సాక్షి, అమరావతి/విజయవాడ స్పోర్ట్స్‌: టీడీపీ సీనియర్‌ నేత, మాజీ మంత్రి గొల్లపల్లి సూర్యారావు, పి.గన్నవరం టీడీపీ నేత నేలపూడి స్టాలిన్‌ బాబు వైఎస్సార్‌సీపీలో చేరారు. వారు బుధవారం సీఎం క్యాంప్‌ కార్యాలయంలో ముఖ్యమంత్రి వైఎస్‌ జగన్‌మోహన్‌ రెడ్డి సమక్షంలో పార్టీలో చేరారు. వారికి సీఎం వైఎస్‌ జగన్‌ పార్టీ కండువాలు కప్పారు. ఈ కార్యక్రమంలో వైఎస్సార్‌సీపీ రీజనల్‌ కోఆర్డినేటర్‌ పి.వి.మిథున్‌రెడ్డి, ఎంపీ కేశినేని నాని తదితరులు పాల్గొన్నా­రు. అనంతరం సీఎం క్యాంపు కార్యాల­యం వద్ద గొల్లపల్లి సూర్యారావు మాట్లాడుతూ చంద్రబాబు, లోకేశ్‌లనుద్దేశించి సంచలన వ్యాఖ్యలు చేశారు. చంద్రబాబు నాయకత్వంలో టీడీపీ పెత్తందార్లకు అను­కూలంగా, దళిత వర్గాలకు, సామాజిక న్యాయానికి వ్యతిరేకంగా ఉందని చెప్పారు. చంద్రబాబు, లోకేశ్‌ టీడీపీ నేతలు, కార్యకర్తల పట్ల దుర్మార్గంగా వ్యవహరిస్తున్నారని అన్నారు. నిబద్దతతో పనిచేసిన తనను తీవ్రంగా అవమానించారని, చంద్రబాబు మెడపట్టి పా­ర్టీ నుంచి గెంటేశారని వాపోయారు. సీఎం వైఎస్‌ జగన్‌ దేవుడి రూపంలో తనను అక్కు­న చేర్చుకున్నా­రని తెలిపారు. టీడీపీ పుట్టిన నాటి నుంచి తాను కష్టపడి పనిచేశానని, పదవి ఉన్నా లేకపోయినా, గెలిచినా గెలవకపోయినా పార్టీ కోసం పనిచేశానని చెప్పారు. 2014లో అమలాపురం పార్లమెంట్‌ ఇస్తానని హామీ ఇచ్చిన చంద్రబాబు ఆ తర్వాత మొండి చేయి చూపించారన్నారు. అయినా క్రమశిక్షణ కలిగిన నేతగా తాను ఎంతో కష్టపడి జిల్లాలో పార్టీని కాపాడుకున్నానని అన్నారు. జనసేన, టీడీపీ పొత్తు పేరు చెప్పి తనకు సీటు లేకుండా చేశారని చెప్పారు. చంద్రబాబు, లోకేశ్‌ ఉంటే ఉండు పోతే పో అన్నట్లు చూశారని, జీవితంలో ఎప్పుడూ అనుభ­వించని అవమానం టీడీపీలో ఎదుర్కొన్నానని ఆవేదన వ్యక్తం చేశారు. సీఎం వైఎస్‌ జగన్‌ తనకు ధైర్యా­న్నిచ్చి అండగా ఉంటామని భరోసా ఇచ్చారని చె­ప్పా­రు. లోకేశ్‌ ముఠా రాష్ట్రాన్ని కబళించాలని చూ­స్తోందని తెలిపారు. చంద్రబాబు స్వార్థపూరిత ఆలో చనలకు పవన్‌ బలి అయ్యారని, పోత్తులో మోసం చేసి బాబు లబ్ధి పొందుతున్నారని చెప్పారు. జనసేన మనుగడ కష్టమేనన్నారు. దేవుడిలాంటి మనిషైన వైఎస్సార్‌ నన్ను ఎంతో దగ్గరకు తీసి రాజకీయంగా ప్రోత్సహించి మంత్రి పదవి ఇచ్చి గౌరవించారని అన్నారు. ఆ మహానుభావుడి కుమారుడైన సీఎం జగన్‌ దగ్గరకి చేరటం ఎంతో ఆనందంగా ఉందన్నారు. సీఎం జగన్‌ నాయకత్వంలో వైఎస్సార్‌సీపీ కోసం శాయశక్తులా పనిచేస్తానని చెప్పారు. తుది శ్వాస వరకు సీఎం వైఎస్‌ జగన్‌ వెంటే ఉంటానని, ఆయన ఏ బాధ్యత ఇచ్చినా నిర్వర్తిస్తానని తెలిపారు.   మిథున్‌రెడ్డి, కేశినేని నానితో చర్చలు  గొల్లపల్లి సూర్యారావు మంగళవారం రాత్రి విజయవాడలోని కేశినేని భవన్‌లో ఎంపీలు కేశినేని నాని, మిథున్‌రెడ్డితో సుదీర్ఘ చర్చలు జరిపారు. అనంత­రం టీడీపీకి రాజీనామా చేస్తున్నట్లు సూర్యారావు ప్ర­కటిం­చారు. చంద్రబాబు ఆలోచనశైలి పెత్తందార్ల­కు అను­­కూలంగా ఉండటంతో ఆ పార్టీకి రాజీనా­మా చేస్తు­న్నట్లు తెలిపారు. అణగారిన వర్గాల అ­భ్యు­న్నతి కోసం సీఎం జగన్‌ అమలు చేస్తున్న సంక్షేమ కార్య క్రమాల పట్ల ఆకర్షితుడినయ్యానని తెలిపారు.  

భారతదేశం విభిన్న సంస్కృతి సంప్రదాయాల సమాహారం. వందల ఏళ్ల నాటి  సంప్రదాయాలను నేటికీ కొనసాగించడం దేశం గర్వించదగ్గ విషయం. సంక్రాంతి పర్వ దినాలలో భాగంగా కోన సీమ ప్రాంతంలో నిర్వహించే ప్రభల తీర్థాలు అత్యంత విశిష్టమైనవే కాక 400 సంవత్సరాల చరిత్ర కలిగినవి. ఈ ఏడాది ఢిల్లీలో జరిగే ప్రధాన గణతంత్ర వేడుకల్లో ఆంధ్రప్రదేశ్‌ ప్రభుత్వం ‘ప్రభల తీర్థం’ ఇతివృత్తంగా తయారుచేసిన శకటాన్ని ప్రదర్శిస్తోంది. డాక్టర్‌ బీఆర్‌ అంబేడ్కర్‌ కోనసీమ జిల్లా అంబాజీపేట మండలం, జగ్గన్నతోటలో నిర్వహించే ప్రభల తీర్థం కోనసీమలో అత్యంత ముఖ్యమైన సాంస్కృతిక వేడుక. క్రీ.శ 17వ శతాబ్దంలో ప్రభల తీర్థాన్ని ప్రారంభించారని అంటారు. 11 గ్రామాల నుండి వచ్చిన ఏకాదశ రుద్రులు ఇక్కడ కొలువై ఉంటారని ప్రతీతి.  గతంలో ప్రధానమంత్రి నరేంద్ర మోదీ ప్రభల తీర్థం విశిష్టతను కొనియాడుతూ నిర్వాహకులకు లేఖను రాశారు. సంప్రదాయబద్ధంగా, భక్తి శ్రద్ధలతో  వెదురు, తాటి కర్రలను, రంగు రంగుల కొత్త బట్టలు, నూలుదారాలను, కొబ్బరి తాళ్ళను, రంగు కాగితాలను, నెమలి పింఛాలను ఉపయోగించి ఒక అందమైన ప్రభను తయారు చేసి భక్తి శ్రద్ధలతో పూజలు నిర్వహిస్తారు. ఆ తర్వాత ఆయా గ్రామాల నుండి ఉత్సవ ప్రదేశానికి అంగరంగ వైభవంగా భుజాలపై ఆ ప్రభలను మోసుకువస్తారు. కుల మతాలకు అతీతంగా ఈ తీర్థానికి భక్తులు హాజరవ్వడం విశేషం. ప్రతియేటా సంక్రాంతి పర్వదినాల్లో కనుమ నాడు ఈ తీర్థాన్ని నిర్వహించడం ఆనవాయితీగా వస్తున్నది.  కోనసీమ వ్యాప్తంగా దాదాపు 200 గ్రామాల్లో ప్రభల తీర్థాలను నిర్వహిస్తారు. ఉమ్మడి ఉభయ గోదావరి జిల్లాలలోనే కాక కృష్ణా జిల్లాలోనూ ప్రభల సంప్రదాయం ఉన్నది. చుట్టుపక్కల గ్రామాల ప్రజలు ఈ ఉత్సవాల్లో పాల్గొంటారు. ఈ ప్రాంతాలకు చెందిన ప్రజలు దేశ, విదేశాలలో ఎక్కడ ఉన్నా... సంక్రాంతి సమయానికి మాత్రం వారి వారి స్వగ్రామాలకు చేరుకొని, ప్రభల తీర్థా లలో పాల్గొంటారు. మేళ తాళాలు, సంప్రదాయ నృత్యాల నడుమ బాణసంచా కాలుస్తూ సంప్రదాయ సంగీత వాద్యాలు, ‘గరగ’ జానపద కళారూపం వంటివాటిని ప్రదర్శిస్తూ వేడుకలు చేసుకుంటారు. సంప్రదాయ కళలకు, వాటినే నమ్ముకుని జీవిస్తున్న కళాకారులకు ఈ ఉత్సవాలు ప్రోత్సాహం ఇస్తాయి. చిన్న చిన్న బొమ్మలు, జీళ్ళు, కర్జూరం, గృహోపకరణాలు వంటివాటిని అమ్ముకుని జీవించే అనేక మంది చిరు వ్యాపారులకు ఆర్థికంగా చేయూత ఇస్తున్నాయి ఈ తీర్థాలు. ప్రభల తీర్థ మహోత్సవాల్లో కొలువుదీరే ప్రభలలో వాకల గురువు (52 అడుగుల ఎత్తు), తొండవరం (51 అడుగుల ఎత్తు) ప్రభలు రాష్ట్రంలోనే అత్యంత ఎల్తైన ప్రభలుగా గుర్తింపబడ్డాయి. ఇంత ఎల్తైనప్రభలను తయారు చేయడం, వాటిని గ్రామస్థులు తమ భుజస్కంధాలపై ఎత్తుకుని కొబ్బరి, వరి పొలాలు, కాలువలు దాటుకుంటూ తీర్థం జరిగే ప్రదేశానికి తీసుకురావడం ఎంతో శ్రమతో కూడిన పని. పెద్ద ప్రభలకు బాసటగా పిల్ల ప్రభలను కొలువుదీరుస్తారు. వీటిని స్వయంగా 10 నుండి 15 ఏళ్ల వయసు ఉన్న చిన్నారులు తయారు చేస్తారు.  సమాజంలో శాంతి, లోక కల్యాణం కోసం ప్రజలు ఏకాదశ రుద్రులను ప్రార్థిస్తారు. రైతులను సంఘటితం చేసేందుకు, వారి ఐక్యతను పెంపొందించేందుకు ఇవి ఉపయోగపడతాయని భావి స్తారు. ఇంతటి సాంస్కృతిక ప్రాధాన్యం కలిగిన ప్రభల తీర్థాలను ప్రతిబింబిస్తూ... గణతంత్ర దినోత్సవంలో ప్రదర్శించ తలపెట్టిన రాష్ట్ర శకటం ఎంతో ఆకర్షణీయంగా ఉంది. శకటం ముందు భాగంలో కోనసీమ జిల్లాలో సంక్రాంతి పర్వదినాల సందర్భంగా అలంకరించినట్లుగా ఉన్న ఒక గూడు ఎడ్ల బండిపై రైతు కుటుంబం ప్రయాణిస్తున్నట్లుగా చిత్రించారు. అలాగే కోనసీమ ప్రకృతి అందాలను ప్రతిబింబించే విధంగా వరి పొలం గట్టుపై ఈ బండి వెళుతున్నట్లుగాను, వరి ధాన్యాన్నీ, ఈ ప్రాంతంలో పండే కొన్ని కూరగాయలను, పొలాలను కూడా చిత్రించారు. దాని వెనుకే శోభాయమానంగా అలంకరించిన ప్రభలను, బోయీలు మోస్తున్న పల్లకీని ప్రదర్శిస్తున్నారు. ప్రభలను రైతులు పూజించే విధానాన్నీ, కోనసీమలో సంప్రదాయ ‘గరగ నృత్యం’ విశిష్ట తనూ తెలిపేవిధంగా ప్రదర్శన ఉంటుంది. వెనుక భాగంలో కోనసీమ కొంగుబంగారం కొబ్బరి చెట్లు ఎటూ ఉంటాయనుకోండి!   ఆంధ్రప్రదేశ్‌ ప్రభుత్వం ఈ శకటం ప్రదర్శించడం ద్వారా తెలుగు ప్రజల సంస్కృతీ సంప్రదాయాలకు పెద్దపీట వేసింది. తద్వారా రైతు పండుగకు అగ్రతాంబూలం ఇచ్చింది. (క్లిక్‌ చేయండి: సకల శక్తుల సాధన సబ్‌ప్లాన్‌) - నేలపూడి స్టాలిన్‌ బాబు  సామాజిక రాజకీయ విశ్లేషకులు

ఇటీవల రాష్ట్రంలో గంజాయి రాజకీయం నడుస్తోంది. గంజాయిని రాష్ట్ర ప్రభుత్వానికి ఆపాదించి మచ్చతెచ్చేందుకు ప్రధాన ప్రతిపక్షం కుటిలనీతిని అవలంబిస్తోంది. దీనిని ఢిల్లీ స్థాయిలోకి తీసుకువెళ్లి ప్రభుత్వానికి చెడ్డ పేరు తెచ్చే ప్రయత్నం చేయడం రాష్ట్ర ప్రజలను అవమాన పరిచేదిగా ఉంది. దేశ, విదేశాలకు ఆంధ్రప్రదేశ్‌ గంజాయి ఎగుమతి కేంద్రంగా ఉన్నదనే అపోహ సృష్టించే ప్రయత్నం అత్యంత ప్రమాదకరం. రాజకీయంగా వైరి వర్గాలు ఆరోపణలు చేసుకోవడం సహజమే. ప్రతిపక్షాలు అధికార పక్షంపై విమర్శలు చేయడం కూడా సహజమే. కానీ గంజాయి విషయం ఒక సున్నితమైన అంశం. దీనిని ఒక రాజకీయ అస్త్రంగా మార్చుకోవాలనే ప్రయత్నం వలన దేశానికీ, ప్రపంచానికీ ఒక తప్పుడు సంకేతం ఇవ్వడమే కాక ఇక్కడి ప్రజల మనోభావాల పైన ప్రభావం చూపిస్తుంది. ఆంధ్ర ప్రజలను దోషులుగా నిలబెట్టే ప్రయత్నంగా భావించాల్సిన పరిస్థితులు ఏర్పడుతున్నాయి. గతంలో మన రాష్ట్రానికి సీఎంగా పనిచేసిన ఒక నాయకుడు ‘కేంద్రం ఒక మిథ్య’ అంటూ విమర్శించేవారు. కేంద్రం ఒక మిథ్య అంటే రాష్ట్రం ఒక మి«థ్య కాదా? ఈ తరహా విమర్శలు మంచిది కాదంటూ కేంద్ర ప్రభుత్వానికి వ్యతిరేకమైన పార్టీలతో సహా రాజకీయ విజ్ఞులు దానిపై ఘాటుగా స్పందిం చడంతో ఆయన ఆ మాటను మాట్లాడకుండా హుందాతనాన్ని కాపాడుకున్నారు. సరిగ్గా ఇప్పుడు గంజాయి విషయంలో ప్రతిపక్ష పార్టీలు, ముఖ్యంగా ప్రధాన ప్రతిపక్షం చేస్తున్న విమర్శలు ఇదే కోవకు చెందుతాయి. గంజాయిని రాష్ట్ర ప్రభుత్వమే ఎగుమతులు చేస్తున్నట్లుగా ఉన్న వారి విమర్శలు ప్రజాస్వామ్యంలో అత్యంత ప్రమాదకరం గంజాయి వంటి మత్తు పదార్థాలను ఎవరూ ప్రోత్సహించరు. ఇది అంతర్రాష్ట్ర సమస్య. ఒక రాష్ట్రం కట్టుదిట్టంగా అమలు చేసినా మరో రాష్ట్రంలోనో ఇంకో రాష్ట్రంలోనో ఎగుమతులు జరగవచ్చు. వాటిని సమూలంగా నిర్మూలించేందుకు కొంత సమయం పట్టవచ్చు. ముఖ్యంగా అటవీ ప్రాంతాలలో జరిగే ఈ తరహా విషయాలను నిర్మూలించేందుకు తప్పకుండా సమయం పడుతుంది. స్మగ్లర్లు ఆ ప్రాంతాలలో నివసించే నిరుపేదలను ఇందుకు పావులుగా వాడుకొనే పరిస్థితులలో దీనిని నిర్మూలించే ప్రక్రియలో సవాళ్లు ఎదురవుతూ ఉంటాయి. గంజాయి విషయం కూడా కొత్తగా ఏర్పడిన సమస్య కాదు. గత ప్రభుత్వ హయాంలో ఒక మంత్రి మీడియా సమావేశంలో చేసిన వ్యాఖ్యలు, వీడియో టేపులు ఇటీవల ప్రచారంలోకి వచ్చాయి. గంజాయి ఎగుమతులలో రాష్ట్రం నంబర్‌ వన్‌గా ఉన్నదంటూ అప్పటి ముఖ్యమంత్రి చంద్రబాబునాయుడు మంత్రివర్గ సమావేశంలో వ్యాఖ్యానించారు అంటూ ఆ మంత్రి వ్యాఖ్యలు చేయడం ఆ వీడియో సారాంశం. అంటే గంజాయిని అప్పటి ప్రభుత్వమే ప్రోత్సహిం చినట్లా? ఈ వ్యాఖ్యల ద్వారా గత ప్రభుత్వ హయాంలో ఈ సమస్య ఏ స్థాయిలో ఉందో ఊహించవచ్చు. ఇది రాత్రికి రాత్రి పరిష్కారం అయ్యే సమస్య కాదు. కావాలని బురద చల్లే ప్రయత్నం వల్ల రాష్ట్రానికీ, ప్రభుత్వానికీ, ప్రజలకు చెడ్డపేరు తెస్తే చరిత్ర క్షమించదు. ప్రజలు అంతకన్నా క్షమించరు. బాధ్యతగల ప్రతిపక్షం, ఆ పక్ష నాయకుడు వ్యవహరించాల్సిన తీరు ఇది కాదని రాజకీయ నిపుణులు వ్యాఖ్యానిస్తున్నారు. గంజాయి విషయంలో గత ప్రభుత్వంపై అనేక ఆరోపణలు ఉన్నాయి. ముఖ్యంగా ఆ సమయంలో ఒక పక్క గంజాయితో పాటు, మరోపక్క ఎర్రచందనం స్మగ్లింగ్‌ విషయంలో అప్పటి మంత్రులు, సాక్షాత్తు ముఖ్యమంత్రి తనయుడిపై ఆరోపణలు వచ్చాయి. ఈ పరిణామాలను ఎదుర్కొనేందుకు గంజాయి దొంగలంటూ అమాయకులైన నిరుపేదలను ఎన్‌కౌంటర్‌ చేసింది ప్రభుత్వం. ఈ విషయంలో అప్పటి తెలుగుదేశం పార్టీ పార్లమెంటరీ సమావేశంలో ఒక లోక్‌సభ సభ్యుడు నాటి ముఖ్యమంత్రి  చంద్రబాబును సూటిగా ప్రశ్నిస్తూ ‘స్మగ్లర్లను వదిలేసి అమాయకులైన నిరుపేదలను పొట్టన పెట్టుకున్నది మన ప్రభుత్వం, ఇది చాలా దారుణం’ అంటూ ప్రశ్నించగా ఆయన సమాధానం దాటవేశారంటూ వార్తలు వచ్చాయి. ఈ పరిణామాలతో అప్పటి స్మగ్లర్లతో ప్రభుత్వంలో ఉన్న నేతల సంబంధాలు బయటపడ్డాయి. దీనిని మళ్ళీ ఇప్పుడు రాష్ట్ర ప్రభుత్వానికి ఆపాదించే ప్రయత్నాన్ని విజ్ఞులు ఎవరు సమర్థించరు. ఈ తరహా విష సంస్కృతి రాజకీయాలలో తప్పుడు సంకేతాలను ఇస్తుంది. రాజ్యాంగ బద్ధంగా ఎన్నికైన ప్రభుత్వాన్ని గౌరవించాలనే కనీస విలువలు మంటగలపడం దురదృష్టకరం. నేలపూడి స్టాలిన్‌ బాబు  వ్యాసకర్త సామాజిక రాజకీయ విశ్లేషకులు మొబైల్‌: 83746 69988

సాక్షి ప్రతినిధి, కాకినాడ: టీడీపీలో కుమ్ములాటలు ఎక్కువయ్యా యి.  నేతల మధ్య విభేదాలు పొడచూపుతున్నాయి. నియోజకవర్గాల వారీగా నువ్వానేనా అన్నట్టుగా కత్తులు దూసుకుంటున్నారు. కాకినాడ...రాజమహేంద్రవరం...అనపర్తి.....అమలాపురం....రాజోలు....తదితర నియోజకవర్గాల్లో  కొనసాగుతున్న నేతల పోరు ఇప్పటికే రచ్చకెక్కింది. తాజాగా ఆ జాబితాలోకి పి.గన్నవరం చేరింది. ఇక్కడ టికెట్‌ విషయంలో అంతర్గత పోరు నడుస్తోంది. సిట్టింగ్‌ ఎమ్మెల్యే పులపర్తి నారాయణమూర్తికి అసమ్మతి సెగ తాకింది. ఆయనకు ఎసరు పెట్టే నాయకులు నియోజకవర్గంలో తయారయ్యారు. అంతటితో ఆగలేదు సరికదా ఈసారి పులపర్తికి టికెట్‌ రాదని తెరపైకి వచ్చి విస్తృత ప్రచారం కూడా చేస్తున్నారు. దీంతో ఎమ్మెల్యే పులపర్తికి చిర్రెత్తికొచ్చింది. తనకు వ్యతిరేకంగా ప్రచారానికి ఒడిగొడుతున్న నాయకులపై అంతెత్తున లేస్తున్నారు. తన అనుయాయుల చేత ఎదురుదాడికి దిగుతున్నారు. ఇదెక్కిడికి దారితీస్తుందో తెలియదు గాని పి.గన్నవరం నియోజకవర్గంలో టీడీపీ నివురు గుప్పిన నిప్పులా ఉంది. ఎప్పుడు భగ్గుమంటుందో చెప్పలేని పరిస్థితి నెలకుంది.  టికెట్‌ కోసం రగడ ఎన్నికలకు మరో ఏడాది ఉన్నప్పటికీ టికెట్‌ తమదేనంటూ పి.గన్నవరంలో ఆసక్తికరమైన పోరు నడుస్తోంది. దీంతో పార్టీలో వర్గ విభేదాలు నివురుగప్పిన నిప్పులా మారాయి. ప్రస్తుత ఎమ్మెల్యే పులపర్తి నారాయణ మూర్తికి పోటీగా ఎస్సీ, ఎస్టీ జిల్లా మానిటరింగ్‌ కమిటీ సభ్యుడు నేలపూడి స్టాలిన్‌బాబు రేసులోకి రావడంతో అంతర్గత పోరుకు తెరలేచింది. ఎమ్మెల్యే పులపర్తికి ఈ దఫా ఎన్నికల్లో టికెట్‌ రావడం కష్టమని, అతనికి ప్రత్యామ్నాయంగా వేరే వ్యక్తికి టికెట్‌ ఇస్తారని అసమ్మతి స్వరం ఊపందుకుంది. అందుకు తగ్గట్టుగా పులపర్తి వ్యతిరేక వర్గీయులు ప్రచారంలో స్పీడు కూడా పెంచారు. తన వర్గాన్ని పటిష్టం చేసుకోవడమే కాకుండా పులపర్తిని లక్ష్యంగా అసమ్మతి రాజకీయాలు నడుపుతున్నారు. అంతేకాకుండా తన రాజకీయ వ్యూహంలో భాగంగా ఎమ్మెల్యేకు ధీటుగా  స్టాలిన్‌బాబు తన పుట్టిన రోజు వేడుకలు ఈసారి ఘనంగా నిర్వహించేందుకు యత్నించారు. తనదైన ముద్ర వేసుకోవడానికి వ్యూహ రచన చేశారు. దీంతో పరిస్థితులు ఎమ్మెల్యే పులపర్తికి తలనొప్పిగా పరిణమించాయి. స్టాలిన్‌ ఎత్తులకు ఎమ్మెల్యే పైఎత్తులు... నియోజకవర్గ పరిధిలో స్టాలిన్‌బాబు సమావేశాలు పెట్టి కార్యక్రమాలు నిర్వహించడం ఎమ్మెల్యేకు రుచించడలేదు. వ్యూహాత్మకంగా స్టాలిన్‌ నిర్వహించిన పుట్టిన రోజు వేడుకలలకు పార్టీ శ్రేణులు వెళ్లకుండా ఎమ్మెల్యే పులపర్తి ఎత్తుకు పైఎత్తులు వేశారు. స్టాలిన్‌ కార్యక్రమానికి  వెళ్లడానికి వీలు లేదంటూ ఎమ్మెల్యే నారాయణమూర్తి, అతని కుమారుడు, జిల్లా తెలుగు యువత ఉపాధ్యక్షుడు పులపర్తి రవిబాబు హుకుం జారీ చేసినట్టు తెలిసింది. ఈ విషయంలో కొంతమేరకు విజయం సాధించారు. అంతేకాకుండా తనకు టికెట్‌ రాదని ప్రత్యర్థులు చేస్తున్న ప్రచారంపై కూడా తనదైన శైలిలో రాజకీయాలు నెరుపుతున్నారు. అందులో భాగంగా నియోజకవర్గ పరిధిలోని నాలుగు మండలాల్లో పార్టీ మండల కార్యకర్తల సమావేశాలు ఏర్పాటు చేసి,  వ్యతిరేక ప్రచారానికి ఫుల్‌స్టాప్‌ పెట్టే విధంగా ఎమ్మెల్యే నారాయణమూర్తి తీర్మానాలు చేయించినట్టు తెలిసింది. వేరే వ్యక్తికి ఎవరికీ టికెట్‌ కేటాయించే అవకాశం లేదని, అలా జరుగుతున్న ప్రచారం అవాస్తవమని సమావేశాల్లో తీర్మానాలు చేయించినట్టు సమాచారం. అగ్గి రాజేసిన ఫ్లెక్సీల తొలగింపు... పులపర్తి, స్టాలిన్‌బాబు మధ్య చోటుచేసుకున్న విభేదాలకు ఫ్లెక్సీల తొలగింపు మరింత ఆజ్యం పోసినట్టయింది. స్టాలిన్‌బాబు పుట్టిన రోజు సందర్భంగా నియోజకవర్గ పరిధిలో పలుచోట్ల ఏర్పాటు చేసిన ఫ్లెక్సీలను గుర్తు తెలియని వ్యక్తులు చించి వేసి, వాటిని రాత్రికి రాత్రే తొలగించారు. పక్కా ప్లాన్‌ ప్రకారమే ఈ వ్యవహారం జరిగిందని, స్టాలిన్‌బాబు అంటే గిట్టని వారే ఈ పని చేయిస్తున్నారంటూ అతని వర్గీయులు ఆరోపిస్తున్నారు. పరోక్షంగా ఎమ్మెల్యే పులపర్తిని లక్ష్యం చేస్తూ మాటల దాడి చేస్తున్నారు. ప్రత్యర్థులు కౌంటర్‌ ఎటాక్‌ చేస్తున్నా ఫ్లెక్సీల తొలగింపు వెనక వారే ఉన్నారని స్టాలిన్‌ వర్గీయులు బల్లగుద్ది చెబుతున్నారు. ఈ విధంగా ప్రతి విషయంలో ఒకరిపై ఒకరు కత్తులు దూసుకుంటున్నారు. ఎమ్మెల్యే ఆధిపత్యానికి చెక్‌ పెట్టేలా స్టాలిన్‌ పావులు కదపగా, ఆదిలోనే తుంచేయాలని స్టాలిన్‌పై ఎమ్మెల్యే వ్యూహాత్మక ఎత్తుగడలు వేస్తున్నారు. ఈ విధంగా ఒక దాని తరువాత మరొకటిగా జరుగుతున్న పరిణామాలు టీడీపీలో కలకలం రేపుతున్నాయి..  ఇద్దరు నాయకుల మధ్య కొనసాగుతున్న వర్గ విభేదాలు పార్టీలో నెలకొన్న అంతర్గత కుమ్ములాటలకు దారితీశాయి.


 
 జిల్లా సబ్‌ప్లా¯ŒS మానటరింగ్‌ కమిటీ సభ్యుడు స్టాలి¯ŒSబాబు 
 
 భానుగుడి (కాకినాడ): 
 జిల్లాలో పశు సంవర్థక శాఖ, గ్రామీణ పేదరిక నిర్మూలనా సంస్థ (సెర్ఫ్‌) సంయుక్త ఆ««దl్వర్యంలో రూ.360 కోట్లతో పలు అభివృద్ధి పథకాలను ప్రవేశపెడుతున్నట్టు జిల్లా సబ్‌ప్లా¯ŒS మానటరింగ్‌ కమిటీ సభ్యుడు నేలపూడి స్టాలి¯ŒSబాబు శనివారం ఒక ప్రకటనలో పేర్కొన్నారు. సబ్సిడీ కింద చూడి పెయ్యల పెంపకం, పొట్టేలు పిల్లల పెంపకానికి ప్రణాళికలు రూపొందిస్తున్నట్టు తెలిపారు. జిల్లాలోని 32 మండలాల్లో 75 శాతం సబ్సిడీపై షెడ్యుల్డ్‌ కులాలకు చెందిన 600 మందికి చూడి పెయ్యలు, పొట్టేలు పిల్లలను అందించనున్నట్టు తెలిపారు. దీనికి రూ.360 కోట్ల నిధులు వెచ్చిస్తుండగా, రూ.2.7 కోట్లు సబ్సిడీగా అందజేస్తామన్నారు. రూ.90 లక్షలు లబ్ధిదారుని వాటాగా నిర్ణయించామన్నారు. లబ్ధిదారుని వాటాలో అధిక శాతం స్త్రీనిధి బ్యాంకుల నుంచి రుణాలుగా ఇప్పిస్తామన్నారు. ఈ పథకాల అమలు కోసం జిల్లా వ్యాప్తంగా అవగాహన సదస్సులు నిర్వహిస్తున్నట్టు తెలిపారు.