తాడేపల్లి : ఏపీలో వైఎస్సార్‌సీపీ సోషల్‌ మీడియా కార్యకర్తలకు అండగా నిలిచేందుకు పార్టీ అధినేత వైఎస్‌ జగన్‌మోహన్‌రెడ్డి ఆదేశాలతో ‘ప్రత్యేక టాస్క్‌ఫోర్స్‌’ ఏర్పాటైంది. కూటమి ప్రభుత్వం ఏర్పాడ్డాక వైఎస్సార్‌సీపీ సోషల్‌ మీడియా కార్యకర్తలే లక్ష్యంగా అక్రమ అరెస్టులు కొనసాగుతున్నాయి. ఒకవైపు అక‍్రమ అరెస్టులు చేస్తూనే వారిని వేధింపులకు గురిచేస్తున్నారు. దీనిని సమర్థవంతంగా ఎదుర్కోనేందుకు వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ప్రత్యేక టాస్క్‌ఫోర్స్‌కు నిర్ణయం తీసుకున్నారు. ఇందులో పార్టీ సోషల్‌ మీడియా కార్యకర్తలకు న్యాయ సహాయం కల్పించడంతో పాటు, భరోసా కల్పించడం, ఆత్మస్థైర్యాన్ని పెంచడానికి తాజాగా ఏర్పాటు చేసిన వైఎస్సార్‌సీపీ ప్రత్యేక టాస్క్‌ఫోర్స్‌ పని చేయనుంది.జిల్లాలవారీగా టాస్క్‌ఫోర్స్‌ వివరాలుశ్రీకాకుళం : సీదిరి అప్పలరాజు, శ్యామ్‌విజయనగరం: బెల్లాని చంద్రశేఖర్, జోగారావువిశాఖపట్నం : భాగ్యలక్ష్మి, కెకె రాజుతూర్పు గోదావరి : జక్కంపూడి రాజా, వంగా గీతపశ్చిమ గోదావరి : కె.సునిల్‌కుమార్‌ యాదవ్, జయప్రకాష్‌ (జేపి)కృష్ణా : మొండితోక అరుణ్‌ (ఎమ్మెల్సీ), దేవభక్తుని చక్రవర్తిగుంటూరు : విడదల రజని, డైమండ్‌ బాబుప్రకాశం : టీజేఆర్‌ సుధాకర్‌బాబు, వెంకటరమణారెడ్డినెల్లూరు : రామిరెడ్డి ప్రతాప్‌రెడ్డి, చంద్రశేఖర్ రెడ్డి (ఎమ్మెల్సీ)చిత్తూరు : గురుమూర్తి (ఎంపీ), చెవిరెడ్డి మోహిత్‌రెడ్డిఅనంతపురం : కేతిరెడ్డి వెంకట్రామిరెడ్డి, రమేష్‌గౌడ్‌కడప : సురేష్‌బాబు, రమేష్‌యాదవ్‌కర్నూలు హఫీజ్‌ఖాన్, సురేందర్‌రెడ్డి

లక్నో: ఎదురుగా వస్తున్న పశువుల మందను తప్పించేందుకు డ్రైవర్‌ ప్రయత్నించిన క్రమంలో తమ వాహనం అదుపు తప్పి ప్రమాదం సంభవించిందని స్పెషల్‌ టాస్క్‌ ఫోర్స్‌ శుక్రవారం వెల్లడించింది. వాహనం బోల్తా పడగానే వికాస్‌ దుబే పారిపోయేందుకు యత్నించచడం సహా తుపాకీ లాక్కొని తమపై కాల్పులు జరిపినట్లు తెలిపింది. పోలీసుల నుంచి 9ఎంఎం పిస్తోల్‌ లాక్కొన్న దుబే కాల్పులకు దిగాడని.. ఈ ఘటనలో ఇద్దరు పోలీసులు శివేంద్ర సింగ్‌ సెంగార్‌, విమల్‌ యాదవ్‌ తీవ్రంగా గాయపడినట్లు తెలిపింది. గ్యాంగ్‌స్టర్‌ను ప్రాణాలతో పట్టుకునేందుకు తీవ్రంగా ప్రయత్నించామని.. అయితే తప్పనిసరి పరిస్థితుల్లో ఆత్మ రక్షణ కోసం తాము సైతం కాల్పులకు దిగాల్సి వచ్చిందని పేర్కొంది. ఈ క్రమంలో దుబే గాయపడగా... అతడిని కాన్పూర్‌ ప్రభుత్వాసుపత్రికి తరలించినట్లు వెల్లడించింది. అయితే అప్పటికే అతడు మృతి చెందినట్లు వైద్యులు ధ్రువీకరించారని పేర్కొంది. ఈ మేరకు వికాస్‌ దుబే ఎన్‌కౌంటర్‌ అనంతరం స్సెషల్‌ టాస్క్‌ఫోర్స్‌ పత్రికా ప్రకటన విడుదల చేసింది. కాగా పోస్ట్‌మార్టం నివేదికలో దుబే భుజంపై ఒకటి, ఛాతీభాగంలో మూడు బుల్లెట్‌ గాయాలు ఉన్నట్లు వెల్లడైంది. (ఇలాంటి చావుకు దుబే అర్హుడే: రిచా) ఇక వికాస్‌ దుబే ఎన్‌కౌంటర్‌పై అనేక అనుమానాలు వ్యక్తమవుతున్న సంగతి తెలిసిందే. గ్యాంగ్‌స్టర్‌ వెనుక ఉన్న బడా నాయకులు, పోలీసులను కాపాడేందుకే అతడిని హతమార్చారంటూ పలువురు మండిపడుతున్నారు. ఈ నేపథ్యంలో ఎస్‌టీఎఫ్‌ ప్రకటన వాస్తవ కథనాలకు దూరంగా ఉండటం మరింత బలాన్ని చేకూరుస్తోంది. ఎస్‌టీఎఫ్‌కు చెందిన పోలీసులు వెల్లడించిన ప్రకారం.. బోల్తా పడిన వాహనంలోనే దుబే ఉన్నాడు. అయితే అతడిని కాన్పూర్‌ నగర్‌ జిల్లాకు తరలిస్తున్న క్రమంలో ఓ టోల్‌ప్లాజా వద్ద వీడియో ప్రకారం అతడు వేరొక వాహనంలో ఉన్నాడు. అదే విధంగా ఎస్‌టీఎఫ్‌ కాన్వాయ్‌ను అనుసరిస్తున్న మీడియా వాహనాలను సైతం ఎన్‌కౌంటర్‌ ఘటనాస్థలి కంటే దాదాపు రెండు కిలోమీటర్ల ముందే నిలిపివేశారు. పైగా దుబే చేతులకు సంకెళ్లు కూడా వేయకపోవడం గమనార్హం.(వికాస్‌ దుబే ఎన్‌కౌంటర్: అనేక అనుమానాలు!) STF issues press note in #VikasDubey encounter matter. "A herd of cattle had come in front of the vehicle due to which driver took sudden turn leading to accident...Police tried to go close to him to nab him alive but he continued to fire. Police retalitaed in self-defence..." pic.twitter.com/iOXaXv8vno — ANI UP (@ANINewsUP) July 10, 2020


 బీహార్లో భద్రత సిబ్బంది గుట్టుముట్లను మావోయిస్టులకు చేరవేస్తున్నాడనే అభియోగంపై సీఆర్పీఎఫ్ అసిస్టెంట్ కమాండెంట్ సంజయ్ కుమార్ యాదవ్ను నిన్న అరెస్ట్ చేసినట్లు స్పెషల్ టాక్స్ఫోర్స్ (ఎస్టీఎఫ్) పోలీసులు శుక్రవారం వెల్లడించారు. గయా జిల్లాలోని ఇమామ్గంజ్ పోలీసుస్టేషన్లో సంజయ్పై కేసు నమోదు చేసినట్లు ఉన్నతాధికారులు వివరించారు. మావోల కోసం భద్రత దళాలు గాలింపు చర్యలు చేపట్టే సమాచారం ముందుగానే సంజయ్ తన ఫోన్ ద్వారా మావోయిస్టులకు సమాచారం అందించేవారని ఎస్టీఎఫ్ అధికారులు వెల్లడించారు.
  
 ఇటీవల మావోయిస్టు ప్రదీప్ యాదవ్ను భద్రత దళాలు అదుపులోకి తీసుకుని ప్రశ్నించగా, సంజయ్ విషయం వెలుగులోకి వచ్చిందని తెలిపారు. దాంతో సీఆర్పీఎఫ్ ఉన్నతాధికారిగా ఉన్న సంజయ్కి మావోయిస్టులతో కొనసాగిస్తున్న సంబంధంపై... బీహార్ హోంశాఖ, కేంద్ర హోంశాఖకు సమాచారం అందించింది.
  
 దాంతో సంజయ్ అంశాన్ని కేంద్ర హోంశాఖ తీవ్రంగా పరిగణించింది. ఈ నేపథ్యంలో సంజయ్ను వెంటనే అరెస్ట్ చేయాలని ఆదేశించింది. అయితే సీఆర్పీఎఫ్ ఉన్నతాధికారిపై ఇలా కేసు నమోదు చేయడం బీహార్ రాష్ట్ర చరిత్రలో ఇదే తొలిసారని అధికారులు వెల్లడించారు. బీహార్ రాష్ట్రంలో గయా జిల్లాలో మావోయిస్టుల ప్రాబల్యం అధికంగా ఉన్న సంగతి తెలిసిందే.