సాక్షి, హుబ్లీ: యూట్యూబ్‌ చూసి అందులో చోరీ చేయడం ఎలాగో తెలుసుకుని రూ.40 లక్షల చోరీకి పాల్పడిన ఘరానా జంటను ధార్వాడ పోలీసులు అరెస్ట్‌ చేశారు. నిందితులను వైష్ణవి, యువరాజులుగా గుర్తించారు. ధార్వాడలో కోర్టు సర్కిల్‌ వద్ద వీరేశ్వర కో–ఆపరేటివ్‌ సొసైటీలో కొత్త సంవత్సరం వేడుకల రోజున తొలి ప్రయత్నంగా చోరీకి పాల్పడి భారీగా నగదును దోచుకున్నారు. ఈ ఘటనపై కేసు నమోదు చేసుకున్న ధార్వాడ టౌన్‌ పోలీసులు నిందితులను అరెస్ట్‌ చేశారు. రాష్ట్ర మంత్రి శశికళా జొల్లెకి చెందిన ఎక్సంబాదా సొసైటీకి చెందిన ధార్వాడ శాఖలో నిందితులు బంగారు ఆభరణాలతో పాటు నగదు మొత్తం కలిపి రూ.40 లక్షలు చోరీ చేశారు. నెల రోజుల్లోనే పోలీసులు ఈ కేసును ఛేదించారు.    (చదవండి: అసెంబ్లీ ఎన్నికల్లో పోటీపై యడియూరప్ప కీలక వ్యాఖ్యలు..)


 బీజింగ్: నాలుగు సంవత్సరాల వయసు. ఇంట్లో వాళ్లు చెప్పింది విని బుద్ధిగా తరగత పాఠాలు నేర్చుకోవాల్సిన ప్రాయం అది. ఆ వయసులోనే చెడు మార్గం పట్టి..ఇంటి దొంగగా మారితే కుటుంబ సభ్యుల ఆవేదన వర్ణించలేనిదే. ఈ తరహా ఘటనే చైనా రాజధాని బీజింగ్ కు సమీపంలోని షియాంగ్ లో చోటు చేసుకుంది. ఇంట్లో వాళ్లను బరిడీ కొట్టించిన ఒక బాలుడు 3,264 డాలర్లను కాజేశాడు.   స్నేహితులతో కలిసి జూదం ఆడేందుకు ప్రణాళిక రచించుకున్న ఆ బాలుడు  ఆ డబ్బును తన స్కూల్ బ్యాగ్ లో పెట్టుకున్నాడు. గతవారం ఇచ్చిన హోం వర్క్ ను పరిశీలించేందుకు టీచర్ ఆ బ్యాగ్ ను తీయగా ఆ బాలుని వద్ద పెద్ద మొత్తంలో డబ్బు కనబడింది. 
  
 దీంతో నివ్వెరపోయిన ఆ టీచర్ స్కూల్ యాజమాన్యానికి ఫిర్యాదు చేయగా అసలు విషయ తెలిసింది. తన ప్నేహితులతో కలిసి గాంబ్లింగ్ ఆట ఆడేందుకు డబ్బును ఇంట్లోనుంచి అపహరించినట్లు బాలుడు తెలిపాడు. దీంతో వారు ఆ బాలుని తల్లి దండ్రులకు విషయాన్ని తెలియజేశారు. వ్యాపర పనుల్లో భాగంగా  దాచి పెట్టిన ఆ సొమ్మును కొడుకు దొంగిలించడంతో తల్లి దిగ్భ్రాంతికి గురైంది.