కర్షి: ఉజ్బెకిస్తాన్‌లో జరుగుతున్న కర్షి చాలెంజర్‌ టెన్నిస్‌ టోర్నీలో భారత ప్లేయర్‌ యూకీ బాంబ్రి సంచలనం సృష్టించాడు. అన్‌సీడేడ్‌గా బరిలోకి దిగిన యూకీ తనకంటే ఎంతో మెరుగైన ర్యాంకు ఉన్న టాప్‌సీడ్, సెర్గీ స్టాఖోవ్‌స్కీ (ఉక్రెయిన్‌)పై గెలుపొందాడు. గురువారం జరిగిన పురుషుల సింగిల్స్‌ క్వార్టర్స్‌లో ప్రపంచ 273వ ర్యాంకర్‌ యూకీ 6–2, 6–4తో స్టాఖోవ్‌స్కీపై అలవోకగా గెలుపొందాడు.
 
 టాప్‌–100 ప్లేయర్‌ను ఓడించడం యూకీకిది ఈ సీజన్‌లో తొలిసారి కావడం విశేషం. 70 నిమిషాలపాటు జరిగిన ఈ మ్యాచ్‌లో భారత ప్లేయర్‌ ఆద్యంతం ఆధిపత్యం ప్రదర్శించాడు. ఓవరాల్‌గా ప్రత్యర్థి సర్వీస్‌ను మూడుసార్లు బ్రేక్‌ చేసిన యూకీ సంచలన విజయం సాధించాడు. సెమీస్‌లో ప్రపంచ 225వ ర్యాంకర్, ఈగర్‌ జెరసిమోవ్‌ (బోస్నియా హెర్జెగోనియా)తో యూకీ తలపడనున్నాడు. 


 జుహై: భారత టెన్నిస్‌ ప్లేయర్‌ యూకీ బాంబ్రీ జుహై ఓపెన్‌ ఏటీపీ చాలెంజర్‌ టోర్నమెంట్‌లో సెమీఫైనల్‌కు చేరుకున్నాడు. అగస్టీన్‌ వెలోటి (అర్జెంటీనా)తో శుక్రవారం జరిగిన క్వార్టర్‌ ఫైనల్లో యూకీ తొలి సెట్‌ను 6–1తో దక్కించుకున్నాడు.
 
 రెండో సెట్‌లో అతను 2–1తో ఆధిక్యంలో ఉన్నదశలో వెలోటి గాయం కారణంగా వైదొలగడంతో యూకీని విజేతగా ప్రకటించారు. శనివారం జరిగే సెమీఫైనల్లో టాప్‌ సీడ్‌ ఎవగెని డాన్‌స్కాయ్‌ (రష్యా)తో యూకీ తలపడతాడు.


 న్యూఢిల్లీ: ఢిల్లీ ఓపెన్లో భారత యువ టెన్నిస్ ఆటగాళ్లు సోమ్దేవ్ దేవ్వర్మన్, యుకీ భాంబ్రీ సెమీస్కు దూసుకెళ్లారు.  శుక్రవారం జరిగిన పురుషుల సింగిల్స్ క్వార్టర్స్లో సోమ్దేవ్ 4-6 6-1 6-3 స్కోరుతో సనమ్ సింగ్పై పోరాడి గెలిచాడు. మరో మ్యాచ్లో యుకీ 7-6 (3) 6-3తో రడు ఆల్బట్పై విజయం సాధించాడు.