ప్రముఖ టెలికం సంస్థలు రిలయన్స్ జియో (Reliance Jio), అక్టోబర్‌ నెలలోనే దేశంలో 5జీ సేవలను (5G Services) ప్రారంభించిన సంగతి తెలిసిందే. తొలి దశ 5జీ నెట్‌వర్క్‌ (5G Network) సర్వీసులను అందుబాటులోకి  తీసుకువచ్చింది. ఇందులో భాగంగా ముందుగా 6 నగరాల్లో జియో ట్రూ 5జీ (Jio True 5G) సర్వీస్‌లు ప్రారంభించగా, తాజాగా మరో రెండు నగరాలకు తన 5జీ సర్వీస్‌లను విస్తరించింది. Jio True 5Gతో వినియోగదారులు తమ స్మార్ట్‌ఫోన్‌లలో 500 Mbps నుంచి 1 Gbps వరకు స్పీడ్‌ పొందవచ్చని కంపెనీ పేర్కొంది. ఇప్పటికే ఆరు నగరాల్లో లక్షల మంది వినియోగదారులకు JioTrue5G సేవలను అందిస్తోంది. తాజాగా  బెంగళూరు, హైదరాబాద్‌లో జియో ట్రూ 5జీ సేవలు లాంచ్‌తో పాటు వినియోగదారులకు వెల్‌కమ్ ఆఫర్‌ను కూడా ప్రకటించింది. ఆఫర్‌లో భాగంగా, ఈ రెండు నగరాల్లోని జియో 5జీ వినియోగదారులు అదనపు ఖర్చులు లేకుండా 1Gbp స్పీడ్‌తో అన్‌లిమిటెడ్‌ డేటాను పొందగలరు. నవంబర్‌ 10 నుంచి ఈ రెండు నగరాల్లో జియో 5జీ సేవలు ప్రారంభం కానున్నాయి.


 హైదరాబాద్, బిజినెస్ బ్యూరో: మొబైల్ ఫోన్ల తయారీ కంపెనీ సెల్‌కాన్ తాజాగా రిలయన్స్ జియోతో చేతులు కలిపింది. ఇందులో భాగంగా సెల్‌కాన్ 4జీ స్మార్ట్‌ఫోన్లు, ట్యాబ్లెట్ పీసీలకూ జియో వెల్‌కం ఆఫర్ వర్తిస్తుంది. సెల్‌కాన్ కస్టమర్లు జియో సిమ్‌ను ఉచితంగా అందుకోవచ్చు. కంపెనీ ప్రస్తుతం క్యూ4జీ ప్లస్, 4జీ ట్యాబ్-7, క్యూ4జీ, 4జీ ట్యాబ్-8 మోడళ్లను అందుబాటులోకి తెచ్చింది. జియో భాగస్వామ్యంతో రానున్న రోజుల్లో కంపెనీ స్మార్ట్‌ఫోన్ అమ్మకాల్లో 4జీ మోడళ్ల వాటా గణనీయంగా ఉంటుందని సెల్‌కాన్ సీఎండీ వై.గురు ఈ సందర్భంగా తెలిపారు. తద్వారా కంపెనీ స్థానం మరింత మెరుగు అవుతుందని అన్నారు.