చెన్నై: తమిళ స్టార్ సూర్య హీరోగా తెరకెక్కుతున్న యాక్షన్ మూవీ ’ఎస్‌-3’. ’సింగ్‌’ సిరీస్‌లో వస్తున్న మూడో సీక్వెల్‌ ఇది. ’సింగమ్‌-3’ నే సంక్షిప్తంగా ’ఎస్‌-3’ అంటున్నారు. ఇప్పటికే ’సింగం’, ’సింగం2’ సినిమాలు భారీ విజయాన్ని సొంతం చేసుకున్నాయి. ఈ నేపథ్యంలో వస్తున్న మూడో స్వీకెల్‌పైనా భారీగా అంచనాలు ఏర్పడ్డాయి.
 
 ఈ నేపథ్యంలో ఈ సినిమా తమిళనాడు థియేటర్ ప్రదర్శన హక్కులు రికార్డు ధరకు అమ్ముడుపోయాయి. ‘ఎస్-3’ థియేట్రికల్ హక్కులు రూ. 41 కోట్లకు అమ్ముడుపోయాయని, ‘సింగం-2’ భారీ విజయం నేపథ్యంలో రికార్డు ధరకు సినిమా హక్కులు హాట్ కేక్‌లా అమ్ముడుపోయాయని చిత్రవర్గాలు తెలిపాయి.  
 
 ప్రస్తుతం హరి దర్శకత్వంలో విశాఖపట్నంలో ఈ సినిమా షూటింగ్ కొనసాగుతోంది. ఈ సినిమాలో సూర్య సరసన శృతి హాసన్, అనుష్క షెట్టి నటించనున్నారు. 


  పదహారణాల తెలుగమ్మాయి అంజలి చేతిలో ప్రస్తుతం తెలుగు, తమిళ భాషల్లో కలిపి అరడజను సినిమాల వరకూ ఉన్నాయి. సో.. కథానాయికగా ఫుల్ బిజీ. అయినప్పటికీ ‘తరమణి’ అనే చిత్రంలో అతిథి పాత్ర చేయడానికి గ్రీన్ సిగ్నల్ ఇచ్చారని సమాచారం. ఈ పాత్ర తెరపై కనిపించేది కాసేపే అయినా ప్రేక్షకుల మన్ననలు పొందే విధంగా ఉంటుందట. అందుకే, అంజలి ఈ పాత్ర అంగీకరించారట. కాగా, తమిళంలో కో, సింగమ్ 2 చిత్రాల్లో అతిథి పాత్రలు చేశారు అంజలి. ఇప్పుడు ముచ్చటగా మూడోసారి చేయనున్నారు.