌ర్‌), శివ‌మ్ దూబే, అక్ష‌ర్ ప‌టేల్‌, జ‌స్‌ప్రీత్ బుమ్రా, అర్ష్‌దీప్ సింగ్‌, కుల్దీప్ యాద‌వ్‌, ప్ర‌సిధ్ క్రిష్ణ‌/ గుర్నూర్ బ్రార్‌

టీమిండియా టెస్టు, వ‌న్డే కెప్టెన్ శుబ్‌మ‌న్ గిల్ అరుదైన ఫీట్ సాధించాడు. ప్ర‌తిష్టాత్మ‌క వింబుల్డ‌న్ గ్రాండ్‌స్లామ్ టోర్నీని రాయ‌ల్ బాక్స్ నుంచి వీక్షించిన నాలుగో భార‌త కెప్టెన్‌గా గిల్ నిలిచాడు. గ‌తంలో భార‌త్ నుంచి స‌చిన్ టెండూల్క‌ర్‌, విరాట్ కోహ్లి, రోహిత్ శ‌ర్మ‌లు కెప్టెన్ హోదాలో రాయ‌ల్ బాక్స్ నుంచి వింబుల్డ‌న్ టోర్నీ మ్యాచ్‌ల‌ను వీక్షించారు. తాజాగా గిల్ వీరి స‌ర‌స‌న చేరాడు. శుక్ర‌వారం లండ‌న్‌లోని ఆల్ ఇంగ్లండ్ టెన్నిస్ క్ల‌బ్‌లో జ‌కోవిచ్‌, సిన‌ర్ మ్యాచ్‌ను గిల్ ప్ర‌త్య‌క్షంగా వీక్షించాడు. మ‌రో విశేష‌మేమిటంటే గిల్ ప‌క్క‌నే భార‌త క్రికెట్ దిగ్గ‌జం స‌చిన్ టెండూల్క‌ర్‌తో పాటు అత‌డి భార్య అంజ‌లి కూడా ఉన్నారు. ఈ ముగ్గురు క‌లిసి వింబుల్డ‌న్ మ్యాచ్ వీక్షిస్తున్న ఫొటో సోష‌ల్ మీడియాలో వైర‌ల్‌గా మారింది. ఇక వీరితో పాటు విండీస్ దిగ్గ‌జ క్రికెట‌ర్ బ్రియాన్ లారా, నెద‌ర్లాండ్స్ స్టార్ ఫుట్‌బాల్ ఆట‌గాడు వర్గిల్ వాన్ డిక్, బ్రిట‌న్ యాక్ట‌ర్ బెనెడిక్ట్ కంబ‌ర్‌బాచ్‌, హ్యూగ్ లారి, డామియ‌న్ లూయిస్‌లు కూడా రాయ‌ల్ బాక్స్ నుంచి మ్యాచ్‌ను వీక్షించారు. ఇక గిల్ ఇటీవ‌లే సిల్వ‌ర్‌స్టోన్ స‌ర్క్యూట్ వేదిక‌గా జ‌రిగిన బ్రిటీష్ గ్రాండ్‌ప్రిక్స్ టోర్నీకి కూడా ముఖ్య అతిథిగా హాజ‌ర‌య్యాడు.ఇక ప్ర‌స్తుతం టీమిండియా జ‌ట్టు ఇంగ్లండ్ ప‌ర్య‌ట‌న‌లో టీ20 సిరీస్ ఆడుతున్న సంగ‌తి తెలిసిందే. ఇప్ప‌టికే 0-3తో ఇంగ్లండ్‌కు సిరీస్ కోల్పోయిన టీమిండియా ఇవాళ చివ‌రి మ్యాచ్‌ను సౌతాంప్ట‌న్ వేదిక‌గా ఆడుతోంది. టీ20 సిరీస్ ముగిసిన వెంట‌నే మూడు మ్యాచ్‌ల వ‌న్డే సిరీస్ మొద‌లుకానుంది. వన్డే సిరీస్‌కు గిల్‌తో పాటు రోహిత్ శర్మ, విరాట్ కోహ్లి జాయిన్ కానుండడంతో జ‌ట్టు ప‌రిపూర్ణం కానుంది. 2027 వన్డే ప్రపంచ కప్ సన్నాహకంగా ఈ వ‌న్డే సిరీస్‌ను ఉప‌యోగించుకుంటామ‌ని, దక్షిణాఫ్రికా పరిస్థితులకు ఇక్కడి వాతావరణం సరితూగుతుంద‌ని గిల్ వెల్లడించాడు. Shubman Gill with Sachin Tendulkar and Anjali Tendulkar at Wimbledon ❤️ pic.twitter.com/mLkqV9Tjfg— Shubman Gill Fc (@ShubmanGill7fc) July 10, 2026Read: ఒళ్లు మండిన గాఫ్‌.. బదులు తీర్చుకుంటానని హెచ్చరిక!

ఇంగ్లండ్‌-భార‌త్ మ‌ధ్య మూడు వ‌న్డేల సిరీస్ మ‌రో 8 రోజుల్లో ప్రారంభం కానుంది. తొలి వ‌న్డే ఎడ్జ్‌బాస్ట‌న్ వేదిక‌గా జూలై 14న జ‌ర‌గ‌నుంది. ఈ సిరీస్ కోసం భార‌త స్టార్ ఓపెన‌ర్‌, మాజీ కెప్టెన్ రోహిత్ శ‌ర్మ ఇంగ్లండ్ గ‌డ్డ‌పై అడుగుపెట్టాడు. ఇంగ్లండ్‌కు చేరుకున్న రోహిత్ ఏ మాత్రం ఆల‌స్యం చేయకుండా త‌న ప్రాక్టీస్‌ను మొద‌లు పెట్టాడు. వ‌న్డే ప్ర‌పంచ‌క‌ప్ స‌న్నాహ‌కాల్లో భాగంగా జ‌ర‌గ‌బోయే ఈ సిరీస్‌లో స‌త్తాచాటాల‌ని హిట్‌మ్యాన్ ఉవ్విళ్లూరుతున్నాడు. చివ‌ర‌గా అఫ్గానిస్తాన్‌తో వ‌న్డేల్లో కూడా ఈ ముంబైక‌ర్ రాణించాడు. ఇప్పుడు అదే ఫామ్‌ను ఇంగ్లీష్ గ‌డ్డ‌పై కొన‌సాగించేందుకు రోహిత్ స‌న్న‌ద‌మ‌వుతున్నాడు. మ‌రోవైపు అఫ్గానిస్తాన్‌తో వ‌న్డే సిరీస్‌కు గాయం కార‌ణంగా దూర‌మైన స్టార్ బ్యాట‌ర్ విరాట్ కోహ్లి సైతం ఇప్పుడు పూర్తి ఫిట్‌నెస్ సాధించాడు. దీంతో ఇంగ్లండ్‌తో వ‌న్డేల్లో కోహ్లి ఆడ‌నున్నాడు. ప్ర‌స్తుతం లండ‌న్‌లో ఉన్న విరాట్ త్వ‌ర‌లోనే భార‌త జ‌ట్టుతో క‌లిసే అవ‌కాశ‌ముంది. స్టార్ పేస‌ర్ జస్ప్రీత్ బుమ్రా సైతం జ‌ట్టుతో చేర‌నున్నాడు. అత‌డు కూడా త‌న బౌలింగ్ ప్రాక్టీస్‌ను మొద‌లు పెట్టాడు. అయితే ఇంగ్లండ్ టూర్‌కు స్టార్ ఆల్‌రౌండర్లు హార్దిక్ పాండ్యా, నితీశ్ కుమార్ రెడ్డి గాయం కారణంగా దూరమయ్యారు. నితీశ్ స్ధానంలో సూర్యన్ష్ షెడ్గేని జట్టులోకి తీసుకున్నారు.ఇంగ్లండ్‌తో వన్డేలకు భారత జట్టుశుభ్‌మన్‌ గిల్‌ (కెప్టెన్‌), రోహిత్‌ శర్మ, విరాట్‌ కోహ్లీ, శ్రేయస్‌ అయ్యర్‌, కేఎల్‌ రాహుల్‌, ఇషాన్‌ కిషన్‌, వాషింగ్టన్‌ సుందర్‌, అక్షర్‌ పటేల్‌, సూర్యన్ష్ షెడ్గే , కుల్దీప్ యాదవ్‌, జస్‌ప్రీత్‌ బుమ్రా, ప్రసిద్ధ్‌ కృష్ణ, హర్షిత్‌ రాణా, అర్ష్‌దీప్‌ సింగ్‌, గుర్నూర్‌ బ్రార్.చదవండి: శ్రీలంక గడ్డపై ద్రవిడ్‌ కుమారుడి విశ్వరూపం!

టీమిండియా డాషింగ్‌ బ్యాటర్‌ రోహిత్‌ శర్మ పేరిట ఉన్న అత్యధిక అంతర్జాతీయ సిక్సర్ల రికార్డును ఓ అనామక బ్యాటర్‌ బద్దలు కొట్టాడు. ఆస్ట్రియాకు చెందిన కరణ్‌బీర్ సింగ్ ఈ ఘనత సాధించాడు. అంతర్జాతీయ టీ20ల్లో రోహిత్‌ 151 ఇన్నింగ్స్‌ల్లో 205 సిక్సర్లు కొడితే.. కరణ్‌బీర్‌ సింగ్‌ కేవలం​ 59 ఇన్నింగ్స్‌ల్లోనే హిట్‌మ్యాన్‌ రికార్డును బ్రేక్‌ చేశాడు.తాజాగా హంగేరితో జరిగిన మ్యాచ్‌లో కరణ్‌బీర్‌ సింగ్‌ ఈ సరికొత్త చరిత్ర సృష్టించాడు. ఈ మ్యాచ్‌లో అతడు కేవలం 57 బంతుల్లోనే 164 పరుగులు చేశాడు. ఇందులో ఏకంగా 12 భారీ సిక్సర్లు, 18 ఫోర్లు ఉన్నాయి. ఈ ఇన్నింగ్స్‌లో కొట్టిన సిక్సర్లతో టీ20 అంతర్జాతీయాల్లో అతని మొత్తం సిక్సర్ల సంఖ్య 207కు చేరింది.టీ20 అంతర్జాతీయాల్లో అత్యధిక సిక్సర్లు బాదిన టాప్‌-5 బ్యాటర్ల జాబితాలో కరణ్‌బీర్ సింగ్, రోహిత్ శర్మ తర్వాతి స్థానాల్లో యూఏఈకి చెందిన మహ్మద్ వసీమ్ (196), టీమిండియా తాజా మాజీ కెప్టెన్‌ సూర్యకుమార్ యాదవ్ (179), ఇంగ్లండ్ వెటరన్‌ జోస్ బట్లర్ (173) ఉన్నారు.తాజా ఇన్నింగ్స్‌లో కరణ్‌బీర్ సింగ్ మరో భారీ రికార్డుకు తృటిలో కోల్పోయాడు. టీ20 అంతర్జాతీయాల్లో అత్యధిక వ్యక్తిగత స్కోరు అయిన 172 పరుగుల రికార్డు ఆస్ట్రేలియా మాజీ కెప్టెన్ ఆరోన్ ఫించ్ పేరిట ఉంది. ఈ రికార్డును కరణ్‌బీర్ (164) కేవలం ఎనిమిది పరుగుల తేడాతో చేజార్చుకున్నాడు.మ్యాచ్‌ విషయానికొస్తే.. కరణ్‌బీర్ రికార్డు ప్రదర్శనకు అబిదుల్లా కొత్వా అనే ఆటగాడి సునామీ ఇన్నింగ్స్‌ (26 బంతుల్లో 93 నాటౌట్‌; 2 ఫోర్లు, 12 సిక్సర్లు) తోడవ్వడంతో ఆస్ట్రియా నిర్ణీత 20 ఓవర్లలో 7 వికెట్ల నష్టానికి 322 పరుగుల భారీ స్కోరు నమోదు చేసింది. ఇది టీ20 అంతర్జాతీయ క్రికెట్ చరిత్రలో రెండో అత్యధిక జట్టు స్కోరు. 2024లో గాంబియాపై జింబాబ్వే చేసిన 344/4 మాత్రమే దీనికంటే ఎక్కువ.ఇక కష్టసాధ్యమైన లక్ష్యాన్ని ఛేదించేందుకు బరిలోకి దిగిన హంగేరి ఏ దశలోనూ పోరాటం ప్రదర్శించలేక 165 పరుగులకు ఆలౌట్‌ కావడంతో ఆస్ట్రియా 157 పరుగుల భారీ తేడాతో ఘన విజయం సాధించింది.30 ఏళ్ల కరణ్‌బీర్ సింగ్ ఆస్ట్రియా జట్టుకు కెప్టెన్‌గా వ్యవహరిస్తున్నాడు. టాపార్డర్ బ్యాటర్‌గా, మీడియం పేసర్‌గా జట్టుకు సేవలందిస్తున్నాడు. ఇప్పటివరకు 60 టీ20 అంతర్జాతీయ మ్యాచ్‌ల్లో 48.71 సగటున, 175.41 స్ట్రయిక్‌రేట్‌తో 2533 పరుగులు చేశాడు. అతని ఖాతాలో నాలుగు సెంచరీలు, 20 అర్ధసెంచరీలు ఉన్నాయి. బౌలింగ్‌లో 39 వికెట్లు కూడా తీశాడు.గత ఏడాది కూడా కరణ్‌బీర్ మరో విశేష రికార్డు సృష్టించాడు. ఒక క్యాలెండర్ సంవత్సరంలో అత్యధిక టీ20 అంతర్జాతీయ పరుగులు చేసిన బ్యాటర్‌గా పాకిస్తాన్ మాజీ కెప్టెన్ మహ్మద్ రిజ్వాన్ రికార్డును అధిగమించాడు. 2025లో కేవలం 32 ఇన్నింగ్స్‌ల్లోనే 1,488 పరుగులు చేసి అసోసియేట్ దేశాల క్రికెట్‌లో తన ఆధిపత్యాన్ని చాటుకున్నాడు. ప్రస్తుతం రోహిత్ శర్మ పేరిట ఉన్న మరో అరుదైన రికార్డును అధిగమించడం ద్వారా ప్రపంచ టీ20 క్రికెట్‌లో తనకంటూ ప్రత్యేక గుర్తింపును సంపాదించాడు.

టీమిండియా దిగ్గజ కెప్టెన్‌ రోహిత్‌ శర్మ కెరీర్‌ చరమాంకానికి చేరుకుందా?... వన్డే వరల్డ్‌కప్‌-2027 టోర్నీకి ముందే అతడిని తప్పించాలని యాజమాన్యం భావిస్తోందా? అంటే జాతీయ మీడియా వర్గాల నుంచి అవుననే సమాధానమే వినిపిస్తోంది.కాగా 2007లో అంతర్జాతీయ క్రికెట్‌లో అడుగుపెట్టిన రోహిత్‌ శర్మ.. ధోని సారథ్యంలో ఓపెనర్‌గా ప్రమోట్‌ అయ్యి జట్టులో పాతుకుపోయాడు. అంచెలంచెలుగా ఎదిగి కెప్టెన్‌గా పగ్గాలు చేపట్టిన రోహిత్‌ 2024లో భారత్‌కు టీ20 ప్రపంచకప్‌ అందించాడు.ఆ వెంటనే అంతర్జాతీయ టీ20 ఫార్మాట్‌కు వీడ్కోలు పలికిన రోహిత్‌ శర్మ.. గతేడాది టెస్టులకూ రిటైర్మెంట్‌ ఇచ్చాడు. ప్రస్తుతం కేవలం వన్డేల్లోనే కొనసాగుతున్నాడు. ఇక 2025లో కెప్టెన్‌ హోదాలో ఐసీసీ చాంపియన్స్‌ ట్రోఫీ గెలిచినప్పటికీ.. భారత క్రికెట్‌ నియంత్రణ మండలి (BCCI) అతడిని సారథ్య బాధ్యతల నుంచి తప్పించింది.ఇంగ్లండ్‌తో సిరీస్‌ ఆఖరిది?కాగా వన్డే వరల్డ్‌కప్‌-2027లో ఆడాలనే కలతో రోహిత్‌ శర్మ ముందుకు సాగుతుండగా.. సెలక్టర్లు మాత్రం అతడిని కొనసాగించేందుకు సిద్ధంగా లేనట్లు సమాచారం. స్పోర్ట్స్‌ టాక్‌ చర్చలో భాగంగా రోహిత్‌ అంశం తెరమీదకు రాగా.. ఇంగ్లండ్‌తో సిరీస్‌ హిట్‌మ్యాన్‌ కెరీర్‌లో ఆఖరిదంటూ అక్కడున్న వారు బాంబు పేల్చారు.ఇటీవల స్వదేశంలో అఫ్గానిస్తాన్‌తో వన్డే సిరీస్‌కు ముందు రోహిత్‌ గాయపడ్డ సంగతి తెలిసిందే. అయినప్పటికీ కష్టపడి ఫిట్‌నెస్‌ సాధించి మూడు మ్యాచ్‌లలోనూ భాగమయ్యాడు. అయితే, తొలి వన్డేలో 16 పరుగులకే నిష్క్రమించిన రోహిత్‌.. రెండో వన్డేలో 48 పరుగులతో ఫర్వాలేదనిపించాడు. మూడో వన్డేలో 78 పరుగులతో సత్తా చాటాడు.అఫ్గానిస్తాన్‌తో సిరీస్‌కు ముందేనిజానికి అఫ్గానిస్తాన్‌తో సిరీస్‌కు ముందే సెలక్టర్లు రోహిత్‌ శర్మ వన్డే కెరీర్‌ గురించి అతడికి స్పష్టతనిచ్చినట్లు సమాచారం. ఇదే ఆఖరి సిరీస్‌ అని రోహిత్‌కు చెప్పినట్లు తెలుస్తోంది. అంతేకాదు.. తుదిజట్టు నుంచి అతడిని పక్కనపెట్టాలనే యోచన చేసినట్లు తెలుస్తోంది.అయితే, ఆ ఆలోచన మార్చుకున్న యాజమాన్యం.. ఇంగ్లండ్‌ సిరీస్‌ రూపంలో హిట్‌మ్యాన్‌కు మరో అవకాశం ఇవ్వాలని భావించినట్లు తెలుస్తోంది. ఒకవేళ ఇంగ్లండ్‌ గడ్డ మీద విఫలమైతే.. అదే అతడి కెరీర్‌లో ఆఖరి సిరీస్‌ అవుతుందని సెలక్టర్లు స్పష్టం చేసినట్లు సమాచారం.కాగా అఫ్గాన్‌తో వన్డే సిరీస్‌కు విరాట్‌ కోహ్లి దూరం కాగా.. అతడి స్థానంలో యశస్వి జైస్వాల్‌కు అవకాశం వచ్చింది. రోహిత్‌ శర్మతో కలిసి రెండు, మూడో వన్డేలో ఓపెనింగ్‌ చేసిన జైసూ 4, 110 పరుగులు సాధించాడు. ఈ నేపథ్యంలో వన్డేల్లో రోహిత్‌ శర్మ వారసుడిగా జైసూను పూర్తిస్థాయి ఓపెనర్‌గా బరిలోకి దించాలని యాజమాన్యం యోచిస్తున్నట్లు తెలుస్తోంది.నిజమేనా?కానీ ఇంగ్లండ్‌తో సిరీస్‌కు రోహిత్‌ శర్మనే ఎంపిక చేయడం చూస్తుంటే మాత్రం ఈ ఊహాగానాలు నిజం కాదనిపిస్తోందని విశ్లేషకులు అంటున్నారు. వరల్డ్‌కప్‌నకు ముందు మరికొన్ని వన్డేలు మాత్రమే మిగిలి ఉన్నందున జైస్వాల్‌ను తీసుకొచ్చి రిస్క్‌ చేస్తుందా అనే అనుమానాలు వ్యక్తమవుతున్నాయి. కాగా అఫ్గానిస్తాన్‌తో సిరీస్‌లో రోహిత్‌- జైస్వాల్‌ ఓపెనర్లుగా రాగా.. కెప్టెన్‌ శుబ్‌మన్‌ గిల్‌ వన్‌డౌన్‌లో ఆడాడు. దీనిని బట్టి రోహిత్‌ను ఇంకొంతకాలం కొనసాగిస్తారనే చర్చా నడుస్తోంది.అగార్కర్‌, గంభీర్‌ కఠిన నిర్ణయంఏదేమైనా చీఫ్‌ సెలక్టర్‌ అజిత్‌ అగార్కర్‌, హెడ్‌కోచ్‌ గౌతం గంభీర్‌ మాత్రం రోహిత్‌ను పక్కనపెట్టాలని గట్టిగా ఫిక్సయినట్లు బీసీసీఐ సన్నిహిత వర్గాలు పేర్కొంటున్నాయి. వరల్డ్‌కప్‌ నాటికి రోహిత్‌కు 40 ఏళ్లు వస్తాయి. ఈ క్రమంలోనే ఫిట్‌నెస్‌ దృష్ట్యా ఈ వెటరన్‌ ప్లేయర్‌ను పక్కనపెట్టాలని యాజమాన్యం యోచిస్తున్నట్లు తెలుస్తోంది. కాగా రోహిత్‌ శర్మ ఇప్పటి వరకు 285 వన్డేలు ఆడి 11720 పరుగులు సాధించాడు. అంతేకాదు వన్డేల్లో ఓవరాల్‌గా మూడు డబుల్‌ సెంచరీలు బాదిన ఏకైక క్రికెటర్‌గా హిట్‌మ్యాన్‌ కొనసాగుతున్నాడు. ఇలాంటి దిగ్గజ ఆటగాడికి యాజమాన్యం ఎటువంటి వీడ్కోలు ఇస్తుందో చూడాలి మరి!!చదవండి: కన్నీటి పర్యంతమైన నెయ్‌మార్‌!

టీమిండియా పేసర్‌ ఆకాశ్‌ దీప్‌ ఓ ఇంటివాడయ్యాడు. అక్షిత రాజ్‌తో కలిసి మూడు ముళ్ల బంధంలో అడుగుపెట్టాడు. వారణాసిలో బుధవారం వీరిద్దరి పెళ్లి అంగరంగ వైభవంగా జరిగింది. వివాహ వేడుకకు సంబంధించిన ఫొటోలను ఆకాశ్‌ దీప్‌ సోషల్‌ మీడియా వేదికగా షేర్‌ చేశాడు.శాశ్వత ఇన్నింగ్స్‌ఇందుకు.. ‘‘ఈ అందమైన పెళ్లి వేడుక.. ఇద్దరు దిగ్గజాలు తమ శాశ్వత ఇన్నింగ్స్‌ మొదలుపెట్టే ఘట్టాన్ని అందంగా చిత్రీకరిస్తున్నట్లుగా ఉంది. రీటేక్‌లు ఏమీ లేవు. నమ్మకం, టీమ్‌ స్పిరిట్‌తో మేము ముందుకు సాగుతున్నాం’’ అని ఆకాశ్‌ దీప్‌ క్యాప్షన్‌ జత చేశాడు.శుభాకాంక్షల వెల్లువఈ క్రమంలో సహచర ఆటగాళ్లు, అభిమానుల నుంచి ఆకాశ్‌ దీప్‌- అక్షితా రాజ్‌ (India pacer Akash Deep Wedding)కు శుభాకాంక్షలు వెల్లువెత్తుతున్నాయి. టీమిండియా మాజీ కెప్టెన్‌ సూర్యకుమార్‌ యాదవ్‌, స్పిన్నర్‌ కుల్దీప్‌ యాదవ్‌, లక్నో సూపర్‌ జెయింట్స్‌ యజమాని సంజీవ్‌ గోయెంకా నవదంపతులను విష్‌ చేశారు.ఇదిలా ఉంటే.. ఆకాశ్‌ దీప్‌ స్నేహితులు షేర్‌ చేసిన ఓ వీడియో క్లిప్‌ నెట్టింట వైరల్‌గా మారింది. ఇందులో.. ‘‘నీ పెళ్లికి భారత క్రికెట్‌ దిగ్గజాలు మహేంద్ర సింగ్‌ ధోని, విరాట్‌ కోహ్లి, రోహిత్‌ శర్మలను ఎందుకు పిలవలేదు’’ అని ఓ వ్యక్తి అడిగాడు.అందుకు వాళ్లను పిలవలేదు!ఇందుకు బదులుగా ఆకాశ్‌ దీప్‌.. ‘‘పెళ్లి బనారస్‌ (వారణాసి)లో జరుగుతుంది కదా!’’ అని అనడంతో నవ్వులు పూశాయి. కాగా కోహ్లి, ధోని, రోహిత్‌కు ఉన్న క్రేజ్‌ గురించి ప్రత్యేకంగా చెప్పాల్సిన పనిలేదు. ముఖ్యంగా కోహ్లి కోసం అభిమానులు ఏ స్థాయిలో ఎగబడతారో తెలిసిందే. అందుకే తన పెళ్లి సజావుగా సాగాలంటే కోహ్లి భయ్యా ఇక్కడ లేకపోవడమే మంచిది అన్నట్లు ఆకాశ్‌ దీప్‌ సరదాగా ఇలా బదులిచ్చాడు.కాగా బిహార్‌కు చెందిన ఆకాశ్‌ దీప్‌.. 2024లో టీమిండియా తరఫున అంతర్జాతీయ క్రికెట్‌లో అడుగుపెట్టాడు. ఇంగ్లండ్‌తో స్వదేశంలో జరిగిన సిరీస్‌ ద్వారా ఈ రైటార్మ్‌ ఫాస్ట్‌ మీడియం పేసర్‌ టెస్టుల్లో అరంగేట్రం చేశాడు. ఇప్పటికి ఈ 29 ఏళ్ల పేస్‌ బౌలర్‌ టీమిండియా తరఫున 10 టెస్టులు ఆడి.. 28 వికెట్లు కూల్చాడు. గతేడాది ఆండర్సన్‌- టెండుల్కర్‌ ట్రోఫీ టెస్టు సిరీస్‌లో భాగంగా ఇంగ్లండ్‌ గడ్డ మీద ఆకాశ్‌ దీప్‌ సత్తా చాటాడు. బర్మింగ్‌హామ్‌ టెస్టులో పన్నెండు వికెట్లు కూల్చి సంచలనం సృష్టించాడు.ఇక ఇప్పటికి ఐపీఎల్‌లో పద్నాలుగు మ్యాచ్‌లు ఆడిన ఆకాశ్‌ దీప్‌.. పది వికెట్లు తీయగలిగాడు. ఈ ఏడాది కోల్‌కతా నైట్‌ రైడర్స్‌ అతడిని సొంతం చేసుకోగా.. గాయం కారణంగా ఒక్క మ్యాచ్‌ కూడా ఆడలేకపోయాడు.అదే విధంగా స్వదేశంలో అఫ్గానిస్తాన్‌తో ఏకైక టెస్టు మ్యాచ్‌కు కూడా దూరమయ్యాడు. తాజాగా పెళ్లి బంధంలో అడుగుపెట్టి వ్యక్తిగత జీవితంలో నూతన అధ్యాయాన్ని ఆరంభించాడు.చదవండి: శ్రీలంకతో తొలి టెస్టు.. భారత్‌ బ్యాటింగ్‌ View this post on Instagram A post shared by Virat (@kohlixclips)

అఫ్గనిస్తాన్‌తో స్వదేశంలో వన్డే సిరీస్‌ను 3-0తో క్లీన్‌స్వీప్‌ చేసిన టీమిండియా.. ఐర్లాండ్‌లో అడుగుపెట్టింది. ఐరిష్‌ జట్టుతో టీ20 సిరీస్‌ ఆడనున్న భారత జట్టు.. అనంతరం ఇంగ్లండ్‌తో టీ20, వన్డే సిరీస్‌లు ఆడనుంది. ఇందుకు సంబంధించి ఇప్పటికే ఆయా సిరీస్‌లకు బీసీసీఐ తమ జట్లను ప్రకటించింది.ఈ నేపథ్యంలో భారత మాజీ క్రికెటర్‌, కామెంటేటర్‌ సంజయ్‌ మంజ్రేకర్‌ బ్యాటింగ్‌ దిగ్గజాలు విరాట్‌ కోహ్లి (Virat Kohli), రోహిత్‌ శర్మ (Rohit Sharma)ను ఉద్దేశించి కీలక వ్యాఖ్యలు చేశాడు. వీరిద్దరి ప్రయోజనాల కోసం జట్టుకు ఎంపిక చేయొద్దని.. జట్టు గురించి మాత్రమే ఆలోచించాలంటూ సెలక్టర్లకు హితవు పలికాడు.అందుకు అతడే అర్హుడురోహిత్‌ శర్మ స్థానంలో యువ ఆటగాడు యశస్వి జైస్వాల్‌ను ఆడిస్తే బాగుంటుందని సంజయ్‌ మంజ్రేకర్‌ అభిప్రాయపడ్డాడు. టైమ్స్‌ ఆఫ్‌ ఇండియాతో మాట్లాడుతూ.. ‘‘ఆడిన గత మూడు వన్డేల్లో యశస్వి జైస్వాల్‌ రెండు శతకాలు బాదాడు. సౌతాఫ్రికా మీద 116 పరుగులతో అజేయంగా నిలిచిన జైసూ.. ఆ తర్వాత అఫ్గానిస్తాన్‌పై వరుసగా 4, 110* పరుగులు చేశాడు.భారత వన్డే జట్టు ఓపెనింగ్‌ జోడీలో ఒకరిగా ఎవరికైనా అవకాశాలు రావాల్సి ఉందంటే.. అందుకు జైస్వాల్‌ అర్హుడు. కానీ దురదృష్టవశాత్తూ అతడికి అవకాశాలు రావడం లేదు. ఒకవేళ సెలక్టర్లు రోహిత్‌ శర్మను వన్డే వరల్డ్‌కప్‌-2027 ప్రణాళికల్లో భాగం చేయాలనుకుంటే అది వాళ్ల ఇష్టం.తప్పించలేము కాబట్టి ఎంపిక చేస్తామంటే ఎలా?నిజానికి భారత క్రికెట్‌లో ‘స్టార్‌’ ప్లేయర్లకు ఎల్లప్పుడూ పెద్దపీట వేసే సంప్రదాయం ఉంది. వ్యక్తిగత ఇమేజ్‌, ఆట తీరు దృష్ట్యా మాత్రమే వారికి అవకాశాలు దక్కుతాయి. ఇప్పుడు రోహిత్‌ విషయంలోనూ అదే జరుగుతోందనిపిస్తోంది. నిజంగానే అతడు వరల్డ్‌కప్‌ జట్టుకు అవసరమని భావించి సెలక్ట్‌ చేస్తే ఫర్వాలేదు.అంతేగానీ.. అతడిని తప్పించలేము కాబట్టి ఆడిస్తాం అంటే కుదరదు. విరాట్‌, రోహిత్‌ లేదంటే బుమ్రాకు ఏది అత్యుత్తమం అని కాకుండా.. జట్టు ప్రయోజనాల కోసం ఏమి చేయాలి? భారత క్రికెట్‌ను ఎలా ముందుకు తీసుకువెళ్లాలి? అన్న అంశాలపై మాత్రమే దృష్టి పెట్టాల్సి ఉంటుంది’’ అని సంజయ్‌ మంజ్రేకర్‌ పేర్కొన్నాడు. కాగా అంతర్జాతీయ టీ20, టెస్టులకు వీడ్కోలు పలికిన రోహిత్‌ శర్మ, విరాట్‌ కోహ్లి వన్డేల్లో మాత్రమే కొనసాగుతున్నారు. కాగా అఫ్గన్‌తో సిరీస్‌కు కోహ్లి దూరం కాగా.. అతడి స్థానంలో జైస్వాల్‌ జట్టులోకి వచ్చిన సంగతి తెలిసిందే. అయితే, ఇంగ్లండ్‌ పర్యటనతో కోహ్లి తిరిగి జట్టుతో చేరనున్నాడు.చదవండి: శ్రీలంకతో తొలి టెస్టు.. భారత్‌ బ్యాటింగ్‌

భారత క్రికెట్ దిగ్గజం, మాజీ కెప్టెన్ రోహిత్‌ శర్మ దేశంలోని అత్యున్నత పౌర పురస్కారాల్లో ఒకటైన పద్మశ్రీ అవార్డును ఇవాళ (జూన్‌ 23) అందుకున్నాడు. ఢిల్లీలో జరిగిన ప్రత్యేక కార్యక్రమంలో భారత రాష్ట్రపతి ద్రౌపది ముర్ము ఆయనకు ఈ గౌరవాన్ని ప్రదానం చేశారు.ఈ ఏడాది జనవరిలోనే రోహిత్‌తో పాటు భారత మహిళల జట్టు కెప్టెన్ హర్మన్‌ప్రీత్‌ కౌర్‌కు కూడా పద్మశ్రీ ప్రకటించారు. హర్మన్‌ప్రీత్ గత నెలలో అవార్డు అందుకోగా, తాజాగా రోహిత్ ఈ గౌరవాన్ని స్వీకరించాడు.టీమిండియాకు అందించిన సేవలకు గుర్తింపుగత కొన్నేళ్లుగా భారత జట్టుకు రోహిత్ అందించిన సేవలు, అతని నాయకత్వంలో జట్టు సాధించిన విజయాలను గుర్తిస్తూ కేంద్ర ప్రభుత్వం ఈ పురస్కారం ప్రకటించింది. రోహిత్ కెప్టెన్సీలో భారత్ 2024 టీ20 ప్రపంచకప్‌ను గెలుచుకోవడంతో పాటు, 2025 ఛాంపియన్స్ ట్రోఫీని కూడా కైవసం చేసుకుంది.దిగ్గజాల సరసన రోహిత్పద్మశ్రీ అందుకున్న భారత క్రికెట్ ప్రముఖుల జాబితాలో ఇప్పుడు రోహిత్ కూడా చేరాడు. ఇప్పటికే సచిన్‌ టెండూల్కర్‌, విరాట్‌ కోహ్లి, రాహుల్‌ ద్రవిడ్‌, గౌతమ్‌ గంభీర్‌, కపిల్‌ దేవ్‌, ఎంఎస్‌ ధోని వంటి దిగ్గజాలు ఈ గౌరవాన్ని అందుకున్నారు.ఇంగ్లండ్ పర్యటనకు సిద్ధంహామ్‌స్ట్రింగ్ గాయం నుంచి పూర్తిగా కోలుకున్న రోహిత్ త్వరలో ఇంగ్లండ్ పర్యటనకు వెళ్లనున్నాడు. శుభ్‌మన్‌ గాల్‌ నాయకత్వంలోని భారత జట్టు జూలై 14 నుంచి 19 వరకు జరిగే మూడు వన్డేల సిరీస్‌లో ఇంగ్లండ్‌తో తలపడనుంది. ఆ సిరీస్‌కు ఎంపికైన జట్టులో రోహిత్ కూడా చోటు దక్కించుకున్నాడు.

చెపాక్ వేదికగా అఫ్గానిస్తాన్‌తో జరిగిన మూడో వన్డేలో 9 వికెట్ల తేడాతో భారత్ ఘన విజయాన్ని అందుకుంది. దీంతో మూడు వన్డేల సిరీస్‌ను 3-0 తేడాతో టీమిండియా క్లీన్ స్వీప్ చేసింది. 219 పరుగుల లక్ష్యాన్ని భారత్ కేవలం ఒక్క వికెట్ మాత్రమే కోల్పోయి 28.4 ఓవర్లలో చేధించింది. ఓపెనర్ యశస్వి జైశ్వాల్‌(110) అజేయ శత​కంతో మ్యాచ్ ఫినిష్ చేశాడు. అతడితో పాటు మరో సీనియర్ ఓపెనర్ రోహిత్ శర్మ అద్భుతమైన ఇన్నింగ్స్ ఆడాడు. 219 పరుగుల లక్ష్య ఛేదనలో హిట్‌మ్యాన్ హాఫ్ సెంచరీతో సత్తా చాటాడు. 69 బంతుల్లో 9 ఫోర్లు, 3 సిక్స్‌లతో 79 పరుగులు చేశాడు. ఈ క్రమంలో రోహిత్ శర్మ పలు అరుదైన రికార్డులను తన పేరిట లిఖించుకున్నాడు.వన్డేల్లో అత్యధిక హాఫ్ సెంచరీలు చేసిన మూడో భారత ఆటగాడిగా మాజీ కెప్టెన్ రాహుల్ ద్రవిడ్‌ను రోహిత్ అధిగమించాడు. రోహిత్‌కు ఇది 95వ హాఫ్ సెంచరీ. ద్రవిడ్ తన వన్డే కెరీర్‌లో 94 ఆర్ధ శతకాలు నమోదు చేశాడు. ఈ జాబితాలో భారత క్రికెట్ దిగ్గజం సచిన్ టెండూల్కర్ (145) టాప్ ప్లేస్‌లో కొనసాగుతుండగా.. విరాట్ కోహ్లి(131) రెండో స్ధానంలో ఉన్నాడు.అదేవిధంగా వన్డే క్రికెట్ చరిత్రలో టీమిండియా తరపున హాఫ్ సెంచరీ చేసిన ఆటగాడిగా రోహిత్ సరికొత్త రికార్డు నెలకొల్పాడు. 39 ఏళ్ల 51 రోజుల వయస్సులో వయస్సులో అతడు ఈ ఫీట్ సాధించాడు. అంతకుముందు ఈ రికార్డు భారత మాజీ క్రికెటర్ మొహిందర్ అమర్‌నాథ్ పేరిట ఉండేది. అమర్‌నాథ్ 1989లో పాకిస్తాన్‌పై 39 ఏళ్ల 21 రోజుల వయసులో ఆర్ధ శతకం నమోదు చేశాడు. తాజా మ్యాచ్‌తో అమర్‌నాథ్ ఆల్‌టైమ్ రికార్డు హిట్‌మ్యాన్ బ్రేక్ చేశాడు.చదవండి: IND vs AFG: భార‌త వ‌న్డే క్రికెట్ చ‌రిత్ర‌లోనే తొలిసారి

చెపాక్ వేదిక‌గా భార‌త్‌తో జ‌రుగుతున్న ఆఖ‌రి వ‌న్డేలోనూ అఫ్గానిస్తాన్ త‌మ మార్క్ చూపించ‌లేక‌పోయింది. ఈ మ్యాచ్‌లో టాస్ గెలిచి తొలుత బ్యాటింగ్ చేసిన అఫ్గాన్ 44.2 ఓవ‌ర్ల‌లో 218 ప‌రుగుల‌కే కుప్ప‌కూలింది. భార‌త పేస‌ర్ ప్రసిద్ద్ కృష్ణ 5 వికెట్లతో పర్యాటక జట్టు పతనాన్ని శాసించాడు.అయితే 36 ప‌రుగులకే 4 వికెట్లు కోల్పోయి పీక‌ల్లోతు క‌ష్టాల్లో ప‌డిన అఫ్గాన్‌ను కెప్టెన్ హాష్మ‌తుల్లా షాహిది(102) సెంచ‌రీతో ఆదుకున్నాడు. అత‌డితో పాటు ఓమ‌ర్జాయ్‌(50) హాఫ్ సెంచ‌రీతో రాణించాడు. మిగితా బ్యాట‌ర్లంతా దారుణంగా విఫ‌ల‌మ‌య్యారు.అఫ్గాన్‌కు షాక్‌!అయితే సెకెండ్ ఇన్నింగ్స్‌లో బంతి ప‌డ‌క ముందే భార‌త్ స్కోర్ బోర్డులో 5 ప‌రుగులు చూసి అంద‌రూ షాక్ అయ్యారు. తొలి ఇన్నింగ్స్‌లో అఫ్గాన్ కెప్టెన్ చేసిన చిన్న పొర‌పాట్ల వ‌ల్ల భారత జట్టుకు 5 పెనాల్టీ పరుగులు లభించాయి. షాహిది పిచ్ మధ్య (డేంజ‌ర్ లైన్‌)లో ప‌దే ప‌దే న‌డిచినందుకు జ‌రిమానా విధించారు.మ్యాచ్ 31వ ఓవర్ సమయంలో షాహిదీ పిచ్‌ మధ్యలో నడుస్తుండటాన్ని గమనించిన అంపైర్లు, అతనికి మొదటి అధికారిక హెచ్చరిక ఇచ్చారు. అయినప్పటికీ, 40వ ఓవర్ చివరి బంతికి షాహిదీ మళ్లీ అదే తప్పు చేస్తూ డేంజర్ జోన్‌లోకి దూసుకెళ్లాడు.దీంతో ఫీల్డ్ అంపైర్లు క్రిస్ గాఫానీ, రోహన్ పండిట్‌లు ఐదు ప‌రుగులు పెనాల్టీ విధిస్తూ అఫ్గాన్‌కు షాకిచ్చారు. నిబంధ‌న‌లో పిచ్ మ‌ధ్య‌లో న‌వ‌డ‌వడం గానీ ప‌రిగెత్త‌డం గానీ చేయ‌కూడ‌దు. బూట్ల స్పైక్స్ వల్ల పిచ్ దెబ్బతిని, అక్కడ గుంతలు పడే ప్రమాదం ఉంది.తొలి ఓవ‌ర్‌లో 23 రన్స్‌కాగా కాగా భారత ఇన్నింగ్స్‌లో మొదట ఓవర్‌ వేసిన అఫ్గాన్ పేసర్‌ అజ్మతుల్లా ఓమర్జాయ్‌ భారీగా పరుగులు సమర్పించుకున్నాడు. తొలి బంతిని డాట్‌గా సంధించిన ఓమర్జాయ్‌.. ఆ తర్వాత వైడ్లు, నోబాల్స్‌తో విసుగు తెప్పించాడు. అంతకుతోడు భారత ఓపెనర్ యశస్వి జైశ్వాల్ మూడు ఫోర్లు బాదాడు.దీంతో టీమిండియా పెనాల్టీ రూపంలో లభించిన ఐదు పరుగులతో కలిపి తొలి ఓవర్‌లో మొత్తం 23 పరుగులు చేసింది. అయితే తొలి ఓవర్‌లో ఇన్ని పరుగులు రావడం 52 ఏళ్ల‌ భారత వన్డే క్రికెట్ చరిత్రలో ఇదే తొలిసారి. అంతకుముందు 2004లో కొలంబో వేదికగా బంగ్లాదేశ్‌పై మొదటి ఓవర్‌లో 22 పరుగులు భారత్‌ సాధించింది. తాజా మ్యాచ్‌తో గత రికార్డును టీమిండియా అధిగమించింది.చదవండి: IPL 2026: 'అలాగైతే ఢిల్లీని వీడు.. వేలంలోకి వెళ్ళిపో'

చెన్నై వేదిక‌గా భార‌త్‌, అఫ్గానిస్తాన్ మ‌ధ్య జ‌రుగుతున్న మూడో వ‌న్డే ఓ అద్భుత‌మైన‌ రికార్డుకు వేదికైంది. టీమిండియా స్టార్ ఓపెన‌ర్ రోహిత్ శ‌ర్మ‌, పేస‌ర్ ప్ర‌సిద్ద్ కృష్ణ కలిసి అరుదైన ఫీట్‌ను సాధించారు. వీరిద్దరి కాంబినేషన్‌లో ఓ యూనిక్ హ్యాట్రిక్ నమోదైంది. ఈ మ్యాచ్‌లో టాస్ గెలిచి తొలుత బ్యాటింగ్‌కు దిగిన అఫ్గానిస్తాన్‌కు ప్రసిద్ద్ కృష్ణ ఆరంభంలోనే చుక్కలు చూపించాడు. తన సంచలన బౌలింగ్‌తో అఫ్గాన్ టాపార్డర్‌ను కుప్పకూల్చాడు.ప్రసిద్ద్ వేసిన తన స్పెల్ మొదటి బంతికే గుర్బాజ్ అవుట్ అయ్యాడు. ఆఫ్ స్టంప్ వెలుపల పడిన బంతిని గుర్బాజ్ ఆఫ్‌సైడ్ ఆడగా, అది ఎడ్జ్ తీసుకుని ఫస్ట్ స్లిప్‌లో ఉన్న రోహిత్ శర్మ చేతుల్లోకి వెళ్ళింది. ఆ తర్వాత 6 ఓవర్‌లో ప్రసిద్ధ్ వేసిన షార్ట్ లెంగ్త్ బంతిని రహ్మత్ షా లెగ్ సైడ్ ఆడేందుకు ప్రయత్నించాడు. కానీ లీడింగ్ ఎడ్జ్ తీసుకున్న బంతిని మళ్లీ స్లిప్స్‌లో ఉన్న హిట్‌మ్యాన్ అందుకున్నాడు. అంతేకాకుండా 8వ ఓవర్‌లో ఇబ్రహీం జద్రాన్ డ్రైవ్ చేయడానికి ప్రయత్నించి ఫస్ట్ స్లిప్‌లో ఉన్న రోహిత్‌కే క్యాచ్ ఇచ్చాడు. దీంతో రోహిత్ క్యాచ్‌ల హ్యాట్రిక్ పూర్తి అయింది. ఒక వన్డే మ్యాచ్‌లో ఒకే బౌలర్ బౌలింగ్‌లో మూడు క్యాచ్‌లు పట్టిన మూడవ భారత ఫీల్డర్‌గా రోహిత్ నిలిచాడు. అతడి కంటే ముందు వి.వి.ఎస్. లక్ష్మణ్ (2004లో జింబాబ్వేపై ఇర్ఫాన్ పఠాన్ బౌలింగ్‌లో), శిఖర్ ధావన్ (2018లో బంగ్లాదేశ్‌పై జస్ప్రీత్ బుమ్రా బౌలింగ్‌లో) ఈ ఫీట్ సాధించారు.చదవండి: MLC 2026: ఐపీఎల్‌లో డ్రింక్స్‌ బాయ్‌.. క‌ట్ చేస్తే! అక్క‌డ కేవ‌లం 25 బంతుల్లోనేIdentical setups, identical results 🔄Prasidh Krishna 🤝 Rohit Sharma 😎 Updates ▶️ https://t.co/kHgF4bqTg3#TeamIndia | #INDvAFG | @IDFCFIRSTBank pic.twitter.com/Bf2YPIA59l— BCCI (@BCCI) June 20, 2026

వ‌చ్చే ఏడాది వ‌న్డే ప్ర‌పంచ‌క‌ప్ జ‌ర‌గ‌నున్న నేప‌థ్యంలో టీమిండియా సీనియ‌ర్లు రోహిత్ శ‌ర్మ‌, విరాట్ కోహ్లి ఆ మెగాటోర్నీలో ఆడ‌తారా లేదా అన్న దానిపై బీసీసీఐ కీల‌క అప్‌డేట్ ఇచ్చింది. 2027 వ‌న్డే ప్ర‌పంచ‌క‌ప్ చ‌ర్చ‌కు వ‌స్తే ఈ ఇద్ద‌రు సీనియ‌ర్ ఆట‌గాళ్ల పేర్లే ఎక్కువ‌గా వినిపిస్తున్నాయి. ఇప్ప‌టికే టెస్టు, టీ20 ఫార్మాట్‌కు వీడ్కోలు ప‌లికిన రోహిత్‌, కోహ్లీలు ప్ర‌స్తుతం వ‌న్డే ఫార్మాట్లో మాత్ర‌మే కొన‌సాగుతున్నారు. 2027 వ‌న్డే ప్ర‌పంచ‌క‌ప్ త‌ర్వాత ఈ ఇద్ద‌రు ఆట‌కు పూర్తిగా వీడ్కోలు ప‌లుకుతార‌నే వార్త‌లు కూడా గ‌ట్టిగానే వినిపిస్తున్నాయి. అయితే తాజాగా బీసీసీఐ సెక్ర‌ట‌రీ దేవ‌జిత్ సైకియా పీటీఐకి ఇంట‌ర్వ్యూ ఇస్తూ ప‌లు కీల‌క వ్యాఖ్య‌లు చేశాడు. 2027 వ‌న్డే ప్ర‌పంచ‌క‌ప్ కోసం టీమిండియా రోడ్‌మ్యాప్‌ను రూపొందిస్తున్నామ‌ని, ఈ ప్ర‌యాణంలో కొంత‌మంది ఆట‌గాళ్లకు అవ‌కాశాలు ల‌భించ‌క‌పోవ‌చ్చ‌ని పేర్కొన్నారు. సైకియా మాట‌ల‌ను బ‌ట్టి చూస్తే జ‌ట్టులో సీనియ‌ర్లుగా చెలామ‌ణి అవుతున్న రోహిత్‌, కోహ్లీల‌ను ఉద్దేశించే ఈ వ్యాఖ్య‌లు ఉన్న‌ట్లు ప‌లువురు అభిప్రాయ‌ప‌డుతున్నారు. అయితే రోహిత్‌, కోహ్లీ వన్డే ప్ర‌పంచ‌క‌ప్ వ‌ర‌కు జ‌ట్టులో కొన‌సాగుతారా లేదా అన్న‌దానిపై సెలెక్ష‌న్ క‌మిటీ హెడ్ అజిత్ అగార్క‌ర్‌, హెడ్ కోచ్ గౌత‌మ్ గంభీర్ ఎలాంటి స్ప‌ష్ట‌త ఇవ్వ‌లేదు. నిజానికి కోహ్లి, రోహిత్‌లు మంచి ఫామ్‌లో ఉన్న‌ప్ప‌టికీ సైకియా వ్యాఖ్య‌లు స‌మాధానం కంటే ప్ర‌శ్న‌లే ఎక్కువ‌గా క‌నిపిస్తున్నాయి.గంభీర్, అగార్కర్‌ల మాదిరిగానే, రోహిత్, కోహ్లీల 2027 ప్రపంచ కప్ అవకాశాలపై సైకియా కూడా స్పష్టమైన వైఖరిని వెల్లడించలేదు. ఈ విషయంపై బీసీసీఐ ఏమైనా అంతర్గత చర్చలు జరిపిందా అని అడగ్గా, ఇది ప్రాథమికంగా కొనసాగుతున్న ప్రక్రియ అని, ఇందులో భాగస్వాములందరూ తమ అభిప్రాయాలలో ఏకీభవిస్తున్నారని సైకియా అన్నారు. 'మాది చాలా సమన్వయంతో కూడిన బృందం, ఇందులో చాలా మంది నిపుణులు ఉన్నారు. సంబంధిత వర్గాలన్నింటినీ కలుపుకొని వెళ్తాము. ఏ నిర్ణయాలలోనైనా క్రికెట్ కమిటీ, సెలెక్టర్లు, సహాయక సిబ్బంది, ప్రధాన కోచ్‌, సంబంధిత ఆటగాళ్లతో సహా ఇతర భాగస్వాములందరూ పాలుపంచుకుంటారు.క్రమం తప్పకుండా సంభాషణలు జరుగుతున్నాయి. అందువల్ల, మనకు ప్రత్యేక సంప్రదింపుల సమావేశం అవసరం లేదు. ఇది నిరంతరం కొనసాగే ప్రక్రియ' అని సైకియా పేర్కొన్నారు. ప్ర‌స్తుతం రోహిత్ శ‌ర్మ అఫ్గానిస్తాన్‌తో వ‌న్డే సిరీస్‌లో ఆడుతుండ‌గా, కోహ్లీ గాయంతో సిరీస్‌కు దూర‌మ‌య్యాడు.

టీమిండియా యాజమాన్యం తీరును భారత మాజీ క్రికెటర్‌ మనోజ్‌ తివారి విమర్శించాడు. అఫ్గానిస్తాన్‌తో రెండో వన్డేలో టాపార్డర్‌లో మార్పులు చేయడాన్ని తప్పుబట్టాడు. కాగా స్వదేశంలో అఫ్గానిస్తాన్‌తో వన్డే సిరీస్‌ను మరో మ్యాచ్‌ మిగిలి ఉండగానే టీమిండియా కైవసం చేసుకున్న సంగతి తెలిసిందే.తొలుత ధర్మశాలలో అఫ్గాన్‌ను చిత్తు చేసిన భారత జట్టు.. లక్నో వేదికగా బుధవారం రెండో వన్డేలో అఫ్గాన్‌ను 170 పరుగుల తేడాతో చిత్తు చేసి ఈ ఘనత సాధించింది. తద్వారా వన్డే కెప్టెన్‌గా శుబ్‌మన్‌ గిల్‌ ఖాతాలో తొలి సిరీస్‌ విజయం చేరింది.ఇదిలా ఉంటే.. అఫ్గాన్‌తో రెండో వన్డేలో టీమిండియా తమ ఓపెనింగ్‌ జోడీని మార్చింది. కెప్టెన్‌ శుబ్‌మన్‌ గిల్‌కు బదులు.. యశస్వి జైస్వాల్‌ రోహిత్‌ శర్మతో పాటు ఇన్నింగ్స్‌ ఆరంభించాడు. అయితే, చాన్నాళ్ల తర్వాత రీఎంట్రీ ఇచ్చిన జైసూ పూర్తిగా విఫలమయ్యాడు. కేవలం నాలుగు పరుగులు చేసి నిష్క్రమించాడు.మరోవైపు.. రోహిత్‌ 48 పరుగులు చేయగా.. వన్‌డౌన్‌లో వచ్చిన గిల్‌ భారీ శతకం (154)తో దుమ్ములేపాడు. ఇక గత మ్యాచ్‌లో మూడో స్థానంలో ఆడిన ఇషాన్‌ కిషన్‌.. ఈసారి నాలుగో నంబర్‌ బ్యాటర్‌గా బరిలోకి దిగి మెరుపు సెంచరీ (79 బంతుల్లో 125)తో అదరగొట్టాడు. అయితే, ఈ మార్పులతో జట్టు భారీ విజయం సాధించినప్పటికీ మనోజ్‌ తివారీ మాత్రం నాయకత్వ బృందాన్ని విమర్శించాడు.క్రిక్‌బజ్‌తో మాట్లాడుతూ.. ‘‘భవిష్యత్తులో తలనొప్పిగా మారడం తప్ప ఈ ప్రయోగంతో ఎలాంటి ప్రయోజనం లేదు. రోహిత్‌ శర్మతో యశస్వి జైస్వాల్‌ను ఓపెనింగ్‌ చేయించి శుబ్‌మన్‌ గిల్‌ను వన్‌డౌన్‌కి డిమోట్‌ చేశారు. ఆ స్థానంలో గిల్‌ భారీగా పరుగులు రాబట్టాడు.ఇప్పుడా విషయం గందరగోళానికి కారణం కావొచ్చు. నేను మళ్లీ ఓపెనర్‌గా వెళ్లాలా? లేదంటే వన్‌డౌన్‌లోనే ఆడాలా అని గిల్‌ కన్ఫ్యూజ్‌ అవుతాడు. అసలు యాజమాన్యం ఇలా ఎందుకు చేసిందో అర్థం కావడం లేదు. ఇక్కడ స్పష్టత లోపించింది.ఏదేమైనా జైస్వాల్‌ను ఆడించడం మంచి విషయం. ఎందుకంటే అతడు అన్ని ఫార్మాట్లలో ఆడగల సమర్థుడు. అతడికి మళ్లీ అవకాశం రావడం హర్షణీయం. ఇక రోహిత్‌ శర్మ అఫ్గన్‌తో రెండో వన్డేలో పెద్దగా దూకుడు ప్రదర్శించలేదు. అతడిపై బయటి నుంచి ఒత్తిడి ఎక్కువవుతోంది’’ అని మనోజ్‌ తివారి చెప్పుకొచ్చాడు.

అఫ్గనిస్తాన్‌తో రెండో వన్డేలో టీమిండియా స్టార్‌ ఇషాన్‌ కిషన్‌ శతక్కొట్టాడు. లక్నో వేదికగా కేవలం 71 బంతుల్లోనే వంద పరుగులు పూర్తి చేసుకున్నాడు. ఈ క్రమంలో అఫ్గనిస్తాన్‌ మీద వన్డేల్లో ఫాస్టెస్ట్‌ సెంచరీ సాధించిన రెండో భారత బ్యాటర్‌గా ఇషాన్‌ కిషన్‌ నిలిచాడు.టీమిండియా స్వదేశంలో అఫ్గనిస్తాన్‌తో వన్డే సిరీస్‌తో బిజీగా ఉన్న సంగతి తెలిసిందే. ధర్మశాల వేదికగా తొలి మ్యాచ్‌లో ఏడు వికెట్ల తేడాతో గెలిచింది భారత జట్టు. ఇక లక్నోలోని ఏకనా స్టేడియంలో బుధవారం నాటి రెండో వన్డేలో టాస్‌ ఓడిన టీమిండియా తొలుత బ్యాటింగ్‌కు దిగింది.జైసూ విఫలం.. పాపం రోహిత్‌ఓపెనర్లలో యశస్వి జైస్వాల్‌ (4) విఫలం కాగా.. రోహిత్‌ శర్మ అర్ద శతకానికి రెండు పరుగుల దూరంలో నిలిచిపోయాడు. 48 పరుగుల వ్యక్తిగత స్కోరు వద్ద రషీద్‌ ఖాన్‌ బౌలింగ్‌లో బౌల్డ్‌ అయి పెవిలియన్‌ చేరాడు.ఇలాంటి తరుణంలో వన్‌డౌన్‌లో వచ్చిన కెప్టెన్‌ శుబ్‌మన్‌ గిల్‌, నాలుగో నంబర్‌ బ్యాటర్‌ ఇషాన్‌ కిషన్‌ మెరుపు ఇన్నింగ్స్‌ ఆడారు. గిల్‌ 77 బంతుల్లో సెంచరీ పూర్తి చేసుకోగా.. ఇషాన్‌ 71 బంతుల్లోనే శతక్కొట్టాడు. ఇషాన్‌ సెంచరీ ఇన్నింగ్స్‌లో 14 ఫోర్లు, 4 సిక్సర్లు ఉన్నాయి. 𝐓𝐡𝐞 𝐈𝐬𝐡𝐚𝐧-𝐝𝐚𝐚𝐫 𝐊𝐢𝐬𝐡𝐚𝐧 𝐬𝐡𝐨𝐰 𝐢𝐧 𝐋𝐮𝐜𝐤𝐧𝐨𝐰! 🤩He switched gears seamlessly, completely taking the game away with a magnificent ton! 🔥#INDvAFG | 2nd ODI | LIVE NOW 👉https://t.co/YiwP9pOAPC pic.twitter.com/sMtq9hV2z8— Star Sports (@StarSportsIndia) June 17, 2026వీరిద్దరి విజృంభణ కారణంగా టీమిండియా 34 ఓవర్లు ముగిసే సరికి రెండు వికెట్ల నష్టానికి 276 పరుగుల మేర భారీ స్కోరు సాధించింది. ఇక ఈ మ్యాచ్‌లో ఇషాన్‌ కిషన్‌ మొత్తంగా 79 బంతుల్లో 14 ఫోర్లు, ఏడు సిక్సర్ల సాయంతో 125 పరుగులు చేసి.. నంగేయాలియా బౌలింగ్‌లో ఇక్రామ్‌​ అలిఖిల్‌కు క్యాచ్‌ ఇచ్చి అవుటయ్యాడు.అఫ్గనిస్తాన్‌పై వన్డేల్లో ఫాస్టెస్ట్‌ సెంచరీలు బాదిన క్రికెటర్లు1.ఇయాన్‌ మోర్గాన్‌ (ఇంగ్లండ్‌)- 2019లో 57 బంతుల్లో శతకం2. రోహిత్‌ శర్మ (ఇండియా)- 2023లో 63 బంతుల్లో శతకం3. ఇషాన్‌ కిషన్‌ (ఇండియా)- 2026లో 71 బంతుల్లో శతకం4. గ్లెన్‌ మాక్స్‌వెల్‌ (ఆస్ట్రేలియా)- 2023లో 76 బంతుల్లో శతకం5. శుబ్‌మన్‌ గిల్‌ (ఇండియా)- 2026లో 77 బంతుల్లో శతకం.చదవండి: చెలరేగిన బ్యాటర్లు.. అఫ్గన్‌పై భారత్‌ భారీ స్కోరు

ల‌క్నో వేదిక‌గా అఫ్గానిస్తాన్‌తో జ‌రుగుతున్న రెండో వ‌న్డేలో టీమిండియా స్టార్ ఓపెన‌ర్ రోహిత్ శ‌ర్మ మెరుపు ఇన్నింగ్స్ ఆడాడు. య‌శ‌స్వి జైశ్వాల్‌తో క‌లిసి భార‌త ఇన్నింగ్స్‌ను ప్రారంభించిన రోహిత్‌.. అఫ్గాన్ బౌల‌ర్ల‌పై బౌండ‌రీల‌తో విరుచుకుపడ్డాడు. హిట్ మ్యాన్ 39 బంతుల్లో 6 ఫోర్లు, 2 సిక్స్‌లతో 48 పరుగులు చేశాడు.రోహిత్ ఈ మెరుపు ఇన్నింగ్స్‌తో 14,000 లిస్ట్-ఎ పరుగులను పూర్తి చేసుకున్నాడు. తద్వారా ఈ ఫీట్ సాధించిన ఐదో భార‌త క్రికెట‌ర్‌గా రోహిత్ నిలిచాడు. ఈ జాబితాలో రోహిత్ కంటే ముందు దిగ్గజ క్రికెటర్లు సచిన్‌ టెండూల్కర్‌, విరాట్‌ కోహ్లి, సౌరవ్‌ గంగూలీ, రాహుల్‌ ద్రవిడ్‌ ఉన్నారు.అదేవిధంగా లిస్ట్-ఎ క్రికెట్‌లో అత్యంత వేగంగా 14,000 పరుగులు పూర్తి చేసిన రెండో భారత బ్యాటర్‌గా రోహిత్ శర్మ నిలిచాడు. ఇంతకుముందు ఈ రికార్డు సచిన్‌(348 ఇన్నింగ్స్‌లు) పేరిట ఉండేది. హిట్‌మ్యాన్‌ 345 ఇన్నింగ్స్‌లలో అందుకుని సచిన్‌ రికార్డును బ్రేక్‌ చేశాడు. ఇక ఈ రేర్ ఫీట్ సాధించిన జాబితాలో కోహ్లి(290) అగ్రస్ధానంలో ఉన్నాడు.లిస్ట్-ఎ క్రికెట్‌లో అత్యధిక పరుగులు చేసిన భారత బ్యాటర్లు:సచిన్ టెండూల్కర్: 21,999 పరుగులువిరాట్ కోహ్లీ: 16,447 పరుగులుసౌరవ్ గంగూలీ: 15,622 పరుగులురాహుల్ ద్రావిడ్: 15,271 పరుగులురోహిత్ శర్మ: 14,007+ పరుగులుఅత్యంత వేగంగా 14,000 లిస్ట్-ఎ పరుగులు చేసిన భారత ప్లేయర్లువిరాట్ కోహ్లి-290రోహిత్ శర్మ-345సచిన్ టెండూల్కర్- 348చదవండి: రాక రాక వచ్చిన అవకాశం.. జైస్వాల్‌ అట్టర్‌ ఫ్లాప్‌

టీమిండియా స్టార్‌ యశస్వి జైస్వాల్‌ వన్డే పునరాగమనంలో తీవ్రంగా నిరాశపరిచాడు. అఫ్గనిస్తాన్‌తో బుధవారం నాటి మ్యాచ్‌లో ఓపెనర్‌గా బరిలోకి దిగిన జైసూ.. సింగిల్‌ డిజిట్‌ స్కోరుకే పరిమితమయ్యాడు. కాగా టెస్టు ఫార్మాట్లో ఓపెనర్‌గా స్థానం సుస్థిరం చేసుకున్న ఈ లెఫ్టాండర్‌ బ్యాటర్‌.. వన్డే అరంగేట్రం కోసం చాలాకాలం ఎదురుచూడాల్సి వచ్చింది.సెంచరీతో ముగించి..ఎట్టకేలకు గతేడాది స్వదేశంలో ఇంగ్లండ్‌తో సిరీస్‌ సందర్భంగా వన్డేల్లో అడుగుపెట్టాడు జైసూ. అయితే, అరంగేట్రంలో 15 పరుగులే చేసి విఫలమయ్యాడు. ఇక చివరగా గతేడాది డిసెంబరులో సౌతాఫ్రికాతో మ్యాచ్‌లో మరోసారి ఓపెనర్‌గా అవకాశం దక్కించుకున్న జైస్వాల్‌ అజేయ శతకంతో అలరించాడు.మొత్తంగా 121 బంతులు ఎదుర్కొని 12 ఫోర్లు, రెండు సిక్సర్ల సాయంతో 116 పరుగులు సాధించాడు. అయితే, ఆ తర్వాత మళ్లీ జైస్వాల్‌కు వన్డే జట్టులో చోటు దక్కలేదు. తాజాగా స్వదేశంలో అఫ్గనిస్తాన్‌తో వన్డే సిరీస్‌కు దిగ్గజ బ్యాటర్‌ విరాట్‌ కోహ్లి దూరం కావడంతో.. సెలక్టర్లు జైసూకు పిలుపునిచ్చారు.రాక రాక వచ్చిన అవకాశంఅయితే, ధర్మశాల వేదికగా అఫ్గనిస్తాన్‌తో తొలి వన్డేలో జైసూకు తుదిజట్టులో చోటు దక్కలేదు. లక్నో వేదికగా బుధవారం నాటి రెండో వన్డేకు ఆల్‌రౌండర్‌ నితీశ్‌ కుమార్‌ రెడ్డి దూరం కాగా.. జైస్వాల్‌కు ఆడే అవకాశం వచ్చింది. రోహిత్‌ శర్మకు జోడీగా ఓపెనర్‌గా వచ్చిన ఈ లెఫ్టాండర్‌ బ్యాటర్‌ తొమ్మిది బంతులు ఎదుర్కొని కేవలం ఒకే ఒక్క ఫోర్‌ బాది నాలుగు పరుగులే చేసి అవుటయ్యాడు.విమర్శలుఅఫ్గన్‌ యువ పేసర్‌ మహ్మద్‌ సలీమ్‌ సఫీ బౌలింగ్‌లో నంగేయాలియా ఖరోటికి క్యాచ్‌ ఇచ్చి పెవిలియన్‌ చేరాడు. కాగా సలీమ్‌ సఫీకి వన్డేలో ఇదే తొలి వికెట్‌ కావడం గమనార్హం. ఏదేమైనా రాక రాక వచ్చిన అవకాశాన్ని సద్వినియోగం చేసుకోలేక చతికిల పడ్డ జైస్వాల్‌పై అభిమానులు సైతం ఆగ్రహం వ్యక్తం చేస్తున్నారు.ఆట తీరును మార్చుకుంటేనే వన్డే వరల్డ్‌కప్‌-2027 జట్టులో బ్యాకప్‌ ఓపెనర్‌గానైనా చోటు దక్కుతుందని.. లేదంటే ఇషాన్‌ కిషన్‌ జట్టులో పాతుకుపోతాడని అంటున్నారు. కాగా ఇప్పటికి ఐదు వన్డేల్లో కలిపి జైస్వాల్‌ 175 పరుగులు చేశాడు. ఇందులో ఓ శతకం ఉంది. ఇదిలా ఉంటే.. అఫ్గనిస్తాన్‌ ఇటీవల ఏకైక టెస్టులోనూ జైసూ విఫలమయ్యాడు. కేవలం 24 పరుగులకే అవుటయ్యాడు.చదవండి: వైభవ్‌ వివాదం.. స్పందించిన బీసీసీఐ

అఫ్గానిస్తాన్‌తో జ‌రుగుతున్న వ‌న్డే సిరీస్‌లో ఇప్ప‌టికే తొలి వ‌న్డే గెలిచిన టీమిండియా రెండో విజ‌యంతో పాటు సిరీస్ గెలుపుపై కూడా క‌న్నేసింది. ఈ నేప‌థ్యంలో ల‌క్నో వేదిక‌గా ఇవాళ రెండో వ‌న్డే జ‌ర‌గ‌నుంది. తొలి వ‌న్డేలో గిల్ త‌ప్పిదంతో ర‌నౌట్ అయిన సీనియ‌ర్ క్రికెట‌ర్, ఓపెన‌ర్ రోహిత్ శ‌ర్మ‌ను ఒక అరుదైన రికార్డు ఊరిస్తుంది. ఆఫ్గ‌న్‌తో రెండో వ‌న్డేలో రోహిత్ శ‌ర్మ మ‌రో 10 ప‌రుగులు చేస్తే లిస్ట్‌-ఏ క్రికెట్‌లో 14వేల ప‌రుగులు మైలురాయిని అందుకోనున్నాడు. ఇక కెప్టెన్‌గా శుబ్‌మ‌న్ గిల్ కూడా ఒక అరుదైన ఫీట్‌కు అడుగు దూరంలో ఉన్నాడు. వ‌న్డే కెప్టెన్‌గా గిల్‌కు ఇదే మొద‌టి సిరీస్‌. ఇప్ప‌టికే టీమిండియా తొలి వ‌న్డే గెలిచింది. రెండో వ‌న్డేలోనూ గెలిస్తే మ‌రో మ్యాచ్ మిగిలి ఉండ‌గానే సిరీస్ భార‌త్ వ‌శం కానుంది. ఈ క్ర‌మంలో స్వ‌దేశంలో తొలి వ‌న్డే సిరీస్ గెలిచిన కెప్టెన్‌గా గిల్ నిల‌వ‌నున్నాడు. ఇక రెండో వ‌న్డేకు కుల్దీప్ యాద‌వ్, జైస్వాల్‌కు చోటు ద‌క్కే అవ‌కాశ‌ముంద‌ని ఇప్ప‌టికే గిల్ ప్ర‌క‌టించాడు. ఇక తొలి వ‌న్డేలో టీమిండియా ఏడు వికెట్ల తేడాతో విజ‌యం సాధించింది. గిల్ అజేయ ఇన్నింగ్స్‌కు తోడు కేఎల్ రాహుల్ ద‌నాధ‌న్ ఇన్నింగ్స్‌తో టీమిండియా సులువుగానే గెలిచింది. అయితే బౌలింగ్ కాస్త బ‌ల‌హీనంగా ఉన్న‌ప్ప‌టికీ విజ‌యంతో ఆ అంశం పెద్ద‌గా ప్ర‌భావం చూప‌లేదు. రెండో వ‌న్డేలో అన్ని విభాగాల్లో రాణించి సిరీస్ కైవ‌సం చేసుకోవాల‌ని టీమిండియా భావిస్తోంది. తొలి వన్డేకు వర్షం అంతరాయం కలిగించడంతో మ్యాచ్‌ను 25 ఓవర్లకు కుదించారు. తొలుత బ్యాటింగ్‌ చేసిన అఫ్గానిస్తాన్‌ 24.5 ఓవర్లలో 194 పరుగులకు ఆలౌటైంది. రహ్మనుల్లా గుర్బాజ్ (102) సెంచరీ సాధించాడు. అనంతరం టీమిండియా 22.5 ఓవర్లలో 3 వికెట్లు కోల్పోయి 195 పరుగులు చేసి విజయాన్ని అందుకుంది. గిల్ (84 నాటౌట్‌), కేఎల్ రాహుల్ (39 నాటౌట్‌) జట్టును విజయతీరాలకు చేర్చారు.Read: కాన్వేకు ప్రమోషన్‌.. కివీస్‌ ఆటగాళ్ల కాంట్రాక్టు జాబితా ఇదే!

ధర్మశాల వేదికగా అఫ్గానిస్తాన్‌తో జరిగిన తొలి వన్డేలో టీమిండియా స్టార్ ఓపెనర్ రోహిత్ శర్మను దురదృష్టం వెంటాడింది. 16 పరుగులు చేసి మంచి టచ్‌లో కనిపించిన రోహిత్‌.. అనుహ్యంగా రనౌట్ రూపంలో వెనుదిరిగాడు. కాగా హిట్‌మ్యాన్ క్రీజులో ఉన్నది కాసేపే అయినా పలు అరుదైన రికార్డులను తన పేరిట లిఖించుకున్నాడు.రోహిత్ సాధించిన రికార్డులు ఇవే👉అంతర్జాతీయ క్రికెట్‌లో (అన్ని ఫార్మాట్లలో కలిపి) ఓపెనర్‌గా 16,000 పరుగుల మైలురాయిని రోహిత్ శర్మ అందుకున్నాడు. 11 పరుగుల వ్యక్తిగత స్కోర్ వద్ద రోహిత్ ఈ ఫీట్ నమోదు చేశాడు. అతడు ఈ రికార్డును కేవలం 384 ఇన్నింగ్స్‌ల్లోనే సాధించాడు. దీంతో అత్యంతవేగంగా ఈ ఫీట్‌ను అందుకున్న ఓపెనర్‌గా ఆస్ట్రేలియా దిగ్గజం డేవిడ్ వార్నర్(390) రికార్డును రోహిత్ బ్రేక్ చేశాడు.👉ఓవరాల్‌గా ప్రపంచ క్రికెట్ చరిత్రలో 16,000 పరుగుల మైలు రాయిని అందుకున్న 7వ ఓపెనర్‌గా రోహిత్ నిలిచాడు.👉అంతర్జాతీయ క్రికెట్‌లో అత్యధిక పరుగులు చేసిన భారత ఓపెనర్‌గా వీరేంద్ర సెహ్వాగ్‌ను అధిగమించడానికి రోహిత్ శర్మ ఇప్పుడు కేవలం 110 పరుగుల దూరంలో ఉన్నాడు. సెహ్వాగ్ త‌న కెరీర్‌లో ఓపెనర్‌గా మొత్తం 16,119 పరుగులు చేశాడు.👉ఈ మ్యాచ్ బరిలోకి దిగడం ద్వారా రోహిత్ శర్మ.. భారత క్రికెట్ చరిత్రలో అత్యధిక వయసులో వన్డే మ్యాచ్ ఆడిన ఆటగాడిగా రికార్డు సృష్టించాడు. ఇంతకుముందు ఈ రికార్డు మోహిందర్ అమర్‌నాథ్ పేరిట ఉండేది. ఆయన 39 ఏళ్ల 36 రోజుల వయసులో 1989లో తన చివరి వన్డే ఆడారు. ఇప్పుడు 39 సంవత్సరాల 44 రోజుల వయస్సు కలిగిన హిట్‌మ్యాన్‌.. అమర్‌నాథ్ ఆల్‌టైమ్ రికార్డును బ్రేక్ చేశాడు.చదవండి: FIFA World Cup: ఆఖరి క్షణంలో అద్భుతం.. సుదీర్ఘ నిరీక్షణకు తెర

ధర్మశాల వేదికగా అఫ్గానిస్తాన్‌తో తొలి వన్డేలో టీమిండియా ఓపెనర్లు రోహిత్ శర్మ, కెప్టెన్ శుబ్‌మన్ గిల్ వేర్వేరుగా అరుదైన రికార్డులు సాధించారు. రోహిత్ శర్మ విషయానికొస్తే మ్యాచ్‌లో రోహిత్ 11 పరుగుల వ్యక్తిగత స్కోరు వద్ద అరుదైన మైలురాయిని అందుకున్నాడు. ఓపెనర్‌గా అంతర్జాతీయ క్రికెట్‌లో మూడు ఫార్మాట్లు కలిపి 16 వేల పరుగుల మార్క్‌ను దాటడం విశేషం. అయితే మంచి ఈజ్‌తో బ్యాటింగ్ చేస్తున్న సమయంలో గిల్‌తో సమన్వయం లోపం వల్ల రనౌట్‌గా వెనుదిరిగాడు. మరోవైపు ఇదే మ్యాచ్‌లో ఓపెనర్ గిల్ కూడా వన్డేల్లో 3వేల పరుగులు పూర్తి చేసుకున్నాడు. ఈ క్రమంలో వన్డేల్లో అత్యంత వేగంగా 3వేల పరుగులు పూర్తి చేసుకున్న రెండో బ్యాటర్‌గా గిల్ నిలిచాడు. గిల్ 67 ఇన్నింగ్స్‌లో 3వేల పరుగుల మార్క్‌ను అందుకొని రెండో స్థానంలో నిలిచాడు. తొలి స్థానంలో సౌతాఫ్రికా మాజీ క్రికెటర్ హషీమ్ ఆమ్లా (57 ఇన్నింగ్స్‌లు) తొలి స్థానంలో ఉన్నాడు. ఇక షై హోప్, ఇమామ్ ఉల్ హక్‌, ఫఖర్ జమాన్‌లు 67 ఇన్నింగ్స్‌ల్లో ఈ ఫీట్ సాధించారు.Scaling Mt. 16,000 🗻A monumental milestone unlocked by Rohit Sharma as an opener in international cricket 👏🫡Updates ▶️ https://t.co/lCuohEZYAl #TeamIndia | #INDvAFG | @IDFCFIRSTBank | @ImRo45 pic.twitter.com/vyC4C0oPvg— BCCI (@BCCI) June 13, 2026 Major Milestone for our Captain 🫡Shubman Gill becomes the fastest Indian and 2⃣nd fastest player overall to amass 3⃣0⃣0⃣0⃣ ODI runs 🙌🔝He also brings up his fifty!Updates ▶️ https://t.co/lCuohEZYAl#TeamIndia | #INDvAFG | @IDFCFIRSTBank | @ShubmanGill pic.twitter.com/tdxL7cvo7X— BCCI (@BCCI) June 13, 2026

అఫ్గానిస్తాన్‌తో వన్డే సిరీస్ ప్రారంభానికి ముందు టీమిండియాకు ఎదురుదెబ్బ తగిలినట్లుగా అనిపిస్తోంది. సీనియర్ బ్యాటర్ రోహిత్ శర్మ ప్రాక్టీస్ చేస్తున్న సమయంలో అతడి చేతి వేలికి గాయమైనట్లు తెలుస్తోంది. ప్రసిధ్ క్రిష్ణ వేసిన బంతిని ఆడే క్రమంలో రోహిత్ మిస్ చేయడంతో అతడి కుడిచేతి బొటనవేలిని బలంగా తాకింది. అయితే రోహిత్ శర్మ మాత్రం తన ప్రాక్టీస్‌ను కొనసాగించాడు. కానీ అర్ష్‌దీప్ సింగ్ వేసిన బంతులను ఆడడంలో రోహిత్ ఇబ్బంది పడడం చూస్తుంటే చేతివేలి గాయం పెద్దదిగానే కనిపిస్తోంది. దీంతో ఆఫ్గన్‌తో తొలి వన్డేలో రోహిత్ ఆడడం అనుమానంగానే కనిపిస్తోంది. ఒకవేళ రోహిత్ గాయంతో దూరమైతే గిల్‌తో కలిసి జైస్వాల్ ఓపెనింగ్ చేసే అవకాశముంది. అప్పుడు వన్‌డౌన్‌లో ఇషాన్ కిషన్ బ్యాటింగ్‌కు రానున్నాడు. ఇక మరో సీనియర్ విరాట్ కోహ్లీ కండరాల గాయంతో ఆ‍ఫ్గన్‌తో వన్డే సిరీస్‌కు దూరమయ్యాడు. అయితే కోహ్లీ గాయం నుంచి వేగంగా కోలుకుంటున్నాడని, ఇంగ్లండ్‌తో జరగనున్న వన్డే సిరీస్‌కు కోహ్లీ అందుబాటులో ఉంటాడని వార్తలు వస్తున్నాయి. అయితే 2027 వన్డే ప్రపంచకప్ రోహిత్‌, కోహ్లీకి చివరి టోర్నీ కానుందన్న ప్రచారం నేపథ్యంలో ఈ ఇద్దరు ఫిట్‌నెస్ నిరూపించుకోవాల్సిన అవసరముంది. ఇక రోహిత్ గాయంతో దూరమయ్యే అవకాశాలు ఉంటే మాత్రం అతడి స్థానంలో జైస్వాల్ బరిలోకి దిగనున్నాడు.భారత తుది జట్టు(అంచనా)యశస్వి జైస్వాల్‌, శుభ్‌మన్ గిల్ (కెప్టెన్), ఇషాన్ కిషన్, శ్రేయస్ అయ్యర్, కేఎల్ రాహుల్ (వికెట్ కీపర్), నితీష్ కుమార్ రెడ్డి, వాషింగ్టన్ సుందర్, ప్రసిద్ధ్ కృష్ణ, అర్ష్‌దీప్ సింగ్, ప్రిన్స్ యాదవ్, కుల్దీప్‌ యాదవ్‌.Rohit Sharma very rusty in the nets so far. Prasidh Krishna delivery hits him on the right thumb, plenty hitting the maker’s mark on the bat and then thick outside edge to a Arshdeep Singh delivery. pic.twitter.com/65M2pKVVeF— Sahil Malhotra (@Sahil_Malhotra1) June 12, 2026చదవండి: ఫ్యాబ్‌-4: ఇద్ద‌రు పోయారు.. మ‌రో ఇద్ద‌రు మిగిలారు!

టీమిండియా స్టార్ ఓపెన‌ర్‌, మాజీ కెప్టెన్ రోహిత్ శ‌ర్మ త‌న కెరీర్‌లో మ‌రో అరుదైన మైలు రాయిని అందుకునేందుకు సిద్ద‌మ‌య్యాడు. అఫ్గానిస్తాన్‌తో ధ‌ర్మ‌శాల వేదిక‌గా జ‌ర‌గ‌నున్న తొలి వ‌న్డేలో బ‌రిలోకి దిగ‌నున్న రోహిత్‌.. భారత క్రికెట్ చరిత్రలో అత్యధిక వయసులో వన్డే మ్యాచ్ ఆడిన ఆటగాడిగా రికార్డు సృష్టించనున్నాడు. ప్రస్తుతం ఈ రికార్డు భారత మాజీ ప్లేయర్‌, 1983 వరల్డ్ కప్ విజేత జట్టు సభ్యుడు మొహిందర్ అమర్‌నాథ్ పేరిట ఉంది.ఆయన 39 ఏళ్ల 36 రోజుల వయసులో 1989లో తన చివరి వన్డే ఆడారు. ఇప్పుడు 39 సంవత్సరాల 44 రోజుల వయస్సు కలిగిన హిట్‌మ్యాన్‌.. అమర్‌నాథ్ ఆల్‌టైమ్ రికార్డును బ్రేక్ చేయనున్నాడు. 2007లో భారత్ తరపున వన్డే అరంగేట్రం చేసిన రోహిత్ శర్మ, 19 ఏళ్ల తన సేవలను అందిస్తూనే ఉన్నాడు.కెరీర్ ఆరంభంలో కాస్త ఒడిదుడుకులు ఎదుర్కొన్న రోహిత్‌.. ఎంఎస్ ధోని కెప్టెన్సీలో తిరుగులేని ఆటగాడిగా నిలిచాడు. ధోనీ 2013లో రోహిత్‌ను ఓపెనర్‌గా పంపడం ఆయన కెరీర్‌ను మలుపు తిప్పింది. ఓపెనర్‌గా మారిన తర్వాతే రోహిత్ ప్రపంచ స్థాయి బ్యాటర్‌గా ఎదిగాడు. ఆ తర్వాత భారత జట్టు పగ్గాలను కూడా చేపట్టాడు. అతడి కెప్టెన్సీలోనే భారత్ 2023 ప్రపంచకప్‌ను తృటిలో కోల్పోయింది.ఫైనల్ వరకు అజేయంగా నిలిచిన మెన్ ఇన్ బ్లూ, తుది మొట్టుపై బోల్తా పడింది. టీ20 ప్రపంచకప్‌-2026ను మాత్రం అతడి కెప్టెన్సీలోనే టీమిండియా గెలుచుకుంది. తన 19 ఏళ్ల కెరీర్‌లో రోహిత్ ఎన్నో ఘనతలు సాధించాడు. వన్డే క్రికెట్‌లో మూడు డబుల్ సెంచరీలు చేసిన ఏకైక బ్యాటర్‌గా చారిత్రత్మక రికార్డును ఈ ముంబైకర్ కలిగి ఉన్నాడు. అంతేకాకుండా వన్డే ప్రపంచకప్ చరిత్రలో అత్యధిక సెంచరీలు (7 సెంచరీలు) చేసిన రికార్డు రోహిత్ పేరిటే ఉంది. రోహిత్ శ‌ర్మ ఇప్ప‌టివ‌ర‌కు 282 వన్డే మ్యాచ్‌ల్లో 11,577 పరుగులు సాధించాడు.

అఫ్గనిస్తాన్‌తో సిరీస్‌తో టీమిండియా వన్డే ప్రపంచకప్‌-2027 సన్నాహకాలు మొదలుకానున్నాయి. గిల్‌ సేన స్వదేశంలో అఫ్గన్‌తో మూడు వన్డేలు ఆడేందుకు సన్నద్ధమైంది. గాయం కారణంగా దిగ్గజ బ్యాటర్‌ విరాట్‌ కోహ్లి ఈ సిరీస్‌కు దూరం కాగా.. ఆల్‌రౌండర్‌ హార్దిక్‌ పాండ్యా సైతం కాలు నొప్పితో దూరమయ్యే పరిస్థితి నెలకొంది.మరోవైపు.. లెజెండరీ ఓపెనర్‌ రోహిత్‌ శర్మ (Rohit Sharma) గాయం నుంచి కోలుకుని పూర్తి ఫిట్‌నెస్‌ సాధించడం టీమిండియాకు సానుకూలాంశంగా మారింది. ఇదిలా ఉంటే.. ఇప్పటికే అంతర్జాతీయ టీ20, టెస్టులకు వీడ్కోలు పలికిన దిగ్గజ ద్వయం రోహిత్‌- కోహ్లి వన్డేల్లో మాత్రం కొనసాగుతున్న సంగతి తెలిసిందే.గంభీర్‌, అగార్కర్‌ విముఖత?వన్డే ప్రపంచకప్‌-2027 ఆడటమే లక్ష్యంగా రో-కో ముందుకు సాగుతున్నారు. అయితే, హెడ్‌కోచ్‌ గౌతం గంభీర్‌, చీఫ్‌ సెలక్టర్‌ అజిత్‌ అగార్కర్‌ మాత్రం వీరి పట్ల సుముఖంగా లేనట్లు సమాచారం. వరల్డ్‌కప్‌ ఆడే విషయంలో రో-కో తమకు ఎలాంటి హామీ ఇవ్వలేదని అగార్కర్‌ ఇప్పటికే బహిరంగంగా ప్రకటించాడు.తలవంచనుఅయితే, ఇందుకు కోహ్లి ఇటీవలే గట్టి కౌంటర్‌ ఇచ్చాడు. తనను తాను నిరూపించుకోవాలని పదే పదే ఒత్తిడి చేస్తే.. అందుకు తాను తలవంచనని చెప్పేశాడు. డ్రెసింగ్‌రూమ్‌లో తన అవసరం లేదనుకుంటే తన గురించి చర్చే అనవసరం అని పేర్కొన్నాడు.ఈ పరిణామాల నేపథ్యంలో రో-కో భవితవ్యం గురించి మరోసారి చర్చ మొదలైంది. ఈ క్రమంలో బీసీసీఐ వర్గాలు టైమ్స్‌ ఆఫ్‌ ఇండియాతో మాట్లాడుతూ.. సంచలన విషయాలు వెల్లడించాయి. సీనియర్‌ ఆటగాళ్లు గంభీర్‌, అగార్కర్‌లను కాదని యాజమాన్యంతో నేరుగా సంప్రదింపులు జరుపుతున్నట్లు పేర్కొన్నాయి.గంభీర్‌తో మాకు సంబంధం లేదు‘‘జట్టులో దిగ్గజ ఆటగాళ్లు ఉన్నారు. కెప్టెన్‌ గిల్‌ ప్రతీ విషయంలో డ్రెసింగ్‌రూమ్‌ గట్టిగా తన గొంతు వినిపించాల్సి ఉంది. టెస్టు, టీ20 ఫార్మాట్లలో మాదిరి గంభీర్‌ వన్డే జట్టు విషయంలో ఎక్కువగా జోక్యం చేసుకోవడం లేదు.అయితే ఇప్పుడు పరిస్థితి కాస్త మారింది. వన్డే వరల్డ్‌కప్‌ సన్నాహకాలు మొదలైపోయాయి. గంభీర్‌- గిల్‌ ఇకపై మరి కాస్త కఠినంగా ఉండవచ్చు. డ్రెసింగ్‌రూమ్‌లో తన ఐడియాలను బలంగా వినిపించవచ్చు.చాలా ఏళ్లుగా అత్యంత గొప్పగా.. సేవలు అందిస్తున్న సీనియర్లు వచ్చే పదహారు నెలల్లో జట్టులో తమ పాత్ర ఏమిటన్న అంశం గురించి గంభీర్‌తో కాకుండా నేరుగా యాజమాన్యంతో చర్చిస్తున్నారు. తమ భవితవ్యంపై స్పష్టతనివ్వాలని కోరుతున్నారు’’ అని బీసీసీఐ వర్గాలు పేర్కొన్నాయి. చదవండి: వాళ్లకే దిక్కులేదు.. అతడిని ఎలా ఎంపిక చేస్తారు?

అఫ్గానిస్తాన్‌తో వ‌న్డే సిరీస్‌కు ముందు టీమిండియా సీనియ‌ర్ బ్యాట‌ర్‌ రోహిత్ శ‌ర్మ‌, ఆల్‌రౌండ‌ర్ హార్దిక్ పాండ్యా ఫిట్‌నెస్‌కు సంబంధించి కీల‌క అప్‌డేట్ వ‌చ్చింది. పాండ్యాకు బీసీసీఐ సీఓఈ స్పోర్ట్స్ బృందం నుంచి ఫిట్‌నెస్ క్లియ‌రెన్స్ ల‌భించింది. బెంగ‌ళూరులోని బీసీసీఐ సెంట‌ర్ ఆఫ్ ఎక్స‌లెన్స్‌లో జ‌రిగిన ప‌లు మ్యాచ్ సిమ్యులేష‌న్ల‌లో పాండ్యా పాల్గొన్నాడ‌ని, ఎక్క‌డా అసౌక‌ర్యంగా క‌నిపించ‌లేద‌ని మెడిక‌ల్ బృందం తెలిపింది. అత‌డు పూర్తి స్థాయిలో బౌలింగ్ చేయ‌డంతో పాటు బ్యాటింగ్ ప్రాక్టీస్ చేశాడు. దీంతో జూన్ 13 నుంచి ధ‌ర్మ‌శాల వేదిక‌గా జ‌రగ‌నున్న భార‌త్‌, ఆఫ్గ‌న్‌ తొలి వ‌న్డేలో పాండ్యా ఆడే అవ‌కాశాలు ఎక్కువ‌గా క‌నిపిస్తున్నాయి. మ‌రోవైపు రోహిత్ శ‌ర్మ కూడా ఇప్ప‌టికే ఫిట్‌నెస్ నిరూపించు కున్న‌ట్లు వార్త‌లు వ‌స్తున్నాయి. ఈ నేప‌థ్యంలో భార‌త బ్యాటింగ్ కోచ్ సితాన్షు కొట‌క్ శుభ‌వార్త చెప్పాడు. ఆఫ్గ‌న్‌తో వ‌న్డే సిరీస్‌కు రోహిత్, పాండ్యా అందుబాటులో ఉంటార‌ని తెలిపాడు. అయితే ఫిట్‌నెస్ క్లియ‌రెన్స్‌కు సంబంధించి స‌ర్టిఫికెట్‌ను మెడిక‌ల్ సీవోఈ బృందం ఇంకా అందించ‌లేదు. అయితే త‌న‌కు అందిన స‌మాచారం మేర‌కు రోహిత్‌, పాండ్యా ఫిట్‌నెస్ నిరూపించుకున్నారని, అయితే మెడిక‌ల్ టీమ్ ఇంకా స‌ర్టిఫికెట్లు ఇవ్వలేద‌ని తెలిపాడు. అయితే వారి నుంచి ఒక్క‌సారి క్లియ‌రెన్స్ వస్తే మాత్రం రోహిత్‌, పాండ్యాలు ఆఫ్గ‌న్‌తో వ‌న్డే సిరీస్‌లో ఆడ‌తార‌ని స్ప‌ష్టం చేశాడు. కానీ వ‌న్డే సిరీస్‌లో ఈ ఇద్ద‌రూ పాల్గొనాలంటే పాండ్యా, రోహిత్‌లు త‌ప్ప‌నిస‌రిగా ఫిట్‌నెస్ ప‌రీక్ష‌లు చేయించుకోవాల్సిందేన‌ని సితాన్షు కొట‌క్ పేర్కొన్నాడు. ఐపీఎల్ 2026 సీజ‌న్‌లో రోహిత్ శ‌ర్మ చాలా మ్యాచ్‌ల‌కు అందుబాటులో లేడు. కండ‌రాల గాయంతో గ్రూప్ ద‌శ‌లో ఐదు మ్యాచ్‌కు దూర‌మ‌వ్వ‌గా, పాండ్యా లీగ్ ఆఖ‌రి ద‌శ‌లో వెన్నునొప్పి కార‌ణంగా చివ‌రి మ్యాచ్‌ల‌కు దూర‌మ‌య్యాడు. ఆ త‌ర్వాత పాండ్యా, రోహిత్ శ‌ర్మ‌లు ఫిట్‌నెస్ క్లియ‌రెన్స్ సాధించేందుకు బెంగ‌ళూరులోని బీసీసీఐ సెంట‌ర్ ఆఫ్ ఎక్స‌లెన్స్ శిబిరానికి వ‌చ్చారు.చదవండి: వైభ‌వ్ సూర్యవంశీ విఫలం.. తీవ్ర నిరాశలో అభిమానులు!

త్వరలో ఆఫ్ఘనిస్తాన్‌తో జరుగబోయే మూడు మ్యాచ్‌ల వన్డే సిరీస్‌కు ముందు టీమిండియాకు శుభవార్త అందుతుంది. స్టార్‌ ఓపెనర్‌ రోహిత్‌ శర్మ ఫిట్‌నెస్ పరీక్షల కోసం బెంగళూరులోని సెంటర్ ఆఫ్ ఎక్సలెన్స్ (CoE)కు చేరుకున్నాడు. ఇటీవల ముగిసిన ఐపీఎల్‌ 2026 సందర్భంగా రోహిత్‌ హామ్‌స్ట్రింగ్ గాయానికి గురైన విషయం తెలిసిందే. అప్పటి నుంచి అతడు వైద్యుల పర్యవేక్షణలో ఉన్నాడు.తాజాగా ఆ పునరావాసాన్ని పూర్తి చేసుకొని CoEకు చేరాడు. అక్కడ రోహిత్‌కు మూడు రోజుల పాటు ఫిట్‌నెస్ పరీక్షలు, నెట్ సెషన్లు, బ్యాటింగ్ ప్రాక్టీస్ నిర్వహించనున్నారు. ఇందులో ఫ్లడ్‌లైట్ల కింద ప్రత్యేక బ్యాటింగ్ సెషన్ కూడా ఉండనుంది. ఈ పరీక్షల్లో విజయవంతంగా ఉత్తీర్ణత సాధిస్తేనే రోహిత్‌కు ఆఫ్ఘనిస్తాన్‌ సిరీస్ ఆడేందుకు వైద్యుల అనుమతి లభించనుంది.తొలుత జూన్ 9న జట్టుతో కలిసి వెళ్లాల్సి ఉన్న రోహిత్, ఇప్పుడు ఫిట్‌నెస్ క్లియరెన్స్ తర్వాత మాత్రమే జట్టులో చేరనున్నాడు. జూన్ 11న ధర్మశాలకు చేరుకుని, జూన్ 13న జరిగే తొలి వన్డేకు అందుబాటులో ఉండే అవకాశం ఉంది.39 ఏళ్ల రోహిత్ ఇటీవల ఐపీఎల్‌లో ఆశించిన స్థాయిలో రాణించకపోయినా, వన్డే ఫార్మాట్‌లో మాత్రం భారత జట్టుకు కీలక ఆటగాడిగానే కొనసాగుతున్నాడు. ముఖ్యంగా 2025 ఛాంపియన్స్ ట్రోఫీ తర్వాత అతని అనుభవం జట్టుకు ఎంతో ఉపయోగపడుతోంది. 2027 ప్రపంచకప్ ఆడాలన్న లక్ష్యంతో రోహిత్‌ వన్డేల్లో కొనసాగుతున్నాడు. మిగతా ఫార్మాట్లకు ఇతను రిటైర్మెంట్‌ ప్రకటించిన విషయం తెలిసిందే.

టీమిండియా టీ20 కెప్టెన్‌గా సూర్య‌కుమార్ స్థానంలో శ్రేయ‌స్ అయ్య‌ర్‌ను ఎంపిక చేయ‌డంపై సీనియ‌ర్ క్రికెట‌ర్ రోహిత్ శర్మ స్పందించాడు. కెప్టెన్సీ అనేది అంత సుల‌భంగా రాద‌ని అయ్య‌ర్‌ను చూస్తే త‌న‌కు స్ప‌ష్టంగా అర్థ‌మ‌వుతుంద‌ని తెలిపాడు. 2024లో కేకేఆర్‌కు టైటిల్ అందించిన అయ్య‌ర్ మ‌రుస‌టి ఏడాది పంజాబ్ కింగ్స్‌ను ఫైన‌ల్ చేర్చాడు. ఐపీఎల్‌లో కెప్టెన్‌గా అత‌డి ప్ర‌ద‌ర్శ‌న‌లే ఇవాళ టీమిండియా టీ20 కెప్టెన్‌ను చేసింద‌ని పేర్కొన్నాడు. అక్క‌డ నేర్చుకున్న విష‌యాలు ఇవాళ భార‌త కెప్టెన్సీకి అవ‌స‌ర‌మైన అనుభ‌వాన్ని అందించ‌నుంద‌ని తెలిపాడు. టీ20 ముంబై లీగ్ బ్రాండ్ అంబాసిడ‌ర్‌గా ఉన్న రోహిత్ శ‌ర్మ శ‌నివారం మ్యాచ్‌కు హాజ‌ర‌య్యాడు. ఈ సంద‌ర్భంగా రోహిత్ మాట్లాడుతూ.. ‘గ‌త కొన్నేళ్లుగా శ్రేయ‌స్ అయ్య‌ర్ ఆట‌తీరు చూసుకుంటే అత‌డు కెప్టెన్‌గా అద్భుతాలు చేయ‌బోతున్నాడ‌నే విష‌యం స్ప‌ష్టంగా తెలుస్తోంది. ముంబై క్రికెట‌ర్ల‌కు ఏదీ సుల‌భంగా రాద‌ని, కెప్టెన్సీ అనే హోదాను క‌ష్ట‌ప‌డి సంపాదించుకోవాల‌న్న విష‌యం శ్రేయ‌స్‌కు తెలుసు.’అని వివ‌రించాడు. సూర్య‌కుమార్‌ను టీ20 కెప్టెన్సీ నుంచి తొల‌గించడంపై కూడా రోహిత్ స్పందించాడు. ‘టీమిండియా టీ20 కెప్టెన్‌గా సూర్య‌కుమార్‌ త‌నదైన‌ ముద్ర వేశాడు. సూర్య‌కుమార్‌కు కెప్టెన్సీ అంత సుల‌భంగా ద‌క్క‌లేదన్న విష‌యం నాకు తెలుసు. ఎందుకంటే సూర్య‌కుమార్ జ‌ట్టులోకి వ‌చ్చే స‌మ‌యానికే అత‌డి వ‌య‌సు 31 లేదా 32 ఉంటుంది. ఆ వ‌య‌సులో ఫామ్‌లో ఉండ‌డమే గొప్ప విష‌యం. కానీ సూర్య దానిని అధిగ‌మించ‌డ‌మే కాదు టీ20 క్రికెట్‌లో ఆట‌గాడిగా, కెప్టెన్‌గా త‌న‌దైన ముద్ర వేశాడు. ఎల్ల‌ప్పుడూ పోరాడడంలో సూర్య ముందుండే వాడు. భార‌త్‌కు మూడో టీ20 ప్ర‌పంచ‌క‌ప్ రావ‌డంలో కెప్టెన్‌గా అత‌డి పాత్ర అమోఘం. త‌న‌కు వ‌చ్చిన అవ‌కాశాల‌ను సూర్య రెండు చేతులా ఒడిసి ప‌ట్టుకున్నాడు. ఐదేళ్ల‌లోనే అత‌డు టీమిండియాకు ఎంతో చేశాడు. ముంబై ఆట‌గాళ్ల‌లోనే ఇది స్వ‌త‌హాగా ఉన్న ల‌క్ష‌ణం. ఏదీ ఊరికే రాదు, క‌ష్ట‌ప‌డి సంపాదించుకోవాల్సిందే అన్న విష‌యం మా క్రికెట‌ర్ల‌కు తెలుసు.’ అని చెప్పుకొచ్చాడు. ఇక రోహిత్‌ శర్మ గాయం కారణంగా అఫ్గానిస్తాన్‌తో వన్డే సిరీస్‌ ఆడడం అనుమానమే. గాయంతో బాధపడుతున్న భారత జట్టు ఓపెనర్‌ రోహిత్‌ శర్మ ఈనెల 8న సెంటర్‌ ఆఫ్‌ ఎక్సెలెన్స్‌ (సీఓఈ)లో చేరనున్నాడు. బెంగళూరులోని ఈ సెంటర్‌లో అతడి ఫిట్‌నెస్‌ను పరీక్షించనున్నారు. మూడు రోజుల పాటు సీఓఈలో ఉండి, ఆ తర్వాత అఫ్ఘానిస్థాన్‌తో వన్డే సిరీస్‌ కోసం జట్టుతో చేరనున్నాడు.Rohit Sharma congraluating Shreyas Iyer for becoming the T20 Captain of India ❤️- The Mumbai Boys! pic.twitter.com/vcDf8yrPXW— Johns. (@CricCrazyJohns) June 6, 2026చదవండి: క్రీడాస్ఫూర్తిని మంటగలిపిన కేఎల్ రాహుల్‌!

అఫ్గనిస్తాన్‌తో వన్డే సిరీస్‌కు భారత బ్యాటింగ్‌ దిగ్గజం విరాట్‌ కోహ్లి దూరమయ్యాడు. భారత క్రికెట్‌ నియంత్రణ మండలి (బీసీసీఐ) శనివారం ఈ విషయాన్ని ధ్రువీకరించింది. కాగా ఐర్లాండ్‌, ఇంగ్లండ్‌లో పర్యటించే... అదే విధంగా ఆసియా క్రీడలు-2026లో పాల్గొనే భారత టీ20 జట్టును బీసీసీఐ తాజాగా ప్రకటించింది.కొత్త టీ20 కెప్టెన్‌కెప్టెన్‌గా సూర్యకుమార్‌ యాదవ్‌ (Suryakumar Yadav)ను తప్పించిన సెలక్టర్లు.. శ్రేయస్‌ అయ్యర్‌కు పగ్గాలు అప్పగించారు. ఇక చిచ్చరపిడుగు వైభవ్‌ సూర్యవంశీని కూడా టీమిండియాకు ఎంపిక చేసి యూకే టూర్‌తో పాటు ఆసియా క్రీడల జట్టులోనూ చోటిచ్చారు.కోహ్లి ఎప్పుడు వస్తాడో తెలియదుఈ జట్ల ప్రకటన సందర్భంగా చీఫ్‌ సెలక్టర్‌ అజిత్‌ అగార్కర్‌ విరాట్‌ కోహ్లి గురించి అప్‌డేట్‌ అందించాడు. కోహ్లి గాయంపై తమకు ఇంకా స్పష్టత రాలేదని.. అతడు ఎంతకాలం ఆటకు దూరంగా ఉంటాడో తెలియదని పేర్కొన్నాడు. ఇంగ్లండ్‌తో వన్డే సిరీస్‌ నాటికి అతడు ఫిట్‌గా ఉంటాడని ఆశిస్తున్నట్లు తెలిపాడు.కోహ్లి స్థానంలో అతడేఅదే సమయంలో విరాట్‌ కోహ్లి స్థానంలో యశస్వి జైస్వాల్‌ను అఫ్గన్‌తో వన్డే సిరీస్‌కు ఎంపిక చేసినట్లు బీసీసీఐ కార్యదర్శి దేవజిత్‌ సైకియా తెలిపాడు. కాగా రాయల్‌ చాలెంజర్స్‌ బెంగళూరు- గుజరాత్‌ టైటాన్స్‌ మధ్య ఐపీఎల్‌-2026 ఫైనల్‌ సందర్భంగా కోహ్లి గాయపడిన సంగతి తెలిసిందే. తొడ కండరాల గాయంతో బాధపడుతున్న కోహ్లి దాదాపు ఆరు వారాల పాటు ఆటకు దూరంగా ఉండనున్నట్లు తెలుస్తోంది.రోహిత్‌ సంగతేంటి?ఇదిలా ఉంటే.. రోహిత్‌ శర్మ గురించి మాత్రం బోర్డు ఎలాంటి అప్‌డేట్‌ అందించలేదు. తొడ కండరాల గాయంతో బాధపడుతున్న ఈ ముంబై ఇండియన్స్‌ స్టార్‌ ఇంతవరకు బెంగళూరులోని బీసీసీఐ సెంటర్‌ ఆఫ్‌ ఎక్సలెన్స్‌ (CoE)కు చేరుకోనే లేదు.మరోవైపు.. ఆల్‌రౌండర్‌ హార్దిక్‌ పాండ్యా మాత్రం ఇప్పటికే బెంగళూరుకు చేరుకున్నాడు. అయితే, గాయంపై స్పష్టత లేకపోవడంతో అతడిని టీ20 జట్టుకు ఎంపిక చేయలేదని అగార్కర్‌ తెలిపాడు. కాగా అఫ్గనిస్తాన్‌తో వన్డే సిరీస్‌ ముగిసిన తర్వాత ఇంగ్లండ్‌తో వన్డే సిరీస్‌ జట్టును ప్రకటిస్తామని బీసీసీఐ కార్యదర్శి దేవజిత్‌ సైకియా ఈ సందర్భంగా తెలియజేశారు.అఫ్గనిస్తాన్‌తో వన్డే సిరీస్‌కు భారత జట్టు (అప్‌డేటెడ్‌)శుబ్‌మన్‌ గిల్‌ (కెప్టెన్‌), యశస్వి జైస్వాల్‌, శ్రేయస్‌ అయ్యర్‌ (వైస్‌ కెప్టెన్‌), కేఎల్‌ రాహుల్‌, అర్ష్‌దీప్‌ సింగ్‌, ఇషాన్‌ కిషన్‌, నితీశ్‌ కుమార్‌ రెడ్డి, వాషింగ్టన్‌ సుందర్‌, కుల్దీప్‌ యాదవ్‌, ప్రసిద్‌ కృష్ణ, ప్రిన్స్‌ యాదవ్‌, గుర్నూర్‌ బ్రార్‌, హర్ష్‌ దూబే, రోహిత్‌ శర్మ (ఫిట్‌నెస్‌ ఆధారంగా), హార్దిక్‌ పాండ్యా (ఫిట్‌నెస్‌ ఆధారంగా).షెడ్యూల్‌జూన్‌ 14, 17, 20 తేదీల్లో ధర్మశాల, లక్నో, చెన్నై వేదికగా అఫ్గనిస్తాన్‌తో మూడు వన్డేలు.చదవండి: BCCI: వైభవ్‌ సూర్యవంశీ వచ్చేశాడు

వన్డే ప్రపంచకప్‌-2027 టోర్నీకి ముందు టీమిండియాకు కొన్ని మ్యాచ్‌లే మిగిలి ఉన్నాయి. ఇందులో భాగంగా స్వదేశంలో అఫ్గనిస్తాన్‌తో మూడు వన్డేలు ఆడనున్న భారత జట్టు.. అనంతరం ఇంగ్లండ్‌ పర్యటనలోనూ మూడు మ్యాచ్‌లు ఆడనుంది.రో-కో ఆడతారా?ఆ తర్వాత షెడ్యూల్‌ ప్రకారం టీమిండియా సొంతగడ్డపై వెస్టిండీస్‌తో మూడు.. అనంతరం న్యూజిలాండ్‌తో మూడు, శ్రీలంకతో మూడు వన్డేలు ఆడుతుంది. మొత్తానికి మెగా టోర్నీకి ముందు భారత్‌ దాదాపు పదిహేను వన్డేలు ఆడుతుంది. అయితే, దిగ్గజ బ్యాటర్లు విరాట్‌ కోహ్లి (Virat Kohli), రోహిత్‌ శర్మ (Rohit Sharma) వరల్డ్‌కప్‌లో ఆడతారా? లేదా? అన్న అంశంపై గత కొంతకాలంగా చర్చ నడుస్తున్న సంగతి తెలిసిందే.అనుభవజ్ఞులైన రో-కో జట్టులో ఉంటేనే గెలుపు అవకాశాలు మెరుగుపడతాయని మాజీ క్రికెటర్లు పేర్కొంటున్నారు. అయితే, చీఫ్‌ సెలక్టర్‌ అజిత్‌ అగార్కర్‌ మాత్రం వాళ్లిద్దరు మెగా టోర్నీకి అందుబాటులో ఉండే విషయమై తమకు ఇంత వరకు సమాచారం లేదన్నాడు. కానీ రో-కో మాత్రం తాము ఈ ఈవెంట్‌కు సిద్ధమనే సంకేతాలు ఇచ్చారు.గాయాల బెడదదేశీ వన్డే టోర్నీ విజయ్‌ హజారే ట్రోఫీలో కూడా ఆడిన దిగ్గజ ద్వయం.. గత కొంతకాలంగా మంచి ఫామ్‌ కొనసాగించారు. అయితే, అఫ్గన్‌తో సిరీస్‌కు ముందు రోహిత్‌- కోహ్లి గాయపడటం మరోసారి చర్చకు తావిచ్చింది. 39 ఏళ్ల రోహిత్‌.. 38 ఏళ్ల కోహ్లి తొడ కండరాల గాయంతో బాధపడుతున్నారు.కోహ్లి దాదాపు ఆరు వారాల పాటు ఆటకు దూరం కానుండగా.. రోహిత్‌ అఫ్గన్‌తో ఆఖరి వన్డే నాటికి ఫిట్‌నెస్‌ సాధించే అవకాశం ఉంది. ఈ నేపథ్యంలో జ్యోతిష్కుడిగా చెప్పుకొనే గ్రీన్‌స్టోన్‌ లోబో సంచలన వ్యాఖ్యలు చేశాడు. రోహిత్‌ శర్మ జట్టులో ఉంటే టీమిండియా ఈసారి కూడా వన్డే వరల్డ్‌కప్‌ గెలవదని పేర్కొన్నాడు.రోహిత్‌ జట్టులో ఉంటే జట్టు గెలవదుటైమ్స్‌ ఆఫ్‌ ఇండియాతో మాట్లాడుతూ.. ‘‘వన్డే ప్రపంచకప్‌ గెలిచే భారత జట్టులో రోహిత్‌ శర్మ భాగంగా ఉంటాడని నేను అనుకోవడం లేదు. చాలా మంది నన్ను ఇదే విషయం గురించి అడుగుతున్నారు. రోహిత్‌ అసలు జట్టులో ఉంటాడా? లేదా? అని వారు ఉత్సుకతతో ఉన్నారు.సెలక్టర్లు కోరుకుంటే అతడు జట్టులో ఉంటాడు. అయితే, ఒక విషయం స్పష్టంగా చెప్పగలను. రోహిత్‌ శర్మ జట్టులో ఉంటే మాత్రం టీమిండియా ఈసారి వరల్డ్‌కప్‌ గెలవదు’’ అని గ్రీన్‌స్టోన్‌ లోబో పేర్కొన్నాడు.సారథిగా ఇప్పటికే ఎన్నో విజయాలుఏదేమైనా ఇప్పటికే రోహిత్‌ శర్మ సారథిగా ఎన్నో విజయాలు సాధించాడన్న గ్రీన్‌స్టోన్‌ లోబో.. ముంబై ఇండియన్స్‌ కారణంగా అతడు వన్డే వరల్డ్‌కప్‌ గెలవలేకపోయాడని విచిత్రమైన వ్యాఖ్యలు చేశాడు. ‘‘కెప్టెన్‌గా రోహిత్‌ 2024లో టీ20 ప్రపంచకప్‌ సాధించాడు. వన్డే వరల్డ్‌కప్‌-2023 టోర్నీలోనూ అతడే సారథిగా ఉన్నాడు.అయితే, దురదృష్టవశాత్తూ కప్‌ గెలవలేకపోయాడు. నిజానికి ఫ్రాంఛైజీ క్రికెట్‌లో ముంబై ఇండియన్స్‌ కెప్టెన్‌గా అతడు ఐదు టైటిళ్లు గెలిచాడు. ఒకవేళ అలా జరుగకపోయి ఉంటే.. వన్డేలపై మరింత దృష్టి పెట్టి వరల్డ్‌కప్‌ కొట్టేవాడు. ముంబై ఇండియన్స్‌ వల్ల టీమిండియా నష్టపోయింది’’ అని గ్రీన్‌స్టోన్‌ లోబో వ్యాఖ్యానించాడు.అభిమానుల ఆగ్రహంఈ నేపథ్యంలో జ్యోతిష్కుడి వ్యాఖ్యలపై రోహిత్‌ శర్మ అభిమానులు భగ్గుమంటున్నారు. ఫేమస్‌ అయ్యేందుకు లాజిక్‌ లేకుండా మాట్లాడటం సరికాదని.. అసలు దిగ్గజ ఆటగాడి గురించి మాట్లాడే అర్హతే నీకు లేదంటూ ఘాటుగా విమర్శిస్తున్నారు. కాగా రోహిత్‌ సారథ్యంలో 2024లో టీ20 ప్రపంచకప్‌ గెలిచిన టీమిండియా.. 2025లో ఐసీసీ చాంపియన్స్‌ ట్రోఫీ (వన్డే ఫార్మాట్‌)ని సొంతం చేసుకుంది.చదవండి: కోపంతో ఊగిపోయిన వైభవ్‌ సూర్యవంశీ

ఐపీఎల్ 2026 సీజ‌న్ ముగియ‌డంతో టీమిండియా ప్ర‌స్తుతం అఫ్గానిస్తాన్‌తో జ‌ర‌గ‌నున్న టెస్టుతో పాటు వ‌న్డే సిరీస్‌పై దృష్టి సారించింది. రేప‌టి నుంచి భార‌త్‌, అఫ్గానిస్తాన్ మ‌ధ్య ముల్ల‌న్‌పూర్ వేదిక‌గా ఏకైక టెస్టు మ్యాచ్ జ‌ర‌గ‌నుంది. ఈ మ్యాచ్‌కు గిల్ నేతృత్వంలోని టీమిండియా స్టేడియానికి చేరుకొని ప్రాక్టీస్ కూడా మొద‌లుపెట్టేసింది. టెస్టు సిరీస్ ముగిసిన త‌ర్వాత వెంట‌నే మూడు వ‌న్డే మ్యాచ్‌ల సిరీస్ జ‌ర‌గ‌నుంది. ఈ సిరీస్‌కు సీనియ‌ర్లు రోహిత్ శ‌ర్మ‌, విరాట్ కోహ్లీ పేర్ల‌ను ప‌రిగ‌ణ‌లోకి తీసుకొని ఎంపిక చేశారు. అయితే పిక్క కండ‌రాల గాయంతో కోహ్లీ ఈ సిరీస్‌కు దూర‌మైన‌ట్లు బీసీసీఐ ప్ర‌క‌టించింది. దీంతో కోహ్లీ స్థానంలో జ‌ట్టులోకి వ‌చ్చేది ఎవ‌ర‌నే దానిపై ఆస‌క్తిక‌ర చ‌ర్చ జ‌రుగుతోంది. ఆఫ్గ‌న్‌తో వ‌న్డే సిరీస్‌కు కోహ్లీ స్థానంలో రుతురాజ్ గైక్వాడ్‌ను ఎంపిక చేసిన‌ట్లు వార్త‌లు వ‌చ్చాయి. జూన్ 13న ధ‌ర్మ‌శాల వేదిక‌గా జ‌ర‌గ‌నున్న తొలి వ‌న్డేకు రుతురాజ్ అందుబాటులో ఉంటాడని బీసీసీఐ ప్ర‌క‌ట‌న విడుద‌ల చేసిన‌ట్లు నివేదిక‌లు వ‌చ్చాయి. కానీ రుతురాజ్ గైక్వాడ్ భార‌త-ఏ జ‌ట్టుతో క‌లిసి శ్రీలంక ప‌ర్య‌ట‌నకు బ‌య‌ల్దేరి వెళ్లిన ఫొటోలు సోష‌ల్ మీడియాలో ప్ర‌త్య‌క్షం కావ‌డంతో ఈ వార్త‌ల‌న్నింటికీ ఫుల్‌స్టాప్ ప‌డిన‌ట్ల‌యింది.లంక ప‌ర్య‌ట‌న‌లో భార‌త్‌.. శ్రీలంక‌-ఏ, అప్గానిస్తాన్‌-ఏ జ‌ట్ల‌తో క‌లిసి ట్రై సిరీస్ ఆడ‌నుంది. తాజాగా రుతురాజ్ కొలంబోలో ద‌ర్శ‌న‌మివ్వ‌డంతో మ‌రి కోహ్లీ స్థానంలో ఆడే ఆట‌గాడు ఎవ‌ర‌న్న‌ది ఇంకా మిస్ట‌రీగానే ఉండిపోయింది. అయితే ఆర్సీబీ కెప్టెన్ ర‌జ‌త్ పాటీదార్ పేరు కూడా ప‌రిశీల‌న‌లో ఉన్న‌ట్లు సమాచారం.ఎటూ తేల్చని బీసీసీఐ?ఆఫ్గ‌న్‌తో వ‌న్డే సిరీస్‌కు 15 మందితో జ‌ట్టును ప్ర‌క‌టించ‌డంతో కోహ్లీ దూర‌మైన అత‌డి స్థానాన్ని ఆ సిరీస్‌కు ఎంపికైన ఆట‌గాళ్ల‌లో ఒక‌రితోనే భ‌ర్తీ చేయాల‌నే నిర్ణ‌యానికి బీసీసీఐ వ‌చ్చిన‌ట్లు తెలుస్తోంది. కోహ్లీతో పాటు రోహిత్ శ‌ర్మ కూడా ఆఫ్గ‌న్‌తో వ‌న్డే సిరీస్ ఆడడం అనుమానంగానే ఉంది. అత‌డు కూడా పిక్క కండ‌రాల గాయంతో బాధ‌ప‌డుతుండడం టీమిండియాకు ప్ర‌తికూలంగా మార‌నుంది. మ‌రోవైపు ఆల్‌రౌండ‌ర్ హార్దిక్ పాండ్యా కూడా వెన్నునొప్పితో బాధ‌ప‌డుతున్న‌ట్లు తెలుస్తోంది. ఇలా జ‌ట్టులోని సీనియ‌ర్లంతా గాయాల బారిన ప‌డ‌డంతో వ‌న్డే సిరీస్‌లో అప్గానిస్తాన్ మన‌కు షాక్ ఇచ్చినా ఆశ్చ‌ర్య‌పోన‌స‌రం లేద‌ని అభిమానులు కామెంట్లు పెడుతున్నారు. కోహ్లీ, రోహిత్, పాండ్యాలు దూర‌మైతే మాత్రం బీసీసీఐ వీరి స్థానంలో క‌నీసం ఇద్ద‌రినైనా జ‌ట్టులోకి తీసుకోవాల్సిన అవ‌స‌ర‌ముంటుంది. అయితే వ‌న్డే సిరీస్‌కు ఇంకా స‌మ‌యం ఉండ‌డంతో బీసీసీఐ దీనిపై ఏదో ఒక నిర్ణ‌యం తీసుకోనుంది.ఆఫ్గ‌న్‌తో వ‌న్డే సిరీస్‌కు టీమిండియాశుబ్‌మన్ గిల్ (కెప్టెన్‌), రోహిత్ శర్మ, శ్రేయ‌స్ అయ్యర్ (వైస్ కెప్టెన్‌), కేఎల్ రాహుల్, ఇషాన్ కిషన్, హార్దిక్ పాండ్యా, నితీష్ కుమార్ రెడ్డి, వాషింగ్టన్ సుందర్, కుల్దీప్ యాదవ్, అర్ష్‌దీప్ సింగ్, ప్రసిద్ధ్ కృష్ణ, ప్రిన్స్ యాదవ్, గుర్నూర్ బ్రార్, హర్ష్ దూబేచదవండి: ఫిఫాకు ట్రోఫీ తిరిగివ్వని బ్రెజిల్‌.. విలువెంతో తెలుసా?

అఫ్గనిస్తాన్‌తో వన్డే సిరీస్‌కు భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ అందుబాటులో ఉంటారా? లేదా?.. క్రికెట్‌ వర్గాల్లో ఇప్పుడిదే చర్చనీయాంశం. ఐపీఎల్‌-2026లో కోహ్లి అదరగొట్టిన సంగతి తెలిసిందే.రాయల్‌ చాలెంజర్స్‌ బెంగళూరు (ఆర్సీబీ) ఓపెనర్‌గా కొనసాగుతున్న కోహ్లి.. ఈ సీజన్‌లో 16 మ్యాచ్‌లలో కలిపి 675 పరుగులు సాధించాడు. గుజరాత్‌ టైటాన్స్‌తో ఫైనల్లో 75 పరుగులతో అజేయంగా నిలిచి ఆర్సీబీ వరుసగా రెండోసారి ట్రోఫీ ముద్దాడటంలో కీలక పాత్ర పోషించాడు.అంతలోనే గాయమా?ఇక ఆర్సీబీ రెండోసారి టైటిల్‌ విజేతగా అవతరించిన తరుణంలో కోహ్లి సంబరాలు అంబరాన్నంటాయి. భార్య అనుష్క శర్మ, సహచర ఆటగాళ్లతో కలిసి అతడు ఉత్సాహంగా డాన్స్‌ చేసిన దృశ్యాలు వైరల్‌గా మారాయి. అయితే, అంతలోనే కోహ్లి తొడ కండరాల గాయంతో బాధపడుతున్నాడనే వార్త బయటకు వచ్చింది.ఫలితంగా అఫ్గనిస్తాన్‌తో వన్డే సిరీస్‌కు కోహ్లి దూరమయ్యాడనే వార్త చక్కర్లుకొడుతోంది. మరోవైపు.. ముంబై ఇండియన్స్‌ స్టార్‌ రోహిత్‌ శర్మ తొడ కండరాల గాయం కారణంగా ఐదు మ్యాచ్‌లకు దూరమయ్యాడు. ఆ తర్వాత తిరిగి వచ్చినా ఇంపాక్ట్‌ ప్లేయర్‌గానే బరిలోకి దిగాడు.రోహిత్‌ కూడా డౌటేఈ నేపథ్యంలో రోహిత్‌ శర్మ సైతం సిరీస్‌కు అందుబాటులో ఉంటాడా? లేదా? అన్నది ప్రశ్నార్థకంగా మారింది. ఈ విషయంపై టీమిండియా అసిస్టెంట్‌ కోచ్‌ ర్యాన్‌ టెన్‌ డష్కాటే తాజాగా స్పందించాడు. అఫ్గనిస్తాన్‌తో టీమిండియా ఏకైక టెస్టుకు ముందు మీడియాతో మాట్లాడుతూ..కోచ్‌ ఏమన్నాడంటే..‘‘ఇప్పటి వరకు మాకు కూడా అధికారిక సమాచారం అందలేదు. విరాట్‌, రోహిత్‌ వంటి స్టార్‌ ప్లేయర్లు గాయాల వల్ల దూరవుతున్నారంటే అది నిజంగా పెద్ద వార్తే. అయితే, ఏ ఆటగాడి విషయంలోనైనా ప్రొటోకాల్‌ ఒకేలా ఉంటుంది.వాళ్లు ఫిట్‌నెస్‌ పరీక్ష ఎదుర్కోవాల్సి ఉంటుంది. మ్యాచ్‌ ఆడేందుకు ఫిట్‌గా ఉన్నారా? లేరా? అన్నది మా వైద్య బృందం నిర్ణయిస్తుంది. వారి సూచన ప్రకారమే రో-కోలను ఆడించాలా? వద్దా? అన్నది తేలుతుంది.ఒకవేళ వాళ్లు దూరమైతే వారి స్థానాలను భర్తీ చేసే అంశంపై కూడా యాజమాన్యం నిర్ణయం తీసుకోవాల్సి ఉంది’’ అని డష్కాటే తెలిపాడు. కాగా జూన్‌ 6- 20 మధ్య టీమిండియా స్వదేశంలో అఫ్గనిస్తాన్‌తో ఒక టెస్టు, మూడు వన్డేలు ఆడేందుకు షెడ్యూల్‌ ఖరారైంది. ఏం జరుగుతోంది?ఇదిలా ఉంటే.. ఇప్పటికే అంతర్జాతీయ టీ20, టెస్టు ఫార్మాట్‌కు వీడ్కోలు పలికిన రోహిత్‌ శర్మ- విరాట్‌ కోహ్లి.. కేవలం వన్డేల్లో కొనసాగుతున్నారు. వన్డే వరల్డ్‌కప్‌-2027 ఆడటమే లక్ష్యంగా ముందుకు సాగుతున్నారు. ఈ మెగా టోర్నీకి ముందు కొన్ని వన్డేలు మాత్రమే మిగిలి ఉన్నాయి. ఇలాంటి తరుణంలో రో-కో గాయాల బారిన పడటం అభిమానుల్లో ఆందోళనకు కారణమైంది. చదవండి: ‘పంజాబ్‌ కింగ్స్‌ ఈ ఐదుగురిని వదిలేయాలి’

టీమిండియా స్టార్‌ ఓపెనర్‌ రోహిత్‌ శర్మకు సంబంధించిన ఓ వీడియో ప్రస్తుతం సోషల్‌ మీడియాలో వైరలవుతోంది. ఈ వీడియోలో రోహిత్‌ నడుస్తూ బ్యాలెన్స్‌ కోల్పోయి నేలపై ముందుకు పడ్డాడు. ఈ వీడియో ఇప్పటిదా లేక పాతదా అన్న విషయంపై క్లారిటీ లేనప్పటికీ.. రోహిత్‌ అభిమానులు మాత్రం ఆందోళన చెందుతున్నారు. తమ ఆరాధ్య ఆటగాడు ఆఫ్ఘనిస్తాన్‌ సిరీస్‌కు అందుబాటులో ఉంటాడా లేదా అని గాబరా పడుతున్నారు.రోహిత్‌ త్వరలో ఆఫ్ఘనిస్తాన్‌తో జరుగబోయే వన్డే సిరీస్‌కు ఎంపికైన విషయం తెలిసిందే. అతడు టెస్ట్‌, టీ20 ఫార్మాట్లకు రిటైర్మెంట్‌ ప్రకటించి టీ20ల్లో మాత్రమే కొనసాగుతున్నాడు. రోహిత్‌ తాజాగా ముగిసిన ఐపీఎల్‌ 2026లో హ్యామ్‌స్ట్రింగ్‌ గాయంతో పలు మ్యాచ్‌లకు దూరంగా ఉన్నాడు. అయితే ఆడిన మ్యాచ్‌ల్లో మాత్రం తనదైన క్లాస్‌ను ప్రదర్శించి మ్యాచ్‌ విన్నింగ్‌ ఇన్నింగ్స్‌లు ఆడాడు.🚨🚨ROHIT SHARMA OUT OF THE FIRST 2 ODIs AGAINST AFGHANISTAN [CRICBUZZ]According to reliable sources and reports, Rohit Sharma suffered a knee twist after losing balance and is feeling discomfort. As per reports, he won't be available for the opening two games. India's… pic.twitter.com/xVn7qXcQg0— Oxygen (@Oxygen18_) June 3, 2026కాగా, ఆఫ్ఘనిస్తాన్‌తో జరుగబోయే వన్డే సిరీస్‌కు రోహిత్‌తో పాటు విరాట్‌ కోహ్లి కూడా ఎంపికయ్యాడు. అతడు కూడా రోహిత్‌లాగే టెస్ట్‌, అంతర్జాతీయ టీ20 ఫార్మాట్లకు గుడ్‌బై చెప్పి, కేవలం​ వన్డేల్లో మాత్రమే కొనసాగుతున్నాడు. ఐపీఎల్‌ 2026లో రోహిత్‌తో పోలిస్తే విరాట్‌ చాలా మెరుగ్గా ఆడాడు. వరుసగా రెండో ఎడిషన్‌లో తన జట్టు ఛాంపియన్‌గా నిలపడంలో ప్రధానపాత్ర పోషించాడు. గుజరాత్‌తో జరిగిన ఫైనల్స్‌లో అజేయమైన అర్ద సెంచరీతో తన జట్టును ఛాంపియన్‌గా నిలిపాడు.రోహిత్‌, విరాట్‌ 2027 వన్డే ప్రపంచకప్‌ దృష్ట్యా అంతర్జాతీయ వన్డేల్లో కొనసాగుతున్నారు. ఆ సమయం వరకు ఫామ్‌లో ఉండి, ఫిట్‌నెస్‌ కాపాడుకుంటూ ఉంటేనే జట్టులో ఉంటారని సెలెక్టర్లకు వారిద్దరికి ఖరాకండిగా చెప్పారు. ఈ మేరకే రో-కో అడుగులు వేస్తున్నారు. ఆఫ్ఘనిస్తాన్‌తో వన్డే మ్యాచ్‌లు జూన్‌ 13, 17, 20 తేదీల్లో ధర్మశాల, లక్నో, చెన్నై వేదికలుగా జరుగనున్నాయి.

అఫ్గానిస్తాన్‌తో వన్డే సిరీస్‌కు ముందు టీమిండియా స్టార్‌ ఆల్‌రౌండర్‌ హార్దిక్‌ పాండ్యా తన ఫిట్‌నెస్‌ను పరీక్షించుకునేందుకు బీసీసీఐ సెంటర్‌ ఆఫ్‌ ఎక్సలెన్స్‌ (సీఓఈ)కి వెళ్లనున్నాడు. వారం రోజుల పాటు అతను ఇక్కడ ఉండి వివిధ రకాల డ్రిల్స్‌లో పాల్గొనడంతోపాటు ‘మ్యాచ్‌ సిమ్యులేషన్స్‌’లో సాధన చేస్తాడు. ఐపీఎల్‌లో గాయం కారణంగా నాలుగు మ్యాచ్‌లకు దూరమైన అతను కోలుకొని మళ్లీ బరిలోకి దిగాడు.అయితే భారత వన్డే జట్టులోకి ఎంపిక కావడంలో బీసీసీఐ వైద్య బృందం అతడిని ఫిట్‌నెస్‌ నిరూపించుకోవాల్సిందిగా సూచించింది. ఫిట్‌గా ఉంటేనే టీమ్‌లో అతని ఎంపిక ఖాయమవుతుంది. దాంతో పాండ్యా సీఓఈకి చేరాడు. పాండ్యాతో పాటు మాజీ కెప్టెన్‌ రోహిత్‌ శర్మను కూడా సీఓఈలో హాజరు కావాలని వైద్యులు చెప్పగా... ఇప్పటి వరకు రోహిత్‌ విషయంలో మాత్రం ఎలాంటి సమాచారం లేదు. హిట్‌మ్యాన్ ప్రస్తుతం తొడ కండరాల గాయంతో బాధపడుతున్నాడు.ఈ గాయం కారణంగానే ఇటీవల ముగిసిన ఐపీఎల్‌-2026లో రోహిత్ నాలుగు మ్యాచ్‌లకు దూరమయ్యాడు. అంతేకాకుండా ఈ ముంబైకర్ దాదాపు చాలా మ్యాచ్‌లలో ఇంపాక్ట్ ప్లేయర్‌గా బరిలోకి దిగాడు. అఫ్గానిస్తాన్‌తో వన్డేలకు రోహిత్ ఎంపికైనప్పటికి.. తన ఫిట్‌నెస్‌ను మాత్రం నిరూపించుకోవాల్సి ఉంది. ఒకవేళ ఫిట్‌నెస్ పరీక్షలో రోహిత్ విఫలమైతే ఈ వన్డే సిరీస్‌కు దూరం కానున్నాడు. అతడికి బ్యాకప్‌గా యువ ఓపెనర్ యశస్వి జైశ్వాల్‌ను బీసీసీఐ సెలక్షన్ కమిటీ రిజర్వ్‌లో ఉంచినట్లు తెలుస్తోంది. అఫ్గాన్‌తో వన్డే సిరీస్ జూన్ 13 నుంచి ప్రారంభం కానుంది.అఫ్గాన్‌తో వన్డేలకు భారత జట్టు ఇదే:శుభ్‌మన్ గిల్ (కెప్టెన్), రోహిత్ శర్మ(ఫిట్‌నెస్ లోబడి), విరాట్ కోహ్లీ, శ్రేయస్ అయ్యర్ (వైస్ కెప్టెన్), కేఎల్ రాహుల్ (వికెట్ కీపర్), ఇషాన్ కిషన్ (వికెట్ కీపర్), హార్దిక్ పాండ్యా, నితీష్ కుమార్ రెడ్డి, వాషింగ్టన్ సుందర్, కుల్దీప్ యాదవ్, అర్ష్‌దీప్ సింగ్, ప్రసిద్ధ్ కృష్ణ, ప్రిన్స్ యాదవ్, గుర్నూర్ బ్రార్, హర్ష్ దూబే.చదవండి: IND vs AFG: టీమిండియా కెప్టెన్‌గా కేఎల్ రాహుల్‌?

దాదాపు రెండు నెలల పాటు అంతర్జాతీయ క్రికెట్‌కు దూరంగా ఉంది టీమిండియా. భారత జట్టులోని ప్రధాన ఆటగాళ్లంతా ఐపీఎల్‌-2026తో బిజీ బిజీగా గడిపారు. ఇక ఈ మెగా టోర్నీకి ఆదివారం నాటి ఫైనల్‌తో తెరపడింది.ఈ నేపథ్యంలో జూన్‌ 6 నుంచే టీమిండియా రంగంలోకి దిగనుంది. స్వదేశంలో అఫ్గనిస్తాన్‌తో తొలుత ఓ టెస్టు మ్యాచ్‌ ఆడి.. ఆ తర్వాత మూడు వన్డేల సిరీస్‌ ఆడేందుకు షెడ్యూల్‌ ఖరారైంది. ఇక అఫ్గన్‌తో మ్యాచ్‌లకు భారత క్రికెట్‌ నియంత్రణ మండలి (బీసీసీఐ) ఇప్పటికే తమ జట్లను ప్రకటించిన సంగతి తెలిసిందే.ఫిట్‌నెస్‌లోబడే...శుబ్‌మన్‌ గిల్‌ సారథ్యంలో అఫ్గన్‌తో ఆడే ఈ జట్లలో వన్డేలకు మాజీ కెప్టెన్‌ రోహిత్‌ శర్మ, ఆల్‌రౌండర్‌ హార్దిక్‌ పాండ్యా ఎంపికయ్యారు. అయితే, వీరిద్దరు ఫిట్‌నెస్‌లోబడే ఆడతారని బీసీసీఐ స్పష్టం చేసింది. కాగా ఐపీఎల్‌-2026లో హార్దిక్‌ పాండ్యా సారథ్యంలో ముంబై ఇండియన్స్‌కు ఆడిన రోహిత్‌ శర్మ.. సీజన్‌ మధ్యలో గాయపడ్డాడు.తొడ కండరాల గాయంతో ఐదు మ్యాచ్‌లకు రోహిత్‌ దూరమయ్యాడు. ఆ తర్వాత తిరిగి జట్టుతో చేరినా ఇంపాక్ట్‌ ప్లేయర్‌గానే బరిలోకి దిగాడు. మరోవైపు.. హార్దిక్‌ పాండ్యా సైతం వెన్నునొప్పితో నాలుగు మ్యాచ్‌లు ఆడలేకపోయాడు.క్లియరెన్స్‌ వస్తేనే..ఈ నేపథ్యంలో రోహిత్‌, హార్దిక్‌లను అఫ్గన్‌తో సిరీస్‌కు ఎంపిక చేసినప్పటికీ.. ఫిట్‌నెస్‌ ఆధారంగానే వారు ఆడతారో, లేదో తేలుతుందని బీసీసీఐ జట్టు ప్రకటన సమయంలో వెల్లడించింది. అదే విధంగా.. వీరిద్దరిని సిరీస్‌ ఆరంభానికి రెండు వారాల ముందే బెంగళూరులోని సెంటర్‌ ఆఫ్‌ ఎక్సలెన్స్‌లో రిపోర్టు చేయాల్సిందిగా ఆదేశించింది.ఇంత వరకు రిపోర్టు చేయని రోహిత్‌!అక్కడి వైద్య బృందాన్ని సంప్రదించి.. వేగంగా కోలుకొనే అంశంపై దృష్టి పెట్టాలని.. వారి నుంచి ఫిట్‌నెస్‌ క్లియరెన్స్‌ సర్టిఫికెట్‌ తీసుకోవాలని బోర్డు స్పష్టం చేసింది. ఈ నేపథ్యంలో హార్దిక్‌ పాండ్యా మంగళవారం (జూన్‌ 2)న బెంగళూరుకు పయనం కానుండగా.. రోహిత్‌ శర్మ మాత్రం ఇంత వరకు రిపోర్టు చేయలేదని ‘టైమ్స్‌ ఆఫ్‌ ఇండియా’ వెల్లడించింది.కాగా వన్డే వరల్డ్‌కప్‌-2027 టోర్నీకి ముందు టీమిండియా కొద్ది వన్డేలు మాత్రమే ఆడనుంది. ఇలాంటి తరుణంలో రోహిత్‌ గాయపడటం.. బోర్డు ఆదేశాలు పాటించే అంశంలో స్పష్టత లేకపోవడం సందేహాలకు తావిస్తోంది.రేసులోకి జైసూ!ఇప్పటికే రోహిత్‌కు బదులు యశస్వి జైస్వాల్‌, ఇషాన్‌ కిషన్‌ పేర్లను శుబ్‌మన్‌ గిల్‌ ఓపెనింగ్‌ జోడీగా పరిగణించాలనే డిమాండ్లు పెరుగుతున్నాయి. ఈ విషయంలో బోర్డు కూడా సానుకూలంగా ఉందనే వార్తలు వినిపిస్తున్నాయి. ఈ నేపథ్యంలో 39 ఏళ్ల రోహిత్‌ శర్మనే స్వయంగా తప్పుకోనున్నాడనే సందేహాలు వ్యక్తమవుతున్నాయి. ఇదిలా ఉంటే.. ముల్లన్‌పూర్‌లో భారత్‌- అఫ్గన్‌ మధ్య ఏకైక టెస్టు జరుగనుండగా.. జూన్‌ 13, 17, 20 తేదీల్లో వన్డే సిరీస్‌ నిర్వహణకు షెడ్యూల్‌ ఖరారైంది.చదవండి: IPL 2026: అత్యుత్తమ జట్టు ఇదే!

రాయల్‌ చాలెంజర్స్‌ బెంగళూరు (ఆర్సీబీ) వరుసగా రెండోసారి ఐపీఎల్‌ ట్రోఫీ నెగ్గింది. ఐపీఎల్‌-2026 ఫైనల్లో గుజరాత్‌ టైటాన్స్‌ను ఐదు వికెట్ల తేడాతో ఓడించింది. అహ్మదాబాద్‌లో ఆదివారం టాస్‌ గెలిచిన ఆర్సీబీ తొలుత బౌలింగ్‌ ఎంచుకుంది.టాపార్డర్‌ను కుదేలు చేసి ఆదిలోనే ప్రత్యర్థిని దెబ్బకొట్టిన ఆర్సీబీ.. గుజరాత్‌ను 155 పరుగులకే పరిమితం చేసింది. అనంతరం లక్ష్య ఛేదనకు దిగి రెండు ఓవర్లు మిగిలి ఉండగానే పనిపూర్తి చేసింది. తద్వారా ఏకపక్ష విజయం సాధించి.. తమ స్థాయి ఏమిటో మరోసారి నిరూపించుకుంది. ఈ క్రమంలో ఆర్సీబీ తమ పేరిట పలు రికార్డులు లిఖించుకుంది. అవేమిటంటే..ఆర్సీబీ సాధించిన రికార్డులు ఇవే👉ఐపీఎల్‌ టోర్నీ టైటిల్‌ను వరుసగా రెండేళ్లు గెల్చుకున్న మూడో జట్టు రాయల్‌ చాలెంజర్స్‌ బెంగళూరు. గతంలో చెన్నై సూపర్‌ కింగ్స్‌ (2010, 2011లో), ముంబై ఇండియన్స్‌ (2019, 2020లో) మాత్రమే ఈ ఘనత సాధించాయి.👉ఐపీఎల్‌లో 2011లో ‘ప్లే ఆఫ్స్‌’ ఫార్మాట్‌ మొదలయ్యాక ఇప్పటి వరకు ‘ప్లే ఆఫ్స్‌’లోని క్వాలిఫయర్‌–1 మ్యాచ్‌లో గెలిచిన జట్టే విజేతగా నిలువడం ఇది 13వసారి కావడం విశేషం. చెన్నై (2011, 2018, 2021, 2023లో), కోల్‌కతా (2012, 2014, 2024లో), ముంబై (2015, 2019, 2020లో), బెంగళూరు (2025, 2026), గుజరాత్‌ టైటాన్స్‌ (2022లో) జట్లు ఈ ఘనత సాధించాయి. 👉చెన్నై (5 సార్లు), ముంబై (5 సార్లు), కోల్‌కతా (3 సార్లు) జట్ల తర్వాత ఐపీఎల్‌ టోర్నీ టైటిల్‌ను రెండు లేదా అంతకంటే ఎక్కువసార్లు గెలిచిన నాలుగో జట్టుగా బెంగళూరు నిలిచింది.దిగ్గజాల సరసన రజత్‌ పాటీదార్‌👉ఐపీఎల్‌ టైటిల్‌ను రెండు లేదా అంతకంటే ఎక్కువసార్లు గెలిచిన నాలుగో కెప్టెన్‌ రజత్‌ పాటీదార్‌. గతేడాది (2025) పాటీదార్‌ సారథ్యంలోనే బెంగళూరు తొలిసారి ఐపీఎల్‌ టైటిల్‌ నెగ్గింది. ఈ జాబితాలో ధోని, రోహిత్‌ శర్మ (5 సార్లు చొప్పున), గౌతమ్‌ గంభీర్‌ (2 సార్లు) ఉన్నారు.👉ఒకే వేదికపై రెండుసార్లు ఐపీఎల్‌ టైటిల్‌ సాధించిన మూడో జట్టు బెంగళూరు. 2025లోనూ అహ్మదాబాద్‌లోనే బెంగళూరు టైటిల్‌ నెగ్గింది. ఈ జాబితాలో ముంబై ఇండియన్స్‌ (కోల్‌కతా, ఈడెన్‌గార్డెన్స్‌; 2013, 2015లో; హైదరాబాద్, ఉప్పల్‌ స్టేడియం; 2017, 2019లో), కోల్‌కతా నైట్‌రైడర్స్‌ (చెన్నై, ఎంఎ చిదంబరం స్టేడియం; 2012, 2024లో) ఉన్నాయి.చదవండి: వైభవ్‌ గురించి కోహ్లి ఏమన్నాడంటే!Moments that became memories. Memories that became history. 🏆🎥 Reliving the defining moments of @RCBTweets going back-2️⃣-back in Ahmedabad ❤️#TATAIPL | #Final | #TheFinalLeap | #RCBvGT pic.twitter.com/mHL9U36rB1— IndianPremierLeague (@IPL) June 1, 2026

వన్డే వరల్డ్‌కప్‌-2027లో టీమిండియా మాజీ కెప్టెన్‌, స్టార్‌ ఓపెనర్‌ రోహిత్‌ శర్మ ఆడుతాడా? లేదా? అన్నది ఇప్పుడు ప్రశ్నార్థకంగా మారింది. 39 ఏళ్ల రోహిత్‌ శర్మ ప్రస్తుతం ఫిట్‌నెస్‌ సమస్యలతో సతమవుతున్నాడు. తొడ కండరాల గాయం కారణంగా ఐపీఎల్‌-2026లో రోహిత్‌ కేవలం 9 మ్యాచ్‌లు మాత్రమే ఆడాడు.ఆ తర్వాత పునరాగమనం చేసినప్పటికి పూర్తి ఫిట్‌నెస్‌తో మాత్రం హిట్‌మ్యాన్‌ కనిపించలేదు. కేవలం ఇంపాక్ట్‌ ప్లేయర్‌గా మాత్రమే బరిలోకి దిగాడు. అయితే ఈ జూన్‌లో అఫ్గానిస్తాన్‌తో జరగనున్న వన్డే సిరీస్‌కు రోహిత్‌ను ఎంపిక చేసినప్పటికి, అతడు ఆడేది అనుమానమే. సిరీస్‌ ప్రారంభ సమయానికి పూర్తి ఫిట్‌నెస్‌ సాధిస్తేనే రోహిత్‌ శర్మను జట్టులో కొనసాగించే అవకాశముంది.కాగా వన్డే ప్రపంచకప్‌-2027 టోర్నీ భవిష్యత్తు ప్రణాళికలలో భాగంగా టీమిండియా హెడ్‌ కోచ్‌ గౌతమ్‌ గంభీర్‌ కీలక నిర్ణయం తీసుకున్నట్లు తెలుస్తోంది. రోహిత్ శర్మ స్థానంలో మరొక ముంబై ఆటగాడు, యువ లెఫ్ట్ హ్యాండ్ బ్యాటర్ యశస్వి జైస్వాల్‌ను ఓపెనర్‌గా గంభీర్‌ భావిస్తున్నట్లు 'క్రిక్‌బ్లాగర్' వెబ్‌సైట్ పేర్కొంది.వాస్తవానికి అఫ్గానిస్తాన్‌తో సిరీస్‌కే రోహిత్‌ స్థానంలో జైశ్వాల్‌ను ఎంపిక చేయాలని బీసీసీఐ సెలక్షన్‌ కమిటీ భావించందంట. కానీ రోహిత్‌ శర్మ బోర్డు అధికారులతో ఫోన్‌ చేసి మాట్లడడంతో సెలక్టర్లు తమ నిర్ణయాన్ని మార్చుకున్నారని 'క్రిక్‌బ్లాగర్' వెల్లడించింది.జైస్వాల్ ఎంపికపై సస్పెన్స్కాగా జైశ్వాల్‌ గతేడాది డిసెంబర్‌లో సౌతాఫ్రికాతో జరిగిన వన్డే సిరీస్‌లో భారత్‌ జట్టుకు ప్రాతినిథ్యం వహించాడు. రెగ్యూలర్‌ కెప్టెన్‌ శుభ్‌మన్‌ గిల్‌ గాయం కారణంగా దూరం కావడంతో జైశ్వాల్‌ను సెలక్టర్లు ఎంపిక చేశారు. రోహిత్‌తో కలిసి ఇన్నింగ్స్‌ను జైశూ ప్రారంభించాడు.తొలి రెండు మ్యాచ్‌లలో నిరాశపరిచిన యశస్వి.. వైజాగ్‌ వేదికగా జరిగిన ఆఖరి వన్డేలో మాత్రం శతక్కొట్టాడు. దీంతో జైశ్వాల్‌ను అఫ్గాన్‌తో వన్డేలకు కూడా ఎంపిక చేస్తారని అంతా భావించారు. కానీ సెలక్టర్లు ప్రకటించిన 15 మంది సభ్యుల జట్టులో అతడు పేరు లేదు. ఆఫ్ఘనిస్తాన్‌తో వన్డే సిరీస్‌కు మాత్రమే కాకుండా, శ్రీలంకలో జరగబోయే ముక్కోణపు సిరీస్ కోసం ప్రకటించిన 'ఇండియా-ఎ' జట్టులోనూ జైస్వాల్‌కు చోటు దక్కలేదు. రోహిత్‌ ఫిట్‌నెస్‌ను దృష్టిలో పెట్టుకుని జైశ్వాల్‌ను 'ఇండియా-ఎ' జట్టుకు ఎంపిక చేయకపోయినట్లు తెలుస్తోంది. ఒకవేళ అఫ్గాన్‌తో వన్డేలకు రోహిత్‌ దూరమైతే ఆ స్ధానాన్ని జైశ్వాల్‌ భర్తీ చేయనున్నాడు.ఆఫ్గాన్‌ వన్డే సిరీస్‌కు భారత జట్టుశుభ్‌మన్ గిల్ (కెప్టెన్‌), రోహిత్ శర్మ (ఫిట్‌నెస్‌కు లోబడి), విరాట్ కోహ్లి, శ్రేయాస్ అయ్యర్ (వైస్‌ కెప్టెన్‌), కెఎల్ రాహుల్ (వికెట్‌ కీపర్‌), ఇషాన్ కిషన్ (వికెట్‌), హార్దిక్ పాండ్యా (ఫిట్‌నెస్‌కు లోబడి), నితీష్ కుమార్ రెడ్డి, వాషింగ్టన్ సుందర్, కుల్దీప్ యాదవ్, అర్ష్‌దీప్‌ సింగ్‌, ప్రసిద్ధ్ కృష్ణ, ప్రిన్స్ యాదవ్, గుర్నూర్ బ్రార్, హర్ష్ దూబే.

ఐపీఎల్‌-2026 సీజ‌న్‌లో ఘోర ప్ర‌ద‌ర్శ‌న త‌ర్వాత ముంబై ఇండియ‌న్స్ ఫ్రాంచైజీలో ఊహించ‌ని ప‌రిణామాలు చోటు చేసుకుంటున్నాయి. తీవ్రమైన మానసిక ఒత్తిడి, అంత‌ర్గ‌త విభేదాలు, శారీరక అలసటతో సతమతమవుతున్న ఆ జట్టు కెప్టెన్ హార్దిక్ పాండ్యా.. ముంబై ఫ్రాంచైజీని వీడాల‌ని నిర్ణ‌యించుకున్న‌ట్లు తెలుస్తోంది.ఈ ఏడాది సీజ‌న్ మ‌ధ్య‌లోనే పాండ్యా త‌న నిర్ణ‌యాన్ని టీమ్ మేనెజ్‌మెంట్‌కు తెలియజేసిన‌ట్లు ఐపీఎల్ సీనియర్ అధికారి ఒకరు వెల్లడించారు. ఐపీఎల్‌-2024 సీజన్‌లో ముంబై ఇండియన్స్ యాజమాన్యం రోహిత్ శర్మను తప్పించి మరి తమ జట్టు పగ్గాలను హార్దిక్‌కు అప్పగించింది.కానీ వారి నమ్మకాన్ని పాండ్యా నిలబెట్టుకోలేకపోయాడు. ఆ సీజన్‌లో ముంబై ఇండియన్స్ పాయింట్ల పట్టికలో ఆఖరి స్ధానంలో నిలిచింది. ఆ తర్వాత సీజన్‌లో క్వాలిఫయర్‌-2 వరకు ముంబైని పాండ్యా తీసుకొచ్చాడు. కానీ తాజా ఎడిషన్‌లో మాత్రం పాండ్యా కెప్టెన్‌గా, వ్యక్తిగత ప్రదర్శన పరంగా దారుణంగా విఫలమయ్యాడు. 14 మ్యాచ్‌లు ఆడిన ముంబై ఇండియన్స్ కేవలం నాలుగింట గెలిచి పాయింట్ల పట్టికలో తొమ్మిదో స్ధానానికి పరిమితమైంది. దీంతో ముంబై ఇండియన్స్ యాజమాన్యం కూడా హార్దిక్ కెప్టెన్సీపై అసంతృప్తిలోనే ఉన్నట్లు ప్రచారం జరుగుతోంది.అయితే ఐపీఎల్‌-2027కు ముందు పాండ్యా నేరుగా మెగా వేలంలోకి వస్తాడా? లేదా ట్రేడింగ్ పద్ధతి ద్వారా మరేదైనా జట్టుతో ఒప్పందం కుదుర్చుకుంటాడా అనేది ఇంకా స్ప‌ష్టత లేదు. దీంతో వ‌చ్చే ఏడాది సీజ‌న్‌లో ముంబై ఇండియ‌న్స్ కెప్టెన్ ఎవ‌రన్న‌ది ఇప్పుడు ఆస‌క్తిక‌రంగా మారింది.ఐదు టైటిల్స్‌ను అందించిన రోహిత్ శ‌ర్మ మ‌రోసారి ముంబై జ‌ట్టు ప‌గ్గాల‌ను చేప‌ట్టేందుకు సిద్దంగా లేడ‌ని ఐపీఎల్ వ‌ర్గాలు వెల్ల‌డించాయి. ఈ క్ర‌మంలో ముంబై తదుప‌రి కెప్టెన్ ఎవ‌ర‌న్న విష‌యంపై భార‌త మాజీ క్రికెట‌ర్ వ‌సీం జాఫ‌ర్ త‌న అభిప్రాయాన్ని వెల్ల‌డించాడు."ముంబై ఇండియన్స్‌కు కెప్టెన్‌గా సూర్య‌కుమార్ యాద‌వ్ బెస్ట్ ఛాయిస్‌. మళ్లీ రోహిత్ శర్మను కెప్టెన్‌గా నియమించడం అనేది వెనక్కి అడుగు వేయడమే అవుతుంది. ఎందుకంటే రోహిత్ వ‌య‌స్సును కూడా ప‌రిగ‌ణ‌లోకి తీసుకోవాలి. ప్రస్తుత పరిస్థితుల్లో సూర్యనే బెటర్‌" అని జాఫ‌ర్ త‌న యూట్యూబ్ ఛాన‌ల్‌ల‌లో పేర్కొన్నాడు.చదవండి: IPL 2026: రాజస్తాన్‌ సరికొత్త చరిత్ర.. సన్‌రైజర్స్‌ ఆల్‌టైమ్‌ రికార్డు బ్రేక్‌

టీమిండియా తరఫున అరంగేట్రంలోనే సెంచరీతో చెలరేగాడు యశస్వి జైస్వాల్‌. వెస్టిండీస్‌తో టెస్టులో శతక్కొట్టి జట్టును గెలిపించాడు. ఆ పర్యటనలోనే అంతర్జాతీయ టీ20లలోనూ అడుగుపెట్టాడు.టెస్టుల్లో స్టార్‌ ఓపెనర్‌గా ఎదిగిన జైస్వాల్‌ (Yashasvi Jaiswal).. వన్డే అరంగేట్రానికి మాత్రం రెండేళ్లు ఎదురుచూడాల్సి వచ్చింది. ఎట్టకేలకు గతేడాది సెలక్టర్లు అతడి నిరీక్షణకు తెరదించారు. స్వదేశంలో ఇంగ్లండ్‌తో వన్డే సిరీస్‌కు అతడిని ఎంపిక చేశారు.అజేయ శతకంఈ క్రమంలో ఇంగ్లండ్‌తో తొలి వన్డేలో రోహిత్‌ శర్మకు ఓపెనింగ్‌ జోడీగా బరిలోకి దిగిన జైసూ.. 15 పరుగులకే అవుటయ్యాడు. ఆ తర్వాత మళ్లీ తుదిజట్టులో చోటు దక్కించుకోలేకపోయాడు. అనంతరం సొంతగడ్డపై గతేడాది సౌతాఫ్రికాతో తన చివరి వన్డే ఆడిన ఈ లెఫ్టాండర్‌ బ్యాటర్‌.. అజేయ శతకం (116)తో ఆకట్టుకున్నాడు.ఈ నేపథ్యంలో భారత మాజీ క్రికెటర్‌, కామెంటేటర్‌ సంజయ్‌ మంజ్రేకర్‌ టీమిండియా సెలక్టర్లు, దిగ్గజ ఓపెనర్‌ రోహిత్‌ శర్మను ఉద్దేశించి కీలక వ్యాఖ్యలు చేశాడు. జైస్వాల్‌ను సెలక్టర్లు క్షమాపణ కోరాలని సూచించాడు. స్పోర్ట్స్‌స్టార్‌ పాడ్‌కాస్ట్‌లో మాట్లాడుతూ..సెలక్టర్ల ఆలోచన ఏమిటి?‘‘యశస్వి జైస్వాల్‌ తన చివరి వన్డే ఇన్నింగ్స్‌లో 116 పరుగులతో అజేయంగా నిలిచాడు. అప్పటి నుంచి ఇప్పటిదాకా అతడు మళ్లీ వన్డే ఆడనే లేదు. సెలక్టర్లు 24 ఏళ్ల జైస్వాల్‌కు బదులు.. ఫిట్‌నెస్‌పై స్పష్టత లేని వెటరన్‌ బ్యాటర్‌ (రోహిత్‌ శర్మ) వైపు మొగ్గుచూపుతున్నారు.అతడు ఇప్పుడు ఫామ్‌లో కూడా లేడు. దీని వెనుక ఉన్న లాజిక్‌ ఏమిటో నాలాంటి వాళ్లకు కాస్త అర్థమయ్యేలా వివరించండి. అసలు వన్డే వరల్డ్‌కప్‌-2027 సన్నద్ధత విషయంలో సెలక్టర్ల ఆలోచన ఏమిటి?ఫోన్‌ చేసి మరీ క్షమాపణలు చెప్పాలిరోహిత్‌ శర్మ విషయంలో వాళ్లు రాజీ పడాల్సి వచ్చిందో.. లేదంటే ఇంకెందుకు అతడిని కొనసాగిస్తున్నారో నాకైతే తెలియదు. ఏదేమైనా వాళ్లు జైస్వాల్‌కు ఫోన్‌ చేసి మరీ క్షమాపణలు చెప్పాలి. కఠినమైన టెస్టు ఫార్మాట్లో ఈ యువ ఆటగాడు ఎన్నో అద్భుత విజయాలు అందించాడు.24 ఏళ్ల వయసులోపే ఎన్నెన్నో శతకాలు బాదాడు. అతడి బంగారు భవిష్యత్తును ప్రశ్నార్థకం చేయకండి. విరాట్‌ కోహ్లి విషయం పక్కనపెడితే.. రోహిత్‌ శర్మను ఇంకెందుకు కొనసాగిస్తున్నారు?రోహిత్‌ ఇంకెందుకు?అజిత్‌ అగార్కర్‌ టీమిండియా విషయంలో సరైన నిర్ణయాలు తీసుకుంటున్నాడని నాకైతే అనిపించడం లేదు. ఇప్పటికీ రోహిత్‌ మాత్రమే వన్డేల్లో కీలక ఓపెనర్‌ అని భావిస్తున్నారా? అతడికి బదులు జైస్వాల్‌ లేదంటే సాయి సుదర్శన్‌కు అవకాశం ఇవ్వొచ్చు కదా!’’ అని సంజయ్‌ మంజ్రేకర్‌ చెప్పుకొచ్చాడు.కాగా వన్డే వరల్డ్‌కప్‌-2023లో కెప్టెన్‌గా టీమిండియాను ఫైనల్‌కు చేర్చిన రోహిత్‌ శర్మ.. ఐసీసీ చాంపియన్స్‌ ట్రోఫీ-2025లో విజేతగా నిలిపాడు. అయితే, ఆ తర్వాత అనూహ్య రీతిలో మేనేజ్‌మెంట్‌ అతడిని కెప్టెన్సీ నుంచి తప్పించి.. పగ్గాలు శుబ్‌మన్‌ గిల్‌కు అప్పగించింది. అతడి సారథ్యంలో భారత్‌ ఇప్పటికి ఒక్క సిరీస్‌ గెలవలేదు.ఇదిలా ఉంటే.. ఐపీఎల్‌-2026 ముగిసిన తర్వాత టీమిండియా స్వదేశంలో అఫ్గనిస్తాన్‌తో ఓ టెస్టు, మూడు వన్డేలు ఆడుతుంది. వన్డే సిరీస్‌లో ఫిట్‌నెస్‌కు లోబడి రోహిత్‌ శర్మ ఆడతాడని సెలక్టర్లు స్పష్టం చేశారు. ఈ జట్టులో జైస్వాల్‌కు చోటు దక్కలేదు. చదవండి: మేము ఇక్కడిదాకా రావటమే గొప్ప: రియాన్‌ పరాగ్‌

మాజీ చాంపియన్‌ ముంబై ఇండియన్స్‌కు మరోసారి ఘోర పరాభవం ఎదురైంది. ఐపీఎల్‌-2026లో గ్రూప్‌ దశలో పద్నాలుగు మ్యాచ్‌లకు గానూ ముంబై.. కేవలం నాలుగు మ్యాచ్‌లే గెలిచింది. ఫలితంగా ఎనిమిది పాయింట్లతో తొమ్మిదో స్థానంలో నిలిచింది.ఐదుసార్లు చాంపియన్‌కాగా రోహిత్‌ శర్మ (Rohit Sharma) కెప్టెన్సీలో ముంబై గతంలో ఏకంగా ఐదుసార్లు చాంపియన్‌గా నిలిచిన సంగతి తెలిసిందే. అయినప్పటికీ 2024లో అతడిని సారథ్య బాధ్యతల నుంచి తప్పించింది యాజమాన్యం. అతడి స్థానంలో... గుజరాత్‌ టైటాన్స్‌ను విజేతగా (2022) నిలిపిన తమ మాజీ ఆటగాడు హార్దిక్‌ పాండ్యాను తిరిగి జట్టులోకి తీసుకుంది. అంతేకాదు కెప్టెన్‌గానూ బాధ్యతలు అప్పగించింది.ఘోర పరాభవంముంబై ఇండియన్స్‌ సారథిగా తొలి ప్రయత్నంలోనే హార్దిక్‌ ఘోర పరాభవం చవిచూశాడు. సొంత జట్టు అభిమానుల నుంచే తీవ్ర వివక్ష ఎదుర్కోవడంతో పాటు.. జట్టును మరీ దారుణంగా చిట్టచివరన పదో స్థానంలో నిలిపాడు. అయితే, ఆ తర్వాత టీ20 ప్రపంచకప్‌-2024లో టీమిండియా చాంపియన్‌గా నిలవడంలో కీలక పాత్ర పోషించడంతో హార్దిక్‌పై నెగిటివిటీ కాస్త తగ్గింది.గతేడాది ప్లే ఆఫ్స్‌ చేరినా.. అదే జోరులో 2025లో ముంబైని ప్లే ఆఫ్స్‌ చేర్చాడు హార్దిక్‌ పాండ్యా. అయితే, తాజా ఎడిషన్‌లో మళ్లీ పాత కథే పునరావృతమైంది. ఈసారి కెప్టెన్‌గా.. ఆల్‌రౌండర్‌గా అతడు పూర్తిగా విఫలమయ్యాడు. వెన్నునొప్పి కారణంగా నాలుగు మ్యాచ్‌లకు దూరమైన హార్దిక్‌.. 10 మ్యాచ్‌లు ఆడి 206 పరుగులు చేయడంతో పాటు.. కేవలం నాలుగు వికెట్లు తీశాడు.ఈ నేపథ్యంలో హార్దిక్‌ పాండ్యాపై అంబానీల సారథ్యంలోని యాజమాన్యం గుర్రుగా ఉన్నట్లు తెలుస్తోంది. ఇరువర్గాల మధ్య అభిప్రాయ భేదాలు తారస్థాయికి చేరుకున్నట్లు సమాచారం. ఈ విషయం గురించి ముంబై ఇండియన్స్‌ సన్నిహిత వర్గాలు ఎన్డీటీవీకి కీలక విషయాలు వెల్లడించాయి.ముంబై తప్పు తెలుసుకుంది‘‘ముంబై ఇండియన్స్‌ యాజమాన్యం తమ తప్పును తెలుసుకుంది. అయితే, రోహిత్‌ శర్మ తిరిగి పగ్గాలు చేపట్టేందుకు ఏమాత్రం సిద్ధంగా లేడు. కానీ.. అతడి ఆశీర్వాదం ఉన్న వ్యక్తే ముంబై ఇండియన్స్‌ తదుపరి కెప్టెన్‌ అవుతాడనడంలో సందేహం లేదు. రోహిత్‌ సూచించిన ఆటగాడికే కెప్టెన్సీ దక్కే అవకాశం ఉంది’’ అని సదరు వర్గాలు పేర్కొన్నాయి.ఇదిలా ఉంటే.. హార్దిక్‌ పాండ్యా సైతం ముంబైని వీడే ప్రయత్నాల్లో ఉన్నట్లు సంకేతాలు ఇస్తున్నాడు. ఇటీవల తన ఫోన్‌ స్క్రీన్‌పై ‘07:07’ టైమ్‌ను షేర్‌ చేయడంతో.. అతడు చెన్నై సూపర్‌ కింగ్స్‌లో చేరబోతున్నాడని నెటిజన్లు భావించారు.మేనేజ్‌మెంట్‌తో సంబంధాలు దెబ్బతింటేఈ విషయం గురించి కూడా సదరు వర్గాలు స్పందించాయి. ‘‘హార్దిక్‌ కచ్చితంగా ట్రాన్స్‌ఫర్‌ కోరుకుంటాడు. కేవలం కెప్టెన్సీ విషయంలోనే కాదు.. వ్యక్తిగతంగానూ అతడు జట్టుకు దూరమవ్వాలని కోరుకుంటున్నాడు.ఒక కంపెనీలో ఉద్యోగం చేస్తున్నపుడు మేనేజ్‌మెంట్‌తో సంబంధాలు దెబ్బతింటే ఎవరైనా ఇలాగే చేస్తారు కదా!.. ఆటగాళ్లు కూడా ఇందుకు మినహాయింపు కాదు’’ అని ముంబై ఇండియన్స్‌ సన్నిహిత వర్గాలు పేర్కొన్నాయి.చదవండి: GT vs RR: వర్షం వల్ల మ్యాచ్‌ రద్దైతే?

ఐపీఎల్ 2026 సీజన్‌లో ఆర్సీబీ కెప్టెన్ రజత్ పాటీదార్ ఆ జట్టును వరుసగా రెండో ఏడాది ఫైనల్ చేర్చడంలో సఫలమయ్యాడు. నాయకుడంటే ముందుండి నడిపించాలి. ఆ మాటలను ఇవాళ పాటీదార్ అక్షరాలా చేసి చూపించాడు. మొదట తన అద్భుత బ్యాటింగ్‌తో జట్టు భారీ స్కోరు సాధించడంలో పాటీదార్ కీలకపాత్ర పోషించి షాన్‌దార్‌గా నిలిచాడు. త్రుటిలో సెంచరీ చేజారినా, బ్యాటింగ్‌లో పొరపాట్లు ఉన్నా సరే, అతడి విలువైన ఇన్నింగ్స్‌ దానిని మర్చిపోయేలా చేసింది. ఈ నేపథ్యంలో వరుసగా తన టీమ్‌ను రెండోసారి ఫైనల్‌ చేర్చిన అతను మరో టైటిల్‌ అందిస్తే చరిత్రలో నిలిచిపోతాడనడంలో సందేహం లేదు. గుజరాత్‌పై విజయంతో ఐపీఎల్‌లో ఒక జట్టును వరుసగా రెండుసార్లు ఫైనల్ చేర్చిన కెప్టెన్ల జాబితాలో పాటీదార్ చేరిపోయాడు. గతంలో ఎంఎస్ ధోని (సీఎస్‌కే, 2010, 2011), రోహిత్ శర్మ (ముంబై ఇండియన్స్ 2019, 2020), హార్దిక్ పాండ్యా ( గుజరాత్ టైటాన్స్ 2022, 2023), శ్రేయస్ అయ్యర్ (2024లో కేకేఆర్‌, 2025లో పంజాబ్‌) ఈ ఘనత సాధించారు.స్లో పాయిజన్ బ్యాటింగ్‌..రజత్ పాటీదార్ బ్యాటింగ్ స్టైల్ స్లో పాయిజన్ అని చెప్పొచ్చు. స్లో పాయిజన్‌ మెళ్లిగా ఎక్కినా బలంగా ప్రభావం చూపుతుంది. అదే తరహాలో ముందు స్లోగా ఆడడం.. ఒకసారి కుదురుకున్నాక అతడి విధ్వంసాన్ని కళ్లకు కట్టినట్లు చూపించడం పాటీదార్ స్టైల్‌. 2025 సీజన్‌లో బ్యాటింగ్‌లో కూడా ఫర్వాలేదనిపించే ప్రదర్శన (143.77 స్ట్రైక్‌రేట్‌తో 312 పరుగులు) చేసిన అతను ఈసారి మరింతగా చెలరేగిపోయాడు. టైటిల్‌ సాధించిన నాయకుడిగా వచ్చిన‌ ఆత్మవిశ్వాసం కావచ్చు తాజా సీజన్‌లో అతను అసాధారణ బ్యాటింగ్‌ను ప్రదర్శిస్తున్నాడు. తాను ఎదుర్కొన్న 247 బంతుల్లో అతను 486 పరుగులు (5 అర్ధసెంచరీలు) సాధించాడు. వీటిలో 29 ఫోర్లు, 41 సిక్సర్ల ద్వారానే 362 పరుగులు రాబట్టడం అతని బ్యాటింగ్‌ ధాటి ఏమిటో చూపించింది. మంగళవారం మ్యాచ్‌లో అతను అద్భుత షాట్లతో ఆకట్టుకున్నాడు. ఆరుగురు ప్రత్యర్థి బౌలర్లను ఎదుర్కొన్న అతనూ ఎవరినీ వదలకుండా అందరి బౌలింగ్‌లో సిక్సర్లు బాదాడు. కుల్వంత్‌ ఓవర్లో దూకుడు ప్రదర్శించిన తర్వాత రషీద్‌ ఓవర్లో అతను 2 భారీ సిక్స్‌లు కొట్టాడు. వీటిలో ఎక్స్‌ట్రా కవర్‌ మీదుగా కొట్టిన సిక్స్‌ మ్యాచ్‌కే హైలైట్‌గా నిలిచింది. రబాడ ఓవర్లోనూ రెండు సిక్స్‌లు కొట్టిన అతను 21 బంతుల్లోనే హాఫ్‌ సెంచరీని అందుకున్నాడు. సిరాజ్‌ ఓవర్లో వరుసగా 6, 4 బాదిన అతను ప్రసిధ్‌ వేసిన ఆఖరి ఓవర్లోనూ 2 సిక్స్‌లు కొట్టాడు. ఇలా కెప్టెన్‌గా, ఆటగాడిగా సూపర్ సక్సెస్ అయిన రజత్ పాటీదార్ తొందరలో టీమిండియా గడప కూడా తొక్కే అవకాశం లేకపోలేదు.Captains who led their teams into back to back IPL Finals:- MS Dhoni (2010, 2011). - Rohit Sharma (2019, 2020). - Hardik Pandya (2022, 2023). - Shreyas Iyer (2024, 2025). - Rajat Patidar (2025, 2026). pic.twitter.com/2evHNpBfQK— Mufaddal Vohra (@mufaddal_vohra) May 26, 2026Breathtaking Batting 🤯🎥 Rajat Patidar leaving the best in the business awestruck 😳❤️Updates ▶️ https://t.co/9rs6u5obOw#TATAIPL | #Qualifier1 | #TheFinalLeap | #RCBvGT | @RCBTweets pic.twitter.com/5BFUDFTHH1— IndianPremierLeague (@IPL) May 26, 2026చదవండి: ‘క్రెడిట్‌ నాది కాదు.. మ్యాచ్‌ను గెలిపించింది వాళ్లే!’

ఐపీఎల్ 2026 సీజ‌న్‌లో భాగంగా రాజ‌స్తాన్ రాయ‌ల్స్‌తో మ్యాచ్‌లో ముంబై ఇండియ‌న్స్ స్టార్ రోహిత్ శ‌ర్మ నిరాశ‌ప‌రిచాడు. జోఫ్రా ఆర్చ‌ర్ బౌలింగ్‌లో ధ్రువ్ జురేల్‌కు క్యాచ్ ఇచ్చిన‌ రోహిత్ డ‌కౌట్‌గా వెనుదిరిగాడు. దీంతో రోహిత్ శ‌ర్మ అత్యంత చెత్త రికార్డు మూట‌గ‌ట్టుకున్నాడు. ఈ డకౌట్‌తో ఐపీఎల్ హిస్టరీలో అత్యధిక సార్లు సున్నా పరుగులకే అవుట్ అయిన ఆటగాడిగా గ్లెన్ మాక్స్‌వెల్‌తో కలిసి రోహిత్ శర్మ సంయుక్తంగా అగ్రస్థానంలో కొనసాగుతున్నాడు. రోహిత్ శర్మ ఐపీఎల్‌లో ఇప్పటివరకు మొత్తం 19 సార్లు డకౌట్ అయ్యాడు. ఐపీఎల్ చరిత్రలో అత్యధిక సార్లు డకౌట్ అయిన ఆటగాళ్ల జాబితాను పరిశీలిస్తే.. రాయల్ ఛాలెంజర్స్ బెంగళూరుకు చెందిన గ్లెన్ మాక్స్‌వెల్‌ కూడా 19 డకౌట్లతో రోహిత్ శర్మతో పాటే మొదటి స్థానంలో కొనసాగుతున్నాడు. వీరి తర్వాత దినేష్ కార్తీక్, సునీల్ నరైన్ చెరో 18 డకౌట్లతో రెండో స్థానంలో ఉన్నారు. అలాగే స్పిన్ బౌలర్లు పియూష్ చావ్లా, రషీద్ ఖాన్ లు కూడా చెరో 16 సార్లు సున్నా పరుగులకే అవుట‌య్యి ఆ త‌ర్వాతి స్థానాల్లో కొన‌సాగుతున్నారు.మ్యాచ్ విష‌యానికొస్తే ముంబై ఇండియ‌న్స్‌పై రాజ‌స్తాన్ రాయ‌ల్స్ 30 ప‌రుగుల తేడాతో విజ‌యాన్ని అందుకుంది. తొలుత బ్యాటింగ్ చేసిన రాజ‌స్తాన్ రాయ‌ల్స్ 20 ఓవ‌ర్ల‌లో 8 వికెట్ల న‌ష్టానికి 205 ప‌రుగులు చేసింది. అనంత‌రం ముంబై ఇండియ‌న్స్ 20 ఓవ‌ర్ల‌లో 9 వికెట్ల న‌ష్టానికి 175 ప‌రుగుల‌కు ప‌రిమిత‌మైంది. ముంబైపై విజ‌యంతో రాజ‌స్తాన్ ప్లేఆఫ్స్ చేరుకోగా ఎన్నో ఆశ‌లు పెట్టుకున్న పంజాబ్‌, కేకేఆర్‌లు కూడా లీగ్ ద‌శ‌లోనే ఇంటిబాట ప‌ట్టాయి.చదవండి: 'మోసగాడు.. వచ్చాడు 18 కోట్లు ప‌ట్టుకెళ్లాడు!'

ముంబై ఇండియ‌న్స్ స్టార్ క్రికెట‌ర్ రోహిత్ శ‌ర్మ త‌న అభిమానికి క్ష‌మాప‌ణ చెప్ప‌డం సోష‌ల్ మీడియాలో వైర‌ల్‌గా మారింది. విష‌యంలోకి వెళితే.. ముంబై ఇండియ‌న్స్ గ‌త మ్యాచ్‌ను ఈడెన్ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌తో ఆడింది. పూర్తి వ‌న్‌సైడ్‌గా జ‌రిగిన ఈ మ్యాచ్‌లో ముంబై 4 వికెట్ల తేడాతో ఓట‌మి చ‌విచూసింది. కేకేఆర్‌కు సొంత స్టేడియం కావ‌డంతో ఆ జ‌ట్టుకు భారీగా అభిమానులు వ‌చ్చిన‌ప్ప‌టికీ, ముంబై ఇండియ‌న్స్ ఫ్యాన్స్ కూడా కొంత‌మంది ఉన్నారు. ఈ నేప‌థ్యంలో మ్యాచ్ ముగిసిన త‌ర్వాత చాలా మంది అభిమానులు ముంబై ఇండియ‌న్స్ బ‌స చేసే హోట‌ల్ ముందు ఆట‌గాళ్ల కోసం నిరీక్షించారు. ముఖ్యంగా రోహిత్ శ‌ర్మను చూడ‌డం కోసం చాలాసేపు ఎదురుచూశారు. అందులోనే ఒక చిన్న అమ్మాయి కూడా ఉంది. రోహిత్ బ‌య‌ట‌కు వ‌చ్చినప్ప‌టికీ ఆ అమ్మాయిని ప‌ట్టించుకోలేదు. దీంతో ఆ అమ్మాయి ఎమోష‌న‌ల్ అయ్యి ఏడ్వ‌డం ప్రారంభించింది. దీనిని వీడియో తీసిన కొంద‌రు అభిమానులు సోష‌ల్ మీడియాలో షేర్ చేశారు. వీడియోను చూసిన రోహిత్ శ‌ర్మ వెంట‌నే క్ష‌మాప‌ణ‌తో కూడిన వీడియో సందేశాన్ని విడుద‌ల చేశారు. 'టెన్ష‌న్‌, గంద‌ర‌గోళం మ‌ధ్య వీటన్నింటిని ప‌ట్టించుకోవ‌డం కాస్త క‌ష్ట‌మ‌ని రోహిత్ తెలిపాడు. అయితే నాకోసం నిరీక్షించిన చిన్న అమ్మాయిని క‌ల‌వ‌క‌పోడం బాధ‌గా అనిపించింది. నా చ‌ర్య ప‌ట్ల క్ష‌మాప‌ణ చెబుతున్నా. మ‌రో విష‌యం ఏంటంటే ఈసారి ఎప్పుడు కోల్‌క‌తాకు వ‌చ్చినా ఆ అమ్మాయిని వ్య‌క్తిగ‌తంగా క‌లిసి మాట్లాడుతాన‌ని అంద‌రికీ వాగ్దానం చేస్తున్నా.' అని రోహిత్ శ‌ర్మ‌ చెప్పుకొచ్చాడు. రోహిత్ ఒక అభిమానికి ఇలా క్ష‌మాప‌ణ చెబుతూ ప్ర‌త్యేకంగా వీడియో విడుద‌ల చేయ‌డంపై అభిమానులు తెగ సంతోష‌ప‌డిపోయారు. 'రోహిత్ త‌నను ఇష్ట‌ప‌డే వ్య‌క్తుల‌ను ఎప్పుడు బాధ‌పెట్ట‌డానికి ఇష్ట‌ప‌పడ‌డ‌ని' కామెంట్లు చేస్తున్నారు. కేకేఆర్‌తో మ్యాచ్‌లో రోహిత్ శర్మ పెద్దగా రాణించ‌లేక‌పోయాడు. 13 బంతుల్లో 15 ప‌రుగులు మాత్ర‌మే చేసిన రోహిత్ సౌర‌భ్ దూబే బౌలింగ్‌లో వెనుదిరిగాడు. ఈ సీజ‌న్‌లో గాయంతో ప‌లు మ్యాచ్‌లకు దూర‌మైన రోహిత్ 8 మ్యాచ్‌ల్లో 283 ప‌రుగులు సాధించాడు. ఇందులో రెండు అర్థ‌సెంచ‌రీలున్నాయి. మ్యాచ్ విష‌యానికొస్తే తొలుత బ్యాటింగ్ చేసిన ముంబై ఇండియ‌న్స్ 20 ఓవ‌ర్ల‌లో 8 వికెట్ల న‌ష్టానికి 147 ప‌రుగులు చేసింది. కెప్టెన్ పాండ్యా (26) టాప్ స్కోర‌ర్‌గా నిలిచాడు.అనంత‌రం కేకేఆర్ స్వ‌ల్ప టార్గెట్‌ను ఛేదించడానికి క‌ష్ట‌ప‌డిన‌ప్ప‌టికీ మ‌నీష్ పాండే, రోవ్‌మెన్ పావెల్ మ‌ధ్య 64 ప‌రుగుల భాగ‌స్వామ్యం కేకేఆర్‌ను విజ‌య‌తీరాల‌కు చేర్చింది. ఇప్ప‌టికే సీజ‌న్ నుంచి నిష్క్ర‌మించిన ముంబై ఇండియ‌న్స్ 13 మ్యాచ్‌ల్లో 8 పాయింట్ల‌తో 9వ స్థానంలో ఉంది. ముంబై త‌మ చివ‌రి లీగ్ మ్యాచ్‌ను రాజ‌స్తాన్ రాయ‌ల్స్‌తో ఆడ‌నుంది.Rohit Sharma apologized to the fangirl who started crying at Eden Gardens after not being able to meet him. Rohit made a special video for her and said sorry, and he also promised that he would meet her the next time he comes to Kolkata.🥹❤️bRO doesn’t disappoint his fans.🙌 pic.twitter.com/NA5FR9AlMM— 𝐑𝐮𝐬𝐡𝐢𝐢𝐢⁴⁵ (@rushiii_12) May 23, 2026చదవండి: ఎస్‌ఆర్‌హెచ్ త్రిమూర్తుల అరుదైన ఫీట్‌!

భారత క్రికెట్‌లో సరికొత్త సంచలనం వైభవ్‌ సూర్యవంశీ. గతేడాది ఐపీఎల్‌లో అరంగేట్రం చేసిన ఈ బిహారీ పిల్లాడు.. ఫాస్టెస్ట్‌ సెంచరీ (35 బంతుల్లో)తో దుమ్ములేపాడు. ఆ తర్వాత భారత అండర్‌-19 జట్టు తరఫున, వరల్డ్‌కప్‌-2025లో సత్తా చాటాడు.గాలివాటం కాదుప్రపంచకప్‌ ఫైనల్లో భారీ విధ్వంసకర శతకం (80 బంతుల్లో 175)తో రాణించిన వైభవ్‌.. భారత్‌ ట్రోఫీ గెలవడంలో కీలక పాత్ర పోషించాడు. ఇక ఐపీఎల్‌-2026లోనూ రాజస్తాన్‌ రాయల్స్‌ ఓపెనర్‌గా దుమ్ములేపుతున్నాడు. పదమూడు మ్యాచ్‌లలో కలిపి 579 పరుగులు సాధించాడు. తద్వారా తన ప్రదర్శనలు గాలివాటం కాదని నిరూపించుకున్నాడు.భారత్‌-‘ఎ’ జట్టులో చోటుఈ నేపథ్యంలో పదిహేనేళ్ల వైభవ్‌ సూర్యవంశీని టీమిండియాకు ఎంపిక చేయాలనే డిమాండ్లు పెరుగుతున్నాయి. అయితే, బీసీసీఐ మాత్రం తొలుత అతడిని భారత్‌-‘ఎ’ జట్టులో ఆడించాలని నిర్ణయించింది. శ్రీలంకలో జరిగే ముక్కోణపు వన్డే సిరీస్‌కు అతడిని ఎంపిక చేసింది. లంక, అఫ్గన్‌ ‘ఎ’ జట్లతో తలపడే ఈ జట్టుకు తిలక్‌ వర్మ కెప్టెన్‌.రోహిత్‌కు గండంఇదిలా ఉంటే.. వన్డే వరల్డ్‌కప్‌-2027 టోర్నీకి ఇప్పటి నుంచే ఓపెనింగ్‌ జోడీపై టీమిండియా యాజమాన్యం కసరత్తులు చేస్తున్నట్లు తెలుస్తోంది. దిగ్గజ ఓపెనర్‌ రోహిత్‌ శర్మను ఫిట్‌నెస్‌ కారణాల దృష్ట్యా టోర్నీ నుంచి తప్పించాలని సెలక్టర్లు భావిస్తున్నట్లు ఇటీవల వార్తలు వచ్చాయి.ఈ క్రమంలో కెప్టెన్‌ శుబ్‌మన్‌ గిల్‌కు జోడీగా ఇషాన్‌ కిషన్‌ను ఆడిస్తూ.. బ్యాకప్‌ ఓపెనర్‌గా యశస్వి జైస్వాల్‌ను ఎంపిక చేస్తారనే అభిప్రాయాలు వ్యక్తమయ్యాయి. ఇందుకు తగ్గట్లుగానే అఫ్గన్‌తో స్వదేశంలో జరిగే వన్డే సిరీస్‌కు ఇషాన్‌ ఎంపికయ్యాడు.జైసూ ఎదురుచూపులుఇక రోహిత్‌ శర్మ ఫిట్‌నెస్‌కు లోబడి.. ఈ సిరీస్‌లో ఆడతాడని బీసీసీఐ తెలిపింది. మరోవైపు.. అఫ్గన్‌తో ఏకైక టెస్టుకు ఎంపికైన యశస్వి జైస్వాల్‌ను వన్డేల నుంచి మాత్రం పక్కనపెట్టారు. ఈ నేపథ్యంలో వైభవ్‌ సూర్యవంశీకి సంబంధించిన ఓ వార్త సంచలనంగా మారింది.శ్రీలంకలో భారత్‌-‘ఎ’ జట్టు తరఫున గనుక నిలకడగా రాణిస్తే.. వన్డే వరల్డ్‌కప్‌-2027 నేపథ్యంలో వైభవ్‌ పేరును సెలక్టర్లు పరిగణనలోకి తీసుకుంటారన్నది దాని సారాంశం. ఈ విషయం గురించి బీసీసీఐ సన్నిహిత వర్గాలు క్రిక్‌బ్లాగర్‌తో మాట్లాడుతూ..ఫామ్‌ కొనసాగిస్తే వన్డే వరల్డ్‌కప్‌ జట్టులో చోటు‘‘వైభవ్‌ సూర్యవంశీ త్వరలోనే టీమిండియాకు ఆడబోతున్నాడు. భారత్‌-ఎ తరఫున అతడి ప్రదర్శనను బట్టి ఎంత త్వరగా జాతీయ జట్టులోకి వస్తాడన్నది తెలుస్తుంది. సెలక్టర్లు అతడి ఆట తీరును నిశితంగా గమనిస్తున్నారు. అతడు ఇలాగే నిలకడగా ఆడుతూ.. ఫామ్‌ కొనసాగిస్తే వన్డే వరల్డ్‌కప్‌-2027 ఆడే భారత జట్టులో చోటు దక్కించుకోవడం పెద్ద కష్టమేమీ కాదు. అతడికి ఆకాశమే హద్దు’’ అని పేర్కొన్నాయి. కాగా ఒకవేళ 15 ఏళ్ల వైభవ్‌ గనుక ఊహించని రీతిలో ఈ జట్టులోకి వస్తే నిజంగా అదొక సంచలనమే అవుతుంది.చదవండి: ‘నేను పుట్టకముందు సచిన్‌ అరంగేట్రం.. ఆ రికార్డు బద్దలు కొడతా’

టీమిండియా దిగ్గజ బ్యాటర్‌ రోహిత్‌ శర్మ భవితవ్యంపై మరోసారి ఊహాగానాలు ఊపందుకున్నాయి. భారత్‌కు రెండు ప్రపంచకప్‌ ట్రోఫీలు అందించిన ఈ మాజీ కెప్టెన్‌.. వన్డే వరల్డ్‌కప్‌-2027లో పాల్గొనడంపై సందేహాలు నెలకొన్నాయి. భారత క్రికెట్‌ నియంత్రణ మండలి (BCCI) సన్నిహిత వర్గాలు తాజాగా వెల్లడించిన వివరాలే ఇందుకు కారణం.టైటిల్‌ గెలిచిన తర్వాత వేటు ఐసీసీ చాంపియన్స్‌ ట్రోఫీ-2025 గెలిచిన తర్వాత అనూహ్య రీతిలో రోహిత్‌ శర్మ (Rohit Sharma)ను వన్డే కెప్టెన్సీ నుంచీ తప్పించింది బీసీసీఐ. ప్రస్తుతం కేవలం యాభై ఓవర్ల ఫార్మాట్‌లోనే హిట్‌మ్యాన్‌ కొనసాగుతున్న సంగతి తెలిసిందే. అయినప్పటికీ ఐసీసీ టైటిల్‌ గెలిచిన తర్వాత అతడిపై వేటు వేసింది యాజమాన్యం.ప్రస్తుతం కేవలం బ్యాటర్‌గా కొనసాగుతున్న 39 ఏళ్ల రోహిత్‌ శర్మ ఊహించని రీతిలో సన్నబడ్డాడు. దాదాపు పది కిలోలకు పైగా బరువు తగ్గి ఆస్ట్రేలియా గడ్డపై వన్డేల్లో సత్తా చాటాడు. స్వదేశంలోనూ మెరుగైన ప్రదర్శనలతో ఆకట్టుకున్నాడు.ఫిట్‌నెస్‌ సమస్యలుఇదిలా ఉంటే.. అంతర్జాతీయ పొట్టి ఫార్మాట్‌కు వీడ్కోలు పలికినప్పటికీ ఐపీఎల్‌లో రోహిత్‌ శర్మ కొనసాగుతున్న సంగతి తెలిసిందే. ముంబై ఇండియన్స్‌తో కొనసాగుతున్న అతడు 2026 సీజన్‌లో తొడ కండరాల గాయం వల్ల కొన్ని మ్యాచ్‌లకు దూరమయ్యాడు.ఈ నేపథ్యంలో అఫ్గనిస్తాన్‌తో స్వదేశంలో జరిగే వన్డే సిరీస్‌కు సెలక్టర్లు అతడిని ఎంపిక చేసినప్పటికీ.. ఫిట్‌నెస్‌కు లోబడి ఈ సిరీస్‌లో పాల్గొంటాడని స్పష్టం చేశారు. ఈ క్రమంలో టైమ్స్‌ ఆఫ్‌ ఇండియా ఓ సంచలన కథనం వెలువరించింది.బాగా సన్నబడ్డాడు.. కానీ రోహిత్‌ భవిష్యత్‌ గురించి బీసీసీఐ వర్గాలు మాట్లాడుతూ.. ‘‘బీసీసీఐ సెంటర్‌ ఆఫ్‌ ఎక్సలెన్స్‌కు గత మూడు వారాల్లో రోహిత్‌ ఎప్పుడూ రిపోర్టు చేయలేదు. అతడు బాగా సన్నబడ్డాడు. కానీ ప్రస్తుత పరిస్థితుల్లో అతడి శరీరం యాభై ఓవర్ల ఫార్మాట్‌కు సిద్ధంగా ఉందా? లేదా? అన్న అంశంపై ఆందోళన నెలకొంది.జట్టులో ఉంటే అతడు యాభై ఓవర్ల పాటు ఫీల్డింగ్‌ చేయాల్సి ఉంటుంది. ఐపీఎల్‌ మాదిరి వన్డే క్రికెట్‌లో ఇంపాక్ట్‌ ప్లేయర్‌ ఆప్షన్‌ లేదు కదా!.. నలభై ఏళ్ల వయసుకు దగ్గరపడుతున్న తరుణంలో రోహిత్‌ శరీరం ఎలా స్పందిస్తుందన్నది ముఖ్యం.రోహిత్‌కు బై.. బై!.. జైసూకు లైన్‌ క్లియర్‌!నిజానికి వరల్డ్‌కప్‌ టోర్నీకి ముందు ఆడే వన్డేల సంఖ్య కూడా తక్కువగానే ఉంది. కాబట్టి రోహిత్‌కు ప్రత్యామ్నాయంగా బ్యాకప్‌ ఓపెనర్‌గా యశస్వి జైస్వాల్‌ను సిద్ధం చేయాల్సి ఉంది. ఇషాన్‌ కిషన్‌ ఇప్పటికే వన్డే జట్టులోకి వచ్చాడు.అతడు కూడా ఓపెనింగ్‌ చేయగలడు. వన్డే వరల్డ్‌కప్‌ జట్టులో రోహిత్‌ ఫిట్‌నెస్‌ కారణాల దృష్ట్యా చోటు దక్కించుకోలేకపోయినా.. శుబ్‌మన్‌ గిల్‌ లేదంటే యశస్వి జైస్వాల్‌ గాయపడినా మరో బ్యాకప్‌ ఓపెనర్‌ను కూడా సిద్ధం చేసుకుంటే బాగుంటుంది’’ అని తెలిపినట్లు సదరు కథనం పేర్కొంది. అగార్కర్‌ సంకేతాలుకాగా చాలా ఏళ్లుగా.. మాజీ కెప్టెన్‌ రోహిత్‌ శర్మ- ప్రస్తుత సారథి శుబ్‌మన్‌ గిల్‌ భారత వన్డే జట్టు ఓపెనింగ్‌ జోడీగా కొనసాగుతున్న సంగతి తెలిసిందే. ఇదిలా ఉంటే.. చిచ్చర పిడుగు వైభవ్‌ సూర్యవంశీ గురించి చీఫ్‌ సెలక్టర్‌ అజిత్‌ అగార్కర్‌ ఇటీవల స్పందించే క్రమంలో ఆసక్తికర వ్యాఖ్యలు చేశాడు. వైభవ్‌ కంటే ముందు ఓపెనర్‌గా యశస్వి జైస్వాల్‌కే తాము ప్రాధాన్యం ఇస్తామని స్పష్టం చేశాడు. తద్వారా రోహిత్‌కు ఉద్వాసన పలికి.. జైసూను బ్యాకప్‌ ఓపెనర్‌గా ఎంపిక చేస్తామనే సంకేతాలు ఇచ్చాడని విశ్లేషకులు అభిప్రాయపడుతున్నారు.చదవండి: హార్దిక్‌ పాండ్యాను శిక్షించిన బీసీసీఐ

ఐపీఎల్ 2026 సీజ‌న్‌లో వేర్వేరు జట్ల‌లో ఆడుతున్న టీమిండియా ఆట‌గాళ్లు మ‌ళ్లీ ఒక్క‌టిగా క‌లిసి ఆడనున్నారు. ఐపీఎల్ ముగిసిన వెంట‌నే టీమిండియా స్వ‌దేశంలో అప్గానిస్తాన్‌తో ఒక టెస్టు స‌హా మూడు వ‌న్డేల సిరీస్ ఆడనుంది. ఈ నేప‌థ్యంలో బీసీసీఐ సెలెక్ష‌న్ క‌మిటీ మంగళవారం భార‌త జ‌ట్టును ప్ర‌క‌టించింది. ఏకైక టెస్టుతో పాటు వన్డేలకు శుబ్‌మన్‌ గిల్‌ కెప్టెన్‌గా వ్యవహరించనున్నాడు. జూన్‌ 6 నుంచి ముల్లన్‌పూర్‌ వేదికగా భారత్‌, అఫ్గానిస్తాన్‌ల మధ్య ఏకైక టెస్టు మ్యాచ్‌ జరగనుంది.ఏకైక టెస్టు మ్యాచ్‌కు కెప్టెన్‌ గిల్‌కు కేఎల్ రాహుల్ డిప్యూటీగా వ్య‌వ‌హ‌రించ‌నున్నాడు. మ‌రోవైపు వ‌న్డేల‌కు శ్రేయ‌స్ అయ్య‌ర్ వైస్ కెప్టెన్‌గా బాధ్య‌త‌లు నిర్వ‌హించ‌నున్నాడు. వికెట్ కీప‌ర్ రిష‌బ్ పంత్ టెస్టు జట్టులో చోటు దక్కించుకున్నప్పటికీ వైస్‌ కెప్టెన్సీ బాధ్యతలు కోల్పోయాడు. ఇక ఐపీఎల్‌ 2026 సీజన్‌లో ల‌క్నో సూప‌ర్ జెయింట్స్ త‌ర‌ఫున నిల‌క‌డ‌గా రాణిస్తున్న ప్రిన్స్ యాద‌వ్‌కు తొలిసారి భారత జట్టుకు ఎంపికయ్యాడు.ఇక టీమిండియా సీనియర్‌ క్రికెటర్లు రవీంద్ర జడేజాతో పాటు స్పీడస్టర్‌ జస్ప్రీ‌త్‌ బుమ్రాలకు అఫ్గాన్‌తో సిరీస్‌కు విశ్రాంతి కల్పించిట్లు బీసీసీఐ తెలిపింది. అఫ్గానిస్తాన్‌తో ఒకే టెస్టు మ్యాచ్‌ కావడంతో జడేజాను తప్పించామని, టీ20 ప్రపంచకప్‌ నుంచి బిజీగా క్రికెట్‌ ఆడుతున్న బుమ్రాను భవిష్యత్తులో టీమిండియా ఆడబోయే కీలక సిరీస్‌లను దృష్టిలో ఉంచుకొని అతడికి విశ్రాంతి కల్పిస్తున్నట్లు పేర్కొంది. ఇక సీనియర్‌ ఆటగాడు కోహ్లీ తన స్థానాన్ని నిలబెట్టుకున్నాడు. మరో సీనియర్‌ క్రికెటర్‌ రోహిత్‌ శర్మ, ఆల్‌రౌండర్‌ హార్దిక్‌ పాండ్యాలను వన్డే జట్టులోకి ఎంపిక చేసినప్పటికీ, ఫిట్‌నెస్‌ నిరూపించుకోవాల్సిన అవసరముందని అభిప్రాయపడింది. ఐపీఎల్‌లో అదరగొడుతున్న టీమిండియా సీనియర్‌ భువనేశ్వర్‌ కుమార్‌ను సెలెక్టర్లు పట్టించుకోలేదు. మరోవైపు మహ్మద్‌ షమీ విషయంలో సెలెక్షన్‌ కమిటీలో ఎలాంటి చర్చ జరగలేదని అగార్కర్‌ తెలిపాడు. ఇక తెలుగు క్రికెటర్‌ నితీశ్‌ కుమార్‌ రెడ్డి టెస్టు జట్టులో తన స్థానాన్ని నిలుపుకున్నాడు.అఫ్గాన్‌తో ఏకైక టెస్టుకు టీమిండియా: శుబ్‌మన్ గిల్ (కెప్టెన్‌), యశస్వి జైస్వాల్, కేఎల్ రాహుల్ (వైస్ కెప్టెన్‌), సాయి సుదర్శన్, రిషబ్ పంత్, దేవదత్‌ పడిక్కల్, వాషింగ్ట‌న్‌ సుందర్, మ‌హ్మ‌ద్‌ సిరాజ్, కుల్దీప్‌ యాదవ్, నితీష్ కుమార్ రెడ్డి, ధ్రువ్‌ జురెల్, ప్రసిధ్‌ కృష్ణ, గుర్నూర్ బ్రార్‌, హ‌ర్ష్ దూబే.అఫ్గాన్‌తో వన్డేలకు భారత జట్టు: శుబ్‌మన్‌ గిల్ (కెప్టెన్‌), విరాట్ కోహ్లీ, శ్రేయ‌స్‌ అయ్యర్ (వైస్ కెప్టెన్‌), కేఎల్ రాహుల్, అర్ష్‌దీప్ సింగ్, ఇషాన్ కిషన్, నితీష్ కుమార్ రెడ్డి, వాషింగ్ట‌న్ సుందర్, కుల్దీప్‌ యాదవ్, ప్రసిధ్‌ కృష్ణ, ప్రిన్స్‌ యాదవ్, గుర్నూర్‌ బ్రార్‌, హ‌ర్ష్‌ దూబే, రోహిత్ శర్మ*, హార్దిక్ పాండ్యా*.మ్యాచ్‌ల షెడ్యూల్‌..జూన్‌ 6 నుంచి 10 వరకు- ఏకైక టెస్టు (ముల్లన్‌ పూర్‌, ఛండీగఢ్‌)తొలి వన్డే : జూన్ 14 (ధర్మశాల)రెండో వన్డే : జూన్‌ 17 (లక్నో)మూడో వన్డే : జూన్ 20 (చెన్నై)🚨 News 🚨Presenting #TeamIndia's squads for the @IDFCFIRSTBank Test match and the 3️⃣-match ODI series against Afghanistan in June 🙌#INDvAFG pic.twitter.com/hFiABALLld— BCCI (@BCCI) May 19, 2026📸The Men's Selection Committee Meeting for #TeamIndia's squad announcement for the upcoming @IDFCFIRSTBank Test match and the three-match ODI series against Afghanistan is underway in Guwahati.#INDvAFG pic.twitter.com/VlA94h1nFC— BCCI (@BCCI) May 19, 2026చదవండి: ధోని వీడ్కోలు.. ఒక శకం ముగిసింది!

భారత బ్యాటింగ్‌ దిగ్గజం విరాట్‌ కోహ్లి.. వన్డే వరల్డ్‌కప్‌-2027 టోర్నీలో ఆడతాడా? లేదా?.. చాన్నాళ్లుగా క్రికెట్‌ వర్గాల్లో ఈ చర్చ నడుస్తోంది. ‘సూపర్‌ స్టార్లు’ అయినా సరే తమను తాము ఎప్పటికప్పుడు నిరూపించుకోవాలని హెడ్‌కోచ్‌ గౌతం గంభీర్‌, చీఫ్‌ సెలక్టర్‌ అజిత్‌ అగార్కర్‌ గట్టిగానే చెబుతున్నారు.తమ దృష్టిలో దిగ్గజాలు, యువ ఆటగాళ్లు సమానమనే సంకేతాలు ఇస్తున్నారు. ఐసీసీ చాంపియన్స్‌ ట్రోఫీ-2025లో భారత్‌ను విజేతగా నిలిపిన తర్వాత కెప్టెన్‌ పదవి నుంచి రోహిత్‌ శర్మను తప్పించడం ఇందుకు నిదర్శనం. అంతేకాదు రో-కోలను మేనేజ్‌మెంట్‌ దేశీ వన్డే టోర్నీ విజయ్‌ హజారే ట్రోఫీలో తప్పక ఆడాలని ఆదేశించింది.మౌనం వీడిన కోహ్లిఈ ఇద్దరూ అక్కడా సత్తా చాటి తమను తాము నిరూపించుకున్నారు. అయినప్పటికీ వయసు రిత్యా రో-కోను వరల్డ్‌కప్‌ ఆడిస్తారా? లేదా? అనే సందేహాలు తలెత్తుతున్నాయి. ఇలాంటి తరుణంలో విరాట్‌ కోహ్లి (Virat Kohli) తన భవిష్యత్తుపై మౌనం వీడాడు.వన్డే వరల్డ్‌కప్‌-2027లో ఆడతారా? లేదా? అన్న అంశంపై స్పందిస్తూ.. ‘‘నా దృష్టి కోణం ఒక్కటే. నా జట్టు విలువ పెంచేలా నా శాయశక్తులా కృషి చేస్తా. అక్కడున్న వాళ్లు కూడా నా వల్ల జట్టుకు మేలు చేకూరుతుందని భావించాలి. అప్పుడే నేను జట్టులో ఉంటాను.పదే పదే నిరూపించుకోవాలనే ఒత్తిడి వస్తే..అయితే, పదే పదే నన్ను నేను నిరూపించుకోవాలనే ఒత్తిడి వస్తే.. అక్కడ నాకు స్థానం ఉండదని పరోక్షంగా నాకు నేను చెబుతున్నట్లు అర్థం. ఏదేమైనా నిజాయితీగా ఆట కోసం సన్నద్ధం కావడం అత్యంత ముఖ్యం. బ్యాటింగ్‌ చేయడానికి వెళ్లే ముందు ప్రతిసారి నా తల వంచుకుని.. కొత్తగా మైదానంలోకి దిగినట్లే వెళ్తాను.నా క్రికెట్‌ కెరీర్‌లో దేవుడు ఎన్నో అవకాశాలు ఇచ్చాడు. అందుకు నేను కృతజ్ఞుడిని. కఠినంగా శ్రమించడమే నాకు తెలుసు. సరైన రీతిలో ఆడటమే నా లక్ష్యం. అలాగే ఆడతాను కూడా. వన్డే మ్యాచ్‌లో నలభై ఓవర్ల పాటు.. వికెట్ల మధ్య పరుగులు తీయాల్సి వస్తే నేను కచ్చితంగా ఆ పనిని పూర్తి చేస్తా.As I said, if Kohli feels the team management or BCCI wants him to prove his worth, he’ll retire the next day and that’s exactly what he said.He added "Ofc I want to play 2027 WC " 😭♥️ pic.twitter.com/eOv07nN6fc— Gaurav (@Melbourne__82) May 15, 2026ప్రతి బాల్‌ నా కెరీర్‌లో ఆఖరిది అనే ఆలోచనతోనేనాకెలాంటి ఫిర్యాదులూ ఉండవు. ఎందుకంటే.. మ్యాచ్‌లో ఊహించని పరిస్థితులు ఎదురైనా.. అందుకు తగ్గట్లుగా జట్టు కోసం ఉపయోగపడేలా ముందే నేను సన్నద్ధమవుతా. మ్యాచ్‌లో ఎదుర్కొనే ప్రతి బాల్‌ నా కెరీర్‌లో ఆఖరి బంతి అనే ఆలోచనతోనే సిద్ధమవుతా.వికెట్ల మధ్య అలుపు లేకుండా పరిగెడతా. ఇంత చేసినా నా విలువ, స్థాయి ఏమిటో నిరూపించుకోవాలని అంటున్నారంటే.. అక్కడ నా అవసరం లేదు అని అర్థం. నాకు అది అక్కర్లేదు కూడా!’’ అని కోహ్లి నర్మగర్భ వ్యాఖ్యలు చేశాడు. ఆర్సీబీ పాడ్‌కాస్ట్‌లో కోహ్లి చేసిన ఈ కామెంట్లు వైరల్‌ అవుతున్నాయి. గంభీర్‌, అగార్కర్‌ వైఖరి నచ్చకే అతడు ఈ విధంగా స్పందించాడని అభిమానులు అంటున్నారు.కాగా 2024లో టీమిండియా టీ20 ప్రపంచకప్‌ గెలిచిన తర్వాత అంతర్జాతీయ పొట్టి ఫార్మాట్‌కు వీడ్కోలు పలికిన రో-కో.. గతేడాది అనూహ్యంగా టెస్టులకూ గుడ్‌బై చెప్పారు. ఇప్పుడు ఇద్దరూ వన్డేలతో పాటు ఐపీఎల్‌లో కొనసాగుతున్నారు. ఆర్సీబీ తరఫున కోహ్లి ఐపీఎల్‌-2026 సీజన్‌లో ఇప్పటికి 12 మ్యాచ్‌లు ఆడి 484 పరుగులు సాధించాడు.చదవండి: రాహుల్‌ ద్రవిడ్‌ సంచలన వ్యాఖ్యలు!

టీమిండియా మాజీ హెడ్‌కోచ్‌ రాహుల్‌ ద్రవిడ్‌ సంచలన వ్యాఖ్యలు చేశాడు. ప్రస్తుత హెడ్‌కోచ్‌ గౌతం గంభీర్‌ ఆలోచనా విధానానికి తాను వ్యతిరేకమని చెప్పకనే చెప్పాడు. రవిశాస్త్రి తర్వాత భారత జట్టుకు మార్గనిర్దేశకుడిగా వచ్చిన ద్రవిడ్‌.. జట్టును విజయపథంలో నిలిపాడు.టైటిల్‌ గెలిచిన తర్వాతఆరంభంలో సవాళ్లు ఎదురైనా వాటిని అధిగమించి.. 2024లో టీమిండియా టీ20 ప్రపంచకప్‌ గెలిచిన తర్వాత ద్రవిడ్‌ తన పదవి నుంచి సగర్వంగా వైదొలిగాడు. అంతకుముందు ద్రవిడ్‌ మార్గనిర్దేశనంలోనే భారత్‌ వన్డే వరల్డ్‌కప్‌-2023 ఫైనల్‌కు చేరింది.ఇక ద్రవిడ్‌ నిష్క్రమణ తర్వాత గంభీర్‌ హెడ్‌కోచ్‌గా బాధ్యతలు చేపట్టాడు. అతడి కోచింగ్‌లో టీమిండియా ఐసీసీ చాంపియన్స్‌ ట్రోఫీ-2025, టీ20 ప్రపంచకప్‌-2026 టైటిళ్లు గెలిచింది. అయితే, చాంపియన్స్‌ ట్రోఫీ విజయంలో ద్రవిడ్‌దే కీలక పాత్ర అని.. అతడు నిర్మించిన జట్టే టైటిల్‌ గెలిచిందని నాటి కెప్టెన్‌ రోహిత్‌ శర్మ ద్రవిడ్‌కు క్రెడిట్‌ ఇచ్చాడు.కోహ్లి, రోహిత్‌ రిటైర్మెంట్‌కు కారణమా?ఇదిలా ఉంటే.. గంభీర్‌ టీమిండియాలో సూపర్‌స్టార్‌ సంస్కృతిని పారద్రోలి.. సూపర్‌ టీమ్‌గా ఎదిగేందుకు ప్రాధాన్యం ఇస్తాడని అతడి సన్నిహిత వర్గాలు ఇటీవల తెలిపాయి. టెస్టు ఫార్మాట్‌ నుంచి దిగ్గజాలు, సూపర్‌ స్టార్‌ బ్యాటర్లు విరాట్‌ కోహ్లి, రోహిత్‌ శర్మ వారం వ్యవధిలోనే వైదొలగడంతో గంభీర్‌తో విభేదాలే కారణమనే వార్తలు వచ్చాయి.ప్రతీ క్రీడకు ‘హీరో’ల అవసరం ఉందిఈ నేపథ్యంలో రాహుల్‌ ద్రవిడ్‌ తాజాగా టీమిండియాలో ‘సూపర్‌ స్టార్‌ కల్చర్‌’పై స్పందించాడు. స్కూప్‌ పాడ్‌కాస్ట్‌లో మాట్లాడుతూ.. ‘‘ప్రతీ క్రీడకు ‘హీరో’ల అవసరం ఉంది. తమ ప్రదర్శనల ద్వారానే ప్లేయర్లు హీరోలుగా ఎదుగుతారు.మైదానంలో మన ప్రదర్శన బాగుంటునే జాతి మనల్ని గుర్తిస్తుంది. ముఖ్యంగా భారత్‌లో అద్భుతంగా ఆడితే ఓ రేంజ్‌లో ప్రశంసలు వస్తాయి. అదే సమయంలో విమర్శలు కూడా అదే స్థాయిలో ఉంటాయి. అందరి దృష్టి ఆటగాళ్ల మీదే ఉంటుంది. మన ప్రదర్శనలను ప్రజలు క్షుణ్ణంగా గమనిస్తారు.వారే స్ఫూర్తి దాతలుకాబట్టి ఈ దేశంలో ఎంతో గొప్పగా ఆడితే తప్ప సూపర్‌ స్టార్‌ లేదంటే దిగ్గజ ప్లేయర్‌ అనే హోదా రాదు. వ్యక్తిగత ప్రదర్శన బాగుంటే జట్టు విజయాలకూ మనం దోహదపడినవాళ్లము అవుతాము’’ అని రాహుల్‌ ద్రవిడ్‌ పేర్కొన్నాడు. సూపర్‌ స్టార్లు భావితరాలకు స్ఫూర్తినిస్తారని.. వారి అవసరం తప్పక ఉందని ద్రవిడ్‌ అభిప్రాయపడ్డాడు. కాగా గంభీర్‌ సూపర్‌ స్టార్‌ ట్యాగులు వద్దంటూ అందరినీ ఒకే గాటన కట్టాలని చూస్తుంటే.. ద్రవిడ్‌ మాత్రం ఈ మేరకు స్పందించడం గమనార్హం.చదవండి: టీమిండియా టీ20 కెప్టెన్‌గా అతడే!

పాకిస్తాన్‌-బంగ్లాదేశ్‌ మధ్య జరుగుతున్న తొలి టెస్టులో ఓ ఘోర తప్పిదం జరిగింది. బ్రాడ్‌కాస్టర్‌ చేసిన ఓ భారీ పొరపాటు సోషల్‌ మీడియాలో వైరల్‌గా మారింది. పాక్‌ ఆటగాళ్ల గణాంకాలు చూపాల్సిన సమయంలో, స్క్రీన్‌పై భారత క్రికెటర్ల పేర్లు కనిపించడం అందరినీ ఆశ్చర్యానికి గురిచేసింది.పాక్‌-బంగ్లా మధ్య తొలి టెస్ట్‌ మే 8న షేర్‌-ఏ బంగ్లా స్టేడియం వేదికగా ప్రారంభమైంది. రెండో రోజు ఆట సందర్భంగా బ్రాడ్‌కాస్టర్‌ పాక్‌ జట్టు టెస్ట్‌ గణాంకాలను ప్రదర్శించే గ్రాఫిక్‌ను చూపించింది. అయితే అందులో రోహిత్‌ శర్మ, శుభ్‌మన్‌ గిల్‌, అర్షదీప్‌ సింగ్‌ తదితర భారత ఆటగాళ్ల పేర్లు కనిపించాయి.ఈ తప్పిదం వెంటనే సోషల్‌ మీడియాలో వైరల్‌గా మారింది. అభిమానులు మీమ్స్‌, సరదా కామెంట్లతో బ్రాడ్‌కాస్టర్‌ను ట్రోల్‌ చేశారు. కొందరు ఐపీఎల్‌ మోడ్‌లోనే గ్రాఫిక్స్‌ తయారు చేశారా..? అంటూ సెటైర్లు వేశారు. మరోవైపు పాక్‌‌ అభిమానులు మాత్రం ఇది సాధారణ తప్పిదం కాదని, నిర్లక్ష్యానికి నిదర్శనమని మండిపడ్డారు.ఇక మ్యాచ్‌ విషయానికి వస్తే, బంగ్లాదేశ్‌ తొలి ఇన్నింగ్స్‌లో భారీ స్కోరు చేసింది. కెప్టెన్‌ నజ్ముల్‌ హొసేన్‌ షాంటో అద్భుత సెంచరీతో జట్టును నిలబెట్టాడు. మొమినుల్‌ హక్‌ 91, ముష్ఫికర్‌ రహీం 71 పరుగులతో కీలక ఇన్నింగ్స్‌లు ఆడారు. ఫలితంగా తొలుత బ్యాటింగ్‌ చేసిన బంగ్లాదేశ్‌ 413 పరుగులకు ఆలౌటైంది. పాక్‌ బౌలర్లలో మొహమ్మద్‌ అబ్బాస్‌ ఐదు వికెట్లతో మెరవగా.. షాహీన్‌ అఫ్రిది 3, హసన్‌ అలీ, నౌమన్‌ అలీ తలో వికెట్‌ తీశారు. కాగా, ఈ మ్యాచ్‌కు పాక్‌ స్టార్‌ బ్యాటర్‌ గాయం కారణంగా దూరమయ్యాడు.

టీమిండియా స్టార్‌ క్రికెటర్‌ రోహిత్‌ శర్మకు చేదు అనుభవం ఎదురైంది. కారులో ప్రయాణిస్తూ అభిమానులకు అభివాదం చేస్తుండగా.. సడెన్‌గా ఇద్దరు కుర్ర అభిమానులు రోహిత్‌ చేతికి ఉన్న ఖరీదైన వాచీని లాగే ప్రయత్నం చేశారు. Rohit Sharma Fans tried to snatch his 3.25 Cr "Giraffe" watch from his wrist. And suddenly he close the mirror. pic.twitter.com/vMIQFxcdxt— Aman (@Proteinkohli) May 8, 2026వెంటనే అప్రమత్తమైన రోహిత్‌ సదరు కుర్రాళ్లను మందలిస్తూ.. అద్దాలు మూసివేశాడు. ఈ ఘటన ఎప్పుడు, ఎక్కడ జరిగింతో తెలీదు కానీ, దీనికి సంబంధించిన వీడియో ప్రస్తుతం​ సోషల్‌మీడియాలో వైరలవుతుంది. రోహిత్‌ ధరించిన ఆ వాచీ విలువు రూ.3.25 కోట్లని తెలుస్తోంది. వాచీ బ్రాండ్‌ నేమ్‌ రోలెక్స్‌ జిరాఫ్‌ అని అంటున్నారు.ఇదిలా ఉంటే, రోహిత్‌ ప్రస్తుతం​ ఐపీఎల్‌ 2026తో బిజీగా ఉన్నాడు. సీజన్‌ ఆర​ంభంలో గాయపడిన అతను.. ఇటీవలే రీఎంట్రీ ఇచ్చాడు. వచ్చీరాగానే లక్నో సూపర్‌ జెయింట్స్‌పై మెరుపు ఇన్నింగ్స్‌ (44 బంతుల్లో 84) ఆడాడు. ఫలితంగా ముంబై 229 పరుగుల భారీ లక్ష్యాన్ని మరో 8 బంతులు మిగిలుండగానే ఛేదించింది.అయితే ఈ గెలుపు ముంబైకి కంటితుడుపుగా మాత్రమే పనికొచ్చింది. ఎందుకంటే ఆ జట్టు అప్పటికే ప్లే ఆఫ్స్‌ అవకాశాలను చాలా సంక్లిష్టం చేసుకుంది. ప్రస్తుతం ముంబై 10 మ్యాచ్‌ల్లో మూడే విజయాలతో పాయింట్ల పట్టికలో చివరి నుంచి రెండో స్థానంలో ఉంది. ఆ జట్టు ఇకపై ఆడాల్సిన నాలుగు మ్యాచ్‌ల్లో గెలిచినా ప్లే ఆఫ్స్‌ బెర్త్‌ దక్కడం దాదాపుగా అసాధ్యమనే చెప్పాలి.

ఇండియ‌న్ ప్రీమియ‌ర్ లీగ్ (ఐపీఎల్‌)లో ఎంఎస్ ధోని, రోహిత్ శ‌ర్మ‌, గౌత‌మ్ గంభీర్‌లు విజ‌య‌వంత‌మైన కెప్టెన్లుగా ముద్ర‌ప‌డ్డారు. ఇందులో ధోని, రోహిత్‌లు ఐదేసి సార్లు ఐపీఎల్ ట్రోఫీలు అందుకోగా.. గంభీర్ సార‌థ్యంలో కేకేఆర్ రెండుసార్లు ఐపీఎల్ టైటిల్స్ అందుకుంది. తాజాగా వీరి స‌ర‌స‌న చేరేందుకు పంజాబ్ కింగ్స్ కెప్టెన్ శ్రేయ‌స్ అయ్య‌ర్ సిద్ధ‌మ‌వుతున్నాడు. 2024లో కేకేఆర్‌కు మూడోసారి టైటిల్ అందించిన శ్రేయ‌స్ ల‌క్కీ కెప్టెన్‌గా మారిపోయాడు. జ‌ట్లు మారిన‌ప్ప‌టికీ త‌న కెప్టెన్సీ, ఆట‌తీరుతో ఐపీఎల్ చ‌రిత్ర‌లో అత్యంత విజ‌య‌వంత‌మైన కెప్టెన్‌గా అయ్య‌ర్ పేరు సంపాదించాడు. ఈ నేప‌థ్యంలో ఐపీఎల్ 2026 సీజ‌న్‌లో పంజాబ్ కింగ్స్‌ను అయ్య‌ర్ విజేతగా నిల‌బెడితే ధోని, రోహిత్ శ‌ర్మ‌ను కూడా అధిగ‌మిస్తాడ‌ని మాజీ ఆల్‌రౌండ‌ర్ ఇర్ఫాన్ ప‌ఠాన్ అభిప్రాయ‌ప‌డ్డాడు. జియో హాట్‌స్టార్‌కు ఇంట‌ర్య్వూ ఇచ్చిన ప‌ఠాన్ మాట్లాడుతూ.. 'ధోని, రోహిత్‌, గంభీర్ వంటి అత్యుత్త‌మ ఐపీఎల్ కెప్టెన్ల‌ను దాటుకొని మ‌రీ తొలి స్థానంలో నిలుస్తాడు. ఎందుకంటే ధోని, రోహిత్‌, గంభీర్‌లు ఒకే జ‌ట్టుకు టైటిల్స్ అందించారు. కానీ అయ్య‌ర్ మాత్రం ఇప్ప‌టికే కేకేఆర్‌కు టైటిల్ అందించాడు. ఇప్పుడు పంజాబ్ కింగ్స్‌కు కూడా టైటిల్ అందిస్తే వేర్వేరు జ‌ట్ల‌కు టైటిల్స్ అందించిన తొలి కెప్టెన్‌గా అయ్య‌ర్ నిల‌వ‌నున్నాడు. అంతేకాదు ఢిల్లీ క్యాపిట‌ల్స్‌, కేకేఆర్‌, పంజాబ్ ఇలా మూడు వేర్వేరు జ‌ట్ల‌ను కూడా ఐపీఎల్‌లో ఫైన‌ల్ చేర్చిన ఘ‌న‌త అయ్య‌ర్ సొంతం. ఒక‌వేళ అయ్య‌ర్ ఈ సీజ‌న్‌లో అది సాధిస్తే మాత్రం అత‌డి రికార్డు చెరిగిపోనిదిగా మిగిలిపోతుంది' అని ప‌ఠాన్ పేర్కొన్నాడు.ఇక ఐపీఎల్ కెప్టెన్‌గా శ్రేయ‌స్ అయ్య‌ర్‌కు అద్భుత‌మైన ట్రాక్ రికార్డు ఉంది. 2018లో ఢిల్లీ క్యాపిట‌ల్స్ కెప్టెన్‌గా బాధ్య‌త‌లు తీసుకున్న అయ్య‌ర్ 2020 సీజ‌న్‌లో ఆ జ‌ట్టును ర‌న్న‌ర‌ప్‌గా నిలిపాడు. ఆ త‌ర్వాత కేకేఆర్‌కు మారిన శ్రేయస్ అయ్యర్ 2024 సీజన్‌లో ఆ జట్టును చాంపియన్‌గా నిలిపాడు. 2025 సీజన్‌లో పంజాబ్‌ను ఫైనల్ చేర్చిన అయ్యర్ 2026 సీజన్‌లోనూ ఆ జట్టును టైటిల్‌ దిశగా అడుగులు వేయిస్తున్నాడు. పంజాబ్ తరఫున 33 మ్యాచ్‌లు, ఢిల్లీ తరఫున 41 మ్యాచ్‌లు, కేకేఆర్ తరఫున 29 మ్యాచ్‌లకు శ్రేయస్ అయ్యర్ కెప్టెన్‌గా పనిచేశాడు. అతని సక్సెస్ రేటు 90 శాతం ఉండడం గమనార్హం.చదవండి: ‘ఏం పాపం చేశాం.. ఇదేనా మాకిచ్చే విలువ‌!’

ఐపీఎల్‌-2026 సీజ‌న్‌లో సోమ‌వారం ఏకానా స్టేడియం వేదిక‌గా ల‌క్నో సూప‌ర్ జెయింట్స్‌తో జ‌రిగిన మ్యాచ్‌లో ముంబై ఇండియ‌న్స్ స్టార్ ఓపెన‌ర్ రోహిత్ శ‌ర్మ అద్భుత‌మైన ఇన్నింగ్స్ ఆడాడు. ఐదు మ్యాచ్‌ల త‌ర్వాత రీఎంట్రీ ఇచ్చిన రోహిత్ త‌న లోని క్లాస్‌ను మ‌రోసారి చూపించాడు.229 ప‌రుగుల భారీ ల‌క్ష్య చేధ‌న‌లో హిట్‌మ్యాన్ ఆకాశ‌మే హ‌ద్దుగా చెల‌రేగాడు. ప్ర‌త్య‌ర్ధి బౌల‌ర్ల‌ను ఉతికారేశాడు. మ‌రో ఓపెన‌ర్ ర్యాన్ రికెల్ట‌న్‌తో క‌లిసి స్కోర్ బోర్డును రోహిత్ ప‌రుగులు పెట్టించాడు. రోహిత్ కేవ‌లం 44 బంతుల్లోనే 6 ఫోర్లు, 7 సిక్స్‌ల‌తో 84 ప‌రుగులు చేశాడు. 39 ఏళ్ల వయసులోనూ ఏ మాత్రం అత‌డి బ్యాటింగ్ త‌గ్గ‌లేద‌ని ఈ ఇన్నింగ్స్ చూస్తే మ‌నకు అర్ధ‌మ‌వుతోంది. ఓవ‌రాల్‌గాఈ సీజన్‌లో కేవలం 5 మ్యాచ్‌లు మాత్రమే ఆడిన రోహిత్, 174.01 స్ట్రైక్ రేటుతో 221 పరుగులు సాధించాడు. ఈ నేప‌థ్యంలో రోహిత్ శ‌ర్మ‌పై ల‌క్నో సూప‌ర్ జెయింట్స్ హెడ్ కోచ్ జ‌స్టిన్ లాంగ‌ర్ ప్ర‌శంస‌ల వ‌ర్షం కురిపించాడు."వాట్ ఏ ప్లేయ‌ర్‌.. వాట్ ఏ ప్లేయ‌ర్‌. రోహిత్ శ‌ర్మ ఒక అద్భుత‌మైన ఆట‌గాడు. గతంలో ఆస్ట్రేలియా కోచ్‌గా ఉన్నప్పుడు ప్రత్యర్థిగా అత‌డి స‌త్తాను చూశాను. ఇప్పుడు ఎల్ఎస్‌జీ కోచ్‌గా అదే చూస్తున్నాను. అత‌డి బ్యాటింగ్‌లో ఏ మాత్రం మార్పు రాలేదు. ప్ర‌పంచంలోని గొప్ప ప్లేయ‌ర్లు అంద‌రిని చూసేందుకు ఐపీఎల్ ఒక వేదిక" అని లాంగ‌ర్ పేర్కొన్నాడు.కాగా రోహిత్ శ‌ర్మ‌కు ఆస్ట్రేలియాపై గొప్ప రికార్డు ఉంది. ముఖ్యంగా వైట్‌బాల్ క్రికెట్‌లో ఆసీస్ బౌల‌ర్ల‌కు రోహిత్ చుక్క‌లు చూపించేవాడు. ఆస్ట్రేలియాలోని బౌన్సీ పిచ్‌ల‌పై సైతం రోహిత్ త‌న‌దైన శైలిలో చెల‌రేగిపోయేవాడు.చదవండి: ముంబై ఇండియన్స్‌కు భారీ షాక్‌.. ఇంటికి వెళ్లిపోయిన కెప్టెన్‌?

ఐపీఎల్‌ 2026లో హిట్‌మ్యాన్‌ రోహిత్‌ శర్మ మరోసారి తన క్లాస్‌ను చాటుకున్నాడు. గాయం నుంచి తిరిగి వచ్చిన వెంటనే అద్భుత ఇన్నింగ్స్‌తో అభిమానులను అలరించాడు. అంతేకాకుండా 13 ఏళ్ల పాత రికార్డును కూడా బద్దలు కొట్టాడు. వాంఖడే వేదికగా నిన్న (మే 4) లక్నో సూపర్‌ జెయింట్స్‌తో జరిగిన మ్యాచ్‌లో దుమురేపాడు. భారీ లక్ష్య ఛేదనలో కేవలం 44 బంతుల్లో 6 ఫోర్లు, 7 సిక్సర్ల సాయంతో 84 పరుగులు చేసి జట్టు విజయంలో కీలకపాత్ర పోషించాడు. ఈ క్రమంలో ఓ భారీ వ్యక్తిగత రికార్డు నెలకొల్పాడు. తన ఐపీఎల్‌ కెరీర్‌లో ఓ ఇన్నింగ్స్‌లో అత్యధిక సిక్సర్ల (7) రికార్డును నమోదు చేశాడు. ఈ మ్యాచ్‌కు ముందు వరకు ఓ ఇన్నింగ్స్‌లో అత్యధికంగా 6 సిక్సర్లు మాత్రమే కొట్టాడు. అదీ 13 ఏళ్ల కిందట తొలిసారి ఈ ఫీట్‌ను సాధించాడు. 2013 ఎడిషన్‌లో ఇదే వాంఖడే వేదికగా పంజాబ్‌పై సిక్సర్ల సిక్సర్‌ కొట్టాడు. ఆతర్వాత 3 సార్లు ఒకే ఇన్నింగ్స్‌లో 6 సిక్సర్లు కొట్టాడు. ఐపీఎల్‌ కెరీర్‌లో రెండు సెంచరీలు చేసినా, వాటిలోనూ తలా ఐదు సిక్సర్లు మాత్రమే బాదాడు.తాజాగా లక్నోతో జరిగిన మ్యాచ్‌లో రోహిత్‌ అలవోకగా సిక్సర్లు బాదుతుంటే చూడముచ్చటగా ఉండింది. వింటేజ్‌ రోహిత్‌ శర్మను గుర్తు చేసింది. ఈ మ్యాచ్‌లో రోహిత్‌ ఇంపాక్ట్‌ ప్లేయర్‌గా బరిలోకి దిగి లక్నో బౌలర్లపై విరుచుకుపడ్డాడు. సహచర ఓపెనర్‌ ర్యాన్‌ రికెల్టన్‌తో కలిసి తొలి వికెట్‌కు ఏకంగా 143 పరుగులు జోడించి, గెలుపుకు బలమైన పునాది వేశాడు.రోహిత్‌-రికెల్టన్‌ వీరవిహారం చేయడంతో లక్నో నిర్దేశించిన 229 పరుగుల భారీ లక్ష్యాన్ని ముంబై ఇండియన్స్‌ సునాయాసంగా (మరో 8 బంతులు మిగిలుండగానే) ఛేదించింది. ఇది ఐపీఎల్‌ చరిత్రలో ఆ జట్టుకు అత్యధిక ఛేదనగానూ నిలిచింది. ఈ గెలుపుతో ముంబై ప్లే ఆఫ్స్‌ అవకాశాలను ఇంకా సజీవంగా ఉంచుకుంది. తదుపరి ఆడబోయే 4 మ్యాచ్‌ల్లో భారీ విజయాలు సాధిస్తే, ప్లే ఆఫ్స్ రేసులో ఉండే అవకాశం ఉంది. మే 10న జరిగే తదుపరి మ్యాచ్‌లో ముంబై ఆర్సీబీతో తలపడనుంది. ఆతర్వాతి మ్యాచ్‌ల్లో పంజాబ్‌, కేకేఆర్‌, రాజస్థాన్‌ జట్లను ఢీకొట్టాల్సి ఉంది.‌

లక్నో సూపర్‌ జెయింట్స్‌ రాత మారలేదు. ముంబై ఇండియన్స్‌తో సోమవారం నాటి మ్యాచ్‌లో పరాజయం పాలైంది. తద్వారా ఐపీఎల్‌-2026లో వరుసగా ఆరో (డబుల్‌ హ్యాట్రిక్‌) ఓటమి నమోదు చేసింది. తద్వారా పాయింట్ల పట్టికలో అట్టడుగున పదో స్థానంలో కొట్టుమిట్టాడుతోంది.మా వాళ్లు స్వేచ్ఛగా ఆడారుఈ నేపథ్యంలో ముంబై చేతిలో ఓటమిపై లక్నో కెప్టెన్‌ రిషభ్‌ పంత్‌ (Rishabh Pant) చేసిన వ్యాఖ్యలు వైరల్‌ అవుతున్నాయి. మ్యాచ్‌ అనంతరం మాట్లాడుతూ.. ‘‘మేము శుభారంభం అందుకున్నాం. అయితే, అదే ఆట తీరు కొనసాగించి మరికొన్ని పరుగులు రాబడితే ఇంకా బాగుండేది. ఈ మ్యాచ్‌లో మాకూ సానుకూలాంశాలు ఉన్నాయి.కానీ అవేంటో ఇప్పుడు చెప్పలేను. మా వాళ్లు స్వేచ్ఛగా ఆడారు. అయితే, ఆఖర్లో ముంబై బౌలర్లు అద్భుతంగా బౌలింగ్‌ చేశారు. సొంతమైదానం కాబట్టి ఇక్కడి పిచ్‌ పరిస్థితులకు వాళ్లు బాగా అలవాటు పడ్డారు. ముందుగా చెప్పినట్లు మేము ఇంకో 10-15 పరుగులు చేసి ఉంటే బాగుండేది.వారిని తప్పుపట్టలేనుఈ వికెట్‌ మీద 220-230 పరుగులు చేయడం కాస్త సులువే. ఆరంభంలో మాదే పైచేయిగా ఉంది. బౌలర్లను ఓటమి​కి బాధ్యులను చేయలేను. వారిని తప్పుపట్టలేను. మా బౌలర్లు అత్యద్భుతంగా బౌల్‌ చేశారు’’ అని పంత్‌ పేర్కొన్నాడు.అదృష్టం కావాలయ్యా!ఈ క్రమంలో..‘బాగానే ఆడుతున్నారు. అయినా ఓడిపోతున్నారు. మీ జట్టుకు ఇంకేం కావాలి?’ అని హోస్ట్‌ అడుగగా.. ‘‘మాకు కొంచెం అదృష్టం కావాలయ్యా!.. అదొక్కటే నేను ఇప్పుడు చెప్పగలను’’ అని పంత్‌ సమాధానం ఇచ్చాడు. ‘ఎలాంటి అదృష్టం?’ అని హోస్ట్‌ ప్రశ్నించగా.. ‘‘మాకు ఆశీర్వాదాలు కావాలి. మేము ఇంకాస్త పట్టుదలగా ముందుకు సాగాలి’’ అని పంత్‌ బదులిచ్చాడు.పూరన్‌ బ్యాట్‌ ఝులిపించినా..కాగా వాంఖడే వేదికగా టాస్‌ ఓడిన లక్నో తొలుత బ్యాటింగ్‌కు దిగి.. నిర్ణీత 20 ఓవర్లలో ఐదు వికెట్ల నష్టానికి 228 పరుగులు సాధించింది. నికోలస్‌ పూరన్‌ విధ్వంసకర అర్ధ శతకం (21 బంతుల్లో 63)తో మెరవగా.. మార్క్రమ్‌ (31 నాటౌట్‌), హిమ్మత్‌ సింగ్‌ (40 నాటౌట్‌) తమ వంతు సాయం అందించారు. ఇక పంత్‌ 15 పరుగులే చేశాడు.High, Handsome and 2⃣ points 💙@mipaltan seal their highest run-chase in #TATAIPL history ✌️Scorecard ▶️ https://t.co/elXSOvaeig #KhelBindaas | #MIvLSG pic.twitter.com/G5rSddXCbc— IndianPremierLeague (@IPL) May 4, 2026అయితే, ముంబై ఓపెనర్లు రియాన్‌ రికెల్టన్‌ (32 బంతుల్లో 83), రోహిత్‌ శర్మ (44 బంతుల్లో 84) ఆకాశమే హద్దుగా చెలరేగి లక్నోకు షాకిచ్చారు. వీరిద్దరితో పాటు నమన్‌ ధిర్‌ (12 బంతుల్లో 23 నాటౌట్‌) మెరుపులు మెరిపించగా.. 18.4 ఓవర్లలో నాలుగు వికెట్లు నష్టపోయి ముంబై లక్ష్యాన్ని ఛేదించింది. లక్నోను ఆరు వికెట్ల తేడాతో ఓడించి.. వాంఖడేలో ఈ సీజన్‌లోవరుసగా నాలుగు ఓటముల తర్వాత తొలి విజయం నమోదు చేసింది.చదవండి: నువ్వసలు ఏం చేశావు బుమ్రా?.. గావస్కర్‌ ఫైర్‌!

పాకిస్తాన్‌ స్టార్‌ క్రికెటర్‌ బాబర్‌ ఆజం కల ఎట్టకేలకు నెరవేరింది. అతడి సారథ్యంలో పెషావర్‌ జెల్మీ పాకిస్తాన్‌ సూపర్‌ లీగ్‌ (పీఎస్‌ఎల్‌)-2026 టైటిల్‌ గెలిచింది. హైదరాబాద్‌ కింగ్స్‌మెన్‌తో ఆదివారం జరిగిన పోరులో పెషావర్‌ ఐదు వికెట్ల తేడాతో గెలుపొందింది.తద్వారా తొలిసారి పీఎస్‌ఎల్‌లో చాంపియన్‌గా అవతరించింది. సీజన్‌ ఆసాంతం అద్భుతంగా రాణించిన పెషావర్‌ కెప్టెన్‌ బాబర్ ఆజం (Babar Azam).. ఈ మ్యాచ్‌లో మాత్రం గోల్డెన్‌ డకౌట్‌గా వెనుదిరిగాడు. రాణించిన ఆరోన్‌ హార్డీఅయినప్పటికీ హైదరాబాద్‌ విధించిన 130 పరుగుల స్వల్ప లక్ష్యాన్ని పెషావర్‌ విజయవంతంగా ఛేదించింది. ఆరోన్‌ హార్డీ (39 బంతుల్లో 56 నాటౌట్‌), అబ్దుల్‌ సమద్‌ (34 బంతుల్లో 48) రాణించి జట్టును గెలిపించారు.దీంతో తొలిసారి పీఎస్‌ఎల్‌ టైటిల్‌ గెలిచిన ఆనందంలో బాబర్‌ ఆజం ఎగిరి గంతేశాడు. ముఖ్యంగా ట్రోఫీ అందుకునే సమయంలో టీమిండియా దిగ్గజ కెప్టెన్‌ రోహిత్‌ శర్మ శైలిని అనుకరించబోయి నెటిజన్ల చేతికి చిక్కాడు. రోబో మాదిరి నడిచి వెళ్లి..కాగా 2024లో టీ20 ప్రపంచకప్‌ టోర్నీలో భారత్‌ను విజేతగా నిలిపిన సారథి రోహిత్‌.. రోబో మాదిరి నడుచుకుంటూ వెళ్లి ట్రోఫీ అందుకుని సంబరాలు చేసుకున్న సంగతి తెలిసిందే.అయితే, ఇప్పుడు బాబర్‌ కూడా అదే స్టైల్‌లో వెళ్లి ట్రోఫీ తీసుకోవాలనుకున్నాడు. కానీ రోబో మాదిరి కాకుండా వెనుక నుంచి ఎవరో తరిమినట్లుగా చిన్న పిల్లాడిలా పరిగెత్తుకు వచ్చి ట్రోఫీ అందుకున్నాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది.Babar Azam tried to copy Rohit Sharma’s ICC Men's T20 World Cup celebration but turned a legendary moment into a meme 😭😭😭 pic.twitter.com/xrxjxsRI55— Ankur (@flick_class) May 4, 2026రోహిత్‌ను కాపీ కొట్టబోయి బొక్కబోర్లా పడ్డాడుదీంతో.. ‘‘రోహిత్‌ శర్మను కాపీ కొట్టబోయి బొక్కబోర్లా పడ్డాడు. మీమర్లకు పండుగ చేసుకునే అవకాశం ఇచ్చాడు’’ అంటూ బాబర్‌ ఆజంపై నెటిజన్లు వ్యంగ్యాస్త్రాలు సంధిస్తున్నారు. కాగా పీఎస్‌ఎల్‌ తాజా సీజన్‌లో బాబర్‌ అత్యుత్తమ ప్రదర్శన కనబరిచాడు. పదకొండు మ్యాచ్‌లలో కలిపి 588 పరుగులు సాధించి.. టాప్‌ రన్‌ స్కోరర్‌గా నిలిచాడు.కాగా పశ్చిమాసియా యుద్ధం నేపథ్యంలో స్టేడియంలో ప్రేక్షకులు లేకుండానే పాకిస్తాన్‌ క్రికెట్‌ బోర్డు కరాచీ, లాహోర్‌లో పీఎస్‌ఎల్‌ మ్యాచ్‌లు నిర్వహించింది. ప్లే ఆఫ్స్‌నకు ప్రేక్షకులను అనుమతించినా ప్రజా రవాణా ద్వారానే స్టేడియానికి చేరుకోవాలనే షరతు పెట్టింది. ఏదేమైనా మరోసారి ఐపీఎల్‌కు పోటీగా వచ్చి బొక్కబోర్లా పడింది. కాగా మార్చి 26 నుంచి మే 3 వరకు పీఎస్‌ఎల్‌ తాజా ఎడిషన్‌ నడించింది.చదవండి: ఐపీఎల్‌లో మరో సిక్సర్ల చిచ్చరపిడుగు.. వైభవ్‌ సూర్యవంశీలాగే..!

ముంబై ఇండియన్స్ అభిమానులకు చేదు వార్త. ఆ జట్టు స్టార్‌ బ్యాటర్‌ మరోసారి జట్టుకు దూరమయ్యాడు. సన్‌రైజర్స్ హైదరాబాద్‌తో ఇవాళ (ఏప్రిల్‌ 29) జరుగుతున్న కీలక పోరులో కూడా రోహిత్ ఆడటం లేదు. హ్యామ్‌స్ట్రింగ్ గాయం కారణంగా అతడు వరుసగా నాలుగో మ్యాచ్‌కు దూరమయ్యాడు.టాస్ అనంతరం ముంబై కెప్టెన్ హార్దిక్‌ పాండ్యా రోహిత్‌ గాయంపై కీలక అప్డేట్ ఇచ్చాడు. "రోహిత్ ఇంకా పూర్తిస్థాయి ఫిట్‌నెస్ సాధించలేదు. అతడు తిరిగి రావడానికి ఇంకొన్ని మ్యాచ్‌లు పట్టొచ్చు" అని స్పష్టం చేశాడు. దీంతో ముంబై అభిమానులు అతని రీ-ఎంట్రీ కోసం మరికొంత కాలం వేచి చూడాల్సిన పరిస్థితి ఏర్పడింది.రోహిత్ గైర్హాజరీ ముంబైకి భారీ ఎదురుదెబ్బగా పరిగణించబడుతుంది. అతని అనుభవం, ఆరంభ ఓవర్లలో దూకుడు జట్టుకు ఎంతో అవసరం. ఎస్‌ఆర్‌హెచ్‌తో మ్యాచ్‌లో ఓపెనర్లుగా ర్యాన్ రికెల్టన్, విల్ జాక్స్ బరిలోకి దిగారు. ఈ మ్యాచ్‌లో ముంబై టాస్ గెలిచి ముందుగా బ్యాటింగ్ ఎంచుకుంది.ఆరంభ ఓవర్లలో ముంబై ఓపెనర్లు చెలరేగిపోతున్నారు. జాక్స్‌, రికెల్టన్‌ పోటీపడి బౌండరీలు, సిక్సర్లు బాదుతున్నారు. 6 ఓవర్ల తర్వాత జట్టు స్కోర్‌ 78-0గా ఉంది. జాక్స్‌ 38, రికెల్టన్‌ 37 పరుగులతో క్రీజ్‌లో ఉన్నారు. ఇప్పటివరకు బౌలింగ్‌ చేసిన ఎస్‌ఆర్‌హెచ్‌ బౌలర్లలో ఎసాన్‌ మలింగ ఒక్కడే జాక్స్‌-రికెల్టన్‌ జోడీ ధాటి నుంచి తప్పించుకున్నాడు. కమిన్స్‌, హింగే, హర్ష్‌ దూబే, సాకిబ్‌ హుసేన్‌ను వీరి జోడీ చెడుగుడు ఆడుకుంది.ఈ మ్యాచ్‌లో ముంబై రెండు మార్పులతో బరిలోకి దిగింది. డికాక్‌ స్థానంలో రికెల్టన్‌, సాంట్నర్‌ స్థానంలో రాబిన్‌ మింజ్‌ బరిలోకి దిగారు. ఎస్‌ఆర్‌హెచ్‌ విషయానికొస్తే.. ఈ జట్టు ఓ మార్పు చేసింది. శివాంగ్‌ కుమార్‌ స్థానంలో హర్ష్‌ దూబే తుది జట్టులోకి వచ్చాడు.తుది జట్లు..సన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ట్రావిస్ హెడ్, ఇషాన్ కిషన్, హెన్రిచ్ క్లాసెన్, సలీల్ అరోరా(w), నితీష్ కుమార్ రెడ్డి, పాట్ కమిన్స్(సి), హర్ష్ దూబే, సకీబ్ హుస్సేన్, ప్రఫుల్ హింగే, ఎషాన్ మలింగముంబై ఇండియన్స్ (ప్లేయింగ్ XI): ర్యాన్ రికెల్టన్(w), విల్ జాక్స్, నమన్ ధీర్, సూర్యకుమార్ యాదవ్, తిలక్ వర్మ, హార్దిక్ పాండ్యా(c), రాబిన్ మింజ్, ట్రెంట్ బౌల్ట్, జస్ప్రీత్ బుమ్రా, AM గజన్‌ఫర్, అశ్వనీ కుమార్

ఐపీఎల్ 2026 సీజన్‌లో ముంబై ఇండియన్స్ ఓపెనర్ రోహిత్ శర్మ తొడ కండరాల గాయంతో ఆ జట్టు ఆడిన చివరి మూడు మ్యాచ్‌లకు డగౌట్‌కే పరిమితమయ్యాడు. అయితే ముంబై ఇండియన్స్ ఇవాళ ఎస్‌ఆర్‌హెచ్‌తో తలపడనున్న నేపథ్యంలో ఈ మ్యాచ్‌లోనైనా రోహిత్ బరిలోకి దిగుతాడా లేడా అన్నది అనుమానమే. తాజాగా ఈ విషయమై ముంబై ఇండియన్స్‌ స్పష్టత ఇచ్చింది. కండరాల గాయంతో బాధపడుతున్న రోహిత్ ఇంకా పూర్తి స్థాయిలో కోలుకోలేదని ముంబై యాజమాన్యం పేర్కొంది. అయితే ఎస్‌ఆ ర్‌హెచ్‌తో మ్యాచ్‌కు ముందు రోహిత్ శర్మ నెట్స్‌లో ప్రాక్టీస్ చేసిన ఫొటోలు సోషల్ మీడియాలో చక్కర్లు కొట్టాయి. దీంతో ఎస్‌ఆర్‌హెచ్‌తో మ్యాచ్‌కు రోహిత్ కచ్చితంగా అందుబాటులో ఉంటాడని ముంబై అభిమానులు ఆశాభావం వ్యక్తం చేశారు. కానీ ముంబై యాజమాన్యం మాత్రం రోహిత్ విషయంలో రిస్క్ తీసుకోవడానికి ఇష్టపడడం లేదనిపిస్తోంది. రోహిత్ గాయం నుంచి పూర్తిగా కోలుకున్న తర్వాతే ఆడించాలని భావిస్తోంది. ఈరోజు ఉదయం వాంఖడే స్టేడియంలో ఏర్పాటు చేసిన ప్రాక్టీస్ సెషన్‌కు హాజరైన రోహిత్ శర్మ బ్యాటింగ్ జోలికి పోలేదు. వార్మప్‌, రన్నింగ్ అనంతరం కాసేపు ఫీల్డింగ్ ప్రాక్టీస్ చేశాడు. ఆ తర్వాత ముంబై ఇండియన్స్ సపోర్ట్ స్టాఫ్‌తో కాసేపు ముచ్చటించి మైదానం వీడాడు. ఏప్రిల్ 12న ఆర్సీబీతో మ్యాచ్ సందర్భంగా బ్యాటింగ్ సమయంలో రోహిత్‌కు తొడ కండరాలు పట్టేశాయి. దీంతో ఫిజియో మైదానంలోనే హిట్‌మ్యాన్‌కు ట్రీట్‌మెంట్ చేసినప్పటికీ నొప్పి తగ్గలేదు. దీంతో మరుసటి ఓవర్‌లోనే రిటైర్డ్ హర్ట్‌గా వెనుదిరిగిన రోహిత్ మరోసారి బ్యాటింగ్‌కు రాలేదు. ఆ మ్యాచ్‌లో ముంబై ఇండియన్స్ భారీ తేడాతో ఓటమి చవిచూసింది. ఈ సీజన్‌లో ముంబై ఇండియ‌న్స్ ఇప్ప‌టివ‌ర‌కు ఏడు మ్యాచ్‌లాడి కేవ‌లం రెండు విజ‌యాలు మాత్ర‌మే సాధించి ప‌ట్టిక‌లో 9వ స్థానంలో కొన‌సాగుతోంది. మ‌రోవైపు ఎస్ఆర్‌హెచ్ మాత్రం మ‌ధ్య‌లో ప‌రాజ‌యాలు చ‌విచూసినా వ‌రుస‌గా నాలుగు విజ‌యాలు సాధించి జోరు క‌న‌బ‌రుస్తోంది. 8 మ్యాచ్‌ల్లో 5 విజ‌యాలు, ఒక ఓట‌మితో ప‌ట్టిక‌లో నాలుగో స్థానంలో ఉంది.చదవండి: సోదరి ఓటమి.. జడేజా ఇంట మరోసారి విభేదాలు!

ఇంగ్లండ్‌ స్టార్‌ వికెట్‌కీపర్‌ బ్యాటర్‌, గుజరాత్‌ టైటాన్స్‌ కీలక ప్లేయర్‌ జోస్‌ బట్లర్‌ తన ఆల్‌టైమ్ ఐపీఎల్ డ్రీమ్ ఎలెవన్‌ను ప్రకటించి అభిమానుల్లో చర్చకు తెరలేపాడు. బట్లర్‌ టీమిండియా విధ్వంసకర ఆటగాడు, ముంబై ఇండియన్స్‌ ఓపెనర్‌ రోహిత్‌ శర్మకు ఈ జట్టులో చోటు కల్పించకపోవడం సోషల్ మీడియాలో హాట్ టాపిక్‌గా మారింది.బట్లర్‌ రోహిత్‌ను విస్మరించడాన్ని హిట్‌మ్యాన్‌ అభిమానులు జీర్ణించుకోలేకపోతున్నారు. రోహిత్‌పై శీతకన్ను ప్రదర్శించి, అతని సమవుజ్జీ అయిన విరాట్‌ కోహ్లిని జట్టులోకి తీసుకోవడాన్ని తప్పుబడుతున్నారు. బట్లర్‌ ఈ జట్టుకు కెప్టెన్‌గా టీమిండియా దిగ్గజం ఎంఎస్‌ ధోనిని ఎంపిక చేశాడు.ఈ జట్టులో బట్లర్‌ రాయల్ ఛాలెంజర్స్ బెంగళూరు ఆటగాళ్లకు పెద్దపీట వేశాడు. ఓపెనర్లుగా విరాట్‌ కోహ్లి, క్రిస్‌ గేల్‌లను ఎంపిక చేసి.. మూడో స్థానంలో 'మిస్టర్ ఐపీఎల్'గా పేరొందిన సురేశ్‌ రైనాకు చోటిచ్చాడు. నాలుగో స్థానంలో ఏబీ డివిలియర్స్‌ను ఎంపిక చేశాడు.మిడిలార్డర్‌లో వెస్టిండీస్ దిగ్గజాలు కీరన్‌ పోలార్డ్‌, ఆండ్రీ రసెల్‌\కు స్థానం కల్పించి.. వికెట్ కీపర్‌గా ఎంఎస్ ధోనిని ఎంచుకున్నాడు.ఆల్‌రౌండర్లుగా రషీద్‌ ఖాన్‌, సునీల్‌ నరైన్‌ జట్టులో చోటు దక్కించుకున్నారు. ఫాస్ట్ బౌలింగ్ బాధ్యతలను లసిత్‌ మలింగ, జస్ప్రీత్‌ బుమ్రాకు అప్పగించాడు. ఈ జట్టులో బట్లర్‌ తన పేరును కూడా చేర్చకోకపోవడం కొసమెరుపు.మాజీ ఇంగ్లండ్ కెప్టెన్ స్టువర్ట్ బ్రాడ్‌తో నిర్వహించిన 'For The Love Of Cricket' పోడ్‌కాస్ట్‌లో బట్లర్ తన ఆల్‌టైమ్ ఐపీఎల్ జట్టును వెల్లడించాడు.బట్లర్ ఎంపిక చేసిన ఆల్‌టైమ్ ఐపీఎల్ జట్టు:విరాట్ కోహ్లీ, క్రిస్ గేల్, సురేష్ రైనా, ఏబీ డివిలియర్స్, కీరన్ పోలార్డ్, ఆండ్రే రస్సెల్, ఎంఎస్ ధోనీ (కెప్టెన్, వికెట్ కీపర్), రషీద్ ఖాన్, సునీల్ నరైన్, లసిత్ మలింగ, జస్ప్రీత్ బుమ్రా.

టీమిండియాకు రెండు ఐసీసీ ట్రోఫీలు అందించిన కెప్టెన్‌ రోహిత్‌ శర్మ. టీ20 ప్రపంచకప్‌-2024, ఐసీసీ చాంపియన్స్‌ ట్రోఫీ-2025 టైటిళ్లను అతడి సారథ్యంలోనే భారత్‌ గెలుచుకుంది. దిగ్గజ కెప్టెన్‌గా ఎదిగిన రోహిత్‌కు.. కెరీర్‌ ఆరంభంలో ఒకానొకనాడు జట్టులో చోటే కరువైంది.ముఖ్యంగా 2011 వన్డే వరల్డ్‌కప్‌ సమయంలో సెలక్టర్లు రోహిత్‌ శర్మను పక్కనపెట్టారు. ఈ విషయం గురించి టీమిండియా మాజీ కెప్టెన్‌, మాజీ చీఫ్‌ సెలక్టర్‌ క్రిష్ణమాచారి శ్రీకాంత్‌ తాజాగా ఆసక్తికర వ్యాఖ్యలు చేశాడు. నాడు రోహిత్‌ను ఎంపిక చేయకపోవడానికి గల కారణాలు వెల్లడిస్తూ.. అతడిని క్షమాపణలు కోరాడు. బాధపడుతూనే ఉన్నాను‘‘ప్రతి ఇంటర్వ్యూలో తాను 2011 వరల్డ్‌కప్‌ ఆడటం మిస్సయ్యానని రోహిత్‌ చెబుతూ ఉన్నాడు. నిజంగా అతడి విషయంలో ఆరోజు జరిగిన దానిపట్ల నేటికీ నేను బాధపడుతూనే ఉన్నాను. గతేడాది అతడిని కలిసి.. ‘సారీ బాస్‌.. ఆనాడు మేము ఉద్దేశపూర్వకంగా ఏదీ చేయలేదు’ అని చెప్పాను.అప్పుడు మేము ఆల్‌రౌండ్‌ ప్రతిభ గల వాళ్లకే పెద్దపీట వేయాలని భావించాము. 1983 మాదిరే ఈ టోర్నీలో ఆడించాలనే ఆలోచనతో ఉన్నాము. మేము ఊహించినట్లుగానే ప్లేయర్‌ ఆఫ్‌ ది టోర్నీగా ఆల్‌రౌండర్‌ యువరాజ్‌ సింగ్‌ నిలిచాడు.అందుకే రోహిత్‌ను పక్కనపె ట్టాల్సి వచ్చిందికొన్ని మ్యాచ్‌లలో హాఫ్‌ ఆల్‌రౌండర్లు కూడా రాణించారు. సెహ్వాగ్‌, సచిన్‌, సురేశ్‌ రైనా కూడా కొన్ని ఓవర్లు బౌలింగ్‌ చేశారు. యూసఫ్‌ పఠాన్‌ సైతం హాఫ్‌ ఆల్‌రౌండరే. ఈ హాఫ్‌ ఆల్‌రౌండర్‌ కాన్సెప్టులో పడి రోహిత్‌ శర్మను పక్కనపెట్టాల్సి వచ్చింది.పాపం అతడికి జట్టులో చోటు దక్కలేదు. నిజానికి 2011 వరల్డ్‌కప్‌ టోర్నీలో ఆడేందుకు అతడు అర్హుడే. కానీ జట్టు ప్రయోజనాల దృష్ట్యా అతడిని ఎంపిక చేయలేకపోయాము’’ అని క్రిష్ణమాచారి శ్రీకాంత్‌ తన యూట్యూబ్‌ చానెల్‌ వేదికగా పేర్కొన్నాడు. కాగా 2011లో ధోని సారథ్యంలో టీమిండియా టైటిల్‌ గెలిచిన సంగతి తెలిసిందే.చదవండి: బంధం తెంచుకున్న కోహ్లి!.. రెస్టారెంట్‌ మూసివేత