TV
Sports Top Stories
శతక్కొట్టిన నిస్సంక.. చివరి ఓవర్‌ వరకు సాగిన మ్యాచ్‌లో శ్రీలంక గెలుపు
ప్రపంచ క్రికెట్‌లో మరో స్టార్.. 'ఆ నలుగురికి' ఛాలెంజ్‌ విసురుతున్న లంక బ్యాటర్
రాణించిన కర్రన్‌, సికందర్‌ రజా.. శ్రీలంకకు కఠిన సవాల్‌ విసిరిన జింబాబ్వే
అభిమానులను అవాక్కయ్యేలా చేసిన డేవిడ్ వార్నర్
చరిత్ర సృష్టించిన జింబాబ్వే ప్లేయర్‌.. అంతర్జాతీయ క్రికెట్‌లో అరుదైన ఘనత
బీభత్సం సృష్టించిన రింకూ సింగ్‌.. ఇక ఆ జట్లకు మూడినట్లే..!
అజేయ డబుల్‌ సెంచరీ.. టీమిండియా వైపు దూసుకొస్తున్న మరో యువ కెరటం
అరివీర భయంకరమైన ఫామ్‌లో నైట్‌రైడర్స్‌ బ్యాటర్.. సెంచరీ, వరుస హాఫ్‌ సెంచరీలు
స్పిన్న‌ర్‌గా మారిన బాబర్ ఆజం.. సూపర్ డెలివ‌రీతో క్లీన్ బౌల్డ్! వీడియో
కావ్యా మార‌న్ టీమ్ కొంప ముంచిన వరుణుడు.. ఫైనల్‌ నుంచి ఔట్‌?
ప్రధాన వార్తలు
శతక్కొట్టిన నిస్సంక.. చివరి ఓవర్‌ వరకు సాగిన మ్యాచ్‌లో శ్రీలంక గెలుపు
జింబాబ్వేతో జరిగిన రెండు మ్యాచ్‌ల వన్డే సిరీస్‌ను పర్యాటక శ్రీలంక 2-0 తేడాతో క్లీన్ స్వీప్‌ చేసింది. హరారే వేదికగా ఇవాళ (ఆగస్ట్‌ 31) జరిగిన రెండో మ్యాచ్‌లో ఆతిథ్య జట్టును 5 వికెట్ల తేడాతో ఓడించింది.టాస్ ఓడి తొలుత బ్యాటింగ్ చేసిన జింబాబ్వే.. బెన్‌ కర్రన్‌ (95 బంతుల్లో 79; 9 ఫోర్లు), సికందర్‌ రజా (55 బంతుల్లో 59 నాటౌట్‌; 5 ఫోర్లు, సిక్స్‌) అర్ద సెంచరీలతో రాణించడంతో నిర్ణీత 50 ఓవర్లలో 7 వికెట్ల నష్టానికి 277 పరుగులు చేసింది. లంక బౌలర్లలో దుష్మంత చమీరా 3 వికెట్లు తీయగా.. అషిత ఫెర్నాండో 2, దిల్షన్‌ మధుష్క, జనిత్‌ లియనాగే చెరో వికెట్‌ పడగొట్టారు.అనంతరం ఓ మోస్తరు లక్ష్య ఛేదనకు దిగిన శ్రీలంక.. ఓపెనర్‌ పథుమ్‌ నిస్సంక (136 బంతుల్లో 122; 16 ఫోర్లు) అద్భుతమైన శతకంతో కదంతొక్కినా, చివరి ఓవర్‌లో విజయం సాధించింది. జింబాబ్వే బౌలర్లు కట్టుదిట్టంగా బౌలింగ్ చేయడంతో మ్యాచ్ చివరి ఓవర్‌ వరకు సాగింది. నిస్సంకకు జతగా కెప్టెన్ అసలంక (61 బంతుల్లో 71; 7 ఫోర్లు) కూడా రాణించాడు. జింబాబ్వే బౌలర్లలో రిచర్డ్‌ నగరవ, బ్రాడ్‌ ఈవాన్స్‌ తలో 2 వికెట్లు తీయగా.. ముసుకు ఓ వికెట్‌ దక్కించుకున్నాడు.ఈ సిరీస్‌లో తొలి వన్డేలోనూ జింబాబ్వే గట్టి పోటీ ఇచ్చింది. చివరి వరకు పోరాడినా ఆ జట్టుకు ఓటమైతే తప్పలేదు. ఈ సిరీస్‌లో ఓడినా జింబాబ్వేకు మంచి మార్కులే పడ్డాయి. తమకంటే మెరుగైన శ్రీలంకపై జింబాబ్వే అద్భుతంగా రాణించింది. బ్యాటింగ్, బౌలింగ్ విభాగాల్లో సత్తా చాటింది.తొలి వన్డేలో శ్రీలంక నిర్దేశించిన 299 పరుగుల భారీ లక్ష్యాన్ని ఛేదిస్తూ 291 పరుగుల వద్ద ఆగిపోయింది. చివరి ఓవర్‌ ముందు వరకు పోరాడిన సికందర రజా (92) లక్ష్యానికి 10 పరుగుల దూరంలో ఔట్‌ కావడంతో పరిస్థితి తారుమారైంది. లంక బౌలర్‌ మధుష్క చివరి ఓవర్‌ తొలి మూడు బంతులకు వికెట్లు తీసి హ్యాట్రిక్‌ నమోదు చేయడంతో పాటు మ్యాచ్‌ను జింబాబ్వే చేతుల్లో నుంచి లాగేసుకున్నాడు.ఈ పర్యటనలో శ్రీలంక టీ20 సిరీస్‌ ఆడనుంది. సెప్టెంబర్‌ 3, 6, 7 తేదీల్లో హరారే వేదికగా ఈ సిరీస్‌ జరుగనుంది. ఈ సిరీస్‌ అనంతరం శ్రీలంక ఆసియా కప్ ఆడేందుకు నేరుగా యూఏఈకి వెళ్లనుంది.
ప్రపంచ క్రికెట్‌లో మరో స్టార్.. 'ఆ నలుగురికి' ఛాలెంజ్‌ విసురుతున్న లంక బ్యాటర్
27 ఏళ్ల శ్రీలంక ఓపెనింగ్‌ బ్యాటర్ పథుమ్‌ నిస్సంక ప్రపంచ క్రికెట్‌లో మరో బ్యాటింగ్ స్టార్‌గా రూపాంతరం చెందుతున్నాడు. ఇతగాడు ఫార్మాట్లకతీతంగా చెలరేగుతూ, నయా ఫ్యాబ్ ఫోర్‌లో ఒకడిగా ఉండేందుకు పూర్తి స్థాయి అర్హుడినంటూ సవాళ్లు విసురుతున్నాడు.ఇప్పటివరకు 18 టెస్ట్‌లు, 71 వన్డేలు, 65 టీ20లు ఆడిన నిస్సంక.. టెస్ట్‌ల్లో 45 సగటున 4 సెంచరీలు, 7 అర్ద సెంచరీల సాయంతో 1305 పరుగులు.. వన్డేల్లో 42 సగటున డబుల్‌ సెంచరీ, 7 సెంచరీలు, 17 అర్ద సెంచరీల సాయంతో 2730 పరుగులు.. టీ20ల్లో 121.66 స్ట్రయిక్‌రేట్‌తో 14 అర్ద సెంచరీల సాయంతో 1854 పరుగులు చేసి అతి తక్కువ మంది ఆల్ ఫార్మాట్‌ బ్యాటర్ల జాబితాలో ముందు వరుసలో నిలిచాడు.నిస్సంక ప్రస్తుతం జింబాబ్వేతో జరుగుతున్న వన్డే సిరీస్‌లో అత్యుత్తమ ఫామ్‌లో ఉన్నాడు. రెండు మ్యాచ్‌ల ఈ సిరీస్‌లో తొలి మ్యాచ్‌లో 76 పరుగులతో (92 బంతుల్లో 12 ఫోర్లు) రాణించిన అతను.. ఇవాళ (ఆగస్ట్‌ 31) జరుగుతున్న రెండో వన్డేలో అద్భుతమైన శతకంతో (136 బంతుల్లో 122; 16 ఫోర్లు) మెరిశాడు. ఈ మ్యాచ్‌లో జింబాబ్వే నిర్దేశించిన 279 పరుగుల లక్ష్యాన్ని ఛేదిస్తూ తన జట్టును గెలుపు తీరాల వరకు చేర్చాడు.నిస్సంక తాజా ప్రదర్శన తర్వాత ప్రపంచ క్రికెట్‌ అభిమానుల మధ్య నయా ఫ్యాబ్ ఫోర్‌పై చర్చ మళ్లీ మొదలైంది. ప్రస్తుతం అంతర్జాతీయ క్రికెట్‌లో కోహ్లీ, రూట్, విలియమ్సన్, స్మిత్‌ ఫ్యాబ్ ఫోర్‌గా కీర్తించబడుతున్నారు. వీరి కెరీర్‌లు చరమాంకానికి ఉన్న దశలో, నయా ఫ్యాబ్ ఫోర్‌ ఎవరనే చర్చ జరుగుతుంది.రేసులో చాలామంది యువ బ్యాటర్లు ఉన్నప్పటికీ.. శుభ్‌మన్‌ గిల్‌, యశస్వి జైస్వాల్‌, హ్యారీ బ్రూక్‌, రచిన్‌ రవీంద్ర పేర్లు ప్రధానంగా వినిపిస్తున్నాయి. ఈ నలుగురు ఫార్మాట్లకతీతంగా సత్తా చాటుతూ నయా ఫ్యాబ్ ఫోర్‌ రేసులో ముందున్నారు. వీరితో పాటు కెమరూన్‌ గ్రీన్‌, జేకబ్‌ బేతెల్‌ పేర్లు అడపాదడపా వినిపిస్తున్నా.. పోటీ మాత్రం గిల్‌, యశస్వి, బ్రూక్‌, రచిన్‌ మధ్యే ఉంటుందని చాలా మంది అభిప్రాయపడుతున్నారు.ఇలాంటి తరుణంలో ఫ్యాబ్ ఫోర్‌లో ఉండేందుకు తాను కూడా అర్హుడినేంటూ పథుమ్‌ నిస్సంక ముందుకొచ్చాడు. తన అసమాన ప్రతిభతో నయా ఫ్యాబ్ ఫోర్‌లో బెర్త్‌కు ప్రధాన పోటీదారుగా మారాడు. ఫార్మాట్లకతీతంగా గణాంకాలు అతన్ని ప్రధాన పోటీదారుగా మారుస్తున్నాయి. ఇదే ప్రదర్శనలను అతను మున్ముందు కూడా కొనసాగిస్తే, తప్పక నయా ఫ్యాబ్ ఫోర్‌లో ఒకడిగా కీర్తింబడతాడు. ప్రస్తుతానికైతే నిస్సంక నలుగురి మధ్య ఉన్న పోటీని ఐదుగురి మధ్యకు మార్చాడు.
రాణించిన కర్రన్‌, సికందర్‌ రజా.. శ్రీలంకకు కఠిన సవాల్‌ విసిరిన జింబాబ్వే
హరారే వేదికగా జరుగుతున్న వన్డే మ్యాచ్‌లో ఆతిథ్య జింబాబ్వే శ్రీలంక జట్టుకు కఠిన సవాల్‌ను విసిరింది. రెండు మ్యాచ్‌ల సిరీస్‌లో భాగంగా ఇవాళ (ఆగస్ట్‌ 31) జరుగుతున్న రెండో మ్యాచ్‌లో జింబాబ్వే తొలుత బ్యాటింగ్ చేసి మంచి స్కోర్ చేసింది. టాస్ ఓడినా శ్రీలంక ఆహ్వానం మేరకు బ్యాటింగ్‌కు దిగిన జింబాబ్వే.. ఓపెనర్‌ బెన్‌ కర్రన్‌ (95 బంతుల్లో 79; 9 ఫోర్లు), సికందర్‌ రజా (55 బంతుల్లో 59 నాటౌట్‌; 5 ఫోర్లు, సిక్స్‌) అర్ద సెంచరీలతో రాణించడంతో నిర్ణీత 50 ఓవర్లలో 7 వికెట్ల నష్టానికి 277 పరుగులు చేసింది.జింబాబ్వే ఇన్నింగ్స్‌లో కర్రన్‌, సికిందర్‌ రజాతో పాటు మిగతా బ్యాటర్లు కూడా తలో చేయి వేశారు. వికెట్‌కీపర్‌ క్లైవ్‌ మదండే 36, బ్రియాన్‌ బెన్నెట్‌ 21, బ్రెండన్‌ టేలర్‌, కెప్టెన్ సీన్‌ విలియమ్స్‌ తలో 20, మున్యోంగా 10, బ్రాడ్‌ ఈవాన్స్‌ 8, నగరవ 2 (నాటౌట్‌) పరుగులు చేశారు. ఈ ఇన్నింగ్స్‌లో శ్రీలంక బౌలర్లు ఏకంగా 19 వైడ్లు వేశారు. లంక బౌలర్లలో దుష్మంత చమీరా 3 వికెట్లు తీయగా.. అషిత ఫెర్నాండో 2, దిల్షన్‌ మధుష్క, జనిత్‌ లియనాగే చెరో వికెట్‌ పడగొట్టారు.అనంతరం ఒ మోస్తరు లక్ష్య ఛేదనకు దిగిన శ్రీలంకను జింబాబ్వే పేసర్‌ బ్రాడ్‌ ఈవాన్స్‌ ఆదిలో ఇబ్బంది పెట్టాడు. జట్టు స్కోర్ 48 పరుగుల వద్ద నువనిదు ఫెర్నాండోను (14), 68 పరుగుల వద్ద కుసాల్‌ మెండిస్‌ను (5) ఈవాన్స్‌ ఔట్‌ చేశాడు. 20 పరుగుల వ్యవధిలో 2 వికెట్లు కోల్పోయాక శ్రీలంక జట్టు జాగ్రత్తగా ఆడుతుంది. పథుమ్‌ నిస్సంక, సదీర సమరవిక్రమ మరో వికెట్‌ పడకుండా ఆచితూచి ఆడుతున్నారు. వీరిద్దరు మూడో వికెట్‌కు అజేయమైన 55 పరుగులు జోడించారు. 26 ఓవర్ల తర్వాత శ్రీలంక స్కోర్ 126/2గా ఉంది. నిస్సంక 77, సమరవిక్రమ 25 పరుగులతో క్రీజ్‌లో ఉన్నారు. ఈ మ్యాచ్‌లో శ్రీలంక గెలవాలంటే మరో 152 పరుగులు చేయాలి.కాగా, ఈ సిరీస్‌లోని తొలి మ్యాచ్‌లో జింబాబ్వే శ్రీలంకను ఓడించినంత పని చేసింది. శ్రీలంక నిర్దేశించిన 299 పరుగుల భారీ లక్ష్యాన్ని ఛేదిస్తూ 291 పరుగుల వద్ద ఆగిపోయింది. చివరి ఓవర్‌ ముందు వరకు పోరాడిన సికందర రజా (92) లక్ష్యానికి 10 పరుగుల దూరంలో ఔట్‌ కావడంతో పరిస్థితి తారుమారైంది. లంక బౌలర్‌ మధుష్క చివరి ఓవర్‌ తొలి మూడు బంతులకు వికెట్లు తీసి హ్యాట్రిక్‌ నమోదు చేయడంతో పాటు మ్యాచ్‌ను జింబాబ్వే చేతుల్లో నుంచి లాగేసుకున్నాడు. లేకపోయుంటే జింబాబ్వే సంచలన విజయం సాధించేది. జింబాబ్వే ఆటగాళ్ల పట్టుదల చూస్తుంటే రెండో మ్యాచ్‌లోనూ హోరాహోరీ తప్పేలా లేదు. పోరాడేందుకు వారు మంచి స్కోరే చేశారు. ప్రస్తుతానికి పరిస్థితి శ్రీలంకకు అనుకూలంగా ఉన్నా, మ్యాచ్ సాగేకొద్ది ఏమైనా జరగవచ్చు.
అభిమానులను అవాక్కయ్యేలా చేసిన డేవిడ్ వార్నర్
ఆస్ట్రేలియా మాజీ ఓపెనర్‌ డేవిడ్ వార్నర్ క్రికెట్‌ అభిమానులను అవాక్కయ్యేలా చేశాడు. తన కొత్త లుక్‌తో ఫ్యాన్స్‌ను నోరెళ్లబెట్టుకునేలా చేశాడు. తాజాగా వార్నర్ సోషల్‌మీడియాలో చేసిన ఓ పోస్ట్‌లో టీమిండియా మాజీ కెప్టెన్ ఎంఎస్‌ ధోని వింటేజ్‌ లుక్‌ను పోలి ఉన్నాడు. పొడవాటి జట్టుతో కెరీర్‌ తొలినాళ్లలోని ధోనిలా కనిపించాడు.“It’s coming along well” అంటూ ఇన్‌స్టాగ్రామ్‌ స్టోరీలో ఈ ఫోటోను పోస్ట్‌ చేశాడు. ఈ ఫోటోలో బ్లాక్ టీషర్ట్‌లో చిరునవ్వుతో కనిపించిన వార్నర్ లుక్‌ అభిమానులను విపరీతంగా ఆకట్టుకుంటుంది. ఈ ఫోటో సోషల్‌మీడియాలో హల్‌చల్‌ చేస్తుంది. వార్నర్ కొత్త లుక్‌ చూసి అభిమానులు ఔరా అంటున్నారు. ఇదేంది డేవిడ్ భాయ్‌, ఈ లుక్‌లో అచ్చం ధోనిలా ఉన్నావంటూ కామెంట్లు చేస్తున్నారు.వార్నర్ తన కెరీర్‌లో ఎప్పుడూ ఇంత పొడవాటి జట్టుతో కనిపించలేదు. లాంగ్‌ హెయిర్‌లో వార్నర్‌ను చూసి తొలుత చాలామంది అనుమానపడ్డారు. విగ్‌ పెట్టుకున్నాడా అని చెక్‌ చేసుకున్నారు. వార్నర్‌కు చిత్రవిచిత్ర పోస్ట్‌లతో నెటిజన్లను అవాక్కయ్యేలా చేసిన చరిత్ర ఉంది. అందుకే జనాలు వార్నర్ తాజా లుక్‌ను అంత ఈజీగా నమ్మలేదు. జనాలకు ఆట పట్టించడానికి విగ్గు పెట్టుకుని ఉంటాడని అనుకున్నారు. అయితే అది నిజమని తెలిసి నిశ్రేష్ఠులవుతున్నారు. డేవిడ్ భాయ్‌ జట్టు పెంచితే ఇంత స్మార్ట్‌గా ఉంటాడా అని అనుకుంటున్నారు.వార్నర్ ఇటీవలే అంతర్జాతీయ క్రికెట్‌కు గుడ్‌బై చెప్పి, ప్రస్తుతం ప్రైవేట్‌ లీగ్‌ల్లో మాత్రమే కొనసాగుతున్నాడు. తాజాగా అతను హండ్రెడ్ లీగ్‌లో పాల్గొని వరుస హాఫ్‌ సెంచరీలతో పర్వాలేదనపించాడు. ఈ క్రమంలో టీమిండియా స్టార్ విరాట్ కోహ్లిని అధిగమించి, టీ20ల్లో అత్యధిక పరుగులు చేసిన ఆటగాళ్ల జాబితాలో రెండో స్థానానికి ఎగబాకాడు.టీ20ల్లో అత్యధిక పరుగులు చేసిన ఆటగాళ్లు..క్రిస్ గేల్- 14,562డేవిడ్ వార్నర్- 13,595విరాట్ కోహ్లీ- 13,543
చరిత్ర సృష్టించిన జింబాబ్వే ప్లేయర్‌.. అంతర్జాతీయ క్రికెట్‌లో అరుదైన ఘనత
జింబాబ్వే ఆటగాడు బ్రెండన్‌ టేలర్‌ ఇటీవలికాలంలో తరుచూ వార్తల్లో నిలుస్తున్నాడు. అవినీతి ఆరోపణల కేసులో మూడున్నరేళ్ల ఐసీసీ నిషేధాన్ని పూర్తి చేసుకున్న అతడు.. కొద్ది రోజుల కిందటే అంతర్జాతీయ క్రికెట్‌లోకి రీఎంట్రీ ఇచ్చాడు. రీఎంట్రీలో దారుణంగా విఫలమైన బ్రెండన్‌.. తాజాగా అంతర్జాతీయ క్రికెట్‌లో ఓ అరుదైన మైలురాయిని తాకి మరోసారి వార్తల్లోకెక్కాడు.ఈసారి అతడు జింబాబ్వే తరఫున చారిత్రక మైలురాయిని అందుకున్న ఆటగాడిగా రికార్డుల్లోకెక్కాడు. ఇవాళ (ఆగస్ట్‌ 31) శ్రీలంకతో జరుగుతున్న వన్డేలో బ్రెండన్‌ అంతర్జాతీయ క్రికెట్‌లో 10000 పరుగులు పూర్తి చేసుకున్నాడు. జింబాబ్వే క్రికెట్‌ చరిత్రలో బ్రెండన్‌కు ముందు ఆండీ ఫ్లవర్‌ (320 ఇన్నింగ్స్‌ల్లో 11580 పరుగులు), గ్రాంట్‌ ఫ్లవర్‌ (337 ఇన్నింగ్స్‌లోల 10028 పరుగులు) మాత్రమే ఈ ఘనత సాధించారు. జింబాబ్వే ఆల్‌టైమ్‌ గ్రేట్‌ బ్యాటర్లలో ఒకడైన బ్రెండన్‌ తన కెరీర్‌లో 320 ఇన్నింగ్స్‌ల్లో 10000 పరుగులు పూర్తి చేసుకున్నాడు.ఓవరాల్‌గా ప్రపంచ క్రికెట్‌లో ఈ ఘనతను ఓ వంద మాత్రమే సాధించారు. జింబాబ్వే తరఫున అత్యధిక వన్డే సెంచరీలు (11) చేసిన ఆటగాడిగా రికార్డు కలిగిన బ్రెండన్‌.. క్రికెట్‌ దిగ్గజాలు సచిన్‌ టెండూల్కర్‌, సనత్‌ జయసూర్య తర్వాత అత్యధిక వన్డే కెరీర్‌ (21 ఏళ్లు) కలిగిన ఆటగాడిగానూ రికార్డుల్లో ఉన్నాడు.మ్యాచ్ విషయానికొస్తే.. శ్రీలంకతో జరుగుతున్న రెండో వన్డేలో బ్రెండన్‌ టేలర్‌ 20 పరుగులు చేసి ఔటయ్యాడు. ఈ మ్యాచ్‌లో తొలుత బ్యాటింగ్ చేసిన జింబాబ్వే.. బెన్‌ కర్రన్‌ (79), సికందర్‌ రజా (59 నాటౌట్‌) రాణించడంతో నిర్ణీత 50 ఓవర్లలో 7 వికెట్ల నష్టానికి 277 పరుగులు చేసింది. రెండు మ్యాచ్‌ల ఈ సిరీస్‌లోని తొలి వన్డేలో పర్యాటక శ్రీలంక 7 పరుగుల స్వల్ప తేడాతో గెలుపొందింది.
బీభత్సం సృష్టించిన రింకూ సింగ్‌.. ఇక ఆ జట్లకు మూడినట్లే..!
ఉత్తర్‌ప్రదేశ్‌ టీ20 లీగ్ 2025లో టీమిండియా విధ్వంసకర బ్యాటర్ రింకూ సింగ్‌ ఆకాశమే హద్దుగా చెలరేగుతున్నాడు. ఎన్నో అనుమానాల నడుమ (బ్యాటింగ్ నైపుణ్యంపై) ఈ లీగ్ బరిలోకి దిగిన రింకూ.. తనలోని అత్యుత్తమ టాలెంట్‌ను వెలికి తీసి, తనెంత విలువైన ఆటగాడో మరోసారి జనాలకు రుచి చూపించాడు. ఫినిషర్‌ అన్న బిరుదుకు రింకూ మరోమారు సార్దకత చేకూర్చాడు.ఈ లీగ్‌లో ఇప్పటివరకు 7 మ్యాచ్‌లు ఆడిన రింకూ.. 170కి పైగా స్ట్రయిక్‌రేట్‌తో, 59 సగటున సెంచరీ, 2 హాఫ్‌ సెంచరీల సాయంతో 295 పరుగులు చేశాడు. ఇందులో 20కి పైగా ఫోర్లు, 20కి పైగా సిక్సర్లు ఉన్నాయంటే రింకూ విధ్వంసం ఏ రేంజ్‌లో సాగిందో ఇట్టే అర్దమవుతుంది. గోరఖ్‌పూర్‌ లయర్స్‌పై రింకూ చేసిన 45 బంతుల శతకం సీజన్‌ మొత్తానికే హైలైట్‌గా నిలిచింది.తాజాగా రింకూ సృష్టించిన బీభత్సకాండ చూసిన తర్వాత ఆసియా కప్‌లో పాల్గొనే జట్ల బౌలర్లు బెదిరిపోతుంటారు. కాశీ రుద్రాస్‌తో నిన్న జరిగిన మ్యాచ్‌లో రింకూ శివాలెత్తిపోయాడు. కేవలం 48 బంతుల్లో 6 సిక్సర్లు, 6 బౌండరీల సాయంతో అజేయమైన 78 పరుగులు చేసి తన జట్టును విజయతీరాలకు చేర్చాడు.ఈ ఇన్నింగ్స్‌లో రింకూ గేర్‌ మార్చిన తీరు అభిమానులను విపరీతంగా ఆకట్టుకుంది. 26 పరుగులకే తన జట్టు 3 వికెట్లు కోల్పోయి కష్టాల్లో ఉండగా రింకూ ఎంట్రీ ఇచ్చాడు. తొలుత అతి నిదానంగా ఆడిన రింకూ.. ఆతర్వాత ఒక్కసారిగా పేట్రేగిపోయాడు. తానెదుర్కొన్న 48 బంతుల్లో తొలి 20 బంతుల్లో కేవలం 7 పరుగులే చేసిన రింకూ.. ఆతర్వాత పెను విధ్వంసం సృష్టించాడు. తర్వాతి 28 బంతుల్లో ఏకంగా 71 పరుగులు రాబట్టాడు. తానెదుర్కొన్న చివరి 11 బంతుల్లో రింకూ 4 ఫోర్లు, 5 సిక్సర్లు బాది మరో 26 బంతులు మిగిలుండగానే మ్యాచ్‌ను ముగించాడు.రింకూ సృష్టించిన ఈ బీభత్సకాండ ఐపీఎల్‌లో యశ్‌ దయాల్‌ను చీల్చిచెండాడిన (5 బంతుల్లో 5 సిక్సర్లు) వైనాన్ని గుర్తు చేసింది. తర్వలో ఆసియా కప్ ప్రారంభం కానుండగా.. రింకూ ప్రత్యర్థులను ఇప్పటినుంచే భయపెడుతున్నాడు. వాస్తవానికి రింకూను ఆసియా కప్‌కు ఎంపిక చేయకూడదనే చర్చ నడిచింది. ఇటీవలి కాలంలో అతను చెప్పుకోదగ్గ ఒక్క ప్రదర్శన కూడా చేయకపోవడమే ఇందుకు కారణం. రింకూ స్థానంలో ఆల్‌రౌండర్‌నో లేక శ్రేయస్‌ అయ్యర్‌నో ఎంపిక చేయాల్సిందని చాలామంది అభిప్రాయపడ్డాడు.అయితే అలాంటి వారి అభిప్రాయాలు తప్పని రింకూ తాజా ప్రదర్శనలతో రుజువు చేశాడు. యూపీ లీగ్‌లో రింకూ బౌలర్‌గానూ తనలోని యాంగిల్‌ను పరిచయం చేశాడు. ఆల్‌రౌండర్‌ను తీసుకుంటే బాగుండేదని భావించే వారిని రింకూ ఈ రకంగానూ సమాధాన పరిచాడు.యూపీ లీగ్‌లో మీరట్‌ మెవెరిక్స్‌కు సారధిగానూ వహిస్తున్న రింకూ.. తన జట్టును అదిరిపోయే విజయాలతో ముందుండి నడిపిస్తున్నాడు. కాశీ రుద్రాస్‌పై విజయం తర్వాత మీరట్‌ జట్టు పాయింట్ల పట్టికలో రెండో స్థానానికి ఎగబాకింది. ప్రస్తుతం కాశీ రుద్రాస్‌ మాత్రమే మీరట్‌ కంటే ముందుంది.
అజేయ డబుల్‌ సెంచరీ.. టీమిండియా వైపు దూసుకొస్తున్న మరో యువ కెరటం
భారత టెస్ట్‌ జట్టువైపు మరో యువ కెరటం దూసుకొస్తుంది. కోహ్లి, పుజారా రిటైర్మెంట్‌ తర్వాత ఖాళీగా ఉన్న మిడిలార్డర్‌ స్థానాలకు ఆక్రమించేందుకు మరో ఆటగాడు రేసులో వచ్చాడు. ఈ రెండు స్థానాల కోసం ఇప్పటికే పదుల సంఖ్యలో పోటీ ఉంది. సాయి సుదర్శన్‌, సర్ఫరాజ్‌ ఖాన్, కరుణ్‌ నాయర్‌ లాంటి వారు ప్రధాన పోటీదారులుగా ఉండగా.. కొత్తగా ఢిల్లీ రంజీ జట్టు కెప్టెన్ ఆయుశ్‌ బదోని రేసులోకి వచ్చాడు.25 ఏళ్ల బదోనికి రెడ్‌ బాల్‌ క్రికెట్‌లో అద్భుతమైన ట్రాక్‌ రికార్డు ఉంది. ఈ ఢిల్లీ కుర్రాడు ఆడిన 15 ఫస్ట్ క్లాస్ మ్యాచ్‌ల్లో 55కు పైగా సగటుతో 4 సెంచరీలు, 4 హాఫ్‌ సెంచరీల సాయంతో 1200 పైచిలుకు పరుగులు చేశాడు. ఇందులో రెండు డబుల్‌ సెంచరీలు ఉన్నాయి. వీటిలో ఒ‍కటి ఇవాళే (ఆగస్ట్‌ 31) చేశాడు.దులీప్‌ ట్రోఫీ 2025లో భాగంగా ఈస్ట్‌ జోన్‌తో జరిగిన మ్యాచ్‌లో బదోని (నార్త్‌ జోన్‌) రెండో ఇన్నింగ్స్‌లో అజేయమైన డబుల్‌ సెంచరీతో (223 బంతుల్లో 204 నాటౌట్‌; 13 ఫోర్లు, 3 సిక్సర్లు) సత్తా చాటాడు. ఈ మ్యాచ్ తొలి ఇన్నింగ్స్‌లోనూ బదోని మెరుపు హాఫ్‌ సెంచరీతో (63) మెరిశాడు.రెడ్‌ బాల్‌ క్రికెట్‌లో ఇటీవలికాలంలో భీకరమైన ఫామ్‌లో ఉన్న బదోని టెస్ట్‌ బెర్త్‌ కోసం భారత సెలెక్టర్లకు సవాల్‌ విసురుతున్నాడు. గడిచిన 7 ఇన్నింగ్స్‌ల్లో అతను వరుసగా 204*, 63, 99, 60, 44, 205* & 49 స్కోర్లు చేశాడు. ఇలాంటి ప్రదర్శనల తర్వాత ఎవరైనా భారత జట్టులో చోటు ఆశిస్తారు. వాస్తవానికి టీమిండియాలో ఉండేందుకు బదోని పూర్తి అర్హుడు. కుడి చేతి వాటం బ్యాటరైన అతడు.. బౌలింగ్ (కుడి చేతి ఆఫ్‌ స్పిన్) కూడా చేయగలడు.బదోని ఇదివరకే పొట్టి ఫార్మాట్‌లో తనను తాను నిరూపించుకున్నాడు. 2022 ఐపీఎల్‌ సీజన్‌ నుంచి లక్నో సూపర్ జెయింట్స్‌కు ఆడుతున్న బదోని.. ఆ జట్టు విజయాల్లో కీలకంగా వ్యవహరించాడు. ఐపీఎల్‌లో 56 మ్యాచ్‌లు ఆడిన బదోని 138.6 స్ట్రయిక్‌రేట్‌తో 6 అర్ద సెంచరీల సాయంతో 963 పరుగులు చేశాడు. అలాగే 4 వికెట్లు తీశాడు.మ్యాచ్ విషయానికొస్తే.. ఫలితం తేలకపోయినా తొలి ఇన్నింగ్స్ ఆధిక్యం కారణంగా ఈస్ట్‌ జోన్‌పై నార్త్‌ జోన్‌ విజయం సాధించి, సెమీస్‌కు చేరింది. ఈ మ్యాచ్‌లో తొలుత బ్యాటింగ్ చేసిన నార్త్‌ జోన్‌ 405 పరుగులు చేసింది. బదోని (63), కన్హయ్య (76) అర్ద సెంచరీలతో రాణించారు.అనంతరం ఈస్ట్‌ జోన్‌ తొలి ఇన్నింగ్స్‌లో 230 పరుగులకే ఆలౌటైంది. ఆకిబ్‌ నబీ హ్యాట్రిక్‌ సహా వరుసగా నాలుగు బంతుల్లో నాలుగు వికెట్లు తీసి సత్తా చాటాడు. భారీగా లభించిన ఆధిక్యంతో రెండో ఇన్నింగ్స్ ప్రారంభించిన నార్త్‌ జోన్‌.. ఈసారి మరింత భారీ స్కోర్ సాధించింది. బదోని డబుల్‌ సెంచరీ సహా యశ్‌ ధుల్‌ (133), కెప్టెన్ అంకిత్‌ కుమార్‌ సెంచరీలతో కదంతొక్కారు. అంకిత్‌ కుమార్‌ (198) రెండు పరుగుల తేడాతో డబుల్‌ సెంచరీ మిస్‌ అయ్యాడు.
అరివీర భయంకరమైన ఫామ్‌లో నైట్‌రైడర్స్‌ బ్యాటర్.. సెంచరీ, వరుస హాఫ్‌ సెంచరీలు
కరీబియన్‌ ప్రీమియర్‌ లీగ్ 2025లో ట్రిన్‌బాగో నైట్‌రైడర్స్‌ ఆటగాడు కొలిన్‌ మున్రో అరివీర భయంకరమైన ఫామ్‌లో ఉన్నాడు. ఈ టోర్నీలో ఇప్పటికే విధ్వంసకర శతకం 120(57) సహా వరుసగా 44(18), 43(30), 9(10), 67(44) స్కోర్లు చేసిన అతడు.. తాజాగా మరో మెరుపు అర్ద శతకం బాదాడు.గయానా అమెజాన్‌ వారియర్స్‌తో ఇవాళ (ఆగస్ట్‌ 31) జరిగిన మ్యాచ్‌లో 30 బంతుల్లో 6 ఫోర్లు, 3 సిక్సర్ల సాయంతో 52 పరుగులు చేశాడు. మున్రోతో పాటు మరో ఓపెనర్‌ అలెక్స్‌ హేల్స్‌ (43 బంతుల్లో 74; 3 ఫోర్లు, 7 సిక్సర్లు) కూడా చెలరేగడంతో ఈ మ్యాచ్‌లో నైట్‌రైడర్స్‌ 6 వికెట్ల తేడాతో ఘన విజయం సాధించింది. పాయింట్ల పట్టకలో ఇప్పటికే అగ్రస్థానంలో (6 మ్యాచ్‌ల్లో 5 విజయాలు) ఉన్న ఆ జట్టు.. తాజా విజయంతో పాయింట్లను మరింత మెరుగుపర్చుకుని టాప్ ప్లేస్‌ను సుస్థిరం చేసుకుంది.న్యూజిలాండ్‌కు చెందిన 38 ఏళ్ల కొలిన్‌ మున్రో ఈ సీజన్‌లో నైట్‌రైడర్స్‌ విజయాల్లో అత్యంత కీలకపాత్ర పోషిస్తున్నాడు. ఈ సీజన్‌లో నైడ్‌రైడర్స్‌ జట్టు కూడా అరివీర భయంకరంగా ఉంది. జట్టు నిండా విధ్వంసకర వీరులే ఉన్నారు. ఓపెనర్లుగా అలెక్స్‌ హేల్స్‌, కొలిన్‌ మున్రో.. వన్‌డౌన్‌లో కెప్టెన్ నికోలస్‌ పూరన్‌, నాలుగో స్థానంలో కీరన్‌ పోలార్డ్‌, ఐదో ప్లేస్‌లో ఆండ్రీ రసెల్‌, లోయర్‌ మిడిలార్డర్‌లో సునీల్‌ నరైన్‌.. ఇలా జట్టు మొత్తం హేమాహేమీలతో నిండుకుని ఉంది. ఈ జట్టు బౌలింగ్ విభాగంలోనూ పటిష్టంగా ఉంది. మొహమ్మద్‌ ఆమిర్‌, సునీల్‌ నరైన్‌, రసెల్‌, అకీల్‌ హొసేన్‌ లాంటి వరల్డ్‌ క్లాస్ బౌలర్లతో కళకళలాడుతుంది. ఇలాంటి జట్టుతో కరీబియన్‌ ప్రీమియర్‌ లీగ్ జట్లనే కాదు, ప్రపంచంలో ఏ జట్టునైనా ఓడించవచ్చు.మ్యాచ్ విషయానికొస్తే.. తొలుత బ్యాటింగ్ చేసిన గయానా అమెజాన్‌ వారియర్స్‌ నిర్ణీత 20 ఓవర్లలో 9 వికెట్ల నష్టానికి 163 పరుగులు చేసింది. వారియర్స్‌ ఇన్నింగ్స్‌లో హోప్‌ (39) ఒక్కడే చెప్పుకోదగ్గ స్కోర్ చేశాడు. ఆఖర్లో ప్రిటోరియస్‌ (21), సామ్పన్‌ (25) బ్యాట్‌ ఝులిపించడంతో వారియర్స్‌ ఈ మాత్రం స్కోరైనా చేయగలిగింది. నైట్‌రైడర్స్‌ బౌలర్లలో అకీల్‌ హొసేన్‌ 3 వికెట్లతో చెలరేగగా.. టెర్రన్స్‌ హిండ్స్‌ 2, ఆమిర్‌, రసెల్‌, నరైన్‌ తలో వికెట్‌ తీశారు.అనంతరం ఓ మోస్తరు లక్ష్య ఛేదనకు దిగిన నైట్‌రైడర్స్‌.. ఓపెనర్లు అలెక్స్‌ హేల్స్‌ (74), కొలిన్‌ మున్రో (52) చెలరేగడంతో 17.2 ఓవర్లలోనే విజయతీరాలకు చేరుకుంది. హేల్స్‌, మున్రో తొలి వికెట్‌కు 116 పరుగులు జోడించాక.. నైట్‌రైడర్స్‌ను వారియర్స్‌ కెప్టెన్ ఇమ్రాన్‌ తాహిర్‌ (4-0-27-4) కాస్త ఇబ్బంది పెట్టాడు. స్వల్ప వ్యవధిలో నాలుగు వికెట్లు తీశాడు. అయితే అప్పటికే నైట్‌రైడర్స్‌ గెలుపు ఖరారైపోయింది. పోలార్డ్‌ (12 నాటౌట్‌), రసెల్‌ (27 నాటౌట్‌) మ్యాచ్‌ను లాంఛనంగా ముగించారు.
స్పిన్న‌ర్‌గా మారిన బాబర్ ఆజం.. సూపర్ డెలివ‌రీతో క్లీన్ బౌల్డ్! వీడియో
ఆసియా కప్-2025కు పాకిస్తాన్ జట్టులో స్టార్ బ్యాటర్ బాబర్ ఆజం చోటు ద‌క్కించుకోలేక‌పోయిన సంగ‌తి తెలిసిందే. ప్రస్తుతం ఖాళీగా ఉంటున్న బాబర్ ఆజం.. తాజా ఓ ఎగ్జిబిషన్ మ్యాచ్‌లో అభిమానులను అల‌రించాడు. శ‌నివారం వ‌రద బాధితులకు విరాళాలు సేక‌రించేందుకు పెషావర్ జల్మి, ఆల్-స్టార్ లెజెండ్స్ ఎలెవ‌న్ జట్ల మధ్య ఎగ్జిబిషన్ మ్యాచ్ జ‌రిగింది.ఈ మ్యాచ్‌లో పెషావర్ జల్మికి ప్రాతినిథ్యం వ‌హించిన బాబర్.. స్పిన్న‌ర్‌గా స‌రికొత్త అవతారమెత్తాడు. స్పిన్ బౌలింగ్ చేయ‌డ‌మే కాకుండా రెండు వికెట్లు ప‌డ‌గొట్టి అంద‌రిని ఆశ్చ‌ర్య‌ప‌రిచాడు. పాకిస్తాన్ దిగ్గ‌జ బ్యాటర్ యూనిస్ ఖాన్‌ను బాబర్ అద్బుత‌మైన బంతితో క్లీన్ బౌల్డ్ చేశాడు. మ‌రొక పాక్ మాజీ టెస్టు బ్యాటర్ అజార్ అలీని కూడా బాబర్ పెవిలియ‌న్‌కు పంపాడు. అంత‌కుముందు బ్యాటింగ్‌లో కూడా బాబర్ దుమ్ములేపాడు. కేవలం 23 బంతుల్లో 4 ఫోర్లు, 3 సిక్స్‌ల‌తో 41 పరుగులు చేశాడు. అత‌డి బౌలింగ్, బ్యాటింగ్‌కు సంబంధించిన వీడియోలు ప్రస్తుతం సోష‌ల్ మీడియాలో వైర‌ల‌వ‌తున్నాయి.*_Younis khan out bowling Babar Azam_*#babarazam#PeshawarZalmi pic.twitter.com/PKq84Z7a2b— Umar_multani (@umar_multani1) August 30, 2025కాగా బాబర్ ఆజం పేరిట 7 ఫస్ట్ క్లాస్ వికెట్లు, 12 లిస్ట్‌-ఎ వికెట్లు ఉన్నాయి. ఇక ఈ మ్యాచ్‌లో ఆల్-స్టార్ లెజెండ్స్‌పై 6 పరుగుల తేడాతో పెషావర్ జల్మి విజయం సాధించింది. పెషావర్ నిర్ధేశించిన 145 పరుగుల లక్ష్యాన్ని ఆల్-స్టార్ లెజెండ్స్ టీమ్ ఛేదించ‌లేక‌పోయింది. ఆల్-స్టార్ లెజెండ్స్ కెప్టెన్ ఇంజామామ్ ఉల్ హక్(46) టాప్ స్కోర‌ర్‌గా నిలిచాడు.Babar Azam exhibition match me bhi clean bowled ho gyaa 😭 pic.twitter.com/Dk55hRxzAv— Ankur (@cricwithpant2) August 30, 2025
కావ్యా మార‌న్ టీమ్ కొంప ముంచిన వరుణుడు.. ఫైనల్‌ నుంచి ఔట్‌?
ది హండ్రెడ్ మెన్స్ కాంపిటీషన్ 2025 తుది ద‌శ‌కు చేరుకుంది. ఈ టోర్నీలో భాగంగా శ‌నివారం లండన్ వేదికగా ట్రెంట్ రాకెట్స్, నార్తర్న్ సూపర్‌చార్జర్స్ మధ్య జరగాల్సిన ఎలిమినిటేర్ మ్యాచ్ వర్షం కారణంగా రద్దు అయింది. దీంతో పాయింట్ల పట్టికలో రెండో స్ధానంలో నిలిచిన ట్రెంట్ రాకర్స్ ఫైనల్లో అడుగు పెట్టింది.పాయింట్ల పట్టికలో రాకర్స్(24) రెండో స్దానంలో నిలవగా.. సూపర్‌చార్జర్స్(20) మూడో స్ధానంతో సరిపెట్టుకుంది. కాగా వర్షం కారణంగా రద్దు అయిన ఈ మ్యాచ్‌లో తొలుత నార్తర్న్ సూపర్‌చార్జర్స్ బ్యాటింగ్ చేసింది. సూపర్ చార్జర్స్ బ్యాటింగ్ సందర్భంగా వరుణుడు పదేపదే అంతరాయం కలిగించాడు.సూపర్ చార్జర్స్ స్కోర్ 75 బంతుల్లో 5 వికెట్ల నష్టానికి 119 పరుగుల వద్ద భారీ వర్షం కారణంగా మ్యాచ్‌ను నిలిపివేశారు. ఆ తర్వాత సుమారు గంట సేపు వర్షం కారణంగా ఆట నిలిచిపోయింది. దీంతో సూపర్ ఛార్జర్స్ ఇన్నింగ్స్ ముగియగా.. డక్‌వర్త్ లూయిస్ పద్దతి ప్రకారం ట్రెంట్ రాకర్స్ లక్ష్యాన్ని 75 బంతుల్లో 134గా నిర్ణయించారు.అయితే ట్రెంట్ రాకెట్స్ లక్ష్య చేధనకు దిగి కేవలం ఐదు బంతులు మాత్రమే ఆడగా మళ్లీ వరుణుడు ఎంట్రీ ఇచ్చాడు. ఈసారి ఎప్పటికి వర్షం తగ్గుముఖం పట్టకపోవడంతో మ్యాచ్‌ను అంపైర్‌లు రద్దు చేశారు. దీంతో కావ్యామారన్ టీమ్‌కు నిరాశే ఎదురైంది. కాగా నార్తర్న్ సూపర్‌చార్జర్స్ జట్టు సన్‌రైజర్స్ హైదరాబాద్ సిస్టర్ ఫ్రాంచైజీ కావడమే గమనార్హం.ఇక ఆదివారం లార్డ్స్ వేదికగా జరగనున్న ఫైనల్లో ఓవల్ ఇన్విన్సిబుల్స్, ట్రెంట్ రాకెట్స్ జట్లు అమీతుమీ తెల్చుకోనున్నాయి. మరోవైపు మహిళల ఫైనల్లో సదరన్ బ్రేవ్ ఉమెన్, నార్తర్న్ సూపర్‌చార్జర్స్ జట్లు తలపడనున్నాయి.చదవండి: The Hundred: టీ20ల్లో ఫాస్టెస్ట్ సెంచరీ..! ఎవ‌రీ డేవినా పెర్రిన్?
హర్మన్‌ప్రీత్‌ ‘హ్యాట్రిక్‌’
రాజ్‌గిర్‌ (బిహార్‌): అంచనాలకు తగ్గట్టు ఆడకపోయినా....
టైటాన్స్‌ ఓటమితో మొదలు
విశాఖ స్పోర్ట్స్‌: ప్రొ కబడ్డీ లీగ్ (పీకేఎల్‌) కొ...
సింధుకు చుక్కెదురు
పారిస్‌: ప్రపంచ బ్యాడ్మింటన్‌ చాంపియన్‌షిప్‌ చరిత్...
డైమండ్ లీగ్ రన్నరప్గా నీరజ్ చోప్రా
భారత స్టార్ జావెలిన్‌ త్రోయర్‌ నీరజ్ చోప్రా జూరి...
శతక్కొట్టిన నిస్సంక.. చివరి ఓవర్‌ వరకు సాగిన మ్యాచ్‌లో శ్రీలంక గెలుపు
ప్రపంచ క్రికెట్‌లో మరో స్టార్.. 'ఆ నలుగురికి' ఛాలెంజ్‌ విసురుతున్న లంక బ్యాటర్
రాణించిన కర్రన్‌, సికందర్‌ రజా.. శ్రీలంకకు కఠిన సవాల్‌ విసిరిన జింబాబ్వే
అభిమానులను అవాక్కయ్యేలా చేసిన డేవిడ్ వార్నర్
చరిత్ర సృష్టించిన జింబాబ్వే ప్లేయర్‌.. అంతర్జాతీయ క్రికెట్‌లో అరుదైన ఘనత
బీభత్సం సృష్టించిన రింకూ సింగ్‌.. ఇక ఆ జట్లకు మూడినట్లే..!
అజేయ డబుల్‌ సెంచరీ.. టీమిండియా వైపు దూసుకొస్తున్న మరో యువ కెరటం
భారత టెస్ట్‌ జట్టువైపు మరో యువ కెరటం దూసుకొస్తుంద...
అరివీర భయంకరమైన ఫామ్‌లో నైట్‌రైడర్స్‌ బ్యాటర్.. సెంచరీ, వరుస హాఫ్‌ సెంచరీలు
కరీబియన్‌ ప్రీమియర్‌ లీగ్ 2025లో ట్రిన్‌బాగో నైట్...
స్పిన్న‌ర్‌గా మారిన బాబర్ ఆజం.. సూపర్ డెలివ‌రీతో క్లీన్ బౌల్డ్! వీడియో
ఆసియా కప్-2025కు పాకిస్తాన్ జట్టులో స్టార్ బ్యాట...
కావ్యా మార‌న్ టీమ్ కొంప ముంచిన వరుణుడు.. ఫైనల్‌ నుంచి ఔట్‌?
ది హండ్రెడ్ మెన్స్ కాంపిటీషన్ 2025 తుది ద‌శ‌కు చేర...
క్రీడలు
ప్రొ కబడ్డీ లీగ్ 12వ సీజన్‌ను ప్రారంభించిన వైభవ్‌ సూర్యవంశీ (ఫొటోలు )
నాకు తెలిసిన శక్తిమంతమైన మహిళ: పీవీ సింధు భావోద్వేగం (ఫొటోలు)
హైటెక్స్‌లో 5కే రన్‌.. నగరవాసుల సందడి (ఫోటోలు)
జోహార్ఫా రెస్టారెంట్‌లో సందడి చేసిన మహ్మద్‌ సిరాజ్‌(ఫోటోలు)
కాబోయే మరదలితో రిబ్బన్‌ కట్‌ చేసిన సారా.. సచిన్‌ పుత్రికోత్సాహం (ఫొటోలు)
చీరలో మెరిసిపోతున్న జహీర్ ఖాన్ భార్య (ఫోటోలు)
వన్డే వరల్డ్‌కప్‌-2025కి సిద్ధమైన బుమ్రా సతీమణి సంజనా (ఫొటోలు)
హైదరాబాద్ : కిర్మాణీ ఆటోబయోగ్రఫీని ఆవిష్కరించిన సిరాజ్‌ (ఫొటోలు)
సోదరీమణులతో టీమిండియా క్రికెటర్లు (ఫొటోలు)
విశాఖపట్నం : ఏపీఎల్‌ 4వ సీజన్‌..ఆరంభం అదుర్స్‌ (ఫొటోలు)
వీడియోలు
రాజస్థాన్ రాయల్స్ కు బిగ్ షాక్..! ద్రవిడ్ గుడ్ బై
కెప్టెన్ అయ్యర్ గిల్‌ కు భారీ షాక్
నాపై కుట్ర.. షమి కంటతడి
క్రికెట్‌కు పుజారా గుడ్ బై
గిల్‌ దెబ్బకు ఆ ఇద్దరూ అబ్బా!
అప్పుడు ధోనీ, ఇప్పుడు రోహిత్ పొగరు ప్రో మ్యాక్స్ భయ్యా
IPL : తలైవర్ ఫ్యాన్ Thala గూటికి..
అసలు రంగు బయటపడింది
ధోని పై రివేంజ్.. గంభీర్ ది బాస్
World Cup 2027: రోహిత్, కోహ్లి ఖేల్ ఖతం.. గంభీర్ గర్జన!