సిన్సినాటి ఓపెన్‌ మాస్టర్స్‌ సిరీస్‌–1000 టెన్నిస్‌ టోర్నీలో ప్రపంచ నంబర్‌వన్, రష్యా స్టార్‌ డానిల్‌ మెద్వెదెవ్‌ సెమీఫైనల్లోకి దూసుకెళ్లాడు. శనివారం జరిగిన పురుషుల సింగిల్స్‌ క్వార్టర్‌ ఫైనల్లో టాప్‌ సీడ్‌ మెద్వెదెవ్‌ 7–6 (7/1), 6–3తో 11వ సీడ్‌ టేలర్‌ ఫ్రిట్జ్‌ (అమెరికా)పై గెలుపొందాడు. 2019లో ఈ టోర్నీ టైటిల్‌ సాధించిన మెద్వెదెవ్‌ సెమీఫైనల్లో ప్రపంచ ఏడో ర్యాంకర్‌ సిట్సిపాస్‌ (గ్రీస్‌)తో తలపడతాడు. మరో క్వార్టర్‌ ఫైనల్లో సిట్సిపాస్‌ 7–6 (7/5), 5–7, 6–3తో జాన్‌ ఇస్నెర్‌ (అమెరికా)పై విజయం సాధించాడు. మిగతా రెండు క్వార్టర్‌ ఫైనల్స్‌లో కామెరాన్‌ నోరీ (బ్రిటన్‌) 7–6 (7/4), 6–7 (4/7), 6–4తో మూడో సీడ్‌ అల్కారజ్‌ (స్పెయిన్‌)పై, బోర్నా చొరిచ్‌ (క్రొయేషియా) 6–4, 6–4తో ఫీలిక్స్‌ అలియాసిమ్‌ (కెనడా)పై నెగ్గారు.

మెల్‌బోర్న్‌: ఆస్ట్రేలియన్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీలో రష్యన్‌ స్టార్, నిరుటి రన్నరప్‌ మెద్వెదెవ్, గ్రీస్‌ ప్లేయర్‌ సిట్సిపాస్‌ ప్రిక్వార్టర్‌ ఫైనల్లోకి ప్రవేశించారు. మహిళల ఈవెంట్లో సిమోనా హలెప్‌ (రొమేనియా), అరిన సబలెంక (బెలారస్‌), ఇగా స్వియటెక్‌ (పోలండ్‌)లు కూడా ప్రిక్వార్టర్‌ ఫైనల్లోకి దూసుకెళ్లారు. శనివారం జరిగిన పురుషుల సింగిల్స్‌ మూడో రౌండ్లో రెండో సీడ్‌ మెద్వెదెవ్‌ 6–4, 6–4, 6–2తో వరుస సెట్లలో వాన్‌ డి జండ్‌షల్ప్‌ (నెదర్లాండ్స్‌)పై అలవోక విజయం సాధించాడు. ప్రపంచ రెండో ర్యాంకర్‌... గంటా 55 నిమిషాల్లోనే ప్రత్యర్థి ఆట కట్టించాడు.  క్రొయేషియా స్టార్‌ మారిన్‌ సిలిచ్‌ 7–5, 7–6 (7/3), 3–6, 6–3తో ఐదో సీడ్‌ అండ్రీ రుబ్లెవ్‌ (రష్యా)కు షాకిచ్చాడు. మిగతా మ్యాచ్‌ల్లో  నాలుగో సీడ్‌ సిట్సిపాస్‌ 6–3, 7–5, 6–7 (2/7), 6–4తో బెనాయిట్‌ పైర్‌ (ఫ్రాన్స్‌)పై, తొమ్మిదో సీడ్‌ ఫెలిక్స్‌ అగర్‌ అలియసిమ్‌ (కెనడా) 6–4, 6–1, 6–1తో డానియెల్‌ ఇవాన్స్‌ (ఇంగ్లండ్‌)పై, 11వ సీడ్‌ జానిక్‌ సిన్నెర్‌ (ఇటలీ) 6–4, 1–6, 3–6, 6–1తో తరో డానియెల్‌ (జపాన్‌)పై గెలుపొందారు. మహిళల సింగిల్స్‌ మూడో రౌండ్లో రెండో సీడ్‌ సబలెంక (బెలారస్‌) 4–6, 6–3, 6–1తో మర్కెటా వొండ్రోసొవా (చెక్‌ రిపబ్లిక్‌)ను ఓడించగా... ఏడో సీడ్‌ ఇగా స్వియాటెక్‌ (పోలండ్‌) 6–2, 6–3తో డారియా కసత్కినా (రష్యా)పై అలవోక విజయం సాధించింది. 14వ సీడ్‌ హలెప్‌ 6–2, 6–1తో డంకా కొవినిచ్‌ (మాంటెనిగ్రో)పై గెలిచింది.


 మాస్కో: అమెరికా టెన్నిస్ దిగ్గజం జిమ్మీ కానర్స్, రష్యా స్టార్ మరియా షరపోవాల గురుశిష్యుల బంధం నెలరోజుల ముచ్చటే అయింది. నెలరోజుల క్రితం ఆయనను కోచ్‌గా నియమించుకున్న ఈ రష్యా రమణి ఒక్క మ్యాచ్‌తోనే కానర్స్ కోచింగ్‌కు మంగళం పాడింది. సిన్సినాటి మాస్టర్స్ టోర్నమెంట్‌లో స్లోన్ స్టీఫెన్స్ చేతిలో షరపోవా ఓడింది.
  
   కానర్స్ ఈ ఫలితంపై తేలిగ్గా ట్వీట్ చేయడంతో విభేదించిన షరపోవా ఆయన్ను కోచ్‌గా తొలగిస్తున్నట్లు శుక్రవారం ప్రకటించింది. దీంతో కోచ్ లేకుండా ఆమె యూఎస్ ఓపెన్ గ్రాండ్‌స్లామ్ టోర్నమెంట్ బరిలోకి దిగనుంది. జిమ్మీ కానర్స్‌ను ఆమె గత నెలలోనే కోచ్‌గా నియమించుకుంది. అప్పుడు ఆయన భాగస్వామ్యంపై ఎంతో ఆసక్తిని కనబరిచిన ఆమె అంతలోనే ఆయన కోచ్‌గిరికి ఫుల్‌స్టాప్ పెట్టింది.