సికింద్రాబాద్: సికింద్రాబాద్‌లోని సంగీత్ థియేటర్ వద్ద శనివారం ఓ కారు బీభత్సం సృష్టించింది. అతి వేగంగా వెళ్తున్న కారు అదుపుతప్పి వాహనాలపైకి దూసుకెళ్లిన ఘటనలో నలుగురికి తీవ్ర గాయాలు కాగా.. అందులో ఇద్దరి పరిస్థితి విషమంగా ఉన్నట్లు సమాచారం.
 
 ఈ ఘటనలో  నాలుగు ద్విచక్ర వాహనాలు, ఓ కారు ధ్వసం అయ్యాయి. సంఘటనా స్ధలానికి చేరుకున్న పోలీసులు గాయాలపాలైన వారిని ఆసుపత్రికి తరలించారు. క్షతగాత్రుల్లో ఇద్దరి పరిస్థితి విషమంగా ఉన్నట్లు వైద్యులు తెలిపారు. ఘటనకు సంబంధించిన పూర్తి వివరాలు తెలియాల్సి ఉంది. 


 సికింద్రాబాద్: సికింద్రాబాద్లోని సంగీత్ థియేటర్ సమీపంలో గోడ కూలిన సంఘటనలో ఇద్దరు కూలీలు మరణించారు. తొలుత ఒకరు చనిపోయినట్టుగా వార్తలు రాగా, ఆ తర్వాత మృతుల సంఖ్య రెండుకు పెరిగింది. మల్టీప్లెక్స్ నిర్మాణ దశలో గోడ కుప్పకూలింది. రక్షణ చర్యలు, సరైన జాగ్రత్తలు తీసుకోకపోవడంతో ప్రాణనష్టం జరిగినట్టు భావిస్తున్నారు. చనిపోయిన వారిని రాజయ్య, శారదలుగా గుర్తించారు.
 ఈ దుర్ఘటనలో మరో ఇద్దరు శిథిలాల కింద ఉన్నట్టు అనుమానిస్తున్నారు. ఈ సంఘటనకు సంబంధించి మరిన్ని వివరాలు తెలియాల్సివుంది. నిర్మాణపనులకు సంబంధించి యాజమాన్యం నిర్లక్ష్యంగా వ్యవహరించిందనే విమర్శలు వస్తున్నాయి. జీహెచ్ఎంసీ అధికారులు సంఘటనా స్థలాన్ని పరిశీలించి కేసు నమోదు చేశారు.