ఇళయ దళపతి విజయ్‌ అభిమానులకు లోక నాయకుడు కమల్‌హాసన్‌ ఓ స్వీట్‌ షాక్‌ ఇవ్వనున్నారని కోలీవుడ్‌ ఫిల్మ్‌ సర్కిల్‌ అంటోంది. వార్తల్లో ఉన్న ప్రకారం విజయ్‌ నటిస్తున్న ‘లియో’ చిత్రం టీజర్‌కి కమల్‌ వాయిస్‌ ఓవర్‌ ఇచ్చారట. ఈ నెల 22న విజయ్‌ పుట్టినరోజు సందర్భంగా ఓ మంచి యాక్షన్‌ టీజర్‌ని రెడీ చేస్తున్నారట చిత్రదర్శకుడు లోకేష్‌ కనగరాజ్‌. విజయ్‌ ΄ాత్ర పరిచయంతో ఈ టీజర్‌ సాగుతుందని, ఈ పరిచయం కమల్‌ మాటల్లో వినబడుతుందని భోగట్టా. కమల్‌ డబ్బింగ్‌ చెప్పేశారని, ఆ వాయిస్‌తో టీజర్‌ రెడీ చేసే పని మీద చిత్ర యూనిట్‌ ఉందని టాక్‌. త్రిష కథానాయికగా నటిస్తున్న ఈ చిత్రంలో సంజయ్‌ దత్‌ విలన్‌ ΄ాత్ర చేస్తున్నారు. అక్టోబర్‌ 19న ఈ చిత్రం విడుదల కానుంది.

సంజయ్‌దత్‌ ఆరోగ్యం క్షీణించడంతో ఆసుపత్రిలో చేరిన సంగతి  తెలిసిందే. అయితే ఆయన ఆరోగ్యం గురించి వివిధ రకాల పుకార్లు షికార్లు చేస్తున్నాయి. ఆయన ఊపిరితిత్తుల కాన్సర్‌తో బాధపడుతున్నారని,దానికి సంబంధించిన వార్తలు నెట్టింట్లో హల్‌చల్‌ చేస్తున్నాయి. ఆగస్టు 8 వతేదీన  ఊపిరి పీల్చుకోవడంలో ఇబ్బంది, ఛాతిలో నొప్పి రావడంతో ముంబైలోని లీలావతి హాస్పటల్‌లో చేరారు. ఆయనకు కరోనా టెస్ట్‌లు చేయగా నెగిటివ్‌ అని తేలింది. అయితే దీనికి సంబంధించి సంజయ్‌ దత్‌ ట్వీట్‌ చేశారు. నేను కొంత సమయం పాటు నా పనికి బ్రేక్‌ ఇచ్చాను. నా ఆరోగ్యం కొద్దిగా క్షీణించడంతో  చికిత్స నిమిత్తం హాస్పటల్‌లో చేరాను. ఇక్కడ నేను నా కుటుంబ సభ్యులు, హాస్పటల్‌ సిబ్బంది పర్యవేక్షణలో చికిత్స పొందుతున్నాను. ప్రస్తుతం నేను బాగున్నాను. నా గురించి వస్తున్న పుకార్లను దయచేసి ఎవరు నమ్మకండి. మీ అందరి అభిమానం, ఆశీస్సులతో నేను త్వరగానే తిరిగి వస్తాను’ అని ట్విట్టర్‌లో తెలిపారు.   ఇక సంజయ్‌దత్‌ ప్రస్తుతం ఆలియాభట్‌ నటిస్తున్న సడక్‌2 చిత్రంలో కనిపించనున్న విషయం తెలిసిందే. సంజయ్‌ ఆసుపత్రిలో చేరడంతో ఆయన అభిమానులతో పాటు చాలా మంది సెలబ్రెటీలు సైతం సంజయ్‌దత్‌ త్వరగా కోలుకోవాలని ప్రార్థిస్తూ ట్విట్‌ చేస్తున్నారు.  🙏🏻 pic.twitter.com/tinDb6BxcL — Sanjay Dutt (@duttsanjay) August 11, 2020 చదవండి: ‘సంజయ్‌ జీవితమంతా పోరాడుతూనే ఉన్నారు’

ముంబై: సంజయ్‌దత్‌ త్వరగా కోలుకోవాలని కోరుకుంటున్నామని ఆయనతో పాటు నటించిన  ఊర్మిళ, రితేష్‌దేశ్‌ ముఖ్‌ ఇన్‌స్టాగ్రామ్‌ ద్వారా తెలిపారు. మంగళవారం ఊపిరి తీసుకోవడంలో కష్టంగా ఉండటం, ఛాతి నొప్పి కారణంగా సంజయ్‌ దత్‌ ఆసుపత్రిలో చేరిన సంగతి తెలిసిందే. అయితే ఆయన ఊపిరితిత్తుల కాన్సర్‌తో బాధపడుతున్నట్లు తెలుస్తోంది. దీనికి సంబంధించి అధికారిక ప్రకటన ఇంకా వెలువడలేదు. హీరోయిన్‌ ఊర్మిళ.. సంజూ భాయ్‌తో 1997లో కలిసి నటించిన దౌడ్‌ చిత్రంలోని ఒక ఫోటోను షేర్‌ చేస్తూ... ‘సంజయ్‌ దత్‌ ఊపిరితిత్తుల క్యాన్సర్‌తో ఆసుపత్రిలో చేరారనే భయంకరమైన, బాధాకరమైన వార్తను విన్నాను. ఆయన తన జీవితమంతా పోరాడుతూనే ఉన్నారు. ఆయన త్వరగా కోలుకోవాలని కోరుకుంటున్నాను’ అని ఇన్‌స్టాగ్రామ్‌ పోస్ట్ చేశారు. అదే విధంగా రితేష్ దేశ్‌ముఖ్‌ కూడా సంజయ్‌దత్‌ త్వరగా కోలుకోవాలని దేవున్ని ప్రార్థిస్తున్నట్లు తెలిపారు. ప్రస్తుతం సంజయ్‌దత్‌ అలియా భట్‌ నటిస్తున్న సడక్‌ 2లో ప్రాజెక్ట్‌లో పనిచేస్తున్నారు.    View this post on Instagram ‪Such an upsetting n horrible news that @duttsanjay has been diagnosed of cancer..but then again he has been such a fighter all his life..here is wishing him a speedy recovery 👍🏻 #prayersforspeedyrecovery ‬ ‪#getwellsoon 🤗❤️ A post shared by Urmila Matondkar (@urmilamatondkarofficial) on Aug 11, 2020 at 7:30pm PDT చదవండి: 'సంజయ్‌.. ఆ నొప్పి ఎలా ఉంటుందో తెలుసు'

ముంబై: సినీ చరిత్రలో కేజీఎఫ్‌ చిత్రం ఎంతటి సంచలనం సృష్టించిందో మనందరికి తెలిసిందే. ప్రపంచవ్యాప్తంగా 250 కోట్లు కొల్లగొట్టి సినిమా పరిశ్రమను ఆశ్చర్యానికి గురి చేసింది. ప్రశాంత్ నీల్ దర్శకత్వం వహించిన కేజీఎఫ్‌.. కన్నడ చిత్ర పరిశ్రమలోనే కాక ప్రపంచ చలన చరిత్రలో రికార్డుల మోత మోగించింది. ఈ సినిమా దెబ్బకు బాలీవుడ్‌ బాద్‌షా షారుఖ్ ఖాన్ నటించిన జీరో సీనిమా సైతం కలెక్షన్లు లేక వెలవెలబోయింది. ప్రస్తుతం కేజీఎఫ్‌ సీక్వెల్‌ గురించి అందరు ఉత్కంఠగా ఎదురు చూస్తున్న విషయం తెలిసిందే. ఈ తరుణంలో అధీరా పోస్టర్‌ను హోంబలే ఫిల్మ్స్ ప్రొడక్షన్ హౌస్ విడుదల చేసింది. కేజీఎఫ్‌ మొదటి భాగంలో యష్‌ ముఖ్య పాత్రను పోషించగా సీక్వెల్‌లో మాత్రం ఇంకా సస్పెన్స్‌ కొనసాగుతూనే ఉంది. ఇటీవల ‍విడుదల చేసిన పోస్టర్‌లో సైతం కేవలం వెనక భాగం చూపెట్టడం  ద్వారా సస్పెన్స్‌ను కొనసాగిస్తున్నట్టే కనిపిస్తుంది. కానీ సంజయ్ దత్ అని సోషల్‌ మీడియాలో రూమర్‌లు వినిపిస్తున్నాయి. ‍అయితే సంజయ్ దత్, రవీన్ టాండన్‌లు  ముఖ్య పాత్రలు పోషిస్తున్నట్లు సినీ వర్గాల సమాచారం.

బర్త్‌డేకి కేక్‌ కట్‌ చేయడంతోపాటు థియేటర్‌లో బుల్లెట్స్‌ను పేల్చుతానంటున్నారు బాలీవుడ్‌ హీరో సంజయ్‌ దత్‌. తిగ్‌మాన్షు థూలియా దర్శకత్వంలో సంజయ్‌దత్, జిమ్మి షెర్గిల్, మహి గిల్, చిత్రాంగద సింగ్‌ ముఖ్య తారలుగా రూపొందుతున్న సినిమా ‘సాహెబ్‌ బిబీ ఔర్‌ గ్యాంగ్‌స్టర్‌ 3’. 2011లో వచ్చిన ‘సాహెబ్‌ బీబీ ఔర్‌ గ్యాంగ్‌స్టర్‌’, 2013లో ‘సాహెబ్‌ బీబీ ఔర్‌ గ్యాంగ్‌స్టర్‌ రిటర్న్స్‌’లను డైరెక్ట్‌ చేసిన థూలియా దర్శకత్వంలో రూపొందుతున్న మూడోపార్ట్‌ ఇది. సినిమా షూటింగ్‌ ఆల్మోస్ట్‌ కంప్లీట్‌ అయ్యిందని బాలీవుడ్‌ సమాచారం. అయినా ఇప్పుడు రిలీజ్‌ చేయరట. మంచి డేట్‌ కోసం చూస్తున్నారని సమాచారం. ఆ డేట్‌ సంజయ్‌ దత్‌ బర్త్‌డే డేట్‌ అని భోగట్టా. జూలై 29న సంజూ బాబా బర్త్‌డే. అదే రోజున ఈ సినిమాని విడుదల చేయాలనుకుంటున్నారట.

రణ్‌బీర్‌ కపూర్‌పై బాలీవుడ్‌కు భారీ ఆశలున్నాయి. నెక్‌ ్స›్టసూపర్‌స్టార్‌ రణ్‌బీరే అని అందరూ అనుకోవడం ఎప్పుడూ జరిగేదే! అయితే యాక్టింగ్‌ పరంగా ది బెస్ట్‌ అనిపించుకుంటాడు కానీ, బాక్సాఫీస్‌ వద్ద ఓ రేంజ్‌ హిట్‌ ఎప్పుడూ కొట్టలేక పోతుంటాడు. ప్రస్తుతానికి బాలీవుడ్‌ టాప్‌ డైరెక్టర్‌ రాజ్‌కుమార్‌ హిరానితో ‘సంజు’ సినిమా చేస్తున్నాడు రణ్‌బీర్‌. బాలీవుడ్‌ స్టార్‌ సంజయ్‌దత్‌ జీవిత కథ ఆధారంగా ఈ సినిమా తెరకెక్కుతోంది. మార్చిలో రిలీజ్‌. ఈ సినిమాతో రణ్‌బీర్‌ బాలీవుడ్‌లో టాప్‌ రేసులోకి దూసుకెళతాడని ట్రేడ్‌ భావిస్తోంది. దీని తర్వాత వచ్చే సినిమా కూడా అదే రేంజ్‌లో ఉండాలని రణ్‌బీర్‌ భావిస్తున్నాడట. అందుకే ఈసారి ఏకంగా బ్రహ్మాస్త్రం తీశాడు. బ్రహ్మాస్త్రం అంటే మామూలు విషయమా? శక్తులన్నీ కూడగట్టి బలాన్ని చూపించడం. ‘వేక్‌ అప్‌ సిద్‌’, ‘యే జవానీ హై దీవానీ’ సినిమాలతో తనకు సూపర్‌హిట్స్‌ ఇచ్చిన అయాన్‌ ముఖర్జీతో హ్యాట్రిక్‌ కోసం ‘బ్రహ్మాస్త్ర’ టైటిల్‌తో వచ్చేస్తున్నాడు రణ్‌బీర్‌. ఇందులో హీరోయిన్‌ ఆలియా భట్‌. అమితాబ్‌ బచ్చన్‌ కీ రోల్‌లో కనిపిస్తారు. ఇదొక సూపర్‌ హీరో జానర్‌ అని టాక్‌. ఫిబ్రవరిలో సెట్స్‌పైకి వెళుతుందీ సినిమా. ఇప్పటికే టీమ్‌ ఇజ్రాయిల్‌లో లొకేషన్‌ హంట్‌లో ఉంది. ‘సంజు’, ‘బ్రహ్మాస్త్ర’ ప్లాన్‌ చేసినట్లుగా, అందరూ అనుకున్నట్లుగా పెద్ద కమర్షియల్‌ హిట్స్‌ అయిపోతే రణ్‌బీర్‌ టాప్‌ రేసులోకి వెళ్లినట్టే!!!


 ఆగ్రా(ఉత్తర్‌ప్రదేశ్‌):
 తాను ఉత్తర్‌ప్రదేశ్‌, బిహార్‌ రాష్ట్రాలకు చెందిన పౌరుడినని బాలీవుడ్‌ నటుడు  సంజయ్‌దత్‌ చెప్పారు. తాజా చిత్రం ‘భూమి’లో షూటింగ్‌లో పాల్గొనడానికి వచ్చిన ఆయన విలేకరులతో మాట్లాడుతూ..తన నాయనమ్మ ఉత్తర్‌ప్రదేశ్‌కు చెందిన వారని, తాత బిహార్‌కు చెందిన వారు అవ్వడం వల్ల తాను ఈ రెండు రాష్ట్రాలకు చెందినవాడినవుతానని తెలిపారు. భూమి సినిమాకు సంబంధించిన షూటింగ్‌ బాగా జరుగుతోందన్నారు.
 
 ఐదు సంవత్సరాల తర్వాత తొలిసారి పూర్తిస్థాయిలో కెమెరా ముందుకు వచ్చినట్లు తెలిపారు. చివరిసారి 2014లో ‘పీకే’ చిత్రంలో చిన్న పాత్రతో మెరిశాడు. భూమి చిత్రానికి జాతీయ అవార్డు గ్రహీత ఒమంగ్‌ కుమార్‌ దర్శకత్వం వహిస్తున్నారు. ఈ చిత్రంలో అదితిరావు హైదరీ , శేఖర్‌ సుమన్‌ కీలక పాత్రలు చేస్తున్నారు.