ఎలాంటి అంచనాలు లేకుండా విడుదలై మలయాళంలో అనూహ్య విజయం సాధించిన  చిత్రం ‘ఉడుంబు’.  అక్కడ ఈ చిత్రం పలు రికార్డులను సృష్టించింది. దీంతో ఈ మూవీ రీమేక్‌ రైట్స్‌ కోసం పలువురు తెలుగు దర్శకనిర్మాతలు ఆసక్తి కనబరిచారు. పలు అగ్రనిర్మాణ సంస్థలు ‘ఉడుంబు’ రీమేక్‌ రైట్స్‌ కోసం పోటీ పడ్డాయి.  తెలుగు రీమేక్‌ రైట్స్‌ ఓ నిర్మాణ సంస్థ దక్కించుకుందని వార్తలు వినిపించాయి. ఈ నేపథ్యంలో ఈ పుకార్లపై తాజాగా  ఉడుంబు చిత్ర దర్శకనిర్మాత కె.టి.తమరక్కుళం స్పందించారు. తెలుగు రీమేక్ రైట్స్ ఇంకా ఎవరికీ ఇవ్వలేదని స్పష్టం చేశారు.  ‘ఉడుంబు’ చిత్రాన్ని కె.టి.మూవీ హౌస్ పతాకంపై స్వీయ నిర్మాణంలో కె.టి.తమరక్కుళం దర్శకత్వం వహించారు. భారీ తారాగణం లేకున్నా మలయాళంలో భారీ విజయం నమోదు చేసిన ‘ఉడుంబు’ చిత్రాన్ని ఇప్పటికే హిందీలో జాన్ అబ్రహాం రీమేక్ చేస్తుండగా... తమిళంలో ఓ సీనియర్ హీరోయిన్ తన తనయుడ్ని హీరోగా ఇంట్రడ్యూస్ చేస్తూ రీమేక్ చేస్తున్నారు. మరి తెలుగు రీమేక్‌ హక్కులను ఎవరు సొంతం కానున్నాయో వేచి చూడాలి. 

పవర్‌స్టార్‌ పవన్‌ కల్యాణ్‌ వరుసగా సినిమాలను చేస్తున్నారు. ఇప్పటికే తను నటిస్తున్న ‘వకీల్‌ సాబ్‌’ మూవీ షూటింగ్ చివరి దశలో ఉండగా.. ఈ సినిమా పూర్తి కాకుండానే పవన్ దర్శకులు క్రిష్,‌ సురేందర్ రెడ్డి, హరీశ్‌ శంకర్ దర్శకత్వంలో సినిమాలు చేయబోతున్నట్లు ప్రకటించిన సంగతి తెలిసిందే. అంతేగాక సితార ఎంటర్‌టైన్‌మెంట్స్‌ బ్యానర్‌పై పవన్‌ హీరోగా ఓ చిత్రాన్ని తెరకెక్కించనున్నట్లు విజయదశమి రోజు అధికారికంగా ప్రకటించారు. ఈ సినిమాకు సాగర్‌ కే చంద్ర దర్శకత్వం వహిస్తుండగా నాగవంశీ నిర్మిస్తున్నారు. తమన్‌ సంగీతం అందిస్తున్నారు. మలయాళంలో సూపర్‌ హిట్‌ సాధించిన 'అయ్యప్పనుమ్‌ కోశియనుమ్‌'కు చిత్రానికి ఇది రీమేక్‌. దీనికి ‘బిల్లా రంగా’ టైటిల్ ప్రచారంలో ఉంది. పిల్లలకు మెహందీ పెడుతున్న హీరోయిన్‌ మాలయాళంలో బిజు మీనన్‌ నటించిన పోలీస్ పాత్రలో వన్ కళ్యాణ్ నటించనున్నారు. పృథ్వీరాజ్‌​ పాత్రలో నితిన్‌ను తీసుకోనున్నట్లు కొన్ని వార్తులు వెలువడ్డాయి. తాజాగా ఈ సినిమాకు సంబంధించిన మరో అప్‌డేట్‌ నెట్టింట్లో చక్కర్లు కొడుతోంది. పవన్‌కు జోడీగా నటి సాయి పల్లవి నటించనుందనే వార్త ప్రచారంలో ఉంది. తన సహజసిద్ధమైన నటనతో దక్షిణాదిన మంచి నటింగా గుర్తింపు తెచ్చుకున్న సాయిపల్లవి ఇప్పటికే మెగా ఫ్యామిలీ నుంచి వరుణ్‌తేజ్‌తో నటించిన ‘ఫిదా’ సినిమా మంచి విజయాన్ని అందుకున్న విషయం తెలిసిందే. ఇప్పుడు ఆమె పవర్‌స్టార్‌తో నటించే బంపర్‌ ఆఫర్‌ కొట్టేసినట్లు సమాచారం. అయితే దీనిపై ఇంకా చిత్ర యూనిట్ అధికారిక సమాచారం రావాల్సి ఉంది. కాగా ప్రస్తుతం సాయిపల్లవి తెలుగులో రానాతో విరాటపర్వం, నాగచైతన్యతో లవ్‌స్టోరీ చిత్రాల్లో నటిస్తున్నారు. ఆర్మూర్‌లో ‘లవ్‌స్టోరీ’ చిత్రీక‌ర‌ణ‌


 తమిళంలో విడుదలై రికార్డు సృష్టించిన చిత్రం కత్తి.  ఆ చిత్రాన్ని తెలుగులో రీమేక్ చేసేందుకు ఆ చిత్ర దర్శకుడు ఏ ఆర్ మురుగదాస్ సన్నాహాలు చేస్తున్నారు. అందుకోసం టాలీవుడ్ హీరోలను ఎంపిక చేసేందుకు ఆయన గత కొన్ని నెలలుగా తీవ్ర కసరత్తు చేస్తున్నారు. అందులోభాగంగా పలువురు టాలీవుడ్ హీరోలను మురుగదాసు ఇప్పటికే కలసినట్లు సమాచారం. అయితే ఆ చిత్రంలో హీరోగా ఎన్టీఆర్ను మురుగదాస్ ఎంపిక చేసినట్లు ఆయన సన్నిహితులు తెలిపారు. దీనిపై సాధ్యమైనంత త్వరలో దర్శకుడు మురుగదాస్ ఓ ప్రకటన చేసే అవకాశం ఉందని వారు శుక్రవారం వెల్లడించనున్నారు.
 
 మురుగదాస్ దర్శకత్వంలో విజయ్, సమాంత హీరోహీరోయిన్లుగా నటించిన తమిళ చిత్రం కత్తి. గతేడాది నవంబర్లో విడుదలైన  ఈ చిత్రం రికార్డు సృష్టించిన సంగతి తెలిసిందే. కత్తిలో హీరో విజయ్ ద్విపాత్రాభినయం చేశారు. హీరో సొంత ఊరిలోని వ్యవసాయ భూములను ప్రభుత్వం కార్పొరేట్ కంపెనీలకు కట్టబెడుతుంది. ఈ నేపథ్యంలో వ్యవసాయ భూములు కోసం హీరో వీరోచితంగా పోరాడే కథాంశంతో దర్శకుడు మురుగదాసు ఈ చిత్రాన్ని రసవత్తరంగా తెరకెక్కించారు.
 అయితే ప్రస్తుతం జూనియర్ ఎన్టీఆర్ సుకుమార్ దర్శకత్వంలో తెరకెక్కుతున్న చిత్ర షూటింగ్లో యమబిజీగా ఉన్నారు. వచ్చే నెలలో ఎన్టీఆర్ ఆ చిత్ర షూటింగ్ నిమిత్తం లండన్ వెళ్లనున్నారు. ఆ చిత్రం పూర్తయిన వెంటనే ఎన్టీఆర్ ఈ చిత్రంలో నటిస్తారని సమాచారం.