ఇంత కాలం కేవలం సినిమా హీరోలుగానే ఉన్న మన స్టార్స్ ఈ మధ్య కాలంలో టీవీ చానల్‌ యాంకర్స్‌గా మారిపోయి తమ సత్తా చూపిస్తున్నారు. టెలివిజన్‌లో కూడా తమ అభిమానులను అలరిస్తూ వారి మనసులు గెలుచుకుంటున్నారు. మెగాస్టార్‌ చిరంజీవి నుంచి చిన్న సినిమా హీరోల వరకు అందరూ ఇప్పుడు హోస్ట్ అవ్వడానికి ఏ మాత్రం సంకోచించడం లేదు. పైగా సినిమాలకు ఏ స్థాయి రెమ్యునిరేషన్‌ తీసుకుంటారో అంతే పారితోషికం తీసుకుని యాంకరింగ్ చేస్తున్నారు. తెలుగులో ఇప్పటికే చాలా మంది హీరోలు టీవీ చానల్‌ హోస్టులు అయ్యారు. అయితే ఇప్పుడు తాజాగా నటరత్న నందమూరి బాలకృష్ణ కూడా ఈ జాబితాలో చేరాడు.ప్రముఖ ఓటీటీ సంస్థ ఆహా కోసం అన్‌స్టాపబుల్ NBK అనే టాక్ షోను బాలకృష్ణ చేయబోతున్నారు. అయితే మరి ఈయన కంటే ముందు హోస్టులుగా మారిన హీరోలెవరో ఓ సారి చూద్దాం.. మెగాస్టార్‌ చిరంజీవి స్టార్ మా చానల్‌కు 'మీలో ఎవరు కోటీశ్వరుడు'తో హోస్టుగా మారి తన అభిమానులను అలరించారు. కింగ్‌ నాగార్జున బిగ్ బాస్ (స్టార్ మా), మీలో ఎవరు కోటీశ్వరుడు (స్టార్ మా)కు హోస్టుగా అలరించి ప్రేక్షకుల మన్ననలు పొందారు. జూనియర్ ఎన్టీఆర్ బిగ్ బాస్ సీజన్ 1 (స్టార్ మా), ఎవరు మీలో కోటీశ్వరులు (జెమినీ)తో హోస్టుగా మారి తన అభిమానులను అలరించారు. రానా దగ్గుబాటి నెంబర్ వన్ యారీ (జెమినీ)కు హోస్టుగా అలరించి ప్రేక్షకుల మన్ననలు పొందారు. నాచురల్‌ స్టార్‌ నాని బిగ్ బాస్ సీజన్ 2 (స్టార్ మా)కు హోస్టుగా అలరించి ప్రేక్షకుల మన్ననలు పొందారు. సాయికుమార్ వావ్, మనం (ఈటీవీ)కు హోస్టుగా అలరించి ప్రేక్షకుల మన్ననలు పొందారు. జగపతిబాబు హోస్టుగా మారి కో అంటే కోటి టీవీ షోతో ప్రేక్షకులను అలరించారు.

న్యూఢిల్లీ: రాజకీయ రంగంలో వాళ్లిద్దరికీ ఒక ప్రత్యేక గుర్తింపు ఉంది. అభిప్రాయాలను చెప్పడంలో, ప్రత్యర్థుల్ని ఇరకాటంలో పెట్టేలా సమాధానం ఇవ్వడంలోనూ వారికి వారే సాటి. అయితే ఇప్పుడు వారు తమ స్థానాన్ని మార్చుకొని ప్రశ్నించే స్థానంలోకి వస్తున్నారు. లోక్‌సభ, రాజ్యసభల టీవీలను కలిపేస్తూ కొత్తగా వచి్చన సంసద్‌ టీవీలో ప్రతిపక్ష ఎంపీలు శశిథరూర్, ప్రియాంక చతుర్వేది యాంకర్లుగా దర్శనమివ్వబోతున్నారు. కాంగ్రెస్‌ ఎంపీ శశిథరూర్‌ ‘టు ది పాయింట్‌’ అనే కార్యక్రమాన్ని హోస్ట్‌ చేయబోతుండగా, శివసేన ఎంపీ ప్రియాంక చతుర్వేది ‘మేరి కహానీ’ అనే కార్యక్రమాన్ని నిర్వహించబోతున్నారు. థరూర్‌ నిర్వహించే కార్యక్రమంలో ప్రముఖులతో వివిధ అంశాలపై లోతైన చర్చలు  ఉంటే, చతుర్వేది మహిళా ఎంపీల రాజకీయ ప్రయాణాన్ని ప్రేక్షకులకు పరిచయం చేయనున్నారు.

బ్రెసీలియా : వర్క్‌ఫ్రమ్‌ హోమ్‌ చేస్తున్న ఓ టీవీ యాంకర్‌కు భార్య షాక్‌ ఇచ్చింది. అతడు లైవ్‌ ఇంటర్వ్యూ చేస్తున్న సమయంలో నగ్నంగా కెమెరాలో కనిపించి అతడ్ని నవ్వుల పాలు చేసింది. గత జులై నెలలో చోటుచేసుకున్న ఈ వీడియో మరోసారి సోషల్‌ మీడియాలో వైరల్‌గా మారింది. వివరాల్లోకి వెళితే.. బ్రెజిల్‌కు చెందిన టీవీ యాంకర్‌ ఫాబియో పోర్‌చాట్‌ జులై 3వ తేదీన ప్రముఖ రాజకీయ నేత గుల్‌హెర్మీ బౌలోస్‌తో ఇన్‌స్టాగ్రామ్‌లో‌ లైవ్‌ ఇంటర్వ్యూ చేస్తున్నాడు. అంతా బాగానే జరుగుతున్న సమయంలో ఫాబియో భార్య నటాలి నగ్నంగా కెమెరా ఎడమ వైపునుంచి కుడివైపునకు దాక్కుని వెళ్లింది. ( వైరల్‌: శునకాలకు ఐపీఎల్‌ ఫీవర్‌!) ఈ దృశ్యాన్ని చూసిన బౌలోస్‌ గట్టిగా నవ్వుతూ అదేంటని ప్రశ్నించాడు. దీంతో కంగుతిన్న ఫాబియో భార్య వైపునకు తిరిగి మందలించాడు. ఇక చేసేదేంలేక బౌలోస్‌తో కలిసి నవ్వటం ప్రారంభించాడు. అయితే ఇందుకు సంబంధించిన వీడియో బయటకు రావటంతో.. అదికాస్తా సోషల్‌మీడియాలో వైరల్‌గా మారింది. ( ఎలుకకు అత్యంత అరుదైన గౌరవం )

లాస్ ఏంజిల్స్: బ్రిటీష్ గేమ్ షో "హూ వాంట్స్ టు బి ఎ మిలియ‌నీర్" కార్య‌క్ర‌మం స‌రిహ‌ద్దులు దాటుతూ మిగ‌తా దేశాల‌కు వ్యాప్తి చెందింది. అమెరికాలో ఈ షో వ్యాఖ్యాత‌గా వ్య‌వ‌హ‌రించే రెజిస్ ఫిల్‌బిన్(88) శుక్ర‌వారం రాత్రి క‌న్ను మూశారు. కాగా ఆయ‌న గ‌త నెల‌లోనే పుట్టిన‌రోజు జ‌రుపుకున్నారు. ఇక లాస్ ఏంజిల్స్‌లో త‌న బుల్లితెర ప్ర‌యాణాన్ని ప్రారంభించిన ఆయ‌న‌ 'హూ వాంట్స్ టు బి ఎ మిలియ‌నీర్' కార్య‌క్ర‌మానికి కొన్ని ద‌శాబ్దాలుగా వ్యాఖ్యాత‌గా వ్య‌వ‌హ‌రించారు. ఈ ప్రోగ్రామ్‌ వారంలో ఐదు రోజుల పాటు ప్ర‌సార‌మ‌య్యేది. ఇది టీవీ చ‌రిత్ర‌లోనే అత్య‌ధిక ఆదాయం గ‌డించిన‌ టెలివిజ‌న్ షోగా‌ కీర్తి గ‌డించింది. ఈ కార్య‌క్ర‌మం ప్రారంభమైన తొలి రెండు సంవ‌త్స‌రాల్లో 1 బిలియ‌న్ డాల‌ర్లు ఆర్జించింది. (డాడీ బాండ్‌) ఈ షో వ‌ల్ల ఫిల్‌బిన్‌ పాపులారిటీతో పాటు ఎక్కువ మొత్తంలో డ‌బ్బులు సంపాదించారు. ముఖ్యంగా ఈ కార్య‌క్ర‌మంలో అత‌ని డైలాగ్ "ఈజ్ ద‌ట్ యువ‌ర్ ఫైన‌ల్ ఆన్స‌ర్‌?(ఇదే మీ ఆఖ‌రి స‌మాధానమా)" ఇప్ప‌టికీ చాలామంది నోళ్ల‌లో నానుతూనే ఉంటుంది. అలాగే ఆయ‌న వ‌స్త్ర ధార‌ణ భిన్నంగా ఉండి ట్రెండ్ సెట్ట‌ర్‌గా నిలిచేది. డేటైమ్ ఎమ్మీస్ నుంచి ఆయ‌న‌ లైఫ్‌టైమ్ అచీవ్‌మెంట్ అవార్డు అందుకున్నారు. 'లైవ్ విత్ కెల్లీ అండ్ రియాన్'‌, 'ద రెజిస్ ఫిల్‌బిన్' కార్య‌క్ర‌మాల‌కు వ్యాఖ్యాత‌గా వ్య‌వ‌హ‌రించారు. ఇదిలా వుండ‌గా 'హూ వాంట్స్ టు బి ఎ మిలియ‌నీర్' కార్య‌క్ర‌మం భార‌త్‌లో 'కౌన్ బ‌నేగా క‌రోడ్‌ప‌తి', 'మీలో ఎవ‌రు కోటీశ్వ‌రుడు?' వ‌ంటి ప‌లు పేర్ల‌తో అత్యంత ఆద‌ర‌ణ సంపాదించుకుంది. (హాలీవుడ్‌ కంపోజర్‌ మోరికోన్‌ మృతి )

అప్పటి వరకు కోతిని ఒళ్లో కూర్చోబెట్టుకుని సరదాగా ముద్దు చేసిన యాంకర్‌ ఒక్కసారిగా కోతిని నెట్టేసి సెట్‌లో నుంచి బయటకు పరుగులు తీసింది. ఈ  సరదా ఘటన ఈజిప్టులో చోటుచేసుకుంది. వివరాల్లోకి వెళితే.. లోబ్నా అసల్‌ అనే  మహిళ  జర్నలిస్ట్‌ తన సహ జర్నలిస్ట్‌లతో కలిసి టెలివిజన్‌ వ్యాఖ్యాతగా వ్యవహరిస్తుంది. వీరు  ఇంటర్యూ చేస్తున్న ఈజిప్టు నటుడు తనతో ఓ కోతిని వెంట తీసుకొచ్చాడు. కోతిపై ముచ్చటపడ్డ యాంకర్‌ దానిని తన పక్కన కూర్చోబెట్టుకుని ఆడించింది. (ఫోన్‌లో గేమ్ ఆడిన క‌ప్ప‌; చివ‌ర్లో మాత్రం) యాంకర్‌తో కోతి కాసేపు బాగానే ఉంది. అయితే ఇంటర్వ్యూ మధ్యలో అనూహ్యంగా కోతి యాంకర్‌పై తిరగబడింది. ఆమెపై దూకి కాళ్లు గోకడం ప్రారంభించింది. కోతి దాడి చేయంతో ఒక్కసారిగా ఉలిక్కిపడి లేచిన యాంకర్‌ దాన్ని అదుపు చేసేందుకు ప్రయత్నించింది. అయినప్పటికీ ఏమాత్రం తగ్గకపోవడంతో కోతి నుంచి రక్షించుకోడానికి దాన్ని నెట్టేసి సెట్‌ నుంచి పరుగులు తీసింది. చివరికి  ఓ వ్యక్తి వచ్చి కోతిని తీసుకున్నాడు. మూడు రోజుల క్రితం యూట్యూబ్‌లో షేర్‌ చేసిన ఈ వీడియో ప్రస్తుతం సోషల్‌‌ మీడియాలో ట్రెండ్‌ అవుతోంది.  ఇప్పటి వరకు దీనిని 50 వేల మంది వరకు వీక్షించారు. (వైరల్‌: జలకాలాటల్లో ఏమీ హాయిలే..)

నటిగా ఎప్పుడో నిరూపించుకున్నారు రాధిక. వెండితెరపై సినిమాలతో, బుల్లితెరపై సీరియల్స్‌తో ప్రేక్షకులను మెప్పిస్తున్నారు. ఇప్పుడు ఆమె కొందరిని కోటీశ్వరులను చేయబోతున్నారు. క్విజ్‌లో క్వశ్చన్స్‌కు సరైన సమాధానాలు చెబితే కోటీశ్వరులు అయిపోయే అవకాశం ఉన్న షోను హోస్ట్‌ చేయబోతున్నారు. ఈ షోలో మరో విశేషం ఏంటంటే.. ఇందులో కేవలం మహిళలు మాత్రమే పాల్గొంటారట. హిందీ పాపులర్‌ టీవీ షో ‘కౌన్‌ బనేగా కరోడ్‌ పతి’ షో ఆధారంగా ఈ షోను డిజైన్‌ చేశారని టాక్‌. ఆల్రెడీ ఈ షోకు సంబంధించిన ఫొటోషూట్‌లో కూడా పాల్గొన్నారు రాధిక. డిసెంబరు నుంచి ఓ ప్రముఖ చానెల్‌లో ఈ షో ప్రసారం కానుంది. ఈ షోకు ‘కోడీశ్వరి’ అనే పేరు పెట్టాలనకుంటున్నారట.  అంటే.. కోటీశ్వరి అని అర్థం.

బిగ్‌స్క్రీన్‌ ఎంట్రీ కంటే ముందే టెలివిజన్‌లో హోస్ట్‌గా ఎంట్రీ ఇచ్చారు లక్ష్మీ మంచు. ‘లక్ష్మీ టాక్‌ షో, ప్రేమతో మీ లక్ష్మీ, లక్‌ ఉంటే లక్ష్మీ...’ వంటి విభిన్న టెలివిజన్‌ షోలు చేశారు. మంచి హోస్ట్‌ అని ప్రేక్షకులు ఫుల్‌ మార్కులు వేశారు. తాజాగా ‘ఊట్‌’ సబ్‌స్క్రిప్షన్‌ వీడియో అన్‌ డిమాండ్‌ సర్వీస్‌ యాప్‌కు ఓ టాక్‌ షో చేస్తున్నారు లక్ష్మీ మంచు. ఈ ప్రోగ్రామ్‌లో తొలి గెస్ట్‌గా రకుల్‌ ప్రీత్‌ సింగ్‌ పాల్గొన్నారు. త్వరలోనే ‘ఊట్‌’ లో ఈ షో ప్రసారం కానుంది.

లండన్: పదికోట్లు ఇస్తే తన శరీరాన్ని వారికి అప్పగిస్తానని గతంలో చెప్పడంతో ఆమెను అందరూ అసహ్యించుకున్నారు. కానీ అదే మహిళ నేడు తన కుమారుడి కోసం తల్లిగా చేస్తున్న పోరాటాన్ని నెటిజన్లు సహృదయంతో ప్రశంసిస్తున్నారు. మూడో భర్త కీరాన్ హేలర్‌తో కలిసి ఉంటున్న బ్రిటన్ ప్రముఖ మోడల్, సింగర్ కేటీ ప్రైస్ తన జీవితంలో ఏ విషయంలోనూ సిగ్గుపడాల్సిన అంశాలే లేవన్నారు. ఇంకా చెప్పాలంటే.. ఆన్‌లైన్లో కుమారుడిపై వస్తున్న కామెంట్లను అరికట్టేందుకు వేసిన పిటిషన్ తాను చేసిన పనుల్లో అత్యుత్తమమైనదిగా కేటీ అభిప్రాయపడ్డారు. కుమారుడు హార్వీ (15)ని ఎప్పుడూ ఎందుకు ప్రపంచానికి పరిచయం చేస్తున్నారని కొందరు ఆమెను ప్రశ్నిస్తున్నారు. హార్వీలో ఎన్నో లోపాలున్నాయని, కుమారుడి కారణంగా కేటీ ప్రైస్ ఎన్నో అవమానాలు భరిస్తున్నారని.. ఎంతో సహనంతో వాటిని ఎదుర్కొంటున్నారని మరికొందరు నెటిజన్లు ఆమెపై సానుభూతి చూపిస్తున్నారు. ఈ క్రమంలో హార్వీ గురించి తల్లి టీవీ వ్యాఖ్యాత కేటీ ప్రైస్ స్థానిక మీడియాలో చర్చిస్తూ విమర్శకులపై ఆగ్రహం వ్యక్తం చేశారు.'నా కుమారుడు హార్వీ ప్రాడెర్ విల్లీ సిండ్రోమ్, సెప్టో ఆప్టిక్ డిస్‌ప్లేసియా, ఆటిజం లాంటి సమస్యలతో బాధపడుతున్నాడు. అందరు తల్లుల్లాగే నేను కూడా హార్వీని టీవీ షోలకు తీసుకెళ్తున్నాను. తల్లిగా నేను చేయాల్సింది అతడికి మద్ధతుగా ఉండి ప్రేమను పంచడమే. పిల్లల లోపాలను మనం ఎత్తిచూపకూడదు. మనం ఎక్కడికి వెళ్తే వారిని కూడా తీసుకెళ్తే ఎంతో రిలాక్స్ అవుతారు. హార్వీని చూసి నేను సిగ్గుపడాల్సిన, ఆవేదన చెందాల్సిన అవసరమే లేదు. వాడి మంచితనం అందరికీ తెలియాలంటే బయటకు తీసుకెళ్లడమే ఉత్తమమని' మోడల్ కేటీ ప్రైస్ వివరించారు.

న్యూఢిల్లీ: 17 ఏళ్ల కిందట భార్యను హతమార్చిన ప్రముఖ టీవీ యాంకర్‌ సుహైబ్‌ ఇల్యాసికి ఢిల్లీ కోర్టు యావజ్జీవ కారాగార శిక్ష విధించింది. ఒకప్పుడు పాపులర్‌ అయిన 'ఇండియాస్‌ మోస్ట్‌ వాంటెడ్‌' టీవీ క్రైమ్‌ షోకు సుహైబ్‌ హోస్ట్‌గా వ్యవహరించాడు. సుహైబ్‌ భార్య అంజు ఇల్యాసి 2000 సంవత్సరం జనవరి 11న కత్తిపోట్లతో ఆస్పత్రిలో చేరి ప్రాణాలు విడిచింది. మొదట ఆమెది ఆత్మహత్యగా భావించారు. కానీ అంజు తల్లి, సోదరి ఆమెది ఆత్మహత్య కాదని, భర్త ఆమెను ఆత్మహత్య చేసుకునేలా ప్రేరేపించాడని డివిజనల్‌ మేజిస్ట్రేట్‌ ముందు వాంగ్మూలం ఇచ్చారు. కట్నం కోసం అంజును నిత్యం సుహైబ్‌ వేధించేవాడని తెలిపారు. ఈ ఆరోపణలను సుహైబ్‌ తిరస్కరించారు. అతనిపై విచారణకు మొదట ట్రయల్‌ కోర్టు నిరాకరించగా.. అనంతరం ఢిల్లీ హైకోర్టు ఆదేశాలు ఇవ్వడంతో విచారణ మలుపు తిరిగింది. భార్య అంజు చనిపోయిన సమయంలో 'మోస్ట్‌ వాంటెడ్‌ షో' హోస్ట్‌గా, నిర్మాతగా సుహైబ్‌ టాప్‌ పొజిషన్‌లో ఉన్నాడు.

సాక్షి: సన్నీలియోన్‌ తరహాలోనే మరో పోర్న్‌స్టార్‌ బుల్లితెరపై కనిపించే ఏర్పాట్లు జరుతున్నాయి. సన్నీలియోన్‌ గత జీవితాన్ని విడిచిపెట్టి బాలీవుడ్‌లో నటిస్తున్న తరహాలనే మరో పోర్న్‌స్టార్‌ మియా ఖలీఫా కూడా త్వరలోనే ఓ టాక్‌షోకు వ్యాఖ్యాతగా కనిపించబోతోంది. ప్రపంచ వ్యాప్తంగా ఆమెకు అభిమానులు పెద్ద ఎత్తున ఉన్నారు. 2016లో గూగుల్లో అందరికంటే ఎక్కువగా మియా ఖలీఫా గురించే వెతికారు. ప్రస్తుతం ఖలీఫా పోర్న్ సినిమాల్లో నటించడం మానేసింది. గతంలో ఒక ముస్లిం అయి పోర్న్ సినిమాల్లో నటిస్తావా అంటూ ఉగ్రవాద సంస్థల నుండి వార్నింగ్‌లు రావడంతో క్రైస్తవాన్ని స్వీకరించి అమెరికాలో స్థిరపడ్డారు మియాకు బేస్ బాల్, అమెరికన్ ఫుట్ బాల్ అంటే ఇష్టం. ఆమెకు ఉన్న క్రేజ్‌ను చూసి 'కాంప్లెక్స్ న్యూస్' అనే యుట్యూబ్ ఛానల్లో వ్యాఖ్యాతగా అవకాశం వచ్చింది. గిల్బెర్ట్‌ అరేనా అనే బాస్కెట్ బాల్ ప్లేయర్ తో కలసి ఇప్పుడు 'ఔట్ ఆఫ్ బౌండ్స్' అనే టాక్ షో వ్యాఖ్యాతగా వ్యవహరించనుంది. భారత కాలమానం ప్రకారం రేపు మధ్యాహ్నం ఈ షో ప్రసారం కానుంది.


 ఓ యాంకర్‌కు ఆమె మాజీ ప్రియుడు దిమ్మదిరిగే షాక్‌ ఇచ్చాడు. తాము సాన్నిహిత్యంగా ఉన్పప్పుడు దిగిన తన నగ్న ఫొటోలను అతడు ఆన్‌లైన్‌లో లీక్ చేసినట్టు తెలుస్తోంది. నగ్నంగా ఉన్న తన ఫొటోలు ఆన్‌లైన్‌లో వైరల్‌ కావడంతో ఆమె మానసికంగా తీవ్రంగా కుంగిపోయింది.
 
 అర్జెంటినాకు చెందిన 25 ఏళ్ల మోడల్‌, టీవీ హోస్ట్‌ ఇవానా నాదల్‌కు ఈ చేదు అనుభవం ఎదురైంది. ఓ ఫుట్‌బాల్ ఆటగాడైన తన మాజీ ప్రియుడు ఆమె ఫొటోలను ఆన్‌లైన్‌లో లీక్‌ చేయడంతో ఆమె కెరీర్‌ అంతా చిన్నాభిన్నామైంది. బెడ్‌ మీద ఆమె పూర్తి నగ్నంగా పడుకున్న ఫొటోలు ఆన్‌లైన్‌లో లీక్‌ అయ్యాయి. ఈ ఫొటోల్లో ఆమె ముఖం స్పష్టంగా కనిపించకపోయినప్పటికీ.. ఫొటోల్లో ఉన్నది ఇవానానేనని అభిమానులు గుర్తుపట్టారు. ఈ ఫొటోలు ఆన్‌లైన్‌లో హల్‌చల్‌ చేస్తుండటంతో ఇవానా ఇవి తన ఫొటోలేనని అంగీకరించింది.
 
 తన మాజీ ప్రియుడే ఆన్‌లైన్‌లో లీక్‌ చేశాడా? లేక ఎవరికైనా పంపితే వారు పెట్టారా? అన్నది తనకు తెలియదని ఆమె చెప్పింది. అయితే ఈ  ప్రైవేటు ఫొటోలను తాను తన ప్రియుడికి మాత్రమే పంపినట్టు పేర్కొంది. తన ప్రియుడి పేరు ఆమె వెల్లడించకపోయినప్పటికీ ప్రస్తుతం బ్రెజిల్ జట్టు తరఫున ఆడుతున్న ఫుట్‌బాలర్‌ జొనాథన్ కాలెరి అతనని, అతడే ఈ నిర్వాకానికి ఒడిగట్టి ఉంటాడని భావిస్తున్నారు.