కబాలి ఫేమ్ సాయి ధన్షిక ప్రధానపాత్రలో వస్తోన్న చిత్రం దక్షిణ. మంత్ర, మంగళ సినిమాలతో మెప్పించిన ఓషో తులసి రామ్ ఈ చిత్రానికి దర్శకత్వం వహిస్తున్నారు. కల్ట్ కాన్సెప్ట్స్ మూవీ బ్యానర్‌పై అశోక్ షిండే నిర్మిస్తున్నారు. ఈ సినిమాలో రిషవ్ బసు కీలక పాత్ర పోషిస్తున్నారు. ఇప్పటికే ఈ మూవీకి సంబంధించి గ్లింప్స్ రిలీజ్ చేయగా.. ఆడియన్స్‌ నుంచి విశేష స్పందన వచ్చింది. తాజాగా ఈ సినిమా ట్రైలర్‌ను డైరెక్టర్‌ బుచ్చిబాబు సనా రిలీజ్‌ చేశారు.ఈ సందర్భంగా డైరెక్టర్ బుచ్చిబాబు మాట్లాడుతూ... 'ఈ మధ్య కాలంలో నన్ను బయపెట్టిన ట్రైలర్ ఇదే. తులసి రామ్ టాలీవుడ్‌కి మరో ట్రెండ్ సెట్టర్. దక్షిణ సినిమాతో సైకో థ్రిల్లర్‌ను ఇవ్వబోతున్నారు' అంటూ అభినందించారు. కాగా.. ఈ కార్యక్రమంలో దర్శక నిర్మాతలతో పాటు చిత్రబృందం కూడా పాల్గొన్నారు. ఈ సినిమా సైకో థ్రిల్లర్‌గా ప్రేక్షకుల ముందుకు రాబోతోంది. ఈ సినిమా చూసేటప్పుడు ఏం జరుగుతోందన్న సస్పెన్స్ ప్రేక్షకుల్లో ఉత్కంఠ కలిగిస్తుందని నిర్మాత అశోక్‌ షింజే అన్నారు. త్వరలోనే విడుదల తేదీని ప్రకటిస్తామని ఆయన తెలిపారు.


 కాన్పూర్ : జాతీయ స్థాయికబడ్డీ క్రీడాకారిణి స్నేహా సింగ్ (డాలీ)పై ఈనెల 15న తన ఇంటి సమీపంలో ఉండే ఉజాలా ఠాకూర్, గాంధీలు అత్యాచారయత్నం చేసేందుకు ప్రయత్నించారు. ఈ సంఘటనలో స్నేహ తీవ్రంగా ప్రతిఘటించడంతో అప్పటికి వదిలేసి వెళ్లిన ఆ ఇద్దరు తర్వాతి రోజు ఆమెపై దాడికి తెగబడ్డారు. లాఠీతో కొట్టడంతో క్రీడాకారిణి ముక్కు విరగడంతో పాటు అక్కడక్కడ దెబ్బలు తగిలాయి. ఈ దాడిని అడ్డుకునేందుకు వెళ్లిన స్నేహ బంధువులకు కూడా గాయాలయ్యాయి. అయితే జరిగిన సంఘటనపై ఫిర్యాదు చేసేందుకు బారా పోలీస్ స్టేషన్‌కు వెళ్లితే పోలీసులు తేలికగా తీసుకున్నారని ఆమె ఆరోపించింది.
 
 ఏవో చిన్న సెక్షన్లతో కేసు నమోదు చేసినా నిందితులను పట్టుకునేందుకు ప్రయత్నించలేదని చెప్పింది. జరిగిన ఉదంతంపై మంగళవారం కాన్పూర్ ఎస్‌ఎస్‌పీ శలబ్ మాథూర్‌ని కలిసి ఆమె మరోసారి ఫిర్యాదు చేసింది. దీనిపై స్పందించిన మాథూర్... స్నేహను వైద్య పరీక్షల కోసం ఆసుపత్రికి తరలించారు. క్రీడాకారిణి స్వల్ప గాయాలతో బాధపడుతుందని నివేదిక రావడంతో.... వాటి ఆధారంగా ఐపీసీ సెక్షన్ 323, 504, 506, 325ల కింద కేసును నమోదు చేశారు. రెండు పోలీసు బృందాలను ఏర్పాటు చేసి నిందితుల కోసం గాలింపు చర్యలు చేపట్టారు.