మనోజ్ నందం, స్మితిక ఆచార్య, మోనికా సింగ్ ముఖ్య తారలుగా  రూపొందుతోన్న చిత్రం ‘ఓ చెలియా... నా ప్రియసఖియా’. పి.రమేశ్ బాబుల్‌రెడ్డి స్వీయ దర్శకత్వంలో రూపొందుతోన్న ఈ చిత్రం ప్రస్తుతం పోస్ట్‌ప్రొడక్షన్‌లో ఉంది. రమేశ్ బాబుల్‌రెడ్డి మాట్లాడుతూ -‘‘ఇదొక రొమాంటిక్ ఫ్యామిలీ ఎంటర్‌టైనర్. అన్ని వర్గాలకూ నచ్చే అంశాలు ఇందులో ఉంటాయి. సాకేత్‌సాయిరామ్ స్వరాలు ఇప్పటికే శ్రోతల్ని అలరిస్తున్నాయి’’ అని తెలిపారు.
  


  ‘‘ఇప్పటివరకూ తెలుగు తెరపై రాని ప్రేమకథ ఇది. స్వచ్ఛమైన ప్రేమకు అచ్చమైన నిర్వచనంగా నిలుస్తుంది. ప్రతి ఒక్కరూ చూడదగ్గ చిత్రమిది’’ అని దర్శకుడు రాజ్ నరేంద్ర చెప్పారు. అనూప్‌తేజ్, రితికా ఆచార్య, సిమ్మిదాస్ హీరో హీరోయిన్లుగా నటించిన చిత్రం ‘జాబిల్లి కోసం ఆకాశమల్లే’. ఇందులో  ‘రియల్‌స్టార్’ శ్రీహరి ముఖ్యపాత్ర పోషించారు. శ్రీ శివభవాని సినిమా పతాకంపై గుగ్గిళ్ల శివప్రసాద్ ఈ చిత్రాన్ని నిర్మించారు. ఈ నెల రెండో వారంలో ఈ చిత్రం విడుదల కానుంది. ఈ సందర్భంగా నిర్మాత మాట్లాడుతూ -‘‘శ్రీహరి నటన ఈ సినిమాకు మెయిన్ హైలైట్. ఆయన నటించిన ఆఖరి చిత్రమిది. ఆయన పాత్ర అందరి హృదయాల్లోనూ నిలిచిపోతుంది. ఈ చిత్రాన్ని ఆయనకే అంకితం ఇస్తున్నాం’’ అని తెలిపారు. ఈ చిత్రానికి కెమెరా: జీఎల్ బాబు, సమర్పణ: శశిప్రీతమ్, సహనిర్మాతలు: గుగ్గిళ్ల నాగభూషణం, రాము.
  


 శ్రీహరి, అనూప్‌తేజ్, స్మితిక్ ఆచార్య, సిమ్మిదాస్, సుమన్, ఆమని ముఖ్యతారలుగా రూపొందుతోన్న చిత్రం ‘జాబిల్లి కోసం ఆకాశమల్లే’. రాజ్‌నరేంద్ర దర్శకుడు. శ్రీ శివభవాని సినిమా పతాకంపై గుగ్గిళ్ల శివప్రసాద్ ఈ చిత్రాన్ని నిర్మిస్తున్నారు. ఈ చిత్రం విశేషాలతో ప్రత్యేకంగా ఏర్పాటు చేసిన వెబ్‌సైట్‌ని ఇటీవల దర్శకుడు దశరథ్ ఆవిష్కరించారు. 
  
 ఈ సందర్భంగా నిర్మాత మాట్లాడుతూ -‘‘ప్రేమలోని మాధుర్యాన్ని సరికొత్త కోణంలో ఆవిష్కరించే చిత్రమిది. యువతను ఆకట్టుకునే అంశాలు పుష్కలంగా ఉన్నాయి. శ్రీహరి పాత్ర చిత్రణ చాలా ఆసక్తికరంగా ఉంటుంది. ఆయన పాత్రే ఈ సినిమాకు మెయిన్ హైలైట్. చిత్రీకరణ పూర్తయింది. 
  
 ప్రస్తుతం  నిర్మాణానంతర కార్యక్రమాలు జరుగుతున్నాయి. ఈ నెలాఖరున పాటలను విడుదల చేస్తాం’’ అని తెలిపారు. కృష్ణభగవాన్, జీవా, ఎల్బీ శ్రీరామ్, తాగుబోతు రమేష్ తదితరులు నటించిన ఈ చిత్రానికి సంగీతం: కాసర్ల శ్యామ్.