హైదరాబాద్: ఓ సాధారణ అమ్మాయి ప్రపంచంలో తొలిస్థానానికి చేరుకోగలదని తాను నిరూపించానని ప్రముఖ టెన్నిస్ క్రీడాకారిణి సానియా మీర్జా పేర్కొంది. తన విజయం ఎంతోమంది ఆడబిడ్డలకు స్ఫూర్తిదాయకం అని చెప్పింది. ఆడపిల్లలను కలిగి ఉండటం ఓ బలహీనతగా తల్లిదండ్రులే చూడటం ఈ దేశంలో దురదృష్టకరమని ఆవేదన వ్యక్తం చేసింది.
 
 మహిళల డబుల్స్ విభాగంలో నంబర్ వన్ స్థానాన్ని భారత టెన్నిస్ స్టార్ సానియా మీర్జా సాధించి చరిత్ర సృష్టించిన విషయం తెలిసిందే. డబ్ల్యూటీఏ ఫ్యామిలీ సర్కిల్ కప్ మహిళల డబుల్స్ ఫైనల్స్లో సానియా మీర్జా - మార్టినా హింగిస్ జో్డీ విజయంతో ఈ ఘనత దక్కించుకుంది. భారత్లో ఈ స్థాయికి చేరిన మొదటి మహిళా టెన్నిస్ క్రీడాకారిణి సానియానే.


 చార్లెస్టన్ (యూఎస్‌ఏ): భారత టెన్నిస్ స్టార్ సానియా మీర్జా చరిత్ర సృష్టించింది. మహిళల డబుల్స్ విభాగంలో నంబర్ వన్ స్థానాన్ని సాధించింది. డబ్ల్యూటీఏ ఫ్యామిలీ సర్కిల్ కప్ మహిళల డబుల్స్ ఫైనల్స్లో సానియా మీర్జా - మార్టినా హింగిస్ జో్డీ విజయం సాధించింది. దీంతో మహిళల డబుల్స్లో సానియా ప్రపంచ నెంబర్ వన్గా నిలిచింది. భారత్లో ఈ స్థాయికి చేరిన మొదటి మహిళా టెన్నిస్ క్రీడాకారిణి సానియా.
 
  మహిళల డబుల్స్ ఫైనల్స్లో డెల్లాక్వా - జురాక్ జోడీపై సానియా-హింగిస్లు 6-0, 6-4 స్కోర్తో  గెలుపొందారు. ఈ సీజన్లో సానియా గెలుచుకున్న మూడవ టైటిల్ ఇది.


 చార్లెస్టన్ (యూఎస్‌ఏ): మహిళల డబుల్స్ విభాగంలో నంబర్ వన్ స్థానానికి చేరుకునేందుకు భారత టెన్నిస్ స్టార్ సానియా మీర్జా ఒక్క అడుగు దూరంలో నిలిచింది. డబ్ల్యుటీఏ ఫ్యామిలీ సర్కిల్ కప్‌ టైటిల్ నెగ్గితే సానియా టాప్ ర్యాంకు కైవశం చేసుకుంటుంది.
 
 మార్టినా హింగిస్, సానియా జోడి డబ్ల్యుటీఏ ఫ్యామిలీ సర్కిల్ కప్‌లో ఫైనల్లోకి దూసుకెళ్లింది. ఆదివారం జరిగిన సెమీఫైనల్లో రష్యా క్రీడాకారిణులు అల్ల కుద్రియోత్సవా, అస్తాసియా కుద్రియోత్సవాలను 6-4 1-6 10-7 తేడాతో ఓడించారు. రెండో సెట్ కోల్పోయినప్పటికీ మూడో సెట్ లో పోరాడి సానియా, హింగిస్ జోడి విజయం సాధించింది. ఫైనల్లో డెల్లాక్వా, డారిజా జురాక్ తో వీరు తలపడతారు.