ఎన్ని ప్రయత్నాలు చేశామన్నది కాదు... లక్ష్యం చేరామా? లేదా? అన్నదే ముఖ్యం’ అన్నట్లుగా పట్టుదలతో ఐపీఎస్‌ సాధించారు ఈ ఆఫీసర్లు. ఒక్కొక్కరిదీ ఒక్కో నేపథ్యం అయినా అందరి టార్గెట్‌ విమెన్‌ ఇన్‌ ఖాకీనే. హైదరాబాద్‌లో జరిగిన 76వ బ్యాచ్‌ రెగ్యులర్‌ రిక్రూట్స్‌ ΄ాసింగ్‌ ఔట్‌ పరేడ్‌లో ఈ ఐపీఎస్‌ ్ర΄÷బేషనరీ అధికారులు ‘సాక్షి ఫ్యామిలీ’తో మాట్లాడిన విశేషాలు...సైబర్‌ నేరాలునియంత్రిస్తానునేను ఢిల్లీలో పుట్టి పెరిగాను. విద్యాభ్యాసం అంతా అక్కడే కొనసాగింది. మా అమ్మ ప్రభుత్వ కళాశాలలో ్ర΄÷ఫెసర్‌గా పని చేస్తున్నారు. నాన్న ఢిల్లీలో జిల్లా విద్యాశాఖ అధికారి. నేను ఢిల్లీ యూనివర్సిటీలో జాగ్రఫీలో గ్రాడ్యుయేషన్‌ పూర్తి చేశాను. జేఎన్‌యూలో మాస్టర్స్‌ చేశాను. తొలి మహిళా ఐపీఎస్‌ అధికారి కిరణ్‌బేడీ గురించి తెలుసుకుంటూ పెరిగాను. ఆమె స్ఫూర్తితోనే ఐపీఎస్‌ కావాలని కలలు కన్నాను. సమాజ సేవలో విమెన్‌ ఇన్‌ ఖాకీగా ఉండాలి అన్నదే నా లక్ష్యం. నా భర్త, మా అత్తమామలు, నా కుటుంబ సహకారంతోనే ఐదో ప్రయత్నంలో నా లక్ష్యాన్ని ఛేదించాను. ఐపీఎస్‌గా సెలెక్ట్‌ కాకముందు ఇండియన్‌ ఇన్ఫర్మేషన్‌ సర్వీసెస్‌లో నాలుగేళ్లు ఢిల్లీలో పని చేశాను. 2018లో నాకు వివాహం అయ్యింది. నా భర్త ఐఆర్‌ఎస్‌ అధికారి. ఐపీఎస్‌ కావాలన్నది నా కల. నా భర్త సహకారంతో నా ప్రయత్నాలు కొనసాగిస్తూనే వచ్చాను. ఐదో ప్రయత్నంలో సాధించాను. నాలుగు ప్రయత్నాల్లోనూ ప్రిలిమ్స్, మెయిన్స్‌ను క్లియర్‌ చేసినా నేను అనుకున్న ఐపీఎస్‌ రాలేదు. అందుకే ప్రయత్నం కొనసాగించాను. ఐపీఎస్‌ శిక్షణ అనేది నన్ను మానసికంగా, శారీరకంగా దృఢంగా మార్చింది. ఏపీ కేడర్‌కు వెళుతున్నాను. మహిళల భద్రతకు, సైబర్‌ నేరాల నియంత్రణకు ్ర΄ాధాన్యత ఇస్తాను. – దీక్ష, ఢిల్లీకిరణ్‌ బేడి స్ఫూర్తి.నేను పెద్ద ΄ోలీస్‌ ఆఫీసర్‌ కావాలన్నది మా అమ్మానాన్నల కల. అది నెరవేర్చినందుకు ఎంతో సంతోషంగా ఉంది. ఆరో ప్రయత్నంలో ఐపీఎస్‌ సాధించాను. నా స్వస్థలం ఉత్తరప్రదేశ్‌లోని ఆజంగఢ్‌. బీటెక్‌ కంప్యూటర్‌ సైన్స్‌లో పూర్తి చేశాను. తర్వాత నుంచి సివిల్‌ సర్వీసెస్‌ కోసం ప్రిపరేషన్‌ మొదలు పెట్టాను. నాన్న వ్యా΄ారం చేస్తుంటారు. మా కుటుంబం నుంచి మొదటి ΄ోలీస్‌ అధికారిని నేనే. మొదటి ఐదు ప్రయత్నాలు విఫలమైనా ఆరో ప్రయత్నంలో సక్సెస్‌ సాధించాను. సివిల్స్‌ క్లియర్‌ చేయాలంటే ఒక మెంటార్‌ తప్పనిసరి అని నా అభి్ర΄ాయం. లేదంటే మార్కెట్‌లో ఉన్న మెటీరియల్‌ అంతా చదువుకుంటూ కూర్చుంటే మన శక్తి, సమయం సరి΄ోదు. అది వృథా ప్రయత్నమే అవుతుంది. ఇప్పటికే సివిల్స్‌ క్లియర్‌ చేసిన వారి సూచనలతో ముందుకు వెళ్లడం ముఖ్యం. నేను ఐదుసార్లు విఫలం అయినా కూడా నా ప్రయత్నాన్ని వదలలేదు. కిరణ్‌బేడీ నాకు స్ఫూర్తి. నేను ఇప్పుడు తెలంగాణ కేడర్‌కు అలాట్‌ అయ్యాను. – వసుంధర యాదవ్, ఉత్తరప్రదేశ్‌నా శక్తిని తెలుసుకున్నానుచదువుకునే సమయంలో మా నాన్నే నీకో లక్ష్యం ఉండాలమ్మా అన్నారు. ΄ోలీస్‌ ఆఫీసర్‌ కావాలనుకున్నాను. మాది నంద్యాల. వ్యవసాయ కుటుంబం. అమ్మా నాన్నలు పెద్దగా చదవక΄ోయినా మా చదువుల విషయంలో ఎంతో శ్రద్ధ తీసుకున్నారు. కెరీర్‌ విషయంలోనూ పూర్తి స్వేచ్ఛ ఇచ్చారు. సమాజ సేవలో ప్రజలకు దగ్గరగా ఉండాలని నా లక్ష్యం. 2020లో మొదటి అటెంప్ట్‌ చేశాను. 2022 రెండో ప్రయత్నంలో ఐపీఎస్‌ సాధించాను. సివిల్స్‌ కోసం ప్రిపేర్‌ అయ్యేప్పుడు ఒక స్ట్రాటజీ ఉండాలి. ఎక్కడ మనం బలంగా ఉన్నాం, ఎక్కడ మెరుగు పర్చుకోవాలన్నది గుర్తించి దానికి తగ్గట్టుగా ప్రిపేర్‌ కావాలి. సీనియర్ల సూచనలు తీసుకోవడం ఉపయోగపడుతుంది. మొదటిసారి నేషనల్‌ ΄ోలీస్‌ అకాడమీలో అడుగుపెట్టినప్పుడు ఇంత కఠినమైన శిక్షణ చేయగలనా అనుకున్నాను. కానీ అకాడెమీ ట్రైనింగ్‌ నాలో శక్తిని తెలుసుకునేలా చేసింది. క్రమంగా మనల్ని శిక్షణలో భాగం చేస్తారు. ఏపీ కేడర్‌కు అలాట్‌ కావడం సంతోషంగా ఉంది. మహిళా భద్రత అనేది నా ప్రధాన లక్ష్యం. – మనీశా రెడ్డి, నంద్యాలఆత్మవిశ్వాసం పెరిగిందినీపై నీకు విశ్వాసం ఉంటే ప్రయత్న లోపం లేకుండా సాధన చేస్తే కాలం కూడా కలిసి వస్తుందని నమ్ముతాను. అపజయాలనేవి మనల్ని నిర్వచించలేవు. కొన్నిసార్లు మీ ప్రయత్నంలో లోపం లేకున్నా ఏదో ఒక చిన్న తప్పుతో విజయం రాక΄ోవచ్చు. అంత మాత్రాన నిరాశ చెందాల్సిన పని లేదు. మాది ఉత్తరప్రదేశ్‌లోని ప్రయాగ్‌రాజ్‌ జిల్లా. నా విజయంలో కుటుంబ సహకారం ఉంది. నేను రైల్వే ట్రాఫిక్‌ సర్వీస్‌లో 2019లో సెలక్ట్‌ అయ్యాను. కానీ నా లక్ష్యం మాత్రం సివిల్‌ సర్వీసెస్‌. నాలుగు ప్రయత్నాల్లో విఫలమైనా నిరాశ చెందలేదు. ఐదోసారి ఐపీఎస్‌ సాధించాను. నా కుటుంబంలో నేనే మొదటి ఐపీఎస్‌ అధికారిని. ఔట్‌డోర్‌ శిక్షణలో 15 కిలోల బరువుతో 40 కిలోమీటర్లు నడవడం వంటి ఎన్నో కఠిన శిక్షణల తర్వాత ఆత్మవిశ్వాసం పెరిగింది. నేను యూపీ కేడర్‌కు అలాట్‌ అయ్యాను. – సోనాలి మిశ్రాఉత్తరప్రదేశ్‌ం

సాక్షి, హైదరాబాద్‌:  దేశంలోనే అత్యంత ప్రతిష్టాత్మకమైన ఇండియన్‌ పోలీస్‌ సర్వీసెస్‌లోకి వచ్చే మహిళా అధికారుల సంఖ్య ఏటా పెరుగుతుండటం శుభపరిణామం అని సర్దార్‌ వల్లభ్‌భాయ్‌ పటేల్‌ నేషనల్‌ పోలీస్‌ అకాడమీ (ఎన్‌పీఏ) డైరెక్టర్‌ ఏఎస్‌ రాజన్‌ అన్నారు. ఆత్మవిశ్వాసంలో పురుషుల కంటే అతివలే మేటి అని చెప్పారు. ప్రతి బ్యాచ్‌లోనూ 20 మందికిపైగా మహిళా ఐపీఎస్‌లు శిక్షణ పొందుతున్నారని తెలిపారు. శిక్షణలోనూ పురుషులకు ఏమాత్రం తీసిపోకుండా ఔట్‌డోర్‌లో సైతం తాము మేటి అని నిరూపిస్తున్నారన్నారు. ప్రస్తుతం శిక్షణ పూర్తి చేసుకున్న 2021 బ్యాచ్‌లోనూ దీక్ష అనే మహిళా ఐపీఎస్‌ బెస్ట్‌ ఔట్‌డోర్‌ ప్రొబేషనరీగా ఐపీఎస్‌ అసోసియేషన్‌ గౌరవ కరవాలాన్ని పొందారని, ఎన్‌పీఏ చరిత్రలో రెండోసారి ఈ ఘనత దక్కించుకున్న అధికారిణిగా నిలిచారని ఆయన పేర్కొన్నారు. ఎన్‌పీఏలో శిక్షణ పొందిన 2021 బ్యాచ్‌ ప్రొబేషనరీ ఐపీఎస్‌ అధికారుల పాసింగ్‌ అవుట్‌ పరేడ్‌ శనివారం జరగనుంది. ఈ సందర్భంగా.. దేశవ్యాప్తంగా శాంతిభద్రతల నిర్వహణలో అత్యంత కీలకమైన ఐపీఎస్‌ అధికారులను తీర్చిదిద్దే ఎన్‌పీఏలో ఇచ్చే శిక్షణ, మారుతున్న పరిస్థితులకు తగి­న విధంగా శిక్షణలో తెచ్చిన మార్పులు తదితర అంశాలపై రాజన్‌ ‘సాక్షి’కి ప్రత్యేక ఇంటర్వ్యూ ఇచ్చారు. ముఖ్యాంశాలు ఆయన మాటల్లోనే..   అకాడమీలోకి వచ్చాక అందరూ సమానమే..  ఐపీఎస్‌కుకు ఎంపికయ్యే వారిలో కానిస్టేబుల్‌ నుంచి ఐపీఎస్‌ల పిల్లల వరకు.. స్థానిక విద్యా సంస్థలు మొదలు కాన్వెంట్లలో చదివిన వారు..అప్పుడే చదువులు పూర్తి చేసుకున్న వారి నుంచి విదేశాల్లో లక్షల జీతాల కొలువులు వదిలి వచ్చే వారి వరకు విభిన్న నేపథ్యాల వారు ఉంటారు. అది ఎన్‌పీఏలోకి రాకముందు వరకే. ఒకసారి అకాడమీలో అడుగుపెట్టిన తర్వాత వారంతా సమానమే. మొదటి రెండు వారాలు ఇదే అంశంపై దృష్టి పెడతాం. ట్రైనీలను బృందాలుగా ఏర్పాటు చేసి వారిలో నాయకత్వ లక్షణాలు పెంచేలా చూస్తాం. ఐపీఎస్‌ అధికారిగా తనతోపాటు వందల మందిని కలుపుకొని నిత్యం పనిచేయాల్సి ఉంటుంది. అందుకు తగ్గట్టుగా వారిని తీర్చిదిద్దుతాం.   నైతిక విలువలు పెంచేలా శిక్షణ  కొత్తగా విధుల్లోకి వచ్చే ఐపీఎస్‌ అధికారుల వైఖరి సరిగా ఉండడం లేదన్న విమర్శల నేపథ్యంలో  8 రాష్ట్రాల్లో 6 విధాలుగా అభిప్రాయాలు సేకరించాం. ఐపీఎస్‌ల వైఖరి, శిక్షణలో ఎలాంటి మార్పులు చేయాలన్న అంశాలపై డీఎస్పీ, సీఐ, ఎస్సై, కానిస్టేబుల్‌ ర్యాంకు వరకు ఒక గ్రూప్, డీఐజీ నుంచి డీజీపీ ర్యాంకు వరకు ఒక గ్రూప్, రెవెన్యూలో వివిధ స్థాయిల అధికారులు ఒక గ్రూప్, ఎన్జీఓలు.. మీడియా ఒక గ్రూప్, సమాజంలో ప్రభావిత స్థానాల్లో ఉన్న వారు ఒక గ్రూప్, ప్రజలు ఒక గ్రూప్‌.. ఇలా వారి అభిప్రాయాలు తీసుకుని వాటిని క్రోడీకరించి బలాలు, బలహీనతలు గుర్తించాం. బాధితులతో ఎలా వ్యవహరించాలన్న అంశంతో పాటు ఐపీఎస్‌ శిక్షణ నైతిక విలువలు పెంచేలా కరికులంలో చాలా మార్పులు చేశాం.   శిక్షణలోనూ స్త్రీ, పురుష తేడా లేదు  అకాడమీలో శిక్షణలో ప్రవేశించిన తర్వాత మహిళలు, పురుషులు అనే తేడా కూడా ఏ అంశంలోనూ ఉండదు. శిక్షణలోనూ మినహాయింపులు ఉండవు. వారంతా కూడా సుశిక్షితులైన పోలీస్‌ అధికారులుగా తయారు కావాల్సిందే. వాస్తవం చెప్పాలంటే ఆత్మవిశ్వాసంలో పురుషుల కంటే మహిళలే మేటి. ప్రతి బ్యాచ్‌లో మేం ఔట్‌డోర్‌ శిక్షణలో మహిళలకు ప్రత్యేకంగా ట్రోఫీ కేటాయిస్తాం. ఆ ట్రోఫీయే ఈసారి దీక్షకు దక్కింది. 2019లోనూ రంజితశర్మ బెస్ట్‌ ఔట్‌డోర్‌ ప్రొబేషనరీగా నిలిచారు. ఔట్‌డోర్‌ శిక్షణలో వాళ్లు పురుషులను వెనక్కి నెట్టి బెస్ట్‌గా నిలిచారు. చూస్తుంటే ఇకపై బెస్ట్‌ లేడీ ప్రొబేషనరీ ఔట్‌డోర్‌ ట్రైనింగ్‌ మాదిరిగా బెస్ట్‌ జెంటిల్‌మెన్‌ ప్రొబేషనరీ ఔట్‌డోర్‌ ట్రైనింగ్‌ అని పెట్టాల్సి వచ్చేట్టుంది.. (నవ్వుతూ..).   ‘సైబర్‌’ సవాళ్లను ఎదుర్కొనేలా ప్రత్యేక శిక్షణ సైబర్‌ నేరాలనేవి భవిష్యత్తులో మనం ఎదుర్కొనబోయే అతిపెద్ద ముప్పు. ఈ సవాళ్లను ఎదుర్కొనేందుకు యువ ఐపీఎస్‌ అధికారులకు ప్రత్యేక శిక్షణ ఇస్తున్నాం. ఇందుకోసం ఎన్‌పీఏలో ప్రత్యేకంగా నేషనల్‌ డిజిటల్‌ క్రైం రిసోర్స్‌ అండ్‌ ట్రైనింగ్‌ సెంటర్‌ (ఎన్‌డీసీఆర్‌టీసీ)ని ఏర్పాటు చేశాం. సరికొత్త సైబర్‌ సవాళ్లను ఎదుర్కొనేలా ఇక్కడ శిక్షణ ఇస్తాం. ఇప్పటికే దేశవ్యాప్తంగా పనిచేస్తున్న 10 వేల మంది వివిధ ర్యాంకుల పోలీస్‌ అధికారులకు ఎన్‌డీసీఆర్‌టీసీలో సైబర్‌ క్రైం దర్యాప్తు, నియంత్రణలో శిక్షణ ఇచ్చాం. ప్రొబేషనరీ ఐపీఎస్‌లతోపాటు సీనియర్‌ ఐపీఎస్‌లకు కూడా వివిధ దశల్లో ఇక్కడ శిక్షణలు ఇస్తుంటాం. మన పోలీసులతో పాటు నేపాల్, భూటాన్, మాల్దీవులు, మారిషస్‌ దేశాల పోలీస్‌ అధికారులకు సైతం శిక్షణ ఇస్తాం.   

సాక్షి,బెంగళూర్‌: కర్నాటక తొలి మహిళా పోలీస్‌ చీఫ్‌గా ఐపీఎస్‌ అధికారి నీలమణి ఎన్‌ రాజు నియమితులయ్యారు. డీజీ,ఐజీపీ ఆర్‌కే దత్తా పదవీవిరమణ చేయడంతో మంగళవారం నూతన డీజీపీగా నీలమణిరాజు నియామకాన్ని ప్రభుత్వం ప్రకటించింది. సీఐడీ చీఫ్‌ కిషోర్‌ చంద్ర, ఏసీబీ హెడ్‌ ఎంఎన్‌ రెడ్డిలు ఈ పదవికి పోటీపడ్డా 1983 బ్యాచ్‌ కర్నాటక కేడర్‌కు చెందిన నీలమణికే ప్రతిష్టాత్మక పోస్ట్‌ దక్కింది. సీనియర్‌ అధికారి కావడంతో నీలమణి వైపు సర్కార్‌ మొగ్గుచూపింది. ప్రస్తుత చీఫ్‌ ఆర్‌కే దత్తాకు మూడునెలలు పొడిగింపు ఇవ్వచ్చని భావించినా చివరకూ నీలమణి నియామకాన్ని ప్రభుత్వం ప్రకటించింది. హోంమంత్రి రామలింగారెడ్డి నేతృత్వంలోని అత్యున్నత ఎంపిక కమిటీ ముగ్గురు సీనియర్‌ ఐపీఎస్‌లతో కూడిన జాబితాను సీఎం సిద్ధరామయ్యకు సమర్పించింది. వీరిలో అత్యంత సీనియారిటీ కలిగిన నీలమణిని ప్రభుత్వం డీజీ,ఐజీపీగా నియమించింది. మరోవైపు కర్నాటకలో తొలిసారిగా మహిళా పోలీస్‌ చీఫ్‌ నియమితులయ్యారని ఐపీఎస్‌ అసోసియేషన్‌ ట్వీట్‌ చేసింది.

ఖాకీవనంలో ప్రతిచెట్టుకీ మీసాలే. ఆకులు.. అక్కడొకటీ ఇక్కడొకటీ! అంతే. వణికే చిగురుటాకులకు అసలే చోటు ఉండదు. అయితే ఐపీఎస్‌ మీరన్‌ మాత్రం ‘గర్ల్స్‌.. భయం లేదు. వచ్చేయండి. యు కెన్‌ డూ ఇట్‌’ అని వెల్‌కమ్‌ చెబుతున్నారు! తన అనుభవాలు నేర్పిన పాఠాలతో ‘లీవ్‌జ్‌ ఆఫ్‌ లైఫ్‌’ అనే పుస్తకం రాసి.. చిన్న పట్టణాల్లో ఉన్న అమ్మాయిలకు కెరీర్‌ వైపు పచ్చటి కార్పెట్‌ పరుస్తున్నారు. ఒక మహిళా ఐపీఎస్‌ ఆఫీసర్‌ రిటైర్‌ అయ్యాక తన సర్వీసులోని అనుభవాలను ఒక పుస్తకంగా రాస్తే... ఆ పుస్తకంలో ఏముంటుందో ఊహించడం కష్టం కాదు. పోలీస్‌ అకాడమీలో ట్రైనింVŠ  దగ్గర్నుంచి, సీనియర్‌ ఐపీఎస్‌ అధికారిగా రిటైర్‌ అయ్యే వరకు ఒక మహిళగా  ఆమెను అడుగడుగునా ‘నీ వల్ల కాదు కానీ, ఇక ఇంటికి పో’ అని మధ్యలోనే వెనక్కు లాగిన వివక్షలు, ‘చూస్తాం ఎంతకాలం ఈ ఉద్యోగంలో ఉంటావో’ అంటూ ఆమెకు నిరంతరం వెంటాడిన సవాళ్లు, వాటన్నిటినీ తట్టుకుని తనేంటో నిరూపించుకోవడం.. ఇలాంటివన్నీ ఆ పుస్తకంలో ఉంటాయి. జైళ్లు, క్రైమ్‌బ్యూరోల అధినేతగా కూడా పని చేసిన మీరన్‌ చద్ధా బొర్వాంకర్‌ వంటి మహిళా ఆఫీసర్‌కి అయితే.. ఒక పుస్తకం ఏంటి.. పుస్త కాల సీరీస్‌నే రాసినా తరగన ంత ‘టఫ్‌ సర్వీస్‌’ ఉంటుంది. కానీ మీరన్‌ వేరు! లీవ్‌జ్‌ ఆఫ్‌ లైఫ్‌ మీరన్‌ చద్ధా సెప్టెంబర్‌ 30న బ్యూరో ఆఫ్‌ పోలీస్‌ రిసెర్చ్‌ అండ్‌ డెవలప్‌మెంట్‌ డైరెక్టర్‌ జనరల్‌ హోదాలో రిటైర్‌ అయ్యారు. అంతకు రెండు వారాల ముందే పుణె ఇంటర్నేషనల్‌ లిటరరీ ఫెస్టివల్‌లో మీరన్‌ పుస్తకం ‘లీవ్‌జ్‌ ఆఫ్‌ లైఫ్‌’ విడుదలైంది. ఇంగ్లిష్, మరాఠీలలో ఒకేసారి రిలీజ్‌ అయిన ఆ పుస్తకంలో ఉన్నవి 126 పేజీలే! ఆ సన్నటి పుస్తకంలో ఆమె తన నెగటివ్‌ అనుభవాల నుంచి అలవరుచుకున్న పాజిటివ్‌ భావాలను మాత్రమే పొందుపరిచారు. అదీ 14–25 ఏళ్ల వయసులో ఉన్న బాలికలు, మహిళల కోసం! మరీ ముఖ్యంగా.. చిన్న పట్టణాలలోని బి, సి కేటగిరీలకు చెందిన అమ్మాయిల కోసం మీరన్‌ ఈ బుక్‌ రాశారు. అందుకు కారణం ఉంది.   ఇంగ్లిష్‌ రాని అమ్మాయి మీరన్‌ ఫాజిల్కా అమ్మాయి. పంజాబ్‌లోని ఒక చిన్న పల్లె లాంటి పట్టణం ఫాజిల్కా. పంజాబీ తప్ప ఇంగ్లిష్‌ రాదు. సివిల్స్‌లో ఎంపికై సర్వీసులో చేరిన కొత్తలో మీరన్‌ చుట్టూ చక్కగా ఇంగ్లిష్‌ మాట్లాడుతుండే పట్టణ ప్రాంతాల సహోద్యోగులు ఉండేవారు. వాళ్లవి కాన్వెంట్‌ చదువులు. చాలా కాన్ఫిడెంట్‌గా ఉండేవారు. మీరన్‌ కూడా వాళ్లతో ఇంగ్లిషులో మాట్లాడేవారు కానీ, అది సొగసైన ఇంగ్లిష్‌ కాదు. ట్రైనింగ్‌లో అయితే ఆమె బ్యాచ్‌మేట్స్‌.. ‘మీరన్‌ పంజాబీలో ఇంగ్లిష్‌ మాట్లాడుతుంది’ అని ఆటపట్టించేవారు. అది పెద్ద సంగతేం కాదు. కానీ.. మాఫియాతో తలపడడం, అక్రమ రవాణా కేసులను శోధించడం, సీక్రెట్స్‌ ఆపరేషన్స్‌ని నిర్వహించడం వంటì  కఠిన పరిస్థితులు మీరన్‌ ఆత్మవిశ్వాసానికి పెట్టేవి! ఆ సందర్భాల నుంచి ఆమె అనేక పాఠాలను నేర్చుకున్నారు. వాటిని మాత్రమే పుస్తకంలో రాశారు. ఒక రోజు సెలవుకే సంశయం! పోలీస్‌ డిపార్ట్‌మెంట్‌లో మగవాళ్లు ఉంటారు. ఆడవాళ్లు ఉంటారు. మగవాళ్లకు యూనిఫామ్‌ పవర్‌ను ఇస్తుంది. అదే పవర్‌ను ఆడవాళ్లకు వాళ్ల ‘కమిట్‌మెంట్‌’ ఇస్తుంది. ఈ మాట మీరన్‌దే. అనుభవంతో ఆమె ఈ విషయాన్ని తెలుసుకున్నారు. ఒక్క పోలీస్‌ డిపార్ట్‌మెంట్‌ అనే ఏముందీ.. ఏ రంగమైనా మహిళలు రాణిస్తున్నారంటే వృత్తి పట్ల వారికి ఉండే అంకితభావమే అందుకు కారణం అవుతుంది. మీరన్‌కు ఒక్కోసారి పిల్లల కోసం ఒక రోజు సెలవు పెట్టవలసి వచ్చేది. ఆ ఒక్కరోజు సెలవు అడగడానికి ఆమె  సతమతమయ్యేవారు. అందుకే ఆమె పనితీరుపై డిపార్ట్‌మెంట్‌కు అంత గౌరవం. అంత నమ్మకం. ఆ గౌరవం, నమ్మకం ఆమెను సూపర్‌ కాప్‌ను చేశాయి. జల్‌గావ్‌ సెక్స్‌ స్కాండల్‌ 35 ఏళ్ల వయసుకే కెరియర్‌లో కీలకమైన స్థానంలోకి వచ్చేశారు మీరన్‌. అంతేకాదు, 1993–95 మధ్య దేశాన్ని కుదిపేసిన ‘జల్‌గావ్‌ సెక్స్‌ స్కాండల్‌’ కేసులో ఆమె ఒక ముఖ్య విచారణ అధికారి. జల్‌గావ్‌ ప్రాంతానికి చెందిన దాదాపు 300 మంది మైనర్‌ బాలికలను, యువతులను అక్రమంగా రవాణా చేసి, వారిని సెక్స్‌ బానిసలుగా చేసిన ఈ హేయమైన నేరంలో పెద్ద పెద్ద రాజకీయ నాయకుల ప్రమేయం కూడా ఉండడంతో మీరన్‌ విచారణపై అనేక రకాలైన ఒత్తిళ్లు వచ్చాయి. మీరన్‌ భయపడలేదు. చివరి వరకు విచారణ కొనసాగించారు. మీరన్‌ రాసిన పుస్తకంలో ఈ యాంగిల్‌ ప్రధానంగా ఉంది. ‘అమ్మాయిలూ.. మీరు ఎంత ఎక్కువమంది ఉద్యోగాలలో ఉంటే, అంత ఎక్కువగా మహిళలకు సమాజంలో న్యాయం జరుగుతుంది’ అని. మీరన్‌ కెరీర్‌ గ్రాఫ్‌ ►1981 నుంచి 2017 వరకు ఈ 36 ఏళ్ల కాలంలోనూ మీరన్‌ చద్ధా మహారాష్ట్ర కేడర్‌ తొలి ఐపీఎస్‌ ఆఫీసర్‌గా అనేక కీలకమైన బాధ్యతలను నిర్వర్తించారు. ►ముంబై డిప్యూటీ కమిషనర్‌ ఆఫ్‌ పోలీస్‌గా, ఔరంగాబాద్, సతారా జిల్లాల ఎస్పీగా, సి.ఐ.డి. క్రైమ్‌ బ్రాంచ్‌ ఆఫీసర్‌గా పనిచేశారు. ►మహారాష్ట్ర జైళ్ల శాఖ చీఫ్‌గా, న్యూఢిల్లీలోని సి.బి.ఐ. యాంటీ–కరప్షన్‌ బ్యూరోకు డి.ఐ.జి.గా, ముంబైలోని ఐ.బి.ఐ. ఎకనమిక్‌ అఫెన్సెస్‌ వింగ్‌ హెడ్డుగా అతి ముఖ్యమైన విధులను నిర్వహించారు. ►1997లో మీరన్‌కు మెరిటోరియస్‌ సర్వీసుకు రాష్ట్రపతి అవార్డు లభించింది. మీరన్‌ ఎడ్యుకేషన్‌ ►1971–72 ప్రాంతంలో మీరన్‌ కాలేజీలో ఉన్నప్పుడు కిరణ్‌ బేడీ తొలి మహిళా ఐపీఎస్‌ ఆఫీసర్‌గా వార్తల్లోకి వచ్చారు. అది చూసి మీరన్‌ కాలేజీ లెక్చరర్‌ ఒకరు, ‘అమ్మాయ్, నీలో కూడా ఆ క్వాలిటీస్‌ ఉన్నాయి. ►పోలీస్‌ డిపార్ట్‌మెంట్‌కు పనికొస్తావు’ అనడంతో మీరన్‌ ఆలోచనలు ఐపీఎస్‌ వైపు మళ్లాయి. అప్పటి వరకు మీరన్‌కు తన ఫ్యూచర్‌ పై స్పష్టత లేదు. బాగా చదివేది, బాగా ఆడేది. అంతవరకే. మీరా? మీరన్‌? పిలవడం మీరా అనే. పేరు మాత్రం మీరన్‌ చద్ధా. తండ్రి ఓ.పి.చద్ధా. సరిహద్దు భద్రతా దళంలో పనిచేశారు. మీరన్‌ భర్త అభయ్‌ బొర్వాంకర్‌. ఐ.ఎ.ఎస్‌. అధికారి. రాజీనామా చేసి, ఫుడ్‌ ప్రాసెసింగ్‌ బిజినెస్‌ పెట్టుకున్నారు. ఇద్దరు మగ పిల్లలు.వ్యక్తిత్వ వికాస గ్రంథాలను చదవడానికి ప్రముఖులు చిన్నతనంగా భావిస్తారు. మీరన్‌ మాత్రం ఇష్టంగా చదువుతారు. కెన్నెత్‌ బ్లాంకార్డ్‌ రాసిన ‘హూ మూవ్డ్‌ మై చీజ్‌’ ఆమెకు నచ్చిన పర్సనాలిటీ డెవలప్‌మెంట్‌ పుస్తకాలలో ఒకటి. కసబ్‌.. మెమన్‌.. సంజయ్‌దత్‌! మహారాష్ట్ర జైళ్ల శాఖ ఇన్‌స్పెక్టర్‌ జనరల్‌గా ఉన్నప్పుడు మీరన్‌ సామర్థ్యానికి మూడు కఠినమైన పరీక్షలు ఎదురయ్యాయి. తల మీద బరువు ముంబై బాంబు పేలుళ్ల (2008) ఉగ్రవాది అజ్మల్‌ కసబ్‌ను అత్యంత రహస్యంగా ఉరి తీయించే బాధ్యతను ప్రభుత్వం మీరన్‌ మీద ఉంచింది. 2012లో పుణెలోని ఎరవాడ జైల్లో నవంబర్‌ 21 ఉదయం 7. 30 నిముషాలకు ఉరితీశారు. కసబ్‌ ఉరికి ముందు ఆ పనులన్నిటినీ పర్యవేక్షించిన మీరన్‌ గంభీరంగానే ఉండగలిగారు కానీ, ఉరి తర్వాత రెండు మూడు రోజుల పాటు తల మీద పెద్ద బరువేదో ఇంకా మిగిలే ఉన్నట్లు ఆమె నలిగిపోయారు. ఉరి తీసేందుకు జరిగే లాంఛనాలు కూడా ఆమెను మానసికంగా చాలా వేధించాయట. నేరస్థులకు ఉరి శిక్ష విధించకుండా, కౌన్సెలింగ్‌తో వారిని మార్చాలన్నది మీరన్‌ వ్యక్తిగత అభిప్రాయం. మొరాయించిన ఖైదీ ముంబై బాంబు పేలుళ్లలో (1993) నిందితుడైన సంజయ్‌ దత్‌ పిటిషన్‌ను సుప్రీంకోర్టు కొట్టేశాక అతడిని 2014లో ముంబై జైలు నుంచి ఎరవాడ జైలుకు తరలించవలసి వచ్చింది. అయితే అదంత తేలిగ్గా జరగలేదు. ముంబై జైలు నుంచి కదిలేందుకు మొరాయించాడు. అప్పుడు మీరన్‌ మీడియా కంట పడకుండా ఒక డి.ఐ.జి.ని పంపించి సంజయ్‌ను ఎరవాడకు తెప్పించారు. జైల్లో సంజయ్‌ సభ్యతగా, చట్టంపై గౌరవభావంతో ఉండడాన్ని ఆమె గమనించారు. వారం క్రితం మీరన్‌ ముంబై ఎయిర్‌పోర్ట్‌లో ఉన్నప్పుడు తన వెనుక ఎవరో ఉన్నట్లు అనిపించి తిరిగి చూశారు. సంజయ్‌ దత్‌! ‘మీరు నన్ను గుర్తు పట్టారా?’ అని దత్‌ని అడిగారు మీరన్‌. ‘ఓ మేమ్‌.. మీరా!’ అని ఆశ్చర్యపోయాడు దత్‌. అంతేకాదు, ‘మేమ్‌ కెన్‌ ఐ ప్లీజ్‌ హగ్‌ యు’ అని కూడా అడిగాడు. ఉరి ఫోటోలు లీక్‌! ముంబై బాంబు పేలుళ్ల కేసు (1993)లో దోషిగా నిర్ధారణ అయిన యాకూబ్‌ మెమన్‌ను 2015 జూలై 30న నాగపూర్‌ జైల్లో ఉరితీశారు. అతడిని ఉరితీయించే బాధ్యత కూడా మీరన్‌ మీదే ఉంచింది ప్రభుత్వం. కస ఉరి రహస్యంగా జరిగితే మెమన్‌ ఉరి బహిరంగ రహస్యంగా జరిగింది. చివరి నిమిషం వరకు మెమన్‌ ఉరి రద్దు కోసం ఆయన కుటుంబ సభ్యులు ప్రయత్నించారు. రాష్ట్రపతి క్షమాభిక్షను తిరస్కరించినప్పుడు ఆ వార్త, ఆ అర్ధరాత్రి మీరన్‌కే ముందు తెలిసింది. అంటే ఉరి తంతుకు సిద్ధంగా ఉండమని. ఆ ఉదయాన్నే మెమన్‌ని ఉరి తీశారు. మీరన్‌ ఇంటికి చేరుకున్నారు! ఆ తర్వాత కొద్దిసేపటికే చీఫ్‌ మినిస్టర్‌ ఆఫీస్‌ నుంచి ఫోన్‌. ఉరి తీస్తున్న ఫొటోలు ఎలా లీక్‌ అయ్యాయి? వాట్సాప్‌లో రౌండ్స్‌ కొడుతున్నాయి చూళ్లేదా అని! మీరన్‌ ఆశ్చర్యపోయారు. ఆ తర్వాత తెలిసిందేమింటే ఏదో సినిమాలో లేడీ ఆఫీసర్‌ దగ్గరుండి ఉరి తీయిస్తున్న సన్నివేశమే ఇలా సోషల్‌ మీడియాలోకి వచ్చిందని!


 న్యూఢిల్లీ: పారా మిలటరీ దళాల తొలి మహిళా చీఫ్‌గా రికార్డు సృష్టించిన సశస్త్ర సీమాబల్(ఎస్‌ఎస్‌బీ) డెరైక్టర్ జనరల్, సీనియర్ ఐపీఎస్ అధికారిణి అర్చన రామసుందరంకు కేంద్ర ప్రభుత్వం అదనపు బాధ్యతలు అప్పగించింది. ఆమెను ఫైర్ సర్వీస్, సివిల్ డిఫెన్స్ అండ్ హోంగార్డ్స్ విభాగానికి డెరైక్టర్ జనరల్‌గా నియమించింది.
 
 తమిళనాడు కేడర్‌కు చెందిన 58 ఏళ్ళ రామసుందరం వచ్చే ఏడాది సెప్టెంబర్‌ 30 వరకు ఎస్‌ఎస్‌బీ డీజీగా ఉంటారు. అంతకుముందు నేషనల్‌ క్రైమ్‌ రికార్డ్స్‌ బ్యూరో (ఎన్సీఆర్బీ) స్పెషల్‌ డైరెక్టర్‌గా ఆమె పనిచేశారు. ఆమెను 2014లో సీబీఐ అదనపు డైరెక్టర్‌గా నియమించడం వివాదాస్పదమైంది. ఆ నియామకాన్ని సుప్రీంకోర్టులో సవాల్‌ చేయడంతో ఎన్సీఆర్బీకి బదిలీ చేశారు.