ఎల్‌కేజీ విద్యార్థిని చితకబాదిన టీచర్‌!

పెరవలి: ముక్కుపచ్చలారని విద్యార్థిని ఓ ఉపాధ్యాయుడు క్రూరంగా చితకబాదిన ఘట­న తూర్పు గోదా­వరి జిల్లాలో శని­వారం ఆలస్యంగా వెలుగులోకి వచ్చింది. పోలీసులు, బాధితు­ల కథనం ప్రకారం.. నిడదవోలు మండలం కోరుపల్లి గ్రామానికి చెందిన చేబ్రోలు అనిల్‌కుమార్‌ కుమారుడు పెరవలి మండలం కానూ­రు గ్రామంలోని రమా గాయత్రి ప్రైవేటు పాఠశాలలో ఎల్‌కేజీ చదువుతున్నాడు. శుక్రవారం పాఠశాలకు వెళ్లిన సమయంలో ఏడుస్తున్న ఆ విద్యార్థి ఆటో నుంచి దిగలేదు. దీంతో ఉపాధ్యాయుడు అశోక్‌ వచ్చి, ఆ బాలుడిని విచక్షణారహితంగా కొట్టాడు. 

ఇంటికి వచ్చిన తరువాత కూడా బాబు ఏడుస్తుండడంతో ఆరా తీయగా మాస్టారు కొట్టారంటూ వీపుపై ఉన్న గాయాలు చూపించాడు. దీంతో తల్లిదండ్రులు బాలుడిని తీసుకుని శుక్రవారం రాత్రి పెరవలి పోలీస్‌ స్టేషన్‌కు వెళ్లారు. పోలీసులు ఆ బాలు­డిని ఆస్పత్రికి తరలించారు. ఈ ఘటనపై న్యాయమూర్తి అనుమతి తీసుకుని, కేసు నమోదు చేయాల్సి ఉందని, అనుమతి కోసం దరఖాస్తు చేశామని ఎస్‌ఐ ఎం.వెంకటేశ్వరరావు చెప్పారు.