కొత్తగా ముస్తాబైన మారుతి స్విఫ్ట్‌: ధర ఎంతంటే..

సాక్షి, ముంబై: మారుతి సుజుకి తన పాపులర్‌ మోడల్‌ హ్యాచ్‌బ్యాక్ కారు స్విఫ్ట్‌లో అప్‌డేట్‌ వెర్షన్‌ను తీసుకొచ్చింది. 2021 స్విఫ్ట్ ఫేస్‌లిఫ్ట్‌ను దేశంలో విడుదల చేసింది. దీని ధర 5.73 లక్షలు (ఎక్స్-షోరూమ్,న్యూఢిల్లీ) నుండి ప్రారంభం. జనాదరణ పొందిన  మారుతి స్విఫ్ట్‌ కారు ఇంటీరియర్‌ డిజైన్‌, కాస్మొటిక్స్‌ మార్పులతోపాటు భద్రతాపరంగా మెరుగైన ఫీచర్లను జోడింది. 10.67 సెం.మీ మల్టీ-ఇన్ఫర్మేషన్ కలర్ టీఎఫ్‌టీ డిస్‌ప్లే, కొత్త గ్రిల్, మోడల్ కాంట్రాస్ట్ రూఫ్, ‌కొత్త డ్యూయల్-టోన్ ఎక్స్‌టిరియర్‌ లాంటి అప్‌గ్రేడ్స్‌ ఉన్నాయి. 

కొత్త స్విఫ్ట్‌లో ఐడిల్ స్టార్ట్ స్టాప్ (ఐఎస్ఎస్) టెక్నాలజీతో నెక్ట్స్‌ జనరేషన్‌ కే-సిరీస్ డ్యూయల్ జెట్ డ్యూయల్ వీవీటీ ఇంజిన్‌ అందించినట్టు మారుతి సుజుకి ప్రకటించింది. అలాగే కూల్డ్ ఎగ్జాస్ట్ గ్యాస్ రీరిక్యులేషన్ (ఇజిఆర్) వ్యవస్థతో పాటు  కొత్త స్విఫ్ట్‌ తక్కువ ఉద్గారాలను విడుదల చేస్తుందని,  అధిక ఇంధన సామర్థ్యం  దీని  సొంతమని  పేర్కొంది.