రాష్ట్ర విభజన నిర్ణయాన్ని వెనక్కి తీసుకోవాల్సిందేనంటూ వైఎస్సార్‌సీపీ ఆధ్వర్యంలో జనం కదంతొక్కారు. కేంద్ర ప్రభుత్వ తీరుపై ఆగ్రహం వ్యక్తం చేశారు. జిల్లా అంతటా ర్యాలీలు, మానవహారాలతో హోరెత్తించారు. విద్యార్థులు పెద్దసంఖ్యలో పాల్గొని సంఘీభావం తెలిపారు.
  
  సాక్షి, విజయవాడ :
  రాష్ట్ర విభజనపై కేంద్ర నిర్ణయాన్ని వ్యతిరేకిస్తూ మంగళవారం వైఎస్సార్ కాంగ్రెస్ పార్టీ ఆధ్వర్యంలో జిల్లా వ్యాప్తంగా ఆందోళన కార్యక్రమాలు ఉధృతంగా జరిగాయి. జగ్యయ్యపేటలో ఆ పార్టీ జిల్లా కన్వీనర్ సామినేని ఉదయభాను ఆధ్వర్యంలో వేలాదిమంది విద్యార్థులు, యువకులు ర్యాలీ నిర్వహించారు. వివిధ కళాశాలల విద్యార్థులు, యువకులు సమైక్యాంధ్ర జెండాలు పట్టుకొని తెలంగాణ, వేర్పాటువాదానికి వ్యతిరేకంగా నినాదాలు చేస్తూ ర్యాలీలో పాల్గొన్నారు. ఉదయభాను ఇంటివద్ద నుంచి ప్రారంభమైన ర్యాలీ బంగారుకొట్ల సెంటర్, ముక్త్యాల రోడ్డు, బలుసుపాడు సెంటర్‌కు చేరుకుని అక్కడ మానవహారం నిర్మించారు. అవనిగడ్డలో ఆ పార్టీ నియోజకవర్గ సమన్వయకర్త సింహాద్రి రమేష్‌బాబు ఆధ్వర్యంలో ర్యాలీ చేశారు. అనంతరం వంతెన సెంటర్‌లో ఎన్‌ఆర్‌ఐ ఇండియన్ స్ప్రింగ్స్ హైస్కూల్ విద్యార్థులతో మానవహారం నిర్మించారు.
  
   రాష్ట్ర విభజనకు నిరసనగా మైలవరంలో నియోజకవర్గ సమన్వయకర్తలు జ్యేష్ఠ రమేష్‌బాబు, జోగి రమేష్‌ల ఆధ్వర్యంలో బైక్ ర్యాలీ జరిగింది. కైకలూరు వైఎస్సార్ సీపీ కార్యాలయం వద్ద పార్టీ నియోజకవర్గ సమన్వయకర్త దూలం నాగేశ్వరరావు ఆధ్వర్యంలో సమైక్యాంధ్రకు మద్దతుగా జరుగుతున్న రిలే దీక్షలు మంగళవారానికి 126వ రోజుకు చేరాయి. పార్టీ పిలుపు మేరకు భారీగా విద్యార్థుల ర్యాలీ నిర్వహించారు. నందిగామలో మోటార్ సైకిల్ ర్యాలీ చేపట్టారు. ఈ ర్యాలీ నందిగామ పట్టణంలో పలు ప్రధాన          
  కూడళ్లలో కొనసాగింది. తిరువూరులో పార్టీ కార్యకర్తలు బైక్ ర్యాలీ నిర్వహించారు. నియోజకవర్గ సమన్వయకర్త బండ్రపల్లి వల్లభాయ్ ఆధ్వర్యంలో ఈ కార్యక్రమం చేపట్టారు. సమైక్యాంధ్రకు మద్దతుగా వైఎస్సార్‌సీపీ ఆధ్వర్యంలో నూజివీడు జంక్షన్ రోడ్డులో నిర్వహిస్తున్న రిలేదీక్షలు మంగళవారం నాటికి 106వ రోజుకు చేరాయి. ఈ శిబిరాన్ని పార్టీ నియోజకవర్గ సమన్వయకర్త మేకా వెంకట ప్రతాప్ అప్పారావు ప్రారంభించారు. ఈ శిబిరంలో పట్టణ ంలోని రామాయమ్మరావుపేటకు చెందిన కార్యకర్తలు దీక్షలో కూర్చున్నారు. ఈ శిబిరాన్ని మంగళవారంతో ముగిస్తున్నట్లు ఈ సందర్భంగా ప్రతాప్ తెలిపారు.  
  
  విజయవాడలో...
  విజయవాడలో స్థానిక గాంధీజీ మహిళా కళాశాల ప్రాంగణంలో నగర కన్వీనర్ జలీల్‌ఖాన్ ఆధ్వర్యంలో మంగళవారం భారీ మానవహారం నిర్మించారు. కళాశాల విద్యార్థులు, పార్టీ నాయకులు, కార్యకర్తలు పెద్ద సంఖ్యలో పాల్గొన్నారు. విభజన నిర్ణయాన్ని ఉపసంహరించుకోవాలంటూ పెద్దపెట్టున నినాదాలు చేశారు. విజయవాడ సెంట్రల్ నియోజకవర్గ సమన్వయకర్త పి.గౌతంరెడ్డి ఆధ్వర్యంలో బీఆర్‌టీఎస్ రోడ్డులో భారీ ర్యాలీ నిర్వహించారు. ఈ కార్యక్రమంలో ఎస్సీ సెల్ రాష్ట్ర విభాగం కన్వీనర్ నల్లా సూర్యప్రకాశ్, ప్రచార కమిటీ కన్వీనర్ విజయచందర్ తదితరులు పాల్గొన్నారు.


  సాక్షి, ఏలూరు:
  జిల్లాలో సమైక్యాంధ్ర పరిరక్షణ ఉద్యమం అగ్నిగుం డంలా మండుతోంది. దశదిశలా దావానలంలా వ్యాపిస్తోంది. నగరాలు, పట్టణాలు, మండల కేంద్రాలతోపాటు మారుమూల పల్లెల్లోనూ ఉవ్వెత్తున సాగుతోంది. 37 రోజు లుగా ఉద్యమం ఇంత సుస్థిరంగా ముందుకు సాగడానికి రాజకీయ నాయకుడో, పార్టీయో కారణం కాదు. ప్రజలే నాయకులై.. తమను తామే నడిపించుకుంటూ.. వారికి వారే దిశానిర్దేశం చేసుకుంటూ ఉద్యమాన్ని దౌడు తీరుుస్తున్నారు. ప్రతి సామాన్యుడు నాయకుడిగా మారడం.. వారి ఉమ్మడి అజెండా సమైక్యాంధ్ర కావడంతో ఉద్యమ తీవ్రత కొంచెమైనా తగ్గలేదు. ఒక్కొక్కరు కలిసి వేలు, లక్షలాదిగా విభజన నిర్ణయంపై దండెత్తుతున్నారు. ఈ నేపథ్యంలోనే
  సంయుక్త కార్యాచరణ సమితులు (జేఏసీలు) ఏర్పడ్డారుు. ఎక్కడికక్కడ లెక్కకు మిక్కిలిగా జేఏసీలు ఏర్పాటై ఉద్యమానికి ఊతకర్రగా నిలుస్తున్నారుు. వాటికి ప్రాతినిధ్యం వహిస్తున్న వారి మధ్య భేషజాలు లేవు. గ్రూపు రాజకీయాలు లేవు. వ్యక్తిగత డిమాండ్లు, స్వప్రయోజనాలు లేవు. మరీముఖ్యంగా జేఏసీలను నడిపిస్తున్న వారెవరూ పేరుకోసం కనీస స్థారుులో కూడా వెంపర్లాడటం లేదు. ఉమ్మడి ప్రణాళికతో.. ఉమ్మడి లక్ష్యం కోసం అంతా ఏకమై పోరాటం సాగిస్తున్నారు. జిల్లాలో ప్రభుత్వ, ప్రైవేటు ఉద్యోగులు, వ్యాపారులు, విద్యార్థులు, వృత్తిదారులు, రైతులు, కార్మికులు, కూలీలు, న్యాయవాదులు, వైద్యులు.. ఇలా అనేక వర్గాలవారూ జేఏసీలుగా ఒకేతాటిపైకి వచ్చారు.
  
  ‘సమైక్య’ సారథులు
  జిల్లా మొత్తం మీద 76 ప్రభుత్వ శాఖలకు చెందిన 45,155 మంది ఏపీ ఎన్జీవోలు జేఏసీగా ఏర్పడి ఉద్యమాన్ని తలకెత్తుకున్నారు. గతనెల 12 నుంచి వారంతా సమ్మె చేపట్టి, జీతాలు రాకపోయినా సొంత ఖర్చులతో ఉద్యమంలో పాల్గొంటున్నారు. 3 వేల మంది  ఉద్యోగులున్న ఆర్టీసీలోని అన్ని యూనియన్లు జేఏసీగా ఒకేతాటిపైకి వచ్చారుు. 20 రోజులు దాటినా బస్సులను డిపోలకే పరిమితం చేశారుు. 17వేల మంది ఉపాధ్యాయులు అన్ని ఉపాధ్యాయ సంఘాలతో కలిపి ఉపాధ్యాయ పోరాట సమితిని ఏర్పాటు చేశారు. 2,400 మంది విద్యుత్ ఉద్యోగులు తమ యూనియన్లను ఏకం చేసి జేఏసీని రూపొందించారు. జిల్లా విద్యార్థి కార్యాచరణ సమితిగా ఏర్పడి విద్యార్థులు గర్జిస్తున్నారు. గృహనిర్మాణ సంస్థ, పంచాయతీరాజ్ మినిస్టీరియల్ సిబ్బంది, ప్రైవేట్ విద్యాసంస్థలు, పశు సంవర్థక శాఖ, రెవెన్యూ ఉద్యోగులు, గ్రామీణాభివృద్ధి శాఖ ఉద్యోగులు జేఏసీలుగా రూపొందాయి. వర్తక, వాణిజ్య, వృత్తి సంఘాలు జేఏసీలుగా ఏర్పడి సమైక్యాంధ్ర కోసం చేపట్టే కార్యక్రమాలను విజయవంతం చేస్తున్నారుు.
  
  ఎక్కడికక్కడ నాన్ పొలిటికల్ జేఏసీలు ఏర్పడ్డారుు. రాజకీయ పార్టీలు, జెండాలు, అజెండాలకు అతీతంగా ఉద్యమం సాగుతోంది. టాక్సీలు, ఆటోలు, లారీల అసోసియేషన్లు, చిల్లర వర్తకులు, తోపుడు బండ్ల వ్యాపారులు, మత, కుల సంఘాలు ఒకే నినాదంతో ఉద్యమిస్తున్నాయి. న్యాయవాదుల జేఏసీలు సమైక్య ఉద్యమంలో పాల్గొనడంతోపాటు ఉద్యమకారులపై పోలీసులు కేసులు పెడితే స్వచ్ఛందంగా వాదిస్తామని ప్రకటించారు. రైతాంగ సమాఖ్య, రైతు కార్యాచరణ సమితి, రైతు వేదికల ఆధ్వర్యంలో కర్షకులూ ముందుంటున్నారు.
  
  చందాలు వేసుకుని...
  తెలంగాణ ఉద్యమంలో అక్కడి వారు వ్యాపారులు, పారిశ్రామికవేత్తల నుంచి చందాలు వసూలు చేశారనే అపవాదు మూటగట్టుకున్నారు. ఇక్కడ ఆ పరి స్థితి లేదు. ఇక్కడ భారీ పరిశ్రమలు, బడా వ్యాపారులు లేరు. ఉద్యమంలో పాల్గొనే ప్రతి పౌరుడు తన జేబులోని డబ్బునే ఖర్చు చేస్తున్నాడు. జేఏసీ సభ్యులు ఎవరికి వారు చందాలు వేసుకుంటున్నారు. తమ సంక్షేమం కోసం సంఘంలో దాచుకున్న సొమ్మును వినియోగిస్తున్నారు. సమైక్యాంధ్ర ఉద్యమానికి వైఎస్సార్ కాంగ్రెస్ పార్టీ మినహా మరే ఇతర పార్టీలు బాసటగా నిలవడం లేదు. కాంగ్రెస్, టీడీపీ స్థానిక నేతలు అడపాదడపా ఆందోళనల్లో పాల్గొని చేతులు దులిపేసుకుంటున్నారు.