ద్రౌపది, రుద్రతాండవం చిత్రాల ఫేమ్‌ నటుడు రిచర్డ్‌ రిషి, పున్నగై పూ గీత, యషికా ఆనంద్‌ హీరో హీరోయిన్‌లుగా నటించిన చిత్రం సిలనొడిగళిల్‌. ఎస్కైర్‌ ప్రొడక్షన్స్‌ యూకే సంస్థతో కలిసి పున్నగై పూగీత నిర్మించిన ఈ చిత్రానికి వినయ్‌ భరద్వాజ్‌ కథ, దర్శక బాధ్యతలను నిర్వహించారు. ఐదుగురు సంగీతాన్ని అందించిన ఈ చిత్రం ఈ నెల 24న విడుదలకు సిద్ధమవుతోంది. గురువారం సాయంత్రం నిర్వహించిన విలేకరుల సమావేశంలో దర్శకుడు మాట్లాడుతూ ఇది సస్పెన్స్‌, క్రైమ్‌, థ్రిల్లర్‌ చిత్రంగా ఉంటుందన్నారు. ఇందులో రిచర్డ్‌ రిషి లండన్‌లో పేరొందిన కాస్మోటిక్‌ సర్జన్‌గా నటించారన్నారు. పున్నగై పూగీత, రిచర్జ్‌ రిషి అన్యోన్యంగా జీవిస్తూ ఉంటారన్నారు. అలాంటి సమయంలో ప్రముఖ మోడల్‌ నటి యషికా ఆనంద్‌ అతనికి పరిచయం అవుతుందన్నారు. దీంతో వారిద్దరి మధ్య వివాహేత‌ర‌ సంబంధం ఏర్పడుతుందన్నారు. ఆ తర్వాత యషికా ఆనంద్‌ హత్యకు గురవుతుందని, ఆమెను ఎవరు ఎందుకు హత్య చేశారన్నదే చిత్ర ప్రధాన అంశం అని చెప్పారు. ఈ సినిమా పూర్తిగా కొత్తగా ఉంటుందని లండన్‌ నేపథ్యాన్ని చిత్రానికి ఎంచుకున్నట్లు చెప్పారు. ఇంతకుముందు కొన్ని చిత్రాల్లో గ్లామర్‌ పాత్రలు పోషించిన యషికా ఆనంద్‌ ఈ చిత్రంలో చాలా ప్రాధాన్యత కలిగిన పాత్రలో అద్భుతంగా నటించారని, రిచర్డ్‌ రిషి తన పాత్రకు న్యాయం చేశారని నిర్మాత తెలిపారు. సిల నొడిగళిల్‌ చిత్రం ప్రేక్షకులకు సరికొత్త అనుభూతిని కలిగిస్తుందని అభిప్రాయాన్ని వ్యక్తం చేశారు. వచ్చేవారం చిత్రం టీజర్‌, ఈ నెల 24న చిత్రాన్ని విడుదల చేయడానికి సన్నాహాలు చేస్తున్నట్లు నిర్మాత తెలిపారు. చ‌ద‌వండి: గాయత్రి గుప్తాకు ఏమైంది?.. ‍‍అసలా బూతులేంటి!

గ్లామరస్‌ నటిగా ముద్ర వేసుకున్న సంచలన నటి యాషికా ఆనంద్‌. ఈమె ప్రధాన పాత్రలో దెయ్యంగా నటించిన హార్రర్‌ చిత్రం 'చైత్ర'. మార్ప్‌ ప్రొడక్షన్స్‌ పతాకంపై కె.మనోహరన్‌, టి.కన్నన్‌ సంయుక్తంగా నిర్మించారు. అవితేజ్‌, శక్తి మహేంద్ర, పూజ, రమణన్‌, కన్నన్‌, లూయిస్‌, మొసకుట్టి తదితరులు ముఖ్యపాత్రలు పోషించిన ఈ చిత్రం ద్వారా ఎం.జెనిత్‌కుమార్‌ దర్శకుడిగా పరిచయమవుతున్నారు. ఈయన బొట్టు తదితర చిత్రాలకు సహాయ దర్శకుడిగా పనిచేశారు.  తాజాగా ఈ చిత్రం గురించి దర్శకుడు తెలుపుతూ ఇది 24 గంటల్లో జరిగే హార్రర్‌ కథా చిత్రంగా ఉంటుందన్నారు. చిత్రంలో పలు ఆసక్తికరమైన ఘటనలు చోటు చేసుకుంటాయన్నారు. ఇందులో నటి యాషిక ఆనంద్‌ దెయ్యం పాత్రలో భయపెడుతుందన్నారు. అందుకు కారణాలు ఏమిటి అన్నదే చిత్ర కథ అని అన్నారు. ఈ  చిత్రానికి ప్రభాకరన్‌ మెయ్యప్పన్‌ సంగీతాన్ని అందించారని చెప్పారు. ఇప్పటికే చిత్రం నిర్మాణ కార్యక్రమాలు పూర్తి అయ్యాయని త్వరలోనే విడుదలకు సన్నాహాలు చేస్తున్నట్లు ఆయన వెల్లడించారు. కాగా చిత్ర టైలర్‌ను ఇటీవల విడుదల చేయగా ప్రేక్షకుల నుంచి విశేష ఆదరణ లభిస్తుందని తెలిపారు. ఈ చిత్రం కచ్చితంగా విజయం సాధిస్తుందని దర్శకుడు జెనిత్‌కుమార్‌ అన్నారు.

Yashika Anand About Working With SJ Surya In Kadamaiyai Sei: నాగర్‌ ఫిలిమ్స్‌ పతాకంపై టి.ఆర్‌ రమేష్, ఎస్‌ జహీర్‌ హుస్సేన్‌ కలిసి నిర్మింన చిత్రం 'కడమై సెయ్‌'. ఎస్‌జే సర్య, యాషిక ఆనంద్‌ జంటగా నటించిన ఈ త్రానికి వెంకట్‌ రాఘవన్‌ దర్శకత్వం వహించారు. నిర్మాణ కార్యక్రమాలు పూర్తి చేసుకుని ఈనెల 12న తెరపైకి రావడానికి సిద్ధమవుతోంది ఈ చిత్రం. ఈ సందర్భంగా ఆదివారం (ఆగస్టు 07) సాయంత్రం స్థానిక వడపళనిలోని కమలా థియేటర్లో చిత్ర యూత్‌ మీడియా సమావేశం ఏర్పాటు చేసింది.  ఈ సమావేశంలో నటి యాషిక ఆనంద్‌ మాట్లాడుతూ.. ''దర్శకుడు కథ చెప్పినప్పుడు అందులోని హీరోయిన్‌ పాత్రకు నేను న్యాయం చేయగలనా..? అని సందేహం కలిగింది. ఎందుకంటే ఈ చిత్రంలో నటిస్తున్నప్పుడు నా వయస్సు 21. అలాంటిది ఇందులో ఓ బిడ్డకు తల్లిగా నటించే పాత్ర నాది. అప్పటికే నాకు గ్లామర్‌ డాల్‌ అనే ముద్ర ఉంది. దాన్ని  నేను ఎంజాయ్‌ చేస్తున్నాను. ఇక ఈ చిత్రంలో నటనకు అవకాశం ఉన్న పాత్ర దక్కడం సంతోషంగా ఉంది. ఎస్‌జే సూర్యతో కలిసి నటించడం మంచి అనుభవం'' అని పేర్కొంది.  నటుడు ఎస్‌ జే సూర్య మాట్లాడుతూ  చిత్ర నిర్మాత రమేష్‌ చాలా ప్రతిభ కలిగిన వ్యక్తి అని కొనియాడారు. ఇది ఆయన శ్రమతోనే రూపొందిన చిత్రమని పేర్కొన్నారు. మరో నిర్మాత జాకీర్‌ హుస్సేన్‌ ఆయనకు పక్క బలంగా నిలిచారన్నారు. దర్శకుడు వెంకట్‌ రాఘవన్‌ చిత్ర కథను తనకు చెప్పినప్పుడు అందులో కంటెంట్‌ చాలా ముఖ్యంగా అనిపించిందన్నారు. ఈ చిత్రకథ ప్రత్యేకంగా అనిపించడంతో కచ్చితంగా నటించాలని భావించానన్నారు. 'కడమై సెయ్‌' చిత్రం మం విజయం సాధిస్తుందని, కచ్చితంగా ఇది హిందీలోను రీమేక్‌ అవుతుందని అభిప్రాయం వ్యక్తం చేశారు. 

ఈ జన్మలో డ్రైవింగ్‌ జోలికి వెళ్లనంటోంది 'నోటా' హీరోయిన్‌, తమిళ బిగ్‌బాస్‌ కంటెస్టెంట్‌ యషికా ఆనంద్‌. ఆమె ఈ నిర్ణయం తీసుకోవడానికి బలమైన కారణమే ఉంది. గతేడాది యషికా, ఆమె స్నేహితురాలు ప్రయాణిస్తున్న కారు రోడ్డు ప్రమాదానికి గురైంది. ఈ ప్రమాదంలో ఆమె స్నేహితురాలు భవాని మరణించగా యషికా తీవ్రగాయాలతో బయటపడింది. కొంతకాలంపాటు మంచానికే పరిమితమైన యషికా ప్రస్తుతం కోలుకుంది. తాజాగా ఆమె ఇన్‌స్టాగ్రామ్‌లో అభిమానులతో చిట్‌చాట్‌ చేసింది. ఈ సందర్భంగా ఓ నెటిజన్‌.. 'ఆ నీలిరంగు రాయల్‌ ఎన్‌ఫీల్డ్‌ బైక్‌ నీదేనా? ఇప్పటికీ నువ్వు దాన్ని వాడుతున్నావా?' అని అడిగాడు. దీనికి యషికా స్పందిస్తూ.. 'అది నాదే కానీ, దాన్ని నా సోదరుడు వాడుతున్నాడు. నేను డ్రైవింగ్‌కు గుడ్‌బై చెప్పాను' అని బదులిచ్చింది. దీంతో కంగుతిన్న అభిమానుల్లో ఒకరు 'ఎందుకు డ్రైవింగ్‌ మానేశారు? డ్రైవ్‌ చేయడం అంటే మీకు ఇష్టం కదా?' అని అడిగాడు. దీంతో హీరోయిన్‌.. 'అవుననుకోండి. కానీ నా స్నేహితురాలిని నేనే చంపానని చాలామంది పదేపదే అంటున్నారు. అందుకే మంచి కోసమే దాన్ని మానేశాను' అని చెప్పింది. 'మీ బెస్ట్‌ ఫ్రెండ్‌ ఎలా చనిపోయింది?' అని మరో నెటిజన్‌ అడగ్గా.. 'ఎందుకంటే నేను చాలా ఫాస్ట్‌గా కారు నడిపాను' అని బాధతో రిప్లై ఇచ్చింది యషికా. చదవండి: షారుక్‌ నుంచి దూరంగా వెళ్లిపోయా, కానీ.. : గౌరీ ఖాన్‌

రౌడీ హీరో విజ‌య్ దేవ‌ర‌కొండ 'నోటా' సినిమాతో తెలుగు, త‌మిళ ఇండ‌స్ట్రీకి హీరోయిన్‌గా ప‌రిచ‌యం అయింది య‌షికా ఆనంద్‌. ఆ త‌ర్వాత స్పెష‌ల్ సాంగ్స్‌లో ఎక్కువ‌గా క‌నిపించిన ఆమె ప్ర‌స్తుతం నాలుగైదు సినిమాలు చేస్తోంది. అయితే గ‌తేడాది య‌షికా రోడ్డు ప్ర‌మాదానికి గుర‌వ‌గా కొద్దికాలంపాటు మంచానికే ప‌రిమిత‌మైంది. త‌ర్వాత నెమ్మ‌దిగా తిరిగి న‌డ‌వడం మొద‌లు పెట్టిన ఆమె చాలాకాలానికి డ్యాన్స్ వీడియోను షేర్ చేయ‌గా ప్ర‌స్తుతం అది వైర‌ల్‌గా మారింది.. పాన్ ఇండియా సినిమా పుష్ప‌లోని సామీ.. నా సామీ.. పాట‌కు త‌న‌దైన స్టైల్‌లో స్టెప్పులేసింది. ఈ వీడియోను ఆమె ఇన్‌స్టాగ్రామ్‌లో షేర్ చేసింది. ఏదో అలా ట్రై చేశాను. కానీ నేను సాధార‌ణంగా నేనెలా డ్యాన్స్ చేస్తానో అలాగైతే చేయ‌లేదు. ఇక్క‌డికి రావ‌డానికే ఆరు నెల‌లు ప‌ట్టింది. కాబ‌ట్టి త్వ‌ర‌లోనే మ‌ళ్లీ డ్యాన్స్ చేస్తాను, కాక‌పోతే ఈ ప్ర‌దేశంలో మాత్రం కాదు అని రాసుకొచ్చింది. ఇక ఈ వీడియో చూసిన అభిమానులు యషికా పూర్తి ఆరోగ్యంగా క‌నిపించ‌డంపై సంతోషం వ్య‌క్తం చేస్తున్నారు. 'య‌షికా పూర్తిగా కోలుకుందోచ్', 'ఊ అంటావా మావా.. ఉఊ అంటావా మావా పాట‌కు కూడా డ్యాన్స్ చేయండి' అని కోరుతూ కామెంట్లు చేస్తున్నారు. ఓ నెటిజ‌న్ మాత్రం 'నువ్వింకా బ‌తికే ఉన్నావా?' అని ప్ర‌శ్నించాడు. దీనికి ఓ అభిమాని స్పందిస్తూ.. 'యాక్సిడెంట్‌లో య‌షికా ఫ్రెండ్ చ‌నిపోయారు, ఆమె ప్రాణాల‌తో బ‌య‌ట‌ప‌డింది' అని బ‌దులిచ్చాడు. View this post on Instagram A post shared by Y A S H 🌛🧿🔱⭐️ (@yashikaaannand) View this post on Instagram A post shared by Y A S H 🌛🧿🔱⭐️ (@yashikaaannand)