దీపావళికి ప్రత్యేక రైళ్లు.. వివరాలివే..

రైల్వేస్టేషన్‌ (విజయవాడ పశ్చిమ): దీపావళి పండుగ సీజన్‌లో ప్రయాణికుల రద్దీని దృష్టిలో ఉంచుకుని విజయవాడ మీదుగా పలు ప్రత్యేక రైళ్లు నడపనున్నట్లు అధికారులు తెలిపారు.

►మచిలీపట్నం–కర్నూలు సిటీ ప్రత్యేక రైలు (07067) నవంబర్‌ 6, 9, 11, 13, 16, 18, 20, 23, 25, 27, 30 తేదీల్లో మధ్యాహ్నం 3.50కి మచిలీపట్నంలో బయలుదేరుతుంది. తిరుగు ప్రయాణంలో ఈ రైలు (07068) నవంబర్‌ 7, 10, 12, 14, 17, 19, 21, 24, 26, 28, డిసెంబర్‌ 1వ తేదీల్లో రాత్రి 8.00 గంటలకు కర్నూలు సిటీలో బయల్దేరుతుంది.  

►నర్సాపూర్‌–సికింద్రాబాద్‌ ప్రత్యేక రైలు (07455) ఈ నెల 31, నవంబర్‌ 7, 14 తేదీల్లో సాయంత్రం 6.00 గంటలకు నర్సాపూర్‌లో బయలుదేరుతుంది.  

►సికింద్రాబాద్‌–విజయవాడ ప్రత్యేక రైలు (07456) నవంబర్‌ 1, 8, 15 తేదీల్లో రాత్రి 10.55 గంటలకు సికింద్రాబాద్‌లో బయలుదేరుతుంది. 

►సికింద్రాబాద్‌–దానాపూర్‌ ప్రత్యేక రైలు (07460) నవంబర్‌ 7వ తేదీ ఉదయం 5.50 గంటలకు సికింద్రాబాద్‌లో బయలుదేరుతుంది. తిరుగు ప్రయాణంలో ఈ రైలు (07459) నవంబర్‌ 11న ఉదయం 11.00 గంటలకు దానాపూర్‌లో బయలుదేరుతుంది.

►విశాఖపట్నం–సికింద్రాబాద్‌ ప్రత్యేక వారాంతపు రైలు (08579) నవంబర్‌ 3, 10, 17 తేదీల్లో రాత్రి 7.00 గంటలకు విశాఖలో బయలుదేరుతుంది. తిరుగు ప్రయాణంలో ఈ రైలు (08580) నవంబర్‌ 4, 11, 18 తేదీల్లో రాత్రి 7.40 గంటలకు సికింద్రాబాద్‌లో బయలుదేరుతుంది.