సంభీత్, నేహారత్నాకరన్‌ జంటగా రూపొందుతోన్న ప్రేమకథా చిత్రమ్‌ ‘లాలిజో లాలిజో’. మోహన్‌ శ్రీ వత్సస దర్శకత్వంలో జై శ్రీ సంతోషిమాత ప్రొడక్షన్‌ పతాకంపై షంఖు, కిరణ్‌ నిర్మిస్తున్నారు. ఈ సినిమా ట్రైలర్‌ని హీరో, హీరోయిన్లు రిలీజ్‌ చేయగా, పాటల రచయిత కాసర్ల శ్యామ్‌ లోగో ఆవిష్కరించారు. దర్శకుడు మాట్లాడుతూ– ‘‘ఇది థ్రిల్లర్‌ కథాంశం కాదు. స్వచ్ఛమైన ప్రేమకథ. మనకు తెలియకుండానే మన నాలుక మీద తిరిగే అందమైన ప్రేమకథ ఇది. ప్రేక్షకుల ఊహకందని ప్రేమకథ. రిలీజ్‌ రోజు మొదటి షో చూడండి, బాగాలేకపోతే సినిమా చూడవద్దని అందరికీ చెప్పండి. బాగుంటే  మంచి సినిమా అని పదిమందికీ చెప్పండి’’ అన్నారు. ‘‘ఈ సినిమా  మా పాపలాంటిది. చాలా అందంగా, అద్భుతంగా వచ్చింది. మాకు మంచి గుర్తింపు తెస్తుందనే నమ్మకం ఉంది’’ అన్నారు నిర్మాతలు. ‘‘సినిమా చాలా బాగా వచ్చింది. ఈ చిత్రానికి అవార్డు వస్తుందని, రావాలని కోరుకుంటున్నా’’ అన్నారు కాసర్ల శ్యామ్‌. ఈ సినిమాకి సంగీతం: మెలోడీ శ్రీనివాస్, కెమెరా: మురళి కృష్ణ.


  ప్రమాదం ఏ రూపంలో వచ్చినా భయంగానే ఉంటుంది. అదే ఓ దెయ్యం రూపంలో వస్తే...సరిగ్గా ఇదే తరహా కథాంశంతో వస్తున్న చిత్రం ‘ప్రమాదం’. సంబిత్, మౌసమి, స్నేహ, ఎల్లి ముఖ్యతారలుగా అర్రా మూవీస్ పతాకంపై ప్రదీప్ దాస్, తపస్ జెనా దర్శకత్వంలో తమిళంలో ప్రదీప్ కుమార్ అర్రా నిర్మించిన ఈ చిత్రాన్ని శ్రేయాస్ మీడియా ఈ నెల 26న తెలుగులో విడుదల చేయనుంది. ‘‘ఏడుగురు వ్యక్తుల చుట్టూ తిరిగే ఈ కథ అందర్నీ ఆకట్టుకుంటుంది. ఈ సినిమాలో పాటలు, కామెడీ ఉండవు. కేవలం హారర్ మాత్రమే ఉంటుంది’’ అని శ్రేయాస్ శ్రీనివాస్ చెప్పారు.
  


  ప్రమాదం ఏ రూపంలో వస్తుందో తెలియదు...అదే ఓ దెయ్యంలా వస్తే! ఆ ఊహే భయంకరంగా ఉంది కదూ! ఈ తరహా కథాంశంతో వస్తున్న చిత్రం ‘ప్రమాదం’.
  
  సంబిత్, ఎల్లి, మౌసమి, స్నేహ ముఖ్యతారలుగా అర్రా మూవీస్ సమర్పణలో ప్రదీప్‌కుమార్ నిర్మించిన ఈ చిత్రానికి తపస్ జెనా దర్శకుడు. ఈ సినిమా ట్రైలర్‌ను దర్శకుడు మారుతీ హైదరాబాద్‌లో ఆవిష్కరించారు.
  
  చూస్తున్న ప్రేక్షకులు  క్షణక్షణానికి సినిమాలో  ఏం జరుగుతుందో భయపడేలా ఈ చిత్రాన్ని తెరకెక్కించాం. ఈ  నెల 19న ఈ చిత్రాన్ని విడుదల చేయనున్నాం’’ అని తెలిపారు .ఈ కార్యక్రమంలో హీరో హీరోయిన్లు సంబిత్, ఎల్లి, మౌసమి తదితరులు పాల్గొన్నారు.