కరీబియన్‌ ప్రీమియర్‌ లీగ్‌ 2025 ఎడిషన్‌లో ట్రిన్‌బాగో నైట్‌రైడర్స్‌ ఫైనల్స్‌కు చేరుకుంది. భారతకాలమానం ప్రకారం​ ఇవాళ (సెప్టెంబర్‌ 20) ఉదయం జరిగిన రెండో క్వాలిఫయర్‌లో సెయింట్‌ లూసియా కింగ్స్‌ను చిత్తు చేసింది. టాస్‌ ఓడి తొలుత బ్యాటింగ్‌ చేసిన నైట్‌రైడర్స్‌ నిర్ణీత 20 ఓవర్లలో 4 వికెట్ల నష్టానికి 194 పరుగులు చేసింది. అలెక్స్‌ హేల్స్‌ (44 బంతుల్లో 58 నాటౌట్‌; 2 ఫోర్లు, 4 సిక్సర్లు), కెప్టెన్‌ పూరన్‌ (32 బంతుల్లో 50; 5 ఫోర్లు, 4 సిక్సర్లు) బాధ్యతాయుతమైన అర్ద సెంచరీలతో రాణించగా.. ఆఖర్లో పోలార్డ్‌ (26 బంతుల్లో 35; 4 సిక్సర్లు), రసెల్‌ (12 బంతుల్లో 28; ఫోర్‌, 3 సిక్సర్లు) విరుచుకుపడ్డారు. లూసియా కింగ్స్‌ బౌలర్లలో అల్జరీ జోసఫ్‌, ఖారీ పియెర్‌, రోస్టన్‌ ఛేజ్‌ తలో వికెట్‌ తీశారు.అనంతరం​ 195 పరుగుల భారీ లక్ష్య ఛేదనలో లూసియా కింగ్స్‌ చేతులెత్తేసింది. ఇన్నింగ్స్‌ ప్రారంభం నుంచి ఏ దశలోనూ గెలుపు దిశగా సాగలేదు. నిదానంగా ఆడుతూ, బంతులు వృధా చేసుకుని ఆఖరికి మూల్యం చెల్లించుకుంది. ఓపెనర్‌ టిమ్‌ సీఫర్ట్‌ (40 బంతుల్లో 57; 8 ఫోర్లు, సిక్స్‌) ఒక్కడే తూతూమంత్రంగా గెలుపు కోసం ప్రయత్నించాడు. మిగతా ఆటగాళ్లంతా నిరాశపరిచారు. జాన్సన్‌ ఛార్లెస్‌ 17, టిమ్‌ డేవిడ్‌ 28, రోస్టన్‌ ఛేజ్‌ 16, ఆరోన్‌ జోన్స్‌ 12, టైమాల​్‌ మిల్స్‌ 6 పరుగులు చేయగా.. అకీమ్‌ అగస్టీ, కెప్టెన్‌ డేవిడ్‌ వీస్‌ డకౌట్లయ్యారు. నైట్‌రైడర్స్‌ స్పిన్నర్లు సునీల్‌ నరైన్‌ (4-1-18-3), ఉస్మాన్‌ తారిక్‌ (4-0-35-4) లూసియా కింగ్స్‌ బ్యాటర్ల నడ్డి విరిచారు. నిర్ణీత 20 ఓవర్లలో 8 వికెట్ల నష్టానికి 138 పరగులు మాత్రమే చేసిన కింగ్స్‌ 56 పరుగుల తేడాతో ఘోర పరాజయాన్ని ఎదుర్కొంది. సెప్టెంబర్‌ 22న జరిగే ఫైనల్లో నైట్‌రైడర్స్‌ గయానా అమెజాన్‌ వారియర్స్‌తో టైటిల్‌ కోసం పోటీపడుతుంది.

కరీబియన్‌ ప్రీమియర్‌ లీగ్‌ 2025లో ట్రిన్‌బాగో నైట్‌రైడర్స్‌ ఆటగాడు కీరన్‌ పోలార్డ్‌ ఆకాశమే హద్దుగా చెలరేగుతున్నాడు. ఈ సీజన్‌లో ఇప్పటికే రెండు విధ్వంసకర హాఫ్‌ సెంచరీలు సహా పలు మెరుపు ఇన్నింగ్స్‌లు ఆడిన అతను.. తాజాగా మరోసారి రెచ్చిపోయాడు. గయానా అమెజాన్‌ వారియర్స్‌తో ఇవాళ (సెప్టెంబర్‌ 7) జరిగిన మ్యాచ్‌లో 17 బంతుల్లోనే అర్ద శతకం బాదాడు. మొత్తంగా 18 బంతులు ఎదుర్కొని 5 ఫోర్లు, 5 సిక్సర్ల సాయంతో అజేయమైన 54 పరుగులు చేశాడు. పోలార్డ్‌ బ్యాట్‌తో బీభత్సం సృష్టించినప్పటికీ ఈ మ్యాచ్‌లో అతని జట్టు ఓడిపోయింది.🚨 KIERON POLLARD SMASHED 54* FROM JUST 18 BALLS IN CPL 🚨- 50 runs came through Boundaries. 🤯🔥 pic.twitter.com/hpY3SoQ2Zt— Johns. (@CricCrazyJohns) September 7, 2025ఈ సీజన్‌లో ఇదివరకే ప్లే ఆఫ్స్‌కు చేరిన నైట్‌రైడర్స్‌ గయానా అమెజాన్‌ వారియర్స్‌తో జరిగిన మ్యాచ్‌లో తొలుత బ్యాటింగ్‌ చేసి నిర్ణీత 20 ఓవర్లలో 5 వికెట్ల నష్టానికి 167 పరుగులు చేసింది. పోలార్డ్‌ విధ్వంసకర ఇన్నింగ్స్‌తో చెలరేగడంతో నైట్‌రైడర్స్‌ ఈమాత్రం స్కోరైనా చేయగలిగింది. కీసీ కార్టీ (34 బంతుల్లో 29 రిటైర్డ్‌ ఔట్‌), డారెన్‌ బ్రావో (35 బంతుల్లో 33) టెస్ట్‌ మ్యాచ్‌ను తలపించేలా బ్యాటింగ్‌ చేసి నైట్‌రైడర్స్‌ ఇన్నింగ్స్‌కు డ్యామేజ్‌ చేశారు. విధ్వంసకర ఆటగాళ్లు కొలిన్‌ మున్రో (17), అలెక్స్‌ హేల్స్‌ (7), పూరన్‌ (13) తక్కువ స్కోర్లకే ఔటై నిరాశపరిచారు. వారియర్స్‌ బౌలర్లలో మొయిన్‌ అలీ (4-0-11-1), ఇమ్రాన్‌ తాహిర్‌ (4-0-38-1) అద్బుతంగా బౌలింగ్‌ చేశారు.అనంతరం ఓ మోస్తరు లక్ష్య ఛేదనకు దిగిన వారియర్స్‌ గెలుపు కోసం శ్రమించింది. అకీల్‌ హొసేన్‌ (4-0-35-2), సునీల్‌ నరైన్‌ (4-0-12-2), నాథన్‌ ఎడ్వర్డ్స్‌ (4-0-30-1) ఉస్మాన్‌ తారిక్‌ (4-0-36-1) రాణించడంతో మరో బంతి మాత్రమే మిగిలుండగా 7 వికెట్లు కోల్పోయి లక్ష్యాన్ని చేరుకుంది. ఓ పక్క వికెట్లు పడుతున్నా, డ్వేన్‌ ప్రిటోరియస్‌ (26 నాటౌట్‌) చివరి దాకా క్రీజ్‌లో నిలబడి వారియర్స్‌ను గెలిపించాడు. అంతకుముందు షాయ్‌ హోప్‌ (53), షిమ్రోన్‌ హెట్‌మైర్‌ (49) వారియర్స్‌ గెలుపుకు పునాది వేశారు.

టీ20 ఫార్మాట్లో ఇంగ్లండ్‌ స్టార్‌ అలెక్స్‌ హేల్స్‌ (Alex Hales) సరికొత్త చరిత్ర లిఖించాడు. పొట్టి క్రికెట్‌లో అత్యధిక పరుగులు సాధించిన.. తొలి వెస్టిండేతర ఆటగాడిగా నిలిచాడు. ఓవరాల్‌గా టీ20లలో అత్యధిక పరుగుల వీరుల జాబితాలో రెండో స్థానంలో నిలిచాడు.కాగా అంతర్జాతీయ క్రికెట్‌కు రెండేళ్ల క్రితమే వీడ్కోలు పలికిన అలెక్స్‌ హేల్స్‌.. ఫ్రాంఛైజీ క్రికెట్‌లో మాత్రం కొనసాగుతున్నాడు. ఈ కుడిచేతి వాటం బ్యాటర్‌ ప్రస్తుతం కరేబియన్‌ ప్రీమియర్‌ లీగ్‌ (CPL)-2025తో బిజీగా ఉన్నాడు. ఈ టీ20 లీగ్‌లో నికోలస్‌ పూరన్‌ కెప్టెన్సీలోని ట్రిన్‌బాగో నైట్‌ రైడర్స్‌కు హేల్స్‌ ప్రాతినిథ్యం వహిస్తున్నాడు.43 బంతుల్లోనేఈ క్రమంలో గయానా అమెజాన్‌ వారియర్స్‌ (Guyana Amazon Warriors)తో ఆదివారం జరిగిన మ్యాచ్‌లో నైట్‌ రైడర్స్‌ ఓపెనింగ్‌ బ్యాటర్‌ అలెక్స్‌ హేల్స్‌ ఆకాశమే హద్దుగా చెలరేగాడు. కేవలం 43 బంతుల్లోనే మూడు ఫోర్లు, ఏడు సిక్సర్ల సాయంతో 74 పరుగులు సాధించాడు. హేల్స్‌తో పాటు మరో ఓపెనర్‌ కొలిన్‌ మున్రో అర్ధ శతకం (30 బంతుల్లో 52)తో రాణించగా.. ఆండ్రీ రసెల్‌ 14 బంతుల్లో 27 పరుగులతో అజేయంగా నిలిచాడు.This is the Alex Hales takeover we’ve been waiting for! ❤️🫡#WeAreTKR #TrinbagoKnightRiders pic.twitter.com/fS9atbBBrX— Trinbago Knight Riders (@TKRiders) September 1, 2025ఈ ముగ్గురి అద్భుత ఆట తీరు కారణంగా.. గయానా విధించిన లక్ష్యాన్ని 164 పరుగుల లక్ష్యాన్ని నైట్‌ రైడర్స్‌ 17.2 ఓవర్లలోనే ఛేదించింది. ఆరు వికెట్ల తేడాతో గయానాపై విజయం సాధించి.. పాయింట్ల పట్టికలో అగ్రస్థానాన్ని దక్కించుకుంది.ప్రపంచంలోనే రెండో ప్లేయర్‌గాఇదిలా ఉంటే.. గయానా అమెజాన్‌ వారియర్స్‌తో మ్యాచ్‌ సందర్భంగా మెరుపు హాఫ్‌ సెంచరీ సాధించిన అలెక్స్‌ హేల్స్‌.. టీ20 క్రికెట్‌లో పద్నాలుగు వేల పరుగుల మైలురాయిని దాటేశాడు. ప్రస్తుతం అతడి ఖాతాలో 14024 పరుగులు ఉన్నాయి. ఇక వెస్టిండీస్‌ దిగ్గజం, యూనివర్సల్‌ బాస్‌ క్రిస్‌ గేల్‌ 14562 పరుగులతో.. పొట్టి ఫార్మాట్లో అత్యధిక పరుగుల వీరుడిగా ఉండగా.. హేల్స్‌ అతడి తర్వాతి స్థానాన్ని ఆక్రమించాడు. మరోవైపు.. మూడో స్థానంలో మరో విండీస్‌ లెజెండ్‌ కీరన్‌ పొలార్డ్‌ (14012 పరుగులు)ఉన్నాడు.కాగా 36 ఏళ్ల అలెక్స్‌ హేల్స్‌.. 2011- 2022 వరకు ఇంగ్లండ్‌ తరఫున అంతర్జాతీయ క్రికెట్‌ ఆడాడు. మొత్తంగా 70 వన్డేలు, 75 టీ20లు, 11 టెస్టుల్లో ఇంగ్లండ్‌కు ప్రాతినిథ్యం వహించిన హేల్స్‌.. ఆయా ఫార్మాట్లలో 2419.. 2074.. 573 పరుగులు సాధించాడు. 2022లో ఇంగ్లండ్‌ టీ20 ప్రపంచ కప్‌ గెలిచిన తర్వాత ఇంటర్నేషనల్‌ క్రికెట్‌కు వీడ్కోలు పలికాడు.చదవండి: IND vs AUS: టీమిండియాకు గుడ్ న్యూస్.. ఫిట్‌నెస్ టెస్టులో పాసైన కెప్టెన్‌

వెస్టిండీస్‌ క్రికెట్‌ దిగ్గజం కీరన్‌ పొలార్డ్‌ (Kieron Pollard) సరికొత్త చరిత్ర సృష్టించాడు. పొట్టి ఫార్మాట్లో ఆల్‌టైమ్‌ ప్రపంచ రికార్డు (T20 World Record) నెలకొల్పాడు. టీ20లలో పద్నాలుగు వేలకు పైగా పరుగులు చేయడంతో పాటు.. మూడు వందల వికెట్లు తీసిన తొలి క్రికెటర్‌గా చరిత్ర సృష్టించాడు.నైట్‌ రైడర్స్‌కు పొలార్డ్‌ ప్రాతినిథ్యంకరేబియన్‌ ప్రీమియర్‌ లీగ్‌ (CPL)-2025లో భాగంగా బార్బడోస్‌ రాయల్స్‌తో శనివారం ఉదయం జరిగిన మ్యాచ్‌ సందర్భంగా.. పొలార్డ్‌ ఈ ఫీట్‌ అందుకున్నాడు. కాగా 2022లోనే ఐపీఎల్‌కు వీడ్కోలు పలికిన ఈ ఆల్‌రౌండర్‌.. సీపీఎల్‌లో మాత్రం కొనసాగుతున్నాడు. ఈ సీజన్‌లో.. కోల్‌కతా నైట్‌ రైడర్స్‌ సిస్టర్‌ ఫ్రాంఛైజీ ట్రిన్‌బాగో నైట్‌ రైడర్స్‌కు పొలార్డ్‌ ప్రాతినిథ్యం వహిస్తున్నాడు.రాయల్స్‌@ 178 పరుగులుఈ క్రమంలో ట్రినిడాడ్‌ వేదికగా.. బార్బడోస్‌ రాయల్స్‌తో నైట్‌ రైడర్స్‌ శనివారం తలపడింది. టాస్‌ గెలిచిన రైట్‌ రైడర్స్‌ తొలుత బౌలింగ్‌ చేసింది. బ్యాటింగ్‌కు దిగిన బార్బడోస్‌ నిర్ణీత 20 ఓవర్లలో ఆరు వికెట్ల నష్టానికి 178 పరుగులు సాధించింది. షెర్ఫానే రూథర్‌ఫర్డ్‌ (22 బంతుల్లో 45), కదీమ్‌ అలినే (41), కెప్టెన్‌ రోవ్‌మన్‌ పావెల్‌ (15 బంతుల్లో 31) కారణంగా ఈ మేర గౌరవప్రదమైన స్కోరు చేసింది.మున్రో, పూరన్‌ ధనాధన్‌నైట్‌ రైడర్స్‌ బౌలర్లలో ఆండ్రీ రసెల్‌ మూడు వికెట్లు తీయగా.. ఆమిర్‌ రెండు, అలీఖాన్‌ ఒక వికెట్‌ దక్కించుకున్నారు. ఇక లక్ష్య ఛేదనకు దిగిన నైట్‌ రైడర్స్‌ 17.5 ఓవర్లలో మూడు వికెట్లు నష్టపోయి పనిపూర్తి చేసింది. ఓపెనర్‌ కొలిన్‌ మున్రో (44 బంతుల్లో 67) ధనాధన్‌ దంచికొట్టగా.. మరో ఓపెనర్‌ అలెక్స్‌ హేల్స్‌ (19), వన్‌డౌన్‌ బ్యాటర్‌ కేసీ కార్టీ (1) మాత్రం విఫలమయ్యారు.ఇక నికోలస్‌ పూరన్‌ (40 బంతుల్లో 65 నాటౌట్‌) కెప్టెన్‌ ఇన్నింగ్స్‌తో రాణించగా.. పొలార్డ్‌ (9 బంతుల్లో 19 నాటౌట్‌) కూడా వేగంగా ఆడాడు. ఈ క్రమంలో 17.5 ఓవర్లలో 179 పరుగులు చేసిన ట్రిన్‌బాగో నైట్‌రైడర్స్‌ ఏడు వికెట్ల తేడాతో విజయం సాధించింది.చరిత్ర సృష్టించిన పొలార్డ్‌ఇక ఈ మ్యాచ్‌ సందర్భంగా బ్యాటింగ్‌ ఆల్‌రౌండర్‌ కీరన్‌ పొలార్డ్‌ టీ20 ఫార్మాట్లో 14 వేల పరుగుల మైలురాయిని తాకాడు. అంతేకాదు.. అతడి ఖాతాలో 332 టీ20 వికెట్లు కూడా ఉన్నాయి. ప్రపంచంలో ఈ ఘనత సాధించిన ఏకైక క్రికెటర్‌ పొలార్డ్‌ కావడం విశేషం.అత్యధిక పరుగుల వీరుడు గేల్‌మొత్తంగా ఇప్పటి వరకు 712 టీ20 మ్యాచ్‌లు ఆడిన పొలార్డ్‌ ఈ మేర పరుగులు, వికెట్లు రాబట్టాడు. ఇదిలా ఉంటే.. పొట్టి ఫార్మాట్లో 14 వేల మైలురాయిని చేరుకున్న తొలి బ్యాటర్‌గా యూనివర్సల్‌ బాస్‌ క్రిస్‌ గేల్‌ నిలిచాడు.వికెట్ల ధీరుడు ఎవరంటేమొత్తంగా 22 శతకాలు, 88 ఫిఫ్టీల సాయంతో గేల్‌ 14562 పరుగులు సాధించి.. టీ20 క్రికెట్‌లో అత్యధిక రన్‌స్కోరర్‌గా రికార్డులకెక్కాడు. పొలార్డ్‌ గేల్‌ కంటే ప్రస్తుతం 563 పరుగుల దూరంలో ఉన్నాడు. మరోవైపు.. పొట్టి ఫార్మాట్లో 488 మ్యాచ్‌లలో కలిపి 661 వికెట్లు తీసిన అఫ్గనిస్తాన్‌ స్పిన్‌ దిగ్గజం రషీద్‌ ఖాన్‌ హయ్యస్ట్‌ వికెట్‌ టేకర్‌గా కొనసాగుతున్నాడు.చదవండి: 'నా కెరీర్‌లో సెహ్వాగ్ త్యాగం మరువలేనిది.. ఎప్పుడూ రుణపడి ఉంటా'

క‌రేబియ‌న్ ప్రీమియ‌ర్ లీగ్‌-2025కు ముందు ట్రిన్‌బాగో నైట్ రైడర్స్ (TKR) ఫ్రాంచైజీలో కీల‌క ప‌రిణామం చోటు చేసుకుంది. ట్రిన్‌బాగో నైట్ రైడర్స్ జ‌ట్టు కెప్టెన్‌గా స్టార్ వికెట్ కీప‌ర్ బ్యాట‌ర్ నికోల‌స్ పూర‌న్ ఎంపికయ్యాడు. గ‌త ఆరు సీజ‌న్ల‌గా నైట్‌రైడ‌ర్స్ కెప్టెన్‌గా వ్య‌వ‌హ‌రించిన లెజెండ‌రీ కీర‌న్ పొలార్డ్ స్దానాన్ని పూర‌న్ భ‌ర్తీ చేయ‌నుంది. దీంతో టీకేఆర్‌లో కొత్త శకం మొద‌లు కానుంది. పూరన్ సీఎపీఎల్ తొలి సీజ‌న్‌(2013)లో టీకేఆర్‌కే ప్రాతినిథ్యం వ‌హించాడు. అప్ప‌టిలో ఆ జ‌ట్టును ట్రినిడాడ్ అండ్‌ టొబాగో రెడ్ స్టీల్ అని పిలిచేవారు. ఐపీఎల్ ఫ్రాంచైజీ కోల్‌క‌తా నైట్‌రైడ‌ర్స్ యాజ‌మాన్యం ట్రినిడాడ్ జ‌ట్టును కొనుగొలు చేయ‌డంతో టీకేఆర్‌గా మారింది.అయితే 2015లో ట్రినిడాడ్ నుంచి బ‌య‌ట‌కు వెళ్లిన పూర‌న్‌ బార్బడోస్ రాయల్స్, గయానా అమెజాన్ వారియర్స్‌కు ప్రాతినిథ్యం వ‌హించాడు. ఆ త‌ర్వాత తిరిగి సీపీఎల్‌-2022 సీజ‌న్‌కు ముందు మ‌ళ్లీ టీకేఆర్‌తో పూర‌న్ జ‌త‌క‌ట్టాడు. ఇప్పుడు ఏకంగా కెప్టెన్సీ బాధ్య‌త‌లు చేప‌ట్టేందుకు సిద్ద‌మ‌య్యాడు. ఇక కెప్టెన్‌గా ఎంపికైన అనంత‌రం పూర‌న్ స్పందించాడు."ట్రిన్‌బాగో నైట్ రైడర్స్‌కు ప్రాతినిధ్యం వహించడ‌మే అదృష్టంగా భావించాను. ఇప్పుడు ఏకంగా ఈ ఫ్రాంచైజీకి నాయకత్వం వహించే అవకాశం లభించడం నాకు దక్కిన అరుదైన గౌరవం. జట్టును విజయపథంలో నడిపించేందుకు అన్ని విధాలగా ప్రయత్నిస్తాను. కెప్టెన్‌గా సరైన వ్యూహాలతో ముందుకు వెళ్తానని ఆశిస్తున్నాను. ఈ కెప్టెన్సీ డ్వేన్ బ్రావో (2013 - 2019) నుంచి పొలార్డ్‌((2019 - 2024)కు ఇప్పుడు నాకు ఈ బాధ్యతలు అప్పగించారు. పొలార్డ్ ఇప్పటికి మాతో కలిసి ఆడుతుండడం చాలా సంతోషంగా ఉంది. అంతేకాకుండా మా జట్టులో సునీల్ నరైన్‌, ఆండ్రీ రస్సెల్ ఉన్నారు. వీరి ముగ్గురికి చాలా అనుభవం ఉందని" టీకేర్ రిలీజ్ చేసిన వీడియోలో పూరన్ పేర్కొన్నాడు. కాగా ఈ ఏడాది సీపీఎల్ సీజ‌న్ ఆగ‌స్టు 15 నుంచి ప్రారంభం కానుంది.చదవండి: గిల్ ఒక అత్య‌ద్బుతం.. వారిద్దరూ కూడా నిజంగా గ్రేట్‌: యువరాజ్

త్వరలో ప్రారంభం కానున్న కరీబియన్‌ ప్రీమియర్‌ లీగ్‌ 2025 సీజన్‌ కోసం ట్రిన్‌బాగో నైట్‌రైడర్స్‌ ఐపీఎల్‌ ఫైవ్‌ టైమ్‌ ఛాంపియన్‌ సీఎస్‌కేకు చెందిన దిగ్గజ ఆటగాడు డ్వేన్‌ బ్రావోను హెడ్‌ కోచ్‌గా నియమించుకుంది. ఈ మేరకు నైట్‌రైడర్స్‌ ఫ్రాంచైజీ ఇవాళ (జూన్‌ 20) అధికారిక ప్రకటన విడుదల చేసింది. గత సీజన్‌ వరకు నైట్‌రైడర్స్‌కు హెడ్‌ కోచ్‌గా ఫిల్‌ సిమన్స్‌ ఉండేవాడు. సిమన్స్‌ బంగ్లాదేశ్‌ జట్టుకు హెడ్‌ కోచ్‌గా వ్యవహరిస్తుండటంతో ఈ పదవి నుంచి తప్పుకున్నాడు.నైట్‌రైడర్స్‌ హెడ్‌ కోచ్‌గా ఎంపిక కావడంపై బ్రావో హర్షం వ్యక్తం చేశాడు. నా హృదయానికి చాలా దగ్గరగా ఉన్న ఈ ఫ్రాంచైజీకి హెడ్ కోచ్‌గా పని చేసే అవకాశం రావడం గౌరవంగా భావిస్తున్నానని అన్నాడు. గత కొన్ని సంవత్సరాలుగా సిమన్స్ ఈ ఫ్రాంచైజీని అద్భుతంగా ముందుండి నడిపించినందుకు కృతజ్ఞతలు తెలిపాడు. నైట్‌రైడర్స్‌ హెడ్‌ కోచ్‌గా కొత్త సవాళ్లు స్వీకరించేందుకు సిద్దమని అన్నాడు.బ్రావో కోచింగ్‌ కెరీర్‌పై ఓ లుక్కేద్దాం..2022లో ఐపీఎల్‌ నుంచి రిటైరైన బ్రావో.. కోచ్‌గా తన ప్రయాణాన్ని సీఎస్‌కేతోనే మొదలుపెట్టాడు. 2023 సీజన్‌లో అతను సీఎస్‌కే బౌలింగ్‌ కన్సల్టెంట్‌గా పని చేశాడు. ఆతర్వాత 2024 సీజన్‌లో ఇంటర్నేషనల్‌ లీగ్‌ టీ20లో అబుదాబి నైట్‌రైడర్స్‌కు హెడ్‌ కోచ్‌గా వ్యవహరించాడు. 2025 ఐపీఎల్‌ సీజన్‌కు ముందు కేకేఆర్‌ మెంటార్‌గా కొత్త బాధ్యతలు చేపట్టాడు. ఈ మధ్యలో బ్రావో ఆఫ్ఘనిస్తాన్‌ జాతీయ జట్టుకు బౌలింగ్‌ కన్సల్టెంట్‌గా పని చేశాడు. అతని ఆథ్వర్యంలో ఆ జట్టు 2024 టీ20 వరల్డ్‌కప్‌లో సెమీస్‌ వరకు చేరి చరిత్ర సృష్టించింది. ఆఫ్ఘనిస్తాన్‌ సాధించిన ఈ ఘనతలో బ్రావో పాత్ర చాలా కీలకంగా ఉండింది.పొట్టి క్రికెట్‌లో దిగ్గజ ఆల్‌రౌండర్‌ అయిన బ్రావోకు స్వదేశంలో జరిగే కరీబియన్‌ ప్రీమియర్‌ లీగ్‌లోనూ ఘనమైన ట్రాక్‌ రికార్డు ఉంది. ఈ లీగ్‌లో బ్రావో 107 మ్యాచ్‌ల్లో 129 వికెట్లు తీసి నేటికీ లీడింగ్‌ వికెట్‌ టేకర్‌గా కొనసాగుతున్నాడు.

కరీబియన్‌ ప్రీమియర్‌ లీగ్‌ 2025 ఎడిషన్‌ డ్రాఫ్ట్‌ (వేలం) జూన్‌ 18న జరిగింది. ఇందులో ప్రపంచవాప్తంగా ఉన్న చాలామంది స్టార్‌ ప్లేయర్లు పాల్గొన్నారు. ఆరు ఫ్రాంచైజీలు (ఆంటిగ్వా & బార్బుడా ఫాల్కన్స్, బార్బడోస్ రాయల్స్, గయానా అమెజాన్ వారియర్స్, సెయింట్ కిట్స్ & నెవిస్ పేట్రియాట్స్, సెయింట్ లూసియా కింగ్స్, ట్రిన్‌బాగో నైట్ రైడర్స్) తమకు నచ్చిన ఆటగాళ్లను ఎంపిక చేసుకున్నాయి.డ్రాఫ్ట్‌కు ముందే పలువురు హై ప్రొఫైల్‌ ఆటగాళ్లు ఫ్రాంచైజీలు మారారు. ప్రీ డ్రాఫ్ట్‌ పిక్స్‌లో భాగంగా జేసన్‌ హోల్డర్‌, అలిక్‌ అథనాజ్‌ బార్బడోస్‌ రాయల్స్‌ నుంచి సెయింట్‌ కిట్స్‌ అండ్‌ నెవిస్‌ పేట్రియాట్స్‌కు తరలి వెళ్లారు. షెర్ఫాన్‌ రూథర్‌ఫోర్డ్‌ బదులుగా ఈ వర్తకం జరిగింది. ఇలాంటి మార్పులు డ్రాఫ్ట్‌లో చాలా చోటు చేసుకున్నాయి. ఈ ఏడాది డ్రాఫ్ట్‌లో ఓ కొత్త డెవలెప్‌మెంట్‌ చోటు చేసుకుంది. డ్రాఫ్ట్ చివరి మూడు రౌండ్లలో వెస్టిండీస్ బ్రేక్అవుట్ లీగ్‌లో (లోకల్‌ లీగ్‌) పాల్గొన్న ఆటగాళ్లను ఫ్రాంచైజీలు ఎంపిక చేసుకున్నాయి.డ్రాఫ్ట్‌ ముగిసిన అనంతరం అన్ని ఫ్రాంచైజీలు తమతమ జట్లను ప్రకటించాయి. అన్ని జట్లను పరిశీలించాక ఓ ఆసక్తికర విషయం బయటపడింది. ప్రపంచంలోని అతి ప్రమాదకర బ్యాటర్లంతా ట్రిన్‌బాగో నైట్ రైడర్స్ జట్టులో ఉన్నారు. ఈ ఫ్రాంచైజీ ఐపీఎల్‌ ఫ్రాంచైజీ కేకేఆర్‌కు సిస్టర్‌ ఫ్రాంచైజీ. ఇందులో కీరన్‌ పోలార్డ్‌, నికోలస్‌ పూరన్‌, ఆండ్రీ రసెల్‌, సునీల్‌ నరైన్‌, అలెక్స్‌ హేల్స్‌, కొలిన్‌ మున్రో లాంటి విధ్వంసకర బ్యాటర్లు ఉన్నారు. వీరిని చూస్తే ప్రపంచంలో ఎంతటి గొప్ప బౌలర్‌కు అయిన వణుకు పట్టాల్సిందే.సీపీఎల్‌ 2025 డ్రాఫ్ట్‌ అనంతరం పూర్తి జట్లు ఇలా ఉన్నాయి..ట్రిన్‌బాగో నైట్ రైడర్స్ : కీరాన్ పొలార్డ్ , ఆండ్రీ రస్సెల్, సునీల్ నరైన్, నికోలస్ పూరన్, అలెక్స్ హేల్స్, అకేల్ హోసేన్, మహ్మద్ అమీర్, కాలిన్ మున్రో, ఉస్మాన్ తారిక్, అలీ ఖాన్, డారెన్ బ్రావో, యానిక్ కరియా, కీసీ కార్టీ, టెర్రెన్స్ హిండ్స్, మెక్కెన్నీ క్లార్క్, జాషువా డా సిల్వా, నాథన్ ఎడ్వర్డ్సెయింట్ లూసియా కింగ్స్ : టిమ్ డేవిడ్, అల్జరి జోసెఫ్, జాన్సన్ చార్లెస్, టిమ్ సీఫెర్ట్, రోస్టన్ చేజ్, తబ్రైజ్ షంసి, డేవిడ్ వైస్, డెలానో పోట్గీటర్, మాథ్యూ ఫోర్డ్, ఆరోన్ జోన్స్, ఖారీ పియరీ, జావెల్లె గ్లెన్, మికా మెకెంజీ, షడ్రక్ డెస్కార్టే, జోహన్ జెరెమియా, కియోన్ గాస్టన్, అకీమ్ అగస్టేగయానా అమెజాన్ వారియర్స్: ఇమ్రాన్ తాహిర్, షిమ్రాన్ హెట్మెయర్, రొమారియో షెపర్డ్, షాయ్ హోప్, గ్లెన్ ఫిలిప్స్, గుడాకేష్ మోటీ, మోయిన్ అలీ, షమర్ జోసెఫ్, కీమో పాల్, డ్వైన్ ప్రిటోరియస్, షమర్ బ్రూక్స్, కెమోల్ సావరీ, హసన్ ఖాన్, జెడియా బ్లేడ్స్‌, కెవ్లాన్‌ ఆండర్సన్, క్విన్టిన్‌ సాంప్సన్‌, రియాద్‌ లతీఫ్‌బార్బడోస్ రాయల్స్ : రోవ్‌మన్ పావెల్, బ్రాండన్ కింగ్, షెర్ఫేన్ రూథర్‌ఫోర్డ్, క్వింటన్ డి కాక్, ముజీబ్ ఉర్ రెహమాన్, అజ్మతుల్లా ఒమర్జాయ్, జోమెల్ వారికన్, కదీమ్ అలీన్, షక్కెరె ప్యారిస్, కోఫీ జేమ్స్, నైమ్ యంగ్, రివాల్డో క్లార్క్, జీషన్‌ మొటారా, జోహన్‌ లేన్‌, రామోన్‌ సిమ్మండ్స్‌ఆంటిగ్వా & బార్బుడా ఫాల్కన్స్ : ఇమాద్ వసీం, షకీబ్ అల్ హసన్, ఫాబియన్ అల్లెన్, నవీన్-ఉల్-హక్, ఒబెద్ మెక్‌కాయ్, జస్టిన్ గ్రీవ్స్, బెవాన్ జాకబ్స్, జేడెన్ సీల్స్, అల్లా గజాన్‌ఫర్, రహకీమ్ కార్న్‌వాల్, ఓడియన్ స్మిత్, జ్యువెల్ ఆండ్రూ, షమర్ స్ప్రింగర్, అమీర్ జాంగూ, కరీమా గోర్, కెవిన్ విఖం, జాషువా జేమ్స్సెయింట్ కిట్స్ & నెవిస్ పేట్రియాట్స్ : కైల్ మేయర్స్, జాసన్ హోల్డర్, రిలీ రోసౌవ్, ఎవిన్ లూయిస్, ఫజల్హాక్ ఫరూకీ, కార్బిన్ బాష్, వకార్ సలామ్‌ఖైల్, ఆండ్రీ ఫ్లెచర్, అలిక్ అథనాజ్, మొహమ్మద్ నవాజ్, డొమినిక్ డ్రేక్స్, మిఖైల్‌ లూయిస్, అష్మద్‌ నెడ్‌, జెర్మియా లూయిస్‌, జైడ్‌ గూలీ, నవీన్‌ బిడైసీ, లెనికో బౌచర్కాగా, ఈ ఏడాది కరీబియన్‌ ప్రీమియర్‌ లీగ్‌ అగస్ట్‌ 14 నుంచి సెప్టెంబర్‌ 21 వరకు జరుగుతుంది.

మహిళల కరీబియన్‌ ప్రీమియర్‌ లీగ్‌ 2024 ఎడిషన్‌ ఛాంపియన్‌గా బార్బడోస్‌ రాయల్స్‌ నిలిచింది. నిన్న (ఆగస్ట్‌ 29) జరిగిన ఫైనల్లో రాయల్స్‌ ట్రిన్‌బాగో నైట్‌రైడర్స్‌పై 4 వికెట్ల తేడాతో విజయం సాధించి వరుసగా రెండో ఏడాది టైటిల్‌ సొంతం చేసుకుంది. నిన్నటి మ్యాచ్‌లో తొలుత బ్యాటింగ్‌ చేసిన నైట్‌రైడర్స్‌ నిర్ణీత 20 ఓవర్లలో 8 వికెట్ల నష్టానికి 93 పరుగులు చేసింది. జెనీలియా గ్లాస్గో (24), శిఖా పాండే (28), కైసియా నైట్‌ (17 నాటౌట్‌) రెండంకెల స్కోర్లు చేశారు. ఆలియా అలెన్‌ 4 వికెట్లు తీసి నైట్‌రైడర్స్‌ను భారీ దెబ్బకొట్టింది. హేలీ మాథ్యూస్‌ 2, చినెల్‌ హెన్రీ ఓ వికెట్‌ పడగొట్టారు.94 పరుగుల లక్ష్యాన్ని ఛేదించేందుకు బరిలోకి దిగిన రాయల్స్‌.. చమారీ ఆటపట్టు (39 నాటౌట్‌) రాణించడంతో 15 ఓవర్లలో 6 వికెట్లు కోల్పోయి విజయతీరాలకు చేరింది. హేలీ మాథ్యూస్‌ (13), క్యియాన జోసఫ్‌(14), లారా హ్యారిస్‌ (15) రెండంకెల స్కోర్లు చేశారు. నైట్‌రైడర్స్‌ బౌలర్లలో సమారా రామ్‌నాథ్‌ 2, అనిసా మొహమ్మద్‌, జెస్‌ జొనాస్సెన్‌, శిఖా పాండే తలో వికెట్‌ పడగొట్టారు. నాలుగు వికెట్లు పడగొట్టి నైట్‌రైడర్స్‌ను దెబ్బకొట్టిన ఆలియా అలెన్‌కు ప్లేయర్‌ ఆఫ్‌ ద మ్యాచ్‌ అవార్డు దక్కగా.. టోర్నీ ఆధ్యాంతం రాణించిన హేలీ మాథ్యూస్‌కు ప్లేయర్‌ ఆఫ్‌ ద సిరీస్‌ అవార్డు లభించింది.

మహిళల కరీబియన్‌ ప్రీమియర్‌ లీగ్‌లో గయానా అమెజాన్‌ వారియర్స్‌తో ఇవాళ జరిగిన మ్యాచ్‌లో ట్రిన్‌బాగో నైట్‌రైడర్స్‌ సూపర్‌ ఓవర్‌లో విజయం సాధించింది. ఈ మ్యాచ్‌లో నిర్ణీత ఓవర్లు ముగిసే సరికి ఇరు జట్లు 128 పరుగులకు పరిమితం కాగా.. మ్యాచ్‌ సూపర్‌ ఓవర్‌కు దారి తీసింది. సూపర్‌ ఓవర్‌లో తొలుత బ్యాటింగ్‌ చేసిన నైట్‌రైడర్స్‌ వికెట్‌ నష్టపోకుండా 19 పరుగులు చేయగా.. ఛేదనలో చేతులెత్తేసిన అమెజాన్‌ వారియర్స్‌ ఆరు బంతుల్లో 2 వికెట్లు కోల్పోయి ఐదు పరుగులకు మాత్రమే పరిమితమైంది. ఫలితంగా నైట్‌రైడర్స్‌ విజయబావుటా ఎగురవేసింది.వివరాల్లోకి వెళితే.. మహిళల కరీబియన్‌ ప్రీమియర్‌ లీగ్‌ మ్యాచ్‌-4లో ఇవాళ గయానా అమెజాన్‌ వారియర్స్‌, ట్రిన్‌బాగో నైట్‌రైడర్స్‌ జట్లు తలపడ్డాయి. ఈ మ్యాచ్‌లో తొలుత బ్యాటింగ్‌ చేసిన నైట్‌రైడర్స్‌ నిర్ణీత 20 ఓవర్లలో 8 వికెట్ల నష్టానికి 128 పరుగులు చేసింది. డియెండ్రా డొట్టిన్‌ (53) అర్దసెంచరీతో రాణించగా.. హర్షిత మాధవి (18), శిఖా పాండే (25), నైట్‌ (16) రెండంకెల స్కోర్లు చేశారు. వారియర్స్‌ బౌలర్లలో షబ్నిమ్‌ ఇస్మాయిల్‌, ఎరిన్‌ బర్న్స్‌, రామ్హరాక్‌ తలో రెండు వికెట్లు పడగొట్టగా.. క్లో టైరాన్‌ ఓ వికెట్‌ దక్కించుకుంది.129 పరుగుల స్వల్ప లక్ష్యాన్ని ఛేదించేందుకు బరిలోకి దిగిన వారియర్స్‌.. ఆది నుంచి నిదానంగా ఆడి విజయం సాధించలేకపోయింది. ఆ జట్టు నిర్ణీత ఓవర్లలో 5 వికెట్ల నష్టానికి నైట్‌రైడర్స్‌ చేసినన్ని పరుగులే చేసింది. ఎరిన్‌ బర్న్స్‌ (61) అర్ద సెంచరీతో రాణించగా.. షెమెయిన్‌ క్యాంప్‌బెల్‌ (25), లారెన్‌ హిల్‌ (11) రెండంకెల స్కోర్లు చేశారు. నైట్‌రైడర్స్‌ బౌలర్లలో జైదా జేమ్స్‌, గ్లాస్గో, సమారా రామ్‌నాథ్‌ తలో వికెట్‌ పడగొట్టారు.


 సెయింట్ కిట్స్: ట్వంటీ 20 క్రికెట్ లో విధ్వంసకర ఆట తీరు ఎలా ఉండాలో మరోసారి రుచి చూపించారు న్యూజిలాండ్ క్రికెటర్ బ్రెండన్ మెకల్లమ్, వెస్టిండీస్ క్రికెటర్  డారెన్ బ్రేవోలు.  కరీబియన్ ప్రీమియర్ లీగ్ (సీపీఎల్) టీ 20లో భాగంగా ట్రిన్బాగో నైట్‌ రైడర్స్‌ తరపున ఆడుతున్న వీరిద్దరూ మెరుపు ఇన్నింగ్స్ ఆడారు. డారెన్ బ్రేవో 10 బంతుల్లో ఆరు సిక్సర్లతో చెలరేగి ఆడగా, మెకల్లమ్ 14 బంతుల్లో 5 ఫోర్లు, 3 సిక్సర్లతో దూకుడుగా ఆడాడు.  బ్రేవో అజేయంగా 38 పరుగులు, మెకల్లమ్ 40 నాటౌట్ లు విశేషంగా రాణించి జట్టు విజయంలో ముఖ్య భూమిక పోషించారు.
 
 బుధవారం జరిగిన ఈ మ్యాచ్ లో తొలుత బ్యాటింగ్ చేసిన పాట్రియాట్స్ 13 ఓవర్లలో మూడు వికెట్లకు 162 పరుగులు చేసింది. ఓపెనర్ క్రిస్ గేల్(93;47 బంతుల్లో 5 ఫోర్లు, 8 సిక్సర్లు) ఆకాశమే హద్దుగా చెలరేగి జట్టు భారీ స్కోరు చేయడంలో సహకరించాడు. అయితే ఆపై ట్రింబాగో నైట్‌ రైడర్స్‌ ఆటగాళ్లు మెకల్లమ్, బ్రేవో దాటికి స్కోరు బోర్డు పరుగులు పెట్టింది. వీరిద్దరి జోరుకు  5.2 ఓవర్లలో (డక్ వర్త్ లూయిస్) రెండు వికెట్లు కోల్పోయిన  నైట్ రైడర్స్ 88 పరుగులు చేసి విజయం సాధించింది. ప్రధానంగా చివరి 13 బంతుల్లో మెకల్లమ్, బ్రేవోలు ఇద్దరూ కలిపి ఎనిమిది సిక్సర్లు సాధించడంతో నైట్ రైడర్స్ ఇంకా నాలుగు బంతులు మిగిలి ఉండగానే గెలుపొందింది.