హోం మంత్రి రాకతో పోలీసుల ఓవరాక్షన్‌

విజయవాడ స్పోర్ట్స్‌/రామవరప్పాడు: బుడమేరు వరద బాధితులకు సహాయం అందించాల్సిన పోలీసులు ఆదివారం ఉదయం నుంచి మధ్యా­హ్నం వరకు మిన్నకుండిపోయారు. సింగ్‌నగర్‌ ఫ్లై ఓవర్‌ వద్దకు హోం మంత్రి అనిత రాగానే ఓవరాక్షన్‌ చేశారు. బాధితులను పక్కకు నెట్టేసి ఒక్కసారిగా బారికేడ్‌లను అడ్డం పెట్టారు. దీంతో పోలీసులపై బాధితులు మండిపడ్డారు.

ఇప్పటి­వరకు పట్టించుకోకుండా.. హోం మంత్రి రాగానే.. చచ్చీ చెడి ఈదుకుంటూ.. వచ్చిన మమ్మల్ని పక్కకు తోసేస్తారా అంటూ పోలీసు­లపై విరుచుకుపడ్డారు. తమ వాళ్లను తీసుకొ­చ్చేం­దుకు బోట్లు ఏర్పాటు చేయాలని కోరిన బాధితులపై ఆమె దురుసుగా ప్రవర్తించారు.  కాగా, రామవరప్పాడు ఫ్లై ఓవర్‌ దిగువ ప్రాంతంలోని ఎస్‌ఎల్‌వీ గ్రీన్‌ మెడాస్‌లోని విల్లాలు వరద నీటితో నిండిపోయాయి. ఈ ఎస్‌ఎల్‌వీ విల్లాస్‌లో హోం మంత్రి అనితకు చెందిన విల్లాలు కూడా మునిగి­పోయాయి.