ఎమ్మెల్సీగా బొత్స.. 16న అధికారికంగా ప్రకటన

మహారాణిపేట (విశాఖ దక్షిణ): స్థానిక సంస్థల ఎమ్మెల్సీగా మాజీ మంత్రి బొత్స సత్యనారాయణ ఎన్నిక దాదాపు ఖరారైంది. స్వతంత్ర అభ్యర్థి షఫీ ఉల్లా తన నామినేషన్‌ను ఉపసంహరించుకున్నారు. నామినేషన్ల ఉపసంహరణ గడువు ఈ నెల 16వ తేదీ మధ్యాహ్నం 3 గంటల వరకు ఉంది. ఆ రోజు బొత్స సత్యనారాయణ ఎన్నికను అధికారికంగా ప్రకటిస్తామని అధికారులు వెల్లడించారు.

పూర్తయిన నామినేషన్ల పరిశీలన
బుధవారం ఉదయం నామినేషన్ల పరిశీ­లన జరిగింది. జాయింట్‌ కలెక్టర్, రిట­ర్నింగ్‌ అధికారి కె.మయూర్‌ అశోక్‌ ఆధ్వ­ర్యంలో జిల్లా రెవెన్యూ అధికారి కె.మోహన్‌­­కు­మార్, ఇతర రెవెన్యూ అధికారుల పర్య­వేక్షణలో బొత్స సత్యనారాయణ ఎన్నికల ఏజెంట్‌ మణికంఠ నాయుడు, స్వతంత్ర అభ్యర్థి షఫీ ఉల్లా సమక్షంలో నామినేషన్ల పరిశీలన జ­రిగింది. 

అభ్యర్థికి ప్రతి­పా­దన చేసిన ఓటర్లు, ఇతర పత్రాలను క్షుణంగా పరి­శీలించారు. కొద్దిసేపటి తర్వాత 2 నామినే­షన్లు సక్రమంగానే ఉన్నట్టు ఆర్‌వో మయూర్‌ అశోక్‌ ప్రకటించారు. ఆ తర్వాత షఫీ ఉల్లా తన నామినేషన్‌ ఉపసంహరించుకు­న్న­ట్టు ఆర్‌వో మయూర్‌ అశోక్‌కు లేఖ అందజేశారు.

పోటీకి భయపడ్డ కూటమి
ఓటమి భయంతో కూటమి పోటీ నుంచి తప్పు­కుంది. బలం లేకపోయినా పోటీ చేయడానికి చివరి వరకు టీడీపీ ప్రయత్నం చేసింది. పోటీ చేస్తే చిత్తుగా ఓడిపోవడం ఖాయమని ఆ పార్టీ పెద్దలు గ్రహించారు. దీంతో పోటీకి వెనకడుగు వేశారు.